You are here

علاء يحكي عن يوم القبض عليه

Primary tabs

الأحد 7 مايو

بعد ما رجعنا من الغردقة خدنا يومين خمول وبعدين قررت أبدأ اتحرك فى موضوع المعتقلين بأني أكون موجود يوم عرض أول دفعة على النيابة لتجديد الحبس "الاحتياطي".

قضيت ليلة لطيفة مع منال ورتبت يومى، هيبدأ اليوم بوقفة قدام النيابة ونظرة على جلسة الطعن بتاعة القضاة وبعدين اجتماع مهم في الشغل وبعد الشغل هيبقى فى طبيخ وأفلام ودلع.

أمام محكمة جنوب القاهرة

الصبح بدري وصلت قدام المحكمة ملقيتش غير سلمى ولقيت لواءات وظباط وحتى سامى سيدهم مدير مباحث شرق القاهرة بيهشّونا ويخطرونا أن محدش من كفاية هيوصل المحكمة النهارده.

اتصلت بوالدتى واتفقنا نتقابل بعيد عن المحكمة قدام مديرية الأمن وهناك قابلت والدي ووالدتي و د. عايدة سيف الدولة وهوب اتلم علينا الأمن ونفس الرسالة محدش هيدخل المحكمة.

بابا فهمهم إنه محامي وإنه لازم يحضر مع النيابة وأن في معانا شهود نفي. فكان الرد إن الشباب مش هيعرضوا على النيابة أصلاً وفهمنا إن ورقهم بس اللي نازل.

المهم بعد لت وعجن كتير اتفقنا ان المحاميين يدخلوا والباقي يستنى بره، إذا وكيل النيابة طلب شهود نفي الناس تدخل وعلى الأساس ده استنينا في الشارع.

بدأ الأمن يخنق وينفسن ولو سمحتوا أقفوا هنا ولو سمحتوا روحوا هناك وأصل حركة المرور (طبعاً المرور كان عطلان بسبب مئات العربيات والآف الجنود البواسل بتاعتهم) و كالمعتاد أمى عندت وبرضه كالمعتاد أنا لوشت في الأمن وسلمى تنشنت. المهم انضملنا مجموعة شباب منهم ناس من الغد ووائل عباس وياسر النديم ومنهم رفيق الحبسة فادي أمين اسكندر والبنات أسماء وندى ورشا اللى اتمسكوا وعددنا وصل حوالي 15.

كل ده أحنا واقفين بس على جنب الطريق قدام دار الكتب شويه وراحوا مكردنينا بكام ميت عسكري وابتدوا يزقّوا ويضربوا ويفعصوا وابتديت انا اتخانق لحد ما قلبناها مظاهرة.

بعد ما بقيت مظاهرة انضملنا حوالي 15 كمان وعملنا شوية أزعرينا، قعدنا كده لحد 12:30 لما بلغنا قرار النيابة بأن يعاد العرض باكر بحضور المتهمين وقرار المحكمة بالتأجيل ليوم 28 واتفقنا إننا نفض بقى عشان نشوف شغلنا.

الفسل العيل سامي سيدهم لما سمع إننا عايزين نمشي قالك إنتـو مش وقفتوا بمزاجكم أنا بقى همشيكوا بمزاجي "هاهاها" بيجيبوا الحمير دي منين؟ على فكرة سيدهم ده كان قائد العمليات يوم 30 يوليو.

كل ده أنا مش مدي خوانة وقاعدين نهرج ونّكت على ظابط أمن الدولة المرعب اللى لابس تى شيرت مكتوب عليه Psycho Alcatraz. لحد مالقيناهم بيفتحوا الكردون والأمن المركزي بيبعد والناس خمنت ان ده معناه اننا مروحين لكن هوب قفز سيدهم وشاور على مجموعه منّا وهوب برضه قفزت الكلاب وشالونا، حاولت أفلفص أو أخشّب جسمي، حاولت أحمي الكاميرا والموبايل لكن على الفاضي خدوا الكاميرا والموبايل وشالوني ورموني في ميكروباص مع 11 شاب وشابة من المجموعة.

قسم السيده زينب

انطلق الميكروباص على قسم السيدة زينب فادي وكريم والبنات قعدوا يتكلموا على هل حد ماشي ورانا ولا لأ وتفاصيل من دي أنا كنت ساكت تماما ومش فاكر خالص كنت حاسس بايه أو بفكر فى ايه وقتها.

في القسم نزلت أنا الأول وخدوني على أوضة جنب مكتب المأمور. دقيقتين وطلعوني ولقيت الكل واقف مرصوص وشه فى الحيط عدا البنات. بعدين سمعت صوت البنات جاي من أوضة تانية.

وقفت إيدي على الحيطة وفتشوني يجي عشرين مرة خدوا كل اللي في جيبي عدا الفلوس وبعدين خدوا كشف بالحاجات اللي اتاخدت مني لحظة القبض علينا. غمّوا عنينا كلنا و ربطوا ايدين الجميع ورا ضهرهم ما عدا أنا و كريم الشاعر (ماعنديش فكرة ليه مربطونيش) و سابونا متذنبين قدام الحيط و غير مسموح الجلوس.

بعد مدة طويلة بقى التحمل صعب (متذنبتش من أيام المدرسة) أخيرا سمحولنا نقعد بس مقرفصين و وشنا في الحيطة و برضه سابونا مدة طويلة جدا لحد ما بقينا مش قادرين نستحمل، أخيرا سمحولنا نلف و نقعد على الأرض و نسند ضهرنا. كل ده و أنا متغمي و طبعا مرعوب..مش فاكر و مش عايز أفتكر مخي كان جايب ايه في الساعات دي. مر وقت طويل تاني و لقينا عساكر بتقومنا و تدخلنا طرقة أو أوضة ضيقة، طبعا افتكرت دي لحظة الضرب لكن طلع أننا صعبنا عليهم و خدونا يقعدونا في مكان مريح و بعيد عن الأعين، و دخلولنا مية و شوية و البنات بعتولنا أكل و أكتشفنا أن تلاتة مننا خرجوا خالص!!

في عربية الترحيلات

مر وقت كمان و لقيناهم بينقلونا تاني و راحوا مكبشينا في بعض و أحنا لسه متغميين و طلعنا برة القسم و في عربية الترحيلات.

و أحنا بنطلع العربية سمعينا صوت تسقيف و هتاف و عرفنا أن زملائنا بره.

في العربية العساكر اللي كانوا معانا طلعوا جدعان و خففولنا الكلابشات و شالوا الغمامات، قعدنا السكة كلها نهتف و نغني بقيادة فادي اللي كان ليه دور كبير قوي في رفع معنوياتي طول الحبسة.

عربية الترحيلات مشكلة كبيرة أولا دايما بيسوقوا بسرعة و تهور و تقعد تقع و تندلق و تخبط جوه، و بعدين ليها شبابيك سلك صغيرة صعب جدا تشوف منها أنت رايح فين و في نفس الوقت محدش بيقولك حاجة و بالتالي لازم تقعد تخمن.

نيابة أمن الدولة

وصلنا نيابة أمن الدولة، شالوا الغمايات خالص قبل ماينزلونا و أول ما دخلت لقيت كل المحامين الحقوقيين و المسيسين و الحزبيين و النقابيين اللي أعرفهم و لقيت ماما و منال و بابا، سلمت بسرعة و نزلونا على الحجز اللي في البدروم.

في البدروم فكوا الكلابشات و سابونا، حصلت شوية مناوشات على إزاي يحجزوا البنات و الولاد (أصل نيابة ضد الأختلاط).

الحجز عبارة عن أوضة حيطانها قيشاني و طرقة حيطانها جبس و حمام بلدي قذر. بدل الشبابيك شراعات و قدام كل شراعة في حرس.

الحيطان كاننصها مليان أسماء و شعارات لناس من الأخوان المسلمين و جماعات سلفية مختلفة و لقينا مالك حفر أسمه و كلمة كفاية بس مش واضحة. الكتابات من 2001 على الأقل و حاجة تبكي، تلاقي واحد كاتب 170 يوما على ذمة التحقيق و مازال العرض مستمر.

المهم طلع حد فينا معاه قلم ماركر و رحنا ملينا الحيطان و السقف و مواسير التهوية بأسامينا و شعاراتنا و نكاتنا و عناوين مواقع نت و الذي منه..من الآخر شلفطنا النيابة.

لما الناس نزلوا نيابة بعد حبسنا بكام يوم فوجئوا، كمال خليل بيقول أن بقاله سنين بيتحقق معاه في النيابة و دي أول مرة يشوف أسامي ناس مش أسلاميين. واضح أن الموضوع ده أزعج السلطات لدرجة أننا لما عرضنا تاني يوم 20 مايو لقينا الحيطة القيشاني نضيفة تماما نضافة القطنة اللي ما بتكدبش (لاحظ أنها نضيفة لأول مرة منذ 2001) و غالبا ده كان سبب وجود أسماعيل الشاعر داخل سراي النيابة أثنا عرضنا.

طول ما أحنا جوه كنا بنهتف و نغني و الدنيا عال و كل شوية أسماء تفكرني بهدية عيد ميلاد الريس اللي بتاعة تهمة أهانة الريس؟!! طب أحة ياريس و تضحك.

قصر الكلام شوية و ابتدوا يطلبونا واحد واحد للتحقيق. دخلت و معايا بابا و آخرين و وكيل النيابة قعد يهلفط بكلام إنشاء ركيك المفروض أنه بيوصف التهم الموجهالي. طبعا رفضت التحقيق أمام نيابة أمن الدولة و طلبت قاضي تحقيق (لمل نشوف حلمة ودننا) و خرجت قعدت شوية مع المحامين اللي قدمولي طلب زيارة داخل سراي النيابة (يعني طلب أني أقف مع منال خمس دقايق، و راح الزفت وكيل النيابة رفض الطلب و نزلوني تاني على الحجز.

شوية و نقلونا تاني على عربية الترحيلات من غير مايبلغونا قرار النيابة ايه. و أحنا طالعين شفنا جمهور كبير من الأهل و الأصدقاء واقف بره، عملنا علامات نصر بإيدينا و أبتدينا نهتف و يردوا علينا، في ثواني راحوا منزلين أمن مركزي و كردنوهم (لحسن أختي الصغيرة تفجر النيابة ولا حاجة). بيقولوا من أكبر المظاهرات اللي أتعملت قدام نيابة أمن الدولة و بيقولوا مكانتش متوقعة. ذاكرتي عنها أنها كانت حزينة جدا و كان أول مرة في اليوم المنيل ده أحس أني هعيط، منال و منى و ميسرة كان شكلهم حزين جدا.

قسم الخليفة

تاني عربية تراحيل و تاني كلابشات و تاني هتاف من جوه العربية كل مانقف في مكان فيه ناس أو نعدي على أتوبيس، إذا كانت المظاهرة اللي اتمسكنا فيها ماتستاهلش فالمظاهرة اللي عملناها في العربية يمكن كانت تستاهل.

لما لقينا العربية داخلة على وسط البلد اتسرعنا و قلنا بس واخدينا على لاظوغلي، بس طلعوا واخدينا على حجز التراحيل في الخليفة.

و أحنا طالعين من النيابة كل واحد فينا استلم شنطة و بطانية من لجنة الإعاشة و أنا وصلتلي نضارتي المناضلة اللي كانت وقعت على الأرض وقت القبض علي (نفس النضارة اتبهدلت آخر مرة تضامنت فيها مع القضاة أيام الأنتخابات، كل واحد و هو نازل من العربية في قسم الخليفة شال شنطته و بطانيته، و فصلوا البنات طلعوهم حجز نساء فوق و خدونا أحنا الخمسة على زنزانة كبيرة و قذرة في الدور الأرضي.

عبر الباب شوفنا زنزانة أخت زنزانتنا بس بدل ما فيها خمسة فيها خمسين و طول الليل يدخلوا عليهم ناس زيادة، الحمام الملحق بزنزانتنا كان مسدود و آخر وساخة و على الفجر طفح و دلق مية وسخة في الزنزانة و طبعا حشرات و فئران وما إلى ذلك.

برضه قضيناها غنا و هتاف و تفاعلنا مع المساجين اللي على الناحية التانية و عملنا مناورات عشان يدخلنا شاي و بعدين رحت في نومة.

تاني يوم بلغنا أن قرار النيابة حبس 15 يوم على ذمة التحقيق و أننا هنتنقل الساعة 3 بعد الظهر لسجن طرة تحقيق.

شوية و لقينا المساحة ما بين الزنازين اتملت ناس، أنتم مين يا أخواننا قالك أحنا عمال من شرم الشيخ لمونا كلنا علشان ينضفوا البلد قبل المنتدى الأقتصادي و بيرحلونا على بلادنا بقالهم أسبوعين. مقدرش أوصف احساس العجز و أحنا قاعدين 5 في زنزانة كبيرة و دول مئات مزنوقين في طرقة و كل اللي قدرينا نعمله أننا نعزم عليهم ببقسماط من نتاع لجنة الإعاشة.

شوية و جالنا التعيين الميري (الأكل اللي السجن بيسلمه للمساجين) عيش و حلاوة و جبنة نستو. و قلنا نفطر طلعنا الأكل بتاع الإعاشة و التعيين. حلاوة السجن طلعت منتهية الصلاحية بس العيش بتاع السجن كان أحلى من عيش الإعاشة بكتير. أكلة خفيفة علشان مضطرش لدخول الحمام لحد ما نلاقي حمام نضيف.

شوية و دخل علينا ظابط خد بياناتنا و قال أنه هيعملنا فيش. حصلت مناقشة عبثية مع بتوع الغد حوالين هل من حقهم يعملوا فيش و لا لأ و قاعدوا يستشهدوا بأيمن نور لما معرفش حصلوا ايه (لولا أني فهمت السجن وحش قد ايه كنت قلت أيمن نور استريح، أتباعه فقعوا بضاننا في الحبسة المنيلة دي).

عملنا فيش و صورونا و الذي منه و اشترينا سجاير عشان نستخدمها في طرة و بعدين لقيناهم بينقلونا لزنزانة تانية قيل عنها زنزانة الأجانب و في قول آخر زنزانة الوزراء. و سمعنا أن البنات أتنقلوا خلاص على سجن القناطر. الزنزانة نضيفة و الناس اللي قاعدة فيها شكلها مطول مش بس معدي تراحيل و الأهم حمامها نضيف. كان فيها يجي 6 مساجين منهم محامي و عضو حزب وطني و شاب بيشتغل في الخارجية، أتاري عدا عليهم التلات دفعات بتوع كفاية اللي سبقونا، اتكلمنا شوية عن كفاية و حال البلد و دخلنا الحمام و استنينا لحد ما نقلونا تاني في عربية ترحيلات.

و أحنا طالعين فادي بدأ الهتاف، الظابط قفش و سكتنا لحد ما طلعنا بره السجن و وقفنا قدام العربية و بعدين راح قال لفادي أهتف بقى. بدأ فادي بعمر السجن ما غير فكرة.. الظابط قاله سجن ايه اهتف يسقط يسقط، و بدأت مظاهرتنا لحد السجن.

Comments

بصراحة ،لما بقرا رسايلك من السجن بستجدعك جدا وبيعجبنى صدقك مع نفسك وحبك للناس وكمان حبك لمنال حاجة جميلة جدا وانا بحترمها،وبقول لمنال انا ماعنديش اخوات بنات ،وانا بحس انك اختى و انا ومراتى نتمتنى اننا نتقابل اول ما يطلع علاء من السجن

شكرا يا علاء على رسايلك وهانت يا جماعة كلها شوية ومبارك يشرف فى الزنازين اللى احنا بنخشها

شد حيلك شد بس مش بالهتاف والمظاهرات هيتحقق الحلم البلد دي محتاجة راجل ومعتقدش من 70000000 مصري مفيهمش راجل واحد حكايتنا عايزة راجل

انا سعيد جدا بوجود شباب ايجابي زيكم واحب اكلمكم عن منظوري للنهضة بما اني عضو في جماعة الاخوان المسلمين اول حاجة لازم نطالب بالحريةوهي احد دعائم الاسلام متي استعبدتم الناس وقد ولدتهم امهاتهم احرار اقصد حرية التعبير والتفكير والابداع الحاجة التانية الاخلاق وده ركن اساسي جدا في تعاملنا مع ربنا وانفسنا والناس والحاجة التالتة العلم والتكنولوجياوالحاجة الرابعة الادارةلذلك نطمح لبناء جيل يتعلم الدين والاخلاق العلومالادارية والتكنولوجياوان نطالب بالحرية من اجل نهضة اسلامية قويةتقود الشعوب نحو استاذية العالم التي كانت هي الرسالة التي عاش من اجلها الاستاذ حسن البنا رحمه الله بعقلانية فكروا ياشباب اقراؤا الاسلام ستجدون حقوق المواطنة والاعتراف بالاخر والشوري والحريةوالمساواة والعدالة الاجتماعيةوالكثير من المعاني الرائعة التي نرجو ان تسود في مجتمعنا لنلقي الله عزو جل راضيا عنا

بما انكم تدعون الحرية فاسمحوا لي ان اعبر بحرية ... لا اظن ان شخصا وطنيا يدخل السجن لينكت و يغني و يفاخر اصدقائه بمغامراته و بطولاته .. برأيي ان علاء و من هم بصفه ( ولا اقصد اسما بعينه) هم عار على وطنيتنا .. انا لست مصرية .. ولكني عربية .. و اعرف ان النظام كله فاسد و لكن ذلك لا يبرر ظهور من لا يجد هواية جديدة ليمتهن السياسة ... و ليقضي وقتا مسليا بصحبة شلته مع لولو و توتو و كوكي ... يعني باختصار كفين ( او كما تقولون قلمين) لا تصنع رجلا و لا تصنع مناضلا .. و ليس كل من دخل السجن بهذا او ذاك ... انت لم تنفى ولم تعذب و لم ترمى في مكان لا يوجد فيه اب او ام او صديق او محام و اجزم بأنك اخذت مسبقا قلم الماركر لتكتب به نكاتك و مقاطعك المفضلة من اغاني الرولينغ ستونز و غيرهم ممن هم عملاء مدسوسون .. و برأيي ان هذا الموقع برمته عبارة عن كوة صغيرة لمن يعتقد خاطئا بوجود حرية في الدول العربية و لمسخ معنى النضال و تشويه صورة الوطنية في عقول الشباب الذين يرونك امثولة ..و ما انت الا واجهة محبوكة بدهاء لما هو اكثر فظاعة و ترويعا من النظام السياسي ...رحمة بنا يا رب

انا معاك او معاكى

YOU ARE PATHETIC..............

يا ست رضوى انتى اى حد يقول حاجه ما تعجبكيش تنزلى فيه شتيمه ... هيه دى الديموقراطيه و حرية الرأى ؟؟؟

بجد يا جماعه انتوا طلعتوا اى كلام انا احترمتكوا لفتره صغيره اما شوفت الفيلم التسجيلى اللى عملتوا قناة الجزيره لكن اما قرأت اللى فى الموقع ده حسيت قد ايه انكوا مجموعه من الشباب الروش اللى عايز يعيش مغامره جديده فى حياتو يعرف يحكيها لاصحابه الروشين وتعملوا فيها الشباب السياسى اللى هايعمل ناهضه فى البلد خخخخخخخخخخخخخخخخخخخخخخخخخخخخخ عشان عيل بشخه ذى علاء ده اتحبسلوا كام يوم عشان كان بيزعق ويعيش الدور هو و 15 واحد منهم مامى وبابى ههههههه كده باقيتوا مناضلين ياخى احهههه ومش عاجيبكوا ناس ذى الاخوان مثلا وهما اللى اعرفوا انهم بيموتو مش بس بيتحبسوا من سنة 1930 من قبل الثوره حتى وبالالفات مش خمس علوء زيكو . والله ضحكتونى بتشبهوا نفسكوا بعرابى ههههههههههههههههههههه خمسين ولا مية فاسيه زيكو هما اللى هايغيروا البلد هههههههههههههههههه هىهىهىههىهىهىه واحد ضارب شعرو فى الخلاط والتانى لازقهولى بجيل والتانيه عاملا فيها نوال سعداوى انتو بقا الشباب اليسارى الجامد اللى هايعمل النهضه هههههههه يالا يابنى انت وهو من هنا روحو اعملو خمسات بعربياتكو وصيفو فى الغردقه ولا شرم بعيد عننا واما يبقى علاء يترمى فى زنزانه متر فى اتنين متر نصها مايه وكل يوم الصبح يتخرم عضوه ( بتاعه ) بالكهربا ويفضل كده لمدة 6 سنين يترفد فيها من الجامعه ويضيع مستقبلو ساعتها ممكن يصعب علينا ونحترمو .... هابقا اكملكو بعدين

WEL NABY ENTA ELLY NOKTA...........

أنا من اول رسالة انت بعتها و عرفت انك مسجون مع ناس من الغد، و انا فعلا مش متخيل عقاب اكثر بضاناً من كدا

آآآآآآيـــــــــــــــــــه ما علينا

إذا كان الضابط نفسه قالكم اهتفوا يسقط يسقط يبقى فعلا فيه حاجة بتتغير

معلش يا علاء... السجن للجدعان و الحمد لله إنه مقويكم أكتر و مخلي روحكم عالية

we misssssssssssssssssssssssssssssssssssssssssssssssssssssssssss u alaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa

ربنا معاكوا يا علاء

انا دوقت الزفت دة تلاتاشر يوم و عارف ولاد الوسخة دول بيعملوا ايه

استحمل يالا كله يهون

ده كان متوقع ..في أوامر عليا ان اي حد يتمسك من امدونيين او 30 فبراير ..يتحبس مع الغداوين..علي سبيل الضغط ولو قل أدبه أكتر بيحبسوه مع الأخوان عموما ما تقلقش الصين هتحل المشكلة دي قريب

("حصلت شوية مناوشات على إزاي يحجزوا البنات و الولاد")

قوية الجملة دي بجد, يعني خطفكم من الشارع و احتجازكم معصوبي الاعين و ممنوعين من الجلوس , و استجوابكم امام جهة غير دستورية ,, و العمال اللي محتجزين و مترحلين عشان مظهر شرم , كل دا اخلاقي جدا , المشكلة الوحيدة هي الاختلاط في الحجز , نيابة محافظة فعلا

ربنا معاك يا علاء http://dblueros.blogspot.com/

Rabena m3akoom kolokom, w terga3olna belsalama

تجربة مؤلمة وجميلة ، ونادرة الحدوث ، على المستوى الشخصى مررت بتجربة مشابهة لها قبل ذالك ، لكنى لم أذهب الى النيابة ، فقط إحتجزت لستة أيام فى حجز إدارة مباحث أمن الدولة بالإسكندرية ، وليلة بقسم باب شرق مع بعض الإسلاميين أذكر منهم أبو عمر المصرى الذى إختطفته المخابرات الأمريكية من ميلانو ، وبعد ذالك رحلت إلى سجن مزرعة طرة فى سيارة ترحيلات وحدى فقط وسط حراسة مشددة .

السجن لم يعد كما كانت الروايات التى كتبها بعض من عاشوا فترات من حياتهم فيه تحكى عنه ، هناك أشياء كثيرة تغيرت - لإحقاق الحق فقط - المعاملة فى الغالب جيدة ، ولا تمييز بين السجناء على إعتبار أن السجن ليس سوى مكان للإحتجاز فقط ، وهذا لا يمنع إدانتنا لإحتجاز الأفراد بسبب تعبيرهم عم آرائهم أو خروجهم فى المظاهرات المطالبة بإستقلال القضاء أو إقامة الإعتصامات السلمية ، هذه أشياء لا يمكن أن نعدها سببا مقنعا ومعقولا لتقييد حرية إنسان برىء . بمناسبة عدد نزلاء الزنازين ، فى الفترة التى قضيتها فى مزرعة طرة ، كنت أسكن فى زنزانة رقم 1 فى عنبر رقم 1 بمفردى ، وهى زنزانة واسعة جدا وبها مطبخ وثلاث دورات مياة ، وفى ذات الوقت فإن معتقلى جماعة الجهاد ( أصحاب المبادرة ) كانوا يقيمون فى زنازين مشابهة بواقع حوالى خمسة وعشرين شخص لكل زنزانة ، وقد إعتبرت إقامتى المنفردة ميزة أكثر منها محاولة لممارسة ضغط نفسى على ، فلم يكن لدى شىء أفعله سوى أن أستعير الكتب من مكتبة السجن وأتفرغ تماما لقراءتها ، وكانت فرصة جميلة لقراءة كتب لم أكن أجد الوقت لقراءتها فى أوقاتى العادية ، فقد قرأت الأيام لطه حسين ، والحرية لجون ستيوارت ميل ، والحب فى زمن الكوليرا لماركيز ، ووصلتنى ورقة مأمور السجن " ألف مبروك " قبل أن أتمكن من إنهاء رواية خريف البطريق لماركيز ، فالسجن ليس محنة فى كل الأحوال ، بل هو لمن يدرك قيمة ذاته سيصنع منه جنته الخاصة ولن يسمح لمن يتغيون من وراء سجنه إيلامه أن يصلوا إلى غايتهم ، فهم قد يستطيعون حصر أجسادنا داخل مساحات ضيقة مانعين إياها من حرية الحركة ، لكنهم لن يتمكنوا من القيام بأكثر من ذالك ،لن يمنعونا من التفكير ، قد يمنعونا من تدوين خواطرنا ، لكنهم لن يستطيعوا أن يصادروها من أدمغتنا ، قد تكون الفرصة قد أتيحت لعلاء أن يكتب تحت سمع وبصر المسؤلين عن السجن ، وقد يمنع شخص مثل أيمن نور هو الآخر من الكتابة لكن ذالك لن يمنعه من التفكير إذا أدرك أن قيمته الحقيقية لا يمكن لسلطة مهما كانت أن تنتزعها منه ، إنه كياننا الغير محدود والذى يحار أعداؤنا فى إيجاد ألا سبيل للسيطرة عليه دون جدوى ...

أرجوكى يا منال ... أبلغى علاء خالص تحياتى ، فهو فى قلوبنا جميعا ، ووقفته ضد الطاغية ستكتب له بحروف من نور فى سجلات التاريخ ، وأشكره من أعماقى على أن دفعنى إلى إجترار الذكرى والكتابة عن السجن بعد أن كدت أن أنسى أننى ولجت من عتباته ....

الى اللقاء..

عبدالكريم نبيل سليمان

مش عارف يا علاء انت زعلان ليه من بتوع الغد هما كانوا بضان قووى يعنى ؟؟؟ طيب يا جماعة ما انا كمان غد ,على العموم يا علاء بعد كدة ابقى اطلب ان بتوع الغد ميتحبسوش معاك اوك ,ولو معرفتش ابقى استحملهم عشان خاطر مصر

لما المجموعة الاولى اتمسكت اتخضيت ومعرفتش أحس بايه أو أعمل اية لما انت اتمسكت مع المجموعة التانية اكتئبت.. من ساعتها عايزة أعيط ومش عارفة.. الحاجة الوحيدة الي صممت عليها اني انزل كل شغل الشارع علشان حقنا في الشارع مايروحش.. يوم الاثنين استلمت شرقاوي من قسم قصر النيل..

النهاردة يا علاء شرقاوي اتقبض عليه تاني من الشارع وهو بيكلمني في التليفون.. جوايا حاجات كتير مش عارفة اطلعها.. المهم.. احكيلنا كل حاجة حصلت في السجن.. علاء.. النهاردة كان ذكرى الاستفتاء.. ياااه جوايا كلام كتير.. فاتت سنة على يوم معرفتك يا واد.. هاقول اية.. السجن للجدعان والتغيير مش بالساهل.. والسكة طلعت طويلة قوي.. بس متهيألي لو متنا موتة ربنا يعني يبقى لسة مشوارنا طويل وهنعمل وهنشوف حاجات كتير مع البلد دي.. روق.. ما حدش واخد منها حاجة

علاء معظم ولاد الناس الكويسة اللى زى ابوك وامك بيكونوا مدلعين وميصين لكن انت ولد جدع وراجل ويتشرف بيك اى اب وام وكل مصر تتشرف انك ابنها تكنش ياود صعيدى؟ منال لك كل الحب والاحترام وعلاء حيكون معاكى قريب باذن الله من اب وجد فخور بيكم

بقول كلمة جايز يعنى تيجى فوق دماغى بس أهوه الواحد برده طول عمره ماشارك فى أى تغير فى البلد الوسخة دية. طول عمرى الأفكار مسجونة جوه قلبى. ماتيجى نقرب وجهات النظر بين كفاية والغد والكلام ده كله ونعمل كيان واحد يبقى شوية أقوى. مش عارف أقول ايه بس أنا بدعمك يا علاء وبدعم كل المعتقلين حتى لو كانوا إرهابيين ولاد وسخة، ليه بقى؟ عشان إعتقلت قبل كده عشان كنت بطالب بمرتبى وكهربونى وعلاقونى وحاجات تانية مفيش داعى لذكرها. يعنى الواحد لما يعتقل عشان حاجة مفيدة هيحس إنه ليه قيمة. وعايز أصبع للريس تحية ليه ولنظيف وكل حكومته الوسخة وبالأخص السلطة التنفيذية ورقصنى يا جدع. وبالمرة الاخوان المسلمين. يلا زى ما تيجى هو فاضل من العمر أد ايه

الروح دي والصدق ده مش حاجة غريبة ابدا على علاء .. اجمل ما في تدويناتك من الحبس يا علاء انها بتهون كتير جدا وبتصحح صور كانت عاملنا رعب .. يعني كل ما واحد يتحبس في قضية رأي نفتكر فيلم الكرنك والتعذيب والبهدلة وفرج .. والكلام ده كله ..

كل واحد تكلمه عن السياسة يقولك مالناش دعوة خلينا بعيد عن البهدلة .. اعتقد ان تدويناتك وغيرك من الناس الجدعة اللي اعتقلت دي كان ليها تأثير غير مقصود بكسر حاجز الخوف جوا من الناس من اهوال ما يحدث داخل السجن .. علاء قد اختلف معك كثيرا او قليلا .. لكن لك كل تحية وتقدير حقيقي لشجاعتك ومجهودك وتمسكك برأيك ..

فيه حاجة مهمة كمان شدت انتباهي جدا .. هي الفرق بين ما يحدث من رجال الامن خارج وداخل السجون .,. يعني في المظاهرات سحل وتحرش وضرب وبهدلة وسفالة على اعلى مستوى تخطي وانتهاك سافر لكل حدود الدين والادب والاخلاق والحرية والديموقراطية والقانون وكله .. وكل ده على يعنك يا تاجر امام عدسات المصورين والصحفيين والعالم كله ..

اما في السجون فالوضع مختلف تمام معاملة معقولة واوضاع ليست سيئة ابدا .. فيه ناس عايشة طول عمرها في اماكن اقذر من كده بكتير .. بصراحة لم اتوقع ابدا المعاملة الادمية غير العادية دي ... ومش قادرة افسر الازدواج العجيب ده ؟؟؟؟

على العموم .. تحياتي ليك ولكل الجدعان اللي واحشنا جدا ..

وعلى رأي فادي اللي شفته مرة واحده بس وادهشني حماسه جدا (عمر السجن ما يهزم فكرة) وبجد مهما كان الاختلاف مع رأيك انت او غيرك .. فعلا الاعتقال او الحبس ده بيزودها قوة وفاعلية وبيدي لصاحبها تجربة ثرية وقيمة امام نفسه والاخرين ...

في انتظارك يا علاء وفي انتظار الاخرين اقوى واشجع واكثر انتماءا ..

تحياتي ..

شوية عبدة شيطان فشلوا و مش لاقيين حاجة يعملوها قالوا نجرب حظنا في السياسية قال إيه و نبقى كتاب جاتكوا خيبة عليكم و على الشيطان بتاعكم يا كفرة و ابقوا خلوه ينفعكم

واحشنا يا علاء

وجعني جدا الحزن اللي علي طول في عينين منال من ساعة ما دخلت

حتي و هي بتضحك

قريب يتلم الشمل ان شاء الله

ما فيش حاجه اقدر اقولها غير شد حيلك يا بطل و بنا يرجعك بالسلامة لمراتك و عيلتك

يلا روح في داهية خلي البلد ترتاح منك

dahya lama teshelak enta we ahlak Ya 7ayawan

isa tetla3 belsalama Ya alaa

ASFOOOKHSSSSSS.............

ههههههههههههههههههههههههههههههههههههههههههههههههه

احسن عقاب ليك يا خمورجي يا ديوووث

عامل نفسك راجل وانت اكبر خول في بلدك

لالالا بصراحه انا مش قادر اتخيل هيعملو ايه فيك في السجن دا انت هتتناك نيك

وال ايه حاطين صورتك في اول الموقع وكاتبين تحتيها الحريه لعلاء عاملينك بطل من ابطال قناة الجزيره بكسمك وكسمهم

هههههههههههههههههههههههههههههههههههههههههههههههههههههههههههههه

انا هقولك على شعار جديد

تحطه في الزنزانه الي انت فيها

التنين البمبمي بتناك في السجن يا رجاله حيث تاكل الخولات الحلاوه المنتهيه

دا انت هتقول كفايه في السجن لحد ما يطلع تربنتينك

EN SHALLLAAH ENTA WE AMSAAAALAK !!!!.......................ESFOOOOHKSSSSS

سيسقط يوما ما, ربما بأيديكم يا شباب مصر, و ربما بيد القدر كماسقط من قبله. عندما تدفعون الثمن تذكروا أن مصر كلها تعرف أحمد عرابي و لا أحد يعرف اسم الحاكم الذي حكم عليه. التاريخ يشهد بالظلم و يسمح اسماء الظالمين. دولة الظلم إلى زوال, و إن طال الزمان

ya man, i do really admire what u guyz are doing .. for the sake of our country dont give up, keep up what u doing!!! rabena ma3akom ya shabab

Hi, I am a simple Egyptian citizen. It's my first time to log in to your web.

My full support and encourage to you & your husband and all our Egyptian brothers & sisters in hand of dogs.

Thanks a lot for your role that all of the Egyptian nation shuould play together.

Victory is for Egypt and death is for The Mubarak's.

6

الناس المغلولة اللي بتشتم في علاء وزمايله ويعتبروا ان عقابه حايتناك في الزنزانة والسجن..كأنهم موش متناكين من الدولة اصلا وهما بره. الدولة لما تنيكك معناها انها بتمشيك زي العبد وتعمل اللي هي عايزاك فيك.احب اقولهم ان " الرجالة والنسوان الجدعان السياسيين" بيلاقوا اكبر احترام من المساجين الإجرام ومن العساكر العاديين. الشعار اللي كان المساجين الاجرام في سجون مصر اللي بيقدم التحية للسياسيين اللي موجدين في عنبر رقم ستة في سجن القناطر هو " ستة .. ياشيوعية وزهرة الشباب والحركة الوطنية " أما امثال اللي بيكتبوا وبيعتبروا نفسهم شمشانين في الشباب السياسيين وانهم حا يتناكوا في السجن فهم ناس ساذجة بتعتبر ان الشرف مرتبط بالطيز وفتحة الشرج اللي بينول منها الخرا . انصحهم يروحوا يقروا قصة العسكري الاسود ليوسف ادريس وللا رواية الكرنك لنجيب محفوظ . يتعلموا منهم ايه اللي حصل للحكام الظلمة والضباط المفترين. وليه نروح بعيد؟ شوفوا اللي حصل لبينوشيت بتاع شيلي وغيره. لكن ايه اللي بيخلي الجماعة دي تفتكر في النيك كعقاب ؟ نفسي اعرف رأيهم . هل واحد عجلاتي وللا سمكري اغتصبهم زمان واعتبروا انه ده عقاب ؟

انت مش عاجبك الناس اللى بينتقدوا المجموعه دى من الشباب اللى فى رايى انا انهم بيهزرو وبيعيشوا وقتهم فى مغامرات يتباهوا بيها مع امثالهم . طبعا انت اتكامت عن الاستاذ اللى مش عاجبو الكلام ده وبيقول انت حتتناك فى السجن نقدك ده كان سطحى اوى بالنسبالى لانك لو حاتحكم على الكلمه اللى هو قالها دى وبتحللها على انها اغتصاب وكده زى ما انت قولت فى تعليقك فكان اولا بيك تنتقد كلام علاء نفسه اما قال ( بضان ) على حاجات كتير زى الناس بتوع الغد ومش فاكر قال كده على ايه كمان .. ياعنى ايه بضان ؟!؟!؟!؟!؟ انا عايز اقول اننا فعلا اما شوفت الناس دول ( المدونون ) فى الجزيره احترمتهم لانى لاقيت ان عندهم تقريبا نفس افكارى عن الحريه بس اما قريت الموقع ده عرفت ان الجزيره ضخمت منهم على الفاضى وانا اكاد اجزم انهم مجموعة من الشباب الروش ذى ماقولت قابل كده بيعيشو مغامره بدل اما كانو ليل نهار فى الكافيهات والمصايف وكافتريات الجامعات ومحلات الاكل الامريكانى ذى كوك دور وهارديز وخلافه وبيبصو لبعضهم على انهم تافهين وهما عارفين كده كويس جوه نفسهم . قالو احنا تعمل فيها الشباب الوطنى ونالف شعر ساخر عن حال البلد ونعمل مظاهرات فى ميدان التحرير وياسلام لو اتقبض علينا واتحطينا اسبوعين تلاته فى امن الدوله تبقى حاجه كوووووووول . ده هو رايى فيهم بصراحه ومن حقى اقول رايى ولا ايه مش انتو بتنادو بالحريه بردو .

انا عايز اعرف بقا بالظبط هما عاعجبينكو فى ايه ياريت تردو عليا ياريت تكتبو فى السابجيكت اسمى عشان اعرف انكو رديتو عليا

ربنا يقويكم وينصركم ان عملت بلوج جديده ونفسى تقولولى رأيكم فيها ايه هى لسه مش فيها حاجات كتيره بس معلش انا عايز شويه تشجيع وشكرا belady.blogsome.com

يعني انت صعبان عليك انهم يمكونوا كوول او حتى عاوزين يكونوا كوول؟ او ياكلوا احسن أكل ؟ ولنفرض ان ده حقيقي .. عيب يعني ؟ طيب ما هم بيضربوهم بالجزمة من بتوع الكارتيه وبيتسجنوا. حضرتك اللي موش كوول ويمكن بتاكل طعمية وعدس وفول .. عملت ايه غير انك بننقدهم في السايتات ؟ هذا لا ينتقص منك . يمكن عندك ظروف تمنعك من المشاركة الفعلية . اللي ما اشتركوش وما اتسجنوش موش اقل وطنية من اللي اتسجنوا " لا يكلف الله نفسا الاي وسعها " لكن انا موش فاهم لحد دلوأتي أيه اللي مزعلك منهم ؟ لأن الوطنية موش بالمظاهر وانت ابن مين . سمعت عن نبيل الهلالي ؟ ومحمد عباس سيد أحمد؟ سمعت زكي مراد ومبارك عبده فضل وعشرات آخرين ؟ الهلالي ابوه كان رئيس وزراء . سيد احمد ابوه باشا . زكي مراد محامي نوبي وبنته صفاء محامية وبتشغل في المكتب اللي سابه ابوها . مبارك نوبي خريج ازهر . مالهم دول ؟ كلهم ناضلوا ودخلوا السجن واضربوا في ابو زعبل ومات اللي مات ( بلاش نقول استشهد) الوطنية ما فيهاش طبقية وكوول. موش لا زم ياخد الواحد شهادة بالوطنية نتيجة لوضعه الطبقي. يمكن انت صعبانه عليك نفسك . كنت عاوز تشارك وما قدرتش . بتفش غلبك فيهم بدل ما تقول كلمة حلوة تشجعهم. اديني رديت عليك . حاترد ؟

أستاذ رؤوف..مجرد سؤال هل انت رؤوف مسعد كاتب رواية "بيض النعامة" ؟

طبعا اول حاجه اشكرك على انك اثبت كلامى بكلامك عن الطعميه والفول والعدس لان هو ده اكل الناس اللى غيرت فى البلد وتاريخها زمان وكل زمان ... قبل كل حاجه عايز اقولك مفارقه غريبه اكدت كلامى وانا بشوف ردك وبقراه لاقيت صوره جميله جدا لمنال وعلاء تقريبا ( فوق فى الصفحه دى على الشمال ) الصوره ليهم وهما قاعدين فى كافيه او ما شابه ذلك وبيشربو مشروب لذيذ جدا تقريبا بلاى او بربيكان او حاجه روشه من هذا القبيل .. سبحان الله نفس الصوره اللى كنت راسمها ليهم فى خيالى بعد اما قريت اللى فى الموقع ولكنى اول مره اشوف الصوره دى انهارده ضحكت اوى فعلا ههههههه لانى عرفت اننا تخيلتهم صح بنفس الصوره دى بالظبط حتى بنفس شكل زجاجة المشروب .. طبعا انا معاك فى ان مافيش اى مشكله فى انهم ياكلو احسن اكل رغم اننا فى ردى الاول ما جيبتش سيرة الاكل ولا طعميه ولا كافيار بس ده بردو رد جميل منك يؤكدلى سطحيتك فى تناول الامور .. عايز اقولك معلومه ان الفول والعدس افيد واصح بكتير من الهامبورجر وساندويتشات كوردون بلو والهوت دوج ( ده على فكره مش كلامى انا ده كلام الابحاث العالميه فى كل دول العالم .. ده طبعا لو حضرتك بتابع الحاجات دى ) يعنى بمعنى اصح انا ممكن اكون غنى بس باكل فول وعدس لانى ببساطه انا عارف جوه نافسى انى احسن منهم وباستفاد احسن منهم .. انا عايز اقولك انا ازاى عارف الناس اللى زى منال وعلاء دول من غير ما قابلهم مجرد بس انى قاريت كلامهم ... ببساطه لانى كنت فى يوم من الايام مع ناس زيهم وبلاش اقولك باقو ايه دلوقتى هاخلى الايام هى اللى توريك هما هايبقو فين وبيعملو ايه .. اما بقا بالنسبه لانا مين وابن مين فانا ابن مواطن عادى اتعلم ودخل الجيش من بعد نكسة 67 وفضل فى الجيش لحد حرب 73 وحارب واتصاب كمان وكل اللى خدو نجمه سينا البرونزيه هههههههه يعنى عمل اللى عليه للبلد بشكل ما ربا عياله على الاخلاق والمبادئ وحارب واتعلم واشتغل .. عقبالك كده انشاء الله اما نشوفك على الجبهه انت وعلاء ومنال وتورونا النضال الحقيقى .. وطبعا انا مش ابن حد من العظماء اللى انت ذكرتهم اللى ماعتقدش انك لو سألت اى مواطن بسيط ها يعرف اسم واحد منهم ... مين زكى جمعه ده ... هههههه لكنك مثلا لو سقلتهم عن الاخوان مثلا ( ومعلش انا باتكلم عنهم كتير لانى بجد مش شايف اى حد مؤثر فى الساحه غيرهم ) فا هاتلاقى الناس تعرفهم وتقولك اه ده منهم الحاج فولان الفولانى اللى ساعدنى فى كذا وكذا وابنه فولان الفولانى اللى بيعلمو ولادى فى المسجد كذا وكذا وخلافه وانا عاندى نماذج لاعمالهم كتيييييييييييره رغم اننا مش منهم مع الاسف بس انا كنت سعيد انى عرفت بعضهم لانهم هما اللى وصلولى ... ما علينا ... يالنسبه لموضوع الكافيهات والكووول والمصايف فى شرم والغردقه فانا هاؤلك وجهة نظرى انا رايى ان اللى معاه فلوس ياكل ويشرب فى الكافيهات ويصيف فى شرم ماعتقدش ماعتقدش ابدا انو يعرف الناس البسطه ايه اللى تاعبهم ولا ايه هى مشاكل الناس الحقيقيه وكمان عمرو ما هايبقا قالقان من المستقبل لانو اكيد عندو بابى ومامى وعمتو اللى بيجيبولو الشقه والعربيه والشغل والعروسه والعيل كمان ده غير عمو فولان العميد فى الشرطه اللى هايجبلنا الرخصه ويعميلهنا كمان ولو حاصلينا اى خناقه وروحنا القسم هانكلمو بالتليفون يجيلنا ولا عندهم اونكل المحامى او اونكل لوا الجيش الخ الخ الخ الخ على فكره انا بكلمكش عن خيال مريض انا بقلفو انا بكلمك عن تجارب فعليه وواقعبه عشتها مع ناس زى دول .. وفى الاخر عايز اقولك حاجه ياريت يطلعو عكس كلامى هاكون سعيد لانى هاحس ان فى امل ... وماعتقدش ده وعلى فكره بردو انت ما تعرفش اذا كنت انا بعمل حاجه ولا لا فا ماتحكمش عليا من غير ما تعرفنى لكن ان حكمت عليهم لانهم عارفونا ايه اللى بيعملو ونشرو فى كل حته جرايد وتلفزيون واللى عايز يخدم البلد من قلبه يضحى من غير ما يقول انا ضحيت ومن غير ما يستنى الشهره ... وشكر ا واتمنى الرد وياريت ما يكنش سطحى زى كل مره

انا سعيد بردك المهذب حتى لو اتهمتني بالسطحية لأني بعتبر انه اتهام مفيد علشان الواحد ما يخدش قلم في نفسه ويعمل فيها ابو العريّف. انا حاقولك حاجة بسيطة ومحددة وصادقة وخدها زي ما انت عاوز. انا حاليا عمري 69 تسعة وستين سنة وشوفت حاجات كثيرة وخاصة في موضوع النضال ده . انا ما حاربتش لسبب بسيط لأني غير لائق طبيا لكني دخلت السجن ومعايا الناس اللي ذكرتهم لك . ما دخلناش في غش لبن. دخلنا علشان احنا شيوعيين ايام عبد الناصر. الهلالي اتحبس في كل العصور.ردك اللي بيوري انك في جهل بيهم دليل السطحية لأن الناس دي اللي ما زالو احياء زي نبيل الهلالي معروفين وهو انتخبوه عضو مجلس نقابة المحاميين لما السادات كان حابسه. بقية الاسماء اتعب شوية واسال عليها. بالنسبة لعلاء ومنال انا عارفهم شخصيا . عارف والده وهو محامي في هشام مبارك لحقوق الانسان حتى قبل ما يتزوج . هو دخل السجن بتهمة اسمها التنظيم الشيوعي المسلح وكان قبل كده بيشتغل على تاكسي موش بتاعه وذاكر في السجن لكلية الخقوق . والدة علاء استاذة في الجامعة ومش مهم اقول لك على باقي العيلة . اعرف انهم علاء ومنال ساكنين في مجاهل فيصل وزرتهم اكثر من مرة وعلاء شاطر في الكمبيوتر وصلح لي الكمبيوتر بتاعي. وانا مبسوط ان اولاد صحابي جدعان زي اصحابي واتشرف بيهم.انا مهتم في الدنيا ان اراقب الافكار الجاهزة اللي هي اكثر خطورة من غيرها لأنها هي الافكار السائدة في مجتمع شفاهي زي مجتمعنا. انا ابويا كان قسيس بوستنتي لكن انا غير مؤمن وجاي من اسرة فقيرة وما ازال اكل واحب الفول والعدس والطعمية . لو قريت اللي انا كتبته بتمعن شوية بدون سطحية كنت فهمت الهزار بتاعي . انا رأي ان الدنيا مزعلاك وانت رأيك ان اي واحد موش زيك يبقى خاين او حرامي او غتي وعامل فيها وطني . مصطفى كامل كان عنده لقب باشا. سعد زغلول اتزوج سيدة كانت تعمل في القصر الملكي اللي هي ام المصريين . عظماء المصريين الوطنيين كانوا اغنياء زي طلعت حرب ومكرم عبيد. الفقر موش علامة وطنية او شرف. السطحية موش عيب مادام الواحد يعترف بيها . العيب هو الاصرار على الجهل . اللي ضحى ما يتكلمش عن تضحياته والا ما يبقى لها فايدة .

كلام جميل كلام معقول ماقدرش اقول حاجه عنو .. دى اغنية ليلى مراد سيبك منها لان كلام حضرتك هأدر اقول حاجات عنو .. فى البدايه طالما ان حضرتك عندك 69 سنه ذى ما قولت فانا متأسف جدا عن كلمة سطحى ولن اكررها .. محمد عبد الله الحسينى .. ابراهيم سيد التهامى .. سعيد الجابرى .. عبد الله كشك .. احمد السيد امام .. ابراهيم عبد الله كردوم . الخ الخ الخ الخ ولو حضرتك عايز تعرف اسامى تانى انا عندى قائمه عريضه طبعا حضرتك ماتعرفش غير اسم او اسمين بالكتير من الناس دى او ممكن ماتعرفهمش اصلا . دى اسامى ناس ماتو مش بس اتسجنو كام سنه وفى اتنين منهم ماتو فى عصرنا ده سنة 96 وكون حضرتك ما تعرفهمش دا مايخليكش جاهل . فأرجوك ماتتهمنيش بالجهل لانك ماتعرفنيش وانا متأكد لو حضرتك عرفت انا مين فى الحقيقه ها تسحب كلمة جاهل فورا . انا عايز اقول لحضرتك حاجه فى رايى ان مش كل الناس اللى اتسجنت ابطال وعندى دلائل بسيطه جدا هى عباره عن قصص واقعيه .. مثلا مره واحد شاب صغير حوالى 20 سنه ماشى على كوبرى عباس ورايح السينما قبضو عليه ناس من امن الدوله وراح هناك وقعدوه حوالى 9 ايام ورجع تانى البيت برغم انو مالوش علاقه لا بالسياسه ولا احزنون وطبعا قرايبو واصحابه عملو منو بطل همام هههه رغم انو فاشل فى دراستو ويتعاطى البانجو ومدمن افلام اباحيه .. وعايز اقول لحضرتك قصه اخرى عن شاب بعد خروجه من الجامع بعد صلاة المغرب وهو انسان عادى جدا مالوش دعوه بحاجه خادوه امن الدوله بردو بس المره دى قعد 8 سنوات وطبعا حضرتك عارف ان محاولات الاهل والقرايب لاخراجه فى هذه الاحوال تبوء بالفشل . المهم انو كان طالب فى الجامعه فى السنه الثالثه من كلية الحقوق وخرج من المعتقل فى السنه السابقه 2005 بعد ما قالولو معلش يابنى احنا غلطنا وانت ما لكش زنب وهانعوضك هههههه وعلى فكره هو رجع الكليه تانى .. وطبعا كون انو اتحبس واتظلم فانو اكيد هانشعر بالاسف عليه لكن هو فعلا ليس بالبطل ولا شئ هو انسان عادى .. انا حبيت اقول لحضرتك القصتين دول لانهم يمثلو نوعين رئيسين فى الحالات دى .. اقولك بقا حاجه بالنسبه للناس العظماء اللى حاضرتك ذكرتهم .. ماذا فعلوا بل الاكثر من كده ماذا فعلت الشيوعيه لهذا البلد واين هى الان . لا شئ لا شئ . صفر اما بالنسبة لان عظماء المناضلون والوطنيون كانوا اغنياء ذى سعد باشا فأوكدلك انهم ماكنوش هايبقو حاجه ولا ياخدو شهرتهم دى من غير الناس الفقرا اللى ماتت عشانهم وماتت عشان تحقق افكارهم وعلى جثث الناس الفقرا دى اتبنى مجدهم ومجد وطنا . اما بالنسبه للجمله اللى حضرتك كتبتها فى اخر الرد وهى ( اللي ضحى ما يتكلمش عن تضحياته والا ما يبقى لها فايدة ) فهى تقريبا مماثله للجمله اللى انا قولتهالك قبل كده واللى قولت فيها ان اللى عايز يخدم البلد ويضحى عشانها لازم يعمل كده من قلبو من غير ما يستى شهره و مجد ويطلع فى التلفزيون والجرايد وعلى النت ويقول انا فدائى ووطنى وخلافه ... المهم اننا سعيد بالحوار ده على اى حال وعايز اقولك حملاحظه بسيطه كل الاسماء اللى انا كتبتهالك هى من نسج خيالى بس انا متأكد انها موجوده فعلا وان فى ناس ماتةو عشان البلد دى من غير ما نعرف اساميهم حتى .. لكن ده ما يخليناش جهله يا سيدى العزيز لانى مش مطالب اعمل دفتر للمساجين الابطال باسمائهم وانتماءتهم ... واتمنى انك تكون فهمت وجهة نظرى فةى النقطه دى

WENTA 3AMALT EEEEEH.... YA DAKAR......

CAIRO: Activists around the world are picketing Egyptian embassies under the slogan “The Egyptian judges are not alone! We are not alone,” marking May 25 as a day of support for Egyptians “in their quest for freedom and in their fight against tyranny.”

As protests raged in Cairo, an international coalition of supporters of the two judges Hisham El-Bastwisy and Mahmoud Mekki and those detained for their cause staged protests in Chicago, New York, London, Paris, Toronto, Athens, Washington D.C., San Francisco, Beirut and Montreal.

The two judges underwent a disciplinary hearing for claiming that corruption and fraud took place during last year’s presidential electoral process. Last week one judge was acquitted and the other was reprimanded. Political and opposition forces in Egypt, despite the pardon, deemed the act offensive to judges. Protests surged in support of the judges; police rounded-up demonstrators in the hundreds and detained them in Tora Mazraa Prison near Cairo.

“Activists around the world are coming together to support our cause. The Egyptian experiment for freedom is attracting more and more audience,” read the statement of the international protests. “Right now, they the Egyptian government are starting to be alone. It is a matter of who has stronger stamina now. So let's prove it is us.”

The international activity groups have launched what they called "The International campaign in solidarity with the Egyptian judges.” The Egyptian Committee in Support of the Egyptian Judges in London and Chicago, the Toronto Solidarity Campaign, the International Campaign for Solidarity with the Judges in the United States, the International Socialist Committee in Britain, the Cairo Conference group, the London-based Stop the War Coalition, the Athens Labor Center and Global Resistance are all part of the movement.

According to these groups, their campaign came in response to a Kefaya (Enough) movement’s call for Egyptians living abroad “to campaign, explain and introduce the Egyptian cause to the world.” Before the protests, the group held a public meeting in London where around 65 journalists, European and Egyptian high-profile speakers explained the Egyptian situation and the challenges facing political activists under the current government.

“The Egyptian judiciary is still a long way from independence,” said Shehab Ismail, a protest organizer. “The struggle for the independence of the Egyptian judiciary, a cornerstone of any thriving democracy, is being actively hindered by the Mubarak government. The Mubarak government is sending clear and heavy-handed signals that peaceful protests, a constitutional right, will not be tolerated.”

Activists in Chicago formed a solidarity group with the judges, the Egyptian Committee for Judges Support, calling for the independence of the Egyptian judicial system and a halt to the arrests of protesters.

“We oppose the violent repression and arrests in Egypt,” stated Sherry Wolf, Chicago protest organizer. “We wish to express our distress at the brutal treatment of peaceful demonstrators calling for legal reform … We call upon the Egyptian authorities to show respect for human rights and the independence of the Egyptian judiciary by releasing the detainees without delay.”

On Thursday, the group organized a peaceful protest, attended by around 25 people, in front of the Egyptian consulate to demonstrate solidarity with the Egyptian judges. According to their statement, the group condemns the “brutal crackdown, brutal beatings, unjustified arrest, verbal abuse and threats of sexual assault targeting female demonstrations and journalists,” which the Egyptian security police had carried out, targeting pro-reform protesters. The group also believed that “many of the injured demonstrators could not get medical treatment in Egyptian hospitals as they feared arrest.”

“Being outside of Egypt doesn't take away from our role and responsibilities as Egyptians to do our part to serve the freedom of our people,” said the Egyptian supporters. “Egypt needs its sons and daughters to take a united solid stance today not tomorrow. The sense of remorse and hopelessness we have felt in the past regarding the situation at home must cease to exist.”

As the activists protested in Chicago, Wolf said they received “accounts of torture” of some pro-democracy detainees at a Cairo police station by way of a Kefaya statement.

“I was outraged along with others here to read about the arrest and torture,” Wolf tells The Daily Star Egypt, adding that protesters in each city read the Kefaya statement to bystanders.

“If the Egyptian government believes that it will silence us in this way, I can only reply that brutalities such as these only serve to fuel our commitment to continue to organize solidarity with our Egyptian brothers and sisters.”

In New York, some 30 protesters carried poster-size pictures featuring police violence.

In the London protests, activist distributed fliers to spectators explaining the Egyptian situation.

“Like so many other Egyptians living abroad, we remain well connected with events and contemporary issues in Egypt. However, like so many others we have significant concerns regarding a nation whose values of tolerance and free expression we feel might be jeopardized,” read their flier.

"The intention is not a 'one off' demonstration that reflects a wave of sudden enthusiasm that might quickly dissipate; rather, it is of a sustained campaign that engages with the different active social groups and media.”

The Paris demonstration was organized with the help of the European Social Forum and Egyptian activists living in Paris, attracting around 30 people.

A group of South Korean activists staged a protest in Seoul in solidarity with the judges and activists. Last year, the same group organized a protest in support of Kefaya in the wake of its protests against the government.

May 25, the date most of the protests took place, marks what the opposition and human rights activist have called the first anniversary of "Black Wednesday,” when during a key vote on an amendment of an article in the constitution, opposition protesters were beaten and assaulted.

ento shbaba 3azim we 3ando rsalh ,ana nfsy akon m3akm ,isA 2orib gedan ,ana fa5or bikom we entm nas mo7trmh. kmlo we rbna m3akm.

يدخل السجن لينكت و يغني و يفاخر اصدقائه بمغامراته و بطولاته .. برأيي ان علاء و من هم بصفه ( ولا اقصد اسما بعينه) هم عار على وطنيتنا .. انا لست من مصر .. ولكن دمائي عربية .. و اعرف ان النظام كله فاسد و لكن ذلك لا يبرر ظهور من لا يجد هواية جديدة ليمتهن السياسة ... و ليقضي وقتا مسليا بصحبة شلته مع لولو و توتو و كوكي ... يعني باختصار كفين ( او كما تقولون قلمين) لا تصنع رجلا و لا تصنع مناضلا .. و ليس كل من دخل السجن بهذا او ذاك ... انت لم تنفى ولم تعذب و لم ترمى في مكان لا يوجد فيه اب او ام او صديق او محام و اجزم بأنك اخذت مسبقا قلم الماركر لتكتب به نكاتك و مقاطعك المفضلة من اغاني الرولينغ ستونز و غيرهم ممن هم عملاء مدسوسون .. و برأيي ان هذا الموقع برمته عبارة عن كوة صغيرة لمن يعتقد خاطئا بوجود حرية في الدول العربية و لمسخ معنى النضال و تشويه صورة الوطنية في عقول الشباب الذين يرونك امثولة ..و ما انت الا واجهة محبوكة بدهاء لما هو اكثر فظاعة و ترويعا من النظام رحماك يا رب.. يكفي صور زوجتك التي وضعتها لينظر الجميع اليها على انها عاهرة ما ... الوطنية شرف وانت لا يوجد عندك شرف و لا اي شئ اخر ... كأنه لا تكفينا الامراض المستشرية بجسد امتنا و لم يتبقى الا المخنثون و العاهرات و الزناة و اصحاب العلات و الامراض النفسية .. قبل ازالة الحكم يجب ابادة الثعالب و القراد و الضغادع

DOOOL ASYADAK YA KALB............

i'm from dumyat nd we support u nd love u u r very brave nd so caring allah bless u alaa & manal

لو حد شاف الأفلام الوثائقية وشريط الأحبار في اي فضائية عن معاملة جيش الدفاع الاسرئيلي للفلسطينيين وهم واقفين على الحواجز او اخذ اهاليهم رهائن حيقول في نفسه " انا شفت المعاملة دي فين امبارح او اول امبارح في مصر؟" وحتنفجر ذاكرته بصور من جيش حبيب العادلي وهو بيذل ويهتك اعراض الجالية المصرية في مصر ( دي مش غلطة كتابة ودي عبارة بهجت الرسام الله يرحمه ) وكمان اللي يشوف معاملة الجيش الاسرائيلي الرقيقة للمستوطنيين بلدياتهم وهم بيحاولوا اجلائهم من المستوطنات عينه حا تدمع زي ما كانت عيون المجندات والمجندين الاسرائليين بتدمع ساعتها.

الحكمة الاخلاقية والعبرة السياسية هنا ان جيش حبيب العادلي مقتنغع ان المتظاهرين ما لهمش اي حقوق زي ما جالجيش الاسرائيلي مقتنع بالنسبة للفلسطينيين في اسرائيل . انا عندي اقتراح ان حركة كفاية والمدونين المصريين يطالبو الامم المتحدة بتطبيق اتفاقيات الاسرى والمحتلين علي المواطنين المصريين التابعين للجالية المصرية في مصر بالنسبة للمعاملة التي يلقونها من جيش احتلال العادلي ومن قائد ضربة الطيران حسني مبارك . يطالبوا منظمة حقوق الانسان في الامم المتحدة بمعاملة مساوية لمعاملة اهالي دارفور ضد الجنجاويد وارسال قوات دولية لحمايتهم .

اعتقد انه من الاحسن تسمية جيش العادلي بالجنجاويد وهي على فكرة بلغة اهل دارفور " الجن جاء على ظهور الجياد " واقترح شيئا من التعديل ليطابق الحالة وهو الجنون جاء على ظهور الجنود.وطبعا احنا في مصر ورانا خمسة الاف سنة قمع اكتملت بظهور المماليك ( اي الخصيان والغلمان والعبيد ) اللي حكموا مصر بعسكر الانكشارية وهزمهم نابليون - ياعيني! - في اقل من ساعتين . لكن يبدو ان يوجد ناس حفظوا بذرة الانكشارية في معامل خاصة حتى تأتي الساعة كما هو معلوم في كتب السحر. وحد فتح المعمل وقام بتخصيبهافي لاظوغلي. يعني هي صدفة ان مكتب رئيس الجنجاويد يكون في لاظوغلي ؟

نحن مع الاخ المناضل علاء العزیز

ندعو الله له الافراج

العون

انت اجدع منى انا بنت جبانة بشتغل مع واحدة من الحيتان الكبيرة بتوع البلد -بالعة لسانى جوا بؤى وساكتة عن الغلط - ومش بعمل زيها بشتغل واروح وبس بس شايفة الغلط والبلاوى وساكتة وجبانة انت احسن منى يا علاء انت احسن من ناس كتير ---------- ربنا يقويك ---ادعيلى

سمعت عن مدونتكم وقوتها، ودخلت أتصفح محتواها، وأقرأها ... وصدمتني .. وصدمني ما فيها ... الفاظ علاء و الردود عليه !!

أي فكر يحمله هذا الرأس ؟ أي اصلاح و تغيير تريدون بالبلد و الاساس الذي تستندون اليه ضعيف ! هش ! ركيك! على المستوى الشخصي ... تعري و بيرة و الفاظ بذيئة .. هل هذه تربية استاذة جامعية و محامي حقوق انسان ؟

هل التغيير يكون بتقليد أعمى لمن لا يعرفون معنى الحرية و لا قيمتها ؟

هل الوطنية هي الدين لله و الوطن للجميع ؟ هل الحرية هي كلمات اقل ما توصف بها انها لا اخلاقية ... تدعو الى الاخلاق ؟؟

شيوعية .. اشتراكية ... علمانية ... لا دينية ... حرية ... قومية !!

هل هذه شعاراتكم في التغيير و معتقداتكم يا دعاة الحقوق ...

اي حقوق تطالبون و انتم لا تؤدون حقوق رب العباد ...

مليئة السجون بكل الاصناف .. فالمظلوم ليس بالبطل .. و لا الظالم بمخلد ...

اصلحوا أنفسكم قبل المطالبة بإصلاح البلد ...

آه يا بلد ..

لك الله يا مصر ...

أيوه يا كلاب أنتم متعرفوش أن شرب البيرة يبطل الديمقراطية ولا ايه؟

و بعدين ازاي يكون فيه شيوعيين و قوميين و اشتراكيين و علمانيين و لا دينيين؟ فاكرين نفسكم بني أدمين عايشين في بلاد زي بقيت بلاد الدنيا؟ عندنا في بلدنا في بيراويين و لا بيراويين فقط.

أصلح ما بنفسي ليه سيادتك و أنا مش شايف في نفسي خلل؟ و بعدين هنفترض أن فيه خلل، الحرية و الديمقراطية هتستني لحد ما كل اللي بيشربوا يبطلوا؟

و بعدين ممكن تقولي الآية أو الحديث اللي على أساسه توصلت للفكرة الجهنمية أن ملناش حقوق في الدنيا من حكامنا طول ما أحنا مش ملتزمين بتعاليم الدين؟ و ممكن تفسرلي ليه في بلاد مش اسلامية الناس واخدة فيها حقوقها و عايشة في عدالة و حرية ؟؟

هذه هي الاخلاق يا صاحب الفكر المستنير يا ابن الاصول؟

ربما تظن كل من يكتب هم على شاكلتكم... ولكن كانت كلمتي هنا حسرة على شباب يظن انه مصلح و لا يرى عيوب نفسه .. ويظنها شجاعة وحرية ..

كيف تريد العيش باحترام وانت لا تحترم الاخرين !!!

اتق الله الذي محاسبك على قلمك ولسانك .. ونعم كثيرة اسأت استخدامها

( إن الله لا يغير ما بقوم حتى يغيروا ما بأنفسهم )

YALAAAAAA YA GABAN YABN EL GABAAAANA....WAAADEH ENNNAK TEMOOOOT FE DARB EL AFAAAAAA!!!

WE HYAAAAT OMMAAAAAAK.....TESKOT......GATAK EL BALA ENTA WE ELLY ZAYAK......ETFOOOO

كنت مبهورة ومصدومة عندما سمعت عن ما حدث لشباب المدونات وللعلم لم اكن أعرف ما هى المدونات وعلشان أعرف دورت قرأت ولكن اولا اعذرونى فما أنا الا سيدة بيت أربى ثلاثة من الاطفال هم شغلى الشاغل ولذلك فانا قلقة على مستقبلهم وكنت راضية بحياتى اللتى هى اولادى وتربيتهم ونفسى ميبقوش خجولين زى باقى اطفال أو معظم أطفال مصر اللى بيعطوك أول وهلة أنهم بلاهاء وساعدنا الحظ للسفر الى بلد برضة من العالم الثالث وهى البرازيل وهناك عرفت اننا من العالم الثلاثين ولكننى رايت اسلام بلا مسلمين انسانية واحترام للانسان را~عة تعاملت مع كل طبقات الشعب هناك تمنيت لوكنت برازيلية وهناك سمعت عن عمزو خالد وكيف أحاط بة الشباب وتتبت أخباره وافكاره ووجدت أنه لا مانع اتن يشاهدة ابنائى الاحترام بناء الشخصية التدين الذى يحمى الذات وغيره من البساطة والنظر أولا للنفس وتظبيطها ثم نقد الاخرين وذلك هو المستقبل و هو الامل الذى جعلنى اشعر بان الحل قادم بوجود جيل من الشباب المتعلم المتربى الذى يغير ماحوله للاجمل بهدوء ورقى وادب وبستطيعوا بناء النواة لعالم اول وعندما قرات ابنتى ذات الاربعة عشر ربيعا وابنى الذى يصغرها بعام المدونات قالوا دول ناس مامتهم حرمتهم من الشتيمة والالفاظ البذيئة وهم صغيرين ودلوقتى ماصدقوا يشتموا على اى حاجة وطبعا بطلوا يقرو لو البلد هتتغير على يد هؤلاء الذين يقلدون افلام الكرنك وخلافة وفاكرين ان دة نضال فمافيش فينا فايدة

اطمئني، المدونون مش هما اللي هيغيروا البلد ولا حاجة.