You are here

شجع التعذيب في مصر

Primary tabs

موقع التعذيب في مصر يمكن يكون أهم موقع مستضاف عندنا على خواديم manalaa.net، محررة الموقع قايمة بجهد جبار لتوثيق و متابعة كل المعروف عن ظاهرة التعذيب في مصر، الموقع مش بس آلية أفضل لنشر المعلومات اللي بيحصل عليها نشطاء حقوق الانسان و الصحافيين، الموقع بيقدم معلومات اضافية ده غير التصنيف و التبويب اللي هيسمحلنا نتابع سجل كل قسم شرطة مكان احتجاز و سجل كل جلاد أول بأول. الموقع كان له السبق في نشر أكثر من خبر عن التعذيب و عليه نشرة بريدية شبه أسبوعية بتلخص أحداث الأسبوع الماضي كله.

الموقع مرشح لجائزة صحافيين بلا حدود الخاصة في سياق مسابقة دش القلة لأفضل مدونات، يا ريت يا جماعة تدلوا بصوتكم لصالح الموقع لأنه يستحق يتعرف أكثر من كده و محررته تستحق أكثر من الجايزة بكثير.

التصويت من الرابط ده، و الموقع لسبب ما أحيانا اسمه بيكون مكتوب بالألماني Folter in Ägypten.

التعذيب في مصر

يمكنكم التصويت على فئة صحافيين بلا حدود فقط، لكن بالمرة بقى أحب أشجعكم تنتخبوا مدونة حواديت لصاحبتها رحاب بسام في فئة أفضل مدونة عربية، في عالم المدونات اللي مركزة على الكتابة الأدبية مفيش أحلى من كتابات رحاب و اللي مش مصدق أن رحاب تستاهل الجايزة يجرب يقرأ التدوينة دي.

متنسوش تمارسوا حقكم الديمقراطي في سماع كلامي و بلا خوف كده روحوا انتخبوا التعذيب في مصر و حواديت.

Comments

60 % من المرشحين لأحسن مدونة عربية مدونات مصرية . وفيهم على الأقل اتنين -من وجهة نظرى- يستحقوا الجايزة وفى النهاية أعلى الأصوات واخداها مدونة هلال شومان. نعمل ايه فى الحيرة دى بقى؟

أولا 50% بش اللي مصريين مش 60% .

هلال شومان مدون مهم جدا من لبنان و مدونته ليها شعبية و أهميتها زادت بعد الحرب الأخيرة على لبنان. ال10 مدونات تستحق الجائزة في رأيي لكني أفضل رحاب عشان التدوين أشكال كثير لكننا في الغالب بنركز على المدونات الشبه صحافية أو السياسية.

حنتخب مدونة التعذيب لكن مش حنتخب رحاب بسام عايز انتخب حد على طبيعته كل المرشحين مش على طبيعتهم

you need to change the title, i was shocked when i first read it. seemed like you were promoting for torture :-)

يا راجل حرام عليك

عايزنا نشجع التعذيب في مصر ؟ نلم فلوس ونتبرع بكرابيج جديدة لأقسام الشرطة يعني ولا إيه ؟

مش تختار عنوان سالك يا علاء

asad.blogsome.com

أما راجل متفهمش في الصحافة الصفراء صحيح، ده عنوان معمول مخصوص لجذب الانتباه زي كده حكاية الوزير مع الغفير تحت السرير.

ومنكم نستفيد يا عم الصحفي الأصفر

asad.blogsome.com

كدة عيني عينك بتقول للناس يمارسوا حقهم الديموقراطي وينتخبوا رحاب بالتصويت الجماعي المباشر

مفيش خشا؟؟ مفيش حيا؟؟ مفيش ولاء للتنظيم؟؟

ازاي يا أفندي يا محترم يبقى عندك مرشحة بريمو من تنظيم متخلفين من أجل التغيير، اللي هيا حضرتي، وتدي صوتك لرحاب

طييب! أنا هاتحالف مع الاخوان وأطالب برقابة دولية على عملية فرز الأصوات

اخص

http://norayounis.com/ http://flickr.com/photos/norayounis/

ما هو لأن التنظيم اخترق لجنة التحكيم قلنا بلاش نبين انحياز علني لحد تنفيذ المخطط.

و بعدين ما عمرو عزت من أبناء الجيل الثاني في التنظيم و كاتب البيانات الرسمي يعني مش لوحدك.

الجيل التاني.. مش الرعيل الأول التنظيم اللي ميقفشي مع مرشحيه في الانتخابات يبقى ايه يا حلوين؟؟

http://norayounis.com/ http://flickr.com/photos/norayounis/

ما هو مهم تشجيع الكوادر الشابة

أنا لسه واخد بالي من تدوينتك دي دلوقتي انا برضه كتبت حاجة قريبة و عنوان قريب http://mabadali.blogspot.com/2006/11/blog-post_06.html تفتكر دي صدفة و لا ده تأثير الأب الروحي

علي العموم انا هاكتب بيان اطالب فيه بسحب الابوة الروحية بتاعتك لان حركة 30 فبراير حركة عاقة للوالدين اساسا و ابقي خللي الارواح تنفعك بقي

و احنا حركة جد مش بتوع حواديت و كلام من ده

و الجناج العسكري معايا

http://mabadali.blogspot.com/