You are here

اللوبي الصهيوني القادم

Primary tabs

الكلام ده كان تعليق عند الكافر الزنديق الكخة بن عبد العزيز

الحقيقة كلامي مخلصش و كنت ناوي أكمل عليه، بس لقيت الموضوع مينفعش، لو بتكلم بغرض أني أفش غلي و أفضي شحنة جوايا فلأول مرة هلاقي نفسي بعمل رقابة ذاتية و بمنع نفسي من أني أقول كس أمين أم .... ولا بلاش

لو بتكلم بغرض التوعية بمشكلة هلاقي تدوينة واحدة متقضيش و على المهمة أكبر مني بكتير، للأسف عشان نفهم ايه اللي بيجرى حوالينا محتاجة محاولات دئوبة لمتابعة و تمحيص الاقتصاد و التكنولوجيا و الحركات السياسية الجديدة و و و و. و الكلام ده أنا أصلا معرفش فيه غير القليل يعني لازم عشان نفهم نفهم مع بعض، نتناقش و ندور مع بعض. يمكن بعدين ألاقي وقت أكتب حته من اللي أعرفه و يمكن بعدين حد تاني يلاقي وقت يكتب حته تانية و بالراحة بالراحة كده نوصل لحاجة.

المهم دلوقتي التعليق أهه زي ما هو و خليها كده أحسن:


أنا بقى اللي مضايقني و قالقني من الموضوع ده كله جملة واحدة، جملة تدل أولا على جهل عميق و تكشف نوايا مستقبلية منيلة بنيلة

من الآخر المسلمين مش هيرتاحوا الا لما يتحولوا للوبي صهيوني تاني يرعب الدنيا و ينحر في الحريات و يلغي أي فرصة للحوار العقلاني

شوفوا الفسل بيقول ايه

> حتى ولو نجحت بعض هذه المحاولات في إقناع الشركة المستضيفة للموقع بإغلاقه فإننا لاحظنا أن الموقع لا يعجز عن إيجاد شركات أخرى مستضيفة طالما أن هذه الشركات لا تسعى سوى إلى الربح المادي بالدرجة الأولى .

مش عارف أبتدي منين، من أول طول ما الشركات غرضها الربح؟ حقيقي علامة أعاد أكتشاف أهم ثوابت الاقتصاد سيادته؟ سيبنا من دي عشان دي منقشة طويلة في طبيعة الرأسمالية و البتنجان.

خلينا في لاحظنا أن الموقع لا يعجز عن إيجاد شركات أخرى مستضيفة.

برضه مفيش أدنى فهم لقيمة حرية التعبير، مبقولش نؤمن بيها كل واحد حر يؤمن باللي هو عايزه، بقول تفهمها تفهم مدى انتشارها في المجتمعات الديمقراطية الحديثة (خصوصا الغربية) و تفهم الصراع المستمر من أول ما ظهرت الانترنت للحفاظ عليها كمساحة لحرية تعبير مطلقة، الانترنت صممت لتكون حرة غصب عن عين أي حكومة في العالم. يعني ايه الكلام ده؟

يعني مش بس الفكر المطارد هيلاقي شركات تستضيفه و كمان هيلاقي أفراد و جماعات و جمعيات تستضيفه.

ثعني لو فيه كلام عنصري بغيض و مغالطات واضحة ضد المسلمين و العرب على موقع نجح اسلام أونلاين في حجبه هيلاقي مليون مكان، أنا هديله مساحة عندي ما بالك اللي لا ينتمي للمسلمين و العرب أي انتماء (عرقي، ثقافي، ديني، سياسي، بتنجاني).

الثابت في الانترنت هو أن المعلومات عايزة تبقى حرة. أي حد متابع هيشوف أزاي تقريبا كل حكومات العالم (بما في ذلك حكومات الدول الغربية الديمقراطية) بتحاول تقلص حرية التعبير على الانترنت و بتستغل فزاعات زي بورنو الأطفال و الارهاب و انتشار الفايروسات كحجج، و بيشاركهم الرغبة دي شركات و مؤسسات مالية ضخمة متضررة من أولا الخطر الحقيقي في تقليص دور شركات التوزيع و الانتاج فيما يخص المنتجات الثقافية و الاعلامية (المحتوى الحر، الانتاج المستقل، البرمجيات الحرة، الأطر الاقتصادية الجديدة على الانترنت) و ثانية متضررة من اعادة توزيع منتجات تلك الشركات بشكل غير قانوني على الشبكة (ما يطلقوا عليه القرصنة)، و أخيرا الشركات المذعورة من قدرة التجمع البشري الانترنتي على البحث و التقصي وراء ممارسات تلك الشركات و كشف عيوب منتجاتهم، روابط الشركات ببعض، روابط الشركات بالسياسيين، التأثيرات البيئية السيئة لعمليات الانتاج أو المنتجات نفسها، وقائع استغلال العمالة الخ الخ الخ

التكنولوجيا دي من أهم الحاجات اللي بتمكن الشعوب الواعية النتعلمة الناشطة و تتيح لها تقرير مصيرها و ممارسة ديمقراطية مباشرة و رقابة كاف السلطات بما في ذلك السلطات المالية، التكنولوجيا دي اتولد منها حركات سياسية في كل حتة في العالم مسببة صداع لكل الحكومات، التكنولوجيا دي عنصر أساسي في تجديد شباب حركات سياسية بتاخد خطوات ثورية/تقدمية مهمة في أفريقيا و أمريكا اللاتينية.

لكن نيجي أحنا زي البهايم و نتخانق معاها، و واضح جدا قد ايه الاسلاميين استفادوا من الانترنت و من الحرية عليها، لكن واضح جدا قد ايه بيكرهوها و ناوين لها على مصيبة، الفسل بيقولك لو مكانش بس همهم الربح كان زماننا طلعنا ميتين أبو اللي يستجرأ يتكلم، و موضوع الدنمارك وضح القدرة الجبارة للاسلاميين على بث الرعب في النفوس، و الجلالة خدتهم و قاعدين يتكلموا عن الخطوة الجاية الطابور الخامس (مقصود بيه نجيب محفوظ و أمثاله) و عن لو كنا سمعنا كلام الخوميني و قتلنا سالمان رشدي و الخ.

و أفكركم مين أكتر حركة سياسية في مصر عرفت تستفيد من الانترنت، و مين الحركة السياسية الوحيدة في مصر اللي بتطالب بقوانين رقابة على الانترنت؟

و بس بقى كفاية كده أنا خرمت في موضوع ملوش دعوة كالعادة و لو فتحت فيه مش هقفل أصلا


و بعدين بما أني لجمت نفسي و محققتش حاجة من دين أم التدوينة دي مش عارف أختمها ازاي، هنلافيها من بوش ولا من هاليبرتون و لا من مايكروسوفت ولا من ديزني ولا من شل و لا من مبارك و لا من سيد عبد العال و لا من مهدي عاكف و لا من شارون ولا من كل فسل ربى دقن في مخه ولا م علينا

كس أم العمرانية
ألف مرة
عدد شعرة بضان التنين البمبي

Comments

طيب فشيت خلقك وطقيت حنقك الخطوه التاليه ايه ؟ استحمل بيضاني بس انت قلت جمله عجبتني في وسط كل مدافع الخنقه اللي طلعت قلت

يعني لازم عشان نفهم نفهم مع بعض، نتناقش و ندور مع

في اّليات معينه ولا زي ما احنا كل واحد تطلع في دماغه تدوينه يكتبها وممكن حد يجي في الاخر يجمع دا كله ويطلع بفكره ؟

سؤال منطقي عقلاني بحت انت شفت ان التنين البمبي عنده شعر فوق بيضانه اصلا ولا الموضوع سماعي حدثنا مروان حدثنا اسماعيل عن جيزه بن نعمان (معلش داخل انام ومبضون فقلت اطلعهم عليك وامشي)

http://malek-x.net/

مش عارف ليه يا مالك بتبقوا مستنين مني حاجة كبيرة أنا مش قدها بالمرة

معرفش أنا في آليات ولا لأ، يعني الواحد المفروض يقرأ و يفكر و يحلل، لو قريت حاجة مهمة دون عنها عشان نعرف، و لو رصدت حاجة مهمة أحكي عنها و هكذا مظنش في آليات أكتر من كده.

المشكلة بالنسبة لي تبدأ ازاي، مثلا من يومين دخلت بنية أمريكانية عندنا و قالت أنا قريت كلام غضب من حكومة بلدي و أنا لا أثق فيهم بس مش عارفة ايه اللي بيجرى بجد أنت رأيك ايه في أمريكا.

قلتلها جزء من رأيي بالمختصر، قالتلي طب أشرحلي أمريكا ساندة حكم غاشم زي حكم مبارك ازاي، لقيت أني مش هعرف أشرحلها، لقيت أن لازم خلفية واسعة عن يعني ايه المنطقة أصلا و يعني ايه العيشة في مصر، أشرحلها ازاي تأثير ضغوط و نصائح مشروع تطوير التعليم بتاع المعونة الأمريكاني على تغيير نظام الثانوية العامة؟

يعني أولا ازاي أصلا أوصف المصيبة اللي اسمها الثانوية العامة؟ ازاي أوصف الوضع؟ و أجيبلها دليل منين؟ و كده بقى على طول الخط، لقيت البنية لازم تعرف كمية حاجات رهيبة و الا مش هتفهمني أصلا.

طبعا ده عجز عندي أنا بس في النهاية هعمل ايه؟

أنا يا سيدي عشان أشرح اللي أعرفه (و هو قليل) عن الصراع على حرية الانترنت هحتاج أحكي كتير جدا جدا في تفاصيل تقنية و في تاريخ التكنولوجيا نفسها، و هحتاج احكي عن لحظات كتير يا أما محورية يا أما بتوضح تطور الموضوع و مش هعرف أبدأ فين ولا فين، و لازم يا أما تكون أصلا تفكيرك شبه تفكيري شوية عشان تقتنع يا أما تكون مستعد تبحث ورايا و تبذل مجهود يا أما أنا أكون أشطر مرات و مرات و مرات عشان أعرف أناقش مسلماتك (مثلا المناقشة اللي من يومين على بلوجر أجدع ازاي الراجل قالك دي جووحل يا جدعان، لازم أنا أصلا أهد حتة أن شركة كبيرة دي معناها أي حاجة فيما يخص نقاش عن أي تكنولوجيا أفضل و دي خارج حدود قدراتي).

في الآخر هقولك كلام عايم و أقولك على كتابين تقرأهم هو ده اللي هقدر عليه، و لو أنت مقريتش يبقى أنت مستفدتش أي حاجة.

و بعدين أنت بالذات هقولك كتب هتقوللي مفيش كتاب بالعربي و أنا بقى هعملك ايه، حركة ترجمة جديدة عشان يمكن حد يقرأ عشان يمكن حد يفهم عشان يمكن حد يتحرك عشان يمكن حدي يوصل لحاجة و نحسن الوضع شوية؟ يكون اسلام أونلاين و أبو اسلام و جمال مبارك فشخونا و علقونا في ميادين عامة.

بس بقى أنا كتبت يجي أربع فقرات مختلفة و مسحتهم، كل واحدة بتوصل لشتيمة مش هتيجبني لبر و أنا مكسكس من أول الموضوع و مالوش لازمة، خلي اسلام أونلاين في اللي هما فيه، أنا من زمان وصلت لأن اللي اختار الغباء كخيار أيديولوجي هو أكبر خطر على البشرية. لأن اللي له مصلحة ينفع تساومه، توجعه في مصلحته، تتصرف يعني لكن اللي ملوش مصلحة و ماشي زي التور يخبط، اللي بيدور على حد يركبه و يشتغله و يسترزق منه (من الآخر اللي بيصدق أبو لبن) ده هتعمل معاه ايه؟ واحد مستعد يعمل ضد مصلحته بس ميبطلش غباء هتعمله ايه؟

الجدع بتاع جوجل ده رديت عنده من كام يوم بس طبعا مسح الؤد عشان واضح ان ازاي وازاي أقول حاجة تتعارض مع اللي هو مصدقه.

Which proves that stupidity is the most ideologically intelligent choice to take... lol

المصيبة يا علاء ان الناس دي بقى كلامها مرجعية والأي كلام اللي بيقولوه بيبقى منزل ويبتدي الناس يطبقوه في حياتهم وتصرفاتهم و في الآخر يقوللك المسلمين بيقولوا كده وبيطالبوا بكده، مع ان ربنا اصلا مدينا حرية الاختيار والتفكير، قاللك الصح ايه والغلط ايه وسابك تختار، مش حأستشهد هنا بآيات من القرآن عشان مايبقاش رأيي لا رجعة فيه، اللي عايز يدور وحيلاقي بدل الآية الواحدة كتير.
وبعدين دايما بياخدوا الاختيار السهل، اللي يقول حاجة مش عاجباني افشخه واكفره، ويبقوا كده هما بنفسم بيكسروا قاعدة اساسية بس بالنسبة لهم مش مهم طالما الناس حيسمعوا كلامهم وخلاص.
بص يا معلم في الاسلام اللي أنا أعرفه مافيش حاجة اسمها رأي مخلوق لا يرد، طول مافي دنيا وناس وعقول يبقى فيه اختلاف مقبول.
شكلي كده حأدخل في موضوع محتاج مدونةلوحده وأنا ماسك نفسي من الصبح بالعافية.
الخلاصة ان طبيعي حاييجي حد يكفرني ويزندقني دلوقت مادام بأفكر وأدخل تاني في موال زمان، وأنا شايف أنه وقت مش مناسب خالص خصوصا اني داخل على جواز ومش طالبة دعوى تفريق.

كل ده ماشي و مفهوم و معلش جزء طبيعي من الخلاف طالما الناس أقرت أم مرجعيتها لازم تكون دينية

ايه علاقة بقى الكلام ده بأنك تنحاز سياسيا مع اللي أنت بتشتكي منه في مواقف لو ركزت هتلاقيها هتفشخك أنت الأول؟

ايه دخل الخلاف ما بين ذوي المرجعيات الدينية على كيفية فهم تعاليم الرب في كيف تدار الانترنت.

و بعدين ماشي، أنت شايف أن القرآن بيقول بلاش حرية تعبير و بلاش و الانترنت تولع، ماشي أنت حر، ليه مش قادر تفهم طبيعة الأشياء؟

مبقولش تقبل، هو أنت ينفع تغير حاجة من غير ما تفهمها؟ يعني الكائن الحيوان بتاع اسلام أونلاين (و ما أدراك ما اسلام أونلاين) في جملة واحدة أثبت جهله التام بالاقتصاد و السياسة و القانون و التكنولوجيا.

زي البهايم اللي ماشية تقولك هو حد يستجرأ يتكلم عن الهولوكوست، لحد ما بقى معرفة الفرق ما بين الدنمارك و فرنسا بدعة و كل بدعة زي ما أحنا عارفين ضلالة.

فاهمني يا عزبي؟ أنا اللي فارسني مش النتائج الرجعية اللي الناس دي بتوصلها و لأن مع احترامي ليك و لمالك و لبن عبد العزيز المرجعية نفسها هي المصيبة و مستعد أتحمل مسألة التحالف مع قوى الامبريالية و الظلام على أساس أن دي يمكن براجماتية و بعدين ما هو أغلب المتأسلمين يمين و يمين متطرف كمان و لولا بعض المشاكل التاريخية كان زمان التحالف أقوى بكتير.

لكن ليه الغباء؟ ليه الغاء المخ؟ ليه رفض البحث عن المعلومات و تقصي الحقائق أصلا؟ ليه التعامل مع اللحظة الراهنة كأنها اللحظة الوحيدة؟

و ازاي مش مكسوف لما تطلع حمار؟

و أفكرك باسلام أونلاين، اللي كل يومين يطلعولنا بمقال عن ازاي واحد عربية مسلم في جامعة مش عارف ايه عرب اللينوكس أو عرب اكس ويندوز و طبعا لا يبقى ده بني أدم أي حد فينا سمع عنه و لا بتاع.

هل تفتكر الصحفي مصدق الكلام ده؟ هل الصحفي معرفش يعمل جووجل؟

يابا ناس يا أما جاهلة يا أما نصابة بتتكلم مع ناس يا أما جاهلة يا أما نصابة و بتتعامل مع جمهورها على أنه يا أما جاهل يا أما بينصب على نفسه.

و من الآخر كده واجه نفسك و شوف، يا ترى الناس دي لما تحاول تفهم هتكتشف ايه؟ هتكتشف أن مفيش حرب على الاسلام و لا حاجة و أن المسلمين و الاسلام و لا يفرقوا مع الدنيا ببصلة و أن الموضوع كله براميل بترول و أحنا و أدياننا و أنبيائنا و مقدساتنا و ثقافتنا حاجات بايخة كده جاية في السكة.

تفتكر سهلة على الواحد أنه يواجه نفسه بده؟ أنه يعترف أنه بيتناك يوميا هو و أهله شامي و مغربي عشان اعتبارات مصلحة مادية مباشرة هو ملوش فيها و لا له تأثير عليها؟ في حاجة محبطة أكتر من كده؟

طبعا لأ الواحد أسهله يصدق أنه وحش، دكر جامد و العالم كله خايف منه، أنه العالم عارف أن المسلمين معاهم الحقيقة (متشوف الخول m4m اللي مصدق أن الناس كلها عارفة أن الاسلام هو الحق بس متمسكين بأديانهم منيكة) و أن المسلمين قوة جامدة قوي قوي قوي و بتعرف تحرق أعلام كمان و أن و أن و أن و أن الناس دي من كتر ما هي مرعوبة مننا قاعدة ما بتنامش الليل تحيك في مؤامرات و تجهزلنا خطط محكمة، مش عشان البترول لا سمح الله بترول ايه يا راجل ده عشان خافين مننا.

و طبعا عشان تصدق الكلام ده لازم تلغي عقلك تماما (بالظبط كده زي ما البيهمة الأمريكاني لازم يلغي عقله عشان يصدق أن العالم بيكرهم عشان غيران منهم و بيكره حريتهم مش عشان اللي أمريكا بتعمله).

و نلغي عقلنا دي بقى سيادتك توصل لمراحل خرافية، مدون مسمسم قد الدنيا بيقولك التتار و الفرس جزء من الحضارة الغربية.

أحا التتار و الفرس جزء من أنهه دين أم حضارة؟ الحضارة الغربية، و محافظة المنوفية تتبع أنه حضارة لو سمحت.

اللي أنا بقى مش فاهمه بني أدم زي ده بيعرف يعمل حاجة معقدة زي أنه يعدي الشارع ازاي؟

و بس بقى كفاية كده.

يعني لازم لماتتعامل مع الناس دي تبقى عارف ان جهلهم هو القاعدة، ولو لقيت حد بره القاعدة دي بيبقى نادر جدا.
ماتحكيليش عنهم عشان عارفهم كويس وكان ليا معاهم تجربة مفيدة همه والمواقع المتأسلمة التانية مأقدرش أحدد عشان مأظلمش حد معايا في السكة.
الشخص اللي بعت الرد ده لابن عبد العزيز بيسدد خانات في دفاتر وبس، ونص الرسالة غالبا قص ولصق من اصطمبة جاهزة كاتبهاله مديره اللي مايعرفش حاجة عن الانترنت غير الهوتميل والمواقع السخيفة، حتى تعاملهم مع حقوق النشر في موقعهم غالبا كاتبه محامي ماشافش في الانترنت غير صور نانسي عجرم.
القصة ان ليه الواحد لازم يواجه نفسه ويسأل نفسه طالما في ناس بتديله حاجات جاهزة وبيريح دماغه.
الجدع اللي قال ان الناس عارفة ان الاسلام فيه الحقيقة بس بيستعبطوا (رقابة ذاتية) ماحاولش يدور ويقعد مع الناس دي ويشوف بيفكروا ازاي وفي ايه عشان خايف على روحه عشان علموه في المدرسة ان التعامل مع الآخر ممكن يزعزع ايمانه وهو مش عارف انه كده بيشكك في ايمانه نفسه.
أحب أفكر الناس دي ان ربنا ضربلنا أمثلة بالأنبياء وان كلهم كانوا بيفكروا ويبحثوا عن الحقيقة ماخدوش الحلول الجاهزة وخلاص.
ماباقولش ان الواحد ينخور ويدعبس في كل حاجة بيعملها ﻷنه مش حايخلص بس على الأقل يعمل عقله في الحلول اللي بيختارها، بس ابقى قابلني، لو كان الموضوع كده ماكانش بقى فيه حكومات مستغلة ولا ديانات عبثية.

يا أخ عزبى..أشكرك أولا على رقابتك الذاتية اللى منعتك تشتمنى..ثانيا أذكرك أنه اذا جاءنا فاسق بنبأ فلنتبين...قبل ما تاخد الكلام عميانى وتزود عليه كمان كنت دور وشوف الجدع اللي قال ان الناس عارفة ان الاسلام فيه الحقيقة بس بيستعبطوا (رقابة ذاتية) ماحاولش يدور ويقعد مع الناس دي ويشوف بيفكروا ازاي وفي ايه عشان خايف على روحه عشان علموه في المدرسة ان التعامل مع الآخر ممكن يزعزع ايمانه وهو مش عارف انه كده بيشكك في ايمانه نفسه. ده برضه كلام؟ طب بالله عليك "الجدع ده" اللى هو أنا قال كده فين؟ وعلاء ماقالش بيستعبطوا رحت انت مزودها؟ عموما ياريت تقرا ردى على علاء وتقرا موضوع رسومات الدنمارك..ونصيحة ماتمشيش فى موجة الكلام التنظيرى عن الاسلام انسياقا ورا الأخ علاء..انت صحيح كلامك مافيهوش مشاكل بس احترس من سكك مسيو علاء. نقطة أخيرة خاصة بردك الأول...تذكر دائما أنه كل ابن ادم يؤخذ منه ويرد عليه الاصاحب هذا القبر..والمقصود به خير الخلق سيدنا محمد صلى الله عليه وسلم وشكرا

أنا مش فاهم يعنى هو جر شكل يا مسيو علاء؟..أنا جيت ناحيتك فى حاجة؟ شديت ضفايرك المقملة؟ حسست على طيازك الناعمة عشان تقول عليا خول؟ مالى أنا بالموضوع ده؟ وعموما حاعمل زيك وأقول لك شاور لى ع الحتة اللى ف كلامى اللى بتقول كده...أنا ماقلتش خالص ان كل الناس عارفة ان الاسلام هو الحق..أنا قلت كل المسيحيين اللى أعرفهم (خد بالك من اللى أعرفهم..ماباقلش كل المسيحيين ولا كل الناس) ودى حقيقة..أنا أعرف حوالى 10 أو 12 مسيحى معرفة قوية..مش مقصود كل اللى باقابلهم...وبعدين قلت احنا على الحق ياعلاء..واحنا (أقصد المسلمين لأنى ماعرفش ملة سيادتك)..احنا فعلا على الحق..والله متم نوره ولو كره الكافرون. أنا مش فاهم ليه جر الشكل والقذارة فى الكلام؟؟

طيب بصفتك واحد مسلم مش عيب عليك تشتم كدا و تسب و تعطى صورة سيئة عن الاسلام و المسلمين خصوصا ان ليك اصحاب مسيحين؟ تفتكر اصحابك المسيحين نظرتهم ليك ازاى لما يشوفك بتشتم كدا .. مش ممكن يعتقدوا ان الاسلام هو دين الشتيمة و ان كل المسلمين شتامين زيك؟

عيب عليك يا اخى، عيب جدا الالفاظ دى واحد مسلم زيك يستخدمها هدانا الله و اياكم حسن السبيل

تصدق انى اتاخدت وكنت حاصدق لولا انى خدت بالى انك ابليس..أعوذ بالله منك ومن ذريتك...طبعا انت بصفتك ابليس ومسيو علاء من تلاميذك البارين مش عاوز تغلط الباشا اللى شتمنى بدون سبب وهو بيتكلم مع صيدلية العزبى فعاوز تلبسنى أنا الغلط...ملاعيب ابليس صحيح. وبالنسبة لاصحابى المسيحيين ماتقلقش..هما كمان بيشتموا اللى يستاهل الشتيمة وماباقولش ان المسيحية دين الشتيمة..وطبعا أنا واخد بالى انك بتتريق لكن ولايهمنى...ابعد يا شيطان

Mate,

I really like your blog, it sort of connects me to what happens in Egypt, which is suppose to be my country of origin though, I have never been there.

However, to say that it is only Oil, which is not true. That is because a simple look into history would find that the Crusades were there long ago, before anybody thinks of using oil or of Middle Eastern Oil.

The second thing is that, 1.2+ or maybe 1.4 Billion people are a big market, no matter where they are, and this huge number of people with a common ideology still represents danger to any other opposing ideology or thought (even if it were liberal democracy).

For instance, you can see how the US has showed very strong zeal in apprehending so many of the Serbian leaders who participated in the war in Bosnia or in Kosovo. This is not because these people have oil, it is because they have an ideology of a Greater Serbia, the Slavic superiority, Slavic glory, and this does not fit what the vision of Western Europe or the US's leaders.

The balance of power in the world is related to the distribution of resources that is true. However, the number of people defines the size of the market, and strong ideas and ideologies that can move people around is also a problem, it can pose an alternative model that could hurt big companies and their countries.

If you recall one aspect of Ghandi's movement when he made for the ocean to make salt all by himself and invited his people to follow him, so as not to buy salt sold by English companies.

Muslims are strong. So many years ago on the BBC ( I think it was recorded in the 50's), Professor Arnold Toynbee bee was featured to talk about his theory of Civilization Decline. In one on of these episodes (I only have the script, I am not that old), he speaks of the first time in history where people of different ethnic origins, or different tribes, cities, geographical entities, were gathered around one ideological cause (religion). The grouping element was for the first time ideological (not related to a region, or an ethnic group as in the past). He thinks that Islam had brought a revolutionary concept in itself, as any kind of grouping before that date had always been around the city, country, or tribe.

Think again please.

Akis

لماذا لا تكتب بالعربية الفصحى؟ هل انت امي ؟

ﻷا أنا أبوك هأو

هو تعريف جنابك للأمية ايه بالظبط؟ أظن بديهي يعني اللي عمده مدونة أكيد أميته اتمحت من زمان

و أنت بقى بتكتب فصحى ليه؟ هل أنت خول؟

TAHT IS FUNNY SHIT MAN ....GOOD ONE :)

غريب فعلا

في الحملة الكبري لمسلمي آخر الزمان يبدو فعلا أن غاية الأمل أن يصبحوا مثل اليهود

يتم استصدار قانون لمنع انتقادهم او اهانة رموزهم علي غرار قانون معاداة السامية في بعض الدول

-

-

-

الحاجة التانية اللي عاوز اقولها

ان تجمعات الاسلاميين المنفتحة - او التي تحاول ذلك - تعاني من تخبط و ازدواجية و عدم استقرار

يمكن ان تجد داخلها اطياف متنوعة جدا

و احيانا يصل التنوع لدرجة التنافر

في اسلام اون لاين علي سبيل المثال

هناك اشخاص لو يعرفهم الهمام الذي رد علي رسالة ابن عبد العزيز يمكن ان يدبر عملية انتحارية لقتلهم و تفجير المكان

و حدث بالفعل ان حسام تمام - المحرر الثقافي باسلام اون لاين - عندما اجري حوارا مع صاحب توكيل الاعجاز زغلول النجار و احرجه و انتقده قامت حملة شعواء ضده و كادت تتسبب في خروجه من اسلام اون لاين

-

-

و هانروح بعيد ليه

مالك الذي يرد هنا عضو في حزب الوسط " الإسلامي " ...لكن " المدني " علشان ما يزعلش هو و أبو العلا

فيه ناس تانية في الوسط قعدت انا ومالك معاهم علي القهوة و كانوا بيفكروا انه لازم يكون فيه شرطة حسبة ..يعني مطوعين زي السعودية

مع ان لو فيه كده فمالك هو اللي هيتجلد تعزيرا بسبب اللي بيكتبه في مدونته و في تعليقاته كل يوم في ميدان التحرير

طبعا دي مش رؤية الحزب و أبو العلا لو سمعهم هيولع فيهم

-

-

بعد الامثلة دي احب اقول ان ممكن يكون اللي رد علي الايميل بتاع ابن عبد العزيز شخص بمرتبة سكرتير او اقل

لكن الموقع نفسه ممكن تختلف معاه بس هو سياسته التحريرية انضج من كده بكتير

و كان لازم ابن عيد العزيز يتحقق من شخصية اللي بيرد

و بصراحة كده - هافصح عن انحيازي و مصالحي - انا نشرت في اسلام اون لاين موضوعين و ممكن اكتب فيه تاني و فيه مساحة حرية معقولة لمناقشة حاجات اماكن تانية كثير لا تناقشها

او تناقشها و لكن لا يقراها أحد بخلاف اسلام اون لاين و هو من اكثر 3 مواقع عربية في معدلات الزيارة

يعني انا كتبت هناك عن فيلم باب الشمس

و عن ظاهرة سامي يوسف و انتقدت في السكة الدعاة الجدد و النمط الجديد من التدين الارستقراطي

و في اسلام اون لاين هتلاقي نقد عنيف للاعجاز العلمي في القران و رموزه

و هتلاقي موضوعات عن مارسيل خليفة و دفاع عنه في موضوع قصيدة انا يوسف يا ابي اللي اتهموه فيه بانه غني ايات قران

بخلاف ان فيه تيار بيميل ناحية اليسار و بيناهض العولمة و بيكتب عن تجارب لاهوت التحرير و حركات مناهضة العولمة و الحركات الاجتماعية

بالاضافة لباب في الثقافة الجنسية منفتح جدا بالمقارنة بالمواقع الاسلامية التانية و غير الاسلامية كمان

-

و انا - بغض النظر عن مصالحي و تحيزاتي - اراهن علي ان موقع اسلام اون لاين يمكن ان ينقل وعي الشباب المسلم خطوة للامام و اخري لليسار

خطوات معقولة و كافية في رأيي

http://mabadali.blogspot.com

معلش أنا سمعت الكلام ده كتير عن الموقع و مع ذلك أكيد حكمي المبني على خبرتي الشخصية هيكون أقوى

الموقع لم يتكلم في مواضيع تكنولوجيا المعلومات من غير ما يخرف، و كل ما يجيب سيرة البرمجيات الحرة تلاقي الكلام هلس في هلس و واضح جدا أن مفيش حد بيعمل بحث و لا بيراجع حقائق و الأسوأ مفتوح منبر دعاية لناس تصابة ملهاش أي صفة و مبتظهرش في أي مكان غير المواقع اللي زي دي.

يمكن يكون ده مسئولية شخص بعينه و يمكن يكون ده مخليني أظلم الموقع، أنا الحاجة الوحيدة التانية اللي ببص عليه هي فتوى أونلاين و لا شوف بيسموه ايه و ده وجوده في حد ذاته يعتبر تغييب و تجهيل في رأيي.

فبناء على اللي أنا شفته لو ده هينقل وعي المسلم يبقى بالسلامة، مش لأنه هيخليه أسوأ لا عادي لكن لأني مش شايف فرق.

أنت الفرق اللي شايفه تفتح و فتح مساحة لآراء مختلفة، خد بالك أنا أصلا دي مفرقتش معايا لأن من حقهم يبقى لهم توجه بعينه و مهماش ملزمين بنشر الرأي الآخر خالص، لو عملوا يبقى كتر ألف خيرهم، أنا مشكلتي في الجملة بتاعت حجب المواقع مش عارف ماله دي دليل على عدم فهم الدنيا بتاعت الشركات و المواقع شغالة ازاي.

أنت شايف بقى أنه لما يبقى يساريين شوية و يبقى متفتحين شوية و يدوا ثقافة جنسية بحري شوية يبقى نقلة كويسة، لا مؤاخذة و ده هيجيب بني أدمين بتعرف تنتج و تعمل بحث علمي و تصمم و تزرع و تعالج و تخترع و تبني منين؟ يا عم ما يبقوا يمينيين بس يفهموا، ما يبقى مقفلين بس يشجعوا الناس تفهم و يهتموا يعرفوا الحقيقة و يشغلوا دماغهم.

بصراحة قسم التكنولوجيا عندهم عمري ما دخلته

يمكن قسم التكنولوجيا جايبين له محرر مستواه مش و لا بد

ولان الموقع شامل جدا فرئيس التحرير مالوش علاقة كبيرة بالتكنولوجيا فمش هايقدر يحكم

ممكن في الحالة دي تعلق في ساحة الحوار و تبين جهله او كسله لو انت شايف كده

-

الموقع فكري و دعوي بالاساس

و اللي انا شايفه ان فيه ابواب كتير عندهم بتشجع فعلا علي الانفتاح بشكل ما و الاطلاع علي كل الاراء

و بتناقش الموضوعات من زوايا مختلفة بتحاول فيها انها تعرض الامور بموضوعية الي حد ما

و الموضوع الاكبر ان الاراء المختلفة و المتنوعة و الجريئة دي بيعرضها منبر اسلامي له مصداقيته

ممكن انت ما تحسش الفرق بس ده موضوع خطير عند ناس كتير و بيهز قناعات ناس كتير و تاثيره اخطر من نفس الكلام علي الحوار المتمدن مثلا

و انا فعلا شايف ان الانفتاح الفكري و الحس الاجتماعي اكيد بيخلي الناس و المجتمعات احسن من وجهة نظري

-

و الرد اللي جه لابن عبد العزيز بخصوص قفل المواقع ده راي واحد حب يفتي

احنا مش عارفين هو مين اصلا

ما اعتقدش انه بيعبر قوي عن تفكير الناس المسئولة في اسلام اون لاين

بس هو بيعبر فعلا عن تفكير مسلمين كتير في الشارع

ممكن واحد منهم عينوه يرد علي الايميلات

و الله أعلم

http://mabadali.blogspot.com

انا ممسحتش ليك حاجة ياريت تتأكد انك بتكتب و ترسل قبل متتهم الناس بالباطل ما علاء دخل و قال قصايد و بيسو دخل وكل واحد اعترض بطرقته وانفضت القاعدة و كل واحد شاف مصلحته

يمكن عزبي فهم غلط و كان يقصد حد تاني متزعلش منه.

فعلا يا اسلام، علاء عنده حق، أنا كان قصدي على مدونة تانية، أنا قلت على جوجل، جت فيك بالغلط معلش ;).

هو شوف ياعمرو في فرق كبير بين واحد لسه مبقاش عضو في حزب (اعتقد اني شرحت لك قبل كدا موضوع العضويه في الحزب ماشيه ازاي) او حتى ياسيدي عضو وبين واحد مسؤول عن باب التواصل الجماهيري يعني مينفعش احط واحد يتعامل مع الناس يكون فكره غير فكرك او حتى ما اخدش بالي منه او اعمله اختبارات او ماشابه مينفعش يكون مسؤول التعامل الجماهيري اللي بيرد على استفسارات وتساؤلات الناس يكون بالراديكاليه دي او بالشكل المتخلف والمسطح للامور كدا حتى لو قلنا شعر في اقسام اسلام اون لاين التانيه يابن الحلال دي مش اول مره يحصل حاجه زي دي افتكر من سنه او اكتر ايام ماكنا بنحاول نعمل حاجه اسمها سلام كنا بننشط في كذا منتدى وكان منهم ساحة الحوار بتاعة اسلام اون لاين انا اتبعت لي اكثر من تحذير واتشطب اي موضوع عملته ايامها مع اني كنت ايامها اسلامي اسلامي مش زي دلؤتي ممكن البعض يشكك في مكاني فين ايامها كنت لما بقعد مع مسيحين كنت بقولهم حتدفعوا الجزيه زي ما احنا حندفع زكاه ومش حيكون في ضرائب رفضوا مواضيعي في ساحة الحوار لان اكتر من عضو اشتكى اني مش اسلامي :D ونفس الموضوع حصل في مواضيع شريف هناك بردو ايامها

علاء بك

انا مش بنتظر لا حاجه كبيره ولا زوغير والله الفكره كلها بكل بساطه اني كنت بحسب عندك فكره او اليات لعمل حاجه زي كدا بس http://malek-x.net

أنا هامشي وراك ألزق التعليق دا في كل حتة؟! الأول عند ابن عبد العزيز و بعدين في تدوينتين عنده كرره فيهم.

أنا بأقول: "فاتك يا علاء أن الإخوان يريدون الرقابة على إنترنت علينا نحن، من نعيش في الداخل، بينما سيسعون للانتشار و الصراخ ضد حجب مواقعهم (لو حدث) في الخارج، و ذلك لو استتب لهم الأمر في الداخل و أصبحت هناك وسائل أخرى للسيطرة و التحكم غير إنترنت التي تناسب جماعات لامركزية تحت وطأة الاضطهاد."

و أضيف:

يعني حسب الرؤية دي هم مش أول من سيضار منها و لا حاجة لأنهم مش بيفكروا زيك اللي لي يبقى لكل الناس و اللي علي برضه على كل الناس. دا مجتمع هرمي طبقي، و فيه دوائر متداخلة كل دائرة نخبوية أكتر من اللي قبلها لغاية ما توصل لقدس الأقداس.

بيان

من مجموعة من أصدقائي الشباب العاملين بموقع اسلام اون لاين

هؤلاء الشباب أعربوا عن استيائهم الشديد من رد السيد الاستاذ الذي يتولي الرد علي رسائل الزوار

و هم أدركوا من يكون تحديدا في التو بمجرد ما نقلت لهم جملة واحدة من رد المغوار

كما أعربوا عن ثقتهم في المدونين الموضوعيين الذين لن يقعوا في فخ التعميم

فهم يعدون أنفسهم - و معظم العاملين في الموقع - من اكبر المدافعين عن حرية الراي و تنوعه و يعتقدون ان الاخ الذي يتولي الرد علي الرسائل لو لم تشغله هذه المهمة و بدا في قراءة ما يكتبونه فربما يدعو لحجب اسلام اون لاين او بعض اقسامه

-

انتهي

http://mabadali.blogspot.com

لول

يا عم ده أضحك ولا أبكي، ياللا اشمعنى هما يعني، ممكن نفهم سياسة المؤسسة اللي أسمها اسلام أونلاين بغض النظر عن آراء أصحابك، لأن أنا لي أصحاب بيشتغلوا في الأهرام و بحترمهم جدا لكن مبخليش احترامي ليهم يؤثر في احتقاري لمؤسسة الأهرام.

ما علينا، أنا كفاية علي أن فيه ناس كده الكلام هو اللي غاظني مش مصدره و لا علاقته باسلام أونلاين

معاك انه كفاية يكون فيه ناس بتفكر كده و مسئولة عن قسم التفاعل الجماهيري في موقع ليه شعبية كبيرة و موقع مؤسسي كمان

لكن هنا الموضوع معكوس اذا قارنته بالاهرام

معظم الناس اللي هناك رايهم مش كده

علشان اللي اعرفهم دول يطلعوا نسبة كبيرة من الكودار الرئيسية مش اللي بيكتبوا من بره

و راي المؤسسة الرسمي مش كده

لكن راي واحد - او اكتر شوية - كده

و راجع رايي في اول تعليق عن حالة عدم الاستقرار اللي في كل المنابر الاسلامية اللي بتحاول تكون منفتحة

انا بس حبيت انوه علشان في وسط الحوار و التعليقات الناس بتكتب ان اسلام اون لاين عاوزة تقفل المواقع المخالفة و كان ده خلاص بقي موقف الموقع الرسمي المعلن

http://mabadali.blogspot.com

الأهرام

إنها مقبرة الأفيال

إنهاصرح المحافظة على القديم و البائد إنهامدرسة في تعلم النمطية و الاستكانة إنها اليمين الفكري مرتديا ورق الجريدة

هاقول تاني يا عمرو الكلام اللي قلته لك في مدونة شريف الايميل اللي بنعلق عليه كان باسم اسلام اون لاين و ليس باسم شخص محدد , و بالتالي منطقي جدا ان التعامل معاه يكون باعتبار انه يمثل الموقع و ليس راي مرسله و لن يكون تعميما في هذه الحالة ان نتحدث عما جاء فيه باعتبار انه راي اسلام اونلاين , الا اذا وجدنا رد بردو باسم الموقع يعتبر ما جاء في الرسالة يعبر عن راي صاحبه و ليس الموقع و يعتبر خطا من الموقع ان المسئول عن "التفاعل الجماهيري" لا يعرف سياسة الموقع الذي يتحدث باسمه

شوفتوا ده :

هكرز سعودي ينجح في اختراق 42 موقعاً دنماركياً

هتان أبوعظمة - جدة

بلغ عدد المواقع الدنماركية المخترقة من قبل الهكرز السعودي علي العتيق والمعروف بلقب هتلر جدة 42 موقعاً بعد نجاحه في اختراق 30 موقعاً جديداً في الأسبوع المنصرم والذي تناقلته وكالات الأنباء العالمية.

وأوضح العتيق أن المتابعين للشبكة العنكبوتية يتوقعون أن الاختراق يتم خلال ثوان قليلة وبسهولة تامة.. موضحاً أن الأمر غير ذلك وأن الاختراق ليس بهذه السهولة.

وحول طريقة الاختراق قال العتيق: إن أولى الخطوات تتركز على الدخول للموقع ومعرفة البرنامج الذي اعتمد مصمموه في تصميمه ومن ثم القيام بالبحث عن بروتات منافذ مفتوحة وهذه المنافذ الأمنية تحتاج لوقت كبير ومجهود حتى يتم كسرها.. وأضاف: السيريفرات أنواع منها سيرفرات وندوز وسيرفرات لينكس ولكل سيرفر إصدار ولكل إصدار طريقة خاصة حتى نصل في الأخير للموقع واختراقه مهما كانت الحماية.

وأعرب العتيق عن استيائه لوجود رسائل شتم له لاختراقه هذه المواقع.. مبيناً في نفس الوقت أنه لن يتوقف عن اختراق المواقع الدنماركية حتى لا يتجرأ أحد بعدهم لسب الرسول محمد صلى الله عليه وسلم -من وجهة نظره- معرباً عن شكره لكل من ساهم معه في اختراق هذه المواقع.

http://www.almadinapress.com/index.aspx?Issueid=1331&pubid=1&CatID=3&sCatID=21&articleid=145297

تابع - فرحةالسعوديين باختراق المواقع المختلفة عن افكارهم!

ونسيت كمان انهم بيسموا الهاكر= هاكرز LOL وفرحانين باللي الولد عمله هذه هي العقلية التي ترفض حتى حق الاخر في التعبير عن رايه

كل مافضى واحب اتسللى هرد على هيافتك يا علء ممكن ارد بموضوعيه وممكن بطوله لسان يشهد لى عليها جميع العلوؤ اللى فى البلد امثالك انت اللى هتحدد ومش مهم تنشر كفايه انك بقره قصدى بتقرا ياصايع ياضايع يا هايف ياللى وارثلك قرشين عبط وحبيت تعمل لنفسك قيمه احب ابشرك انت الحكومه سايباك تلعب شويه كده زى سيدك وتاج راسك ايمن بس ايمن اهم منك عشان كده نهايته كانت قريبه اما انت يا حشره البرك فقربت اوى اكتر ماخيالك يجيب بس هيافتك اعلى من المستوى المطلوب تصفيته من الحكومه ياهبل بس انت رايح رايح انت ايه يا خبيبى عايزك تكررها عشان ماتتفاجأش وتانى مره متنشرش اللى هبعتهولك كل ماحب اتسلى لان ده مش شرف ده اسمه قرف

يا سيد علاء انت وامثالك هم الطابور الخامس انت عايز تفهمني وتفهم المسلمين ان الدفاع عن الاساءة للرسول والاسلام حرية راي طب ازاي؟؟ يبقي انا بدافع عن راي فاسد ودة طبعا من وجهة نظري لكن من وجهة نظر حضرتك دة دفاع عن الحريات طب كسم الحرية اللي بالشكل دة

وبجد انا مش عارف انت مسنود من مين او بتلعب الدور دة لصالح مين

ومتفهمنيش انك مناضل وثورى وبرمجي وناوي تولع في نفسك زي الشمعة عشان تنور لينا الطريق !!!!!!!احا يا عم الشمعة

انت لا عندك عقيدة تدافع عنها ولا عندك قضية مستعد تخسر روحك في سبيلها

وكلامك كلة يا عم الشمعة كلة هجوم غريب ع الاسلام وع الثوابت والقيم والعادات وتقاليد المجتمع

طب عايز اية؟؟؟؟؟؟؟؟؟ الانسان المصري من ايام الفراعنة عندة الايمان والعقيدة اهم حاجة في حياتة يعني مستعد يموت دفاعا عن دينه ورسوله يعني افكارك اللولبية عن حرية الالحاد غير مقبولة ومجرد الكلام فيها بيخلق عند الانسان الطبيعي مشاعر كره وقرف من ناحيتك

عايز اوجة نظر سيادتك لحاجة

طبعا انت معارض ورافض لنظام الحكم كويس والله وانا علي فكرة كنت زيك كدة لكن من يوم ما دخلت ع التدوينة بتاعتك وبدات اقرا الافكار السودا والكلام العجيب اللي انت مؤمن بية وبتكتبة وانا بقيت احد عشاق الريس والنظام والحكومة لان للاسف البديل هو امثالك

انت اسوء صورة للمعارضة في مصر

نصيحة

يبقي خلي الحاجة امك توديك لدكتور نفساني عشان يعالجك من فوبيا الدين

علاء عميل خارجى لسكان كوكب فودا فودا

أنا أعترض علاقاتي بكوكب فودا فودا علاقات عمل و شراكة و كله في العلن

m4m = Man for Man = Gay , have a nice day and open ur A$$ not for me , but for them their m4m is a Gay, and hiding his A$$ her

يا ام فور ام انت خول و باين كمان عندك حول بتبين انك متدين و و بتستعمل الكلام عشان تزين انت ورا الشاشه طيظك بتتناك إنما يا حرام دا أنت المحتاج

m4m = mind for mind لم تغضبنى قذارتك وأسلوبك الحقير بقدر ما أغضبتنى مدونتك التافهة حين ضغطت على اسمك ورأيت قذارة كتاباتك...يمكننى الرد بأقذر من كلامك..لكنى أرفض أن أتساوى بمن هو مثلك. "وأعرض عن الجاهلين" صدق الله العظيم

لما حد يخش يدافع عن النبي يخش يشتم ويسب زي ابو جهل ..يبقي ايه بأة ؟

كمية الشتيمة اللي اتوجهت لعلاء من ناس محروقة عشان النبي اوي كدة ...لا تدل علي ان فيه نبي ولا يحزنون

يا جماعة ..اللي محروق قوي كدة ...ياريت يولع في نفسه ونخلص

مش ممكن يعني ..ان اللي يدافع عن اسم النبي يبقي اسلوبه عار اصلا علي النبي

الحاد ايه اللي ماسكين فيه؟

يا اخي من شاء فليؤمن ومن شاء فليكفر

بس
مقلش
من شاء فليعدل ومن شاء فليظلم

ارحمونا بأة بجد ...وحطوا كل طاقتكم في الحشيش احسن...وسيبوكم من البلد واللي فيها

صلي عالنبي وحشش ..وتوكل علي الله

يا عم علاء ..انت ساعات بتقول كلام محدش بيقرا منه غير نقاوة..ياخد سطر ويسيب سطر

يا عم الحاج...انا مش عارف حنفكر امتي بس

دا انا جايلي امييل خاص بقضية النمسا اللي دخلوا الراجل السجن عشان انكر الهولوكست

واللي كتبه نازل شتمية في الدانمرك

يعني حتي مش فاهم ان فيه دولة اسمها دانمرك ودولة اسمها النمسا

عامل زي اللي بيشتم السعودية وقصده مصر مثلا

ايه الغباوة دي؟

طب أنا مش فاهم انتو مفيش حد عاجبكم؟ الاخوان دول فيهم اللي فيهم. ماشي، لكن معارضين برضو الهدف دلوقت هو التخلص من الديكتاتور. يعني نسيب المشاكل الجانبية و نبص على الهدف الأكبر و بعدها نبتدي نفكر المشاكل دي نحلها ازاي. قصره لازم يكون في تحالف بين الكل اخوان و يمين و يسار و وسط و فوق و تحت علشان نخلص من الغلب ده!