You are here

ملناش غير الانتصارات الصغيرة (الأرض لو عطشانة... بالعربى)

Primary tabs

I spent the past 3 days in a daze, I did nothing but read, write, talk, listen and dream about the events of the referendum day, I can't sleep, I can't work, I can't study I'm in suspended animation, only the slashdoting and subsequent server blues got me out of this strange state.

thanks to all my firends who surrounded me the past 3 days, thanx for the support and solidarity I got from complete strangers, I just hope those who recieved real injuries that day got a fair amount of support and hugs.

I'm glad I was there, I'm glad I was part of it, I hope it never happens again but I suppose if it does I'll be there.

I guess after seeing the horros of يوم الفتاء my story becomes trivial, hell even the most horrible of our stories pales when you think about what happens everyday in Egyptian prisons and police stations, and as my Peruvian friend Alejandro pointed out, even this is nothing compared to what happened and happens in other places, but still its important to listen to all the stories trivial as they may be.

I was asked to rewrite my account in arabic, I rewrote half of it only though.


النهاردة رحت مظاهرة كفاية اتسرق منى اللابتوب، حياتى كمان كانت هتتسرق بس دى الواحد بيتوقعها فى المظاهرات لكن اللابتوب؟؟

النهاردة اتلم على أنا و أمى عشرات من بلطجية الحزب الوطنى و ضربونا.

البوليس كان واقف يتفرج، شافوا كل حاجة و متدخلوش، قعدوا يسألونى عن بطاقتى و أسمى و عنوانى و أنا بضّرب بالشلاليت، حاولوا يقبضوا على و يصادروا الكاميرا بتاعتى، لكن يحمونى أو يحموا الوالدة أو حتى يهشوا البلطجية؟ لا!

أبتدى بالفوران اللى جوايا؟ عندى طلب بسيط: لو تعرفوا اللى فى الصور دول لو شفتوهم اشتموهم، اضربوهم تفوا عليهم، اياكوا تناسبوهم أو تتعاملوا معاهم، رجاء للى بيقرا أنا مقدرش أشتم عشان قضايا السب و القذف أشتموهم انتم و ادعوا عليهم.

dsc04595 dsc04598 dsc04597 باقيت الصور

مش عارف أحكيلكم ازاى عن الخوف، أنا كنت مرعوب. بس أنا مبسوط انى لقيت فى نفسى شجاعة، هجموا على ماما الأول بس تصوروا قدرت أحميها قدرت أحوش عنها (ستات و بنات تانية كتير كان حظهم أوحش ولاد الكلب اتحرشوا بيهم).

جزعولى رجلى أو شرخوها (لسة معملتش أشعة)، مش عارف أشوف كسرولنا النضارات.

بس أنا حاسس انى كويس مقدروش يكسرونى مقدروش ينتهكونى، بعد ما زنقونا فى ركن بفضل جهود البوليس، بعد مابان ان البوليس مش هيحوش عننا حاجة (دول حاولوا يحققوا معايا و أنا بتفادى اللوكاميات، مش عارف أوصفلكم ازاى منظر حيطة من الضباط كل شوية يتفتح فيها خرم تفوت منه رجل أو ايد أو عصاية تضربنى)، بعد ما سرقوا شنطتى و كل حاجتى بعد كل ده قررت مانهزمش، كان ممكن أستسلم كان ممكن يغمى عليا كان ممكن أبوس رجليهم المسألة مسألة اختيار و أنا أخترت أعافر و قفت و ابتديت أخد صور واحد من الضباط شخط فى البلطجية و قاللهم "هاتوا الكاميرا".

مش هقدر أدافع عن نفسى؟ طيب، ما فيش أى حاجة أقدر أعملها للبلد المنيلة دى؟ ماشى، مش قادر حتى أدافع عن أملاكى؟ طب و بعدين أزاى أفضل أنا؟ أزاى أفضل ملك نفسى أزاى؟

بأنى أتجنن طبعا! بأنى ألسع!

أنا الكاميرا، الكاميرا جزئ منى، البنى أدمين مش لحم و عضم بس البنى أدمين عندهم روح و روحهم فى كارت الميمورى بتاع الكاميرا الديجيتال، هما مش عاويزينى،أنا، مش فارق معاهم يئذونى ولا لأ، اللابتوب ده كان حاجة عشوائية واحد شاف حاجة طالعة من الشنطة فخطفها. هما عاوزين الكاميرا، أنا سمعته بنفسى ريسهم الشرير قال "هاتوللى الكاميرا". أنا الكاميرا و و زى مقدرت أدافع عن ماما هادافع عن الكاميرا.

مجنون! أهه ده اللى حافظ على عقلى.

تخيلوا أنا فخور؟ بجد فخور، أنا زقيت أنا ضربت أنا حاربت أنا اترميت على الأرض و اتكورت أنا شلّت، أنا كنت شاطر قوى معرفوش يسببولى اصابات أكتر من كده، وانا فى الأرض حاولوا يشدوا الكاميرا حطيتها فى جيبى "قطعوا هدومه" ايدين كتير ، رفصت ، ايد لابسة ميرى فى جيبى؛ عضيت.

بصراحة كان تهور من ماما انها تحاول توقف مظاهرة كاملة لوحدها، هى بتعمل الحركة دى مع بتوع الأمن المركزى برضه، بس العيال بتوع الأمن غلابة ناس عادية بيترددوا بيتلخبطوا لما واحدة ست تقف فى وشهم مش بيبقوا عاوزين يضربوا، بيستنوا أوامر.

انما تحاول تحمى اللى اتبقى من مظاهرة كفاية لوحدها؟ البلطجية دى مبتترددش دول وحوش، الحواديت اللى سمعناها عن اللى جرى للناس بعد الانسحاب التالت مرعبة، مفيش مجال للمقارنة أحنا بختنا حلو.

نعمل مكالمات بقى، الظابط شاف الموبايلات دمه فار و قعد يزعق "سيب التليفون".

اه و ادى كمان معركة صغيرة، هى الانتصارات الهبلة دى اللى بتخلينا نقدر نكمل، يا ترى بابا استحمل 5 سنين سجن كده؟ بأنه ينتصر انتصارات صغيرة كل يوم؟ عملنا المكالمات غصب عنه كلمت بابا كلمت منال.

الأمن المركزى حن علينا عملوا كوردون و حطونا فى صيدلية.

الصيدلية فيها أربعة مننا و أمن كتييييير، هما بيحققوا معانا احنا ليه متشوفوا البلطجية. بيسؤالوا عن أسامينا فاكرينا هنخاف؟ يا عم ده مش تنظيم سرى خد اسامينا اهيه.

حطيت ايدى فى جيبى أطّمن، و أنا فى الأرض و القلل بتمطر عليا نقلت كارت الميمورى من الكاميرا للجيب التانى، حتى لو خدوا الكاميرا الصور هتفضل معايا، طول ما الصور معايا أنا كويس طول ما الصور معايا كرامتى محفوظة أنا انتصرت غلبتهم كلهم.

الشباب بيلعبوا لعبة هبلة عاوزين يخبوا الموبايلات و سرية و أفلام بيقولك لحسن يئذوا أصحابنا، عقلى بيقولى ايه الهبل ده، يمكن ده انتصارهم الصغير حقهم برضه.

أنا تعبت، دماغى واجعانى (اتضربت بيجى ستين علم مصر)، مش شايف حاجة من غير نضارة، احا اللابتوب اتسرق، اححاااااااااااا اللابتوب اتسرق.

أنا عاوز أروح كفاية عليا كده النهاردة.

أنا علاء، أنا لسه زى مأنا ، أنا نفس الشخص بقول نفس الكلام بعمل نفس الحاجات، مش شايف كويس جسمى بيوجعنى بس أنا سليم أنا كويس، الكاميرا فضيت خلاص تقدر ترجع تبقى جهاز تانى مش محتاج أخبى روحى فيها.

Comments

مش عارف اذا كان من الـblog بتاعك وللا الحاجات اللي الواحد عمال يقراها في كل حته وللا الشغل الزفت وللا ايه. بس اليومين اللي فاتوا كل ما حد يشوفني يقوللي "مالك متنح" ماهي حاجة تستاهل تتنيح؛ لما تلاقي الجرايد بتتكلم عن حاجات والحقيقة حاجة تانية خالص؛ حاجة تجنن عشان انت عارف ان تلات ارباع الناس اللي في الشارع مش عارفه ايه المضبوط؛ لا هي بتقرا بلوجات ولا بتسمع من حد ولا يحزنون. وبالتالي حتلاقي كل واحد في اللي هو فيه و بيفكر في حاجات سخيفة و عيشة اسخف. افففففف ايه اللي انا بعكه ده. Anyway Alaa I dunno what to do for this yet, but surely you have the right to be in this 'daze', I wish I could curse at least this would do me better, but I took a vow...

walahi not true the people don't know, all satellite tv channels and all mo3arda newspapers (including puppet mo3arda) talked about what happened and showed photos and all.

only those who simply don't try to find the news don't know, and those are generally hopeless IMO.

Bas ya alaa bardo still what the TV channels & el mo3arda newspapers showed, don't show the people the whole true image. Reading all the blogs written on that day, made me as if I was with you live.

So most of the people aslan didn't know details about that day, elli howa ah mozahra w darb w khalas.. lakn ma ye3rfoosh el ma2asi w el kwareth elli 7asalt deh!

حسبى الله و نعم الوكيل .

I suppose this is one positive thing we can get out of our blogs they hold somewhat permenant record of what happened.

send links by email and by sms, put links on your blog

print it out and distribute it. print it out and stick it wherever you can.

سلامو عليكو

فعلاً الناس إللي راحت في يوم الاستفتاء دي ناس جدعه. أنا معرفتش أروح كان عندي امتحان, لكن قريباً إن شاء الله هروح وأقف ضد الطغاه دول :|

أنا شفت الصور وبقيت متضايق جداً, أنا بشوف بتوع الأمن في مظاهرات الجامعة . وشفت بتوع الأمن إللي لابسين مرة عايزين ياخدو واحد من بتوع التيار الإسلامي لكن كلو علقة محترمه ورجع بتوع الأمن يجرو اذيال الخيبه... مهو طبعا مينفعش يدخلو ياخدو واحد من وسط اصحابه ويسيبوهم يعني!

Dear Alaa, Two days ago I read your story (ostensibly about the laptop sacrifices), along with that of Aliaa Mosallam, and others' experiences (including Josh Stacher's at Arabist Network and the testimonies quoted there). I got dizzy from what I read. I also recieved an email titled هتك عرض 60 مليون مصري في الشارع to which horrible photos were attached, though no details or closeups of the assaults were captured, It's enough to see the expressions on the faces, the shock on the Patriots side and the animalism on the NDP gangs side. I'm still speechless. But you know what? I believe this made all of us stronger, more determined, more enlightend and more conscious. What was publicly stripped off on Wednesday 25 May 2005, was the whoring regime.

Some non-Egyptian guy told me that in his country they follow policemen who torture their relatives and take immediate vengenance on their kin. That he said stopped those cowards from crossing the line in their methods and now all know their limits.

Why not us !

To the music of the national anthem "Biladi Biladi":

Kifaya Kifaya Kifaya
I7na wisilna lil-nihaya

It-nahabna bil-fasad
Win-kaweina bil-istibdad
It-dayinna lil-bilad
Wil-nizam il-malaki 3ad

Kifaya Kifaya Kifaya
Koll zalim wi leeh nihaya

This should become Kifaya's national anthem and all the protestors should sing it together from now on during their protests.

Good, very inhumane...hope your mom is ok after all.

thanx for your support.

Alaa dearest,

i was so shocked when i heared wht happened last wednesday,they went far beyond our expectations,i had this awful feeling that this isn't our country anymore but thiers, fel el wa2t ely el telefezyon 3amal yezee3 a3'any w yaaaah te7es en 7arb october el nas kanet btetfeshe7' f el share3,ana lw makanshy 3ndy emta7anat kont 3'aleban hab2a wa7da men ely etbahdelo fel share3 ,bas bgad i don't think i would have been THAT brave ya ALaa, bgad i am so sorry about what happened..

when i first saw the 7okoma songs"akeed f masr,w masr ely betdomena" ana ekta2abt fe3lan la2en daraget el kedb ba2et mo2reffa,f wa2t mahoma 3amleen a3'any 3ayza el masreyeen yetlamo m3 ba3d w el we7da el wataneya w afsha7'anaat homa fel 7a2e2a bye3melo kol 7aga momkena 3shan yebawazo da f masr,

ahhh, yalla i am sorry again ya Alaa ya my Leader ya gamil

salma

walahi one good thing out of this is how my long lost friends 3abaroni.

mashi ya kelab ana I have to break a bone to get you to notice me.

hmmm what do I need to break for you to visit me ba2a???

هو ده يا سلمى اللي بيقولوا عليه جلد الذات

بس مش بالانتقاد المرة دي ... دي بالضرب

يعني كأن الواحد حاسس بالذنب فيقوم يروح يخلي نفسه ينضرب في المظاهرة وبتتكلمي كأن اللي حصل ده ما شفناهوش غير في مصر

ايام حرب العراق كانت امريكا مولعة مظاهرات والامن هو اللي فرقها مش انصار الحزب الجمهوري وكان خرطوم المية بيشيل المتظاهر من مكانه يهبده في الحيطة مش زي خراطيم الميه اللي عندنا اللي كأنها عيل صغير بيعمل على نفسه

بس للاسف مفيش اغنية اسمها يبقى انت اكيد في امريكا علشان نشوف اخت امريكانية بتكتب زي ما حضرتك كتبتي

شكرا للشعب العظيم بالعمرانية

sa3atak ana fe3lan mesh fahma eh ely to2sodo men radak 3alaya?w mesh fahma fe3lan eh ely da7'al Amrika fel mawdoo3,ana magebtesh seret en el 7agat di mabte7salshy 3'er f masr,bas akeed el wa7ed hayeb2a mohtam aktar aw (mota2aser) aktar bely bye7sal f balado ya3ny.and who ever said America is our model for true democracy?w ba3deen howa 3shan el amrikan byederbo hnaak yeb2a "heeeh" ba2a eshme3na e7na kaman manederebshy,w mafehash 7aga ya3ny???w 3andak 7a2 fe3lan el amn 3andena (mayseeen) beyrosho el motazahreen b7'arateem ramzeya el mafrood yestawredo el 7'arateem el amrikany 3shan yeb2o (yehbedona) f el 7eeta, :S

الاخت العزيزة سلمى

اولا انا بارد لان انا المعارضة هنا في الموقع وانتي مع الاغلبية "ما تفهمها ياريس"

ثانيا وهو الاهم قلتلك امريكا لان انتي كتبتي عنوان الرسالة "يبقى انت اكيد في مصر" فحبيت اجيبلك دولة تانية غير مصر بيحدث فيها اسوأ مما يحدث هنا والغريب ان هذه الدولة هي التي تعلم العالم كله يعني ايه ديمقراطية.

ولو انتم مش عايزين تعطوني مثل حقيقي لدولة ديمقراطية موجودة على ارض الواقع يبقى رسالتكم وصلت ان الموقع ديني وبيتكلم عن الجنة ... هههههههههه

والعملية مش لازم ننضرب ولا حاجة ... يعني اشمعنى الريس علاء انطحن وانا لأ؟؟؟ ... هو بيحب المحروسة أكتر مني؟؟؟ ... ببساطة علشان هو راح المظاهرة

اللي يقول انه موافق ان بنات مصر ينضربوا في الشارع يبقى مش راجل بس اللي خرجهم هو اللي ضربهم "زي ما قال معاوية" وكلام غير كده يبقى مش سياسة ويبقى كلنا نروح نلعب في الجنينة

واللي عايز الدح ما يقولش اح

مش كده وال اييييييييييييييه؟؟؟؟؟

I read your comment about the demonstration and the way they were treated by the security people and the beatings they took. It is very bad. They deomnstrate here in the USA too in big numbers but they don't get any coverage from the media, or get minimum coverage. Of course not on prime time, when more people are watching, that is if there is any! It is tough time here too, and lots of people don't like it and don't agree with the American policy in the Middle East and elsewhere. There is a talk now about impeaching Bush and I don't know how far it will go.

I am impressed by the your blog, but found it a bit hard to decipher the way you transliterate Arabic, I guess I'll get used to it eventually.

Regards,

Mona

the trick is to understand the few key letters

  • 3 = ع
  • 7 = ح
  • 6 = ط

adding an appostrof if like adding a dot on the arabic letter so

  • 3' = غ
  • 7' = خ
  • 6' = ظ

I 'd like to know the real aim of the site

Is it an open discussion or it is a personal one ... I don't want to bother anyone

feedback plz

on the blue box on the front page you'll find a statement of the aim of this site.

I wish I was brave as ur mother. God bless u and ur friends.

لاب توب ايه ياابنى اللى واخده معاك المظاهرة اسال العواجيز اللى زى كمال خليل والا د ليلى سويف تروح باقدم جينز عندك وجزمة دبابة لزوم التشليت فى ولاد الكلب البطاقه وكام جنيه فى جيبك لو بتلبس نضارة سيبها فالبيت يومها كده تبقى جاهز وكده كنا بنخرج فى مظاهرات السبعينات الله يرحم ايام الشباب بس بصراحة ياولادى انا فرحان بيكم فشدوا حيلكم انتوا املنا كلنا واستحملوا يوم م الايام حتقعدوا وتحطوا احفادكوا على حجركم وتحكوا لهم عن الايام دى بفخر وصدقونى لمااقولكم احتمال اللى بتعملوة الايام دى اهم انجاز حاتعملوه فى حياتكم كلها وحاتفخروا بيه باقى حياتكم ابو فارس

عيري فيكم يالمصاروه وبمصر

look to what is happimning in you country first metnak fe tezak kosomak zebi feek and fee tez omak

بسم الله الرحمن الرحي ... أنا مش عارف جيت هنا إزاي .... كنت بدور أساسأً على حاجة تانية على النت على العموم .... الطلوع في مظاهرة غلط ... 1- زي فلم die hard بيكون الشخص الغلط في المكان الغلط في الوقت الغلط المكان غلط ... لإنه مصر الوقت غلط ... لإنه حسني مبارك هوا اللي ماسك الحكم الشخص الغلط ... لإنكم مش مجهزين نفسكم للدفاع بأي حاجة ... سكينة .. مطوة سيف ....حتى مسدس ... محدش واخد باله .. محدش هيسأل

بس الخطوة الجاية هتكون مظاهرات تخريببية .... هي دي اللي هتدوس على مناخير الحكومة بالجزمة

ملاحظة ... أنا مصري ... أو إن أصح التعبير كنت مصري و اتخليت عن جنسيتي ... وبقيت كندي

قال مصر قال

هاااااااااااااااااااااااااااااااا

يعنى أصلا أنت بايعها.. و ماكنتش عارف إية إللى بيحصل.. و بتقول قال مصر قال.. ماهو أنت مشارك برضوا فى الخراب..سبتها و خلعت وبتدعى عليها و كمان مش عاجبك إللى يعترض و عايزها تبقى مظهرات همجية و تولع بزيادة..!! و العيب مش بلدنا ولا حاجة.. العيب فينا و فى أمثالك ,, و فى بختنا الأسود إللى يخلينا نقرا كلام منيل زى إللى أنت كاتبة.. سلملى على كندا..يا كانديان

انت يا عم المعترض بذمتك مابتحسدوش ؟ اهو عرف يتخلى عن جنسيته القذره اللى بقت اوسخ جنسيه فى العالم وبقت وصمه عار لو سافرت بره هاتعرف انها وصمه عار ، تعرف انت يا قرفان تاخد جنسيه تانيه ولو اسرائيل ، أقسم بالله العظيم ان اسرائيل تقرف تدى جنسيتها لواحد مصرى وعن تجربه ، وياعم الكندى يابختك يابختك وربنا يحرسك من العين عشان فيه سبعين مليون مصرى بيحسدوك .

وعشان تعرف يا عم القرفان أنا مستعد والله العظيم اتنازل عن جنسيتى المصريه فى مقابل جنسيه موزمبيق اذا همه رضيوا وهذا اقرار منى بذلك وابقى سعادتك خد الجنسيه المصريه وعلقها دبور على كتفك بس أوعى تقرصك .

أنا مش حطوّل عليك..وأعرفك بس إن أنا سافرت ..و أتبهدلت فى كل مطار و ترانزيت علشان أنا مصرية و مسلمة.. و أتحبست و أتقرفت و ناس باصتلى من فوق لتحت.. وناس كانت شوية و نفسها تتف فى وشى. و بعدين..؟؟ ومش عاوزة أغير جنسيتى ولا حاجة.. و أنا بكامل قواى العقلية أهوه..و بقولك أنت و عم الكانيديان هاتجيبونا لورا.. قصدى جيتونا خلاص..روح أرفع قضية على عم علاء بسيونى يتاعك.. و دافع عن نافسك و متخافش طول مل معاك حق ربنا معاك و لو.. مش عاجباك البلد.. كلم الكانيديان و خلية يجيبلك فيزةو يظبتك.. بس أوعى تكون مضروبة لحسن تضطر ترجع تانى

خلينا نتكلم بالعقل ياست هانم وقوليلى انتى سمعتى عن واحد امريكى خد الجنسيه المصريه او اى جنسيه تانيه ؟ الاجابه معروفه ، سمعتى عن واحد انجليزى عمل نفس العمله ؟ برضه الاجابه معروفه ، لكن الجنسيات المحترمه لو غيرت تغير ديانتها بس الى الاسلام ياست اللى بتكلمى كده اى كلام او ايدك فى الميه البارده .

شوفى يا أستاذه الجنسيه هيه اللى بتدى البنى آدم مننا الوضع والمكانه بين الدول الآخرى والناس اللى زيك بتكلم وهيه قاعده فى التكييف بتتفرج على الناس المطحونه اللى مش عارفه تسافر بره ولا جوه زى سعادتك . وكل اللى سعادتك بتعمليه زى ماكتبتيلى فى موضوع المدينه كلام من أبو ياعينى ، قلبى معاك ،زى بالظبط كلنا معاك ياريس ومستخسره حتى فينا اننا ننفث عن نفسنا بالكلام ، روحى منك لله .

كدة يابو حميد ؟.. دانتا بهدلتنى خالص و أنت أصلا ما تعرفنيش..! طب يا سيدى دانا الوحيدة إللى عبرتك فى موضوع علاء بسيونى , كان كلام بس أة, لأن معنديش حاجة أعملهالك فعلا يا كابتن.. علشان أنا لسة فى الكلية وحياتك.. و أصلا محدش حيعملك حاجة.. علشان الناس يا إما خايفة يا أمة إللى بيها مكافيها..ساعد نفسك لو تعرف!..بقولك أية من الآخر كدة.. أنا مش حازعل من كلامك علشان كفاية إللى أنت فية..و موضوع البلد و إللى جوه و إللى برة دة كلام نص كم سيبك منة أحسن.. عاوز تمشى أمشى .. هههه بس أصلا إحنا محدش عايزنا طول ماحنا صوتنا عالى و فهلاوية و مابنصدق نشتم :)), انا مش فى برج عالى ولا حاجة و لا بحب التكييف.. علشان عندى حساسية).. قفّل على الكلام.. و بلاش تدعى عليا.. و ربنا يكرمك يا سيدى و ينصرك على مدينة الأنتاج كلها :)و مقبولة منك الشتيمة يا جامد ياللى البلد واكلا حقك و حقنا..

نا ماباقولش كلام نص كم يا استاذه مشيره دى حقايق وانتى نفسك عارفه من جواكى انها حقايق سواء موضوع المدينه وللا موضوع ان مافيش اى بلد تقبل تدى جنسيتها لواحد مصرى ناهيك عن الزياره اصلا. وانتى رايقه والحسنه الوحيده اللى شفتها تعليقك على موضوع علاء بسيونى اهو أحسن من غيرك بس ماتبوظيش الحسنه بالتريقه علشان انا عاشرت الراجل ده 3 سنوات متصله وورثت عنه طول اللسان لانه ماعندوش غير طوله لسان وبلطجيه يحموه ، ومره تانيه انتى احسن من غيرك بس بلاش تريقه عشان انا لو اتريقت شكوكو الله يرحمه مش هايعرف يرد عليا لو كان عايش ، وشكرا لتفاعلك .

عمو الكنديان ده ماتنسيش ان اصله ايه؟ مصرى زيك يعنى من نفس العينه بمعنى انه لو فى ايده يجيبلى الفيزا مش هايجبها لانه مافيش مصرى بيحب الخير لمصرى تانى زيه والكلام اللى انا باقوله ده حقيقى الف فى الميه وكفايه مكابره ياللى قاعده فى برج عالى ، وماتنسيش المصريين اهمه حيويه وعزم وهمه وخدى بالك ان احنا اللى خرمنا التعريفه وكفايه عليكى كده.

ماتعمل حركه جريئه تثبت فيها انك اتخليت عن كل ماهو مصرى بما فيهم من انانيه ومكابره و...و....و...وكل الصفات الوضيعه وشوفلى واحده كنديه عجوزه ترضى تتجوزنى باى مقابل وليك الحلاوه بس تجوزنى وتطلعنى بره البلد ، والله انا باتكلم جد جدا جدا ومستعد لاى مقابل فعلا لان الايام الجايه مش بتاعت بلد زى بلدك السابق (عقبالى) وانت لعبتها صح برافووا عليك وأرجوك لو تقدر تشوفلى طلبى ده وليس لدى أى شروط وجاهز لكل الشروط ومعايا جواز السفر وكل ما يلزم للهروب من البلد دى بس ادينى انت السكه والا تكون بتقول اى كلام فى اى كلام زى ما انا متوقع لا لشيء ولكن ربما يكون فيك عرق مصري وضيع وده وارد وبرضه هاعزرك وللعلم انا عندى عمين قدروا يعملوا زيك وهمه مستقرين فى كندا من اكتر من 15 سنه واحوالهم اكثر من ممتازه بس واحد مش باشوفه خالص ولا اعرف طريقه والتانى بييجى كل 3 سنين مره شهر بالكتير ويهرب على هناك تانى وبينفضلى ومش عايز يبعتلى كل ماطلب منه لانه خايف اروح هناك وأحسده عاللى هو فيه لانه فى ال 15 سنه دول اصبح ثرى ولديه فيللا وسياره فاخره ويعمل بالحكومه الكنديه ووضعه الاجتماعى والمالى هناك رائع وده مش كلامه طبعا ولكن مافيش حاجه بتستخبى دلوقتى فى اى مكان ....وزى ماقلتلك انا جاد جدا ومستعد لدفع المعلوم فى مقابل الهروب من مصر باى طريقه ....

ياعم الاستاذ انت وهو قولولي بس ايه اللي مش عاجبكم في البلد.

انا اقول لكم ... الفلوس ... مفيش فلوس تظبط ... عليا النعمة انتم لو كان معاكم اللي يكفيكم وزيادة ما كنتم حتقولوا الكلام ده.

يعني ماهو الراجل الطيب بوش دخل العراق علشان الفلوس ... ماسورة شايلة فلوس لونها اسود ... وكمان اسرائيل طالبة من امريكا فلوس علشان تخرج من غزة والامريكان بيحمرقوا ... فلوس يا افندي.

طبعا فيه ناس تتمنى تبقى مصريين ... السودان مثلا . عارفين ليه ؟

لانهم افقر مننا ... ببساطة ومن غير كلكعة.

ماهو حتى انت يا استاذ احمد بتتكلم في فيلا وعربية يعني فلوس.

كل حاجة في مصر متاحة لو الفلوس موجودة. حتى الهبل متاح. يعني البلوج ده ما كانش ممكن يبقى موجود من غير فلوس ولو فيه فلوس اكتر مع علاء كان هيبقى احسن كتير ولو معاه مليون جنيه مكنش الموقع حيتوجد اصلا ... ههههههه

وبعدين كفاية ابتسامة مصر دي حتى ما تتنسيش ....احيييييه على ابتسامة مصر احيييييه

البلوج كان هيبقى أحسن في ايه لو معايا فلوس أكتر؟ ده أجدع بلوج في الدنيا بس انت اللي مش واخد بالك.

و بعدين فلوس أكتر من ايه المصيبة دي بتكلفني كتير قوي كفاية عليه كده.

قشطة يا ريسنا ياللي معلمنا التواضع.

هو فعلا بلوج كويس والدليل شهرته.

بس تخيل لو كان معاك ميزانية اكبر علشانه= سرفر اسرع وباندويدث اكبر

حاجة تانية برضك

ولو كان معاك ملايين ما كنتش حتبقى فاضي للسياسة من اساسه وما كانش البلوج حيتعمل ... صح يا معلمي؟

وانا لو معايا شوية فلوس حلوين كنت حاعمل حاجات تانية احلى بكتير من السياسة. هارشني طبعا.

باقولك ابتسامة مصر يا ريس ما تتنسيش

في الجد البلوج مش مشهور و أقرى الأرقام و أنت تعرف ده ولا حاجة مقارنة بأي صفحة مالمشهورين بجد.

لكن أحنا الحاجات مبتأثرش فينا و هو أجدع بلوج في الدنيا و بيقراه ملايين لكن في مؤامرة على بتخلي الحكومة تمسح الأرقام، طبعا أنا خبير في الكامبايوتار و محدش يقدر يخترقني انما أنا مفوتلهم دي بمزاجي عشان ألهيهم.

انما أعمل ايه بسيرفر أكبر و باندويدث أكتر لما أنا مخلصتش اللي عندي (ما أنكرش أن لو معايا فلوس أكتر كنت هجيب سيرفر أكبر بس دي طفاسة)

ثم بعدين أنت فاكر ده hosting من أبو تلاتة نكلة، لا يابا البلوج بيقولك متبصليش بعين رضية ... بص للي اندفع فيا_ اه ده مكلف و خارب بيوت كمان بس احنا مبتكلمش عشان الحسد

و بعدين أنا راجل متجوز و معرفش غير ابتسامة مراتي، لو سمحت دي مدونة محترمة و ميتقالش فيها الكلام ده، تشتم الحكومة ماشي لكن ابتسامة و مص و الكلام ده عيب.

لازم برضه من حين لاخر المعارضة ترفع من روح الرئيس المعنوية .

لا يا باشا البلوج مشهور على الاقل اشهر من eglug نفسها بص عليه في alexa.com هو صحيح مش مشهور قوي زي موقع وائل عباس انما في الوقت اللي انا باكتب فيه ده سابقه جامد في الترتيب في alexa.com

انت دخلت في اول 100,000 يا معلمي وده علشان الهرتلة بتاعة كنس السيدة زينب. وبعدين بخصوص الابتسامات واللحمة البيضة والكلام دة انت اول ما كتبت ترد عليا قلتلي الكلام ده بيهمك http://www.manalaa.net/my_own_opposition_this_is_fun#comment-5060

وبتكره الاخوان علشان هيمنعوا تينا وماريا والناس الحلوة ديا ... والا انت زي القرع تمد لبره لا يا معلمي ده احنا رقاصتنا يهيجوا طوب الارض.

طب ما انا كمان متجوز بس سحرتني ابتسامة مصر ... ونفسي اشوف ضحكة مصر. بس ما يتهيأليش الرقابة حتسيب مصر تضحك في التليفزيون.

ياريت نبطل نتعامل مع ترتيب Alexa على أنه ليه أى معنى لأنه أسلوب غير علمي و غير دقيق بالمرة

خد عندك مثلا EGLUG بيجيلها زوار أكتر من موقعي لكن لأن Alexa bar بيشتغل على windows بس يبقى أي حد بيستخدم نظام تشغيل تاني ما يحسبش، و مش بس كده لازم Internet Explorer يعني حتى لو بتستخدم windows بس بتستخدم mozilla أو mozilla firefox أو Opera لا يحسب

طبعا الغالبية العظمى من جمهور EGLUG مش بيستخدم windows و لو بيستخدم مش بيستخدم internet explorer و لو بيستخدم مستبعد يكونوا بيستخدموا alexa

الوحيد اللي عنده معلومات دقيقة عن استخدام الموقع هو صاحب الموقع و أي حاجة تانية لا يعتد بيها.

طبعا صح يا باشا ... انت من يوم ما عرفتك استاذ من الناحية الفنية دي

لكن ما هو ده المقياس الوحيد المتاح للكل لمعرفة مدى شعبية الموقع

اكيد صاحب الموقع هو اللي عنده ادق معلومة ... لكن ازاي اقارن موقع بموقع تاني الا من خلال الاداة الغير دقيقة اوي دي.

بجد لو عندك معلومة عن طريقة تانية ياريت.

على فكرة انا نفسي معنديش alexa toolbar هههههههه

على حد علمي مافيش طريقة

أسلوب google بتاع عد كام صفحة بتعمل رابط لصفحتك هو أفضل حاجة متاحة

am supporting you - like most of egyptians - with no limits .. if you found anything i could do just let me know. am professional in networks/telecommunication .. god with you

Camira of Egypt

انا مانكرش ان الفلوس مهمه بس الوظيفه والاستقرار اهم وهيه دى اللى بتخلق الفلوس على الاقل اللى تكفى الواحد وموضوع القناعه ده حاجه شخصيه تخص الواحد ياما يقنع باللى معاه يا يتبطر وهو ده لب الموضوع اذا كنتوا فاهمين حاجه وأشك فى كده ، انا ليا زميل قبل مايمنعونى من دخول العمل وهومدير مكتب عمرو الليثى وراتبه محترم ولكن كل ماكلمه عن المدينه يقوللى انا ماليش غير فى النسوان وبس وابعدنى عن السياسه مع ان راتبه مش مكفيه وعنده مشاكل مرضيه بس هو خايف وماشى جنب الحيط زى مابيقول عشان يحافظ على وظيفته اللى معيشاه مستور وده فى حد ذاته نعمه واللى يكرهها يعمى ، وبيقوللى كمان لو عايز يبقى بيننا علاقه ماتكلمنيش عن المدينه لاعالشات ولا عالموبايل ولا حتى لما نتقابل ، نتكلم عالنسوان نتكلم على نصبايه حيث ان البلد بتشجع الاستثمار لكن نتكلم عالمدينه ولو لوحدنا لأ ، رجعنا لعصر مراكز القوى والرعب من الكلام حتى على انفراد ماحدش بيثق فى حد ومش هاقول العلاقه كانت بيننا اكتر من أخوات بس لما الموضوع يدخل فى الوظيفه وأكل العيش وده كلامه افلقس واقول يامين يدينى فى القله بس اعيش فى البلد دى فله ، وعالعموم احنا من سيء الى اسوأ وشبابنا مدمرين وماعندهمش مباديء ولا أخلاق وممكن يبيعوا اهاليهم واخواتهم وزوجاتهم عشان يعيشوا فى البلد دى مستورين ، وهو ده بقى حالنا ولا داعى للانكار والتريقه لان ده الواقع ، لما مكتب العمل اللى اتخلق عشان مشاكل العمل مايدخلش فى مشكلتى ولما الرقابه الاداريه اللى بينشروا عنها اشاعات انها تقدر تحاسب الريس وللا الجهاز المركزى للمحاسبات ينفضلى عشان مايخسرش الكام عاطل اللى بيشتغلوا فى المدينه من ولادهم ولما...ولما...ولما....اقول ايه وللا ايه احنا مدمرين عديمى الهويه المحترمه وتقوللى الفلوس اللى بتظبط لأ يا سيدى الفاضل لما الواحد يكون حاسس بالامان فى بلده ولما الواحد تقدر ياخد حقه من غير واسطه ولما الواحد يقدر يستقر فى وظيفته من غير تهديد وارهاب استغلالا لظروف البلد القذره التى وضعتنا فيها العصابه القذره اللى خلت الواحد فعلا فعلا ينكسف من مصريته هو ده يا بيه التظبيط وهيه دى الكرامه و....هاقولك ايه ماحدش فاهم ويارب احنا محتاجين أحتلال أمريكى بصحيح والحقنا يابوش قبل مانبوش يمكن نفوق ونظبط الحال المنكوش ،لما يبقى للشباب قضيه بدل الهيافه والفراغ ولما يبقى للشرطه هيبه بدل ماهم قاعدين فى الاقسام يلعبوا بالموبايلات ال 6600 وسايبين الناس تلالى بره لان ماعندهمش قضيه ولو كان اسمها التحضر اللى كل معلوماتهم عنه الرنات والنغمات وياريتهم بيشتروا الموبايلات لأ يا جماعه وعلى مسؤوليتى انا شفت بعضهم وعارفهم بالاسم بياخدها رشوه عينى عينك ده حتى كان زمان من تحت لتحت فى الدرج بس دلوقتى الدرج هايساع ايه وللا ايه وبقت عينى عينك والله والله والله انا كنت بادى رشوه 10 جنيه لامين فى قسم الهرم عشان يرضى يكتبلى محضر وباحطهاله تحت الورق بتاع المحضر ووقعت عالارض وانا اتخضيت لقيته جابها من عالارض وقاللى مالك يابيه المعفن اللى واقف ده واشار على راجل فى حدود 45 سنه وشكله متبهدل وقاللى مش هاين عليه يدينى سيجاره خليه واقف للصبح لغايه مايلاقى حد يعبره، والكلام ده مش محتاج اثبات يتهيألى كلنا عارفينه ومجربينه والست هانم اللى اسمها مشيره بتتريق عليا وعايشه فى دور الوطنيه وهيه نفسها سافرت واتبهدلت ليه؟ عشان جنسيتها مصريه اما حكايه عشان مسلمه دى مش صحيح لان الكويتى مسلم والسعودى مسلم والاماراتى مسلو واللبنانى مسلم والاردنى مسلم وكفايه كده يبقى اتبهدلتى ليه يا ست مشيره عشان انتى مصريه ولا تسيئى للاسلام لان الغرب بيحترموه كديانه بدليل اسلام ناس كتير منهم ولكن الجنسيه والهويه المهينه التى تحملينها هى اللى جابتلك البهدله يا أستاذه واضحكى على نفسك بالوطنيه وغنى أغنيه انا المصرى لئيم العنصرين وانا هاقولك كل مره باشوفك فيها بابقى نفسى أ أ أ...

جامد جـامد و الله.. كل الكلام إللى قلتة جامد جداَ و أجمد من كل الكلام إللى فات و خصوصاَ الشباب و الموبيلات ( علشان الوضوع دا فاقعنى قوى) و عندك حق إن مش الفلوس هي المشكلة..و إلا كان كل الناس الكبيرة إللى معاها فلوس متلتلة بقوا أحسن ناس فى الدنيا.. عندك حق و ينصر دينك.. و أنا أتريقت عليك صحيح.. بس مانتا بتدعى عليا و تقولى منك لله و بعدين هو مين إللى أتبهدل أنا و لا أنت..؟؟ أنا ياسيدى أتحبست علشان مصرية و علشان أسمى مشيرة أحمد محمد.. لية و لية يبقى أسمة أحمد محمد.. أحمد و محمد فى نفس الوقت ؟؟ تعبهم الموضوع دا قوى,,مش وقتى أحكى بالتفصيل..و إللى كانوا محبوسين معايا.. كانوا باكستانيين مسلمين و عرب..و جماعة الكويت و الإمارات إللى بتحكى عنهم دول ساعات يبقى ليهم إللى يسندهم و بيفوتوا . و يعنى إية عايشة دور الوطنية..؟؟ "دور الوطنية" إزاى..؟؟ إية الحلو أنك تشتم بلدك و تعلن أبو إللى جابوها؟؟..إشتم إللى فيها و أدعى عليهم ( زى ما بتدعى عليا كده ).. و ماتقوليش إية الفرق.. علشان فيه فرق.. لما تحضر ماتش و مصر تخسر.. بدل ما ترمى علم بلدك و تدوس علية.. تروح تتف فى وش اللعبية إللى مالعبتش و خسرت و لو كلامى عبيط و مش عاجبك براحتك.. و أدعى يا عم كمان كمان:))..مانا منحوسة خلقة.. ماجتش عليك,و ربنا معاك..

يا معلمي كل اللي انت بتقوله ده فلوس

طب حامشي معاك واحدة واحدة

"انا مانكرش ان الفلوس مهمه بس الوظيفه والاستقرار اهم وهيه دى اللى بتخلق الفلوس" لا يا حبي الفلوس هي اللي بتخلق الوظيفة سواء صاحب شغل او حتى موظف, وعلى كل حال انت ممكن تقدر امكانياتك كشخص بالفلوس, مثلا يعني الابتدائية تساوي 200 جنيه والاعدادية تساوي 300 جنيه والثانوية 500 والليسانس او البكالريوس 1000 مثلا, وكل لغة تتعلمها تساوي 1000 جنيه

مثلا لو عايز شغلانة محتاجة واحد بيعرف لغتين ومعاه مؤهل عالي تبقى دي ممكن يشتغلها واحد بصمجي ويدفع رشوة 5000 جنيه ... معايا على السقفة...

"وهومدير مكتب عمرو الليثى وراتبه محترم ولكن كل ماكلمه عن المدينه يقوللى انا ماليش غير فى النسوان وبس وابعدنى عن السياسه مع ان راتبه مش مكفيه وعنده مشاكل مرضيه بس هو خايف وماشى جنب الحيط زى مابيقول عشان يحافظ على وظيفته اللى معيشاه مستور" شفت بقى الكلام كله على الفلوس والمرتب ... هو بيحب النسوان دي قصة تانية بس ما يقدرش يظبط النسوان دي الا بالفلوس.

وحتمشي ورا الكلام اللي انت كتبته حتلاقيه كله على الفلوس لحد ما توصل لسعادة الامين القارح اللي خد العشرة جنيه من على الارض.

وزمان قالوا: يا بسيفك يا بدهبك ... وطالما موضوع السيف ده مختلفين عليه هنا في البلوج ده لاننا بننتناقش من شهور فيه يبقى الكلام على الدهب يعني الفلوس يا استاذ

ما انكرش ان فيه حالات شاذة انتصر فيها السيف على الدهب او ما عملتش حاجة الفلوس زي حالة الحاج حسام ابو الفتوح ... لكن فيه برضه حالات انتصر فيها الدهب على السيف زي حالة المقدس رامي لكح... لكن يمكن هو انتصر علشان مجنس فرنساوي مش علشان فلوسه ويبقى كلامك صح ساعتها... لا يا باشا مش صح: ديانا مشيت مع الفايد علشان الفلوس والعيشة العز ,وبوش اللي مطلع ميتين ام الدنيا ومشعلل البلد علشان خاطر رجالته... كل ده علشان الفلوس.

واخيرا بن لادن فاشخ الدنيا برضه مسنود على الارصدة اللى في سويسرا اللي ما رضيتش البنوك السويسرية تسمع كلام بوش في تجميدها وطلعت للامريكان صباع الوسطى.

الجنسيات اللي انت بتتكلم عليها دي بتتشري بالفلوس ... معاك رصيد في البنك قدم هجرة كراجل اعمال كام سنة وخد الجنسية ... شفت سهلة ازاي ... بس انا لو معايا فلوس عليا النعمة ما اسيب البلد ... انا اقعد هنا واعمل كل اللي انا عايزه وادخل مجلس الشعب والشورى وارشح نفسي قصاد ايمن نور ... ههههه

وسلملي على المبادئ

فية إية..؟؟ و لية كلامك عامل كدة.. كلامك ملزق و ألفاظك مش ولا بد.. لأ محافظ فعلا.. محافظ على مستواك....:) بس أنت كمان كلامك بيحصل.. يعنى من ناحية الواقعية واقعى.. انما لو حبينا نبص بطريقة انضف من كدة..حنلاقى أن إحنا مش لازم نبقى "معاك على السقفة" ولا حاجة.. علشان إللى بيحصل غلط و مش مقياس لأى حاجة نتفع للبنى آدميين.. و الفلوس إللى بتتكلم عنها إللى حتجيب شهادة و وظيفة و "نسوان" على حد كلامك.. حتجيهم لواحد بصمجى و معاة قرشين..و لما البصمجى يقعد على كرسى و يمسك قلم تبقى خربت..علشان الواطى لما يعلى زيادة عن اللزوم بيجى يوم و أصلة يعزّ علية.. و حتى على مستوى أكبر من كدة أمريكا و بن لادن بتاعها و العراق..كدة يبقى الحكومة ليها حق تسرقنا و تخرب بيوتنا علشان تجيب فلوس و تعمل لنفسها مقام..و بالمرة الحزب و كلابة ينبهم من الحب جانب علشان يقطعوا فينا صح..؟؟ عاجبك كدة..دى أفكار إية دى..؟؟ وأنت كلامك ختمتة صح..علشان يبقى ماشى مع بعضة..قلت :وسلملي على المبادئ.. كلنا يا عم المعارض نسلملك عليها.. بس هى مش حترد السلام.. ..

ايه يا ست مشيرة, الواحد ما يعرفش يلمح ابدا ... لازم يعنى الكلام يبقى مباشر... ده حتى البلوج اغلبه مثقفين والمعنى في باطن الشاعر.

اولا انا باكتب بالاسلوب ده لان حضرتك شايفاه كاتب ايه وبانهي اسلوب, وبيتهيألي لكل مقام مقال.يعني هو ما يكتبشي اللي هو كتبه وانا ارد باية من القرأن.

ثانيا اللي انا عايز اقولهوله انه ببساطة بيبيع بلده بالفلوس لما يكتب كلام زي كده, ويكون يقصده بجد.

ثالثا الكلام ده مع كل الاسف واقعي إلى حد بعيد زي ما حضرتك اتفقتي معايا وخصوصا في الايام السودة دي وعلى مستويات كتير... والكلام على المجتمع قبل الحكومة.

وربنا يستر

مــــــــاشى ياعم المحافظ.. تنفع فى مجلس الشعب فعلاً.. تتكلم براحتك و دايماَ عندك دفاع !!ولو إنه مش عزر ..لا لمعنى الكلام و لا الأسلوب.. لف و دور عليا يا سيدى و فى الآخر قللى الحدق يفهم.. ماشى ماشى.. ربنا يستر علينا فعلاَ و مغفل.. قصدى مغفلة.. إللى تتكلم بعد كدة..

GREED AND CORRUPTION!!!!! HOSNI SHOULD GO!!!!!!!!!!!!!!!! THERE SHOULD BE A DOCUMENTARY ABOUT THE THINGS HE HAS DONE TO THE EGYPTIAN PEOPLE.... HE SHOULD GOOOOOOOOOO DILWATY!!!!!!!

هلا بـ " الشباب " ... انتوا برجلتونى الصراحة انتوا بتحبوا مصر ولا لأ ؟ :) اللى بيقول انه مش بقى مصرى ... غلطان لانه كده مش فاهم مصر

  1. ارض (موقع فى منتهى الجمال فى خريطة العالم ..) -
  2. حضارة وتاريخ ( حضارة شديدة الصراحة وكتير بيحسدونا عليهاونفسهم فى ربعها -
  3. شعب ( زى الفل ميرضاش بالذل وصبور ولذيذ وروحه خفيفة ومكبر دماغه بس صدقونى مش بيسييب حقه والتاريخ شاهد )
  4. حكومة ... بدون تعليق ( عرايس لعبة فى ايدين اكبر منهم وخلوهم كلهم بلا استثناء يلهثوا وراء الفلوس والمحافظة على الكرسى حتى لو كان الثمن بركان تحت الكرسى ( غضب الشعب ) وهما مش فاهمين وبيستعبطوا

اللى يستغنى عن مصريته علشان نقطة واحدة من اللى فاتوا يبقى غلطان طبعا عارفين نقطة رقم كام :)

althougth iam not very concerned about what happen because iam in benisuef and see people which even dont deserve freedom and think that freedom must be thier motive and whole goal so we can reach it but when i saw people like you i feel that imust do some thing for misr so thank you

أحييك وأعتذر للسيدة الوالدة واقول لك أصبر ، وثق أن صبرنا في قواتك المسلحة كان ليزداد الغيظ لساعة الحساب ، وكلاب الداخلية هؤلاء ، سيعودون كما كانوا في الماضي ، ففيهم وثق من كلامي من هم مثلك ومثلي ، ولكن الآخرين ممن كشفوا عورة مصر ، فأقسم لك بمن خلقك وخلقنا وجعلنا مصريين ، لتعيدهم حرفيا للعق الأحذية والله على ما أقول شهيد فلاتحزن

ولكن أرجو سواعد مصر الشابة أن تهب ففلحرية الحمراء باب بكل يد مضرجة يدق