You are here

سامية من كمشيش

Primary tabs

لا تملك غير فدان و نصف تزرعهم بنفسها، أخذوا منها الأرض

Comments

خواطر يائسة

مصر خلاها في الأسفلين

هو و حكومة غير الراشدين

و المسلمين محبوسين

و المسيحيين بيقولوا مضطهدين

والوظائف للمحسوبين

و المنايفة حاكمين

والصعايدة منسيين

و العمال مطحونين

والأمريكان حاشدين

والكل عايز يسافر مع المغتربين

عشان شايف الأمرين

و كل ذي رأي سجين

والمصانع مقفولين

بأمر حاكم تاجر غبين

والأسد محبوس في العرين

و مش هايصحى الا بعد سنين وسنين وسنين

الشعب أسد دفين

لازم يصحى يدافع عن حقه ويكون من الباسلين

ولجنة السياسات جالسة في عليين

مش راضية تنزل لا تكون من الجائعين

نزلها يا أسد الى اسفلين

والممثلين فاتنين

عاش الملك مات الملك عايشين عايشين

لا ليهم رأي ولا ملة إلا المصلحة مع السمين

والإعلاميين طبالين

بيحطوا السم في العسل وزمارين

حتى الشاشة للمحتالين

بيروجوا للحاكم ما كلهم كدابين

والمدرسين محرومين

مع الحكومة الرشيدة بقوا شحاتين

والضباط في الحكم محشورين

بيدافعوا عن الشر واللعين

الشعب بيكره الحاكم حتى الجنين

قال في اعلانه (حتى الجنين في بطن أمه يؤيدك )

بقى ده كلام راجل رصين

زهقتونا بحكمكم ربع قرن وكلكم نصابين

وأخرتنا غرقانين

في عبارة رجل الحكومة التاجر الحصين

وهو بفلوسه مع الهاربين

والتجار جشعين

حتى الضرائب مش دافعين مش دافعين

وليه إحنا ندفع وحدنا ونكون خسرانين

ما إحنا عاوزين نكون كبار كسبانين

والقضاة شوية سلبيين

مش راضيين يتحدوا الحكومة مش راضيين

ويقودا الشعب والنائمين

إن ماكنتوش انتوا قللولي امال مين ؟

عليكم أمل كبير و نبقى زى الأوكرانيين

ثورة إضراب عصيان أوفوا باليمين ؟

يا محامين دافعوا عن حقوق المظلومين

مصر كلها مظلومة من حاكم غير أمين

اتحدوا مع القضاة وحركوا الأسد مطمئنين

واخرجوا الحكام من غير فلوسنا سالمين

شمال وسط كفاية أحرار وفد أو حتى اليمين

خربوا الموروثات والمزروعات حتى التين

اسألوا والي عن المبيدات والمرضى المسرطانين

الشعب يستاهل مبارك

أو حتى اكبر سفاح حامل علنا السكين

لأنه سلبي سلبي رغم الضجر والأنين