You are here

بيان لمظاهرة اليوم: ثمن المقاومة و ثمن الاستسلام

Primary tabs

ثمن المقاومة وثمن التسليم بالأمر الواقع أو الاستسلام

أغلب الأصوات العربية التى تنتقد حزب الله، والعملية التى قام بها، تركز على قيامه بمغامرة غير محسوبة عرضت لبنان لعواقب وخيمة كان بامكانه أن يتجنبها، فها هو لبنان يدمر ومدنييه يتعرضون لقصف وحشى يحصد أرواح المئات إن لم يكن الآلاف منهم وقد كان يمكن تجنب كل هذا لو تعقل حزب الله وأدرك أن قوة الجيش الإسرائيلى قاهرة لا ترد، وأن قدرة الولايات المتحدة الأمريكية على تدجين حكومات أوروبا من جانب والعالم العربى من جانب آخر هى الأخرى شبه تامة ومن ثم لن يجد اللبنانيون من ينتصر لهم أو يحوش عنهم ولو جزء مما يقع عليهم

والحقيقة أن معظم منتقدى "مغامرة حزب الله" يحكمهم منطق رافض لكل أشكال المقاومة، فإذا كانت أمريكا هى القوة الكبرى الوحيدة فى عالم اليوم فما جدوى التناطح معها وما جدوى التناطح مع اسرائيل طالما تساندها أمريكا دون أى تحفظات، عمليا يبشرنا هؤلاء أن النظرة الواقعية تقتضى منا القبول فى الوقت الحالى بالمشروع الأمريكى لمنطقتنا بما فى ذلك دور اسرائيل المهيمن فيه، لأن ثمن مقاومته يتجاوز احتمال عموم المواطنين وغالبا ما لن يحقق أى مردود يساوى هذا الثمن، وأقسى ما يمكن أن نطمح إليه هو تحسين شروط هذا المشروع قليلا، بالتفاوض والاستجداء ...الخ

يمكننا أن نرد على المنطق أعلاه بالتساؤل حول جدوى الحياة أصلا تحت هذه الشروط، ويمكننا أن نتسائل إذا كان عموم المواطنين فى منطقتنا حقيقة مستعدون للتضحية بقيم الكرامة والعدالة من أجل استمرار الحياة على أى شكل من الأشكال، ويمكننا أن نسوق ما لدينا من شواهد تنفى ذلك، ولكننى فى هذا المقال القصير أريد أن أعالج الموضوع بطريقة أخرى

لنكن واقعيين ولنتبنى منطق حساب الخسائر ولنسأل ما هى خسائر الاستسلام، ولنلقى نظرة على واقعنا فى مصر لنتلمس إجابة السؤال، فها نحن نعيش فى دولة توقفت عمليا عن مقاومة الهيمنة الأمريكية منذ 28 عاما على أقل تقدير، وسرنا فى طريق "الاصلاح الاقتصادى" والسلام إلى آخره وتجنبنا ويلات الحروب فصار مواطنونا يموتون من الاهمال والفساد والتعذيب، ان قتلى العبارة وقطار الصعيد والتعذيب فى أقسام الشرطة والاهمال فى المستشفيات والانتحار كمدا بسبب الظلم وبسسبب العجز عن توفير متطلبات الحياة وغيرهم وغيرهم، هؤلاء هم ضحايا الاستسلام فهل ياترى يفوق عددهم ضحايا المقاومة.

د. ليلي سويف
26 – 7 - 2006

Comments

مع كامل الاحترام للدكتورة ليلى وأسرتها العزيزة علي ولمن كلفها بصياغة بيان تحركات البوم ولكن كما لخصت الموضع في السؤال الأخير اسمحي لي أن أسألك هل اذا كان لدينا مصاب بكسور في ذراعيه ورجليه وقام الطبيب بتجبير يديه وتركه لا يقوى على الوقوف هل يكون الطبيب مخطئاً لذا يجب علينا أن نعيد تكسير ذراعيه من جديد؟؟؟

نعم مصر غارقة في الفقر لكن ليس بسبب السلام مع اسرائيل كما إن مصر غرقت في الفقر وليس بسبب قوانين الاصلاح الزراعي كما انها غرقت في الفقر وليس السبب هو بناء السد العالي وتأميم قناة السويس

أعرف انكم لن تفهموا ما أقول لأنني ممن يهتمون بالواقع ولا أفهم لغة الكرامة فلا أفهم ما تقولون وأنا واثق أنكم لن تفهمون ما أقول

بما انى من الذين علقوا على البيان أعتبر نفسى معنى بما تقوله ارد عليك واتكلم عن نفسى قائلا ما أفهمه مما تقول يوضح شىء واحد

هو أنك نفسك لا تفهمه ،على ما أعتقد وأرجح --وما قمت به وأقولها أسفامن خلط له سبب منطقى واضح هو انك تجاوب على مثال وضعته أنت واعتبرته بديلا او يلخص ما فهمته أنت من البيان ثم تحاورت مع نفسك فى دائرة مغلقه وبثقه لاادرى لها اى واقع الا انك لا تدرى ما تقوله ليس لانه غير قابل للفهم ولكنه غير خاضع للمنطق وقد كان،تأمل معى تلك الكلمات وفكر

"أعرف انكم لن تفهموا ما أقول لأنني ممن يهتمون بالواقع ولا أفهم لغة الكرامة فلا أفهم ما تقولون وأنا واثق أنكم لن تفهمون ما أقول " على ماذا تستند هذة الثقه على البيان/ أو النص المكتوب أم على المثال الذى وضعته أنت لما فهمته من البيان أم على أنك بوضوح لا تفهم ما قلته

ثم انك تتكلم عن الواقع اى واقع هذا هل هناك واقع سرى مشفر غير متاح للجميع وهل تعتقد ان هناك من يستطيع لو اراد ان يخرج عن الواقع

وأخيرا

لقد أهتممت بالرد عليك لاوضح ان السؤال الجيد يساعد بوضوحه على كشف الألتباس بسهوله لانه سؤال يلامس المسكوت عنه والممتنع عن التفكير فيه

نفسى أفهم ليه الناس اللى بتقول انها بتأيد المقاومة والكراااااااااااااااااامة بتستخدم قلة الأدب فى الرد على اصحاب الاراء الاخرى. والشخص ده اللى شايف ان كل اللى مختلف مع طرح الكرامة قاعدين على طيازهم وبيتكلموا، لمؤاخذة يعنى امال سيادتك بتقعد على إيه وإنت بتبعتر الشتايم شمال ويمين علشان تثبت وجهة نظرك. والا حضرتك شايف ان الانتقام من اصحاب الرأى الاخر باطلاق الشتايم هو الدور اللى بتلعبو سيادتك لدعم المقاومة .. مش عارفة امتى هانبطل نزايد على نفسنا وعلى بعض

يا انسة ناهد انا أسف إن كنت خرجت عن حدود اللياقة فىالتعبير عن رأيى لكن انا كنت أقصد بهذا الوصف ليس من هو مخالف لرأيى بل من ليس له رأى أصلا ويظن أنه ادى ماعليه فقط بمجرد الكلام وأسف again لأنى لم أجد وصف أفضل لأنه فى رأيى هذا هو افضل وصف للشخص الإمعة هذاأولا. أما ثانيا فكنت أود ان يكون نقضك لكلامى نقض موضوعى بمعنى تفنيد كلامى لأعرف انك أولا فهمت هذا الكلام قبل الرد عليه وعموما انا سعيد بهذا النقض أى كان.

هي فعلا (نقضت) كلامك :) بس عقبال ما تفهم (نقدها) لك بيتهيالي هناخد زمن كبير يا صاحب الرأي اللي بتحكم ان كان الناس عندهم رأي من أساسه ولا لأ

يا خفة دمك يا ظريف أعرف الفرق بين النقد والنقض كنت حاكون سعيد أوى لو نبهتنى لهذا الخطأ بطريقة مختلفة وكنت حاكون أسعد لو كنت أنتقدت المضمون مش الشكل ما هو كده الشعب المصرى شعب هايف يجى فى الهايفة ويتصدر هل أولآ قرأت الصفحتين الى قلت عليهم يا ابو دم خفيف عرفتى بقى ليه يا استاذة الواحد ساعات دمه بيفور ويضطر للألفاظ البذيئة.

ياسيدى الفاضل سلامة دمك من الفوران...أنا بس ملاحظ انك عمال تقول ركزوا ع المضمون..ركزوا ع المضمون...هو ايه المضمون بالظبط؟

هو يعنى أى صفحتين نقراهم فى كتاب ولا جرنال بقينا خلاص ناس موضوعيين وكلامنا مهم خالص؟ طيب ماترد انت رد موضوعى على كلام غيرك..وأستاذ رؤوف قال لك نقد موضوعى..و د.ليلى كذلك...ومدام ناهد....كونك تتجاهل ده كله وتعملها خناقة مع الشخص المجهول يعتبر شىء غريب وعدم تمكن من حجتك...ياعم ياما اتشتمنا وحانتشتم من المجهولين ع المدونات....مش قضية يعنى......

بيس يا مان

رءوف مسعد

>Five surgeons from big cities are discussing who makes >the best patients to operate on. > >The first surgeon, from New York , says, "I like to >see accountants on my operating table, because when >you open them up, everything inside is numbered." > >The second, from Chicago , responds, "Yeah, but you >should try electricians! Everything inside them is >color coded." > >The third surgeon, from Dallas , says, "No, I really >think librarians are the best, everything inside them >is in alphabetical order." > >The fourth surgeon, from Los Angeles chimes in: "You >know, I like construction workers...those guys always >understand when you have a few parts left over." > >But the fifth surgeon, from Washington , DC shut them >all up when he observed: "You're all wrong. >Politicians are the easiest to operate on. There's no >guts, no heart, no balls, no brains and no spine, and >the head and the ass are interchangeable

اوﻻ ياحبيب قلبى انتا اول واحد بتاخد بالشكل وخليت كلم واحد هو كﻻم الشعب الكلو ازاى واحد بس بتهيالك انو هايف تخليك تقول على الشعب المصرى كولو انو هايف وبيجى على الهايفة ويتصدر انا اعتقد مفيش تناقد فى كﻻم اكتر من الموجود فى كﻻمك بعد المواقف الساسية اﻻمريكية وﻻسرائيلية وما يجرى على اﻻرض كلنا ما علينا احنا مش هانخش فى تحليل سياسى دلوقتى وياعزيزى قبل ما تكلم رجاء استخدم دماغك مرة واحدة واوزن الكﻻم بالتاكيد هاتفشل ﻻن كﻻمك ﻻيساوى هاموشة هاتفضل توزن فية ومش هاتطلع بجرام واحد فى اﻻخر وانصحك انك ماتحولش توزن كير واعتبر لحاجات دى شكليات وامشى فى فى حياتك عادى جدا وانتا شايف النصايب بترف علينا من كل ناحية وابقى خلينا نضحك شوية بقى من هبلك وصدق اللى اقال شر البلية ما يضحك

يا ريت بس تقولى ليه بعض الناس اللى بتأيد المقاومة بتستخدم قلة الأدب علشان يبقى كلامك دقيق

يا ستى بتستخدم قلة الأدب عشان حرق الدم ألى بنشوفه ونسمعه كل يوم ما أهو إحنا برده من لحم و دم يعنى انتى عايزة تفهمينى إن انتى عمرك ما شتمتى حد قبل كده و بعدين يا ستى إنتى كل ده بتنتقدى الشكل وليس المضمون و بلاش فلسفة وحياة أبوك وذلك والله مع تأييدى الكامل بأن نرتقى بلغة الحوار و خاصة بين التيارات المعارضة و بعدين هل قرأت سيادتك يعنى الصفحتين ألى انا قلت عليهم اولا و صدقينى والله انا لا أستعرض أنا فقط أريد من كل واحد يتكلم يكون قد قرأ قبل أن يتكلم حتى يكون عنده خلفية عن ماذا يتكلم وهذا قبل ان يعطى رايه اصلا

شوفى يا ستى الصفحتين بيقولوا ايه

1- كان هناك رجل اسمه جيمس انجلتون وهو رئيس قسم العمليات الخاصة(القذرة) فى المخابرات المركزية فى عصر ليندون جونسون (67)

2- هذا الرجل اعطى إسرائيل أ-شحنات من اليورانيوم المخصب المسروق من المفاعلات الأمريكية بواسطةCIA ب- كان وراء برنامج الصواريخ الإسرائيلية فى مراحله الأولى وذلك لكى يسبق البرنامج المصرى ج-أعد قائمة ب 140 طيار من USA و أوروبا وجنوب افريقيا يكونون جاهزين ضمن السلاح الجوى الأسرائيلى عند الحرب د-هذا غير إعطائه إسرائيل الشفرات المصرية كلها

وهذا كله نقطة من بحر من ما أخذته إسرائيل وهذا غيث من فيض وبعدين انا ايدى وجعتنى من الكتابة يا جدعان أقروا حرام عليكوا

ملحوظة : أرجوا التعليق على المضمون قبل التعليق على الشكل

رءوف مسعد موش بالضرورة ان معلومات هيكل صحيحة وما تخرش الميه. لكن من المؤكد ان اسرائيل نافذة على اهم الاسرار الحربية في امريكا والعالم العربي .. ما تنساش ان امريكا هي المورد الرئيسي لللاسح في العالم العربي. انا موش متأكد انك عاوز تقول ايه ؟ ان اسرائيل تمتلك قدرات خارقة عسكرية ومعلوماتية ؟ ماشي واايؤيدك بس ده علاقته ايه بتالنقاش الدائر حول المقاومة والكرامة ؟ اننا ما نقدرش نقاوم اسرائيل ؟ ماشي طيب وسيادتك تقترح ايه في هذه الازمة الراهنة ,, والازمات المقبلة ؟ده اذا كنت فهمتك صح . ثانيا ان المقاومة في الداخل او الخارج ممكن تاخد اشكال مختلفة حزب الله حماس الاخوان المسلمين .. هذا لا يعني انها لا يد ان تكون " اسلامية " علشان ما فيش حاجة اسمها مقاومة اسلامية . حينما غزا نابليون روسيا خرج الشعار " فلندافع عن امنا المقدسة روسيا " وحينما غزا هتلر روسيا السوفيتية الشيوعية تكرر نفس الشعار .الطيارات الاسرائيلية ضربت المناطق المسيحية في بيروت ولبنان . يعني هم موش عارفين ؟ عارفين كل حاجة بس هدفهم هو تأليب المسيحيين على المسلمين والدوز والسنة على الشيعة . اللي حصل ان المسيحيين فتحوا بيوتهم للمهجرين من الجنوب الشيعي . المقاومة في فرنسا زمان ضد النازي جمعت الشيوعيين والمسيحيين واي حد عاوز يقازم . رئيس جمهورية ايطاليا حاليا شيوعي عجوز هل ده معناه ان ايطاليا شيوعية ؟! ثم عندي سؤال شخصي : ليه بيتهيألك انالناس اللي بترد عليك .. اكثر من واحد موش فاهمينك .. فين العيب ؟!

معلش بقى أنا حأمارس التشوه الوظيفى بتاعى وأرد كمدسة رياضيات، لما الواحد يناقش حاجة مفروض يناقش اللى مكتوب مش يعيد صياغته مع التسطيح ثم يناقش ما صاغه هو مشوها فأنا لم أقل أن مصر غارقة فى الفقر بسبب السلام مع اسرائيل وانما قلت أن مصر دولة توقفت عمليا عن مقاومة الهيمنة الأمريكية منذ 28 عاما على أقل تقدير، وسارت فى طريق "الاصلاح الاقتصادى" والسلام إلى آخره الاستسلام هنا هو التوقف عن مقاومة الهيمنة الأمريكية، أما السلام مع اسرائيل وما تطلق عليه كل من الحكومتين المصرية والأمريكية "الإصلاح الاقتصادى" فجزء من مظاهر هذا الاستسلام وهذا الاستسلام بجميع مظاهره هو ما أدعى أنه مصدر رئيسى (وليس المصدر الوحيد) من مصادر ما نحن فيه الآن من فساد واهمال وتعذيب، وبالمناسبة أنا لم أقل الفقر فأنا شخصيا لا أرى أن مصر دولة فقيرة وإنما أراها دولة منهوبة

عموما أدرك أن ما قلته هنا يحتاج إلى التدليل عليه ولكن هذا يحتاج إلى مقال آخر ربنا يقدرنى وأكتبه قريبا وفى هذه الأثناء أكرر رجائى بأن نتناقش حول ما كتبته بالفعل

طيب معلش يا دكتورة استحملي بقى تلميذ فاشل بيتوه في تفاصيل كتير واسمحي لي اشرح تاني اللي كنت باقوله، بما ان موضع الكلام عن اسرائيل والمقاومة الإسلامية اللي المطلوب نأيدها، عشان كدة انا اتكلمت عن نقطة السلام مع اسرائيل، عارف انك بتعتبري "التوقف عمليا عن مقاومة الهيمنة الأمريكية) هو السبب الرئيسي لكن أنا ما كنتش باناقش النقطة دي اللي هتدخلنا في متاهات كتير مش عايز ادخل فيها هنا لانها تحتاج مجال اوسع وعنوان مختلف، وعارف انك اشرت (للاصلاح الاقتصادي) لكن برضه ما ناقشتش النقطة دي لاني باعتبر ان لا مجال لها مع وجود الفساد في كل مكان في البلد (والفساد مش مرتبط بس بالاستسلام وبرامج الاصلاح لانه موجود في دول - لم تستلم- ولم تطبق برامج الاصلاح) دي الاسباب اللي خلتني اتكلم عن موضوع السلام اللي اعتبرته انت احد مظاهر المشكلة واللي الدعوة لتأييد المقاومة الإسلامية بتمس هذا الموضوع اكتر من غيره، والمثل اللي انا قدمته كان هدفه يوضح انني باعتقد ان السلام له مكاسب اقتصادية وغير مسئول عن الفشل اللي بنعاني منه، والجملة الأخيرة في البيان وازنت بين (الاستسلام) و(المقاومة) والذي فهمته ان المقصود بالاستسلام هو الاستسلام لامريكا وبالمقاومة هو مقاومة اسرائيل على يد حزب الله، قد يكون هذا سوء فهم حيث تعتبرين ان مقاومة اسرائيل مظهر من مظاهر مقاومة امريكا، لكن اسمحي لي اني اعتبر ده لعب بالكلمات يهدف للتأثير على المتلقي لما يدفعه لاتجاه معين وفي ذات الوقت يضع باب خروج من مسئولية الكلمة، عموما أعرف إن ما يدعى النظرة الواقعية بالنسبة لك قد يعتبر جهل واستسلام لذا فانكي تفهمين ما اعنيه بانني لا افهم لغة الكرامة أكثر من المعلق الذي كتب ليرد على ما كتبته انا

البيان عن ثمن عدم المقاومة في مصر، كل حد يختار هيقاوم ازاي، ممكن نقول أن في مصر المقاومة مش مفروض تاخد شكل مقاومة مسلحة ضد اسرائيل و انما مقاومة للهيمنة الأمريكية و ممثلها النظام الحاكم.

معرفش جبت منين أن المقصود بالمقاومة هو فقط المقاومة الاسلامية المسلحة ضد اسرائيل، المقصود هو كل أشكال المقاومة للمشروع الأمريكي و الصهيوني.

و يا ريت متسبقش على هي شايفة ايه و رأيها ايه و تقول أنك عارف هي بتفكر ازاي بما أنك زينا من مركبات عضوية و دنا ملكش في علم الغيب و قراءة النفوس، اسأل و اتحاور و استنى شوف الرد.

رءوف مسعد تعال ناخد مثال غالبا موش حانتختلف عليه. السكان الاصليين في امريكا اللي سميناهم مع الراجل اللي شافهم اول مرة الهنود الحمر. خلينا نتعامل مع اصطلاح السكان الاصليين . دخل عليهم ناس غريبة . استوطنوا ارضهم . موش مهم مين اللي بدأ باول طلقة .. المؤكد انهم المستوطنين لآن السكان الاصليين ما كانش عندهم بنادق. الحرب اللي دارت وانتهت بهزيمة السكان الاصليين في مجازر تاريخية معروفة كانت حرب دخلها السكان الاصليين دفاعا عن ارضهم وكرامتهم . ادي كلمة كرامة ظهرت . لأن المتابع لتاريخ العلاقة بين المستوطنين والسكان الاصليين حا يكتشف ان المستوطنين وضعوا السكان الاصليين في حاجة اسمها " مستزونات " او مناطق عزل .. يعني رموهم في اماكن وقالوا لهم ما تطلعوش من هنا . السكان الاصليين كانوا بين وقت وآخر يجمعوا بعض ويطلعوا من المستوطنة .. والنتيجة معروفة . يعني هل هو غباء من السكان الاصليين انهم يحاربوا جيش منظم بعد ان استقر المستزطنون في الارض ولا حماقة منهم ؟ لابد يوجد سبب آخر يجمع ناس منطقة العزل انهم يثوروا في حرب معروفة نتائجها مسبقا. لما الناس تقول " العرب ما منهمش فايدة " بيقصدوا مين ؟ العشرةاتناشر حاكم ولا الملايين العرب من مصريين وسوريين ولبنانيين .. الخ " هل الحاكم اللي استولى على كل حاجة بما فيها قرارك الشخصي حول مين يحكمك وتاكل ايه وتعيش ازاي يهمه يحارب اسرائيل مثلا وكمان ينتصر عليها ؟ يهمه ده في ايه ؟ ده حتى المماليك وهم الحكام الغرباء عن مصر وكانوا مطلعين دين ام الشعب المصري .. كانوا بيحاربوا دفاعا عن حدود مصر لأن مصر كانت بالنسبة ليهم المكان النهائي اللي متسلطين عليه وفيه .لكن العشرة اتناشر حاكم بما فيهم حسني مبارك هل تعتقد انه يهمهم ان مصر تستعمر من جديد ان ماكانش بعساكر يكون يقرارات؟ امبارح في مؤتمر روما الامريكان والانجليز رفضوا مبدأ وقف اطلاق النار لحد ما اسرائيل تخلص على لبنان موش على حزب الله زي ما كلنا عارفين .. حد فيهم قال بم ؟ الواقع انه يوجد " حاكم " ويوجد " شعب " والاتنين ما فيش علاقة بينهم. كل اللي يقدر يعمله الشعب انه ينزل في مظاهرة يدافع بيها عن كرامته . احيانا الحاكم يسمح واحيانا لا يسمح . الفلسطيني اللي انتخب حماس كان بينتخب ناس تدافع عن كرامته.ده الواقع اللي في احنا ممكن نفهمه في غاية السهولة. الحاكم مستحيل يفهم ليه الناس بتطلع في مظاهرة لسبب وهمي وغريب وتجريدي .. كرامة قال !!يوجد ناس مخلوقة علشان تحط العقدة في المنشار . دي مهمتها في الحياة . تخيل حياة بدون ناس تحط عقد في مناشير .. تبقى دي حياة ؟ اطلاقا !!

من اهم قواعد الاتصال والمنقاشة ان يكون فى لغة تواصل بينهم وسيادتك لاتربطنا لغة الاتصال وانتا قلت انك ملكش فى لغى الكرامة والحمد لله احنا لسة عندنا كرامة وهانفضل بكرامتنا ومش هانسمح الامثالك انهم يتاكثرو فى مجتمعتنا امثالك هم من تريدة امريكا واسرائيل لا تريد ان يكون هناك كرامة لاى مواطن عربى يريدون امثاللك المجردين من المبادى التحالف الصيهيونى هم ضد اليسار واليمن والقومى والشيوعى والاخوانكى وكل من لية مبدا عايزين شوية جثث تمشى فى الشارع وتقول (جينا الدنيا ما نعرف لية ولا عايزين اية ) هو دا اللى عايزة امريكا وفلا فى نسبة امثاك يابنى ادم اسف اقصدى يابنى جحش بصراحة انا مقدرش اقول كام بس نسبة مش صغيرة على اللاقل من الشبابا دلوفتى ماشية تقول كدة بس فى المقابل انا شايف رجالة وبجد رجالة بصحيح لسة عندهم كرامة اى نعم فى منهم اللى راح المعتقلات بس الحمد لله فى اكتر منهم برة المعتقلات وكل يوم بيزيدو انتو عارفين مين اللى فى المعتقلات مش اخوان وبس وان كانو هم النسبة الطاحنة من المعتقلين وجماعة الجهاد بس كمان شفنا علاء وزمايلو يعنى هما عايزين يقضو مش على الاخوان بس مش على الاسلام بس هما عايزن على بنى ادم لسة عندو ذرة من النخوة والكرامة مش هاقول الكرامة العربية انا بقول الكرامة الانسانية اى انسان لو هندوسى بيعبد البقر هايكون عندو كرامة ونخوة بثور ودم بيغلى لما يشوف ان فى فى شيئ مش مظبوط ادامو مش هاقلك قتل اطفال او دفن شعب واغتصاب وطن انا بس بقول ان اى بنى ادم بينعل لما يشوف حاجة مش مظبوطة لما بيحس بالظلم وجاى انتا بقى تقلى مش عارف اية انتا كلامك اساسا مايتفهمش واحب اقللك علشانتقعد مع ناسى على الاقل اعرف اللغة اللى بتكلمو بيها اللى هيا لغة الكرامة واللى زيك لللاسف لو لفيت على جامعات الدنيا بحالها مش هتعرف تنطق حرف واحد من لغة الكرامة لان اللى زيك انطبع على قلوبهم الذل والاستكانة والمهانة وبيقولو انهم واقعين فعلا انتا انسان واقعى علشانهو دا حالك هاتعيش مذلول ذى الكلب مدلل ديلك طول حايتك وبرضو هاتموت مذلول اوعى تفتكر بالكام كتاب (اه قبل ما انسة هاتموت زى الكلب برضو ) اللى انتا قريتهم من مكتبة الا سرة بقيت تعرف تتكلم بالوقعةية والموضوعية واللى على الارض والمصلحة هية اللى تحك اقللك هاتعيش وتموت حمار اسف اصدى كلب واخيرا احب اقول للحكام العرب ومن اولهم حامى حمى الاسلام خادم الحرمين الشريفين وصاحب الضربة الجوية الاولى اللى جاب سينا بدراعو ومحسسنى لولا هو ماكنش راجعنا سينا دى اذا كانت رجعت اساسا مع العلم ياسادة نظام كامب ديفيد يحرم على الدولة المصرية اى نشر لقواتة على ارض سيناء فعلا هو اللى جبها بدراعو بج مش عارفين كنا هانعمل اية من غيرو كل ماتيجى سيرة سينا يقلك صاحب الضربة الجوية هو اللى جاب سينا بدراعو ومش عارف اية واللى استشهدو على الارض دول ولا كان ليهم اى دور دا هو حسنى اللى عمل كل حاجة ومن غيرة مصر ضايعة ضايعة ياحسنى انتا ولا حاجة واى حاجة مجرد حاجة شعبك بيشمئز منها كل ما يشوفك سوء فى الجرايد او فى التلفيزيون او الصور اللى الداخلية بتفرضها على اصحاب المحلات وبالمناسبة انا كل ما اشوف صورة ليك فى ا لشارع كرهى ليك بيزيد اكت واكتر مش عارف فارحان على وعكسة اية اللى زيك يتنيل على عينو ويعقد ساكت ويمشى ويقول ياحيطة دارينى انتا عاملت اية ياوكسة علشان تعلق صورك فى الميادين مش كفاية كنا بنشفها فى المدارس والمصالح الصورة المترية اللى كلها تراب المهم نا عايزك تكتر من الحاجات دى وتنش صورك فى كل زقاق وكل حارة وكل شارع علشان الناس تفضل دايما فاكرة الذل اللى ذليتو ليهم ولما الشعب يجيى يقول كلمتو تكون الصور بتاعتك بقى يابطل تكون عملت مفعولها وشحنت الناس والشحنة تخرج بقى وكل واحد يديك اللى تستحقو ومتقلقش مش هايخرج عن حل واحد انك كتضرب بالشباشاشب والقابقي وكل مواطن هايساهم على قد ما علقت الصورة وشحنت بية وفى الاخر طبعا هاتتسحل من اسكندرية لاسوان وبعدين نبعت البقايا بتاعتك لالاخ عمر البشر بيقولو فى فى السودان نسور تجننن وبتحب الرمم موت وطبعا احنا مش ممكن نحرة م الاخوة النسور السودانية من المرح ما علينا احب اقول للى انا ذكرتهم دول ...اللى هما الحكام .... قلوة اللى قبلنا من زمان >>ان حظيرة خنزير اطهر من اطهركم

عن المقاومة والاستسلام سؤال تطرحه الدكتورة ليلي سويف وهو سؤال هام وصعب . اهميته انه مطروح بأشكال مختلفة بدءا من تصريح سعود الفيصل وحسني مبارك بأن "فعلة" حزب الله مغامرة وبين تصريحات رايس بسحب سلاح " المتطرفين " والتصريحات لا تختلف كثيرا في المعنى. نحن نطرح السؤال التالي ونضرب مثالا عن دولة مثل مصر:هل مقاومة الدولة عبث لا طائل منه والأحسن هو الاستسلام وياروح ما بعدك روح ؟ اية دولة تقاومها ..وهل هي دولة ام ايدلوجية مثل جماعة بوش واسرائيل ؟ امع عصابات كمصر ؟ وما العمل حينما تفقد الدولة شرعيتها ومصداقيتها وحينما تواجهك بايدلوجية عرقية عنصرية استعلائية .. هل ما تقوم به هو مجرد احساس وطني او قومي او ديني ام انه محاولة لا سترداد كرامتك الشخصية ؟ ان تستردها من بلطجية بالمطاوي او بلطجية ايدلوجيين يغتصبونها ويغتصبوك وما فيش فرق في النهاية لان كرامتك وشرفك مرتبطان ببعضهما . هل الثمن الذي يدفعه الان الشعب اللبناني امام البربرية الاسرائيلية هو بسبب حزب الله ام ان الهدف الاساسي لدولة اسرائيل العرقية العنصرية الاستعلائية هو تركيع كل من يقول بم ؟ هل كان اختيار الشعب الفلسطيني لحماس في انتخابات نزيهة "مغامرة محسوبة ام غير محسوبة حسب التعبير السعودي؟ " ولماذا استعلت اسرائيل على خيار الفلسطينين وقررت تأديبهم لأنهم مجرد قالوا بم لها وللاخرين ؟ جميعنا لنا تجاربنا الشخصية أوالسياسية عن اختيارات المقاومة واختيارات الاستسلام على المستوى الشخصي البحت . انا واثق ان جميعنا نفخر باختيارات المقاومة والتي غالبا دفعنا ثمنها من عملنا واسرتنا وأمننا . وبافتراض مؤكد ان ثمن المقاومة هو ثمن باهظ فما هي جائزة الاستسلام ؟ هل فكر الفلاحون في دنشواي من اكثر من مائة سنة في اختياراتهم وهو يطاردون العساكر الانجليز الذين اعتدوا على ابراج الحمام في القرية مجرد حمام لا يسوى الكثير لكنه رمز لملكيتهم البسيطة التي يدافعون عنها بشراسة لانها مرتبطة بكرامتهم كبشر مهما كان فقرهم وقهرهم ؟ طاردو العسكر ودفعوا الثمن بعد ذلك في عقاب جماعي يذكرنا بعقاب اسرائيل الجماعي لشعب لبنان كله لأن حزب الله لبناني ؟ هلى فكر الشعب المصري ايام اعتدت عليه وحاربته ثلاث دول كبيرة في 1956 وهو يحمل سيارة عبد الناصر على الاكتاف بعد خطبته الشهيرة في الازهر عن المقاومة ( وليست عن الاستسلام ) .. الم يفكر في العواقب الممكنة ان يُهزم من جيوش ثلاثة دول الغازية تستبيح عرضه ؟ الاصوات العربية التي تنتقد حزب الله كما تقول الدكتورة ليلى هي اصوات غير شرعية . شرعية حزب الله مستمدة ليست فقط من مواقفه القتالية التي كان و يكون لنا فيها رأي آخر لكن من مواقفه المؤسساتية . أي انه قام بواجبه تجاه الفقراء والمحرومين في الجنوب البناني في غيبة دولة كانت وما تزال دولة متحيزة ضد الفقراء . عملية الوهم المتبدد الفلسطينية وعملية حزب الله الاخيرة بددتا بعض الاوهام او حتى الكثير منها عن " دولة اسرائيل " وذكرتنا من جديد بأن المقاومة ضد المستكبر حق انساني . المستكبر في واشنطن او تل ابيب او القاهرة . من حقنا ان تكون لنا ملاحظات على " فعلة " حزب الله العسكرية الأخيرة لكن من واجبنا ايضا ان لا ننزلق في حالة عاطفية درامية ونردد شعارات اسرائيل وواشنطن والرياض والقاهرة بتحميله المسؤولية . فالذئب الذي قرر التهام الحمل لا يهمه منطق الحمل بأنه في اسفل مجرى الماء ولم يعكره على الذئب الذي التهمه في النهاية لأن الحمل حاول ان يناقشه بالعقل والمنطق. منطق الحملان ! نحن نرفض ان ندين حزب الله او نحمله نتائج العقاب النازي الاسرائيلي الجماعي للبنان . لأن هذا معناه اننا نقف مع الاصوات التي تدينه ونحن نعرف مقصدها ودموع تماسيحها على الشعب اللبناني ! إسرائيل لا ولن تقدر القضاء نهائيا على المقاومة ضدها بأشكالها المختلفة, وهي تعلم ذلتك جيدا من خبراتها الطويلة.. اسرائيل تريد استرجاع اسطورتها العسكرية العرقية المتفوقة ولو قتلت بذلك نصف الشعب اللبناني . لأن لبنان كما قال شاعره العظيم سعيد عقل " من قبل الكون كنا هون !" لماذا تريد اسرائيل تدمير لبنان ؟.. لأنه الصورة الكاملة لشرق اوسط قديم يتجدد ويتعايش بطريقته الخاصة بعد حرب اهلية طاحنة .. لأنه كان وما يزال الملجأ لفلسطيني الشتات .. لأنه رئة الثقافة العربية الحرة .. لأنه الشعب الذواقة في اللباس والطعام ..لأنه حضارة الترانزيت وحضارة بعلبك وصور وصيدا وفيروز وسعيد عقل وكمال جنبلاط ومحسن ابراهيم ومارسيل خليفه والمقاومة المسلحة للشيعة ضد الاحتلال الاسرائيلي . تريد اسرائيل تدمير لبنانا لآننا نعتمد عليه في مقاومتنا ولآنه سيكون النموذج . لأن لبنان يذكر القراصنة العرب بحقاراتهم وعدم شرعيتهم واستسلامهم و تغذيتهم المتواصلة للصراعات العرقية والطائفية في الدول التي اختطفوا شعوبها . لأنه هو ضد كل ما هم عليه . ولأنه يذكرنا بحقنا في تبديد الوهم داخليا وخارجيا بل وبإمكانية ذلك عمليا. هنا يتفق الحكام العرب القراصنة مع اسرائيل التي اختطفت فلسطين وأخذت شعبها رهينة . وليس هذا بغريب لأن ممثل اسرائيل في الامم المتحدة اعلن ان الكثيرين من ممثلي الدول العربية والإسلامية اتصلوا به سرا وطالبوه ان يقول للعسكر في اسرائيل " الله معكم ونحن معكم في القضاء على لبنان " المقاومة هنا حتى بأبسط الايمان.. بالصلاة او الدعاء او بأصعبه بالانخراط في مظاهرة يحطم ضلوعها بلطجية القراصنة في العواصم العربية.. ليست عملا قوميا او وطنيا فحسب لكنه فعل انساني لاسترداد كرامة شخصية مغتصبة حتى يستطيع المشارك ان يرجع الى بيته ان قُدر له ذلك ويجلس امام عائلته او عائلتها ويحس انه بني آدم من جديد. لهذا تريد اسرائيل ارجاع لبنان وارجاعنا معه الى عصر الكهف والصراعات الطائفية والعرقية .. ان تحولنا الى حيوانات متخلفة . المقاومة هنا هي صراعنا من آجل الحفاظ على انسانيتنا وآدميتنا .

نحن لا نعيش في فراغ

العالم تحكمه قوانين العولمة و المصالح هذه ليست دعوة للأستسلام و لكنها دعوة للتعقل

الحرب حرب بكل ما لها من ويلات و آثار مدمرة و حرب حزب الله مع اسرائيل خرج منها كل الأطراف خاسرين. أولهم اسرائيل و آخرهم لبنان. الى من يدعون الى الحرب و الدمار ... من يعيد ابن الى والدته المكلومة الثكلى.

لقد شهدت الحرب من صغر سني و لا أتذكر صورة في ذكرياتي لوالدي الا بالبدلة العسكرية حيث أنه كان ضابط و كنا نراه 3 أو 4 أيام بالشهر.

و أنا في الثالثة ضربت طيارة اسرائيلية بيتنا - نعم البيت الذي كنا نعيش به في أسيوط حين توغل الطيران الاسرائيلي ليضرب مصر في العمق.

أتذكر اللحظة الآن برغم صغر سني.

لا بد من أن نستغل الظروف الدولية الملائمة حين تتقاطع المصالح كما حدث في لبنان و أوكرانيا و غيرها لنحصل على الحرية. لا كرامة لشعب مقموع يعاني الفقر و الجهل و المرض و البطالة. التنمية مقدمة على كل شئ.

حكامنا باعوا لنا الخراب و الدمار و فقر و الجهل و المرض تحت مسمى القومية و بعدها بثلاثين أو أربعين سنة يأتي من يبيعنا الخراب و الدمار و الفقر و الجهل و المرض تحت أسم الدين.

لا يا سادة .... كفانا دمارا و كفى ما ضاع من أجيال.

أدعو الشعوب لتنهض لتحصل على حريتها من المنافقين و الأفاقين و المزايدين ... أدعوها لتستيقظ من سباتها و تحصل على حريتها و ساعتها فقط ستعمل على التنمية للفرد و المجتمع الى من يقولون بالمؤامرة على العرب و على الأسلام ..... هل من مؤامرة أقوى من ضرب اليابان بقنبلتان ذريتان ... فأين هي اليابان الآن و ماليزيا (المسلمة) و كوريا و تايوان و أين نحن؟؟؟

هلا سألتم أنفسكم الام تدعوننا؟!

يا سادة دعوكم من الحرب و لنشغل أنفسنا بالحرية فهي المدخل الى التنمية لو وجد العالم تيارا حقيقيا له ظل من الشعبية في مصر و يؤمن بالحرية و التعايش لسانده ضد الأستبداد و لكنهم لم يجدون سوى الأخوان المسلمين.

ألم يخطر ببالكم سؤال لماذا اجتمع العالم على أن يتركوا اسرائيل تضرب حزب الله ؟ و لماذا أعطوها الفرصة حتى قال رئيس وزرائها أن العالم يساندنا؟ أهي المؤامرة ؟ أم أننا أصبحنا (بالخطأ) نمثل الأرهاب كمسلمين بسبب ما فعله بعض السفهاء منا دعونا من ثقافة العنف و الموت و الحرب و القتل

محمد الريس

Those who are refuse the resistance are chikens and afraid from death, which will surely come to them either they strugle for freedom or against.

تمام كده... مادام الناس بتموت من الفساد .. ما يموتوا بالقنابل الاسرائيلية احسن.. و يبقى اسمنا: عندنا مقاومة.. و كرامتنا تترفع لفوق.. و خصوصا مع ال٣٠ الف لبنانب اللي اتهجروا

الكلام ده بيفكرني بارستقراطية لبنانية عايشة في مصر اعرفها... قالتلي انها مع حزب الله.. قلتلها.. طب و اهلك هناك اللي ممكن يروحوا في أي لحظة؟ قالت " اعتبر زلزال اخدهم.. أو تسونامي.. بس يبقوا ماتوا بكرامتهم"!... و نرجع لنقطة: هل المبادىء أهم أم الشعوب؟

ايهما أقيم.. الانسان الذي يصنع الافكار و الاراء و الحضارة؟ أم الأفكار و الآراء هي التي تحييه و تميته؟

مادام الناس بتموت من الفساد .. ما يموتوا بالقنابل الاسرائيلية احسن.. و يبقى اسمنا: عندنا مقاومة.. و كرامتنا تترفع لفوق.

لا أبد مادام الناس بتموت من الفساد زى ما بيموتوا بالقنابل الاسرائيلية يبقى نشوف ايه الصورة اللى احنا عايزيين بلدنا تبقى عليها ونحاول نوصلها ولو اضطرينا نواجه القنابل الاسرائيلية أو الأمريكية فى السكة فده م سبب لاننا نبطل نحاول ونقول نرضى بقليله، ببساطه لان أنا متصورة إن اللى احنا فيه دلوقت هو قليلهوانه مش نافع

مع احترامي لرأيك إلا إن رأيك هو الفشنك لأن ياعزيزي فيه شيء إسمه الكرامة وفيه شيء إسمه الذل ودا ما تعرفوش يا حبيبي إلا لما تكون تحت بس يعني تحت تحت مش لما تكون قاعد في حضن ماما زي ما حضرتك كده بتقولي ارستقراطية ومش عارف إيه لما تبقى يا حبيبي تعيش الذل دوت تبقى تقول ارستقراطية وغيرها كلامك فكرني بأساليب الحكومة السورية اللي بتفرض على الناس الشعور بالكرامة فرض يبلغ مبالغ الذل زي ما بيقول الضباط في الجيش السوري للدكاترة أو المهندسين لما بيخدموا في الجيش "إرفع راسك لفوق ياحمار وإعتز بكرامتك" فالمهم مش الحياة وبس ولا الكرامة المفروضة فرض المهم الناس تعيش إمكانية اختيار الحياة بكرامة فعلية مش صورية ولا كرامة كده وكده ودي مافيش منها ولا في أي بلد عربي واحد لأن القاسم المشترك لكل الحكومات العربية هو استضراط المواطنين (عفواً بس هي كده) وعلى كل الأحوال هيه عيشة واحده يا إمابكرامة يا بلا

عندما يكون السؤال فى موقعه وموضعه لا يحث فقط على التفكير فى أجابات ولكنه يزيح الكثير من الالتباسات التى تغيم على الرؤية وتوتر الفعل المحدود على أية حال إلى الأن وهاهوالسؤال ينبنى على رؤية منتبهة ومهتمة وتعيش هم الوطن وهم الوجود، سؤال يضىء الرؤية ولا يدعى المعرفة ويغرى بالتفكير تلك الفضيلة او فلنقل الفريضة الغائبة بحق فمجتمع لا يستطيع ان ينتج اسئلة وجوده ومصيره مجتمع لا يفكر، وأخيرا فإن أخطر مغامرة فى حياة الأنسان هى ألا يقوم بمغامرة مع أن الحياة من تعاريفها أنها مغامرة كبرى، وما قدمتيه أيتها السيدة الفاضلة نموذجا لإنتاج الأسئلة وكان هذا حوار بينى وبين الكاتب الفنان رءوف مسعد فى هذا الشأن لذا عندما وجدت نموذجا يوضح بشكل عملى ما قصدت اليه كان على أن اقدم التقدير والتحية

let me reconsider the 2 options you gave: 1 - fight america 2 - go along and "play the game" and you have demonstrated that even if option 1 led lebanon to destruction, option 2 has delivered Egypt to ignorance and retarded the evolution of the country. the logic seems correct, but the facts are paradoxal, i mean, if option 1 is punished by america, option 2 should be rewarded in a way that people in these submitted country live like american citizens do in America. Well, it's not happening! you should have to conclude that categorizing regimes under the above options was as we say in IT "obsolete". that used to be accurate, when the almighty URSS existed in the world. Now, with the world-recognized monopolism of power and resources of USA, it's not logical any more to talk about being with or against this pole, simply because no one affords to be against it, except stupid, and stupid can be found among people, not leaders. what we conclude here is that both parties work directly or indirectly for USA. but there is still the question: but why? if they are both in the same side, why does the fight still exist? the answer resides in the nature of capitalism itself: any regim wants to rule for ever. and in order to do that, it needs to stand in the way of evolution, because inevitably, evolution will lead to change. and what better way to do that than creating for the people an imaginary ennemy, so that their fear will convince them to waste their lives and money and effort in war, instead of using these resources to make the world a better place through Knowledge with a capital K? for instance in Israel, the Ulmart goverment had 20% of people supporting it against 90% of supporters today. so both hizballah and Israel are doing each other a favor.

The paradox you point out is based on a false premise you say:

"option 2 should be rewarded in a way that people in these submitted country live like american citizens do in America."

But this is not at all true the US rewards governments who opt for option 2 not people, part of the reward is backing them, giving them a free hand to do what they like with their own people, be as corrupt and opressive as they like, demonizing those who would stand against such corruption as terrorists or fantics or whatever.

كان في مرة حكمة سمعتها بتقول it's better to regret something you have done than to regret something you havent done.

المشكلة إننا للأسف عايزين حلاوة من غير نار البهوات الى بيتكلموا وهم أعدين على طيازهم لا مؤاخذة و ما عندهومش غير الكلام و بس و ما يعرفوش إن الحرية تنتزع لا تعطى و إنتزاعها بالتـأكيد يحتاج إلى مجهود وتعب و معاناة وقبل ذلك إلى كرامة ندافع عنها.

يا ناس الحرية لا تأتى بغير ضريبة يعنى مثلا هزيمة 67 كانت ضريبة يجب أن ندفعها لكى نثبت لأنفسنا قبل الأخرين أننا نستحق هذه الحرية وإلى المتشدقين بالألفاظ المجعلصة فقط أحيلهم إلى كتاب الإنفجار لمحمد حسنين هيكل وفقط أريد منهم قراءة صفحتى 498-499 ووالله إن العرب كانت حالتهم قبل 73 أفضل بكثير من حالتهم الأن لأننا ببساطة لا نستحق هذه الحرية ولا نعرف إستثمار الإنتصارات بشكل سليم ومنه لله السادات بقى.

و لو أني مش موافق على كلامك كله، بس عجبني فكرة في كلامك

أنا مكنتش بفهم كلمة كرامة في السيقات دي، بس أنت وضحت حاجة عشان أدافع عن حريتي لازم يكون عندي "كرامة". كرامة تخليني مقتنع أن من حقي الحرية و الاستقلالية و الحياة الكريمة، من غيرها لا يمكن ألاقي الطاقة اللي تخليني مستعد أتخانق و أضحي و أدفع الثمن.

what is the diff between the last two wars Egypt fought against Israel???

in both of them we were not surrendering, we marched forward but one of them we were ready with words and songs while the other we were ready with guns and bombs.

Not surrendering from my point of view is to focus on all your internal issues till you become able to increase your income and furthermore increase your army capabilities then get involved to a big/long war.

Fighting from my point of view is to fight your internal deceases till your weak body become stronger and get ready to receive more hits.

let me highlight two points

  1. the total number hizballah killed till this moment are less than 5% of those who drowned in the Egyptian ship, which means that this war is a complete loss from the military point of view
  2. Salladin (the one we all recall now) never fought crusades with a lake of water, ammunition , men etc ...

We are 300 millions but still very week and helpless so our war is internal first to treat our wounds and then we will be able to remove this Israel from our land forever.

إن خسرنا الحرب لاغرابة لأننا ندخلها بكل مايمكله الشرقي من مواهب الخطابة بالعنتريات التي ماقتلت ذبابة لأننا ندخلها بمنطق الطبلة والربابة

Nezzar Kabbany 40 years ago and keep counting

انتباه

ولونوا فى القلب صورة الوطن الكبير

السر ذاع ولا عادش بير

كل الرؤوس فى الانظمه قد اينعت

و اسرائيل قد صنعت

بوش الصغير

يجنى ثمار الطنطنه

و العنعنه

والفرعنه

وسنين طويله من الهوان

والمسكنه

ولفين اروح

وانا كل ما داوى الجروح

ازداد جروح

وجوه كتير مافيهمش روح

رافعين رايات لكامب ديفيد

بيضا من غير اى سوء

صهيون يسوق

والمهزله

تزييف اصول المسأله

لكنى و برغم العمى

بالمح ملامح الشوارع ملحمه

لبيك يا علم العروبة كلنا نفدى الحما "

لبيك واجعل من جماجمنا لعزك سلما "

طبعاً كلام جميل في مجمله، لكن لماذا نختزل الخيارات لاثنين فقط: إمّا الاستسلام الظاهريّ التام أم المقاومة "الشكليّة" المتهوّرة/ وأنا بالمناسبة لا أحكم على حزب الله أو أدافع عنه، لكنّني أتكلّم عن المبدأ. أيضاً لست متأكّداً من أنّ الفساد وموت الناس في العبّارة وغيرها نتيجة مباشرة للاستسلام للهيمنة الأمريكيّة، السؤال الجوهريّ طبعاً سليم تماماً: ما جدوى الحياة بلا هدف وبلا قضيّة... لكن ما يغيظني دائماً هو لماذا يجب أن تكون مقاومتنا سريعة وقتيّة انفعاليّة= المظاهرات وما يشابهها جناح هام في كلّ حركة مقاومة، لكن أين الجناح الآخر: التخطيط البطيء والعمل الدءوب المستمر؟ طبعاً نحن مختلفون عن ألمانيا، وهم بيض وأوروبيون ومش مغضوب عليهم، لكن كيف صارت ألمانيا إلى ما صارت إليه دون مواجهة مباشرة مع الأمريكان؟ وكيف صارت اليابان هذا الوحش الاقتصاديّ الكاسر دون عمليات إرهابيّة للجنود الأمريكان ودون تلبيس أمريكا جميع مصائبهم؟ أيضاً.. إذا كانت إسرائيل تخطط للسيطرة على المنطقة وتعمل على ذلك بلا كلل وبجميع الوسائل منذ أكثر من خمسين عاماً، لماذا نبقى نحن رد-فعليّين نكاد نكون جزءاً لا يتجزأ من مخططهم؟ نستجيب لكل استفزاز بالضبط كما يريدون لنا، أو غالباً هم لديهم خطة لكلّ استجابة متوقعة. إلى جانب سيطرة إعلاميّة شريرة لكن ذكيّة على العالم... هو ده النظام، فلماذا لا نلعب لعبتهم؟

وكذلك أمريكا التي استوعبت درس حرب 73 وتخطط للسيطرة على منابع النفط منذ ثلاثة عقود وكمان عندهم think tanks بتكتب مشاريعها على الملأ، وبيسربولنا الخطط وبرضه بنقع فيها! ما هو أكيد فيه حل غير الشكوى أنّ الوحش متوحش قوي ومحاولة خربشته وقذفه بالحصى الصغير... طبعاً الوحش متوحش ومفترس وسيزداد توحشاً، هنلاعبه إزاي؟

R

u r right .. we are learning nothing. we keep wining about what Israel and USA are doing againest us.

they are enemies what they should do ??? Be fare mathalan.

We have to go for the bigger war which is the war to free our country and people then pushing them forward the same way Japan and Germany did.

المشكلة يا رامي أن السلكة الممثلة للامبريالية بتدخل في أي محاولات و بالتالي النتيجة أنك مضطر تدخل في صراع معاها على كل المستويات أو تستسلم.

مثلا عشان تعمل خطط معرفش ايه محتاج تعمل بحث علمي و عشان تعمل بحث علمي محتاج مؤسسات علمية و الأمن بيتدخل في المؤسسات العلمية و بالتالي لازم تواجه الأمن (أو تسكت و متعملش بحث علمي ولا بتنجان).

ده مش معناه أن الناس بتعمل ردود فعل و مظاهرات و بس، كاتبة البيان في مدار حياتها شاركت في مظاهرات و عملت محو أمية و علمت رياضيات و ناضلت و قاومت لانقاذ كليتها و قسمها و تخصصها و دلوقتي بتناضل لانقاذ الجامعة و اشتغلت ضد التعذيب من أول مظاهرات لحد جلسات تفاوض مع الظباط و و و و

اليابان و ألمانيا وضعهم مختلف، دي أول كانت دول قوية و ليها مؤسساتها، و ثانيا كانت مشاريع امبريالية، فلما انهزمت انضمت للامبريالية.

لو كان يلزم الامبريالية أننا نتقدم كان يمكن وقتها يبقى منطقي كلامك لكن واضح أن اللي يلزمها أننا نتوكس أكتر و أكتر و مش هيخرجنا من ده غير خطوات راديكالية رافضة للهيمنة الامبريالية.

الخطوات دي هتكون داخلية و مهياش مرتبطة باسرائيل، لكن مؤكد هيتبعا رفض لما تمليه علينا الامبريالية بخصوص اسرائيل (من بيع غاز و بترول و تطبيع مثلا)، و الحاجة التانية أنك متضمنش أول ما تاخد خطوات راديكالية ممكن جدا اسرائيل تضربك عسكريا (و الأمثلة على ده كثيرة جدا من أول السلفادور لايران و مصر نفسها في الحقبة الناصرية).

يعني ايه نلعب لعبتهم؟ لعبتهم معناها أنك تسمع كلامهم و كلامهم بيوصل لكل التفاصيل، نظام التعليم، الصناعة، الزراعة، الحريات، التجارة و قواعدها، ديوان الدولة، قوانينك، كل حاجة.

تفتكر مثلا أنك ممكن تقرر قرار من نوع الزام كل المؤسسات الحكومية باستخدام برمجيات حرة مفتوحة المصدر و الاعتماد الكلي على خبرات محلية في تطوير و تشغيل البرمجيات دي أنهم هيسيبوك؟ و تفتكر تقدر توصل لحاجة زي دي أصلا من غير ما تشيل النظام الحاكم الحالي؟ و تفتكر تقدر تشيل النظام الحاكم من غير ما تصطدم بالأمن؟

يعني اللي مطلوب المقاومة، و اذا كانت مقاومة الامبريالية هنا جزء منها هو الاصلاح الديمقراطي، فمقاومة الامبريالية في لبنان و فلسطين جزء منها هو محاربة اسرائيل.

جاوب على السؤالين العبثيين تماما دول، لو الشعب المصري قرر أنه يثور ثورة شيوعية زي في روسيا أو اسلامية زي في ايران أو قومية ليبرالية زي ثورة 1919 هل تفتكر اسرائيل هتسكت؟

بلاش دي لو عملنا اصلاح ديمقراطي هادي تاتاتاتا و جيبنا حكومة على مزاج أمريكا بس مش عميلة (حزب الغد مثلا) و قررت هذه الحكومة عمل برنامج نووي حقيقي اسرائيل هتسكت؟

بلاش دي، لو عندنا حكومة قررت أنها تدخل بشكل ايجابي في دول حوض النيل و شرق أفريقيا و نتج عن ده منافستنا لسياسات البنك الدولي هناك و دعمنا لشعوبهم في تحقيق الاصلاح الديمقراطي و تدخلنا لوقف النزاعات العسكرية (أيا كان ازاي)، و الدخول في اتفاقيات اقتصادية تعطي صلاحيات و أولويات للدول دي عند بعض و دعم قطاعات اقتصادية استراتيجة مما يعارض اتفاقات منظمة التجارة العالمية هل يا ترى أمريكا هتسيبنا؟ و هل اسرائيل هتسكت؟

النتيجة ايه؟ يا أما ناخد موضوع التدخل الامبريالي على أنه مسلم بيه و نستعد لمواجهته و دفع الثمن (اللي هو اسمه مقاومة)، و كمان ندعم من يحارب الامبريالية دي لأنه يمكن يقف معايا لما أحتاجه أو يمكن مقاومته تضعف الامبريالية لما تيجي تواجهني، يا أما نستسلم و نطاطي و منعملش أي حاجة تزعلهم و أحوالنا تدهور أكتر و نتفرج على بعض و أحنا بنموت من الفساد و التع1يب و الفقر و الجهل و المرض و الكوارث البيئية و عدم استعدادنا للكوارث الطبيعية و نفضل نقول الانسان قبل الأرض و الانسان قبل القضية و كأن الأرض دي هيعيش عليها فصيلة تانية و القضية دي تخص مصالح فصيلة تانية.

معرفش الحل إيه... بس واضح زي مانت قلت، إنّهم زي ما بيسخنوا المياه بالراحة علشان الضفادع ما تحسش، لازم ثورة الضفادع كمان ما تكونش بتثير رد فعل قوي من اللي بيغلي المياه.

أكيد لو كل شوية ضفدع نط هيصطادوه، ولو ضفدع حرض زمايله على النط هيسلقوه على جنب، هل ممكن كل الضفادع تنط نطة واحدة تلقائيّة؟ معرفش.

ما تقللش من شأن ألمانيا كده.. علشان الألمان دول مالهمش حل. بس فعلاً إحنا في وضع أسوأ، على الأقل جغرافيّاً وإقليميّاً.

بس السؤال: هل إسرائيل متخيّلة إنّها ممكن تفضل كده خمسين سنة كمان؟

R

أنا لا أقلل من شأن ألمانيا و اليابان بالمرة، و لازم أعترف أن حتى كدول انهزمت و هي قوية حجم هزيمتها كان مروع و حتى كدول كانت بتمثل طموح امبريالي و سمح له بالنمو لأنها جزء من طموح امبريالي آخر (و في لحظة تاريخية مختلفة كان فيها التنافس ما بين القطبين بيدي فرص لدول كتيرة أوسع من اليومين دول). محدش يقدر ينكر أن في النهاية اللي حقق الانجاز ده هو شعوب البلدين و قدرتهم العالية على الابداع و تفانيهم في العمل و اهتمامهم بالتقدم العلمي و تمسكهم بدرجة من الديمقراطية تسمح بمواجهة الفساد بدري بدري و هكذا، كلها حاجات لازم نتعلمها.

أنا مش شايف أن ثورة الضفادع لازم كتكونش بتثير رد فعل قوي (ولا شايف أنها لازم تثير رد فعل قوي)، أنا شايف أنهم هما اللي بيقرروا رد الفعل و أنك متقدرش تتحكم بالمرة في مدى قوته (يعني السلفادور و نيكاراجوا مثلا؟!!! هل رد الفعل يعقل؟).

و بعدين هما مش قاعدين ينفسنوا على سوريا؟ قوللي و النبي سوريا دي عملت ايه؟ العملية أننا في منطقة منيلة بستين نيلة جاية على هواهم قوي بقالها مدة و مفيش أي خطوة هناخدها مش هيقبالها رد فعل قوي، لازم الخطوات اللي تتاخد تبقى مبنية على دعم شعبي واسع و لازم الشعوب تبقى مستعدة للمقاومة بمعنى أنها تبقى مستعدة لدفع الثمن و تحمله.

يعني لو بدأوا يعاقبونا بسبب من سننتخب زي ما عملوا في الفلسطينيين لازم نبقى مستعدين، عقاب الفلسطينيين اعتمد بالأساس على قطع المعونات، لو قطعوا عننا المعونة هنعمل ايه؟ عشان كده التحرك الراديكالي صعب يكون مفصول، عشان تقدر تاخد قرارات راديكالية لازم تكون مستقل و عشان تكون مستقل اقتصاديا لازم تكون يا أما مستعد تجوع الناس (و ده مقبلوش) يا أما مستعد تستغنى عن سيتي ستارز (مثلا يعني، ممكن يكون فيه خيارات أخرى).

و بعدين ثورة ضفادع لا تثير رد فعل قوي ايه بس، بقولك اذا كانوا بيدخلوا على مستوى ما هو نظام التشغيل بتاع الموظفين في الدوواين العامة و عدد التيرمات في الجامعة عاوزنا نتفادى نزعلهم ازاي؟

اسمح لي قبل ما نناقش الهيمنة الرأسمالية والامبريالية الأمريكية والصهيونية العالمية والبرجوازية الاقليمية، انني أسال هل في دولة طبقت مبدأ المقاومة اللي بتتكلم عليه ده؟ يعني أقصد هل في مثل يشرح لنا اللي انت عايزنا نعمله؟ مش معنى كدة اننا مش ممكن نكون السباقين (pioneers) لكن بس حبيت حاجة توضح لي الصورة

حد جاب سيرة البرجوازية الأقليمية دي كمان؟

أنت بتسألني مين الشعوب اللي قاومت الامبريالية؟ ولا بتسألني مين اللي عمل الأمثلة اللي أنا قلت عليها فوق؟

الشعوب اللي قاومت الامبريالية كتيرة، ساعات الدولة كانت معاهم و ساعات كانت ضدهم. حركات مناهضة الحرب و حركات مناهضة العولمة في الدنيا كلها مقاومة للامبريالية، ملايين في أسبانيا و أيطاليا مثلا كانوا ضد المشاركة في الحرب بس حكوماتهم (الديمقراطية) أصرت على المشاركة برضه (لحد ما جابوا حكومات تانية شغالة في الانسحاب).

حركات التحرر من الاستعمار و القومية العربية و التضامن الأفريقي دي كلها حاجات معادية للامبريالية.

الثورة الايرانية و الثورة البلشفية دي حاجات معادية للامبريالية.

لو عايز حاجة بتحصل اليومين دول فيه كمان دول أمريكا اللاتينية اللي زي البرازيل و بيرو و فنزويلا اللي بتاخد قرارات سياسية معادية للامبريالية من أول رفض المعونة لتأميم البترول لحد تقنين استخدام البرمجيات الحرة في الحكومات.

و البلاد اللي قررت أنها هتصنع أدوية الايدز و تدعمها و توزعها بالرخيص بغض النظر عن قوانين حماية الملكية الفكرية و سيطرة فايزر و أخواتها على تركيبة الدواء دي أفعال معادية للامبريالية.

و عندك طبعا الأمثلة الكلاسيكية بتاعت تشومسكي للدول الصغيرة اللي قمعت عسكريا لمواجهتها الامبريالية زي نيكاراجوا و لاوس و جرانادا و جواتيمالا.

قرار تأميم قناة السويس.

أنا كنت باسأل عن أمثلة سبقتنا فقصدي ان دول تكون حاربت الامبريالية فمن اللي انت قلته فهمت ان قدامنا ايران وبيرو وفنزويلا والبرازيل، هم دول الحاربوا وهم دول الأمثلة اللي لما نحارب احنا كمان هنوصل للي وصلوا له. شكرا

لأ بحب الناس اللي بتفهم على مزاجها، مش هم دول الدول اللي حاربت بس و مش دايما "الدولة" هي اللي بتحارب، و الأمثلة كتيرة و نتائجها كانت مختلفة حسب كل بلد و ظروفه و حسب اللي كان بيناهض الامبريالية جماهير ولا حكومة و لا شوية عسكر و لا ميليشيات مسلحة و المواجهة كانت اقتصادية ولا عسكرية و كانت ضد ممثلين للامبريالية محليين ولا أجانب و في حالة استعمار و لا استقلال ولو جزئي و بالديمقراطية ولا بالعافية

و طبعا رد فعل ممثلي الامبريالية برضه بيختلف، يعني لسه ردود الأفعال ضد من يواجه الهيمنة الامبريالية على المعرفة محصورة في العقوبات الاقتصادية و التدخل بشدة في السياسة المحلية عن طريق الفساد و الرشاوي و القمع باستخدام مؤسسات دولية (أمم متحدة، تجارة حرة الخ)، في حين أن تأميم البترول كان بيتبعه دائما تدخل عسكري.

ايران تجربة شغالة بقالها زمن، بيرو لسه أصلا خناقة ما بين جزء من الدولة و الشعب، فنزويلا و الرازيل تجارب جديدة و لسه محدش يعرف رايحة فين.

إفتتاحية العدد الأخير من مجلة الآداب

http://www.adabmag.com/warissue/1Iftitahia.pdf

http://www.adabmag.com/

المهم يا اخي احنا عايزين احرار علشان نقدر نعمل حاجة لكن للاسف معظم الشعب عندنا لا يعرف معني حرية اية وبعدين القمع اللي حاصل فى الوقت الحالي مش وليد الساعة لا ده نتيجة تنازلات سابقة كتير وللاسف احنا حاليا بنعاني من هذة التنازلات السابقة لكن المطلوب مننا نحاول اننا نحاول جاهدين لوقف هذا الفساد واللة المستعان

دعوة لاحياء المقاطعة

السلام عليكم ورحمه الله

الاخوة الكرام

ادعوكم من هذا المكان وكل من يقرا هذه السطور الى :

المقاطعة المقاطعة المقاطعة المقاطعة

اخى الكريم اخى العربى اخى الانسان

اننا يتم قهرنا واذلالنا فى اوطاننا والحكومات العربية العميلة لامريكا واسرائيل تعمل على ذلك فأقل شئ مطلوب منك ان تقاطع كل ما هو امريكى او صهيونى اسرائيلى ( وقد امتلات اوطاننا بهذه المنتجات )

صن كرامتك صن عزتك صن عرضك شارك اخوانك فى فلسطين ولبنان والعراق محنتهم

و

قاطع قاطع قاطع قاطع

الطائر المصرى الحر http://egyptianfreebird.blogspot.com

بلا مقاومة بلا بتاع سيبكوا بقى مالكلام ده ههههه طبعا بهزر تحية لكل من يقاوم الاحتلال و ليخسأ من لا يقاوم الإحتلال فى العراق من مراجع الشيعة المنافقين اللى يقولوا المقاومة فى لبنان المقاومة و هما فى بلدهم متواطئن مع أمريكا ههههههههههههه

قرأت آراء التيارين المتناقضين تيار الكرامه و المقاومه و تيار الرضى بالسلام و لست ادري لماذا الردح و قلة الأدب عند اختلاف الرأي فيا ساده انه من يختلف معي ليس بالضروره ان يكو خائن او عميل او سطحي او جاهل وذلك لأنه ببساطه لا شئ ثابت الا كلام الله و الأراء و المعتقدات متغيره فمن يرضى بالسلام الأن قد يغير موقفه غدا في الوقت ده يكون عميل و لا ايه و اليكم هذه القصه الصغيره حيث انه يحكى ان كان هناك ثلاثه ثيران أبيض و أحمر و أسود يعيشون في غابه في منتهى السعادة لحين ما جاء الى الغابة ثعلب ماكر صهيوني كلما حاول ان يأكل احدهم تصدي له الثلاثه فأرتد خائبا الى ان جاء في يوم الى كل من الثور الأسود و الأحمر على حدى و قال لهم سوف اعقد معكم معاهده انني سوف ابعد عنكم للأبد اذا تركتم لي الثور الأبيض ووافقوا فأكل الثور الأبيض ثم بعد حين من الزمن جاء للثور الأسود و قال له سوف أرحل من الغابه اذا تركتني آكل الثور الأحمر فأكله وعندما انهاه و طالبه الثور الأسود بالرحيل ( الى حدود 67 مثلا ) كشر عن انيابه و هجم على الثور الأسود المسكين اللذي ظل يصرخ أكلت يوم أكل الثور الأبيض ؟؟؟؟؟؟ فيا من تفرحون بالسلام مع أسرائيل و يادعاة الأناماليه اعلموا ان موعدكم آت قريبا فأسرائيل دوله مثل النار لا تعيش بدون ان تأكل احد و معاهدة السلام تلك مرحلة تحييد لأكبر قوه بالمنطقه لحين ما ينتهي الثنائي أسرائيل و امريكا من دورهم اللذي بدأ بالعراق مرورا بلبنان و سوريا و أيران و الخليج عند ذلك سوف يأتي دورنا ياريت حكامنا الخونه يصحو و يعرفو انهم سيقفون يوما امام الله في يوم رهيب و يسألون عن كل هذا يوم يقولون ياليتني كنت ترابا

I read this article and it makes sense in every single word in it:

أسئلة حائرة إلى حسن نصر الله

من علاء: "سيب رابط بدل ما تسيب نسخة كاملة من المقال"