You are here

خدمة انتخابية - قاعدة بيانات الناخبين

Primary tabs

صوتك للمعارضة

لو عاوز تعرف لجنتك الانتخابية فين أو أنت مسجل ولا لأ تقدر تزور


المفروض أن كل مرشح بيحصل على قائمة كاملة بالناخبين المسجلين في دايرته، و المفروض القائمة دي بتتنقح و تتجدد بشكل منتظم.

المفروض برضه أن مواليد 1982-1986 مسجلين تلقائيا.

اللي بيحصل أن المرشحين بيحصلوا على القوائم متأخر جدا و القوائم بتكون مترتبة ترتيب سيئ جدا و صعب التعامل معاها، و طبعا ولا بيتم تنقيحها ولا حاجة.

أما موضوع مواليد 1982-1986 فده مسخرة كل ما حد يسأل على تسجيله يطلعوله بسبب هو ليه مش مسجل، كمان مش واضح هل تسجيلك بيكون عند محل اقامتك كما هو مسجل في الرقم القومي و لا عند محل ميلادك ولا بين البينين.

اللي أنا مستغربه أن الناس بتشكي من القوائم لكن قليل جدا أما حد من المعارضة يوجع دماغه و يقعد ينقح و يدور في القوائم، ليه منظمات المجتمع المدني مش بتعمل مشروع كبير لرصد كل الميتين و التكرار و الانتهاكات الأخرى؟ ولا بيعملوا بس ملهوش فايدة؟ معرفش.

المهم المرة دي المرشحين حصلوا على القوائم في صورة رقمية و ده نظريا معناه أن هيسهل جدا البحث في القوائم، و دي حاجة تسمح للمرشح أنه يتصل بناخبيه و تسمح للناخب أن يعرف لجنته فين و هو مسجل ولا لأ و رقمه ايه و يوفر مشاوير و حرقة دم و كمان يسمح للمراقبين أنهم يدوروا على التجاوزات اللي في القوائم بشكل أسهل.

بس ده برضه نظريا، عمليا حكومتنا الالكترونية بذلت أقصى جهدها في أنها تديك ملفات كافكاوية (أو مباركية) عبثية يصعب جدا التعامل معاها.

لكن على مين، أحنا برضه ناس جامدة قوي، و اللي دخل الفضاء الرقمي بقى في متناول ايدينا مهما كترت محاولات الاستهبال، ممكن جدا بشوية هكرتة الواحد يحول الملفات الملعونة دي لقواعد بيانات محترمة ينفع التعامل معاها.

بعض مواقع الاخوان بتوفر خدمة البحث في القوائم، لكن معنديش فكرة ناويين يساعدوا المراقبين ولا لأ.

أنا بحاول ألم ملفات الناخبين من أي حتة عشان برضه أوفر خدمة البحث للناخب و كمان عشان أدي لأي حد (أيا كان مين) ملفات يمكن التعامل معاها بسهولة في برامج سطح المكتب (excel, access, openoffice, plain text, sql, whatever).

و بالفعل حملت قوائم دائرتي امبابة و الدقي في صورة يمكن البحث فيها

الموضوع بعد ما جهزت السكريبتات اللازمة مش بياخد مني أكتر من 10 دقائق فيا ريت أي حد يقدر يجيبلي ملفات الناخبين بتاعت باقي الدوائر يبعتلي ايميل على [email protected]

لو تعرف مرشحين قوللهم على الموضوع ده.

و على فكرة ده مهم جدا لمواليد 1982-1986 بالذات فيا ريت تنشروا الخبر.

و برضه أكون سعيد لو حد يعرف مواقع تانية بتقدم خدمة مشابهة يبعت روابط في التعليقات.

قريبا هكتب تفاصيل تقنية عن الخطوات اللي اتبعتها عشان أجهز قواعد البيانات على مدونتي في eglug


صوتك للمعارضة

لو عاوز تعرف لجنتك الانتخابية فين أو أنت مسجل ولا لأ تقدر تزور

Comments

شكرا يا علاء

مواقع محلية انتخابية كتير للاخوان المسلمين بتقدم الخدمة دي:

موقع فيه كل دواير اسكندرية : http://www.amlalomah.net/vote/vote_search/search.aspx

دايرة 23 البساتين طرة المعادي: http://www.dayra23.com/asp/search.asp

شبرا: http://www.ikhwanshubra.com/IntekhabSearch.aspx

أسيوط: http://www.assiutonline.com/vote/

الزاوية و الشرابية ( هيعملوهالك بنفسهم!!؟؟) http://ikhwanelzawya.com/campaign/index.php?action=pages&id=22

غريبة مش كل الحملات بتستخدم نفس البرنامج للبحث.

طب بقيت المعارضة و ملهاش مبرمجين غير العبد لله و شوية نصابين (معلش الصراحة حلوة)، الاخوان بجيوشهم اللي عاملة شغل كويس قوى مبينسقوش مع بعض ليه؟

بلاش دي، العواجيز عواجيز برضه، شبابهم اللي فعلا عامل شغل كويس مبينسقوش مع بعض ليه على منتدياتهم الكتيييرة؟

انما يا محمد معزمتش يعني أنك تعدي على المرشحين حداكم تجيبلي الداتا؟!

عشان مشوار القسم بيبقي دمه تقيل

هاتلي الملفات من مرشح المعارضة حداكم و أنا تحت أمرك

ياريت حد يبعتلى كيفية ضرب ملفات الانتخابات بطريفة سريعة ما قمت به ان هو تحويلها الى صفحة ويب ثم فتحها بالاكسل

بص يا سيدي أنا استخدمت أدوات تحليل النصوص الخاصة بالجنو/ليونوكس لتحوي الملفات الي CSV و بعدين استخدمت لغة awk لتحويل ال CSV الي SQL و لقمت البيانات بداخل قاعدة بيانات MySQL الخاصة بسيرفري و بنيت فورم بسيط للبحث داخل صفحة دروبال باستخدام php

اللي بحاول أقوله أن طريقتي معتمدة على معرفة بالجنو/لينوكس و LAMP عموما.

لو معندكش الخبرة الكافية ممكن تبعتلي الملفات و أنا هبعتلك الCSV اللي ممكن يتفتح من Excel أو Access و بالمرة طبعا أضيفها لقاعدة البيانات اللي عندي على السيرفر.

موقع البحيرة - انتخابات مجلس الشعب يعرض خدمة التعرف على اللجنة الانتخابية

http://www.elbehira.com/newsdesk/lgan.php دوائر : دائرة دمنهور وزاوية غزال - دائرة ايتاى البارود - دائرة شبراخيت - دائرة كوم حمادة - دائرة أبو حمص - دائرة أبو المطامير

تكنولوجيا جديدة ياجدعان .

مده التصويت في الانتخابات من الساعه كام للساعه كام؟

على حد علمي التصويت من 8 صباحا الى 7 مساء

مقر لجنة شياخه أولى سيدات جيزة

اسماء الناخبين فى بندر المنيا

أنا مش فاهم حاجة؟

هل ده معناه أن عندكم ملفات كشوف المنيا؟ ولا ده معناه ايه بالظبط

المرشح أحمد عبدالسلام قورة يقوم برشوة الناخبين في الدائرة 14 بسوهاج من خلال تجنيد مجموعة من العاطلين بقومون بجمع البطاقات الشخصية للناخبين وأخذ صورة منها ويدفعون مبلغ 30 جنية أو أكثر لكل ناخب مقابل الادلاء بصوته لصالحه

ان المرشح احمد عبدالسلام قورة لا يقوم برشوة الناخبين واذا انت كنت واحد من اعائه فهو ليش كذلك انا اعرف هذا المرشح معرفة شخصيه وهذا المرشح انه يقوم فقط بخدمة اهل دائرته بلا مقابل وهو غير المرشحين الباقين الذي يقوم بالوعود و الوعود ثم يفوز وينسى اهل دائرته بل احمد قورة يحاول ان يخدم مرشحيه قبل الانتخابات وبعدها لان الناخبين ملو من كثر اخذ الوعود فهو يساعد اهل دائرته لكي يثبت لهم انه رجل ذو قول وفعل وليش كباقي المرشحين, فلو سمحت هذا يسمى رمي المحصنات لان احمد قورة ليش كذلك ارجوك تاكد مما تقول مرة اخرى وتاكد من معلوماتك

اهاهاها!! رمي محصنات ايه بس يا راجل يا طيب... رمي المحصنات يعني اتهام الست المتجوزة المحترمة لا بيها و لا عليها بانها بتقوم بأفعال مش و لا بد...

كلام جميل

انا عموما بنتخب دايما بالبطاقة العادية الشخصية القديمة كمان

اصل مش مقتنع بالجديدة دى

معلش انا جديد على المدونات

ياريت تتابعونى عشان لو احتجت حاجه بقى

وكمان اسمع رأيكم

انا من مواليد المنصورة 1984 عندي 21 سنة وعايز اعرق انا الدايرة اللي انا مسجل فيها لاني ساكن في القاهرة ومش عارق لو رحت المنصورة هاعرق انتخب ولالأ

اكلب وجهك واقعد بالدار، احنا ناقصين معوقين وشكرا.

أظن عيب التعبير ده"احنا ناقصين معوقين"

انا من مواليد المنصورة 1984 عندي 21 سنة وعايز اعرق انا الدايرة اللي انا مسجل فيها لاني ساكن في القاهرة ومش عارق لو رحت المنصورة هاعرف انتخب ولالأ

احمدعبد السلام قورة لا يصلحفى مجلس الشعب هيفترى

أنا من مواليد منية النصر دقهلية وعاوز أعرف لجنتى ورقمى الإنتخابى

كس ام الحكومة