You are here

المستحيل نمرة مش عارف كام

Primary tabs

لسه مش عارف ألم نفسي و أكتب عن يوم الانتحابات، كل شوية يجيلي تلفون يقوللي على مصيبة شكل.

فصلت و قررت أقعد أهاك في الموقع أفيدلي و أكرملي

بس في وسط الزيطة دي كلها خبر شد انتباهي جدا، بعد ما شفنا بنفسنا فساد و تواطئ و موالسة القضاة (و النضيف منهم بيكبر دماغه أو يبعد عن الشر).

يا عالم ياهوووووه الاعادة في دائرة قسم المنيا بين مرشح الأخوان و مرشح التجمع

سمعتوا دي؟ ركزوا شوية و نعيد

الاعادة في دائرة قسم المنيا بين مرشح الأخوان و مرشح التجمع

يعني في مصر قاضي محترم بحق

أظن التحية و التقدير واجبة

Comments

and no NDP impossible ,this is a miracle

الإعادة بين مستقل ووفدي على مقعد الفئات.

موش عارف أقولك ايه ، بس عارف الكلب لما ترميله عضمة؟

ماشي يا عم مقبولة منك

يا سيدي بنقول نحيي الناس اللي هناك، هي ملهاش أي تأثير لأن نائب و لا اتنين مش هيفرقوا، بس الاشراف القضائي هناك واضح أنه عمل شغله، قارن ده بامبابة مثلا.

شكلك كدا يا عم علاء عاوز تقول خير اللهم اجعلة خير ان الانتخابات اتزورت انا شايف اننا نختشى على دمنا ومنتكلمش وسيبك من حكاية التزوير واسع النطاق و الكلام الفاضى دا و نستنى لحد ما نشوف اية الى حيجرى فى الاعادة الاخوان نجح منهم 4 و بيعيدوا فى 41 دايرة و الاعادة هيا الى حتبين ولا يمكن الحكومة حتزور للاخوان كمان

يا عم أنا كنت هناك لما التزوير تم في الجيزة و امبابة و الدقي، أنا بتكلم عن حاجة حصلت بجد، عشان كده النتيجة بتاعت المنيا غريبة جدا

بس يعني عادي واحدة و فلتت منهم.

روح بص على موقع كفاية و شوف تقارير التزوير واسع النطاق و اختشي على دمك انت

تصدق ان انت مبتفهمش بجد هوا انا يا مايل قلت ان مفيش تزوير دا انا بتحسر على خيبيتنا التقيلة و الشكل المهين الى احنا فية عمالين نتكلم و نقول كلام كبير و كل واحد بقة قد كدا و مفيش ولا واحد ونجح و خمسة بس بيعيدوا من الجبهة و الى اقصدة بحكاية الاخوان ان هما الوحيديين الى الحكومة برغم جبروتها الى عملوا حاجة وقصدى بانتظار الاعادة اننا حنشوف فيها التزوير الشرعى الى اتكتب عنة فى كتب التزوير و سلملى على الجبهة و لا يسعنى فى هذا المقام الا ان اخص حركة كفاية بالشكر و اقلك بجد كفاية بقى كلام لحسن الواحد بيتعب و نفسيتة بتنقح علية

يا عم انت وضح كلامك بس عشان انت بتقول كلام مهم و مش ناقصة غموض هي

أعتقد وجود الأخوان كقادة المعارضة يهم الحكومة جداً لأنّ ده فيه رسالة واضحة لفلتة عصره اللي في البيت الأبيض..

R

طب ليه مش قايلين هنا إن فيه حد تجمّع، قايلين مستقلين؟ نفس الموضوع في كرداسة، مش جايبين سيرة الوفد؟ عمومًا أكيد المصدر ده، وإن كان "رسمي"، فيه غلطات. قايلين في أسيوط الإعادة بين 4 منهم 3 وطني؟؟؟

طيب يا علاء لو القضاة فيهم الفاسد و المتواطئ و الموالس للحزب الوطنى و الحكومة

.. انت اية رأيك ممكن يكون الحل ؟ لنعتبر ان 2010 بعد بكرة ، انت شايف الانتخابات علشان تكون انزه مين يشرف عليها و تكون شكلها اية ؟

مش متأكد ايه اللي ممكن يتعمل بس شوية خطوات اهيه و نفكر تتعمل ازاي

  • نمسك كشوف الناخبين و نمشي وراهم فرد فرد ندور عليه و أي استهبال نلاقيه نروح المحكمة و نحاول ننضف الكشوف
  • نتعرف على المسجلين و نقابلهم وجها لوجه و نقنعهم يشاركوا
  • نقنع المسجلين تلقائيا يستخرجوا بطايق و يشاركوا
  • نشجع الناس تسجل نفسها و تشارك
  • نطالب برقابة أجنبية على الانتخابات
  • نوسع موضوع رقابة المجتمع المدني و الرقابة الشعبية
  • تقراير فضح التزوير تذكر أسماء القضاة المتواطئين و نبتدي نفكر نعمل فيهم ايه (حملات تجريس، الاتصال بعائلاتهم و تبليغهم أن قريبهم ابن شرموطة مثلا)

بس كل ده حسوكة من غير ما يبقى فيه مرشحين الناس ليهم صدى و معروفين عند الناس بجد و ده مش حيجي من غير ما الناس تنشط على مستوى دايرتها و تتفرغ للموضوع ده و تجربة كمال خليل هنا هتكون مهمة جدا عشان نشوف هل هيقدر يبني ثقة مع الناس ولا لأ.

للأسف المعارضة لا تهتم بالمحليات بالمرة، مع أن السياسة بالنسبة للناس هي المحليات، و دي أحنا مش جاهزين لها خااااااالص

أنا مش شايف أن التظاهر ما جابش فايدة، أنا شايف أنه لازم يتطور و يتحرك في أماكن أكثر تنوعا، تجربة المظاهرات الفجائية لشباب من أجل التغيير كانت كويسة لكن للأسف كان الهدف منها هو الدعاية لمقاطعة انتخابات الرئاسة اللي هو موقف عبثي، المفروض تتكرر و في أماكن أكتر بس بأهداف ليها معنى عن كده.

يا جماعة والنبي انا شايفة ان مرشح التجمع ده (وجيه شكري ساويرس) لا زم كل اللى شايف نفسه يساري او ديموقراطي او علماني او اي حاجة في السكة دي يسانده...

رغم ان كتير مننا عنده خلافات مع التجمع بالهبل

انا شخصيا بدأت اتصل بصحابي الصعايدة او اللى اهلهم صعايدة واسألهم عشان اللى له صوت في دائرة بندر المنيا يروح يصوت ويدعي الناس كمان

النتيجة الحقيقية ان فى اتنين من الوفد بيعيدوا و اتنين من التجمع بيعيدوا و واحد مستقل عن الجبهه بردوا و واحد و اربعين من الاخوان دا غير الاربعة الى فازوا و الحزب الوطنى فاز منة خمسة و عشرين و فاز واحد مستقل شكلة بيشاور عقلة و حينضم للوطنى لا والجديد ان الحزب الوطنى بيعيد تسمية مرشحية فى الدواير الى مرشحينهم سقطوا فيها ودا من المستقليين طبعا كل دا كويس انما بعيدا عن التزوير والكلام دا السؤال الحقيقى اية الخيبة الى فيها المعارضة وقصدى المعارضة المشروعة مش الاخوان لحد امتى حتفضل المعارضة عبارة عن نخبة من مجيدى الكلام بدون اى تواصل مع الجماهير و فين هيا نتيجة المظاهرات الى قامت بيها كفاية و غيرها و اللة الاخوان و معروف اصواتهم بتيجى منين يا منهم يا من الكم المتعاطف معاهم و الى هما بيجيدوا كسبهم انما المعارضة فين فين الوفد و التجمع و الناصرى و الوسط و الكرامة و العمل و الاحرار و مصر 2000 و الغد الناس دى فين غير النت و الجرايد و التليفزيون هوا دا السؤال بجد التيجة دى بتقول ان من حق الحزب الوطنى من حقة يعمل ما بدالة و لا عزاء للديمقراطية (ملحوظة: المعارضة دى لو معارضة حقيقية كانت على الاقل دخلت اعادة رغم التزوير) وعموما لسة الاعادة و المرحلتين الى باقيين و ربنا يستر علينا