You are here

ميم التحرش تصيب برنامج العاشرة مساءا

Primary tabs

أنا كنت ناوي أبطل كلام في ميم حفل السعار الجنسي الشهير بما أن ورايا كلام مهم متأجل بقاله زمن، لكن بما أن الميم صابت التلفزيون أخيرا فيجب التنويه

الأستاذة نوارة نجم مشكورة استغلت فرصة ظهورها في برنامج العاشرة مساء بقناة دريم و حكيت لهم على اللي حصل في وسط البلد أول و ثاني يوم العيد، و البرنامج مشكور برضه نزل عمل حوارات في الشارع و اتكلم عن الموضوع ثاني يوم على طول، و وائل عباس مشكورا برضه حمل فيديو فيه المقطع اللي تناول الموضوع على youtube.

أدي شهادات من عاملين في المحلات بالاضاف لشهادات المدونين و التحقيق اللي عمله حسام، أظن مفيش مجال للانكار بقى.

روابط اليوم

Comments

بالرغم من سعادتي بمني الشاذلي لانها اول اعلامية تتكلم في الموضوع ده الا انها كانت متحفظة قوي وتحسها خايفة تفتح في الكلام بعد ما الامن قالها ان مافيش بلاغات مني ساعات بتبقي اعنف من كده بكتير في قضايا اهبل من دي بكتير ولا انا غلطان؟

أظن دي مجرد حرص على أنها متقعش في فخ صحافة التهويل خصوصا في موضوع الجمهور هيبقى عنده نزعة لتكذيبه.

بالنسبة لموضوع البلاغات فيه ناس حاولت تقدم بلاغات فعلا و القسم رفض، و يا ريت المدونين اللي حضروا الموضوع ده يحكوا

التحرش فى كل المحافظات انا ساكنة ف دمياط وماما شافت ولاد راكبين تك تك وبيضايقوا البنات الى خارجين من المدرسة وحاولوا يتحرشوا بيهم

وليا كمانواحدة زميلتى فى الكلية كانت مروحة المنزلة واللى راكب جنبها الميكروباص كان مسطول طينة ومكانش طبيعى ولما زعقتلوا ولمت عليه الناس نزلوه وحاول يعور وشها بالمطوة من الشباك

الله يخرب بيت راس النعامة

غير حته انها خايفه تقع في فخ التهويل زي ما علاء بيقول فيه حاجه تانيه لمستها في صوتها

موش عارف أقول عليها كسوف أو خجل ولا حزن و غضب و قرف

أحيانا أنا كنت حاسس انها عايزه تفرقع و تسب الدين قدام الكاميرا ، و احيانا كنت باحس انها مكسوفة من كتر ما الموضوع محزن و مخجل

عل العموم أنا متوقع انها هاتتعرض لهجوم كبير جدا لو الموضوع استمر ، و هايكون فيه اتهامات كتير و شتيمة كتير و يمكن تلفيق تهم و فضايح ، بس يا فندم لو حصل الكلام ده ماتزعليش ، دي ضريبة الصدق

على فكرة البرنامج سجل معايا أنا ومحمد الشرقاوي لكن كلامنا إتحذف وما إتذاعشي علشان دبينا في الشرطة والتواجد الأمني أنا دبيت عالهادي ومحمد دب على الناشف واحنا الاتنين اتحذفنا وكمان مش كل كلام مالك إتذاع !!!

ثم إنهم أظهروا مالك على إنه شاهد عيان في الشارع مش على إنه واحد من المدونين اللي فجروا الموضوع

ثم ان وزارة الداخلية كذابة لان فيه ناس قدمت بلاغات وحلقولهم وقالولهم ما يجراش حاجة ده عيد !!!

بالمناسبة أنا أعتقد إن فيه تنبيه أمني بعدم تناول المدونين في التلفزيون المصري سواء حكومي او مستقل

لأن قناة النيل الثقافية عملت حلقة عن المدونين وسجلت معايا وما إتذاعتش

والعاشرة مساء برضه عملت حلقة عن المدونين وسجلت معايا وما إتذاعتش

ونفس الموضوع حصل مع قناة المحور

وما فلتش من الموضوع الا رولا خرسا على القناة التانية

اما باقي المحطات العربية والاجنبية فكلها ذاعت ما سجلته

بص الموضوع حتى لو مش صحيح حله سهل، أعمل فرقعة على المدونات و أقنع كل المدونين يكتبوا أن الاعلام جبان و خايف من المدونين، أحنا فرخة بكشك و مسيرهم يفتحوا الموضوع.

شيل لينك التدوينة بتاعتي من علي الموضوع ده

علشان محدش يضحك عليك

وفقكم الله وسدد خطاكم

ولا أنت هتتنطط على سيدك ولا ايه؟

أنت مش جيبت سيرة الموضوع و لو من بعيد؟ خلاص يبقى اللين بتاعتك تتحط

سلام عليكم يامصريين يالي بتخافوا ع البلد يالي بتحبو البلد يالي دايما شايلين همها وقلبكم بيوجعكم من الي بيحصل فيها اولا انت بتقول انك سجلت مع فلان وسجلت مع علان انت يابني بتستهبل ولاانت عبيط بقي يعني هما مفيش وراهم شغلانه غير ان هما يسجلو معاك ولا ايه اعقل وركز وشوف انت بتقول ايه ال ايه سجلوا وحذفو وسجلو وحذفو كلهم كده قولي مين ماسجلش معاك ياضنايا وانا اقوله يسجل معاك ويجذفك ياهبل

فيه مواقع تانية -اخبارية بطبعها اتكلمت عن الموضوع ده

عندك تقرير مصراوي

http://masrawy.com/News/2006/Egypt/Politics/october/30/cairo.aspx

وكمان ساحة مناقشة اسلام اون لاين

http://www.islamonline.net/discussiona/message.jspa?messageID=26175&tstart=0

تحياتي

http://hekayatmasreya.blogspot.com

هيه المصرى اليوم اتعمت للدرجة دى

مش عارفة تفرق بين حاجة منشورة فى مدونتى و حاجة منشورة فى مدونة مالك

قايلة على كلام منشور عندى انه منشور عند مالك

هايفضلوا معتوهين لحد امتى ؟؟


صباحك زى وشك يا مصر

تخــا تخـــا تخـــاريفى

http://t5at5a.blogspot.com

http://www.google.com/trends?q=Sex Check this to see how we are sex driven :S

أبضن حاجات قريتها حول الموضوع

واحد معلق في أحد المدونات بيقول إن اللي إتحرشوا بالبنات المحجبات دول تنظيم مسيحي متطرف غرضه النيل من عفة نساء المسلمين !!!

كلام يعني ما ينفعشي يتعلق عليه غير بسب الدين والبصق على دي عقليات مريضة !!!

واحد تاني كتب عن الموضوع في أحد منتديات الإخوة النيو-متدينين يقوم الإخوة الأعضاء في المنتدى اللهم قوي إيمانهم يطالبوا إدارة المنتدى بتغيير عنوان الموضوع لأنه خارج زيادة عن اللزوم !!!

كس أم الهيافة على كس أم البضان يعني !!! الواحد والله ربته العلل من الأشكال اللي بيشوفها لو لقيتوني ماشي في وسط البلد وريالتي سايلة وباكلم نفسي ما تستغربوش ...

معاك حق ايه الهيافه دي دا بدل مايعملوا اييييييييييييييييييييي حاجه لام البلد اللي بتغرق دي

Mafish faydah

يا ريت الموضوع لا يقف عند حد الانتقاد وبس لازم يكون فية حلول واساليب نقدر نواجه بيها الفكر المتخلف للمتحرش طبعا الموضوع دة لازميوصل للاعلام ولجرايد عشان يوصل لاكبر عدد من الشعب وكمان نبين للبنت ان الشئ دة لازم ترفضة وبشدة ولازم يكون فيه ملصقات توضح الموضوع دة وتتعلق في الشوارع والميادين عشان اي كلب يفكر الف مرة قبل ما يعمل شئ وسخ بالمنظر دة

انا شايف ان الجماعة الوحيدة القادرة علي تمويل وانجاح حملة(معا ضد التحرش بالنساء)هماالاخوان المسلمين وسواء اتفقنا او اختلفنا ففي الوقت الحالي هما الجماعة الوحيدة اللي بتقدر تعمل حملة ناجحة وباعداد كبيرة وبتمويل ضخم يعني من النهاية لازم نقنع الاخوان انهم يشتركوا في الحملة دي بمنشورات وملصقات تملاء كافة شوارع مصر ويكون مكتوب فيها اشياء تدين التحرش فعل وقول

وطبعاانا مش بسيس الموضوع او بحولة وجهه سياسية لا ابدا انا بحاول ادي الموضوع بعد اجتماعي عن طريق جماعة كبيرة زي الاخوان ليها كوادر وتقدر تقود حملات ناجحة وكمثال بسيط الانتاخبات الاخيرة

طبعا مش هنغلب اننا نلاقي كلمات معبرة من عينة .... المتحرش كلب سعران..فتاتي صدي المتحرش بكي ولو باليد....لا للتحرش الوسخ....المتحرش بفتاة كلب ...او اي شعارات المهم يبقي فيه انجاز في الموضوع وطبعا يا سيد علاء انت اقدر واحد يقدر يعمل شئ بالشكل دة وانا افتكر انك شكرت في الاخوان قبل كدة ومالكش عداء معاهم واعتقد ان علاقتك بيهم كويسة فياريت تحاول تبدي قدر من الاهتمام بالموضوع دة

كمان في العربية انهارده http://www.alarabiya.net/Articles/2006/10/30/28668.htm و تقريبا 400 تعليق على الخبر

و كمان بي بي سي اون لاين ، ياكشي تولع http://newsforums.bbc.co.uk/ws/thread.jspa?threadID=4281 موش ناقص الا أخبار الأدب

لقراءة المقال إذهب إلى الوصلة التالية

وكمان بيان الداخلية في الاهرام بيحرض عليك يا وائل

http://www.ahram.org.eg/Index.asp?CurFN=inve2.htm&DID=9022

تحقيق‏:‏ عـصـام مليجـي

كشفت التحقيقات التي أجرتها الأجهزة الأمنية فيما تم بثه علي موقع الكتروني بشبكة المعلومات والذي يستهدف الاثارة بتعرض بعض السيدات لوقائع تحرش جنسي بالشارع المصري بوسط المدينة أمام إحدي دور العرض عن حقائق كان علي تحقيقات الأهرام أن تضع أيديها علي حقيقة الأمر فالتقينا بمسئول أمني رفيع المستوي الذي عرض أوراقه وقال‏:‏ في البداية نحن جميعا مصريون وواجبنا هو الحفاظ علي أمن وسلامة المواطنين والوطن وبذل الجهود لاحباط الجريمة قبل وقوعها‏.‏

وأنه في أثناء قيام رجال الأمن من مباحث ونظاميين ومرافق وحرس منشآت وأمن مركزي وقوات أمن ومرور بأداء عملهم المكلفين به بصفة دائمة ويتكثف خلال أيام الاحتفال بعيد الفطر المبارك فقد أثير علي موقع الوعي المصري عبارات وصور من شأنها لوصحت سوف تعود ببث الرعب بين المواطنين وحقيقة الأمر‏.‏ ‏ أولا‏:‏ قرر كل من محمود فوزي عبدالرءوف المدير المسئول عن سينما مترو أنه لم يحدث كسر بشباك السينما ونفي أي وقوع خدوش ولو بسيطة بالشباك وقد أجمع هو وأحمد صلاح أحمد حسن المدير المسئول عن سينما ميامي ونادر عوض محمود الطباخ المدير المسئول عن سينما كريم‏1‏ و‏2‏ وأحمد محمود حسين المدير المسئول عن سينما كوزموز بعدم وقوع أي حوادث تعرض اعتداء علي سيدات أمام دور السينما‏.‏ ‏ ثانيا‏:‏ قرر أصحاب المحلات التجارية والكافي شوب وعددهم‏17‏ شخصا اضافة إلي شخص اسمه عادل محمد عبدالعزيز يقوم بتأجير التليفون المحمول لإجراء المكالمات للراغبين من المارة عن عدم وقوع أي شيء من هذا القبيل‏.‏ ‏ ثالثا‏:‏ نفي كل من جامع محمد عبدالله وعادل عبدالرافع مصلحي وحاتم عباس عبدالعزيز وهم حراس للعقارات التي تقع فيها دور العرض الثلاثة وقوع حوادث أو وقائع أو مشاهدات لاعتداء علي فتيات أو سيدات في الشارع واضافوا أن بعض الصحفيين قد توجهوا لهم وسألوهم عما إذا كانوا قد شاهدوا أي اعتداءات علي فتيات أو سيدات فكانت اجابتهم صريحة بالنفي وأن الأمر لايزيد عن زحام بالشارع خلال أيام العيد وبالتحديد أمام دور العرض بالسينما‏.‏ ‏ رابعا‏:‏ أنه قد تزامن بث الشائعة علي الموقع الالكتروني مع عرض فيلم علي الطلب بالثلاثة وأن الفنانين دينا وسعد الصغير وفرقته ومنتج الفيلم اعتادوا خلال أيام العيد التوجه إلي أي دار حتي يشاهدهم الجمهور علي طبيعتهم‏.‏ ‏ خامسا‏:‏ في أثناء مرور المقدم محمود أبو عمره رئيس مباحث قصر النيل في السابعة والنصف من مساء ثاني أيام العيد لتفقد الحالة الأمنية بوسط المدينة وبالتحديد في تقاطع شارع طلعت حرب مع عبدالحميد بسيوني شاهد تجمعا كبيرا من الأهالي حول أتوبيس يقف فوقها الفنان سعد الصغير وفرقته الموسيقية وغناء ورقص فادلي له رئيس المباحث بالنصح أن ينصرف في هدوء وذلك للحفاظ علي سير الحركة المرورية في الشارع وقد استجاب المطرب للنصيحة وكان في ذلك الوقت موجود قوات نظامية ومباحثية بالشارع‏.‏ ‏ سادسا‏:‏ أنه يتم توجيه حملات أمنية يقوم بها رجال المباحث لمشاركة رجال المرور والمرافق والضباط النظاميين وذلك بصفة دائمة بشوارع العاصمة اضافة إلي الدوريات الراكبة والطواف الأمني لمنع المعاكسات وضبط النشالين والألعاب النارية والشباب الذي يقوم بمعاكسة الفتيات والسيدات وقد تم في هذا اليوم تحديدا ضبط‏25‏ شابا يعاكسون الفتيات وقد تم احالتهم للنيابة وجميع هذه المحاضر معاكسات وأن خير دليل هي النيابة العامة‏.‏ ‏ سابعا‏:‏ لم تتلق أقسام وسط المدينة وهي قسم شرطة قصر النيل وقسم شرطة عابدين وقسم شرطة الأزبكية أي بلاغات تعد علي فتيات أو سيدات أو تحرش جنسي في ذلك اليوم ولو صح ما أثير من واقعة تعد فمن الذي منعهن من عدم تحرير محاضر؟‏!‏ ‏ ثامنا‏:‏ تم رصد شخص بالعناصر الاثارية علي موقع اليكتروني وهو يقيم بوسط المدينة وقد شوهد يلتقط بعض الصور الفوتوغرافية من أمام دور العرض التي تقع بالقرب من محل اقامته ومن المحتمل أن يكون وراء الشائعة لبث الرعب بين المواطنين ولزعزعة الثقة علي أرض مصر‏.‏ ‏ تاسعا‏:‏ ان اللقطات الفوتوغرافية التي تم التقاطها وعرضها علي الموقع الاليكتروني لا يوجد بها تحرش جنسي وانما زحام كبير من المواطنين من بينهم سيدة وهي تبتسم وهو ماينفي وقوع حالة اغتصاب أو اعتداء اضافة إلي انه يبدو في الصور ضباط أمن وجنود شرطة نظاميين فهل يعقل أن يحدث ذلك في وجودهم‏.‏ ‏ واختتم المصدر الأمني حديثه وهو يطوي أوراقه قائلا علينا أن نغلق ملفات الشائعات المغرضة وتقوم بواجبنا الأمني تجاه بلدنا مصر‏.‏

لو كانت هذه الحادثه الهمجيه المشينه اقول لو انها حدثة في السعودية لسمعنا من يقول انها بسبب الكبت والتشدد الديني ووووو مصر بلد منفتح متحرر لو قارناه في السعوديه ومع ذلك تقع فيه مثل هذه الاعتدائات على النساء في وضح النهار ان السبب هو سوء التربيه والانحلال الخلقي والاعلام الهابط طبعا ما قام به هائلاء الشباب من اعمال همجيه لا تمثال عامة شباب مصر ففيهم الكثير من الخيرين

اضغط على الصورة للتكبير

الكلب كرم جبر يشكك فى مصداقيتنا و يتهم وائل عباس بالكذب

و ابن الوسخة ناسب كلامى انا اللى كتبته لوائل عباس

el kalb karam


صباحك زى وشك يا مصر

تخــا تخـــا تخـــاريفى

http://t5at5a.blogspot.com

It is true that this Karam Gabr reaction is provocative. He is worried about the reputation but he doesn't care much about his ass being f****d. A very strange attitude coming from a journalist willing to cover for any crime for the sake of his reputation. Well it's the attitude of a failure. Of course journalists are worried about their position and feel endangered by the presence of online ways of acquiring information. Such people will evidently fall by themselves. What is incredible is that he blames a blogger !!! Nazareyet el na3ama. Good Luck guys.

ولا أنت هتتنطط على سيدك ولا ايه؟

ده كلامك .. ومنه كتييييير فى ردودك على الناس .. مش عارف ليه الغرور ده كله .. وياريت بتعمل حاجه مفيده غير اللت والعجن وقلة الادب وحب الظهور وبس .. تفقع البوست من دول وعايز الكل يطبل ويزمر ويغنى البوست والتليفزيون ييجى يصور كمان وياويل اللى يخالفك فى كلامك من لسانك .. ياريت اعرف انت مين ومن اى كوكب فى الكون على ده كله .. والله يخرب بيت التكنولوجيا هى السبب

ومن غير ما تشتم .. شتيمتك وصلت .. اللى عايز تقوله واللى نسيته كمان (ياسيدى)

ويافرحتك يامصر بمغاويرك

واحد من المساجين المصريين اللى بيفضلوا جهنم على دخول الجنه على ايدين كتير زيك

طبعا هاتقول عليا جبان لانى ماقولتش على اسمى وعنوانى ، انا قاصد كده علشان تقوللى كده وبعدين ماانت عارف اسامى وعناوين اللى اهم منى واللى خربوا البلد واللى هم السبب فى الحاله اللى انت فيها .. عملت فيهم ايه؟ انما انا مجرد واحد حدفوله حتة ديمقراطيه من فوق ومن ساعتها بيهوهو

I watched the Saturday episode on el 3ashera masa2, when Nawara opened up the subject, but first I thought that Mona's reaction was on the verge of stupidity. Second and thats more important, I was expecting she'd open the show speaking about the mass harrassment in downtown Cairo. I was shocked to realize that she had no idea of what happened, and neither did anyone of the public media know about. Where were the different producers of all the damn programs clogging all the airtime!

I tried to call Mona's program on that Saturday to tell her that her producers have not done half of what they should be doing. But then i guess Sunday's reaction was a step in the right direction even though censoring all views on the program was also unacceptable.

and then today's ahram claims all the harrassment is a rumor!