You are here

الكلاب لسه في المطار

Primary tabs

عن وكالة الأنباء الفرنسية القاهرة

بيقولك مصر للطيران لبست غرامة 10 ألاف دولار بسبب كلب بوليسي شخ (لا مؤاخذه) في كابينة طائرة متوجهة الي نيويورك أثناء تفتيشها للتأكد من خلوها من المتفجرات.

أيوه الكلب البوليسي شخ في الطيارة و لبس مصر للطيران غرامة تأخير عشان الكابتن رفض يطلع بالطيارة أم شخة.

طيب أقول ايه يعني؟ اللي ادانا مطار و طيارات ظلمنا؟

لا و منال قفشت لما الراجل اتحرش بيها في الطيارة، على الأقل من نفس الفصيلة.

راجع التعليقات عند العروبي لمزيد من نوادر مطار القاهرة البولي

العنوان اشارة لمسرحية على سالم "الكلاب وصلت المطار"، المسرحية مستلهمة من قصة زوجة الدكتور عبد العظيم أنيس (حد يعرف اسمها) اللي ماتت لما عضها كلب مسعور في المطار (القصة حقيقة و الخبر اللي فوق ده حقيقي برضه، و مصر دي بلد موجودة بجد مش كارتون).

يا أمة ضحك من جهلها الأمم مرة و اثنين و ثلاثة و عشرة و بعدين قالوا قديمة.

هاه مزهقتوش من قعر الحلة؟

مرهقتوش من قعر الحلة؟

مزهقتوش من قعر الحلة؟

مزهقتوش من قعر الحلة؟

Comments

You are hilarious! I cannot stop laughing...thank you for the authentic Egyptian sense of humor...we needed a laugh!

عشرة الاف دولار لا تساوي شئ مادام الامر يتعلق بالنظافة

ولانك يا عزيزي صهيوني امريكي فبالتاكيد لا تعرف قيمة النظافة في مصر

نحن و لا فخر الامة الوحيدة التي ربطت بين الطاقة و النظافة في الاهمية لهذا تم توحيد فاتورة الكهرباء و الزبالة في فاتورة واحدة فقط

و اذا قدر لك ان تزور مصر يوما على طائراتنا النظيفة نعم اقولها بفخر النظيفة و الخالية من كل انواع البراز و غيره لشعرت بمعنى النظافة

اما اذا لمست ارض مصر الطاهرة لما كتب هذه الافتراءات عليها

اخيرا و بالنسبة لقضية الكلب فسببها ان البامبرز بتاعه كان بيتغسل و لسه منشفش ولان الوقت له اهمية عندنا في مصر اضطر الحراس استخدام الكلب بدون البامبرز لكن مستقبلا هنجيب بمبرز احتياطي لكل كلب

و اقول للحاسدين من امثالك مت بغيظك فستبقي مصر البلد النظيفة ما حييت ده حتى رئيس الوزراء بتاعنا اسمه نظيف


قبل ما تشتم

انا مش حسني بجد انا حسنى كده و كده

http://ramo46.blogspot.com/2006/12/blog-post.html#links أدعوك لقرأه هذه التدوينه عند جدو

ya Alaa ana mesh fahem eh el moshkela hena..(يا أمة ضحك من جهلها الأمم مرة و اثنين و ثلاثة و عشرة و بعدين قالوا قديمة...elakh, elakh)?

Heya ghaltet horraas el kilab mesh el tayyar.

طيب ما أنا فاهم أنها غلطة حراس الكلاب (أكيد مش غلطة الكلب يعني). و كويس قوي أن الكابتن تمسك بتنضيف الطائرة، تخيل كده لو كان فوتها.

انما بما أن حراس الكلب و اللي مشغلينهم مصريين يبقى الفضيحة عامة برضه، و أهو كله فلكلور.

أنا صعبان عليا الكلب فى الموضوع. سايبينه مزنوق من غير ماى مشوه المدة دى كلها واضتر يعمل فى الطيارة غصبٍ عنه , وبعدين قاموا حبسينه عقاباً ليه. والله الكلب الغلبان عايزله حملة أون لاين للإفراج عنه. ايه رأيك؟

بصراحة دي تناكة مالهاش لازمة من الطيار ، يعني ايه المشكلة لو جاب شوية رمل و غطى بيهم الشخة ، و لا جاب و رقه جرنان و حطها على الخره؟ هاتفرق معاه ايه ، و لما يجي الطيار اللي بعده يبقى يتصرف ، المشكلة انه عشان الطياره تتطهر لازم مكان الشخه يتغسل بالرمل و الميه و اومو سبع مرات مانت عارف شخه الكلب نجسه

ضحكتنى والله

طب ماتبعتلهم بلاكى تساعدهم فى المطار, واضح انها مدربة بالفطرة :)

بلاكي؟ بلاكي؟

الاسم ده مش غريب علي! أحنا في بينا سابق معرفة يا أخ ماعت؟

كلاب وصلت المطار طايرة لم تتحرك ف ميعادها رئيس وزراء اسمه احمد نظيف غرامة عشرة الاف جنيه استعجاب من علاء دهشة من منال؟

طب ليه؟؟؟؟؟؟؟؟

ماهي مصر برة متحركشت في ميعادها عشان مبارك شاخ علينا كلنا لكنا مخندنش الغرامة زي الشركة الامريكاني احنا اللي دفعناها وسلمي ع المترو

سمعت ان مصر للطيران قررت صرف أزازة كولونيا لكل طيار منعا للفزلكة وتأخير الطيارات

زوجة الدكتور عبد العظيم انيس التي عضها كلب سعران في مطار القاهرة وماتت نتيجة للعضة اسمها " عايدة ثابت " وكانت تعمل صحفية في جريدة المساء رءوف مسعد