You are here

مغامرة نجم الصباح

Primary tabs

و في اليوم السابع ريح و اتفسح مع صاحبته و رجع في اليوم الثامن و صنعهم

و وقف قدامهم و قال

أنتم الراجل و الست و الجنينة دي جنينتكم

و شكروه و سألوه "أنت مين؟"

فقالهم أنا الصانع --- أنا صنعت كل ده و صنعتكم، أنا اللي بمنح الحياة و الموت.

فسألته يعني ايه الموت؟

فقالها الموت هو البعد عن ده كله، الموت هو الضلمة و غياب التفكير للأبد.

فقالتله ياااه ده شكله وحش قوي. لازم تدينا الموت؟

فقالها هحوش عنكم الموت بشرط تنفذي أمري الوحيد؟

"متركعوش لأي حد، متعبدوش أي حاجة، ولا حتى أنا!!"

فاهمين؟

قام قاله بسرعة و حماس "أيوه يا صانع فاهمين"

فقالهم حظ سعيد، استمتعوا بالجنينة دي "تقريبا" مفيش شبهها.

Comments

ياسلام ... بقي ريح واتفسح مع صاحبته ..وقال ايه قالهم انا الصانع..بص هو انا مش معترض بس عندي سؤال واحد:هو انتا بتسكور منين؟ اصل اكيد اللي انتا ضاربه ده مبيتباعش في العمرانية مانا هناك وعارف

qemat el tahyees enak tetkalem kalam msh mafhoum lel3"eer ya reet tewadha7 mawqefak 3shan el naas tefham l2no mn 7a2 el naas enaha tefham msh hayeb2a enta wel 7okoma

nothing else matter

صاحب قضية ..... أحترمك ، نشيط سياسياً ..... أقدرك وأضرب لك سلام ، لك رآي عايز تقوله ..... من حقك ، لكم تغلط في الدين وتهين الذات الآلهية ... فلحد كدة وعندك ..... أستوب .... تستاهل قطع لسانك أو قطع أيدك اللي كتبت الكلام ده .

يعني ايه "واتفسح مع صاحبتة" .......حرام ... أستغفر الله . وأوعى تقولي دي إسقاطات وتتفزلج .. أو دا إبداع ... الكلام اللي انت قلته (أو كتبته) إهانه لكل مسلم .... مهما كان غرضك أو قصدك منه .

هه؟ أنا كلامي مجبتش فيه سيرة الله أصلا عشان يبقى اهانة لكل مسلم، أظن أنت مخدتش بالك أن الصانع قالهم

استمتعوا بالجنينة دي "تقريبا" مفيش شبهها.

تقريبا، تقريبا هرشت؟

Hi, can u pls translate this for me ? in the civil country u dont ask for 3 things : keind of Work, Salary and Relegion

i hope that we learn from aour relegion ( lakum Dinakum we liah Din ) Respect is only when i respect my self????? Nagdi

جاتها نيلة اللى عايزة الخلف

عامل فيها مناضل وسياسي لايشق له غبار

وكمان أديب مابعد الحداثة وعمال تهجص شمال ويمين

روح اتوكس روح

أتحداك تطلع رابط لأي لحظة اتكلمت فيها عن نفسي على أني مناضل أو سياسي أو أديب و أي لحظة ادعيت فيها أني لا يشق لي غبار (يعني ايه أصلا؟)

و أتحداك تطلع أي رابط أنا أنكرت فيه أني بهجص.

أنت بقى اللي عندك تهيؤات دي مش مشكلتي، أنا يا عم لا مناضل ولا أديب ولا بتنجان أنا حمار و حمار كبير كمان.

وكمان مش بتعرف لغة عربية

غطوه وصوتوا ياولاد

ههههههههههههههههههه

بس تعرف حلو قوي حكاية انك حمار وحمار كبير دي

ههههههههههههههههههههههه

والاحلى منها انك لما تتزنق بتعمل فيها عبيط وانك ياضنايا مابتقولش كدا ولا تقصد كيت واحنا اللى عندنا تهيؤات

ههههههههههههههههههههههههه

مرح

اه مش بعرف لغة عربية هجيبة منين يعني ما هو نفس التعليم اللي اتعلمناه كلنا

انما لما أنت شايف أني بتهرب و لما أتزنق بعمل عبيط مرحتش زي الشاطر و جبتلي رابط (ولا حتى جبت سيرة) لمرة واحدة بس اتكلمت عن نفسي فيها و قلت أني مناضل أو سياسي أو راجل فاهم أو أي حاجة من الحاجات اللي أنت مصر تنعتني بيها دي؟

هه بدل الضحك زي الهبل افحمني يا أخي، وريني أنا فردت نفسي و عملت فيها مناضل امتى، ايه اللي حايشك؟

علاء مش هكلمك على تعليقي اللي انتا محطتوش بس عايز اسألك سؤال واحد يا عم الديموقراطي

هل انتا شيوعي ملحد ؟؟

هل انت مسلم ؟؟مؤمن بالله ؟؟ ياريت تجاوب على السؤال من غير لف ودوران يا عم الديموقراطي يا حامي حمى حرية الرأي والتعبير

و أنت مال أهلك؟

الكلام واضح زي الشمس ومافيش فيه أي لبس . ماتعمليش زي يوسف شاهين اللي كان بيحكي بالنص اللي حصل للنبي يوسف وبعدين يقولنا ده مش سيدنا يوسف ... ده واحد ثاني !!!!!! الموضوع لايحتمل أي لبس وواضح زي الشمس .

أنا مستغرب جداً ، لما أوروبا أهانت الرسول قامت القيامة وكلكم حطيتوا الأعلانات (banners) على مدوناتكم للمقاطعة ودلوقتي الكلام المنشور فيه اهانه واضحة لله سبحانه وتعالى ... ربي وربك ورب الرسول !!!!!!! وانتم واخذين الموضوع عادي وحرية رآي .

انا غبي ياسيدي ..... متخلف ... مش مثقف زيك ...... تقدر تقولي انت تقصد ايه بالفقرة التالي :

"و في اليوم السابع ريح و اتفسح مع صاحبته و رجع في اليوم الثامن و صنعهم و وقف قدامهم و قال أنتم الراجل و الست و الجنينة دي جنينتكم و شكروه و سألوه "أنت مين؟" فقالهم أنا الصانع --- أنا صنعت كل ده و صنعتكم، أنا اللي بمنح الحياة و الموت."

تقصد مين بالضبط ..... وضح .

أولا أنا محطتش بانرات أيام الكاريكاتير الدنماركي و كتبت أن نشر الكاريكاتير حرية تعبير (راجع ده و ده).

و بعدين أنا مش مثقف ولا عمري قلت على نفسي مثقف

ثانيا أقصد نجم الصباح و اقرأ الحلقة الثانية يمكن تفهم أكثر

ماردتش على سؤالي ....... مين هو الصانع ؟؟؟؟؟؟؟؟؟؟؟؟؟؟؟؟؟؟

وبعدين في "خيار نجم الصباح" الحكاية تؤكد ان المقصود بالصانع هو الله جل جلاله . سياق القصة من أولها لأخرها (حتى الأن) تؤكد الكلام ده .والا مامعنى ان "الصانع قالله، عموما كويس وفرت علي، لو مكنتش نزلت كنت حضطر أصنعك" والكلام موجه للملاك . القصة كلها من أولها لأخرها تتكلام على الله جل جلاله بشكل مهين .

اتكلم في السياسة زي ماأنت عايز ، حتى الدين أتكلم فيه بس ماتجيش تهرج على الله عزوجل وتقول لي دي رواية وفيها إسقاطات وكلام من ده !!!!!

١) الصانع له صاحبه ، ٢) بيقول ماتعبدوش حد حتى لو كان أنا ، ٣) بيقول ماكنتش أعرف ان ليكم في الحداثة ، ٤) عموماً وفرت علي (الكلام للصانع) ،

ده كله مش تهريج ؟؟؟؟، مع العلم بأن الصانع هو الله جل جلاله !!!!!

ما أنا قلتلك أن الصانع هو نجم الصباح

دلوقتي أسأل نفسك ليه الصانع قال تقريبا مفيش زي الجنينة، ليه قال تقريبا مش أكيد.

و ليه اعتبر الثعبان لمسة ما بعد حداثية؟

و مش واخد بالك أنه قال أنه مصنعش الثعبان؟

و مش واخد بالك أنه اتكلم عن المرض الأصلي؟

فكر فيها ثاني كده

نجم الصباح ايه ؟

نجم الصباح ده ليه مليون معنى ومعنى . في كل بلد وكل قصة أو قصص شعبية ليه معنى . ماتجيش تحط لي قصة شديدة الشبه . أكرر ، شديدة الشبه بقصة الخلق وتحرف فيها زي ماانت عايز وتضيف عليها شوية الفلسفة اللي بشكل أو بأخر تمس الله بشكل لايتناسب مع جلاله وبعدين تقول لي أصل أنا أقصد نجم الصباح . اهو ده التهريج اللي أقصده . التهريج بأسوء صوره .

أنا أشعر بإهانه بالغة من القصة اللي نشرتها . وأطلب منك إما تعدلها أو تشيلها خالص من المدونه .

طيب و هل واحد من معاني نجم الصباح الله؟

فعلا القصة شديدة الشبه بقصة الخلق بس ده لسبب، و بعدين أنا القصة دي مش جايبها من عندي، ده مجرد اعادة حكي لجزء منها.

و بعدين فين الفلسفة اللي في الموضوع؟

و حد أنك أن ده تهريج؟ أنت قرأت بقيت حكايا الوراجي؟

أما بخصوص شعورك بالاهانة، اتفلق.

أتفلق !!!....شكراً ياذوق .........

تعرف انك مابتختلفش كثير عن الناس اللي انت بتتظاهر علشان تغيرهم . انت واحد منهم بس بصورة مختلفة .

مافيش في أيدي الا اني أقول لك .... ربنا يهديك .

سلام .

ياه؟؟ حقيقي؟

يعني أنا بعذب مئات الألوف و بعتقل عشرات الألوف و بقتل ألافات البني أدمين، و باهمالي بتسبب في كوارث و بفسادي بتسبب في اهدار لموارد البلد و بعيش ملايين من غير خدمات أساسية و لا غذاء؟

أنا بخرب التعليم و الصحة؟

أنا بمنع أن الناس تمارس سياسة بحرية؟

أنا بمارس تفرقة و تمييز ضد الناس بناء على جنسهم أو دينهم او انتمائهم الأيديولوجي أو مستوى دخلهم أو حسبهم و نسبهم؟

أنا ببيع البلد حتة حتة و باخد قرارات لصالح قوى أخرى؟

أنا بزور انتخابات و بخرب كل المؤسسات اللي في البلد عشان مبيقاش ليها أي درجة من الاستقلالية؟

أنا بمنع حرية تكوين الأحزاب و الجمعيات و النقابات و الصحف؟

أنا بحبس الناس عشان عبروا عن رأيهم؟

أنا بقضي وقتي في النهب و السرقة و باكل قوت الناس الغلابة (و المش غلابة كمان؟)

أنا بعد ده كله بحاول أرستق عيلتي و أولادي عشان يرثوا ده كله من بعدي؟

أظن أني مبعملش أي حاجة من دي، تخيل بقى و يا للعجب أني بتظاهر ضد الحاجات دي؟ معرفش أنت متصور أني بتظاهر ضد ايه؟

و بعدين يا ذوق تاني مرة تملي علي أعمل ايه في مدونتي توقع أكثر من كلمة انفلق.

أما إنك بني آدم تنح صحيح. لو المدونة مش عاجباك وبتخدش حياءك ما تقراهاش. روح بص على موقع عمرو خالد. يعني أنا مثلا القصة ما عجبتنيش إنما ما عملتش الفيلم الهندي اللي انت عملته ده.

وبعدين عيب عليك أوي إنك تبقى قاعد على طيزك قدام شاشة الكمبيوتر وتقول لواحد اتسجن عشان مبادئه إنه زي اللي بيتظاهر ضدهم. دي مش مرجلة منك بصراحة

أنت أنسان حقير --- وسافل وكلب وحيوان-- يارتهم كانوا قتلوك في السجن وخلصونا من امثالك ياحيوان -- لما ضربوك علي قفاك في السجن بطلت تسب في حسني مبارك ال هو وسخ ذيك -- واليوم تتطاول علي الخالق سبحانة

ياكلب ياحقير ياصفيحة زبالة المصريين -- ياحثالة المجتمع -- مش قادر عليهم بتوع المباحث -- تقوم -- تطلع غلك وحقارتك في الخالق -- جل وعز شأنه--- انت لا تنتمي الي الانسانية والخلق في شئء -- انت احط مرتبة من الأنعام -- بل انت اضل

أولا أنا مجبتش سيرة ربنا في الموضوع خالص، أنت اللي دماغك جابت كده و دي مشكلتك

ثانيا كلامك غير منطقي لو أنا مش قادر على المباحث هتشطر على اللي أقوى منهم؟ يعني المنطقي أتشطر على الأضعف لكن أكيد مش الأقوى.

و عشان متزعلش بس

حسني مبارك يا جبان يا عميل الأمريكان

يالا يا سيدي أدي واحدة مبارك في العضل

و بعدين ايه لا أنتمى للخلق دي؟ يعني طالع شيطاني؟ جاي من وراء الكون؟ كائن أزلي موازي أو سابق على الله؟ في حاجة غير ربنا مش من الخلق؟

هو لسة في ناس بتدعي على المختلفين معهم فكريا بالمباحث؟!

طب ما هي المباحث بتعذب الإسلاميين يا مجهول(ة)، دا معناه إيه؟ أنهم وحشين و يستاهلم؟

هل المباحث كويسة لما تضرب ال مش عاجبك و وحشة لما تضرب ال مش عاجبك؟

طيب لما المباحث تضربك أنت لأنك مش عاجبهم هم أو مش عاجب حد تاني جامد و واصل مثلا، تبقى أنت إيه؟

(للقراء المثابرين للمدونات: معلش، هو موضوع مكرر و اتكلمنا فيه كتير، لكن واضح أنه دايما فيه حد داخل من النص و لسه هايبتدي من الأول)

وبعدين ايه اللي حصل؟ صحيو من النوم لاقو الغطا واقع علي الارض مثلا؟ ولا ايه اللي حصلهم

إيه اللي حصل.. فعلاً؟؟ هههههههههه عموماً ظريفة ياعلاء

www.maktoobblog.com/freeoman

this is a very interesting story ALAA despite it is not a long one ,it has a lot of symbols and and deep thoughts it really refreshes one's lazy mind......I understood that we're dead coz we don't think and that most of us have become slaves to the one in power please correct me if I am wrong..

i think , that what u want to say , and in the same time u want to show us or to tell us there is a lot of peaple who dont use there brain thank u Nagdi

كمل بقى بارت تو في حكايات الوراجي.. طبعا أغبياء ومسمعوش الكلام.. بس يا ترى الست بردو هي أصل الغواية.. يا ريت الحدوتة ماتبقاش تقليدية المرة دي :-) ن

http://norayounis.com/

هو انتا مسدأت نجيب محفوظ اتكل وعايزلك الحتة النوبل واللا ايه?

"متركعوش لأي حد، متعبدوش أي حاجة، ولا حتى أنا!!"

I cracked up reading that... Don't we all wish that was how the story went? Would've saved ولاد حارتنا lot of headache.

ولابد للظلم من آخر، ولليل من نهار، ولنرين فى حارتنا مصرع الطغاة ومشرق النور والعجائب.

يسمع من بقك يا نجيب ياخويا.

أحيانا الكتابة بيكون لها طعم و القراية كمان بيكونلها طعم، و أحيانا تحس و أنت بتقرأ الكلام إنك أتبضنت منه و في الحالة دي بتحاول تشوف سبب البضنة اللى جاتلك، في الغالب مبتلاقيش أسباب تقنعك سوى إنّك سمعت إن اللى يتكلم عن ربنا أو يحاول يحط إيحائات عنه بيكون شخص شرير و متعمّد يبضنك و سمعت برضو من أيام ما كنت طفل صغير عن الكفّار .

بعد مرور فترة من الزمن أكتشفت إن الكفار دول ناس نضيفة و طيبين و أطيب من شيوخ كتيرة عايزين الحرق، حبيت الكفار زي ما حبيت الشيوخ الطيبين، و حبيت ماركس زي ما حبيت محمد عبده، طالما الإتنين بيحاولو يطوروا في الآدمية بأسلوبهم يبقو يستاهلو الإحترام .

لكن المشكلة اللى خلتني أتبضن بعد كدا حتى لما عشت و عرفت كفار أكتر من مؤمنين إن في بعض الكفّار بيتفنن في السخرية من مشاعر البسطاء، و تلاقيه سعيد و مبسوط و فاكر نفسه بطيخ البطيخي و إنه عمل إنجاز عظيم لما إستهزأ بمشاعر بني آدمين عاديين بيحبو الآلهة اللى بتحميهم و بيعبدوها من وهما لسة 3 سنين و الشيء الأغرب إنه عارف إن النوعية دي من البشر عندها إستعداد تموت ولا حد يشتم الآلهة بتاعتها .

يمكن بقت موضة من بعد أشعار المعرّي؟ و من بعد كتابات محفوظ؟ يمكن برضو..

و ليكن الصانع معكم .

Brilliant in its subtelty!

How contrived and uninspired, stick to what u know. Which is elbetengan

why should I stick to what I know?

why shouldn't I publish contrived and uninspired prose on my blog?

why do you think only "good" writing has any merit or value?

I mean I understand why you wouldn't want to read contrived, uninspired prose but why would you want me to stop writing it?

and are you a betengan afficiando? if not for the betengan why do you read my blog? do I occasionally write a gog non betengan post? or do you feel the need to read blank contrived and laboured non betengan posts?

man lam yarka3 ela alah lan yastee3 an yakef sHame5an abadan...zayak keda ya a5 3EL2

ANA ASEF 3ALA ELSHETEMA YA 3ALAA..MATEZ3ALSH ..ELLY 3AWEZ TE2OLO 2OLO..LAKOM DENOKOM WA LEY DENY..LEL MARA TANYA ASEF YA 3ALA2...

BAS YA 3ALA2 ARGO BA3D ALE7TERAM LEL KODOSEYA 3AND ELMUSLIM WE MESE7Y WEL YAHOODY 3AND EL BOZY WEL HENDOSY 3AND AY MOKADASAT

5ALENA FY ELSEYASA WE WELAD EL KALB ELLY MASKENHA WALA RA2YAK EIH....

يا ريت كلنا نفهم ايه ده يا استاذ علاء لو في الكلام اسقاطات فعلا يا ريت توضحها مش كلنا بالذكاء اللازم حقيقي علشان نفهم انا بحترمك جدا وواثقه ان اكيد كلامك بعيد عن فكره الخالق والخلق والاديان يا ريت يكون ظنى ف محله

kelma wa2fa fy zory ya 3alaa....enta 2alel el2adab...alf shokr...a7lam sa3eda

انت ايه ظروفك يا كابتن ؟ انت عايز تقول ايه يعنى انت لو نجيب سرور هنقول اهو لاسع وخلاص ها قول

شكرا للصانع على الجنينة والست

هو ده التناص ..؟

:=S

يا سيد علاء ولا بلاش انت لاسيد ولا نيله ... عارف فى ناس كده فاكرة ان الحرية انها تخرف والمفروض ان ما حدش يدوس لهم على ديل. لكن كونك تهرتل ولا تضرب حاجه من بره العمرانية زى ما صديقنا بيقول ده مش ذنبنا. بس عارف انت مش هاتلاقى حد يهددك او يحاول يقتلك زى نجيب محفوظ ... نجيب محفوظ فى وسط رواياته اللى بتعبر عن الناس كان له شطحات فاستحق على القيمه اللى بيقدمها واللى الناس عملتها له لكن واحد من امثالك ما يستحقش نوبل زى ما الاستاذ التانى بيقول انت تستحق كلمه واحده "والنبى تتنيل" على فكرة دى مش نسبة الى النيل

http://essamelnajjar.blogspot.com/

طبعا كل واحد حر أنه يخرف.

و كل واحد تاني حر أنه يفهم تخريف الأولاني زي ما هو عايز.

لكن مش كل واحد حر أنه يشتم الأولاني، خصوصا أن الأولاني ما حطش تخريفه في بق التاني بالعافية، دا التاني هو ال تعب نفسه و راح يبص عى تخريف الأولاني!

صباح البطيخ

افكر فيما كان يقصده الله حينما امرنا ان نعبده ..ربما وجدت تشابها بين اللهك واللهي..اشم في رائحة كلامك الله عادل وغفور ايضا

Rdawa, enti taiba :)

Heya Saba7 El Batee7' di.

Bas really agmal 7aga en 7ad ykoon questioning to unchallenged and strongly held beliefs.

Aw7ash 7aga en 7ad yasstane3 da

qemmet el ketaba ennak tewassal fekra gededa w marfoda bshakl yotheer el readers.

Qemmet el 7amaqa ennak te7eb tedaye2 el qorra2 w bas fa tekteb 7aga fahem ennaha insulting w bas.

Kaman el 7akeem mosh el beyestahza2 be ara2 el a7'areen 3shan yebdi ra2yo.

Cheers, Zahra

wisdom is overrated

So are post-modern "deep" stories. But at least you're having fun

oh come on genesis parodies are not post modern, nothing in my post is post modern (except maybe for the lack of context).

and I assure you everything under waragi tales is as shallow as can be, hell most things under this blog are.

but then again, this blog is way overrated :-)

Tab3an overrated, and i wasn't accusing you of being wise......

Zahra

ايه الى انته بتقولوا ده ياعم علاء ما انت كنت ماشي حلو ليه الكلام الى مش حلو ده خالص انته كده داخل فى حارة الدين وده مينفعش

انا عندي سؤال سخيف : هي ليه حكمت على الموت انه وحش قوي ؟ هي حديثة عهد في الجونينة و متعرفش كتير عن التفكير او الضلمة .. ازاي حكمت بقى ان غياب كل ده او ان الضلمة تبقى حاجة وحشة ؟

ازاي اصلا قدرو يتكلمو مع بعض ، ازاي هم فهمو لغته ؟ هل هناك جزء مقتطع في الحكاية حيث الصانع بيجيبلهم مدرس خصوصي يعلمهم اللغة ، و لا الموضوع جاي كده و السلام .. ايه السبب اللي خلي الصانع كمان يصنعهم .. كان محتاجهم في مشوار يشيلو عنه حاجة ؟ و لا كان بيجرب حاجة جديدة فور فان ؟

التفاصيل يا ريس و حياة والدك ...

ما هو لو شفت الجنينة كنت عرفت، الجنينة جمالها مش محتاج وقت عشان تحسه ولا خبرة بحاجات تانية عشان تدركه، مش بس كده هواء الجنينة بيخليك تشوف جمال الأشياء اللي ممكن بره الجنينة متحسش بيه و عشان كده في الحلقة الجاية الراجل و الست هيكتشفوا بعض بسرعة جدا.

أما ازاي قدروا يفهموا، الصانع في 8 أيام عمل حاجات في وعيهم تاخد بلايين السنين، لما صنعهم عمل fast forward لحد ما وقفوا قدامه كاملين، لغة الصانع جزء من الجنينة، في الجنينة كل حاجة قادرة تتكلم مع الصانع.

أما الصانع صنعهم ليه فده موضوع طويل قوى لكن باختصار الصانع كان زهق من دور الثورجي و أكتشف أنه ولا ثورجي ولا حاجة و أنه في النهاية جزء من الخطة، فبدل الثورة هرب تماما و قرر يبدأ من جديد بداية جديدة عشان يثبت أن وجود الخطة كان خطأ و أن ممكن الأمور تمشي بشكل مختلف.

و ده هيبان أكثر في الحلقة الجاية.

يا صباح العندليب المتشمس فى ضوء القمر النرجسى اية يا راجل رص الحجارة العالى اوى دة؟

لا والافندية واخدين الموضوع جد وبيتناقشوا تتناقشوا فى اية يا قلل

الحكاية كلها تعميرة مضروبة رصها الحاج علاء

وكتمت على انفاسة ودة طبعا اخرة الهباب اللى اسمة الوراجى قلتلك ما لكش فى الصنف المعتبر

لو كانت التعميرة صاحية والحاج علاء واخد عليها كان الموضوع اتغير وكان سخن وزنهر وكانت الحاجة منال اتفقعت واحد مفتكس وكان صوتها لامؤاخذة جاب باب الخلق

اما وهو مصر على الوراجى فانصحة الا يقرب من اى صنف تعميرة الا بعد الرجوع الى اصحاب الخبرة

حرصا على صحتة لان تنظيم 30 فبراير قام بتهريب كميات من الصنف المضروب الى الاسواق المحلية بهدف ضرب العشارى والتمهيد لتنظيم 31 فبراير ذلك التنظيم الخبيث الذى سرب فكرة اخصاء الرجال وشربها الحاج علاء كوسيلة لمنع التحرش

والغريب ان ذلك التنظيم يدعوا الى الابر طب والجوزة راحت فين؟

ومرة تانية

مساء العندليب

فين التعليق بتاعي يا عم الكتكوت الديمقراطي ولا بميتين اهلك انا هتعمل علينا رقيب

لو سمحت اقرأ الأسئلة المتكررة عشان تعرف سياسة نشر التعليقات عندنا ايه.

انا اللي فاهمك يا علولة الراجل بيتكلم عن سفر في العهد القديم ( الكتاب المقدس للمسيحيين و دي نسخة كوميدية عن السفر و ياريت كل البقر اللي معرفوش يقروا الانجيل علشان كلنا نبقى على مستوى القاعدة يا بقر

اللي أنا موش فاهمه ايه علاقة نجم الصباح باللي بتتكلم عليه ، زي ما انت عارف نجم الصباح اله انساني ، بمعنى ان الانسان اخترعه لنفسه ، أصل في مرة من المرات الانسان اختلف خلاف جامد أوي مع الصانع ، و قالك و الله مانا مكلمه تاني ، و مع الوقت نسيه ، و جم ولفاده بعده ، من غير ما يقلهم على الصانع ، و جات الاجيال بعد كده ماتعرفش اي حاجه عن الصانع ، واحد منهم فكر في انه لازم يكون فيه صانع و جنينه و خرابه و راجل و ست و كل اللي انت قلته يا علاء ، ماتفهمش بقى الواحد ده كان مخه كبير و لا الصانع كان بيديله اشارات من غير ما حد يعرف ، المهم ، اخينا اتلطش في دماغه و قالك الصانع ده نجم الصباح ، و الراجل هو القمر و الست هي الشمس ، و الجنينه هي شبين الكوم ، و الخرابه هي دمنهور ، اوب تلاقي الناس كلها مشيت وراه ، و راحوا قفلوا دمنهور بالضبة و المفتاح ، و غيروا اسم شبين الكوم الى الأرض الطاهرة ، و بقوا بيصحوا الصبح بدري عشان يسجدوا لنجم الصباح

من هنا تفهم ان العلاقة بين الصانع و نجم الصباح علاقة سيئة جدا ، النكتة في الموضوع ان أصلا نجم الصباح غير موجود ، تخيلي ، و غير واقعي

نجم الصباح هو الصانع

و للمهتمين http://en.wikipedia.org/wiki/Morningstar

ياه!

أنت تعرف دمنهور يا ربيع؟

عندي ثلاث أسئلة ياسيد علاء الأول:

مين صاحبته دي وشكلها إيه؟ أكيد مزة جامدة أوي

الثاني، بيروحوا فين لما بيحبوا بتفسحوا؟

والثالث، علاقتهم شكلها إيه. يعني مريحاه واللا مطلعة دين أمه

(مش حسألك دينه إيه واللا مين أمه)

صاحبته أسمها مازيكين و دي من نسل ليليث.

بيتفسحوا في البار بتاعوا في لوس أنجلوس،

و علاقتهم عجيبة شوية لأنه ذكوري متسلط بشكل مفرط و في نفس الوقت معندوش أعضاء جنسية و الأكثر تعقيدا أنها خادمته و تابعته في نفس الوقت مش بس صاحبته. من الأخر هو مطلع ميتين أبوها بس هي بتحبه جدا.

و شكلها ده برضه حدوتة معقدة، بمعايير البشر شكلها كان نصه مزة جامدة نيك و نصه مرعب و مشوه، لكن لما بالغلط شكلها اتصلح حسب معايير البشر جالها اكتئاب و اعتبرب نفسها وحشة و حلفت تنتقم من اللي "صلح" شكلها.

يعنى انت عايز تقول ايه برضه ؟ ولا انت فاضى فقلت تطرشها بأى كلام ما هى الدروس المستفاده يا خارق للعاده

عايز أحكي حدوته ، عمرك ما سمعت حواديت مفيهاش دروس مستفادة؟

سمعت طبعا بس ايه اللى زانقك يا علاء فى موضوع الصانع والجنينه الحكايات كتير وانت جى عند موضوع شائك مبتكلمش فيه غير اخونا البعدا اللى هما عايشين كده دول عارفهم ؟ بس دا اللى انا عايز اقولو

يا جماعة عيل بيحب يلعب بعرايس البنات جاب عروسة باربي وعروسة كين البي فريند بتاعها واب حتة موكيت خضرا فضلت بعد ما لقوا الموقيت وبقت هي دي الجنينة اللي بيعيش فيها باربي وكين وبعدين كين معندهوش اعضاء تناسلية لانه ببساطة عروسة بلاستيك والولد ما عجبهوش ان باربي يبقى شعرها طويل فقام قاصصهولها على الموضة لان الموضة في 1995 كانت الشعر الكاريه ودمتم

عن اذنكم بقى علشان رايح اجيب العلبة اللي حاطط فيها الدبابات وعساكر الجستابو البلاستيك اللي شايلهم من عشرين سنة وهاوري باربي وكين ان الله حق واحتمال عساكر الجستابو يغتصبوا باربي يخلوها حامل علشان تجيب شبيبة النازي الجدد اللي عرقهم الاري نقي وكمان علشان الواد كين طلع مخلط على عرق سلافي مش عارف ازاي ده ها يحصل لان عساكر الجستابو هما كمان معندهمش أعضاء تناسلية لانهم ببساطة هما كمان عساكر بلاستيك

إنت حتلخبطنا ليه؟ الصانع هو اللي معندوش بلبل إنما كين كان بينط على باربي وشغال مية مية لحد ما التعبان بأه منه لله شخ له في نافوخه

يا عم افهم

كل الشخصيات المحورية هنا ليس لديها اعضاء تناسلية حتى باربي

حتى كتائب الإس إس النازية باربي مش بتخلفهم بالطرق التقليدية لا

دي بتشتريهم من على النت بكريديت كارد مضروب

إيه الحلاوة دي يا وائل عباس، ما كنتش أعرف أنك سوريالي كبير!

إنما 5+7 = كم؟

والله يا ألف ده يعتمد على تعريف كلمة سوريالي

فبحسب تعريف الكلمة الوارد في الكتاب الفحلقي للعلامة معمر بن القذافي كلمة سوريالي كلمة عربية محضة من مقطعين - سور و يالي - حرفت على مر العصور وكان اصلها السور العالي وتعود اصول المصطلح لعصر ما قبل - إديني ربع كيلو حلاوة سايبة - حيث كانت هناك بائعة خبز تعود لأصول إندو جرمانية بتقعد عند سور الجونينة بتاعة باربي وكين واصول الست الاندوجرمانية دي اتعرفت في مرحلة لاحقة بعد ما عملوا تحليل دي ان ايه للقفص اللي كانت بتقعد عليه لكن هي كانت حريصة تخبي شعرها الاشقر تحت الطرحة علشان الواد محسن محي الدين كان بيعاكسها في فيلم اليوم السادس قبل ما يخطفه تنظيم القاعدة

بس في الحقيقة كان بيع الخبز ده ستار لتجارة اخرى وهي تجارة الافيون لان الست كان عندها مخزون كبير منه جابته معاها في عصر الهجرات الاندوجرمانية من الصين قبل حرب الافيون وكان صن يات صن عامل مكافأة ضخمة للي يجيب له راس الست دي بس ده مش موضوعنا دلوقتي لانها قصة طويلة

بس الخلاصة ان كين ايام حرب البسوس كانت دوشة الحرب والمعيز مش بتخليه يعرف يوجب كويس مع باربي فده سببله اكتئاب كان بيهرب منه بانه يتسحب من النفق اللي عملوه في فيلم الهروب الكبير ويخرج يشتري أفيون من ميدوزا اللي هيا الست اللي قاعدة جنب السور العالي اللي اشتقوا منه كلمة سوريالي وده كل الموضوع ببساطة

وانا وانت

معاك باكو لبان زيادة؟

يقول يورجن هابرماس

"أن تفكر يعنى أن تفكر بصوت عالٍ".

اية ياعم علاء الكلام الكبير دة