You are here

الحق الأدبي

Primary tabs

beating an anti war demonstrator

أحنا شاركنا في نشر الصورة الشهيرة لضرب متظاهر أيام مظاهرات رفض الحرب على العراق في مارس 2003 أيام ما بدأنا تنظيم مظزاهرات و استخدمناها أكثر من مرة في بوسترات و ما شابه، النسخة الرقمية اللي رفعناها على المدونة اتنقلت و اعاد نشرها و توزيعها بل و طباعتها في مئات الأماكن.

و طول الوقت ده تقاعسنا عن أننا ندور على المصور اللي خد الصورة من أن ده حقه علينا.

مؤخرا ماثيو كارينجتون اتصل بي و قاللي أنه صاحب الصورة، ده اعتذار مني ليه على عدم ذكر اسمه.

المدونين بيشتكوا كثير لما حد يعيد نشر أعمالهم من غير ما يذكر أسمهم لكن ضروري أحنا كمان نلتزم باحترام الحق الأدبي للآخرين. ده غير أن معرفة صاحب العمل ممكن تكون مهمة لأسباب عملية، دلوقتي لو عاوز صور ثانية من نفس المظاهرة أو نسخة أفضل من الصورة دي أنا عارف هتصل بمين.

Comments

كان المفروض يحط علامة مائية تقيلة تغطي نص الصورة، هو مش عارف هو بيتعامل مع مين!

و الأوقع أنه كان يلزق على الصورة قَسَم حماية الصور. زي ما مؤلفين الكتب ال عارفين أن القانون ما لوش لازمة عند ناس ما بتختشيش و ما بتحترمش شغل بعض لكن يخافوا الثعبان الأقرع يعضهم. المؤلفين دول نفسهم بيكونوا ناقشين نصف محتوى كتبهم من غير ما يقولوا المصدر أحسن حد يفتكرهم مش عباقرة و مش فلتات ويقول عليهم ناقلين و بس.

دا غير ال بيتعبوا نفسهم في تمويه المصدر لو كان فيه ما يدل على صاحب العمل، سواء كان صورة أو برمجية أو غيرها.

زمان كنت باتّريق على اتفاقيات استخدام البرمجيات ال بتظهر في صدر أدوات تثبيت البرمجيات و كنت باقول "...و هنا لازم توافق على عقد الإذعان و إخلاء الطرف و أن البرمجية يحميها الله و القانون و اتفاقية جنيف لتبادل الأسرى"

دا طلع بجد!

إنما أنت ازيك؟

بس يا ولد عيب كده، القضاء المصري حر و شريف و أحنا كلنا ثقة في قضاة مصر الأبرار

طب و حق الراجل اللي اتضرب, ولا لسة بيتضرب, مين يدور عليه و كمان الأمن, تصويرهم في الوضع ده يعد تعدي على خصوصيتهم, و خاصة لما تكون الصورة في الشارع, الشارع لهم هما لوحدهم

بس عمنا ماثيو ده راجل متمكن بصحيح و مبروك عليك عالنيولوك

انا بس جي اقول مبروك علي الشكل الجديد .. حلو قوي:) بس تفتكر حد هياخد باله من موضوع الحقوق الادبية ده .. صعب قوي .. كويس انك اتكلمت فيه


http://x-ist.blogspot.com http://CAESAr-DIABLo.shadowness.com .::I'LL iNJECT tHEM wITHA pOISON::.