You are here

technology

أجازة مجانية أسبوعين بالاسماعيلية بشرط تكون بتعرف جنو لينوكس

أنا شغال في مشروع ظريف اسمه معسكرات التعبير الرقمي العربية

و محتاج متطوع للمساعدة في ادارة معامل الكمبيوتر بالمعسكر، مطلوب خبرة بسيطة باللينوكس و الشبكات و حماس للعمل مع الشباب الصغير/العيال

صحيح أحنا غلابة و مش هنقدر ندفع فلوس لكن فكروا في الموضوع كأنه أجازة مدفوعة لمدة أسبوعين. في موقع كويس

اللي يحب يتطوع يا ريت تتصلوا بيا على [email protected]

من خلاصة حكمتنا - ورقة تكنولوجيا من أجل التغيير

في السنوات اللي فاتت أتيحت لنا الفرصة أكثر من المرة أننا نشارك في ندوات و مؤتمرات و ورش عمل و نتكلم فيها عن الصحافة الشعبية و التدوين و غيرها من المواضيع المرتبطة بتأثيرات تكنولوجيا الاتصلات و المعلومات الاجتماعية و السياسية.

للأسف عادتي أني مبحضرش كويس في المناسبات اللي زي دي و بالتالي الأفكار اللي بقولها و الأفكار اللي بطلع بيها من الحوارات في الفعاليات دي في الغالب بتفضل غير موثقة، مؤخرا الشبكة العربية لمعلومات حقوق الانسان دعتنا لورشة بعنوان "آليات الدعم المتبادل بين الانترنت و حقوق الانسان" و كان المطلوب مننا الكلام عن خبرتنا الشخصية في استخدام المدونة في النشاط الحقوقي، بس احنا قلنا نستغل الفرصة دي ما دام هنقعد نكتب ورقة و نبدأ مشروع توثيق الأفكار اللي عمالين نقولها يمين و شمال من غير ما تتكتب دي. و بدل ما نقصر الورقة على خبرتنا الشخصية و المدونات حاولنا نوثق لخبرات مختلفة (أغلبها من مصر) و لاستخدام أدوات متنوعة مش بس المدونات و حاولنا يكون التركيز فيها على استخدام التكنولوجيا كأدوات و وسيط للتنظيم عموما.

الورقة بعنوان تكنولوجيا من أجل التغيير و و نصها الكامل هنا، و كمان مرفق نسخة PDF.

الآن أتكلم - موضوع أسعار الدي اس ال

استفزتني بشدة الحملة العبثية المعمولة ضد قرار مرفق الاتصالات الخاص بأسعار الدي اس ال، فجأة كده لقينا مدونين و صحفيين و تلفزيونات بيكتبوا و يفتوا و مؤسسات و أحزاب عاملة ندوات و هيصة و هجوم و طول الوقت كنت حاسس أن أغلب ان لم يكن كل اللي بيتكلموا مش فاهمين حاجة خالص و أكثر حاجة مش فاهمينها هي القرار ده معناه ايه بالظبط.

المشكلة مش في أن الناس مش فاهمة المشكلة في أن الناس عارفة أنها مش فاهمة و مع ذلك مصرة تفتي. هنيئا للمدونين أدائهم بقى زي الصحافيين بالظبط.

من الأمور المستغربة ان أغلب الصحفيين مهتموش يتصلوا بشركات مقدمي خدمة الانترنت، كأننا في الستينات حيث كل حاجة قطاع عام و كل حاجة بمزاج الحكومة.

القرار الشهير

مرضيتش أكتب تفسير للقرار لحد ما أتأكد، الكلام اللي جاي ده مبني على فهمي و الاتصال ببعض المصادر داخل شركات النت و الوزارة.

بصوا يا جماعة لحد قريب كان تسعير خدمة الدي اس ال خاضع لقرارات مرفق الاتصالات و متثبت و لا يحق للشركات لا زيادة و لا نقصان في السعر. و نوع الخدمات المقدم برضه محدد. أهم حاجة في القرار هي أنه حرر السعر. حدد فقط سعر أقل خدمة (سرعة 256Kb مع طاقة تنزيل محدودة 2GB في الشهر) و سعر أعلى خدمة (سرعة 2Mb مع طاقة تنزيل غير محدودة) و ساب للشركات مطلق الحرية في تحديد و تسعير أي خدمات أخرى ما بين الخدمتين دول بحيث ميقدموش خدمة أو سعر أقل من الحد الأدنى و لا أعلى من الحد الأقصى.

ملاحظات كورس بي اتش بي من خلال دروبال

اللي اتعلمناه في كورس بي اتش بي من خلال دروبال في الجلسة الأولى و الجلسة التانية هتلاقوه على مدونتي الEGLUGية، هنا و هنا.

ما جمع الا أما وفق

في الحلقة السابقة

في شهر أكتوبر اللي فات بدأت مناقشة عن مستقبل مجمع المدونات المصرية اللي حاليا جزء من موقع manalaa.net، طرحت وقتها مشكلتين بتواجه المجمع، مشكلة مادية و تقنية في تحمل العدد المتزايد للمدونات و الزوار و مشكلة تقنية و تنظيمية في نعرض التدوينات ازاي مع تزايد عددهم بالشكل السريع ده.

من المناقشة كان واضح أن فيه اهتمام باستمرار مجمع المدونات المصرية على صيغة مفتوحة للجميع و مفيهاش اختيار مدونات، و في التعليقات ظهرت اقتراحات عديدة لمشكلة حجم المحتوى أغلبها تنفيذه محتاج مجهود كبير و برمجة كثيرة.

و بعدها انقطع النقاش بسبب المواضيع السخنة اللي بترف على المدونات و بسبب سفري مدد طويلة.

رغم أني مكملتش المناقشة على المدونة لكن كملت مع أصدقاء كثر و خدت مجموعة قرارات، مرتبطة أساسا بالوضع المادي و تمويل المجمع، قبل ما أشرح القرارات دي خليني ألخص الفترة اللي فاتت.

من أين لنا هذا

المجمع بدأ في يناير 2005 كان عدد المدونين صغير جدا و عدد الزوار صغير جدا جدا، تكلفة الاستضافة كانت لا تذكر وقتها و كنا بندفعها أنا و منال من جيبنا، مع الزمن زاد عدد المدونين و عدد الزوار و اتنقلنا من shared hosting لvirtual servers و بعدين لdedicated server و قعدنا نرقي السيرفر كل شوية لحد ما وصلت التكلفة 60$ شهريا (كان وقتها عدد المدونين بالمئات و عدد الزوار الدائمين ميعديش 10000).

طول الفترة دي كان السيرفر شايل في نفس الوقت مجموعة من المواقع و المدونات اللي أحنا مستضيفنها او بانينها كعمل تطوعي، مسألة الاستضافة دي كانت هي الهدف الأساسي من شراء نطاق manalaa.net و تأجير سيرفرات و كانت الأولوية بالنسبة لينا، لكن مع الزمن بقى المجمع أهميته أعلى و بسبب قلة امكانيات السيرفر بالنسبة للضغط عليه كان بياخد مننا مجهود و وقت أكثر.

وقتها كان كل شوية كل المواقع اللي على السيرفر تنهار بسبب المجمع، فقررنا أن ضروري يتفصل مدونة منال و علاء و المجمع عن باقي المواقع، لكن امكانياتنا مكانتش تسمح بدفع أكثر من 60$ شهريا فقررنا طلب المساعدة من الأصدقاء.

مكتوب و مستقبل مجمع المدونات المصرية

زي ما أنتوا عارفين الموقع ده مش بس مدونة كمان عليه مجمع المدونات المصرية المجمع عبارة عن برنامج بيزور كل المدونات المصرية المعروفة كل كام ساعة بحثا عن تدوينات جديدة، لما بيلاقي تدوينات جديدة بيعيد نشرها في مكان مركزي.

المجمع

بالاضافة للمدونات بنجمع كام موقع اخباري كمان. المجمع متقسم باللغة أساسا لكن كمان بيسحب التصنيفات من المدونات و الناس تقدر تتصفحه بالتصنيف (و ان كان أغلب المدونات المصرية مبتستخدمش نظام تصنيف).

المجمع مكانش أول جهد لتجميع المدونات المصرية، البداية كانت مع حلقة المدونات المصرية اللي علمها حلمي و لحد النهاردة الحلقة هي المصدر الأساسي اللي بنكتشف عن طريقه مدونات مصرية جديدة (لكن كمان الناس بتقدر تضيف مدونتها للمجمع مباشرة).

الزوار

أقدر أجزم أن المجمع كان ليه دور أساسي في نمو التدوين المصري و في ظهور المدونين اعلاميا و في اتساع دور المدونين سياسيا خصوصا اللي بيمارسوا الصحافة الشعبية، المجمع بيزوره من 2000 الي 3000 زائر يوميا أغلبهم بيزوره ثلاث مرات في اليوم على الأقل، في تقديري الغير علمي بالمرة فيه حوالي 30000 شخص بيتعامل مع المجمع على أنه وسيلته الرئيسية ان لم تكن الوحيدة في تصفح المدونات المصرية. و وفقا لتقديري الغير علمي برضه المجمع هو المصدر الأساسي للزوار (referrer) بالنسبة لثلث المدونات المسجلة عليه على الأقل. في الأوقات اللي بيحصل فيها أحداث كبيرة (عنف يوم الاستفتاء، الانتخابات، مجزرة اللاجئين السودانيين، غرق العبارة، اعتقالات المتضامنين مع القضاة) عدد الزوار بيزيد بشكل سريع جدا.

المدونات

المجمع مسجل بيه 1377 مدونة و أرشيفه فيه 63886 ألف تدوينة، معدل نموه سريع جدا، قمثلا في أول نوفمبر 2005 كان مسجل بالمجمع 372 مدونة فقط يعني بنتضاعف بمعدل مرة كل نصف سنة (مشابه لمعدل نمو المدونات العالمي).

مجمعنا و الحلقة يعتبروا حالة شاذة في وسط فضاء التدوين العربي، كل المجمعات العربية الأخرى بلا استثناء عندها معايير ما غير المعيار الجغرافي للمدونات اللي بتربط ليها، لدرجة أن المدونة التونسية الأشهر فكرة لجأت سياسيا الي مجمع المدونات المصرية بسبب رفض كل حلقات التدوين التونسية الربط لها.

يعني أهم هدف عندنا هو أننا نكون شاملين لكل المدونات المصرية (تحت تعريف فضفاض جدا للمصرية). و أنا كنت داير فعلا أدعي أن المجمع و الحلقة بيعبروا عن كل فضاء التدوين المصري.

مكتوب

لحد كده و جميل المصيبة بقى أن طلع المجمع مش بدرجة الأهمية اللي أنا متصورها خالص، أكتشفت مؤخرا أن خدمة مدونات مكتوب بها 1546 مدونة مصرية مش مسجلة على المجمع ولا على حلقة المدونات المصرية و ولا عمرنا سمعنا عنها، ده معناه مئات من المدونات اللي مفيش ولا مدون من اللي نعرفهم بيربط ليهم و غالبا معناه فئة من القراء مفيش تقاطع كبير بينها و بين قراء المجمع.

live blogging from the sit in التدوين على الهواء مباشرة من الاعتصام

in a few hours we will start the sit in in support of judges and journalists, we'll spend around 18 hours in Tahrir square, protesting, chanting, talking, reciting poetry, and having fun.

to keep you all in the loop we'll blog live using our mobile phones.

I tried to copy mostafa and and setup an sms feed so I can blog live from the sit in, but it didn't work with vodaphone. so we'll use mostafa's blog instead.

keep up with the news live from the trenches on http://mostafa.foolab.org

حكايا الوراجي في الخليقة

God must have created us in Perl, but couldn't she add more comments??

الزراف الغشيم، و البوم الحكيم، و العصافير أم سيم

صلي على النبي يا ست نعامة

العصافير في الغابة بتاعتنا رغاية شوية و بتنم كتير، و دي حاجة بيفوتوها لبعض لأن كلهم رغايين، لكن باقي الحيوانات لما بتعرف أن العصافير بتنم عليها بتزعل.

قامت العصافير اتفقت أنها ما تنمش الا لما تبقى واقفة على شجر عالي بس، و كده الحيوانات ما تسمعش بيقولوا ايه. و محدش يزعل.

لكن المشكلة أن الأسد ملك الغابة (اللي كان أصله جربوع بس سبحان الله صار أسد) غلس و بيحشر نفسه في كل حاجة، و كان بيحب يسمع نم العصافير عشان يعرف كل أسرار أهل الغابة، طبعا لما العصافير قررت تزقزق من فوق الشجر بس الأسد قفش، و اتفق مع الزرافة أنها تستخبي و تتسحب ببطء و ترفع رأسها فوووق قريب من الشجرة و تسمع نم العصافير و تبلغه.

revoked my PGP key

on the 25th of May 2005 regime thugs stole my laptop while attacking a Kefaya protest. The laptop had my secret PGP key on it so in theory the key has been compromised.

I finally got around to revoking that key, I'm now using an older key that was not stored on the laptop harddrive, please update your key rings.

the old keyid was 0F7BA8A4 do not use that key anymore

current key info

keyid
8F7CC018
owner
Alaa Abd El Fattah [email protected]
fingerprint
272B 8228 B58D 005E 4268 0C57 895D 4DC0 8F7C C018
size
1024
type
DSA

key

del.icio.us أو روابط في اللذيذ

ازاي ديليشوس

Web 2.0

من كام سنة كده في نفس وقت ظهور المدونات حصل نقلة في في تفكير المبرمجين تجاه الوب، نجح مجتمع البرمجيات الحرة/مفتوحة المصدر بالأساس و بعض شركات ما بعد الدوت كوم في تغيير ثقافة الوب و رجع الناس يتكلموا عن وب كأداة لتمكين البشر و وسيلة لاطلاق العنان لابداعهم. الطريقة الجديدة في التفكير و العمل دي نتج عنها شوية أفكار فلسفية أساسية و تكنولوجيات و best practices و خدمات اطلق عليهم مجتمعين Web 2.0. أو وب الاصدار الثاني.

التدوينة دي مش لشرح Web 2.0 لكن المهم نعرف شوية أفكار أو مبادئ أساسية تعتبر صميم وب 2.0 (خدي بالك أن ده أصلا موضوع خلافي تعريف web 2.0 اختلف عليه الناس و فيه ناس رافضة الكلمة أصلا)، قال ويكيبيديا:

a social phenomenon referring to an approach to creating and distributing Web content itself, characterised by open communication, decentralization of authority, freedom to share and re-use, and "the market as a conversation"

كلام جميل بالنسبة لي المهم في وب 2.0 هو التركيز على البشر مش المعلومات، الناس العادية مش الخبراء، المستخدم مش المبرمج ولا البرنامج ولا الشركة، لكن الفكرة الثورية خلف وب 2.0 هي أن في حالات كتير مجموع رأي عدد كبير من الغير خبراء قيمته أعلى من رأي عدد قليل من الخبراء، و لو مجموع الرأي ده يشمل الخبير و اللي مش خبير و اللي في النص يبقى خير و بركة.

How popular is this blog part II

we started this blog on 20th of march 2004, since then we moved it from server to server 7 times, the resources required for the aggregator and hosting platform are not trivial and maintaining the whole thing has been a tough, time consuming and expensive job.

now we are running on a dedicated server (an old one true, but still we can't go higher than that), which means we are staying here for a year at least.

and finally after a whole year of tweaking I think I'm approaching a stable setup, the new aggregator code performs much better and things are stable now.

in the past few months the load was so high we could never serve everyone who wanted to visit the website, it was always down or too slow on rush hours, now we sometimes see 600 visitors on a single hour.

what this means we won't be able to measure the true popularity of this website until the end of december when a month has passed with the new setup.

أوعي الويكي ويكي

ويكي ببلاش خبط براحتك على http://wiki.manalaa.net

الموضوع ده بدأ بتعليق عند بنت مصرية على مشروعها ايجيتوبيا

ألف كان كتب تدوينة عن الويكي زمااااااااان و برضه الكبير كبير

ايه هو الويكي

ده نظام لنشر و ادارة المحتوى على الوب (زي البلوج كده ماهو نظام لنشر و ادارة المحتوى برضه) له سمات خاصة شوية.

فكرة الويكي أن أي حد ممكن يعدل و يحرر أي صفحة، يعني كلنا بنعدل على شغل بعد، النظرية هي أن محصلة المعرفة و الخبرة بتاعت المجموع أكبر بكتير من الفرد. نفس المبدأ اللي أثبت نجاحه أسلوب تطوير برمجيات حرة و مفتوحة المصدر كتير.

يعني تصور مثلا أنك بتقرأ صفحة و لقيت غلطة في معلومة، أو حتى غلطة في اللغة أو لقيت عندك حاجة اضافية عاوز تضيفها أو تنظيم جديد أفضل للمعلومات، لو دي ويكي تقدر تعدل و تعمل كل التغييرات دي. بس ممكن طبعا تخرب برضه، أو ممكن اللي في رأيك أفضل يكون في رأي غيرك أسوأ.

اللي بيمنع الويكي من الانهيار و الفوضي هو أنها بتخزن تاريخ الصفحة بالكامل، يعنى مش بس ممكن أقرأ الصورة النهائية، ممكن كمان أقرأ الصفحة كان شكلها عامل ازاي امبارح و مين اللي عدل و عدل ايه بالضبط.

بدل الويكي ما تمنعك من التخريب بتخلي التخريب ما لوش تأثير فعلي لأن ممكن في أي لحظة نقول رجع الصفحة لشكلها أول امبارح مثلا.

Discover Drupal

tomorrow Tuesday the 19th I will be giving an introductory session about using Drupal at the Sawy Cultural Center (al Sakia) in zamalek from 5:30pm to 8:30pm.

the session is part of EGLUG's July activities, while most EGLUG acitvities are focussed on GNU/Linux systems this session is for anyone and requires no previous knowledge of any web technology save for knowing how to use your browser.

Drupal is a powerful Free/Open Source content management system that can be used to build anything from simple blogs to full fledged portals or community websites.

we are also offering free drupal hosting on manalaa

نصيحة تقنية: problems in your feeds

بعض المدونات بها مشاكل تمنعها من الظهور في مجمع المدونات، شرح طبيعة هذه المشاكل موضوع طويل يتطلب شرح يعني ايه web و html و xml و atom و rss و شرح لأهمية المعايير القياسية على الوب

يمكن أكتب حاجة مبسطة في الكلام ده كله بعدين المهم دلوقتي أنه كل اللي بيكتب في برنامج Microsoft Word و برنامج مشابه و بعدين يعمل copy and paste في مدونته بيخرب مدونته لأن مبرمجي ماكروسوفت ولاد وسخة مش فارق معاهم المعايير و مصممين يبوظوا الوب و يخرتئوها

اللي عاوز يعرف اذا كانت تلقيمته (feed) مطابقة للمعايير ولا لأ ممكن يستخدم feed validator

و دي مجرد عينة، هتلاقوا كل المشاكل من tags زي o:p و st:city و حاجات زي كده اختراعات من عند مايكروزفت

على قد ما المشكلة بسبب برامج مايكروسوفت برضه كان ممكن blogspot تحوشها عنكم كل أدوات التدوين المحترمة بتساعد الواحد يطلع كود مقبول و تفلتر البلاوي بتاعت مايكروسوفت

how popular is this blog

now I usually enjoy inflating my ego, being told my blog is important sure is flattering but watching EgyptianSandMonkey taught me a bit of humility, if I let my ego run free I'm bound to get delusional.

so in the interest of painting a realistic picture I decided to analyze my webbrowser logs. I usually don't do that, I only look at performance metrics but I had to know how popular is manalaa.

I used a couple of loganalysis tools, did not like the way they work and decided to count on my own, if anyone is interested in knowing what analog and webalizer had to say about it just ask.

Quick Analysis of Manalaa.net June 2005 traffic

Hits

Successful GET Hits
542509
Successful POST Hits
6862
Other Successful Hits
938

Leave blogspot ba2a

Three of my 8 Free Drupal Hosting subscribers have launched their sites, ladies and gentlemen please check

I expect at least 2 more to be ready soon, after exams I'll migrate the other websites I host to this new platform.

but most bloggers refuse to move because they want their old blogspot content to move with them, I got good news for you folks I think I have a solution to migrating from blogspot to drupal, its a matter of writing a template to generates php code that will

Free Drupal Hosting Promo

So while the free drupal hosting service we are running on manalaa was not a spectacular success we got 5 subscribers ya3ni the service is useful.

thought I'd tell you about the features in drupal (sad attempt at PR ya3ni).

you can test all these features at the demo site.

At Manalaa (TM) You have the power to

CREATE

  • Blogs
  • Image galleries
  • Discussion forums
  • Polls
  • Surveys
  • Event calendar and send invitations
  • Create your own content types and forms (book or movie reviews)
  • Books with hierarchical organization

CONTROL

  • Categorize your content (unlimited categories and hierarchies)
  • Selective unpublishing of contents (no need to permanently delete content)

Confirmed WiFi HotSpot Directory

After the initial frustration with the lists of Open WiFi hotspots I decided to compile my own list.

originally I planned to merge all the various lists then start confirming them one by one, el mohem طلعت الشتيمة بتجيب نتيجة I recieved an email from some wayout employee telling me that they do update their list and that all discrepancies are due to an enthusiastic employee listing hospots that are still under construction (we all know how difficult it is to plug a dlink router) or due to spelling mistakes.

their new updated list now indicates which spots are still in planning (I asked in 3 places that are on the plan, the people there where not aware, well maybe there is value in surprise wifi).

ايه البضان ده

طب أنا عاوز أفهم هوا احنا غية عندنا البضينة، يعنى مينفعش نعمل ام أى حاجة مزبوط ابدا، و حتى لما نعمل حاجة حلوة لازم نطلع ميتين الخلق كأننا بنمن عليهم. سيبك بقى من أيمن نور و الريس و التعليم و العراق و كل الحاجات الصعبة دى، نفسى كده فى حاجة بسيطة بس تتعمل مظبوط من الأول للأخر.

طب بلاش دى، سيبنا من دى، حد يقوللى ايه اللى صعب فى اننا نعمل أم website يبقى المعلومات الى فيه كاملة و مظبوطة، يعنى البتوع اللى فى EGLUG دول مش بشر مثلا، ماهوم عيال صيع زيهم زى أى حد تانى بس عارفين يعملوا صفحة، مش فكاكة هية.

Slashdot Interview

SlashDotInterview turned out to be a great success, Alaa is a famous guy now, everyone loves him, this time there was almost no racism (we must have misjudged slashdotters then) and very few trolls even though we got 530+ comments. Alaa met wonderful people, made new friends, got invited to Orkut and we did not get slashdotted.

The Interview

slashdot interview???!!!

Yay Alaa is famous; slashdot is doing an interview with him http://interviews.slashdot.org/article.pl?sid=04/05/05/1354234 .

Man look at the racist comments, we never could stomach slashdot, the trick ?MadFarmAnimalz tells us is to browse at +5!!!.

first Installfest in Egypt

We where not organized, we did everything wrong, it was a great mess, it was the best day in my life, it couldn't have been better, the 1st ?LinuxEgypt ?InstallFest was a great success, we got around 3000 visitors, had a great time and we're completley burned up. ?InstallFest website @ http://festival.linux-egypt.org Photos @ http://home.linux-egypt.org/cgi-bin/show_photos.cgi?photos/festival/

Subscribe to RSS - technology