You are here

Egypt

Error message

Deprecated function: Function create_function() is deprecated in eval() (line 1 of /usr/share/nginx/html/manalaa7/modules/php/php.module(80) : eval()'d code).

عريضة - الجمعة ٨ يوليو: معا لإنقاذ ثورتنا

رجاء النشر و التوقيع على العريضة هنا
http://www.ipetitions.com/petition/together_to_save_our_revolution/

نص العريضة:


نــداء

إلى كل من شارك فى ثورتنا
إلى كل من لازال يحلم بوطن ينعم ابناؤه جميعا بالكرامة والحرية والعدالة

الضربات تتوالى كل يوم على ثورتنا وعلى ثوارنا:
كل يوم يأتينا خبر تعيين أحد رجال العهد السابق فى موقع من مواقع المسئولية
كل يوم نسمع باستمرار ذات السياسات التى ثار المصريون من أجل تغييرها
كل يوم يأتينا خبر انتهاك جديد تقوم به الشرطة - مدنية أو عسكرية
فان اعترضنا وعلا صوت اعتراضنا قوبل بالوعود التى لا تنفذ
القتلة والمجرمون من كبار رجال الداخلية لازالوا من كبار رجال الداخلية حتى لو تم تبديل مناصبهم
وزير الداخلية يدافع عن ضباطه مدعيا أنهم قتلوا الثوار دفاعا عن النفس
وها هم يُرجئون المحاكمات إلى آجال بعيدة و يفرجون عن القتلة

فُرقتنا هى التى تضعفنا
فُرقتنا هى التى تمَكِّن لأعداء الثورة

ماذا يفيد الجدل حول الدستور أولا أم الانتخابات أولا؟ لن نحظى بأى منهما: فالشعب سوف يفقد ايمانه بثورته وينفض عنا جميعا
ماذا يفيد الجدل حول شكل الدولة إن كانت ستستمر تظلم الفقراء وتقمع المعترضين وتسبح فى فلك القوى الدولية المعادية لنهضتنا؟

أمامنا اليوم فرصة للخروج من عثرتنا
هناك دعوة للتظاهر والاعتصام يوم الجمعة ٨ يوليو
هل نخرج معا دون ان يرفع أي منا شعارا خلافيا؟

Ephemeral immortality of two digital natives

written in 9th November 2011 for the digital natives workshop

it is 3am, I can't sleep. I've made the mistake of reading through a browser tab I had open but neglected for a while and suddenly all I feel is this all encompassing rage. my energy and enthusiasm for the digital natives workshop hits rock bottom.

Digital native Omar Khadr is all I can think about. a child soldier captured by the American invaders attacking an afghan village, he was subjected to torture and solitary confinement for 10 years, most of them without access to legal counsel and without trial. He has been tried under a special military court for war crimes. the layers of injustice are unbelievable, a child soldier is a victim regardless of his actions. but even if we disregard that the alleged war crime is fighting back invaders. and even if we ignore that how is it a war crime to fight soldiers? US wars now are not only unilateral but also one sided by law!? but none of this even scratches the surface of the whole story, the torture, the detention, the dehumanization... I can't go on just read the article

Omar is a digital native but there is more in common between us, he liked Tintin, batman and harry potter for instance. As proof of his danger to "civilized" people his resilient unbroken spirit was cited!!!

Now in a gathering of Africans with people who personally witnessed, lived through or lived in proximity if equally horrendous injustice why is the plight of this particular child soldier filling me with rage? is it because he is like me? a digital native? a Muslim? is it because his torturers are democratically elected and his torture chamber paid for by free tax payers many of them supportive of the abuse?

I frantically search my mind for inspiration for hope, the past two days I enjoyed telling my stories about fighting injustice from my context and experience. but today I realized my stories are all about defeats. none of them have a happy ending (though I usually ramble on until I run out of time and avoid offering an ending at all).

Today I told the story of another digital native, Khaled Said, a 28 years old Egyptian from Alexandria who was tortured to death by two policemen in the street in front of his neighbours. Egypt has a long dark history of torture and police brutality; a topic I'm unfortunately familiar with from family experiences, activism and just reading the news. For decades there was very little resistance to torture, only a handful of very dedicated activists tried to tackle the issue, most victims where silent. recently things have changed with more and more people confronting the issue (police brutality is also increasing), the shift has a variety of reasons but among them is the rise in the use of online social media for activism.

The details of the story are gory and irrelevant what is relevant is that Khaled changed everything. while we where slowly building momentum for an anti torture movement the story of Khaled for some reason filled many many many digital natives with rage and all of a sudden a facebook group and some viral messages (and a graphic post mortem photo) meant to inform people about what happened turned into spontaneous protest and action by thousands of young men and women (boys and girls really) in multiple cities across the country (and big critical mass in khaled's home town Alexandria).

why did Khaled of all the victims resonate? why did their rage instead of being frustrated and impotent like my rage today become a positive force? beats me, but turn into a force it did, with all the foolishness of a very young very inexperienced mob, with little leadership and through extremely messy processes the campaign continued for months. justice for khaled!

now this story did not end yet, the two officers who killed Khaled are standing in trial, but it is already a story of a defeat, for the prosecutor wouldn't charge them with murder or torture but with lesser charges of involuntary killing, the police is already intimidating the young activists and khaled's family. the best possible outcome is waaaay less than justice for khaled.

but I cling to the notion that something bigger than justice was already achieved. every potential victim who chose to take the risk of inviting torture by putting her body on the line despite never having any past experience protesting, organizing, or engaging in any form of political action (and probably even no prior interest in anything political) has liberated herself. she has confronted the worst they can throw at her and by her own choice and with the consent and support of the community. she has created with a mix of bits and blood a new reality even if just for herself and the few thousands that chose to get involved. she is free from the fear and free from the rage, not a bad deal when you are defeated eh?

but more importantly while the young activist cannot offer justice to khaled's family they offered what the elders call solidarity. solidarity like the keywords we discussed yesterday is one of those words that should mean something very profound but we've abused it so badly it hardly means anything at all. so let me share with you what solidarity they offered.

imagine yourself the mother of a no longer young handsome boy. he is 28 now in your eyes still a boy but to the world an adult, you look forward to seeing him build a life a family, you look forward to having grand children. and then he is taken away from you by two human avatars of pure evil, by the conscious actions of others, your son is murdered, tortured to death. and they won't even allow you a proper funeral or the truth let alone justice.

what can anyone offer this mother? what words do you console her with? how do you even muster the courage to look her in the eye?

well here is how, you bring a couple of thousands of your friends and you chant

افرحي يا أم الشهيد ... كلنا خالد سعيد

rejoice mother of the martyr for we are all your sons and daughters, we are all khaled said.

whenever any injustice happens we use this banal slogan "we are all ", how cheeky can these digital natives be? not only do they offer a cliche they even tell her rejoice? but that's why we need fools, they don't know how to behave appropriately, they offer themselves to her as siblings of her martyred son, they offer her son to her as a martyr and not a victim.

بيان القوى السياسية المصرية غير الحزبية

الشعب يريد اسقاط النظام من اجل العدالة والحرية والكرامة الانسانية

ايها المواطنون والمواطنات, في هذه اللحظة الحاسمة وفي مواجهة محاولة مبارك لإجهاض ثورة الشعب المصري تناشد القوى الوطنية ابناء شعبنا للتمسك بمطالبهم وفي مقدمتها :

  1. استقالة رئيس الجمهورية فورا.
  2. العمل على تشكيل حكومة وطنية مؤقتة من قوى تثق فيها جماهير الشعب ويستثنى منه الحزب الحاكم بكل رموزه وقياداته تكون اولى مهمتها الافراج الفوري عن جميع المعتقلين.
  3. محاكمة المسئولي

البداية beginning

الشعب يريد اسقاط النظام

نحن جموع المعتصمين في ميدان التحرير، الذين أطلقوا شرارة الانتفاضة ضد الظلم و الطغيان، انتفضنا بإرادة الشعب القوية، الشعب الذي عانى منذ 30 عاما من القهر و الظلم و الفقر، تحت حكم مبارك و لصوص نظامه في الحزب الوطني.

لقد أثبت المصريون اليوم أنهم قادرون على انتزاع الحرية و تحطيم الاستبداد.

مطالب الشعب قالها في هتافه اليوم في الشوارع:

  1. تنحي مبارك عن السلطة فورا.
  2. إقالة وزارة نظيف كاملة.
  3. حل مجلس الشعب المزور.
  4. تشكيل حكومة وطنية.

نحن مستمرون في الاعتصام حتى تستجاب مطالبنا، و ندعو كل الجماهير المصرية في كل بر مصر و النقابات و الأحزاب و الجمعيات، الانتفاض لانتزاع هذه المطالب.

فلننظم الإضرابات و الاعتصامات و المظاهرات في كل مكان حتى إسقاط النظام.

عاش كفاح الشعب المصري


People wanted to overthrow the regime

We are the masses in the sit in in Tahrir Square, who ignited the spark of the uprising against injustice and tyranny, where raised by the will of the people, the people who suffered 30 years of oppression, injustice and poverty under the rule of Mubarak, and his cronies in the National Party .

Egyptians have proven today that they are capable of extricating their freedom and destroying tyranny

The people's demands were vocalized today in their chants:

  1. Mubarak's immediate stepping down from power.
  2. The resignation of the cabinet.
  3. the dissolution of the fraudulent parliament
  4. The formation of a national government.

We will continue to sit-in until our demands are met, and we call upon the masses all over Egypt and the trade unions, professional syndicates, political parties, and institutions to rise up and extricate these demands.

let us  strike and sit-in and protest everywhere, untill we topple the regime

Long live the struggle of the Egyptian people

A Call to the People and Governments of the Free World

A Call to the People and Governments of the Free World

We call upon all of you to support the Egyptian people's demands for a life of dignity, liberty and an end of despotism. We call upon you to urge this dictatorial regime to stop its bloodshed of the Egyptian people, exercised throughout the Egyptian cities, on top of which comes the city of Suez.

We believe that the material and moral support offered to the Egyptian regime, by the American government and European governments, has helped to suppress the Egyptian people. 

We hereby call upon the people of the free world to support the Egyptian people's non-violent revolution against corruption and tyranny.

اشمعنى غزة

كالعادة تصدمني قدرتنا على الجدل العبثي من زوايا عجيبة في قضايا أنا كنت شايفها واضحة تماما. و كالعادة ترعبني شوفينية دفينة في مجتمعنا ممزوجة باستعداد غير مفهوم لأننا نسمع خطاب دولة و نظام كلنا عارفين أنه شغال ضد مصالحنا و نكبة علينا.

مفيش كلام جديد يتقال في موضوع غزة و الصراع العربي الاسرائيلي، بس الحوارات العبثية اللي شغالة اليومين دول مستفزة جدا. و بالذات الكلام عن الحدود.

في مسألة حدود مصر

أنا مش فاهم أصلا تقديس حدود مصر دي كأنها حدود طبيعية أو كأن تحديدها أمر تم من ألاف السنين و مش محل نقاش دلوقتي، لكن مش مهم خلينا نتخطى النقطة دي فأغلبنا مش بس ميعرفش يعني سايكس بيكو لكن كمان عاجز عن تصور عالم بلا ظباط جوازات و حرس حدود.

هنتعامل على أن حدود مصر بتاعت المدرسة دي مسلم بيها و مقدسة كمان بس خلينا نشوف في الطبيعي الحدود بتكون عاملة ازاي. الطبيعي يعني نقى أي بلد عشوائي على الخريطة و شوف حدوده البرية مع جيرانه بتدار ازاي.

اللي أعرفه أن الحدود البرية في العادي بيبقى فيها مجال كبير جدا لانتقال الناس و البضائع، فيه حرس حدود و جمارك و آليات عادية جدا زي اللي موجودة في الموانئ و المطارات للتحكم في حركة الداخل و الخارج و قواعد شبه واحدة أيا كان أحنا على أي حدود و لا أي ميناء. و كمان في أغلب الأحيان الحدود البرية بتكون متسامحة أكثر من المطارات و الموانئ و الحركة عبرها أسهل (و أكثر في حالة غياب العوائق الطبيعية).

مش بس كده مشفتش ولا سمعت عن أي بلد الا و كان السكان حوالين حدودها في اختلاط ثقافي و عرقي و علاقات نسب و حسب و قبلية ما بين سكان حدود البلد المجاورة، و عادي جدا أن يكون عندك تجمعات سكنية على حدود بلدك نشاطها الاقتصادي مرتبط بأهل حدود البلد المجاور أكثر من ارتباطها بأهل قلب و عاصمة بلدك.

و في أحوال كثير نظرا لتاريخ أهل الناحيتين بيكون فيه استثناء في قواعد و قيود الحركة عبر الحدود لأهل البلاد المجاورة.

ده يا شباب الوضع الطبيعي للحدود، و هو متحقق في مصر فيما يخص حدودنا الغربية و الجنوبية، اللي الحركة عبرها سهل جدا و اللي سكان المناطق الحدودية فيها خليط ما بين مصر و ليبيا أو مصر و السودان.

اشمعنى حدودنا مع فلسطين؟ ليه فيه جدل شديد حوالين فتح المعابر؟ و ليه الفتح يقتصر على ادخال معونات و لا استقبال مرضى؟

ليه مش واخدين بالكم أن طالما الوضع على حدودنا الشرقية مش طبيعي يبقى فيه قرار سياسي بعدم التصرف بشكل طبيعي، و المفروض نفهم القرار السياسي ده متاخد على أساس ايه و لمصلحة مين.

خصوصا لما تبقى الحدود بينا و بين اسرائيل بتدار بشكل شبه طبيعي و فيها حرية حركة، يعني الاسرائيلي من حقه يدخل مصر من حدودها البرية من غير ما يكون عنده أزمة صحية.

الحدود في أوقات الحرب

يسقط يسقط حسني مبارك

مجموعة تسجيلات فيديو من المحلة

سقوط الصنم على رأي وائل عباس

يسقط مبارك و كلاب مبارك

بعد اعتقال جورج اسحاق من بيته بقى واضح أن الحكومة ناوية نية وحشة لكل اللي وجع دماغها السنتين اللي فاتوا و بالأخص أهل المحلة طبعا،

تابعوا الأخبار أول بأول من على موقع مركز هشام مبارك للقانون و مدونة اضراب 6 أبريل

قسم العمرانية

قسم العمرانية بيسبب لي حالة رعب غريبة

الموضوع بدأ بقضية أحمد تمام و دي واحدة من أولى قضايا خصخصة التعذيب، الكلاب في القسم عذبوا أحمد تمام كخدمة لجاره اللي كان متخانق معاه خناقة تافهة. قضية أحمد تمام من القضايا القليلة جدا اللي اتاخد فيها حكم ضد رجال الشرطة (الحكم نفسه كان هزلي اتحكم على الجبان عرفة حمزة بسنة قتل خطأ و الأنكى أنه بعد ما قضى عقوبته رجع لشغله عادي و اترقى كمان).

لكن مشكلتي أنا الشخصية أن والدي كان على رأس المحامين اللي اشتغلوا على القضية و مثلوا أسرة القتيل و مصيبتي الأكبر أن بيتي في منطقة نفوذ قسم العمرانية.

أول مرة أحس بالرعب ده كان لما جارتنا كلمت القسم بسبب دوشة طالعة من شقتنا، لما جاء صول من القسم انتابتني حالة ذعر، الصول كان عارف أبويا مين و حذرني بشكل صريح و مباشر أني أخلص الموضوع مع الجارة ودي لأني لو دخلت القسم الظباط ممكن يخلصوا في ثأرهم. (واخد بالك أن الشرطة هي اللي ليها ثأر مش أهل الضحية).

من بعدها و أنا بتفادى القسم تماما و لو معدي من الهرم يا أما بمشي الناحية الثانية يا أما بخرم من وراه.

في يوم عيد ميلادي الثالث و العشرين 18 نوفمبر 2004 طلع في دماغنا في وسط الاحتفال أننا ناخد فلوكة، لمينا بعضنا و نزلنا و لما رجعنا البيت لقينا الباب مكسور، و رغم أن متسرقش من البيت غير موبايل افترضنا أنها كانت عملية سرقة، لكن رعبي من القسم منعني من أني أروح أعمل بلاغ. بعدها بكام يوم اختفى لابتوب من بتوع بابا و فسرنا الموضوع بأنه عجز و بقى بيسرح، بعدها بشهرين اقتحموا بيت أهلي و سرقوا لابتوب فقط في ظروف غامضة جدا، و فهمنا وقتها أن اللي اقتحم شقتي ده أكيد كان من كلاب الداخلية (لو تايه في القصة المسألة بسيطة الشقة اللي أنا عايش فيها دلوقتي دي كانت شقة العيلة و اتولدت و اتربيت فيها و بعدين هما نقلوا على مكان أفضل و أنا اتجوزت فيها، يعني الاقتحام كان بحثا عن جهاز الوالد و ملوش علاقة بي، سخرية القدر بقى أنهم اقتحموا بيتي و راقبوا تليفوني قبل أصلا ما يبقى لي أي نشاط سياسي من أي نوع).

خدوا بالكم أن على خلفية الحواديت البسيطة دي في كل سنة واحد ثاني بيتقتل في قسم العمرانية، ده غير حوادث التعذيب العادية اللي مبتوصلش للقتل.

لما جت الهوجة بتاعت الانتخابات كنت خايف أدخل القسم و لو حتى عشان أعمل بطاقة انتخابية (طبعا ده خوف عبثي المسألة مش خطيرة للدرجة و في الآخر اتنيلت عملت البطاقة).

لما اتحبست السنة اللي فاتت، رغم قسوة التجربة كلها علي لكن الحقيقة أني مقارنة باللي شافوه زملاتي كنت مدلع. لحد يوم الافراج لقيتهم باعتيني قسم العمرانية، مع وعود بأن المسألة اجرائات بسيطة و هتخلص بسرعة.

اللي حصل أنهم ماطلوا في الورق بتاع الافراج و رموني في تخشيبة العمرانية.

لو كان عندي أي شكوك في أن حالة الذعر اللي عندي دي مرضية أو عبيطة فليلة واحدة في تخشيبة العمرانية أثبتتلي أن الواقع أسوأ بكثير جدا من أي حاجة خيالي ممكن يتصورها. التخشيبة عبارة عن أوضتين كبار مربوطين بطرقة، الطرقة في نصفها باب حديد لو اتقفل بتتفصل الأوضتين عن بعض تماما، الأوضة اللي جوه عاملة زي كوابيس رجال عصور ما قبل الحضارة، ظلام دامس و كائنات هلامية بتصدر أصوات غامضة اللي بيترمي جوه مبتسمعلهوش حس ثاني. الأوضة الخارجية كانت شبه أحقر و أزحم و أوسخ زنزانة في سجن طره، يعني مصيبة لكن ينفع أستحملها. الحمام من رعبي محاولتش أشوف أصلا شكله عامل ازاي.

الواد كان عنده حق، أوعوا تقولوله لأ (أسعار الدي اس ال)

طبعا أنا طالبة معايا أشتم و أقبح بس زهقت من الناس اللي بتدخل تشتكي من الصياغة و تطنش الموضوع فهفوتها المرة دي و أكتب حاجة مؤدبة في السريع

أول سبتمبر دخل علينا و أسعار الدي اس ال الجديدة نزلت، و بنظرة سريعة على مواقع لينك دوت نت و تي اي داتا و سوفيكوم تكشف لنا الآتي.

  • أولا اشتراكات الدي اس ال الغير محدودة متاحة من الثلاث شركات.
  • ثانيا فيه باقة من الاشتراكات المحدودة لكل السرعات و بأسعار منطقية أكثر بكثير من ما سبق.
  • ثالثا في حالة تي اي داتا و سوفيكوم أسعار الاشتراكات غير المحدودة متغيرتش (لكن تي اي داتا بطلت تعلن عن اشتراكات 1:2)
  • رابعا لينك دوت نت خفضت أسعار الاشتراكات غير المحدودة لكل السرعات الأعلى من 256 تخفيض مش صغير.

الآن أتكلم - موضوع أسعار الدي اس ال

استفزتني بشدة الحملة العبثية المعمولة ضد قرار مرفق الاتصالات الخاص بأسعار الدي اس ال، فجأة كده لقينا مدونين و صحفيين و تلفزيونات بيكتبوا و يفتوا و مؤسسات و أحزاب عاملة ندوات و هيصة و هجوم و طول الوقت كنت حاسس أن أغلب ان لم يكن كل اللي بيتكلموا مش فاهمين حاجة خالص و أكثر حاجة مش فاهمينها هي القرار ده معناه ايه بالظبط.

المشكلة مش في أن الناس مش فاهمة المشكلة في أن الناس عارفة أنها مش فاهمة و مع ذلك مصرة تفتي. هنيئا للمدونين أدائهم بقى زي الصحافيين بالظبط.

من الأمور المستغربة ان أغلب الصحفيين مهتموش يتصلوا بشركات مقدمي خدمة الانترنت، كأننا في الستينات حيث كل حاجة قطاع عام و كل حاجة بمزاج الحكومة.

القرار الشهير

مرضيتش أكتب تفسير للقرار لحد ما أتأكد، الكلام اللي جاي ده مبني على فهمي و الاتصال ببعض المصادر داخل شركات النت و الوزارة.

بصوا يا جماعة لحد قريب كان تسعير خدمة الدي اس ال خاضع لقرارات مرفق الاتصالات و متثبت و لا يحق للشركات لا زيادة و لا نقصان في السعر. و نوع الخدمات المقدم برضه محدد. أهم حاجة في القرار هي أنه حرر السعر. حدد فقط سعر أقل خدمة (سرعة 256Kb مع طاقة تنزيل محدودة 2GB في الشهر) و سعر أعلى خدمة (سرعة 2Mb مع طاقة تنزيل غير محدودة) و ساب للشركات مطلق الحرية في تحديد و تسعير أي خدمات أخرى ما بين الخدمتين دول بحيث ميقدموش خدمة أو سعر أقل من الحد الأدنى و لا أعلى من الحد الأقصى.

مسعد أبو فجر يكتب عن سيناء

مسعد أبو فجر روائي له رواية جميلة (و مهمة) اسمها طلعة البدن و من قادة و منظمي حركة ودنا نعيش. نقرأ يمكن نفهم أكثر ايه اللي بيحصل في سناء دلوقتي


لم يكن هناك طريق، مشى البعض من هنا، فصار طريقا..

أكثر من خمسة وعشرين عاما، ونحن نشرب التعذيب والتمييز والإقصاء والاحتقار دقيقة وراء دقيقة.. حتى اعتقد البعض إن الذل صار يمشي كالدم في عروقنا.. خاصة وهو يرانا نتحايل كالثعالب على الحياة. تحايلنا تجلى في صور شتى، أكبر شيخ من مشايخ قبائلنا يرسله المخبر ليشتري له علبة سجاير من الكشك اللي قدام قسم الشرطة، اما نحن فقد صار البعض منا مثل لاعب السيرك بين الأجهزة، يلعب مع الأمن القومي ليحميه من امن الدولة، ومن لم يجد له مكان في الأمن القومي، لعب مع امن الدولة لتحميه من جهاز شئون البدو.. ومن لم يجد له مكان في جهاز أمن الدولة، لعب مع جهاز شئون البدو، ليحميه من جهاز مكافحة الجراد... وهكذا في دوخة لا تنتهي حتى تبدأ.. هذا على مستوى كبارنا، أما إحنا الناس العاديين، فقد صرنا نلف عن الأكمنة، لنتحاشى التمييز الذي يصفع وجوهنا عليها، نغير محل إقاماتنا ولوحات سياراتنا إلى محافظات أخرى، حتى نتحاشى الإهانة، نحاول قدر المستطاع ان نبتعد عن الدوائر الحكومية، إما إن لقينا نفسنا مجبرين، فسوف نبحث عن وسيط، ندفع له، حتى يخلصنا من الذل والمهانة، التي نتعرض لها إثناء تعاملنا مع الموظفين، الذين جاءت بهم الدولة، من قراها البعيدة، ليضخوا الحضارة في عروقنا (!!!) وليصيروا حكامنا الجدد.. خمسة وعشرون سنة ونحن ندفع للضباط والوسطاء والمخبرين، إن قبضت الشرطة على قريب لنا، حتى نبعد عنه عذاب التعليق والخوزقة، وهما تقليدان توارثهما حكامنا الجدد عن المماليك والعثمانلي.. وحتى لا نطيل الكلام، تعالوا الآن نمرق على محطات فارقة في علاقتنا معهم:

  • كان الحدث الفارق في التسعينات حين قامت الدولة بالاعتداء الجماعي على قبيلة تياها، وجر شيوخهم بواسطة الجيبات على الإسفلت، وتعليق نساءهم، وحجز رجالهم، وجعلهم يمشون على أيديهم وأرجلهم ثم ركوب عساكر الأمن المركزي على ظهورهم وضربهم بالعصا على أوراكهم، كما يفعلون مع الحمير في بلدانهم. لم يكن هذا حدثا عاديا، بل كان مثل 11 سبتمبر له ما قبله وما بعده.. فالحكومة فهمت غلط، إن الأرض هيأت لها تماما، إما البدو فقد عرفوا إن هذه الدولة لا تراعي فيهم عهدا ولا ذمة.. فهذه دولة ضعيفة، وقد فسرت صبرهم على انه ضعفا، وكان طبيعيا إن يكون رد فعلها جاهلا وعنيفا ومؤذيا. تلك الواقعة كانت ذروة التيه، التي سيعقبها حتما عملية البحث عن الطريق.
  • وكانت البداية حين اجتاز عرب العزازمة الحدود إلى إسرائيل، ورأى الناس كيف عادوا ليعيشوا في بطن جبل الجايفة، موطنهم الأغر، بهدوء وتوقفت تماما اعتداءات رجال الأمن ضدهم..
  • ولكن هذه الطريقة، طريقة العبور إلى إسرائيل، كان من الصعب على بدو سيناء ان يبلعوها، خاصة وفعل العزازمة له ما يبرره، من جهة إن العزازمة قوم بلادهم الأصلية شمال الحدود، وليس جنوبها كما هو الحال مع بدو سيناء ..

يحدث في سيناء الآن

بعد ثلاث أيام بالظبط يوم 1 يوليو 2007 يبدأ ألاف من أهل سيناء ممثلين لكل قبائل بدو سيناء من الشمال و الجنوب و الوسط اعتصام مفتوح بالقرب من الحدود المصرية الفلسطينية.

اللي بيحصل النهاردة في سيناء وسط البدو بذرة ثورة واسعة، لا تقل أهمية و لا تأثيرا عن الاضرابات العمالية الضخمة اللي شغالة من أول السنة.

لكن نشرح الموضوع منين؟ نبدأ من قتل اثنين من قبيلة السواركة برصاص كلاب مبارك بدون سبب و بدون أي محاسبة؟ ولا نرجع لاعتقال و تعذيب عشرات الألوف بما فيهم العجائز و النساء و الأطفال بعد أحداث طابا؟ و لا نرجع أقدم من كده كمان و نتكلم عن حرمان أهل سيناء من الماء و التعليم و الوظائف، و لا نرجع أكثر و نتكلم عن اضطهادهم من قبل الحكومة دائما و باقي المصريين أحيانا كأقلية مختلفة عن تصورنا المرضي عن المألوف؟

ولا أقولكم خلينا الأول نتكلم في ليه على الحدود، فالموضوع قريب قوي من اسرائيل و أحنا عادتنا لو ذكرت كلمة اسرائيل منعرفش نفكر بشكل منطقي.

البعض بيزايد على وطنية بدو سيناء، المزايدة دي عبثية لأسباب عديدة، أولا لما المزايدة تيجي من كلاب أمن الدولة و مخاصي المؤسسة العسكرية و حرامية مبارك و منافيقهم يبقى أحة كبيرة. بعد ما باعوا البلد و البلاد اللي حواليها، و الغاز و المياه و البترول و الأرض و الأسرى و كل حاجة لاسرائيل مظنش حد من نواحي النظام المصري يحق ليه يتكلم خالص عن مين بيعمل ايه مع اسرائيل.

لكن بعيدا عن دول، برضه المزايدة عبثية، أولا لأن الانتماء للوطن ده مش اختيار يا كباتن ده قدر و لما يبقى الوطن مصر يبقى قدر أسود و مهبب، أنا مبختارش بتولد فين و حتى لو مش عاجباني المخروبة بنت الوسخة و متلزمنيش حقوقي كاملة لا محتاج أثبت ولائي ولا محتاج أثبت وطنيتي و لا محتاج أكون مؤدب و شاطر عشان يبقالي حقوق.

لكن برضه رغم كل ده المزايدة على وطنية أهل سيناء كلام عبثي، فالناس تاريخهم معروف كويس و لولاهم هما و أهل السويس كان زماننا محشورين في مخيم لاجئين و بنلعب مع فتح الاسلام. و مهما استهبلنا في الكلام لا يمكن انكار أنهم حاربوا اسرائيل و كانوا مساعد أساسي للمؤسسة العسكرية المصرية (و كانوا مساعد فقط بسبب غباء البهايم القائمين على المؤسسة العسكرية اللي بيحاولوا بقدر الامكان يتفادوا تجنيد أي مصري من أهل سيناء). و طبعا كلنا سامعين اسرائيل و هي بتشتكي من سلاح المقاومة الفلسطينية اللي بيتهرب من مصر في أنفاق تحت الأرض، تفتكروا يا شباب مين اللي بيفوت السلاح في الأنفاق دي؟

طيب لما هما وطنيين و حلويين معتصمين على الحدود ليه؟ عشان كلاب أمن الدولة و عساكر الأمن المركزي ميقدروش يروحوا بأعداد كبيرة على الحدود، الناس معتصمة في أرضها (التاريخية و الفعلية) و بتستغل الوضع الدولي لضمان أمانهم و سلامتهم.

بيان من قبائل بدو سيناء

بيان من قبائل بدو سيناء

على لسان المفوض/ محمد أبو راس

اننا أبناء قبائل سيناء لا نقبل أن يزايد أحد على وطنيتنا مهما كان موقعه أو مركزه، فنحن مصريون وطنيون و سجلات المخابرات الحربية تشهد بذلك. و لكن للأسف نقولها بمرارة أننا أبناء سيناء و نعامل من قبل الأجهزة الأمنية معاملة لا إنسانية و الحكمة تقول (اذا زاد الشيئ عن حده انقلب الي ضده) و هذا ما حدث بالفعل.

و تتمثل هذه المعاملة في الاعتقال العشوائي. فهناك ألاف المعتقلين من أبناء سيناء دون محاكمة و ورائهم أسر لا عائل لها الا هذا المعتقل و هناك مطاردين محكومين غيابيا في قضايا ملفقة اليهم.

و نعامل نحن أبناء سيناء معاملة مهينة للكرامة داخل أقسام الشرطة و المعابر الحدودية و على نقاط التفتيش و ما أكثرها في سيناء.

اننا لا نطلب المستحيل و مطالبنا شرعية من حق أي مواطن مصري و مطالبنا تتلخص في:

  1. الافراج عن المعتقلين الذين تم تبرئهم من القضاء
  2. اعادة النظر في الأحكام الغيابية العسكرية و المدنية الملفقة
  3. وقف اطلاق النار العشوائي من قبل الأجهزة الأمنية
  4. رفع ظلم و تغول الأجهزة الأمنية
  5. اعادة جدولة القروض الخاصة ببنك التنمية لدي المواطنين بشمال سيناء
  6. تقديم الضباط الذين ارتكبوا جرائم قتل لمحاكمة عادلة
  7. منع انتهاك حرمات البيوت بأخذ من لا ذنب له من نساء و شيوخ و أطفال كرهائن
  8. مناقشة أرض المعسكر بمدينة رفح
  9. توفير فرص عمل لأبناء القبائل

أفرجوا عن عبد المنعم جمال الدين

مصر فيها ألاف المعتقلين السياسيين، محدش يعرف عددهم بالظبط لكن عارفين كويس مدى الظلم الواقع عليهم و البهدلة اللي بتحصلهم، من أول معتقلي الجهاد للي محبوسين من الثمانينات لمعتقلي الجماعة اللي محبوسين من التسعينات لحد معتقلي السلفيين اللي بيتقبض عليهم النهاردة، و كله من غير محاكمة. مش بس من غير محاكمة، ده المحكمة بتحكم بالبرائة و الافراج و يستمر الاعتقال.

من فتره اتصلت بنا أسرة واحد أقدم معتقلي مصر، و حاول بعض المدونين أنهم يحكوا عن قصة الأسرة دي كمثال للهم اللي عايش فيها مئات الأسر.

ده فيديو بسيط عملناه أنا و مالك مع والدي المعتقل عبد المنعم جمال الدين و فيه تعليقات من الأستاذ أخمد سيف الاسلام المحامي بمركز هشام مبارك للقانون عن أوضاع المعتقلين في مصر، الفيديو تم تحضيره بكاميرا محدودة الامكانيات جدا و أحنا طبعا لا لينا في السينما و لا بتاع فيا ريت تتغاضو عن المستوى الفني السيئ و مشاكل الشوشرة و خلافه. يتبع الفيديو روابط لتدوينات و مقالات عن عبد المنعم.

لتنزيل فيديو حوارات مع أسرة المعتقل المصري عبد المنعم جمال الدين

أخوكم عبد المنعم جمال الدين

  • اعتقل عقب اغتيال السادات في 1981
  • قضى ثلاث سنوات متنقلا ما بين سجون طره و أبي زعبل و الوادي الجديد بدون توجيه تهم أو محاكمة ثم أفرج عنه
  • تم اعتقاله للمرة الثانية عام 1993
  • برأته المحكمة العسكرية في قضية طلائع الفتح سنة 1993 لكن استمر اعتقاله
  • في 1999 اتهم في قضية العائدين من ألبانيا (رغم أنه كان معتقل منذ 1993) و برأته المحكمة العسكرية مرة ثانية و مع ذلك لا يزال في المعتقل
  • تزوج قبل الاعتقال الثاني بفترة بسيطة و له ابن عمره 13 سنة لم يراه أبدأ
  • بسبب سوء الأوضاع في السجون تحول من شاب الي كهل مصاب بأمراض الكلى و الكبد و انزلاق في الغضاريف

مذكرة الدفاع عن المدون المصري عبد الكريم نبيل سليمان

دفاعا عن حرية التعبير في مصر

امبارح تقدم الأستاذ أحمد سيف الاسلام المحامي بمركز هشام مبارك للقانون بمذكرة دفاع عن المدون المصري عبد الكريم نبيل سليمان اللي بيحاكم بسبب تعبيره عن رأيه بشكل سلمي على الوب.

ده ملخص مذكرة الدفاع و للمهتم مرفق تحت النص الكامل للمذكرة، القاضي رفض طلبات الدفاع باستكمال الأوراق و انتداب خبير و رفض يدي الدفاع فرصة لتحضير المرافعة، بالتالي المذكرات هي الدفاع الوحيد عن عبد الكريم، و القضية هيتحكم فيها في يوم 22 فبراير.


ملخص دفاع مركز هشام مبارك عن كريم فى الجنحة 788/2007 جنح محرم بك

يتمسك الدفاع الحاضر مع المتهم بكافة الطلبات المقدمة منه والثابتة فى محاضر الجلسات والمتمثلة فى طلب انتداب خبير من كلية هندسة بجامعة الاسكندرية لتحديد مكان موقع الحوار المتمدن الذى استمد منه الوثائق المسندة للمتهم وتحديد منشئ الموقع ومديره المسئول عن استضافة المادة لتحديد مدى انطباق قانون العقوبات المصرى عليه

كما طلب الدفاع ضم الشكوى المنسوب صدورها لبعض الطلاب التى بناءا عليها احيل المتهم لمجلس اتهام

كما طلب الدفاع ضم تحريات مباحث امن الدولة التى طلبتها النيابة العامة اثناء التحقيقات

التهم:

تقيد الاوراق جنحة بالمواد 98و و 102 مكرر و179 من قانون العقوبات ضد عبد الكريم نبيل سليمان لانه فى غضون عام 2005 بدائرة قسم محرم بك

ما جمع الا أما وفق

في الحلقة السابقة

في شهر أكتوبر اللي فات بدأت مناقشة عن مستقبل مجمع المدونات المصرية اللي حاليا جزء من موقع manalaa.net، طرحت وقتها مشكلتين بتواجه المجمع، مشكلة مادية و تقنية في تحمل العدد المتزايد للمدونات و الزوار و مشكلة تقنية و تنظيمية في نعرض التدوينات ازاي مع تزايد عددهم بالشكل السريع ده.

من المناقشة كان واضح أن فيه اهتمام باستمرار مجمع المدونات المصرية على صيغة مفتوحة للجميع و مفيهاش اختيار مدونات، و في التعليقات ظهرت اقتراحات عديدة لمشكلة حجم المحتوى أغلبها تنفيذه محتاج مجهود كبير و برمجة كثيرة.

و بعدها انقطع النقاش بسبب المواضيع السخنة اللي بترف على المدونات و بسبب سفري مدد طويلة.

رغم أني مكملتش المناقشة على المدونة لكن كملت مع أصدقاء كثر و خدت مجموعة قرارات، مرتبطة أساسا بالوضع المادي و تمويل المجمع، قبل ما أشرح القرارات دي خليني ألخص الفترة اللي فاتت.

من أين لنا هذا

المجمع بدأ في يناير 2005 كان عدد المدونين صغير جدا و عدد الزوار صغير جدا جدا، تكلفة الاستضافة كانت لا تذكر وقتها و كنا بندفعها أنا و منال من جيبنا، مع الزمن زاد عدد المدونين و عدد الزوار و اتنقلنا من shared hosting لvirtual servers و بعدين لdedicated server و قعدنا نرقي السيرفر كل شوية لحد ما وصلت التكلفة 60$ شهريا (كان وقتها عدد المدونين بالمئات و عدد الزوار الدائمين ميعديش 10000).

طول الفترة دي كان السيرفر شايل في نفس الوقت مجموعة من المواقع و المدونات اللي أحنا مستضيفنها او بانينها كعمل تطوعي، مسألة الاستضافة دي كانت هي الهدف الأساسي من شراء نطاق manalaa.net و تأجير سيرفرات و كانت الأولوية بالنسبة لينا، لكن مع الزمن بقى المجمع أهميته أعلى و بسبب قلة امكانيات السيرفر بالنسبة للضغط عليه كان بياخد مننا مجهود و وقت أكثر.

وقتها كان كل شوية كل المواقع اللي على السيرفر تنهار بسبب المجمع، فقررنا أن ضروري يتفصل مدونة منال و علاء و المجمع عن باقي المواقع، لكن امكانياتنا مكانتش تسمح بدفع أكثر من 60$ شهريا فقررنا طلب المساعدة من الأصدقاء.

الكلاب لسه في المطار

عن وكالة الأنباء الفرنسية القاهرة

بيقولك مصر للطيران لبست غرامة 10 ألاف دولار بسبب كلب بوليسي شخ (لا مؤاخذه) في كابينة طائرة متوجهة الي نيويورك أثناء تفتيشها للتأكد من خلوها من المتفجرات.

أيوه الكلب البوليسي شخ في الطيارة و لبس مصر للطيران غرامة تأخير عشان الكابتن رفض يطلع بالطيارة أم شخة.

طيب أقول ايه يعني؟ اللي ادانا مطار و طيارات ظلمنا؟

لا و منال قفشت لما الراجل اتحرش بيها في الطيارة، على الأقل من نفس الفصيلة.

راجع التعليقات عند العروبي لمزيد من نوادر مطار القاهرة البولي

العنوان اشارة لمسرحية على سالم "الكلاب وصلت المطار"، المسرحية مستلهمة من قصة زوجة الدكتور عبد العظيم أنيس (حد يعرف اسمها) اللي ماتت لما عضها كلب مسعور في المطار (القصة حقيقة و الخبر اللي فوق ده حقيقي برضه، و مصر دي بلد موجودة بجد مش كارتون).

حبس انفرادي، منع من الزيارة، استمرار حبس 45 يوم رغم انتهاء التحقيقات، منع من المحامين، بس عادي أصله كافر

عبد الكريم نبيل سليمان، المدون المصري الشاب اللي محبوس بقاله أكثر من شهر المفروض على ذمة تحقيق مبيحصلش أصلا اتحولت قضيته لنيابة أمن الدولة.

و نيابة أمن الدولة أول حاجة عملتها أنها حبسته 45 يوم كمان، أصل التحقيق يا عيني صعب قوي لأن الواد عبد الكريم ده لئيم و جامد و صعب عليهم يكتشفوا خبايا مؤامرته بسرعة.

عبد الكريم اللي كان بيتمني يتنقل من التخشيبة لسجن عشان تتحسن حالته حالته بقيت أسوأ، محبوس حبس انفرادي بدون سبب و منعوا أهله من الزيارة، و طبعا صعوبات في أنه يقابل محاميته.

كل ده ليه؟ عشان كتب على مدونته.

اقرأ بيان الشبكة العربية لمعلومات حقوق الانسان

طبعا ولا الهواء هيجي كام فسل يقولوا على نفسهم مسلمين و يقعدوا يشتموا في الكافر الزنديق عبد الكريم و ازاي أن الاسلام بيتحتم حرمانه من حقوقه لأن ربنا أمرنا بالظلم ما دام ضد حد مش عاجبنا و يشتموا في سنسفيل جدود اللي يتشدد للكفرة أمثال عبد الكريم، و هيطلع كام بهيمة و يقول أننا مبندافعش غير عن اللي بيشتم الاسلام و معرفش ايه.

baheyya's latest post

برضه الكبير كبير

Baheyya writes Three Elections, One Principle

...

Let’s remember that Nasser and Sadat were not battling Islamists in these institutions, but an assortment of leftists, liberals, nationalists, Islamists, and independents. That today the Islamists are at the forefront of the battle for associational autonomy should not obscure the fact that what is at stake is institutional autonomy and undistorted representation. If today the Ikhwan were replaced by leftists as the major electoral and political force, would the regime back off and let them carry on? Absolutely not. Just look at the regime’s multi-tiered involvement in the journalists’ and judges’ associations, two institutions where the Ikhwan historically have had and continue to wield very little clout. So while it’s comforting to dismiss the recent elections as yet more staging grounds for Ikhwan-regime competition, it would be entirely missing the point.

...

Read it all

النيابة تضلل محاميي عبد الكريم نبيل سليمان

باين كده أن الاستنطاع و الاستهبال و البلطجة مبقيتش حكر على كلاب الداخلية و شكلها بهتت على وكلاء نيابة و قضاة كمان، عشان يبقى مفيش حد أوسخ من حد يعني.

المدون عبد الكريم نبيل سليمان اللي محتجز من 6 نوفمبر قال ايه على زمة تحقيق في تهم وهمية من نوع اهانة رئيس الجمهورية (يا أخي بق أمه) و التحريض على قلب نظام الحكم و الذي منه كل عرض نيابة يشوف العجب، من أول وكلاء نيابة بيأمروه بالتوبة و بيسألوه بيصلي ولا لأ لحد وكيل نيابة بيجيب اصحابه يتفرجوا على الكافر.

النهاردة كان العرض الرابع طلعوا باختراع جديد، تضليل و تتويه المحامين بحيث يمنعوهم من مقابلة عبد الكريم و من حضور التحقيق معاه، عبد الكريم نقل من نيابة جزئية لنيابة كلية من دون اخطار المحامين ولا حتى اخطار القاضي اللي في المحكمة الجزئية اللي فضل مستني، و طبعا المحامين قعدوا يجروا في البلد كلها لحد مكتشفوا هو فين لكن وصلوا متأخر و كان عبد الكريم اتعرض فعلا رغم رفضه للمثول أمام النيابة بدون حضور محاميه و اتجددله الحبس الاحتياطي 15 يوم كمان.

أفرجوا عن عبد الكريم نبيل سليمان

اقرأ بيان الشبكة العربية لمعلومات حقوق الانسان

6 نوفمبر 2006

أمرت نيابة محرم بك بالإسكندرية اليوم بحجز المدون عبد الكريم نبيل سليمان – 22 سنة و طالب سابق بالسنة الثانية بكلية الحقوق جامعة الأزهر - أربعة أيام على ذمة التحقيق بعد استجوابه فيما ينشره من مقالات رأي على شبكة الإنترنت في عدة مواقع أهمها مدونته http://karam903.blogspot.com

في مارس الماضي قامت كلية الحقوق في جامعة الأزهر التي كان عبد الكريم (الشهير بكريم) مقيدا بها كطالب بفصله بصفة نهائية من الكلية على خلفية كتاباته المشككة في صحة الدين الإسلامي و نقد بعض رموزه, و كانت جريدة الجمهورية قد نشرت وقتها ما يفيد بأن أوراق التحقيق مع كريم في مجلس التأديب – و التي رفض كريم التوقيع عليها لأسباب خاصة به - قد أرسلت نسخة منها إلى النيابة العامة. و بناءا عليه استدعته النيابة العامة في محرم بك بالإسكندرية لاستجوابه.

جدير بالذكر أن كريم كان قد تعرض للحبس من قبل في نفس التاريخ (6 نوفمبر) العام الماضي لنفس الأسباب, حيث اقتحمت قوة من جهاز أمن الدولة منزل كريم واقتادته لمكان مجهول، بسبب كتاباته على الإنترنت لبعض المواقع الإخبارية فضلا عن المدونة " البلوج" الخاص به

اتحاد الطلبة و الصحافة الشعبية

موضوع التحرش الجنسي مش الموضوع الوحيد اللي المدونات كان ليها السبق في نشره اليومين دول، ما يجرى حوالين انتخابات اتحاد الطلبة من عنف و بلطجة و تزوير و تعريص حكومي موثق بشكل جيد جدا على المدونات و بشهاات و صور و كالعادة الموضوع تاه في وسط أحداث ثانية رغم أهميته.

تحية للصحافة الشعبية اللي جايلنا من الجامعة، كان بودي أجمع الروابط كلها لكن للأسف مشغول جدا، لو حد عنده روابط يحطها هنا في التعليقات و محتاجين نفكر في حلول خلاقة زي الاتحاد الحر بتاع السنة اللي فاتت.

ميم التحرش تصيب برنامج العاشرة مساءا

أنا كنت ناوي أبطل كلام في ميم حفل السعار الجنسي الشهير بما أن ورايا كلام مهم متأجل بقاله زمن، لكن بما أن الميم صابت التلفزيون أخيرا فيجب التنويه

الأستاذة نوارة نجم مشكورة استغلت فرصة ظهورها في برنامج العاشرة مساء بقناة دريم و حكيت لهم على اللي حصل في وسط البلد أول و ثاني يوم العيد، و البرنامج مشكور برضه نزل عمل حوارات في الشارع و اتكلم عن الموضوع ثاني يوم على طول، و وائل عباس مشكورا برضه حمل فيديو فيه المقطع اللي تناول الموضوع على youtube.

أدي شهادات من عاملين في المحلات بالاضاف لشهادات المدونين و التحقيق اللي عمله حسام، أظن مفيش مجال للانكار بقى.

روابط اليوم

مكتوب و مستقبل مجمع المدونات المصرية

زي ما أنتوا عارفين الموقع ده مش بس مدونة كمان عليه مجمع المدونات المصرية المجمع عبارة عن برنامج بيزور كل المدونات المصرية المعروفة كل كام ساعة بحثا عن تدوينات جديدة، لما بيلاقي تدوينات جديدة بيعيد نشرها في مكان مركزي.

المجمع

بالاضافة للمدونات بنجمع كام موقع اخباري كمان. المجمع متقسم باللغة أساسا لكن كمان بيسحب التصنيفات من المدونات و الناس تقدر تتصفحه بالتصنيف (و ان كان أغلب المدونات المصرية مبتستخدمش نظام تصنيف).

المجمع مكانش أول جهد لتجميع المدونات المصرية، البداية كانت مع حلقة المدونات المصرية اللي علمها حلمي و لحد النهاردة الحلقة هي المصدر الأساسي اللي بنكتشف عن طريقه مدونات مصرية جديدة (لكن كمان الناس بتقدر تضيف مدونتها للمجمع مباشرة).

الزوار

أقدر أجزم أن المجمع كان ليه دور أساسي في نمو التدوين المصري و في ظهور المدونين اعلاميا و في اتساع دور المدونين سياسيا خصوصا اللي بيمارسوا الصحافة الشعبية، المجمع بيزوره من 2000 الي 3000 زائر يوميا أغلبهم بيزوره ثلاث مرات في اليوم على الأقل، في تقديري الغير علمي بالمرة فيه حوالي 30000 شخص بيتعامل مع المجمع على أنه وسيلته الرئيسية ان لم تكن الوحيدة في تصفح المدونات المصرية. و وفقا لتقديري الغير علمي برضه المجمع هو المصدر الأساسي للزوار (referrer) بالنسبة لثلث المدونات المسجلة عليه على الأقل. في الأوقات اللي بيحصل فيها أحداث كبيرة (عنف يوم الاستفتاء، الانتخابات، مجزرة اللاجئين السودانيين، غرق العبارة، اعتقالات المتضامنين مع القضاة) عدد الزوار بيزيد بشكل سريع جدا.

المدونات

المجمع مسجل بيه 1377 مدونة و أرشيفه فيه 63886 ألف تدوينة، معدل نموه سريع جدا، قمثلا في أول نوفمبر 2005 كان مسجل بالمجمع 372 مدونة فقط يعني بنتضاعف بمعدل مرة كل نصف سنة (مشابه لمعدل نمو المدونات العالمي).

مجمعنا و الحلقة يعتبروا حالة شاذة في وسط فضاء التدوين العربي، كل المجمعات العربية الأخرى بلا استثناء عندها معايير ما غير المعيار الجغرافي للمدونات اللي بتربط ليها، لدرجة أن المدونة التونسية الأشهر فكرة لجأت سياسيا الي مجمع المدونات المصرية بسبب رفض كل حلقات التدوين التونسية الربط لها.

يعني أهم هدف عندنا هو أننا نكون شاملين لكل المدونات المصرية (تحت تعريف فضفاض جدا للمصرية). و أنا كنت داير فعلا أدعي أن المجمع و الحلقة بيعبروا عن كل فضاء التدوين المصري.

مكتوب

لحد كده و جميل المصيبة بقى أن طلع المجمع مش بدرجة الأهمية اللي أنا متصورها خالص، أكتشفت مؤخرا أن خدمة مدونات مكتوب بها 1546 مدونة مصرية مش مسجلة على المجمع ولا على حلقة المدونات المصرية و ولا عمرنا سمعنا عنها، ده معناه مئات من المدونات اللي مفيش ولا مدون من اللي نعرفهم بيربط ليهم و غالبا معناه فئة من القراء مفيش تقاطع كبير بينها و بين قراء المجمع.

ميم التحرش عقبال ميم المنطق قادر يا كريم

روابط اليوم تحت خالص (بعد ما تدوس Read More)

موضوع حفلة التحرش الجنسي الجماعي بقى موضوع ملحمي، يمكن تكون من أقوى الميمات اللي هتعدي على فضاء التدوين المصري و تدوينة مالك هتكسر الأرقام القياسة بتاعت تدوينة منال الشهيرة. التعليقات عند مالك خلاص وصلت مرحلة البلالا و صعب متابعة المناقشة، لكن برغم ده كله رصدت كام فكرة متكررة في التعليقات و المناقشات أحب أعلق عليهم

جريمة عنف

قبل كل شيئ خلينا نفهم البشر البضينة اللي زي السيد بيسو ليه الناس مستغربة، التحرش الجنسي بالنساء في شوارع المخروبة سلوك شائع بقاله زمن طويل و حدته و كثافته بتزيد و القبول المجتمعي ليه بيزيد لحد ما بقى استحالة تتكلم عنه على أنه جريمة. لكن حادثة وسط البلد مختلفة اختلاف جذري.

التحرش أشكال، الدارج أنه بيكون سرقة على الماشي، يعني واحد لازق في واحدة في الأوتوبيس ولا مد ذراعه بسرعة و جري كده يعني، أو بيكون معتمد على سلطة/قوة زي مدير يتحرش بالعاملات (و أسطى يتحرش بالصبيان) أو عم يتحرش بطفلة، حد بيستغل مركز قوة للتحرش الجنسي و دي نماذج منتشرة جدا.

أما الأقل انتشارا فهو التحرش العنيف، و في المعتاد يرتبط في ذهننا بالخطف و الاغتصاب، أن عصابة عفوية من الشباب تستخدم العنف لهتك عرض عدد مش قليل من البنات في الشارع فده ظاهرة غريبة و كونها متكررة ده ظاهرة مقلقة جدا، الغصب بالعنف و القوة الجسدية ده اغتصاب جماعي و أظن واضح أحنا ليه مذعورين.

لو حقيقي أن الموضوع متكرر بالشكل ده يبقى ده أقرب لحالات العنف الجماعي الطائفي منه للتحرش اللي بندلعه و نسميه معاكسة.

أما السلوك العجيب بتاع اهانة الناس عشان مستغربين مع أن ده حصل في حفلة منير و نهائي كأس الأمم، مش عارف أقول ايه، حادثتين في السنتين اللي فاتوا، حضارتكم مش واخدين بالكم أن البلد أكبر شوية من أن الكل يكون شارك في الحادثتين دول و أكيد واخدين بالكم من أن مكانش فيه (ولا هيكون فيه) تغطية اعلامية جادة تخلي اللي محضرش يعرف، مفيش حاجة بديهية ولا واضحة في الموضوع بلاش تنطيط على البشر مش ناقصاكم.

لوم النظام

Eid a festival of sexual harassment

Sexual harrasement of women in public spaces has been discussed several times before in the Egyptian blogosphere, everybody knows it's prevalent but denial flows like a river in Egypt, any woman dares open the topic has to face an avalanche of abuse on anonymous comments sometimes even from fellow bloggers. blaming the victims is the most common response but sometimes they even deny it happens at all, with the abuse also comes more accounts and stories of how it's like to be female in urban Egypt.

Last tuesday was the first day of Eid El Fitr the streets are typically full of people celebrating and enjoying their time, downtown Cairo is full of cinemas and Eid is the main cinema season, this year Malek, Wael Abbas, Mohammed Sharkawy, Ma3t, GemyHood and Radwa Osama witnessed a mob attacking and sexually harassing women in downtown cairo, their reports sparked heated discussions on the blogosphere, with no shortage of theories everything was blamed at one point or another as being responsible, music videos, sheikhs, israel, drugs, mubarak, class dynamics, you name it.

One topic that always pops out when discussing sexual harassment is the veil since the veil is sometimes promoted as a way to protect women from sexual harassment, yet it's as common to hear complains from veiled women as from unveiled ones, the molesters do not differentiate they attack anything that might be female.

This time the question of policing was brought to the front, downtown Cairo is where most political protests happen it's common to see thousands upong thousands of police officers and anti riot soldiers attacking a few hundred (and sometimes a dozen) protesters yet on a day like the first day of el Eid they failed to show up and protect the women.

As with any interesting discussion it was mostly in Arabic, but we had a few English posts on the topic.

3arabawy wrote a short post focusing on the role (or lack of) of police. Mechanical crowds did a great job of trying to summarize and dissect all the eyewitness accounts and some of the discussions, a must read. Zenobia searches for a reason and Tarek offers an explanation based on identity and culture while chris finds it hard to believe. Hope links the incident with Sheikh Taj el-Din al-Hilali's sermon that offered the metaphor of women as uncovered meat and men as hungry alley cats.

روابط اليوم عن موضوع حفل التحرش الجماعي بوسط البلد

لو معندكيش خلفية ابدأي بالقراءة عن حفل هتك العرض الجماعي اللي حصل في وسط البلد أول يوم العيد

حسام محمد دياب مشكور جدا نزل عمل حوارات قصيرة مع العاملين في المحلات حوالين سينما مترو لتقصي الحقائق بنفسه، و نشر نص حواره مع العاملين في 5 محلات مختلفة. (يا حسام متعملك مدونة عشان نعرف نتابعك)

فيه ناس اعتبرت الحوار ده دليل على أن كان فيه تهويل، الحوار فيه كلام خمس أفراد و المدونات عليها شهادات من مالك و شرقاوي و جيمي هوود و وائل عباس و معت نقلت شهادة أصدقاء لها بالاضافة لشهادة من رضوى عن أحداث مشابهة ثاني يوم، ده من غير ما أتابع التعليقات. دي كلها مصادر معلومات قرر أنت هتثق في مين أكثر أنا شخصيا هثق في المدونين أكثر.

الأهم هو أن فيه اتفاق على وجود تحرش جنسي جماعي و فيه شواهد على أن دي حاجة متكررة و دارجة و في أماكن ثانية كمان.

الخلاف على أصابع الشباب وصلت لفين بالظبط و هل تم تعرية الثديين أم ثدي واحد خلاف عبثي لو كان كل اللي حصل تقفيش من فوق الهدوم هل ده يخليها مشكلة أقل من لو حصل من تحت الهدوم؟؟ ده عامل زي اللي يقولك متهولوش محصلش تعذب ده يادوبك الظابط لطشله و ضربه على القفا، أو اللي يقولك لأ الأبله كويسة بتشتمنا بس. خليكوا فاكرين التلطيش تعذيب و التحسيس تحرش و الشتيمة اهانة

ما علينا روابط اليوم

كل سنة و أنتم طيبين بدأ عيد هتك العرض بداية موفقة

أيوه هتك العرض

أصل حضرتك ده جزء جديد في الفلكلور المصري احتفالا بنهاية رمضان الشباب المصري بينزل وسط البلد و بدل البمب و المراجيح و الكحك و الحاجات بتاعت زمان دي بيبقى فيه حفلة هتك عرض جماعي.

مش مصدقني؟ أقرأ مالك و معت و جيمي هود و وائل عباس

مش قلنا

تحديث روابط لمدونين ناقشوا الموضوع! شهود عيان

مناقشات

يا جماعة الموضوع جد فيه عصابة هجمت على النساء وسط البلد قدام سينما مترو و هتكوا عرض أكثر من بنت في وسط الشارع و أعداد كبيرة شاركت.

و مع ذلك لسه فيه ناس بتلوم الضحية و تقولك البنات هي اللي غلطانة.

اعتصام 52 موظف و عامل بجامعة عين شمس

على خلفية الصراع الطبقي اللي محتدم في البلد بقاله 5 سنين و اللي وصل ذروته السنة دي كع اقتراب موعد انتخابات المقابات العمالية بدأ النهاردة اعتصام من نوع مختلف شوية

وفقا لكفاية قررت ادارة جامعة عين شمس تخفيض أساسي مرتبات بعض العاملين من 220 جنيه الي 134 جنيه (معنديش فكرة بعد حساب الاضافات و المافئات الموظفين دول بياخدوا كام لكن المؤكد أنك لو عندك عبد هتصرف عليه أكثر من 134).

المهم حاولت مجموعة من العمال أنها تقابل رئيس الجامعة و رفض مقابلتهم فبدأوا اعتصام بالجامعة، تابعوا موقع كفاية لمزيد من الأخبار (و الموقع بيحاول يتابع كل أخبار الاضرابات و الاعتصامات العمالية مؤخرا).

My Tribe

every time I visit an African country I find myself asking people quite rudely about their ethnic and tribal backgrounds (including the whites). being in a place where people know so much about their immediate history is fascinating, compared to Egypt where one might know loads of things about our ancient history but won't even remember where one's grandfather came from (of course this being Egypt nothing is uniform, many do know about their family trees and tribal backgrounds and all).

Now young arabs are supposed to have an identitiy crisis, we are supposed to spend the nights sweating over post modernist exestential question of belonging or not and the mere fact that we enjoy holy, boly and cairo wood at the same time is supposed to be very significant (what with haifa wahby being shiaa and nancy being

Pages

Subscribe to RSS - Egypt