You are here

ألوان الخريف تبهجني

Primary tabs

بالرغم من الاكتئاب اللي الغيوم و الأمطار و السما الرمادي بتسببهولي
مجرد ما الشمس ترجع بتغير ألوان كل حاجة حواليا و تخليني استمتع بألوان الخريف

To Isola  Tiberina The way to work

Outside the palatine museum
In Villa Borghese
Streets of Rome
The bridge to Isola  Tiberina The bridge to Isola  Tiberina

ياريتني اعرف اوصف احساسي لما الشمس بتتخلل الأشجار اللي أوراقها حمرا و خضرا و صفرا و برتقاني و بني و في كل خطوة تاخدها شكل الشجرة يتغير..
تأثير الطبيعة عليا ما يتوصفش و للأسف احساس عمري محسيته و أنا في القاهرة

حقيقي فهمت ليه الانطباعية بدأت في أوروبا .. احساس مينفعش تعبر عنه غير بالفرشاة و الألوان

Comments

معاكي حق يا منال . مش ممكن حد يعرف انه توجد اربعة فصول في مصر ..خاصة في العشرين تلاثين سنة الأخيرة . الخريف الآوربي مختلف لأن تغيرات الفصول حادة وواضحة . يبدو هذا من اوراق الاشجار ومن ظهور واختفاء بعض الطيور التي تبدأ هجراتها الى مناطق اكثر دفئا .حديقة بيتي الصغيرة هنا في امستردام احسن الأمثلة على ذلك. كيف تصبح اوراق الاشجار ذهبية ثم ينطفأ لونها تدريجيا حتى تتساقط جميعها . طبعا هناك حكمة في هذا وهو امتصاص الجذور والفروع لكل قطرة غذاء ممكنة والتخلص من الأوراق التي كان من المؤكد انها سوف تشارك الشجرة في غذائها فتموت الشجرة كلها! كذا اشاهد اصنافا من الطيور تحوم وتسافر لم اكن قد رايتها من قبل. بل ان التفزيون يحتفي ببعض الطيور وهي مسافرة من الشمال القطبي عابرة هولندا مثلا متجهة الى البحر الكتوسط وشمال افريقيا. طبعا كمان امطار الخريف بتغسل الجو من الغبار والتلوث في اوربا بعكس المطر في مصر اللي بيطين الشوارع ولا يغسل شيئا . اذكر الخريف السوداني وكيف كان مبهجا .. فهذه افريقيا ما تزال تحمها بقوة الفصول الأربع بعكس ما يحدث في مصر حيث تتداخل الفصول في بعضها مثل بقية الحاجات ! مرسي على البوست المبهج!

منال احنا بجد مفتقدينك فى مصر انتى و علاء لاازم تشوفى الخريف الغاضب عندنا
عمال معتصمين و اهلى القرصاية مترودين
و رشاوى فى حزب الوطنى و 6 مليون مصري مقدم على هجرة ل امريكا
www.lifeonnile.blogspot.com

يبدو ان للغضب الطائفي اوان ايضا مثل الخريف وبقية الفصول .الحكايات التي اقراها عن غضب المسلمين على المسيحيين بتخليني احتار.مسيحي يتهموه بانه سحب مع واحد ثاني واحدة ست مسلمة الى اجزخانة وعاوز يعمل معاها قلة ادب. مسيحي بيجري ورا واحدة ست منقبة يتهمها انها خطفت الموبايل بتاعه .وفي الحادثتين تثور دماء المسلمين فيحرقوا محلات المسيحيين . في الحالتين يتم حرق محلات هي مصدر اكل العيش. طيب بعد ما تتحرق المحلات .. ايه المطلوب من اصحاب المحلات المحروقة ؟ يعلنوا توبتهم في ميدان عام ؟ وايه هي علاقة محلات اكل العيش بتأديب المسيحيين . خاصة في الوضوع الأخير بتاع الموبايل اللي بيحصل يوميا في اي مكان في العالم . لماذا تم حرق المحلات نتيجة اتهام بالسرقة ؟ هل اصبح الشعب المصري مثل الشعب الامريكي زمان لما كان البيض بيعلقوا السود في المشانق بدون محاكمة نتيجة اشاعة ان واحد اسود اغتصب او حاول اعتصاب سيدة بيضاء؟ طبعا فاكرين جماعة ال: ك .ك .ك اللي كانوا بيحرقوا السود وبيوتهم .كانوا بيضعوا علامة الصليب على ثيابهم كشعار ..مع ان السود اتنصروا وبيروحوا الكنايس !لكن الابيض كان بيستخدم الدين كوسيلة للانتقام . حنان ترك حاتفتح كوفي شوب للمحجبات وومنوع دخول السيدات المسيحيات . ليه ده بيحصل ؟

جايز تكون الطبيعه في اوروبا في غايه الجمال فعلا بس الجمال كمان موجود في كل مكان الجمال كمان موجود في صحاري الخليج و غابات الامازون و احراش افريقيا و حواري القاهره و منظر النجوم و كل مكان و كل منظر بنشوفو فيه جمال معين اصل العيب مش في المكان العيب في العين الي بتشوف الحاجه و بتشوفو ازاي مجموعه الفنانين الي استحدثو الفن الانطباعي التاثيري لجأو ليه للتعبير عن جمال الحاجه بغض النظر عن اي معرفه بيه او عن هو ايه او هما عايشين فين يعني هما اتجهو الاتجاه ده في التعبير عشان عاييزين يشوفو كل حاجه جميله مش عشان كانو عايشين في اماكن جميله يعني لو كانو عايشين في مصر كانو ممكن يبدعو ويعبرو اكتر و اجمل عشان كده مصر محتاجه فنانين و مبدعين مش محتاجه خالص لمعددين يعدو يشكو الحال و يغنو ظلموه مصر بجد حلوه اوي بس جايز احنا الي وحشين

و منكم نستفيد .. نورتوا المحكمة

يا ولدى ليه قاسى عليا

محتاجه حبه حنيه محتاجه تطبطبوا عليا محتاجه ييجى اليوم واشوف كل ولادى حواليا .. اذا كنت مسلم من صلبى ولو مسيحى فداك قلبى ...لو كنت عامل او تاجر اوحتى عالم مات جنبى ...يا ولدى منى بصوت مسموع متعيشش غير راسك مرفوع واذا شفت اهلك بيموتوا عيش زى غول عالى صوته بس اوعى يوم تكون مكسور اهلك لاتهلك بسكوته.....

محتاجه يوم شربه ميه من موجه كات عليا قويه محتاجه ايدك فى ايديا محتاجه للخير والضيه ...ليه انت جاحد يوم ليا ولا القلوب مصديه ...تجرح وتعند بقسوتك وغلاوتك دى صعبه عليا...

محتاجه حضنك دفينى يا مصرى غنوه بتشجينى بص لامك اللى عجزت ...مستخسر تاخد بايديا...

افتكرنى ...افتكر يوم طلعه الشمس البهيه ...افتكرنى وافتكر ساعه العصارى وافتكر كل البريه ايد فى ايد تشد وتساعد والدمعه تنزل من واحد تجرح قلب ميه...افتكر نيلى وطلى افتكر غيطى وزرعى افتكر الضحكه الغنيه ...لمه صحابنا ع القهاوى ..وسيد ينشد اغنيه كل يوم يطلع صباح نصحى نقوم على الفلاح...مصر ياما يا سفينه .....ولا غنوه الملاح .. مش فاكر صوت الاذان والكنايس فى الميدان...رد عليا يا ابنى وقولى يا سبب ضعفى وذلى مين رمانى الرميه ديه غير قلبك القاسى وغدرك بيا.

يا مصرى ليه قاسى عليا

مع تحياتى سومه

فعلاً ألوان الخريف مذهلة... ويا حلاوتها والشمس طالعة فعلاً وفيه سحب قليلة بتجري بسرعة الهواء. الجميل هو متابعة الشجر وهو يتخفّف من أوراقه، وكلّ ما الورق يقع أصله يبان، وبالذات الشجر اللي أغصانه كثيرة وغامقة قوي لما الهوا والشمس يعدوا فيه ويهزوا الورق الأحمر اللي فاضل ويلمعوه. ويا سلام بقى لما تتابعي ورقة واحدة وهيّ بتقاوم السقوط لمدّة وبعدين تسقط، ويفضل الغصن على وعد بإنبات ورقة تانية في نفس المكان الربيع الجاي.

أحلى حاجة كمان كنت باحبّها في الخريف لما الأرض تتملي ورق، بتعمل كسوة دافئة جداً. باحس إنّ الأرض لابسة پلوڤر من اللي كانوا طالعين موضة زمان..

أحلى حاجة بقى لما تشوفي كلّ ده من ورا شبّاك وإنتِ بتشربي شاي سخن.

إنتوا جايين إمتى بقي؟

العائد إلى التدوين مؤقتاً راء