You are here

politics

أحداث مظاهرة التضامن مع القضاة و المعتقلين - 7 مايو

يتظاهر الآن أمام محكمة جنوب بباب الخلق أمام دار الكتب 17 (تحديث: 2330) فرد بعد منع الأمن دخولهم المحكمة، بعضهم جائوا للتضامن مع القضاة و البعض شهود (عرض أول دفعة من المعتقلين أما النيابة اليوم).

يحاوطهم المئات من عساكر الأمن المركزي..بيضربوهم و يفعصوعهم بإشراف من لوائات الشرطة و على رأسهم البطل المغوار اللي أشرف على أحداث 30 يوليو 2005 (مظاهرة ضد ترشيح حسني مبارك لفترة خامسة)، و كمان بيهددوهم بالقبض و الأعتقال.

حكايا السنجيولاريتي

هو أحنا كنا بنسمي singularity بالعربي ايه؟ ما علينا

النهاردة منعونا نبلغ عن نفسنا و بالجزمة، تصور كده وليد التسوئي بيضربك على قفاك و يقولك "أنت بريئ يا ابن الكلب غور من هنا"، دي طبعا سابقة قانونية جديدة لكن النائب العام هو اللي دهن الهواء دوكو برضه مش هيغلب يعني.

طب بجد مش تهريج ضربونا و طردونا لما جينا نقدم بلاغ عن نفسنا و حتى المحامين مرضوش يقابلوهم.

يا ريت اليوم خلص على كده، لكن ترجع بيتكم تقرأ الخبر ده؟

لقى أربعة مواطنين مصرعهم كما أصيب آخر باصابات مختلفة نتيجة انفجار جسم معدنى داخل أحدى ورش السيارات بمنطقة كفر حجازى بمركز شرطة امبابة بالجيزة حيث تبين بعد الفحص أنه مقذوف مضاد للطائرات من المخلفات القديمة .
...
...
وبسؤال محمود خلف أقر بأنه اشتراها من بائع خردة يدعى خالد عبد الناصر عبد المنعم 19 سنة عامل والذى اعترف بأنه قام بشرائها ضمن مخلفات زنتها ستة كيلوجرام من مقاول نقل أتربة يدعى فؤاد نصر صبحى غنيم 39 سنه مقاول بالوراق . وبضبط المقاول قرر أنه يعمل فى مجال نقل المخلفات من شركة اوليمبك والنصر للمسبوكات وأن المدعو خالد عبد الناصر يعمل لديه وأن الشركة تتعامل مع مخلفات القوات المسلحة .

وبالفحص الفنى تبين أن الجسم المعدنى عبارة عن طبة لمقذوف مضاد للطائرات انفجر بسبب الطرق عليه محدثا موجة انفجارية وشظايا أدت الى حدوث وفيات واصابات ..وقد أخطرت النيابة التى باشرت التحقيق

مظاهرة عيد العمال 2006

من قبل مانروح و التليفونات شغالة..عربيات أمن كتير و فرق كاراتيه ملية وسط البلد!!

المظاهرة كانت المفروض قصاد عمر أفندي طلعت حرب..أول متخش شارع طلعت حرب من ميدان التحرير. رايحيين أنا و علاء و طنط ليلى مع عمو سيف في العربية، هينزلنا و يطلع على المركز علشان لو حصل أي حاجة يبقى في محاميين يتحركولنا. ميدان التحرير ناحية طلعت حرب حوالي دستة عربيات أمن مركزي. مفيش حد واقف قصاد عمر افندي غير شوية لوائات و كوردون من العساكر. نكمل في شارع طلعت حرب و نبتدي نلمح وشوش من المتظاهرين تلاتات و اربعات متنتورين بطول الشارع و مجموعة قصاد مدخل العمارة اللي فيها الحزب الناصري. ننزل قبل كافيه ريش بشوية و نبتدي نتجمع مع الناس و نعدي للمجموعة اللي واقفة تحت الحزب.

تضامن مع المعتقلين و بلغ عن نفسك

تضامن مع المعتقلين. اطلب من النائب العام التحقيق معك للاعتصام أمام نادي القضاة.

تقدر تضيف اسمك هنا على الموقع لكن ضروري تسجل حساب على الموقع أولا أو ضيف اسمك في في مركز هشام مبارك للقانون تليفون 5758908


نص البلاغ

يجب التسجيل على الموقع قبل اضافة سمك على هذا البلاغ.

يا كفاتسة يا مفتريين، فين الاضطهاد ده

فيه ناس بتتسائل عن مصدر الاحساس بالاضطهاد عند المسيحيين المصريين، فكرت ألم شوية روابط بتحكي عن الاعتداء على أرواح و دور عبادة المسيحيين، و لقيت المهمة صعبة جدا، تقارير حقوق الانسان المصرية بدأت تتجمع على النت من منتصف 2003 فقط، الصفحات الاخبارية العربية برضه جديدة، و كالعادة صفحات الوب العربية معمولة بشكل سيئ جدا و صعب على محركات البحث اللي زي جووجل أنها تلاقي المحتوى (كفاية أن نسبة كبيرة من المواقع العربية مش بتعلن الencoding مظبوط).

حتى حادثة رئيسية زي الكشح مش عارف ألاقي تقارير عدلة ليها. حد عنده نسخة من تقرير المنظمة المصرية لحقوق الانسان عن الكشح؟ عموما فيه كتاب اتكتب يوثق أحداث الكشح (اللي هما على مرتين تلاتة مش حدث واحد أصلا).

المهم دي قائمة قصيرة بالحاجات اللي لاقيتها، يا ريت لو حد عنده روابط تانية يقول، أنا تجاهلت تقارير الاضطهاد اللي من قبل أجهزة الدولة على أساس أن الدولة مطلعة ميتين أبونا كلنا، لكن لازم ناخد بالنا أن بالنسبة لكتير من المسيحيين الاحساس ميفرقش لما يبقى الاضطهاد موجه ليهم بسبب ديانتهم، و تفاديت كمان الأحداث اللي مرتبطة بأن أفراد غيروا ديانتهم بما أن كل الأطراف (و بالذات الكنيسة) بتتعولق في الموضوع ده و متفقة تقمع حرية الفرد (و خصوصا لو كان الفرد ده واحدة ست).

عقبال التعليم

حد سمع أخبار من نادي أعضاء هيئة التدريس بالأسكندرية؟

بيقولك النهاردة كان اجتماع جمعية عمومية و انتخابات و طبعا بما أننا بلد ديمقراطي كان لازم يجيبوا حكم محكمة عشان يعملوا انتخابات، المهم المحافظ السريع المريع و الشرطة و الأمن المركزي اللي معرفوش يوصلوا في الميعاد وقت هجوم الكنائس و أحداث الشغب كان جاهز و محاوط مقر النادي و منع الأعضاء من الدخول.

لكن الأساتذة و الدكاترة أصروا و اتجمعوا في الشارع لحد ما اكتمل النصاب و عملوا الانتخابات في الشارع على أضواء الكلوبات.

الأسكندرية عروس البحر المتوسط، المدينة المتوسطية الساحرة رمز التعايش و التسامح

مش وقته خالص المجمع يتوكس و يبوظ، يا جماعة اللي كتب تدوينة و عدى عليها أربع ساعات من غير ما تظهر يبعتللي ايميل على [email protected] لما نشوف أخرتها

و على فكرة جار القمر كتب تدوينة تانية فيها شهادته عن أحداث العنف يوم الأحد و دي برضه تدوينة مهمة جدا و بتطرح طرف آخر اللي هو البلطجية المحترفين، و ألف كتب تدوينة برضه مهمة شايف أن فيه بعد طبقي للموضوع.

سمعت أن في حتة أسمها أرض بشاي خلف سيدي بشر ولعت تماما امبارح من أثر الشغب و العنف و القتل (حد عنده خبر؟)، المصيبة أن الاعلام و البيانات الرسمية بتدي صورة أخف بكتير من الصورة اللي واخدها عن طريق كلام شهود عيان أثق فيهم. عموما في احتمال يتعمل بعثة تقصي حقائق و جمع شهادات و ده ممكن يوضح الصورة (لو حد شاف تقرير بعثة المنظمة المصرية لحقوق الانسان عن أحداث الكشح هيقدر أهمية البعثات دي).

eyewitness account of Alexandria church attack

jar el kamar witnessed some of the events in Alexandria on friday, he wrote a moving account full of details that will probably never get covered in the media.

Elijah Zarwan translated the blog post to english for a wider audience.

الصحافة الشعبية تغطي أحداث الأسكندرية

جار القمر كان شاهد عيان لما حدث في كنيسة القديسين و كعادته كتب تدوينة خطيرة و مهمة و مليانة تفاصيل غالبا مش هيتطرق ليها الاعلام التقليدي أو مش هيديها حقها.

تغطية جار القمر للأحداث اللي بيعيشها دائما غنية و احيانا ممتعة جرب تقرأ عن الانتخابات و ما شابه في باب تجارب عنده و أنت تشوف أنا بتكلم على ايه.

يا مسلمين أرحموهم بس عندي سؤال

عن اخناتون

الدم يغلى فى العروق. هى الناس عايزة ديه إيه؟ عايزة أنهار دم؟ عايزة تنتقم من حد؟ عايزين إيه؟ سيبونا فى حالنا. ما إحنا عايشين ومبنتكلمش. بيسألونا فيه إضطهاد نعوض على شفايفنا ونقول لأ، الدين لله والوطن للجميع. "المسلمين إخواننا ونحن نعيش فى حب ووحدة وطنية والإسلام دين سلام..."

هو مش الحكومة قالبة الكنائس حصون عسكرية و حاطة عندها حراسة و امن من أيام الارهاب؟ ازاي بقى الحيوانات اللي دخلت قتلت دي هربت؟ فين الأمن اللي حوالين الكنيسة؟ ما هو مش منطقي يكون الأمن بياخد أجازة أيام القداس.

يعني المرة الأولانية في مار جرجس و قلنا الهجوم كان من كتلة كبيرة من المسلمين المخابيل، لكن دول تلات أنفار، مش غريبة دي برضه؟

يمكن ده بس لخبطة من التغطية الاخبارية، هنشوف عرفوا يمسكوهم ولا لأ.

الصحافة الشعبية و عمر أفندي

مثال جيد للصحافة الشعبية هو تناول موضوع بيع عمر أفندي في المدونات المصرية.

الأفكار المذكورة في تدوينتي جزء منها وصلتله بعد نقاش مع عمرو عزت، عمرو كتب تدوينة مهمة في الموضوع لخص فيها الكلام اللي سمعته منه أول ما الهوجة بدأت.

عمر أفندي و الدالة المستمرة

أنا مبفهمش في الاقتصاد لكن بحاول أجتهد عشان أفهم اللي بيجرى حواليا، لو حد شايف غلط في كلامي يا ريت تصحيح و توضيح.

عندنا مشكلة في الحوار في بلدنا و أظن الاعلام (بما في ذلك المعارضة و المستقل) مسئول عنها بشكل كبير، المشكلة تجاهل التفاصيل و التعامل مع الدنيا على أنها بسيطة و مباشرة.

فالدنيا فيها حلوين و وحشين، أبطال و أشرار و بس، و الصح واضح و الغلط واضح و اللي يقول غير كده يبقى بيستهبل. خد مثلا موضوع الدنمارك، كل حد بيكلمك كأن فيه تعريف واحد لحرية التعبير و الصحافة و كأن التعريف ده متثبت في العالم كله و واضح، أي محاولة لشرح أن فيه فضاء من المواقف و الاختيارات أن المبادئ زي الدالة المستمرة فيها لا نهاية من النقط اللي ممكن تقف عندها يبقى استهبال.

نعم يا حبيبي هي دي بقى الحرية؟؟!!! أصلا كل الناس عارفة أن الحرية معناها كذا و كذا الخ.

نفس الشيئ فيما يخص أي مناقشة عن الاقتصاد، و تعالوا نبص على موضوع عمر أفندي.

أولا موضوع عمر أفندي ده مش موضوع واحد ده مواضيع لكن مرتبطة ببعض، أول موضوع هو يبقى فيه قطاع عام ولا لأ، و تاني موضوع هو لو فيه قطاع عام يبقى ايه و شكله عامل ازاي و تالت موضوع لو هنبيع حاجة من القطاع العام نبيعها ازاي.

أسمحوللي أخدهم بالترتيب العكسي

كيف تبيع شركة قطاع عام

الناس ماشية تقولك تخيل فيه تفاوت مليار جنيه ما بين السعرين، أكيد الموضوع فساد و الخ الخ الخ. طيب أولا موضوع الفساد ده مسلم بيه لأنها الحكومة المصرية ممكن نتكلم كلام مفيد شوية؟

live from the sit in - rerun

moblogging the sit in

this is a trascript of the SMSs I sent mostafa so he would forward to his blog, the system was quite flacky, mostafa is not an efficient relay and we ran out of credit in the middle, two posts are missing, hope mostafa still has them on his phone. we need to investigate a better solution, if you want to read them in normal blog style check mostafa's blog, if you want to read them in proper order read below

photos

18ish

Dispatch arived in square security keeping a distance around 50 protesters already security turned off the lights

19ish

we hanged a huge flag of egypt distributed 1000+ around 200 protesters chanting place sprinkled with flags and posters engaging audience people know nothing about the judges demands managed to stop the gardener before the place gets soaked

20ish

Graffiti on the street we marched around the square. Singing i am woried people will tire themselves quickly this way. Ebles joined the sit in and marched with us next time he writes call him mosaqaf beta3 west el balad

21ish

Street children having a blast playing with us trying to explain what we are protesting about

live blogging from the sit in التدوين على الهواء مباشرة من الاعتصام

in a few hours we will start the sit in in support of judges and journalists, we'll spend around 18 hours in Tahrir square, protesting, chanting, talking, reciting poetry, and having fun.

to keep you all in the loop we'll blog live using our mobile phones.

I tried to copy mostafa and and setup an sms feed so I can blog live from the sit in, but it didn't work with vodaphone. so we'll use mostafa's blog instead.

keep up with the news live from the trenches on http://mostafa.foolab.org

و في آخر لحظة...

سجلنا أسامينا في كشوف الناخبين

و البطاقة الأنتخابية نستلمها في آخر أبريل

بصراحة كان أسهل و اسلس إجراء قمت بيه..أنا كنت خايفة يعقدوها علي لأني ماطلعتش الرقم القومي لسه و البطاقة القديمة نصين، لكن قدرت أسجل بالباسبور.

الموضوع ما خدش مننا أكتر من عشر دقايق، سواء معايا في قسم الدقي أو مع علاء في قسم العمرانية

خبر عادي و استقالة غير عادية 2: المرة دي من طالب

الجزء الثاني من مسلسل الناس اللي اتخبلت في عقلها و صدقت أن دي بلد و أن فيها جامعة

وصلني عن طريق جماعة المهندسين الديمقراطيين نص مذكرة و خطاب استقالة من الطالب محمد مصطفى عبدالخالق أمين اللجنة الثقافية باتحاد طلاب كلية هندسة شبرا (تابعة لجامعة الزقازيق فيما أظن) و جامعة الزقازيق دي حدوتة لوحدها كان لي تجربة شخصية في الاصتدام مع فساد ادارة كلية علوم الحاسب هناك و كانت نتيجته اجهاض نشاط طلابي في مجال البرمجيات الحرة.

المهم أن محمد مصطفى واقف موقف شجاع و يا ريت أمثاله و أمثال الدكتور سالم سلام


نص المذكرة التي تقدمت بها اليوم الثلاثاء 7 مارس

اتحاد الطلاب اللجنة الثقافية

ا.د.م/محمد سليمان رائد اللجنة الثقافية

تحية طيبة وبعد

برجاء التكرم بالرد على هذه المذكرة رد كتابي

تم وضع خطة للجنة الثقافية من أعضاء اللجنة وتم عرضها على سيادتكم وعلى جهاز رعاية الشباب بالكلية. وحتى الآن لم يتم تنفيذ معظمها وذلك للأسباب التالية

اللوبي الصهيوني القادم

الكلام ده كان تعليق عند الكافر الزنديق الكخة بن عبد العزيز

الحقيقة كلامي مخلصش و كنت ناوي أكمل عليه، بس لقيت الموضوع مينفعش، لو بتكلم بغرض أني أفش غلي و أفضي شحنة جوايا فلأول مرة هلاقي نفسي بعمل رقابة ذاتية و بمنع نفسي من أني أقول كس أمين أم .... ولا بلاش

لو بتكلم بغرض التوعية بمشكلة هلاقي تدوينة واحدة متقضيش و على المهمة أكبر مني بكتير، للأسف عشان نفهم ايه اللي بيجرى حوالينا محتاجة محاولات دئوبة لمتابعة و تمحيص الاقتصاد و التكنولوجيا و الحركات السياسية الجديدة و و و و. و الكلام ده أنا أصلا معرفش فيه غير القليل يعني لازم عشان نفهم نفهم مع بعض، نتناقش و ندور مع بعض. يمكن بعدين ألاقي وقت أكتب حته من اللي أعرفه و يمكن بعدين حد تاني يلاقي وقت يكتب حته تانية و بالراحة بالراحة كده نوصل لحاجة.

المهم دلوقتي التعليق أهه زي ما هو و خليها كده أحسن:


أنا بقى اللي مضايقني و قالقني من الموضوع ده كله جملة واحدة، جملة تدل أولا على جهل عميق و تكشف نوايا مستقبلية منيلة بنيلة

من الآخر المسلمين مش هيرتاحوا الا لما يتحولوا للوبي صهيوني تاني يرعب الدنيا و ينحر في الحريات و يلغي أي فرصة للحوار العقلاني

شوفوا الفسل بيقول ايه

> حتى ولو نجحت بعض هذه المحاولات في إقناع الشركة المستضيفة للموقع بإغلاقه فإننا لاحظنا أن الموقع لا يعجز عن إيجاد شركات أخرى مستضيفة طالما أن هذه الشركات لا تسعى سوى إلى الربح المادي بالدرجة الأولى .

مش عارف أبتدي منين، من أول طول ما الشركات غرضها الربح؟ حقيقي علامة أعاد أكتشاف أهم ثوابت الاقتصاد سيادته؟ سيبنا من دي عشان دي منقشة طويلة في طبيعة الرأسمالية و البتنجان.

خلينا في لاحظنا أن الموقع لا يعجز عن إيجاد شركات أخرى مستضيفة.

حد فاكر الدرنكة

من كام يوم بتكلم مع حد عن موضوع العبارة و بنتكلم عن ازاي دي بقيت حادثة طبيعية و ازاي مكتوبلنا حادثتين خرافيتين في السنة، حادث خرافي على مستوى عدد الضحايا و على مستوى تفاصيل الاهمال اللي بتوصل للحدث و على مستوى الفشل الذريع في التصرف بعد الكارثة ما تبدأ و انقاذ الناس و على مستوى التعامل مع نتائج الكارثة و تعويض الضحايا و على مستوى التغطية الاعلامية و التحرك السياسي حوالين الحدث و على أي مستوى ممكن تفكروا فيه.

حاجة تخليك حاسس أن البلد دي بلد كارتون، بيقع فيها المواطن من عاشر دور فجسمه يتبطط شوية و بعدين يقوم عادي ولا كأن حاجة حصلت.

و طبعا احساس غريب بأنك مسئول لأن كل حادثة من دول بتموت أساسا ناس أفقر منك و حالهم أصعب منك و أنت عارف غلبهم و عارف عايشين ازاي و معملتش حاجة و أديك عرفت بيموتوا ازاي و برضه معملتش حاجة.

كفايه - لك كل الاحترام

برافو كفاية

لا أعلم ان كان هذا البيان ردا على خطابي المفتوح أم رد على استفسارات و استنكارات كثيرة مثله أم كان في الطريق منذ البداية لكن تأخر

ما أعرفه هو أن حركة كفايه استمعت الى أراء أعضائها، و رصدت مشاعر الجمهور المصري و في النهاية، و رغم الأخطاء السابقة و رغم صعوبة الموقف و كثرة العثرات تمكنت من اتخاذ القرار الصحيح، و أسعدتني و أذهلتني مرة ثانية.

اليكم بيان كفاية فيما يخص موضوع الكاريكاتور الدنماركي منقول عن موقع الحركة

رسالة مفتوحة الي حركة كفاية

خطاب مفتوح الي الحركة المصرية من أجل التغيير "كفاية"

من منتصف 2005 و أنا مشارك فعال نوعا في تظاهرات و فعاليات الحركة و من أحسب نفسي من أشد مؤيديها و المتحمسين لها.

من حين لأخر كنت أرصد مشاكل في الحركة و أعترف أني في أوقات كنت أظن الحركة غير قادرة على الاعتراف بتلك المشاكل و أبرر هذا بكلام عن الأجيال و عدم ممارسة الديمقراطية داخليا، و في كل مرة تذهلني و تسعدني الحركة بتدارك المشاكل و مواجهتها بصراحة و تقديم محاولات جادة لضمان عدم تكرارها. و من بعدها اعتبرت أي مشكلة تنظيمية أرصدها جزء من ألام المخاض ففي النهاية لا يملك أي منا خبرة حقيقية في الممارسة الديمقراطية فبلادنا في حالة قمع مستمر دام طويلا و لا أظن أن أحد منا يعرف أو يتذكر كيف كانت الحياة بدون قمع.

باختصار أفخر بانتسابي للحركة و تعلمت منها الكثير و أرجوا أن أكون قد قدمت لها القليل.

و لكن أقلقني ما قرأت اليوم على موقع الحركة

من جانبها نظمت الحركة المصرية من أجل التغيير "كفايه" وقفة احتجاجية بوسط القاهرة. وردد المتظاهرون هتافات تدعوا الرئيس المصري لإغلاق السفارة وسحب السفير المصري من الدانمرك ومقاطعة المنتجات الغربية، كما رددوا هتافات تحث شيخ الأزهر على أخذ موقف حازم لنصرة النبي الكريم.

متابعة المجزرة

فض اعتصام اللاجئين السودانيين بالقوة، أكثر من 50 قتيل

دعوة عاجلة للاطباءالمصريين و المنظمات الانسانية و الصليب الأحمر

اللاجئون السودانيون سواء الذين لازالوا بمقار معسكرات الأمن المركزي بالقاهرة و الجيزة او الذين تم تسريحهم بحاجة لكشف طبي عاجل

هناك حالات لديها نزيف داخلي

ساح يا بداح

اللي اصدقائي اللي فشلت أقنعهم بعبقرية الأغنية دي

طول العمر العسكر عسكر

بس الناس الناس كانت ناس

و كان الحلم قبالي براااااااااح

يا ترى دلوقتي فهمتوها؟

المصريين مش بيشخوا في الشارع بيشخوا في دماغهم

ده أخري، مش هعرف أكتب عدل عن مظاهرات الاعتراض على مجزرة نهاية العام، المظاهرتين كانوا صغيرين جدا رجال الأمن كانوا متعجرفين و عندهم استعداد رهيب للعنف، نصيبي كان لكمة صغيرة في فكي و الظابط الأهبل ابن الهبلة قاللي لو كنت لوحدك مكنتش تستجرأ تعمل كده (أصل أحنا كان عددنا يجي 70 و هما كانوا 200 و معاهم تلات عربيات امدادات فقط، طبيعي يخاف مني و أنا مش لوحدي).


المصيبة أن الناس طلعت بتصدق كلام الجرايد

في المظاهرتين اللي عملناهم احتجاجا على المجزرة عملنا مناقشات كتير مع الناس اللي في الشارع، و قعدوا يرددوا نفس كلام الاعلام لدرجة أني في الأول افتكرتهم كلهم مخبرين

و بعدين سألتهم بتصدقوا التليفيزيون و الصحافة لما بتنقلكم و تجملكم وعود الحكومة؟ لما بتتكلم عن أحوالكم؟

و طبعا الاجابة كانت لأ قاطعة

أومال بكس أمكم بتصدقوهم ليه لما بيتكلموا عن اللاجئين.

المشكلة كمان في التعود على الغباء، واحد من الناس دي قاللي دول فتحوا بطن أمين شرطة

فض اعتصام اللاجئين السودانيين بالقوة

بعد تحذير الخجول المجهول المبكر و في اليوم اللي بنحتفل فيه بقبول أول لجوء سياسي لمدونة عندنا في مجمع المدونات المصرية بدأت فعلا قوات الأمن المصري في فض اعتصام اللاجئين السودانيين.

بيان مركز الجنوب لحقوق الانسان

للأسف ظروف مرض منال و مرض manalaa.net منعتني من النزول لحضور الحدث، استنوا من نورا تغطية شاملة، و هنشر هنا بيانات تجمع مستقلي مصر "يد" اللي ارسلتهالي مشكورة أميرة الطحاوي.

update

نورا كتبت فعلا و كلام مؤلم جدا، مش بس سلوك قوات الاحتلال المصرية لكن كمان سلوك المواطنين المصريين

اعترفت وزارة الداخلية بقتل 20 لاجئ من بينهم أطفال لكن من الواضح أن أعداد القتلى أكبر، بلغنا موت على الأقل 6 لاجئين في ليمان طره (اعتقلوا بجاح شديدة و لم توفر لهم رعاية صحية).


مصدر : مقتل 3 من اللاجئين

Fri, 30 Dec 2005 06:05:53 +0200

الساعة 5و 45 دقيقة

تم اخلاء اللاجئين تماما

عدد الذين تم إخلائهم من المكان حسب ما قاله مساعد وزير الداخلية بالهاتف على مقربة من مصدرنا بالمكان - هو 1682لاجيء

مقتل 3 من اللاجئين

المصابين و الجرحى عدهم غير معروف تم نقلهم لمستشفى الموظفين بإمبابة

مساعد العادلي في الهاتف : اصدار أوامر لسائقي الحافلات المجموعة الأولى تتوجه إلى الدويقة و المجموعة الثانية تتوجه إلى محطة الجيزة

سائقو الحافلات التي نقلت اللاجئين لا يعرفون وجهتها و في كل باص يتواجد مسئول من الأمن و يتلقى الأوامر عبر الهاتف

متعلقاتهم ملقاة بالحديقة بما فيها الملفات و الوثائق

افراد مصريون متجمعون على مسافة من الحديقة و مشاجرة بين بعض المواطنين المصريين و سبهم لرجال الأمن لما قاموا به

بعض صفوف العساكر يتجمعون لمغادرة المكان

يتحمل يد - تجمع للمستقلين المصريين - مسئولية كل المعلومات الواردة في هذه الرسالة

Police stops us for walking with opened laptops in garden city

On our way from Shepherd hotel, to the egyptian initiative for personal rights to continue with the second day of the arab source meeting, we had to pass by the occupied zones, i.e the streets around the british and american embassies, in garden city. Most of us are geeks, therefore carrying our laptops, but we had an evil syrian spy who was walking with his laptop opened, obviously he was trying to guide a missile towards the british embassy. But luckly our brave egyptian state security forces were able to stop him.

I'm not kidding, the state security forces stopped Anas Taweela, in front of the british embassy because he was walking with his laptop open. Alaa and another syrian colleague are with him now, and a lawyer from Hisham Mubarak law center is on his way to them.

انجليزي ده يا...؟

حرس حرس حرس ليه، احنا في سجن ولا ايه
(Guards, guards, guards, why? Is this a jail or an open sky?)

العسكري مظلوم في الجيش .... ياكل عدس و يلبس خيش
(A soldier gets a lousy deal/rotten clothes, one lousy meal)

يا سوزان قوللي للبيه: طبق الفول باتنين جنيه
(Hey Suzanne tell the lord: even beans we can't afford)

يا مباحث أمن الدولة، فين الأمن؟ و فين الدولة؟
(Hey State Security, investigate: Where's our security? Where's our state?)

ياللي بعتوا الغيط و المصنع .... مهما عملتوا مش راح نركع
(Fields and factories sold for a token/Do your worst; we won't be broken)

Amazing eh? Ahdaf Soueif translated some slogans used in kefaya and co protests, instead of trying to explain the slogans, the cultural context and the play on words she creatively transformed them into english slogans that convey the same message even though they might use different expressions. I love how she retained the rythm of it all, sounds very natural.

اعتداء جديد على حرية التعبير على الانترنت في مصر - Assault on Internet freedom in Egypt

اعتداء جديد على حرية التعبير على الانترنت في مصر

أبو إسلام أحمد عبد الله صحافي مصري، وعضو في حزب العمل سابقا. عمل مديرا لتحرير صحيفة الشعب (موقع محظور في مصر) الناطقة بلسان الحزب، ثم أصدر صحيفة بلدي من قبرص، وأتبعها بصحيفة صوت بلدي أصدرها من مصر، إلا أن الصحيفتان أغلقتا. اتجه أبو إسلام بعدها إلى النشر على إنترنت من خلال موقع شبكة بلدي. أبو اسلام من كتاب صحيفة الميثاق العربي (كانت محظورة في مصر لفترة) الدائمين.

الموقع حاليا محتجب، والسبب اعتقال أبو إسلام في الواحدة والنصف صباح الإثنين 5 ديسمبر 2005، عندما نزل عناصر مباحث أمن الدولة من سيارات خاصة وحاصروا المنزل قبل أن يقتحموه. حكى إسلام الإبن لخمسة من المدونين المصريين (مالك، وعمرو عزت، وسقراط، ومنال وعلاء) زاروه مساء الثلاثاء 6 ديسمبرأنه لاحظ عند اقتحام الأمن حملهم لثلاث بنادق آلية. أيقظ الأمن باقي أهل البيت، وأمروهم بالاصطفاف تحت تهديد السلاح، ثم فتشوا المنزل وصادروا منه أقراصا صلبة ومدمجة، ومئات الكتب.

وسع وسع للتدوين

الانترنت مليانة تقارير و قصص شهود عيان عن أحداث ملحمة انتخابات مجلس الشعب و المدونين طبعا شاركوا في ده و عملوا تغطية كويسة جدا و تحليل للي شافوه، لكن عددنا لسه صغير و لسه مش قادرين نغطي كل اللجان و الدواير.

من وسط الكتابات الكتير عن الانتخابات أذهلني التقرير المفصل اللي كتبه المؤرخ عن مغامراته يوم الانتخابات في مركز منوف بالمنوفية.

أدعوكم تقرأوا التقرير و تشوفوا الصحافة الشعبية ممكن توصل لايه.

يا سادتي الانبياء

الي الأخوة الفطاحل البواسل، الرجالة الشديدة قوي المؤمنة قوي الغيورة قوي قوي قوي قوي

المرجلة مش هز كتاف

و الايمان مش فتح كتاب

و الحرية مش بالقسط

و بعد،

أنا مش فاهم ليه كل واحد يشوف سلوك مش عاجبه يقوم يختزل الحرية كلها فيه

يا سادتي الحرية التي نريد حرية واسعة، تسمح بطيف كبير من السلوكيات والاراء و تضمن العدل و الأمان لكل الناس

أيوه أحنا بنطالب بحرية الالحاد و الكفر و الايمان بأي عقيدة مهما كانت، أحنا مش عايزين حرية الاختيار من متعدد في الأديان، عايزين زي ما نبقى أحرار نكفر يبقى الناس أحرار تتدين، و محدش يعتقل عشان ربى دقنه و تردد على الجامع كتير. و مفيش واحدة لما تسلم البوليس يرجعها لأهلها و يلغي اسلامها.

الحرية التي نريد هي حرية أن تنتمي لأي جماعة مسالمة من غير ملاحقة أمنية، أن تشكل أحزاب تعبر عنك، أن تصدر صحف تعبر عنك و تكشف الحقيقة من وجهة نظرك. أنك لما تعبر عن رأيك لما تقترح الأفضل لمستقبلك و مستقبل أولادك محدش يتعرض لك بالتعذيب و الاعتقال.

حرق مقر الحزب الوطني بامبابة

عن الجزيرة

وفي هذا الإطار قال مراسل الجزيرة في القاهرة إن متظاهرين غاضبين أحرقوا مقر الحزب الوطني الحاكم في منطقة إمبابة ....

!و يا ترى ده مكانش متوقع؟

Pages

Subscribe to RSS - politics