You are here

politics

تأملات نرمو

بما أن النهاردة يوم تنضيف الايميل العالمي و يوم نشر حاجات مش أنا اللي كاتبها أقدملكم عمل أخر من أعمال نرمو نظرة تأملية في تأثير المكان على البلطجية (البت باين عليها مثقفة)


تأملات

المظاهرة عالم فيه اللى واقف بيهتف وفيه اللى بيوزع بيان وفيه المخبر وفيه الناضورجى وفيه اللى بيصور وينقل للتليفزيونات وفيه جيوش الامن المركزى واقفين صفوف صفوف ومن وراهم الرتب مترشقة .وفيه البلطجية جنب باشوات الداخلية واقفين زنهار يعلنوا للشعب المخنوق عن " تحالف البلطجية وامن الدولة من اجل التاديب " فى مواجهة حركة كفاية والحملة الشعبية والتحالف الوطنى وكله من اجل التغيير .ولكل مظاهرة لون وطعم ومهازل . ومن مظاهرة الاستفتاء لكنس السيدة ومن شبرا لعدرا الزيتون ومن امبابة لعابدين صوت الهتاف كان له نداء بيخش قلب البيوت وبيعدى صفوف الجيوش وبيخرج للى قاعد على القهاوى واللى ماشى فى الشوارع واللى نايم على الرصيف من غير سكن .

ولما كانت المظاهرة بتتحاصر بالامن ومن وراهم البلطجية يبقى لازم نتكلم عن كل مظاهرة من منظور جديد" لنج "الاوهو تاثير المكان على البلطجية وخاصة ان الداخلية اخترعت وظيفة جديدة اسمها "بلطجى وطنى " .

ومش هابدا بمظاهرة الاستفتاء لان ما كانش فيه اى وقت للتامل وكان لازم اهرب بسرعة قبل ما يحصلى اللى انتوا شوفتوه وعرفتوه فى هذا اليوم الفظيع .

وليد المصري: اقتراح خطة بديلة لمقاطعة الانتخابات

أرسل وليد المصري تلك الخطة لبعض الأفراد طالبا منهم توصيلها للأحزاب و القيادات السياسية، تم مناقشة الخطة في أكثر من اجتماع و الأن وقت نشرها للكل، رجاء المناقشة و التعقيب


ثغرتان فى تعديل المادة 76 و الدستور

و خطَّتَى عمل للتغيير السلمى عام 2005

( بديلاً مُقتَرَحاً لمقاطعة الإنتخابات )

مقدمة :

يظن ترزية القوانين لدى الحزب الوطنى و مَن وراءَهم من الفاسدين و المستبدين أنهم – بتفريغهم للمادة 76 من مضمونها - قد إنتصروا على إرادة شعب مصر و نجحوا فى غلق أبواب الترشيح فى وجه كل المستقلين وحرموا الأحزاب من ترشيح من تشاء و فرضوا سيناريو "التمديد فالتوريث"..... ليس التوريث فى عام 2011 كما يعتقد البعض , لكنه التوريث المضمون لجمال مبارك فى أى وقت بدءاً من عام 2006 إذا إضطر أو إختار الرئيس مبارك أن يتنحى لظروف صحية أو فى حالة وفاته.

البلطجية اشتكوا من كتر مظاهراتي

فيديو الجزيرة

صور الاختطاف عدسة محمد زارع

arrests arrests arrests george ishak arrest

صور طارق حسن (على حد علمي)

مبنى ايفر جرين على اليمين وشارع طلعت حرب وهو مغلق

نرمو تتكلم: اعتصام ليلة صيف

بما أن الوعي المصري عنده وعكة الأيام دي هنشر أنا مقالة نرمين خفاجي الأخيرة، نرمين بتكتب حلو و دمها خفيف و في يوم من الأيام هقنعها تعمل بلوج

قبل ما نبدأ كتابات نرمين السابقة


اعتصام ليلة صيف لزجة

يوم السبت الماضى 30 / 7 / 2005 كان يوما ساخنا فى تاريخ حركات التغيير فى مصر حيث قامت الحكومة باطلاق فرق الكاراتيه لضرب مظاهرة الرفض لنصف دستة حكم جديدة لمبارك بعد دستتين حكم من الانهيار والتدهور والاضمحلال والتردى الى الدرك الاسفل من الفساد والتخلف والفقر والقهر والبطالة .

وقد قامت فرق الكاراتيه الارهابية بترك بصامتها و لطع العلامات على الاجساد من كسر ضلوع و نزيف داخلى الى كدمات ملونة بكافة الوان الطيف بالاضافة الى تكسير الكاميرات والنظارات وتمزيق الملابس وضياع الموبايلات .ولقد بدا لى ذلك اليوم ان الحكومة قد قررت تفطسنا زى الكتاكيت وخاصة ان الجو كان حار وخانق وتخلص علينا باسرع وقت ممكن مع الحرص على القبض على المصورين الصحفيين ودشدشة كاميراتهم لمسح اى اثر للجريمة

الحزب الواطي اللا ديموقراطي

طق حنك بعتلي ملفات فيديو من مظاهرة الحزب الواطي اللا ديموقراطي (بتاع العشرين جنيه) اللي فبركوها قدام مظاهرة ميدان الأوبرا، يللا عشان محدش يقول أني منحاز أديني بدي مساحة لفكر الأخر أهه

أركان الفكر الجديد الأربعة

لا لمبارك أب و ابن لا للفردة و الاستبن 5

اليوم الخامس

صور

مظاهرة كفاية (ميدان الأوبرا)

ده الاختبار الحقيقي للحركة، مظاهرة كفاية اللي بعد الضرب على طول، بدأنا باشاعات أن في ناس عاوزه المظاهرة صامته، ده غير خبر أن النيابة أستدعت القيادات للتحقيق معاها.

المهم شيلنا اليفط و 180 ورقة عليهم مواقع المدونات و الحركات السياسية و غيره و أنطلقنا، أركن بعيد شيل اليفط و اتمشي، أمن كتير في طلعت حرب و بعدين ينقطع و يبان تاني عند ميدان الأوبرا.

ديمقراطية مبارك anti campaign شهادة مبارك في الحضانة لا لا لا لا لا لا
سابوا للمظاهرة رصيف كبير (قدام مكتب مصر للطيران)، البوسترات عملت شغل جامد قوي، العدد عادي مش كبير (ناس قالت 300 ناس قالت 500). الحزب الوطني يا دوبك عرف يلم 15 قعدوا يصبعوا و يبعبصوا الهوا (كله من تأثير الفياجرا).

لا لمبارك أب و ابن، لا للفردة و الاستبن 4

اليوم الرابع:

صور

مظاهرة أدباء و فنانين من أجل التغيير

مظاهرة أدباء و فنانين من أجل التغيير
مظاهرة الفنانين و الأدباء بميدان طلعت، أول تحرك بجد بعد يوم السبت الكئيب، منتعشين من أنتصارنا، تعبانين من مجهود الأيام اللي فاتت، الأدبا طلبوا المظاهرة تكون صامتة، فيها شعر و غنا بس مش هتافات، قررت لو نجحت أعمل بوسترات لمظاهرة كفاية، لو فشلت يبقى يفتح الله.

قابلت سلمى في الشارع بالصدفة، أفتكرنا أيام النسور الصغيرة، لما كنا شباب و أطفال مع بعد بنحاول نفهم و نمارس الديموقراطية، حسيت أن حياتي القصيرة كلها مترابطة كأن عندي خطة، كل حاجة بتصب في بعضها، كل ما أشوف حد من العيال بتوع النسور أحس بالفخر، قابلنا نورا و سيبت اللابتوب في عريبتها و بينا على طلعت حرب.

بص شوف مستر كاراتيه يا حاكمنا بالمباحث كل الشعب بظلمك حاسس
الخارجية الأمريكاني وبخت الأمن على مصيبة يوم السبت، طبعا شدة الودان بتنفع مع اللي عاملينا علينا دكره، التواجد كان مكثف صحيح بس مش زي مظاهرة التجمع، زنقونا عند رصيف مدبولي بس سابوا حته من الكوردون مفتوح و سمحوا للناس تدخل و تخرج و بالتالي اختلطنا بجمهور كتير.

لا لمبارك أب و ابن، لا للفردة و الاستبن 3

اليوم الثالث: الأثنين 1 أغسطس

صور

النائب

قولي يا نائب فكرك ايه يسقط يسقط حسني مبارك
برضه فوت النائب العام، المحامين بيقولوا محصلش تحقيق عرض أوراق فقط، قعدت في الشغل لحد مجالي خبر قرار أخلاء السبيل، هتعملوا ايه يا جماعة، قالك معتصمين لحد ما الناس تطلع فعلا.

مركز الدراسات

شوية و كلموني، سيبنا نقابة المحامين، حصل شد هناك مع ناس معروف عنهم أنهم مباحث و شكلهم مزقزق علينا، الناس قالت ده وقت فرح مش غم بينا نروح على مركز الدراسات الاشتراكية، حصلتهم هناك، تورته و جاتوه و ناس مهيصة، الناس شكلها مجهد جدا، نورا رايحة على الدراسة تجيب أخوها، مش مصدق أنهم هيسيبوهم في ليلتها.

لا لمبارك أب و ابن لا للفردة و الاستبن 2

اليوم التاني: الأحد 31 يوليو

صور

النائب العام

تاني يوم اعتصام عند النائب العام و المعتقلين اتعرضوا على نيابة أمن الدولة، مقدرتش أروح عند النائب العام بسبب الشغل، الأخبار وصلت أن المعتقلين هيتعرضوا تاني على النيابة باكر، كلنا عملنا حسابنا على 15 يوم حبس احتياطي.

التجمع

talk about terrorism
حزب التجمع منظم مسيرة ضد الارهاب، في المعتاد مباشركش أحزاب، المرة دي الناس أتفقت تشارك عشان نبقى نزلنا الشارع تاني يوم الضرب، رحت على التجمع مئات عربيات الأمن المركزي، يجي سبع فرق كاراتيه (بلطجية محترفين) و هاتك يا ضباط و لوائات.

لا لمبارك أب و ابن، لا للفردة و الاستبن 1

أحداث الأيام اللي فاتت لا تقل أهمية أو عنف عن يوم الفتاء الأسود لكن للأسف مش واخدة نفس الاهتمام و الحجم الاعلامي، المرة دي محضرتش أحداث يوم السبت، فمعنديش كتير أقوله، ابدأوا بالروابط دي

أسبوع من الديمقراطية

اليوم الأول: السبت 30 يوليو (الأسود)

صور

الفجر

قرر منظمي مظاهرة الترشيح أن تتركز الشعارات على لا و باطل، فكرنا نعمل بوسترات كتير بنفس التصميم عشان نوحد شكل المظاهرة.

40 posters
أنا و منال و نورا و نورا قعدنا 12 ساعة بنحضر في 40 بوستر، كانت الفكرة عمل حملة انتخابية مضادة، كل بوستر كان شكله كأنه جزء من حملة مبارك بصورة ضخمة لمبارك في الصدارة، فوق الصورة بخط أحمر غليظ مكتوب لا و تحتها للاستهبال، للاستنطاع، للفساد، للاستبداد، للبلطجة، الخ

فكرنا كمان نرد على المقولات الشهيرة بتاعت كل و شبع و اللي نعرفه أحسن من اللي منعرفهوش فقلنا لا ده مبيشبعش و اللي نختاره أحسن من اللي ماخترناهوش.

عملنا بوستر تاني فيه انجازات مبارك في 24 سنة، و دول طبعا تعليم منهار، صحة منهارة، ضحايا التعذيب، الفساد، المبيدات المسرطنة و البطيخ المسموم، الخ، على الناحية التانية كتبنا انجازاته الحقيقية و سيبناها فاضية

و هكذا و هكذا، أربعين بوستر حجم كبير، و مجهود خرافي، في الأخر البوسترز دي بانت لمدة 10 دقايق مثلا و كان مصيرها...

Nora tells about her black saturday experience

while laqst saturday's protest was no less violent than the 25th of May it is recieving less attention. I arrived late so I can't tell you anything about it, but Nora was among the first group to hit the streets, read her account

عودة القناع الأسود

حاميها حراميها

القناع الأسود رجع تاني بانتاج قوي جدا

5.5MB WMV

متشكرين لكل الأقنعة السوداء المبدعة و يا ريت نشوف شغل أكتر و أقنعة أكتر

قرار باخلاء سبيل المعتقلين بكفالة

خبر طازه

قرر النائب العام اخلاء سبيل المعتقلين بكفالة (و ماله سبوبه برضه) و احنا في انتظار اطلاق سراحهم

طبعا موضوع اطلاق السراح ده ممكن يطول في التنفيذ عملا بسياسة الاستهبال و الاستنطاع

دعوة للتظاهر أمام مكتب النائب العام غدا

دعوة للتظاهر أمام مكتب النائب العام غدا الاثنين 1 أغسطس ابتداء من الساعة 11 صباحا. لنطالب باطلاق سراح معتقلي مظاهرة الترشيح.

تم احتجاز 24 من نشطاء حركات التغيير (اثنان منهم في حالة صحية حرجة) في معسكر للأمن المركزي بالدراسة (غير معد لاحتجاز المدنيين) بالأمس بعد تعرضهم لضرب مبرح من قبل قوات الأمن أثناء فض مظاهرة سلمية للقوى الوطنية المطالبة بالتغيير.

تم عرض المعتقلين على نيابة أمن الدولة اليوم و ستستمر التحقيقات معهم غدا صباحا، و من المحتمل حبسهم 15 يوم على ذمة التحقيق.

state terrorism Part 2

They did it again

it's the 25th of May all over, today security forces and thugs attacked peacful protesters, extreme violence, at least two activists had to go to the hospital due to severe injuries, women where sexually harrased again, cameras where confisicated, journalists attacked, around 30 where arrested at least 23 are still in custody and they might be charged and get to spend a few weeks in prison.

Al jazeera managed to show few minutes of footage from the arrests that clearly show the violence, Al Hurra or Al arabia (can't remember which) recorded the sexual harrasment and violence against women but security confisicated the tapes.

I was lucky enough to avoid all this, the university vigil kept me bussy for 20 minutes and I arrived after it was over. this means I'm safe, but it also means I got no photos to show you state terrorism

بيان من المعتصمين

بيان من المعتصمين الممثلين للقوى الوطنية التي شاركت في مظاهرة ٣٠ يوليو احتجاجا على ترشيح حسني مبارك

في أول يوم لترشيح حسني مبارك لفترة رئاسة خامسة كرر النظام فعلته الشنعاء التي ارتكبها يوم الاستفتاء الأسود على التعديل الهزلي للمادة 76 من الدستور يوم 25 مايو 2005.. لقد قام جنرالات الأمن وبمساعدة البلطجية بضرب القوى الوطنية الشريفة التي تنادي بالتغيير ورفض ترشيح حسني مبارك لفترة رئاسة جديدة وتعرضوا للسحل والاعتقال.. و إزاء هذا الموقف اللا سياسي واللا أخلاقي من النظام، وازاء استمرار اعتقال ما يقارب الثلاثين من كافة القوى، وازاء دخول العديد من المتظاهرين للمستشفيات نتيجة للضرب والسحل الذى مارسه الأمن، فقد قرر جمع كبير من مختلف قوى المتظاهرين الاعتصام بنقابة الصحفيين مساء اليوم ٣٠ يوليو احتجاجا على ما يلى:

مظاهرة الترشيح

ما رحتش المظاهرة علشان رجلي متجبسة، لكن هقولكوا الأخبار اللي سمعتها لحد دلوقتي ع التليفون:

مفيش مظاهرة في ميدان التحرير، بيقبضوا على الناس و يضربوهم قبل ما يوصلوا الميدان..ستات و رجالة بيضربوا و بيداس عليهم، و طبعا أي كاميرا بتتاخد عالطول.

اللي عرفت أنه اتقبض عليهم: جورج اسحاق من كفاية و محسن بشير المحامي و د.شريف يونس و أحمد راغب المحامي و وائل خليل.

الناس متجهة ناحية باب اللوق، احتمال المظاهرة تجرى هناك، و هيتجمعوا الساعة 8 في نقابة الصحفيين.

باطل: قولوا معنا لا لمبارك السبت 30 يوليو 6 مساء ميدان التحرير

باطل

إن كان الأمان مفقود
والرزق بيعافر
ربك كبير موجود
على كل شيء قادر
إن كان الكلام بالقد
والظلم مالهوش حد
وان كان الفساد في الحي
لابد يخرج ضي
من وسط سجن كبير
نتلم في التحرير
بعد الخبر ما يطير
ستة في باكر يومه
المصري فاق من نومه
نجمع في قلب ميدان
ناصر، عمل، إخوان
دا شيوعى ودا م الغد
ومن دمياط للسد
م المصنع وم الغيطان
راح نعلن العصيان

يعلن المصريون تضامنهم مع القضاة في مطالبهم لإصلاح النظام القضائي، ولممارستهم حقهم الدستوري في الإشراف الكامل على الانتخابات في مصر. نتجمع سلمياً في ميدان التحرير الساعة السادسة مساء يوم السبت الموافق 30/7/2005 احتجاجا على ترشيح محمد حسني مبارك فى الانتخابات الرئاسية القادمة التي تفتقد إلى الشرعية.

فلنرفض معاً ولاية خامسة لمبارك

فلنرفض معاً ولاية خامسة لمبارك

في مواجهة صريحة لمشاعر الشعب المصري الرافضة، قرر حسني مبارك ترشيح نفسه لفترة ولاية خامسة بعد أن حكم البلاد بالفعل قرابة ربع قرن عمل خلالها على استمرار حالة الطوارئ، وترسانة من القوانين المقيدة للحريات، وانتهاج سياسات اقتصادية ادت الى إفقار متزايد للملايين من أبناء شعبنا، فضلاً عن عجزه الفادح عن مواجهة الإرهاب وإصراره على انتهاج سياسات أمنية قمعية كرست التعذيب والاعتقال وأهدرت أبسط حقوق الانسان، ولذلك تدعوا الأحزاب والقوى السياسية والحركات المطالبة بالتغيير الديمقراطي إلى مظاهرة احتجاجية ضد ترشيح مبارك لولاية خامسة وذلك فى تمام الساعة السادسة مساء بميدان التحرير يوم السبت الموافق 30/7/2005. ونحن ندعوا كل جماهير الشعب المصري إلى أن تشارك معنا في رفض ولاية خامسة لحسني مبارك.

لا للاستبداد … لا للفساد … لا لمبارك

معا السبت 30/7/2005 – السادسة مساءا – فى قلب ميدان التحرير

Nora writes from sharm el sheikh

My dear friend Nora, a founding member of motakhalefin for change was in sharm el sheikh 7 hours after the bombs, read her account.

Nora wrote here before:

دعوة للتظاهر بميدان التحرير في اليوم التالي لاعلان مبارك الترشيح

لا لمبارك .. لا للتزوير .. لا للطوارئ

الحملة الشعبية من أجل التغيير الحرية الآن

لا لمبارك .. لا للتزوير .. لا للطوارئ نعم لحق شعبنا في اختيار حكامه ومحاسبتهم

دعوة للتجمع والتظاهر بميدان التحرير في اليوم التالي لاعلان مبارك الترشيح للرئاسة

جرافيتي: كفاية جرافيتي: الحرية الآن
تدعو الحملة الشعبية من أجل التغيير (الحرية الآن) جميع القوى والحركات السياسية التي تناضل من أجل التغيير الديموقراطي في مصر الى الاحتشاد في ميدان التحرير في اليوم التالي لترشيح مبارك لفترة خامسة. وسوف تقوم الحملة بالتشاور مع جميع القوى وحركات التغيير للدعوة لاجتماع لجنة تحضيرية للاعداد لهذا اليوم يشارك فيها الجميع.

Show of support to Sharm victims

دعوة

بدءاً من ظهر الخميس 28 - 7 - 2005

في حديقة ساقية الصاوي

اتركوا وردة ، أقيدوا شمعة ، خطوا عبارة ، اتلوا آية ، ضعوا صورة ، ارسموا لوحة. شاركونا في التعبير عن مشاعر الحزن على ضحايا التفجيرات الارهابية ، و في اعلان آرائكم في مواجهة الارهاب.

تقوم الفكرة على تنظيم رد فعل شعبي ضد الهجمات في صورة فنية هادئة كما حدث بعد تفجيرات مدريد و لندن.

ركن صغير يضع كل واحد فيه ما يعبر عن تضامنه مع الضحايا: ورقة بأسمائهم، شموع، آيات من القرآن أو من الإنجيل، كلمة رقيقة، وردة أو باقة ورود، لافتة....إلخ الأمر متروك لإبداع كل واحد


دعوة لإدانة الإرهاب

دعوة لجموع المصريين من مختلف الاتجاهات والتيارات لإعلان رفض وإدانة الإرهاب بالوقوف صامتين - تقديراً للموقف- لمدة ساعة واحدة يوم السبت الموافق 30/7/2005 ، بلا أي هتافات، وبلافتات تحمل إدانة لكل أشكال الإرهاب في كل العالم، وتدعو لاحترام حقوق المواطن، الساعة السادسة مساء، أمام جامعة القاهرة عند النصب التذكاري لشهداء الجامعة والذي يمثل هو والجامعة قيم الاستنارة والحرية والكفاح الوطني.


يا ريت يا جماعة أكبر عدد من الناس يشارك و ياريت ابداع في التعبير عن مشاعركم من الحزن علي الضحايا للغضب من المجرمين، ورود شموع رسم شعر أي شيئ و متنسوش تلبسوا أسود حدادا على الضحايا و تضامنا مع أهاليهم و حبايبهم

قولوا للنايم في عابدين

هبتيديلكوا بمجموعة صور المظاهرة (معلش يا جماعة الصور مش على مستوى فني عالي اوي لأننا كنا عاملين تظبيطة غلط في الكاميرا)

واسمحولي اعرضلكوا مجموعة صور لحركة ظباط و جنود من أجل التفعيص اللي كانت شغالة على أعلى مستوى في عابدين!!

ظباط و جنود من أجل التفعيصظباط و جنود من أجل التفعيص 2ظباط و جنود من أجل التفعيص 3 ظباط و جنود من أجل التفعيص 4ظباط و جنود من أجل التفعيص 5

أنا متهيألي أننا كنا حوالي 2000 نفر، بس علشان اللي الأمن كان عامله فينا محدش هيقدر يخمن تخمين مظبوط، ولا حد ممكن يحكي كل اللي حصل حتى لو كان أول واحد يروح و آخر واحد يمشي.

اعتداء أخر من بلطجية الأمن على أساتذة الجامعة

و كنسنا عليهم السيدة .... ولا نافع كده ولا كده
الحجة زينب، مظاهرة امبابة

الاعتداء على د. منار حسن

ده نص فاكس تم ارساله النهاردة للاعتراض على الاعتداء


الأستاذة الدكتورة مديحة خطاب عميد كلية الطب، جامعة القاهرة

تحية طيبة وبعد

مقدمته لسيادتكم الدكتورة منار حسين مدرس الآشعة بكلية طب القصر العيني، جامعة القاهرة، لتقديم شكوى بشأن ما تعرضت له من تحرش من الأمن اليوم الثلاثاء الموافق 12 يوليو 2005 حيث بدأ التحرش بمنعي من الخروج بسيارتي من الجراج بواسطة اثنين من رجال الأمن بالزي الرسمي وإغلاق الباب أمام سيارتي حيث طلبوا مني التوجه الى مكتب الأمن وحين رفضت فتحوا الباب ليوقفوني مرة أخرى لمدة نصف ساعة أمام باب الخروج الكائن أمام كلية الصيدلة..

الاصلاح الزراعي و العنف

لما اتكلمت قبل كده و قلت احنا على مشارف صراع طبقي حاد في ما يخص موضوع ملكية الأراضي و الاصلاح الزراعي الناس اتهمتني بالتهويل، مفيش شهر بيعدي من غير أحداث عنف مرتبطة بالموضوع و لا زلت عند رأيي ان في حاجة خطيرة بتواجهنا

أنا عارف أن الموضوع شائك و ما فيش عليه اتفاق، أنا شخصيا منحاز للي شغالين في الأرض

على العموم وصلني البيان ده على الايميل


دنشواي جديدة والجناة أبناء الإقطاعيين

محاكمة فلاحي ميت شهالة بمركز الشهداء

جمال و بابا و الأربعين حرامي

I got this little political animation over the email.

it is made by The Black Mask

mildly interesting, I would like to see more of this stuff art and creativity are powerful tools and computers enable us all to be a as creative as we can be.

the video equates Israel/zionism with Jews as usual :-( dunno why we insist on this, sound like hate speech to me.

anyways enjoy it, 4megs of some funky M$ codec

فيديو جديد من الأربعاء الأسود

بعد التفجيرات الوحشية (الله يخرب بيت الارهاب على الارهابيين) في لندن مكسوف شوية وأنا ببعت ده بس أتأخر قوي على جهازي

تسجيل تاني من أحداث الأربعاء الأسود 25 مايو 2005

المقطع من 1:15 الي 2:20 باين فيه الضرب اللي اتعرضتله أنا و والدتي

another video of the events of black wednesday 25th of May 2005

the sequence from 1:15 to 2:20 shows part of what happened to me and my mother that day.

تسجيلات سابقة

previous recordings

حركة متخلفين من أجل التغيير

لسبب ما لسه الناس بتتخانق على موضوع مظاهرة كنس السيدة و كنيسة العذراء، ناس بتشتم و ناس بتدافع و ناس بتحلل و تذكر ايجابيات و سلبيات و هيصة و طبعا كفاية الغلابة لبسوها مع أنهم ماكانش ليهم دعوة

المهم من أسبوعين أمي كتبت رد على الموضوع ده في قائمة بريدية (معرفش أنه واحدة متبطولهم و تستخدموا حاجة بتبان في جوجل يا أخوانا) و كنت فاكر الموضوع عدى بس لما لقيت الدستور و الفجر كاتبين قلت ننشر رد ماما و بالمرة نعلن عن تأسيس حركة متخلفين من أجل التغيير.

الحقيقة من أحسن الردود كان رد ميسرة اللي اتمسح مع مدونة سينماتوجراف يا ترى عندنا منه نسخة؟


Laila Soueif said:

We are the motakhalefine who organized the Sayeda Demo

Attached you will find a clarification concerning the demonstration at el-Sayeda for which some people have criticized Kefaya, despite the fact that Kefaya had nothing to do with organizing this particular protest.

مظاهرة امبابة: ضد الفساد و الاستبداد

لا للتجديد.. لا للتوريث.. لا للعسكرة

الحملة الشعبية من أجل التغيير (الحرية الآن)

دعوة للتجمع والتظاهر

الأربعاء 6 يوليو السابعة مساء

موعدنا في امبابه شارع الوحدة – محطة السلم بالقرب من تقاطع شارع الوحدة مع شارع نادي امبابة الرياضي

يمكنك ركوب ميكروباص من الكيت كات

تحية لنضال القضاة

ليستمر كفاحنا من أجل التغيير السياسي والدستوري

وليصل صوتنا الى الشعب المصري في كل مكان

hamla.net
[email protected] mailto:[email protected]

Pages

Subscribe to RSS - politics