You are here

مقالات بالعربي

proper blog posts and not just announcements or two line rants.

used to create the Other Posts block

مظاهرة الزيتون

كان يوم متعب اوي، و غريب شوية. بما أن نص مجموعة الانترنت المستقلة اللى ماتتسماش ما جووش، ادبيست أنا فى تلات تربع شغل البوسترات من قص و لصق و كتابة و تلوين. خلصت معظم البوسترات لكن كان نفسي أفنن فيهم شوية. قابلنا وائل خليل عند مركز هشام مبارك ماحنا لازم نروح بعربية، ما ينفعش نركب المترو بالأعمال الفنية دي.

السكة معقولة مش زاحمة، قابلنا عربية تانية فيها زملة رايحيين المظاهرة برده، يشوفونا و نبتدى نكلكس كأننا رايحيين ماطش كورة..تيت تيت تيت تت تيت..تيت تيت تيت تت تيت

و انضربنا تاني

لا ظوغلي

ابدأ بالصور

مش ممكن تدوم السعادة كده من غير حاجة، بقالنا شهر بنعمل مظاهرات و نصعد جامد و عددنا يزيد ووشوش جديدة و احساس بأنه في حاجة مختلفة بتحصل كل مرة، كل مرة كانت حاجة جميلة بشكل خاص.

لكن لا يمكن تدوم.

رجعنا تاني للمظاهرات الكئيبة. متفهموش غلط المظاهرة كانت ناجحة بغض النظر عن العدد القليل و الناس اللى كانت مفروض تيجي و طنشت (ألا كفاية فين بقالهم شهر، ولا هما اكتفوا بأن يتقال انهم هم اللي نظموا كل حاجة من غير ما يتحركوا، ولا بلاش دي الاخوان و العمل فين ولا التعذيب عاجبهم؟) بس المرة دي الجو كان مشحون جدا و الموود العام كان كئيب.

قبل ماأحكى رجاء تجاهلوا الصحافة تماما، لا مصري ولا عربي ولا أجنبي، لا نت ولا ساتالايت ولا ورق، دي عالم مش عاوزة تعمل شغلها، أولا تقريبا مفيش أي مظاهرة عرفوا يقولوا مين اللي نظمها ملخبطين الدنيا تماما (و أنا عارف أنه موضوع يلخبط بس الصحفي شغلته يعرف و يدور مش يستسهل)، ثانيا هلس تام، واحد يقولك كانوا عشرين و التانى يقولك كانوا 500، واحد يقولك ماكانش في عنف خالص و التاني يقولك المتظاهرين ضربوا الأمن. و واحدة رايحة تاخد تصريحات من ناس ماحضرتش و ناس تقولك مظاهرة السيدة قعدت لتاني يوم بالليل وولعوا فيها بخور و ناس تقولك كنيسة مارى جرجس فى الزتون (أحا حتى الخرايط صعبة عليكوا، ماتروحوا تشتغلوا شغلانة بتفهموا فيها أحسن).

سيبك من الصحافة و اقرا المدونات، للأسف عددنا صغير و الطريقة الوحيدة تتأكد هي أنك تقرا من أكتر من مصدر بس هنعمل ايه.

قصره نرجع للمظاهرة، كنا متوقعين جمعيات حقوق الانسان تدعى لمظاهرة كبيرة و قاعدين نتكتك و نخطط مستنين المظاهرة، جم يوم التلات فلسعوا و قاللك مؤتمر في نقابة الصحفيين، المهم مشاورات و تليفونات و قامت المجموعة الانترنتية الخفية المستقلة الرجعية المتخلفة الطائفية الانتهازية التي تم تحليلها طبقيا من كل مثقفى الكنبة متصرفة في مظاهرة، المؤتمر كان مفروض الساعة 6 و بالتالي المظاهرة اتزنقت الساعة 4:30 في عز الحر.

فى السريع طلعنا باعلان، أنا نقيت العنوان صاحب الأشجار طلع بالجرافيك و بما أن مركز هشام مبارك هما أول من تبني الدعوة طلعوا بلستة مطالب و أبويا كتب الاعلان. كان عندنا تلات أيام بس نحضر فيهم لافتات و ورق يتوزع، قضينا يومين مبنعملش حاجة غير نجمع و نقرا تقارير تعذيب، حاجة تنكد كان فاضلي تقريرين لما وصلت لانتهاك طفلة جنسيا قررت ان كفاية عليا مش لازم أعرف أكتر من كده.

التحضير: ارحموهم و ارحمونا التحضير: الصناديق التحضير: شيللوا العادلي
مصطفى طلع بالفكرة العبقرية بتاعت البوسترز من الصور و ابتدينا شغل، صندوقين دوكوا و كام بوستر يعبروا عن مطالب المظاهرة و شعارها، ورقة عليها المطالب و و تلات شهادات من ضحايا التعذيب و تتصل بمين لما تتعذب أو لما تسمع عن واقعة تعذيب.

أحنا بتوع الأوتوبيس

كنت ناوى أستخدم مظاهرة اليوم العالمى للتضامن مع ضحايا التعذيب كحجة لتشجيع ناس كتير تهتم بالموضوع.

كنت ناوى ننظم مظاهرة كبيرة و نقنع الجرايد تخصص صفحات للتعذيب و ننشر أكبر كم من التقارير و الصور على النت.

لكن للأسف تأخرت جمعيات حقوق الانسان المعنية بالتعذيب فى تنظيم فعاليتهم و الواحد كان ناوى يظبط معاهم، و بعدين صدمنا لما لقيناهم مش هيعملوا مظاهرة.

المهم تداركنا الموضوع و قدرنا ننظم مظاهرة بسرعة، فشلت فى أنى ألاقي محتوى زيادة و صور و الموضوع ما تمش زى ما كنت مخططله، معلش.

من يوم الأربع مبعملش حاجة غير أقرى تقارير عن التعذيب فى مصر، حاسس أنى مخنوق، مافيش فايدة خالص اللى عذبوا والدى هما اللى عذبوا قرية الكشح بأكملها يعنى بقالهم عشرين سنة يعذبوا و يترقوا.

نحو صحافة شعبية

صحافة بديلة

ظهر على شبكة الانترنت صحافة مغايرة تتميز بدرجة أعلى من الحرية و التنوع، و يميز الصحافة الرقمية القدرة على متابعة الأخبار أول بأول فالحدث يتم تغطيته و نشر أخباره وقت حدوثه. لكن ربما تكون قدرة القراء على المشاركة فى نقض و صنع الخبر بالتعليق عليه و المناقشة العلنية بين القراء أهم ما يميز هذه الصحافة البديلة.

من الاتصال للتواصل

اعتاد مستخدمى الانترنت استغلال المنتديات و المجموعات البريدية لتبادل الأخبار، و النقاش و التعبير عن النفس، و يمكن تصور امتداد و تطور صور التواصل تلك وصولا الى تمكن كل مستخدمى الشبكة من المشاركة في بناء كيانات صحافية جديدة. فالتقنيات المستخدمة لا تختلف كثيرا عن المنتديات و البريد الالكترونى، و التكلفة قليلة أو منعدمة.

صحافة شعبية

اذن ليس من الضرورى التوقف عند صحافة بديلة تعطى القارئ دور أكثر فعالية، يمكننا تكوين صحافة شعبية ينعدم فيها الفرق بين القارئ و الكاتب و يتوارى دور الناشر، و لقد بدأت بالفعل هذه الصحافة فى التبلور، ففى الولايات المتحدة تعتبر الصفحات و الجرائد الشخصية المسماة بالمدونات (weblogs/blogs) من ضمن القوى المشاركة فى تشكيل الرأى العام، و فى ايران صارت السبعون ألف مدونة أو أكثر المساحة الوحيدة المتاحة للتعبير بلا رقابة (و أن كان التدخل الأمنى قد طال المدونين)، و أثبتت الصحافة الشعبية قدرتها الحقيقية على التأثير الايجابى بعد مشاركة المدونون فى تغطية حادث التسونامى و فى تنسيق جهود الاغاثة.

ملناش غير الانتصارات الصغيرة (الأرض لو عطشانة... بالعربى)

I spent the past 3 days in a daze, I did nothing but read, write, talk, listen and dream about the events of the referendum day, I can't sleep, I can't work, I can't study I'm in suspended animation, only the slashdoting and subsequent server blues got me out of this strange state.

thanks to all my firends who surrounded me the past 3 days, thanx for the support and solidarity I got from complete strangers, I just hope those who recieved real injuries that day got a fair amount of support and hugs.

I'm glad I was there, I'm glad I was part of it, I hope it never happens again but I suppose if it does I'll be there.

I guess after seeing the horros of يوم الفتاء my story becomes trivial, hell even the most horrible of our stories pales when you think about what happens everyday in Egyptian prisons and police stations, and as my Peruvian friend Alejandro pointed out, even this is nothing compared to what happened and happens in other places, but still its important to listen to all the stories trivial as they may be.

I was asked to rewrite my account in arabic, I rewrote half of it only though.


النهاردة رحت مظاهرة كفاية اتسرق منى اللابتوب، حياتى كمان كانت هتتسرق بس دى الواحد بيتوقعها فى المظاهرات لكن اللابتوب؟؟

النهاردة اتلم على أنا و أمى عشرات من بلطجية الحزب الوطنى و ضربونا.

البوليس كان واقف يتفرج، شافوا كل حاجة و متدخلوش، قعدوا يسألونى عن بطاقتى و أسمى و عنوانى و أنا بضّرب بالشلاليت، حاولوا يقبضوا على و يصادروا الكاميرا بتاعتى، لكن يحمونى أو يحموا الوالدة أو حتى يهشوا البلطجية؟ لا!

أبتدى بالفوران اللى جوايا؟ عندى طلب بسيط:

my own opposition (this is fun)

yes I got a whole opposition movement dedicated to me, and boy what a job they're doing, if only Egypts real opposition where on par.

mo7afez decided to appoint himself/herself as my full time opposition, I welcome the challange but would like to remind mo7afez أن الديموقراطية ليها أنياب.

today being a slow day I decided to officially start الحوار مع المعرضة by brining the discussion here on the front page follows are the comments and replies between me and mo7afez so far.

I would have loved to write this in the charactaristic gomhoreya style so that I'd have my national press bel mara, but alas my skills are not that advanced, only al-ropy can bring this enlightened style to the web.

mo7afez says

الصبر مفتاح الفرج

بحب قوى الكلمة بتاعت بره استنوا كتير

خد عندك مثلا حسب تعليق بيقولك

السعودية...2009؟ لا أعتقد. قرأت منذ حوالي شهر المقابلة التي أجراها ولي العهد السعودي مع صحافيتين فرنسيتين. عندما سألته إحداهما عن حقوق المرأة في المملكة أجاب بكل ديبلوماسية قائلا ً أن المرأة الأوروبية انتظرت كثيرًا حتى حصلت على حقوقها، المرأة السعودية سوف تحصل هي الأخرى على حقوقها، غالبًا في وقت أقل!ـ

برضه الحاج بتاع الرابسو قالها امبارح قالك أمريكا بجلالة قدرها استنت 200 سنة قبل محققت الديموقراطية مستكترين على مصر 20 سنة!! لسه بدرىىى

ايه البضان ده

طب أنا عاوز أفهم هوا احنا غية عندنا البضينة، يعنى مينفعش نعمل ام أى حاجة مزبوط ابدا، و حتى لما نعمل حاجة حلوة لازم نطلع ميتين الخلق كأننا بنمن عليهم. سيبك بقى من أيمن نور و الريس و التعليم و العراق و كل الحاجات الصعبة دى، نفسى كده فى حاجة بسيطة بس تتعمل مظبوط من الأول للأخر.

طب بلاش دى، سيبنا من دى، حد يقوللى ايه اللى صعب فى اننا نعمل أم website يبقى المعلومات الى فيه كاملة و مظبوطة، يعنى البتوع اللى فى EGLUG دول مش بشر مثلا، ماهوم عيال صيع زيهم زى أى حد تانى بس عارفين يعملوا صفحة، مش فكاكة هية.

Pages

Subscribe to RSS - مقالات بالعربي