You are here

الواد كان عنده حق، أوعوا تقولوله لأ (أسعار الدي اس ال)

Primary tabs

طبعا أنا طالبة معايا أشتم و أقبح بس زهقت من الناس اللي بتدخل تشتكي من الصياغة و تطنش الموضوع فهفوتها المرة دي و أكتب حاجة مؤدبة في السريع

أول سبتمبر دخل علينا و أسعار الدي اس ال الجديدة نزلت، و بنظرة سريعة على مواقع لينك دوت نت و تي اي داتا و سوفيكوم تكشف لنا الآتي.

  • أولا اشتراكات الدي اس ال الغير محدودة متاحة من الثلاث شركات.
  • ثانيا فيه باقة من الاشتراكات المحدودة لكل السرعات و بأسعار منطقية أكثر بكثير من ما سبق.
  • ثالثا في حالة تي اي داتا و سوفيكوم أسعار الاشتراكات غير المحدودة متغيرتش (لكن تي اي داتا بطلت تعلن عن اشتراكات 1:2)
  • رابعا لينك دوت نت خفضت أسعار الاشتراكات غير المحدودة لكل السرعات الأعلى من 256 تخفيض مش صغير.

جالكم كلامي، السعر تحرر و بقى خاضع لقرار كل شركة، و الشركات قدمت عروض مختلفة كل حسب خطته و الغير محدود متلغاش و سعره تحسن او فضل زي ما هو. و المحدود مطروح بسعر جيد (لو قارناه بالدايل أب) و كل الكلام عن الغاء المحدود أو رفع سعره طلع أوهام.

Comments

علاء الاقتراحات الجديدة والعروض المتعددة كانت اقتراح لمجموعة جديدة قامت بالاتصال بالمهندس أنيس وقدمت اقتراحاتها وفد من المجموعة عمل مدونة حط فيها الاقتراحات وحضر الندوة اللي كانت في النقابة واتنين منهم اتكلموا بالفعل مع الجهاز ومع المهندس أنيس والراجل كان اكثر من مرحب والدليل الاسعار الجديدة http://egyptconsumerrights.blogspot.com/ تاريخ الاقتراحات قبل القرار بكتير والراجل فعلا استجاب للمقترحات لما ارسل ليه الملف بالكامل وده اكبر دليل على حسن النوايا ودليل كمان على ان الشغل احسن بكتير من الكلام

أنت بتستهبل و لا مجرد أهبل؟

أنت مصدق أن طرح أسعار أرخص كان بسبب مبادرة منكم؟

بلاش استهبال و ضحك على الذقون

القرار أصلا مكانش سلبي و مكانش معناه رفع الأسعار و لا الغاء الاشتراكات الغير محدودة و مبادرتكم لا معنى لها و لا أثرت لأنها كانت بتتعامل مع مشكلة وهمية غير موجودة. محصلش أي تغيير في قرار المرفق و الأسعار المطروحة بقرار الشركات لوحدها من غير تدخل حكومي لأول مرة و عشان كده فيه اختلاف ما بين أسعار الشركات و بعض.

و بجد أحا

انا فاكر الندوة دى كويس وكمان الباشامهندس انيس الندوة كانت بمثابة زلزال ووضحت الكثير من الامور وكشفت الخدعة التى كانت تقوم بها الحكومة والشركات على مستخدمى الانترنت انا فاكر بعدها خريطة اقتصاد المنطقة كلها اتغيرت وحصلت تغيرت حازمة النظام كان مرعوب من كم الحقائق التى كشفتها الحملة والشركات كانت بتصوته

احا يا عم الناس دي بتتناك علينا هتقول لي ليه هقول لك لان الخره الوزير كان عامل من الموضوع قصه كبيره فهمنا يعني انه هيخلي الدي اس ال ارخص من كده بكتير و شركة لنك منزله السعر لانها اوسخ شركه في مصر عموما انا شايف ان القرار ده عمل بلبله و لخبطه و خلاص و قرار مش موفق كان يخلي السعر مفتوح و بس كمان اللي ضاايق الناس ان القرار كان مبهم جدا و طلع لينا العرص اسمه عمرو ايه ده قال كلام يحرق الدم قال ايه الدي اس ال مش للافلام و كفايه ساعتين في اليوم و كفايه 2 جيجا في الشهر

you are pro-governoment for a change

شفت الزمن، اقرأ التدوينة دي و تعليقاتها لو عايز تفاصيل، و دي مش أول مرة أعلن عن رأي مخالف للسائد في المعارضة يمكن وصفه بأنه مع الحكومة حصل قبل كده في موضوع عمر افندي و كمان سبق و طلعت على الجزيرة و قلت أني معترض بشدة على تصنيف مراسلون بلا حدود لمصر على أنها من ألد أعداء الانترنت

و طبعا مننساش يوم ما تضامنت مع وزير الداخلية و يوم أعلنت أني مطبع قديم، يا ابني أنا بايع القضية من زمان و متبرجز و متحالف مع الاسلاميين و بقبض من الموساد بس أنتم اللي مش واخدين بالكم

لا أعتقد أن الأسعار و السرعات المطروحة تعد فضل تمنه الشركات على المستخدمين .. هل تعلم أين وصل العالم اليوم في أسعار و سرعات الانترنت ؟؟ هل تعلم أن أمريكا يوجد بها اتصال دي اس ال بسرعة 16 ميجا ؟؟ و بسعر مناسب لا يزيد عن سعر ال1 ميجا في مصر !! هل تعلم أن البيوت في انجلترا على سبيل المثال تملك خطوط انترنت بسرعة 8 ميجا و بسعر يساوي ما ندفعه نحن في انترنت بسرعة 512 كيلوبت

أضف الى ذلك أن الخدمة هناك أجود عشرات المرات و وجود دعم فني على أعلى مستوى

نتمنى أن نرى تطورا أسرع من ذلك كثيرا .. نظرا لأن أسعار المعدات التقنية في انخفاض مستمر مما يعني أن أرباح الشركات في تضاعف مستمر و دون مقابل ملموس في السرعة أو السعر