You are here

فض اعتصام اللاجئين السودانيين بالقوة

Primary tabs

بعد تحذير الخجول المجهول المبكر و في اليوم اللي بنحتفل فيه بقبول أول لجوء سياسي لمدونة عندنا في مجمع المدونات المصرية بدأت فعلا قوات الأمن المصري في فض اعتصام اللاجئين السودانيين.

بيان مركز الجنوب لحقوق الانسان

للأسف ظروف مرض منال و مرض manalaa.net منعتني من النزول لحضور الحدث، استنوا من نورا تغطية شاملة، و هنشر هنا بيانات تجمع مستقلي مصر "يد" اللي ارسلتهالي مشكورة أميرة الطحاوي.

update

نورا كتبت فعلا و كلام مؤلم جدا، مش بس سلوك قوات الاحتلال المصرية لكن كمان سلوك المواطنين المصريين

اعترفت وزارة الداخلية بقتل 20 لاجئ من بينهم أطفال لكن من الواضح أن أعداد القتلى أكبر، بلغنا موت على الأقل 6 لاجئين في ليمان طره (اعتقلوا بجاح شديدة و لم توفر لهم رعاية صحية).


مصدر : مقتل 3 من اللاجئين

Fri, 30 Dec 2005 06:05:53 +0200

الساعة 5و 45 دقيقة

تم اخلاء اللاجئين تماما

عدد الذين تم إخلائهم من المكان حسب ما قاله مساعد وزير الداخلية بالهاتف على مقربة من مصدرنا بالمكان - هو 1682لاجيء

مقتل 3 من اللاجئين

المصابين و الجرحى عدهم غير معروف تم نقلهم لمستشفى الموظفين بإمبابة

مساعد العادلي في الهاتف : اصدار أوامر لسائقي الحافلات المجموعة الأولى تتوجه إلى الدويقة و المجموعة الثانية تتوجه إلى محطة الجيزة

سائقو الحافلات التي نقلت اللاجئين لا يعرفون وجهتها و في كل باص يتواجد مسئول من الأمن و يتلقى الأوامر عبر الهاتف

متعلقاتهم ملقاة بالحديقة بما فيها الملفات و الوثائق

افراد مصريون متجمعون على مسافة من الحديقة و مشاجرة بين بعض المواطنين المصريين و سبهم لرجال الأمن لما قاموا به

بعض صفوف العساكر يتجمعون لمغادرة المكان

يتحمل يد - تجمع للمستقلين المصريين - مسئولية كل المعلومات الواردة في هذه الرسالة


بدء نقل اللاجئين لجهة غير معلنة

Fri, 30 Dec 2005 05:39:06 +0200

الخامسة و النصف

عشر حافلات ( أتوبيس نقل القاهرة) تم ملؤها باللاجئين السودانيين و بدأت في التحرك خارج المنطقة من شوارع جانبية بالمهندسين

لم يعلن للآن عن جهة هذه الحافلات

بقاء بعض اللاجئين بالحديقة - العدد غير معلوم لكنه اقل ممن تم نقلهم للحافلات بالفعل

المرور مغلق في المنطقة

قيادات الأمن ترفض إعلام ناشط حقوقي بجهة الحافلات و هناك خشية من ترحيلهم بالفعل للسودان

مسئول أمني يقول أنه لن يتم ترحيل أحد


الامن بدأ في ضرب اللاجئين بالفعل

Fri, 30 Dec 2005 05:15:32 +0200

دناءة الداخلية المصرية تصل لمستوى حقير

قبل قليل قامت الشرطة بالفعل باستخدام العصى و الهراوات و ضرب اللاجئين و سقوط عدد كبير من الجرحى داخل الحديقة رغم انه كان هناك حوار من قبل اللاجنة المنظمة في الوقت نفسه لاقناع اللاجئين بالتفرق و ترك المكان

تم اجبار الكثيرين على دخول الباصات و هم في حالة اعياء شديد

احد قيادات الأمن يقول أن سيتم نقلهم لخارج القاهرة


اللاجئون الجنوبيون يبدأون في صلاة جماعية و اناشيد دينية و دعاء

Fri, 30 Dec 2005 05:05:30 +0200

حسب مصادر في مقر الاعتصام فإن تعداد القوات الموجودة بالمكان كبير للغاية و قد يقترب من 25 الف عسكري و هناك كثير من الرتب المتقدمة من وزارة الداخلية موجودة بنفسها بالمكان و تتابع فض الاعتصام اوقف الامن رش المياة الساعة الرابعة تقريبا بعد غمر ارضية الحديقة بالمياة تماما الضباط يجبرون اللاجئين بالقوة على الوقوف في صفوف متوالية و يحاولون دفعهم لركوب الباصات الموجودة و رفض الاعلان عن وجهة هذه الباصات .

حشود الأمن تلف الحديقة تماما و تمنع دخول أو خروج أحد و محاولة الاستيلاء على الهواتف النقالة للجنة المنظمة للاعتصام اللاجئون الجنوبيون يبدأون في صلاة جماعية و اناشيد دينية و دعاء

الامن يهدد من جديد باستخدام القوة لفض الاعتصام قبل السادسة صباحا و يرفض استدعاء اي موظف من موظفي مفوضية اللاجئين .

لم يبادر اي شخص من المفوضية حتى الان بفعل شيء لوقف هذا الانتهاكات لمواطنين "ملتمسي لجؤ" و كثيرهم تحت الحماية الدولية

لم تظهر السفارة السودانية او الخارجية المصرية اي موقف حتى الآن

يد - تجمع للمستقلين المصريين


الامن المصري بدأ في استخدام المياة و غمرالحديقة بمن فيها من لاجئين أطفال و نساء و عجائز و رجال

Fri, 30 Dec 2005 03:33:08 +0200

منذ الساعة الثالثة الامن المصري بدأ في استخدام المياة و غمرالحديقة بمن فيها من لاجئين أطفال و نساء و عجائز و رجال

لا تنسوا نحن في الشتاء

و لا تنسوا أن وزير خارجية مصر الباقي للآن في الوزارة الجديدة ابو الغيط وعد قبل ايام بحل حكيم للقضية !

ما احكمك انت و وزير الداخلية القاتل العادلي !


يد - تجمع مستقلين مصريين [email protected]

الامن المصري يطالب اللاجئين السودانيين بفض اعتصامهم بميدان مصطفى محمود

Fri, 30 Dec 2005 02:42:15 +0200

تواجدت قوة كبيرة من قوات الأمن المركزي بميدان مصطفى محمود بضاحية المهندسين منذ الثامنة مساء الخميس29ديسمبر2005و كذلك حافلات نقل ركاب تابعة لهيئة النقل العام المصرية، حيث يعتصم للشهر الرابع على التوالي نحو 3 الاف لاجي سوداني، استسفر اللاجئون عن السبب فقيل لهم أن القوات موجودة لمنع مظاهرة يزمع الإخوان المسلمون تسيييرها غدا بعد صلاة الجمعة من مسجد مصطفى محمود،و أنه لا داعي للقلق خاصة أنها ليست المرة الأولى التي يتواجد فيها الأمن بهذه الكثافة.

تزايد عدد قوات الأمن و في الثانية عشر منتصف الليل طالبت قيادات الأمن المصرية من اللاجئين إخلاء المكان فورا و الصعود للحافلات دون تحديد جهة التوجه، و قالوا لهم أن الأمر صادر من وزير الداخلية المصري و تم الاتصال بعدد من قيادات الاعتصام للحضور للمكان

حتى الآن اللاجئون متمسكون بالاعتصام و طلبوا وجود ممثل من مفوضية الأمم المتحدة السامية لشئون اللاجئينUNHCR و لم يستجب أحد لطلبهم .

الأمن المصري يعطي فرصة أخيرة للاجئين حتى الساعة الثالثة و حتى الآن لم يحدث استخدام للقوة لكن هناك حصار كبير للمكان و عشرات السيارات و قوات أمن من فئات مختلفة، و يُمنع المواطنون من الاقتراب بما فيهم زملاء في منظمات حقوقية، يوجد قليل من رجال الإعلام الأجنبي على مسافة من الاعتصام .

Comments

أخر الأخبار من قناة الجزيرة ..

10 قتلى من السودانيين وعشرات المصابين في فض الاعتصام وإصابة 30 من قوات الأمن المصرية منهم 3 ضباط ..

منظر السوداني وهو بينضرب من قوات الأمن المصرية فعلا يصعب على الكافر .. بس نعمل إيه على حسب قول البيان الصادر عن وزارة الداخلية إن المفاوضات وصلت لفض الإعتصام بس المعتصمين رفضوا تنفيذ القرار ..

و أنت شايف يا أبو يوسف أن ده يبرر القتل و العنف؟

و بعدين المفوضية صرحت أن الأمن لم يبلغها بقرار فض الاعتصام أصلا.

الموضوع بسيطة ما دام الحكومة المصري قبلت بوجود المفوضية يبقى تقبل بوجود اللاجئين و تشيل ايدها، الاعتصام كان ضد المفوضية و كان ممكن الأمن المصري ينفض ايده تماما. مش عاجبنا يبقى نطالب بنقل المفوضية و خلاص.

خد بالك دول مش لاجئين في مصر و لا بيحاولوا يلجأوا في مصر دول جايين للمفوضية عشان يطلبوا اللجوء في دول أخرى، يعني مصر محطة بالنسبة لهم و لو المفوضية بتعمل شغلها ما كانوش طولوا في مصر أصلا.

طبعا ﻻيوجد أي مبرر للقتل ..

بس في نفس الوقت وعلى حسب ما ورد في موقع هيئة الإذاعة البريطانية "وتعتقد المفوضية إن غالبية المتظاهرين هم من يطلق عليهم مهاجرون اقتصاديون يغادرون بلادهم بحثا عن فرص عمل وحياة أفضل، وليسوا مهاجرين يفرون من الاضطهاد، وهو ما يعني أنه لا يمكن منحهم صفة اللاجئين.

لكن الكثير من المتظاهرين يجادلون بأنه لا يمكنهم العودة إلى السودان لخطورة الوضع هناك، على الرغم من توقيع اتفاق سلام قبل نحو عام أنهى 21 عاما من الحرب الأهلية بين الشمال والجنوب. "

يعني المعتصمين دول ملهمش حق الإعتصام أساسا وسمعت إن في تقرير صدر من جهة مختصة بالصحة بصراحة مش فاكر اسمها بتقول إن حصل تفشي للأمراض والأوبئة في المكان ده .. يعني الخطورة بقت على صحة المصريين كمان اللي هي مش ناقصة أساسا ..

يمكن دي فردة صدر من العادلي على أساس إنه يحسن صورته قبل تغيير الحكومة على الأقل علشان يبقى في تبرير لوجودة .. الله أعلم

مفيش بس المسألة أساسا في القتل، لو الأمن كان عرف يفض الاعتصام بدون جرحى و قتلى كان بقى موضوع تاني خالص

هكرر أنا معنديش فكرة عن الوضع القانوني للمعتصمين، مركز الجنوب بيدعي أن فيهم ناس حصلت فعلا على صفة اللاجئ و معنديش فكرة حقيقة الوضع في السودان ايه، هل فيهم حد مهدد من قبل الحكومة السودانية مثلا

و عشان كده مطلب فتح ملفاتهم و التعامل مع كل حالة على حدة مطلب وجيه، انظروا في أمرهم واحد واحد و ابقوا ارفضوا اللاجئين لأسباب اقتصادية (لاحظ أن في اتهامات للمفوضية بالضغط عليهم لقبول العودة الطوعية و ده لو صح يبقى معناه أن المفوضية مش عايزة أو مش قادرة تشيل عنهم صفة اللاجئ، و لاحظ الشكاوى من التحرش من قبل أعضاء الحزب الحاكم بالسودان)

طبعا من الواضح للكل أن جزئ كبير من الموضوع اعتبارات اقتصادية، و عشان كده بقول أصلا الموضوع ميخصش الحكومة المصري لأنهم مش عايزين يقعدوا في مصر، لكن المشكلة الحقيقية هي أن حكومة الاحتلال المصرية عندها أرتكاريا من الاعتصام، و حبيب العادلي بالذات ميعرفش غير البلطجة و العنف و طبعا التجديد ليه بعد فشله الذريع في حماية الأراض المصرية من هجمات الارهاب و فشله في تطبيق القانون (أي قانون) و فشله في التحقيق الجنائي (أي تحقيق) و فضائحه السياسية في قمع و قتل و تعذيب و هتك عرض المواطنبن عبارة عن كارت بلانش أنه يعمل ما بداله.

و موضوع الخطر الصحي دي تلاكيك، كان ممكن ببساطة هيئة الهلال الأحمر تشرف على المخيم لضمان الصحة العامة.

مصر قبلت استضافة المفوضية يبقى عليها تحمل المشاكل ما بين المفوضية و اللاجئين و أظن ده مش مطلب صعب ولا حاجة و أظن عموم المصريين يعرفوا يلاقوا في قلوبهم رحمة لتحمل الناس دي اللي أن يستسلموا أو يصلوا لحل.

mesh 3aref akol eeh , il 7ekoma andaha hak , we il lage2een andohom hak , we haga tela7'bat , masr aslan mesh taraf fey dah kolo , we il lage2een bardo zanbohom eeh ? fe3lan mawdoo3 mo7ayer gedan , we kaman ana shoft bernameg ala il arabia , homa bardo matalebhom mesh ma3kola , we bardo men hakohom ye3esho kowayes.

bas kan lazem yebka feeh meroona aktar men keda men ne7eythom , homa bardo yet7amalo goz2 men il ghalat.

أولا ما أظنش أي حاجة تبرر القتلى و الجرحى على ايدين قوات الأمن المصري، و قبل ما تدور على مبررات أفكرك أن الأمن المصري بيقتل في المظاهرات السلمية و في الأقسام و السجون و الشوارع، يعني ده العادي بتاعه.

ثانيا مشكلة اللاجئين الأساسية مع مفوضية الأمم المتحدة مش مع مصر و بالتالي مكانش فيه داعي لأن الأمن المصري يتدخل أصلا، الناس لا كلفتهم حاجة ولا سدت مرور ولا سببت أي مشكلة.

ثالثا ده مش أول تحرش للأمن المصري، اللاجئين بيقضوا نصف وقتهم في ضيافة أمن الدولة عندنا.

و أخيرا أين هي المطالب المبالغ فيها؟ آخر قائمة بالمطالب بعد التفاوض و التنازل عن نصف مطالبهم منشورة هنا و أدي المطالب اللي مزعلاك

  1. نطالب بإعادة النظر في الملفات المغلقة للاجئين السودانيين ومراجعة أسباب إغلاقها مع الأخذ في الاعتبار الزمن الذي أغلقت فيه وإيجاد حل عادل لها وفقا للمعايير الخاصة باللجوء.
  2. نطالب بتحديد وضع اللجوء لكل اللاجئين وخاصة منهم المسنين والأطفال بلا عائل والنساء والأرامل و/أو العائلات لأسرة، وتقديم المساعدات الضرورية لهم.
  3. نطالب باستئناف إجراءات المقابلة لملتمسي اللجوء السودانيين بمستوى فردي نسبة لاختلاف أسباب اللجوء من كل شخص فيهم إلى آخر.
  4. نطالب بعد حجب الإعانة والخدمات عن المعترف بهم كلاجئين أو الحاصلين على حماية مؤقتة أو حماية جماعية من السودانيين بغرض إجبارهم على المثول لبرنامج العودة الطوعية في هذا الوقت الذي يشهد فيه السودان عدم استقرار أمني، ومراوغة النظام الحاكم جناح المؤتمر الوطني في تطبيق بنود اتفاقية السلام بشفافية.
  5. نرفض الاندماج المحلي لعدم وجود قوانين ونصوص في البلد المضيف تكفل للاجىء التمتع بحق المواطنة بدأ من الحصول على جنسية وحرية التعبير والمشاركة السياسية وغيره، وقلة فرص العمل أو الحصول على خدمات اجتماعية لا تكاد تكفي مواطن البلد إما بسبب ارتفاع نسبة السكان التي تتناسب عكسيا مع الموارد الاقتصادية أو نتيجة لسياسة الدولة على المواطنين الأجانب كما أن الاختلاف العرقي والثقافي وأحيانا الديني أدى إلى ظهور ورفض من المواطن للاجيء وتمييزا عنصريا مما قلل بشدة من فرصة الاندماج أو الذوبان في المجتمع المضيف.
  6. نرفض اعتقال اللاجئين السودانيين التعسفي دون اقتراف جناية تدينهم قانونيا أو امتثالهم لمحاكمة عادلة ونزيهة.
  7. نطالب بتسجيل المتقدمين الجدد لطلب اللجوء فور وصولهم منعا لترحيلهم أو ردهم الى بلدهم الذي هربوا منه خوفا على حياتهم وبحثا عن الحماية.
  8. نطالب بالبحث عن اللاجئين أو ملتمسي اللجوء السودانيين المفقودين في البلد المضيف حتى لا يتم اتهام عناصر المؤتمر الوطني السوداني بالقاهرة الذين ظلوا يلاحقون اللاجئين وملتمسي اللجوء أو أي جهات أخرى.
  9. نطالب بعدم تفويض الروابط الاجتماعية والأثنية السودانية والجمعيات للتحدث باسم اللاجئين السودانيين لأنها لا تقوم بالتمثيل الأمثل لهم.
  10. نطالب بالتعامل بالمعايير الدولية لتحديد وضع اللاجئين بشفافية ووضوح.
  11. نطالب بإيجاد حل جذري لمشاكل اللاجئين وملتمسي اللجوء والوافدين الجدد السودانيين أو نقلهم إلى دولة أخرى يتم فيها تحديد وضعهم كلاجئين بصورة أكثر شفافية ووضوح.

الناس واخدة بالها أن موارد و فرص العمل في مصر مش كافية لأهلها و مش عايزين يزاحموهم فيها، المأخذ الوحيد عندي هو الكلام على التمييز العنصري من قبل الشعب المصري، مش لأنه غير صحيحن لأ بيحصل و بيحصل كتير للأسف، لكن لأنه مش في محله بما أني أشك أنهم هيلاقوا تمييز أقل في أي بلد تاني.

andak hak ya alaa , bas ana mesh ded il lage2een we mesh ma3a il 7ekoma , ana bakolak ino fe3lan mawdo3 maynfa3shy ne7kom aleeh men il zaher , il katl mafesh haga tebararo , bas akeed lama 7asal maknshy maksood , mesh ma3kola ya3ny il amn gay we metkalhom ro7o mawetohom , ama il amn bardo bany admeen. ana mota3atef gedan we za3lan gedan lelly 7asal , bas inta shoft ra2y men taraf wa7ed , mesh ma3kol il sefar we il mofawadeya we il khargeya we il 7okoma kolohom mota2mreen aleehom. ana 7kiki lesa metalkhbat we za3lan.

لا مؤاخذة أنت يا أما أهبل يا أما بتستهبل.

عايش في السويد سيادتك؟ أمن ايه اللي مش قصده يقتل

و دي عينة بسيطة من مادة كلها على موقعنا، لو دورت أكتر يمكن تكتشف أن أي مظاهرات جامعية استمرت لأكتر من اسبوع سقط فيها شهيد على ايد الأمن، يمكن تسمع عن مواطنين غلابة و مواطنين مش غلابة بيضربوا و يتسحلوا و يتقتلوا يوميا.

و على فكرة فيه مدونة متفرغة لحواديت التعذيب

أنا مش محتاج رأي أي طرف عشان أعرف يعني 10 اتقتلوا منهم أطفال و يعني ايه جرحي مرميين في المعتقلات و بيموتوا واحد وراء التاني.

ana kalamy wade7 we mesh mestahel kol il narfaza dey , ana batkalem ala il 7ala dey , ana momken awareek 7agat aktar men illy inta koltaha , we ana mesh banker in dah bey7sal , ana nafsy itlabeet lab mo7taram abl keda , ana batkalem ala il lag2een dool , il 7ala dey , illy 7asalt imbare7 , inta mesh betfham arabi wala eeh.

و أنا كلامي برضه واضح، بناء على التاريخ المشرف لقوات الأمن المركزي و جهاز أمن الدولة و وزير الداخلية الحالي، و بناء على شهادات الناس اللي منشورة قدامك و بناء على العدد الكبير من القتلى و الجرحى و استمرار موت اللاجئين في ليمان طره و باقي أماكن الاحتجاز و بناء على الطبيعة السلمية تماما للاعتصام اللي دام فوق الثلاث شهور و يشهد بيها كل من يسكن أو يعمل بالمنطقة و بناء على وجود أطفال ضمن القتلى

واضح جدا جدا جدا بما لا يترك مجال للشك مين المسئول عن العنف و مين المسئول عن القتل.

هارش؟ بنقول مفيش مبرر للقتل و بنقول كلاب الأمن المصري مسئولين عنه و لازم يحاسبوا؟

محتاج تعرف ايه تاني عن اللاجئين دول في الحالة دي ؟ و يا ترى ايه السيناريو اللي في دماغك؟ انتحار جماعي؟ ولا هجموا على الأمن يا عيني و ضربوه و الأمن اضطر يدافع عن نفسه بأنه يقتل أطفالهم؟

تصدق ياعلاء ان ده هو اللى حصل؟ طبقا للجريدة الهزوء اللى اسمها الجمهورية اللى لسه عايشة فى سياسة تعرية طيزها للحكومة من أيام سمير رجب..طبقا للجريدة المتناكة دى ان اللاجئين هاجموا الشرطة بقزايز الخمرة الفاضية فاضطرت عساكر الأمن المركزى الطاهرة المتوضية تضربهم مش عشان لاسمح الله تموتهم ولكن علشان تاخد من ايديهم قزايز الخمرة وتشرح لهم ان الخمرة حرام. طبعا عنوان زى ده فى جرنان "قومى" فى بلد أكتر من نصها جاهل يخللى الناس تتف على السودانيين ولاد الكلب اللى بيشربوا خمرة...أحا ياجمهورية.

للأسف أسوأ ما في الموضوع بعد القتل طبعا هو اللعب على التيمات العنصرية.

من بداية اعتصامهم و فيه محاولات منظمة لتصوير اللاجئين كناس م نضاف و خطر على الصحة و غير مسلمين و سكارى و الخ الخ الخ

طبعا المخيم غير مجهز لكن لو خايفين على الصحة بجد كنا بعتنا قافلة طبية تشرف عليه لضمان الصحة العامة على الأقل، و على العموم لو هم خطر على الصحة سيبناهم 4 شهور ليه؟

أما موضوع مش نضاف و الريحة و الكلام الوسخ ده لما يطلع من واحد من أقذر شعوب العالم (أنا مش بقول بلاغة، أنا أقصد الوساخة و الزبالة، و اتمشي في أي مدينة أو قرية مصرية و شاورلي على حي يخلوا من الزبالة المكشوفة و البراز و البول) يبقى حقيقي الواحد ميعرفش يقول ايه، يا ترى اللي بيقولوا الكلام ده خرجوا بره المهندسين و الزمالك قبل كده؟ شافه أي حي طبيعي (مش هقول شعبي و لا عشوائي)، و هل الناس بتختار ظروف معيشتها المهببة؟

و أخيرا موضوع أنهم مش مسلمين دي مش بس حقارة كمان غلط لأن فيهم نسبة كبيرة مسلمين، و موضوع انحلالهم و أخلاقهم البايظة و الخمرة مش عاف يعني لما تبقى ناس مش عارفة هتعيش ازاي و بيعتصموا و منظمين نفسهم و بايتين في الشارع تفتكر هيبقوا فاضيين للكلام ده؟ بلاش ي، هل حد سمع شكوى واحدة فعلية من سلوك اللاجئين دول (مش كلام عايم) طوال فترة اعتصامهم؟ يا راجل دأنا أعرف ناس مخدتش بالها أنهم موجودين أصلا، ده المرور معطلش لحظة بسببهم.

بس نقول ايه، الخطير في الموضوع أن مش مسلم و مش مستحمي و بيشرب خمور بقيت أسباب للقتل عند بعض المصريين.

كنت اظن انا وبعض اصدقائي اننا الوحيدون المهتمون والواعون بهم شعبنا الذي تم سحقه واستذلاله تحت الحذاء العسكري الغليظ لحكومات العسكر بدءا من عبد الناصر وانتهاءا بالعجل ابيس

لعل مما يعزي اخوتنا السودانيين ان الامن المصري يتعامل معنا نحن المصريين بنفس الطريقة

تحياتي

mashy ya sidi , ana ma3ak we mesh mo7'talef , we law tela7ez ana men il awal makontesh 3aref , lama 2areeet hena we 7asal nekash hady ok , ana shayef in kalamak sa7 , bas ana lessa 3and ra2ey inn il katl lama bey7sal mesh bey7sal be kasd , feeh darb ah , we feeh hamageya we wa7sheya ah , laken katl , momken telaky nas fey il amn maynfa3shy newsofohom ila inohom 7ayawanat moftaresa , aklet le7oom bashr , bas akeed mesh kol il amn.

ana fe3lan 7azeen , we 7azeen awy 3ala balady , we 7azeen 3ala il masakeen dool , il wa7ed mesh 3aref yekool eeh , eeh faydet il kalam bas , lazem yekoon feeh rad fe3l ( da7'ely beddon tada7'ol 7'aregy) yerod ala il kelab dool we amsalhom , tab3an mesh rad fe3l hamagy zayhom keda , la2a tab3an , lazem yebka feeh ta7arok kada2y , we 7'osoan ba3d inta7'abt il kadaa2 , ya reet neshhof we nesma3 3an rad fe3l yekoon bel shakl dah.

matz3alshy menny ya ostaz alaa , we asef law kalamy daye2 ay 7ad hena , ana zay makolt ana makontshy aref eeh illy 7asal wa la shoft il sowar .

"labod men youm ma3lom tetrad feeh il mazalem , abyad 3ala kol mazloom iswed 3ala kol zalem"

---masry afriky 3araby moslem ( ya3ny il itehad kolo alaya )

بيان صحفى 30 ديسمبر 2005

مركز الجنوب لحقوق الإنسان

يدين المجزرة التي تعرض لها اللاجئون السودانيون المعتصمون بالمهندسين على أيدي قوات الأمن المصري وتواطؤ المفوضية العليا لشئون اللاجئين

يدين مركز الجنوب لحقوق الإنسان ببالغ الشدة المجرزة البشعة التي تعرض لها فجر اليوم اللاجئون السودانيون العزل بحديقة ميدان مصطفى محمود بالمهندسين و المعتصمون هناك منذ 29 سبتمبر الماضي، فقد قامت قوات الأمن بفض الإعتصام باستخدام مفرط للقوة ضد لاجئين معتصمين اعتصاما سلميا عاش فيه أطفال ونساء وشيوخ وشباب يطالبون بحقوقهم التي أهدرتها المفوضية العليا لشئون اللاجئين – مكتب القاهرة.

إن التدخل الأمني بإدعاء نفاذ الصبر وتعامله بهذه الوحشية مستخدما قوات ضخمة يتجاوز عددها 25 الف جندي أدى لوقوع مجزرة بشرية حقيقية قتل خلالها عشرة لاجئون وأصيب تسعة وسبعون آخرون وأجبر الباقون على الدخول قسراً في اتوبيسات هيئة النقل العام التى احتشدت لهذا الغرض، وتوجه قسم منهم إلى منطقة القطامية بالقاهرة والآخر إلى معسكر في دهشور بالجيزة ومعسكر الأمن المركزي بمنشية ناصر وليمان طره، وتم نقل المصابين إلى مستشفي الموظفين بإمبابه ومستشفى العجوزة، وبلغ عدد اللاجئين المعتقلين 1682 لاجئا.

إن مركز الجنوب لحقوق الإنسان يؤكد أن هذا التدخل اللاإنساني قد يهدر حقوق اللاجئين الذين اعتصموا فى ميدان مصطفى محمود لمدة ثلاثة أشهر كاملة بالرغم من إعلان المفوضية عن بدء تنفيذ مقابلات مع اللاجئين بعد أعياد الميلاد حسبما صرح دامتيو ديسالينيه مساعد الممثل الإقليمي للشئون القانونية بمكتب المفوضية العليا لشئون اللاجئين بالقاهرة، الأمر الذي يشير إلى أنه كان من الممكن احتواء الأمر بمزيد من الصبر والجهد لإيجاد حلول سلمية للأزمة، بناء على مبادرة مركز الجنوب لحقوق الإنسان التى أقرها قادة الإعتصام وكانت بالفعل هناك مساعٍ جارية لإقناع بقية المعتصمين بقبولها لتحقيق مطالبهم وإنهاء الإعتصام سلمياً.

تأتى هذه المجزرة بعد يومين من تصريح وزير الخارجية المصري بأن المشكلة فى طريقها للحل وذلك على ضوء مباحثات أجريت بين وزير الخارجية المصرية ومسئولين بالحكومة السودانية، إن ما ارتكبه الأمن المصرى بحق هؤلاء اللاجئين هو جريمة فى حق الإنسانية تم الترتيب لها بمباركة حكومتي مصر والسودان أصحاب السجل الحافل في انتهاك أبسط حقوق الإنسان، وذلك لاينفي مسئولية مفوضية الأمم المتحدة لشئون اللاجئين بالقاهرة عن دفع الأمور إلى النتيجة المأسوية التى وصلت إليها حيث تخلت عن القيام بدورها لحل مشكلات هؤلاء اللاجئين بشكل عاجل وفعـال، فمنذ اللحظة الأولى للإعتصام إدعت المفوضية أن هؤلاء اللاجئين لا يقعون ضمن حمايتها رغم أن غالبيتهم حاصلين على صفة لاجئ أو ملتمسي لجوء بالفعل، واستمراراً لقرارها بوقف مقابلات اللاجئين السودانيين في 1 يونيو 2004 بدعوى تحسن الأوضاع في السودان، كما أعلنت فى أكثر من مناسبة أنها تترك أمر اللاجئين المعتصمين للأمن المصرى ليتصرف إزائهم كيفما يشاء وذلك تخلياً تاماً عن مسئولياتها تجاه حماية اللاجئين.

ان مركز الجنوب لحقوق الإنسان إذ يؤكد على ان المفوضية العليا لشئون اللاجئين هى المسئولة الأولى منذ البداية عن الأوضاع السيئة التى وصل اليها ملتمسو اللجوء واللاجئون السودانيون بالقاهرة سواء من خلال تقليص المساعدات الانسانية وقطعها، أو من خلال تعليق الاجراءات القانونية لتحديد وضع اللاجئ بحجة إحلال السلام فى السودان، وكذلك من خلال اتباع سياسات التعتيم ومحاولات دفع اللاجئين لحل العودة الطوعية إلى السودان من دون توفير ضمانات كافية أو حتى معلومات مفصلة عن الأوضاع فى السودان، فإنه يحمل الأمن المصري المسئولية الكاملة عن انتهاك الحق في الحياة لعشرة من هؤلاء اللاجئين والإصابات التي لحقت بالعشرات، لذا فإن مركز الجنوب لحقوق الإنسان يطالب بضرورة محاكمة المسئولين عن هذه المجزرة

إن مركز الجنوب لحقوق الإنسان يطالب المفوضية العليا لشئون اللاجئين أن تقوم بدورها فى توفير الحماية الدولية للاجئين المعتصمين الذين تعرضوا للاعتقال والضرب على يد قوات الأمن، ويشدد على ضرورة عدم إسقاط الحماية الدولية عن اللاجئين نتيجة لأى مزاعم قد يطلقها الأمن المصرى بتجريمهم أو اعتبارهم يمثلون خطراً على الأمن العام، فالغالبية العظمى من المعتصمين حاصلين على البطاقات الصفراء أو الزرقاء بما يعنى أنهم واقعين تحت الحماية الدولية، فالتخلى عن هؤلاء اللاجئين يخشى معه تعرضهم للترحيل القسرى وهو ما يعد انتهاكاً لمبدأ عدم الترحيل الإجبارى المنصوص عليه فى اتفاقية 1951 الخاصة باللاجئين.

إن المركز يطالب المفوضية بمتابعة مصير اللاجئين بمعسكرات الاعتقال فى ليمان طرة وغيرهم فى معسكرات دهشور والقطامية، بالإضافة إلى العشرات من الجرحى فى المستشفيات، فهي ملتزمة قانونيا بتوفير الحماية الدولية لهؤلاء اللاجئين الواقعين تحت ولايتها.

كما يناشد مركز الجنوب لحقوق الإنسان كافة منظمات حقوق الإنسان والنشطاء بسرعة التدخل وتقديم يد العون والمساعدة القانونية والإنسانية لهؤلاء اللاجئين ضحايا همجية الأمن المصرى وفساد المنظمة الدولية بأقسى سرعة ممكنه.

Ya Alaa, I support your opinion that Egyptian security forces have heavy hands all the time on Egyptians, so what happened is not outside the pattern, however, I really blame the refugees for trashing one of the very few nice places in Cairo for so long, we or the UNHCR cannot garrantee migrating them to developed countries; the problem in S. Sudan is over, and their claims of prosecution seems to be baseless, half the Egyptian population is trying to flee the country like them but they can't. I saw the pictures on TV, I can't imagine how people died as a result of moving them away and water canon, they must have put stiff resistance in a no win situation, but I think nevertheless that there has to be an investigation.

sorry but I can't see how you can say this stuff.

human life is much more iportant than the nice place in Mohandesin.

and resistance or no resistance no one should have been killed, nothing they do short of using weapons themselves justifies killing them.

I'm not sure about their legal status, the south human rights center claims they still carry refugee status, so regardless of the end of the war they should still be treated as refugees.

we as egyptians are not required to guarantee them anything, they want nothing of us, all they ask if for egyptian security forces to let them be.

I would add to them being treated as human beings (in the sense of rtealizing that their misery is much more important than fucking trees).

Of course alaa , human life is more valuable..I want to say that I live there, few meters of the place & I want to acknowledge the sudan people civilization during their protest..they never tried to hurt anyone or disturb any body.Poor people..you cant imagine what have been done..I saw a part of the tragedy..what a pity.I agree with our friend who want to say sorry to all sudan people...I hope that we can do anything....please alaa , tell me how can I help.

always a difficult question, we can't do much on our own.

the first action that we will take will be two protests tomorrow (sat 31st), which you can read about in our events calender.

now the protest alone will not achieve much, except maybe ruin the regime's plan to have a clean fun new year in mohandesin with no politics and disturb it.

but the protest will also be a chance for people to meet and discuss, maybe better plans will come out of that.

please join us tomorrow and let's see what we can do together, what happened to the refugees happens to Egyptians too, the real problem is police brutality and this affects each and everyone of us.

"mesh 3aref akol eeh , il 7ekoma andaha hak, we il lage2een andohom hak"

What the hell are you saying? There's no explaining or understanding for the government brutal reaction! The refugees have every right to protest, and the Egyptian government should've put the pressure on the UNHCR and not the refugees!

And those idiots who are whining about the refugees polluting a beautiful place in Cairo instead of caring of their rights you need to get your heads checked! These people don't want to stay in Egypt mesh men 7alawetha ya3ni...

حاسس إني عايز أقول لكل سوداني عرفته: أنا خجلان منك بسبب اللي حصل.

كنت حقولك خجلان من تصرفات الأمن ليه ما هو بيعمل كده في المصريين كمان، لكن للأسف بعد قراءة كلام نورا بقيت خجلان أنا كمان.

فى إيه النهارده يا علاء ؟الناس مالها اصبحت عميا عن رؤية الحق رغم وضوحه وظهوره ؟ واحد يقولك :انا مش عارف و الله اقول ايه ومش عارف الحق مع مين وشايف ان ممكن يكون فى إحتمال ولو حتى واحد فى المليار إن الحق ممكن يكون فى صالح غشم وغباء و همجية وشراسة أمن فاقد لكل مقومات وجوده و التاني يقولك أصلهم مالهمش أصلا حق طلب اللجوء و اصل مش عارف إيه وفزلكه تحرق الدم 000 بس الحمد لله كسبنا اوى ان منظر السودانيين وهم بيضربو بالجزم قطع قلبه !!!!

يا عم احنا هنعتبر اللى كانو معتصمين دول عيال مجرمين وهجامه وفيهم كل العبر مش فى ام قانون او حتى عرف يحكم تصرف الأمن الغبي تجاهم ؟ ولا هو عشان ام الإعتصام كان فى المهندسين ؟ وطبعا ماينفعش ولاد الزوات يشوفوا المناظر دى من بيوتهم وعربياتهم وهم ماشيين ؟؟!؟!

و الله و الله و الله انا ماعارف اقول ايه ؟ الواحد هيلاقيها من وساخه الدوله وغباءها الامنى والسياسي ولا هيلاقيها من فزلكة الناس وتزاكيها ؟

محدش شايف إن كل واحد فى مصر مدين لكل بني آدم سوداني 0000 مش هنتكلم عن التاريخ و الجغرافيا و روابط الدم و الإيخاء و غيره لان ده مايحوأش مع جتت منحسه زى دي هنتكلم بالورقه و القلم ونقول ان كل مواطن مصرى بيستهلك من رصيد وحصة مياه اخوه فى السودان 00 محدش سأل نفسه توشكى دى وترعه السلام والسبهلله اللى احنا عايشينها فى الميه دى على حساب مين .؟ محدش سأل نفسه وحاول يعرف إن أمننا المائي لا يمكن السيطرة و التحكم فيه إلا من السودان و السودان فقط ؟ !!!

نتغابى ونستنطع وفى الآخر نلطم خدودنا ونقول إن إسرائيل إخترقت أفريقيا !

إسرائيل عامله علاقات مع اثيوبيا وبتحاول تعمل سدود تتحكم فى نصيب مصر من المياه ! وكمان شويه هنشوف إسرائيل فى السودان وساعتها مافيش إبن كلب يفتح بقه ويلطم زى النسوان لما مانلاقيش نشرب

صراحه الواحد قرف

استئت جدااااااااااا من اللي حصل وشايف انة تكرار لمسلسل اهدار كرامة الانسان اللي بتنفذة عندنا قوات الامن ببراعة وبغض النظر عن كوني مؤيد للاعتصام او معارض لية لكن كان ممكن الداخلية تفض الاعتصام بطريقة احسن من كدة

Hello, Alaa, I read your blog for a long time now, Off course what happened is another evidence of the failure of the current regime, excuse me for my english typing cause I am sending this from the US, and my computer does not have an arabic keyboard.

So, the extreme concrete thinking and stupid decision making of out police administration resulted into that massacre, this has been their style for a long time.

Also, our police dealt with the sudanses even worse that they would do with Egyptians, never anticipated consequences or thought about human lifes.

The values of humanity, bla blah blah, are not into the dictionary of the police cause they are either do not know the shit about it, or they do not consider them humans to begin with.

Finally, let wait and see what will be the result of this and what would be the excuses that the police will come up with to justify this, I really want to read those cause they are always funny and stupid.

Last word to you Alaa, I never heard a comment from you on the new gevernment !!!!!!!!!!!!!!!

Bye

I usually don't do political analysis, and besides I can't see how a new government will be different, better or worse, I think trying to understand the regime and it's theatrics is a total waste of time, we should focus on how to topple it.

in short I've no opinion about it, the only thing I found interesting was how messy and delayed the process of selecting a new government was.

and to be honest I did hope they'd change el Adly, not because I think the replacement would be any better.

باأخونا رجاءّ لاتقولوا الأمن المركزى المصر .. ولكن قولوا أمن مبارك وجمال وسوزان .. وضعوا الأسماء على مسمياتها ..وضيفوا لهم كمان حراميه البلد من أمثال .. كمال .. وصفوت .. وعز .... وهدلى .... وباز ... عزمى .. ومن أمثالهم .. الله ما أرينا فيهم يوم مثل صدام الأن والدكتور الأمريكى بيفبش فى راسه على الزواحف .. ودة نهايه كل طالم و كل حرامى

بسم الله الرحمن الرحيم

والله يا شباب الواحد مش عارف يقول ايه مع ان التصرف ده يعتبر من التصرفات الهمجيه من الحكومه او الشرطه المصريه !!! بس لو جينا فكرنا حتكون ايه الوسائل التانيه اذا كانوا فعلا تفاوضوا معاهم وجابلهم كل من يقدر يتفاوض معاهم كان ايه المطلوب تاني من الشرطه ؟؟؟ بصرف النظر عن جنسيه المعتصمين سواء كانوا مصريين او غير مصريين هل المطلوب من الحكومه انها تسيب كل اللي يحب يعتصم يختارله ميدان حيوي في البلد ويحتله ويجيب اهله وعياله وحاجته ويبات في الشارع ؟؟ ويعطل المرور ويشرب خمور وخلافه طب اهل البلد ولا اللي ساكنين في الشارع ده يحسوا بالامان ازاي ؟؟ وفيه ناس ايا من كانوا بايتين في الشارع رجاله وستات هل ده يرضي حد ؟؟ اي حد يرضي ان اخته او والدته تنزل الشارع وتلاقي المنظر ده كانت ايه الحلول التانيه اللي ممكن كانت تتعمل مع ناس مش عايزه تتفاوض علي حلول وموقفين حال بعض الناس يعني انا مثلا شغلي جنب الميدان ده كنت علشان اعدي منه باخد وقت كبير لمجرد اني اعدي من جنبه ده لصالح مين وايه الفايده اللي حتعود عليهم ولا حتعود علينا

لمصلحه مين نوقف حالنا ونحط العقده في المنشار ونرفض كل الحلول الممكنه وبعد كده نبكي علي اللبن المسكوب ونقول ان الشرطه عملت وعملت لازم نفكر كانت ايه البدايل وايه المنفعه والعائد اللي حتعود علينا وعليهم وبلاش كل ما تحصل اي مشكله نقعد نذم في البلد واللي عملوا البلد ونحسس كل اللي مش عايش في بلدنا انها بلد كفرا وشياطين مع ان الموضوع ده لو حصل في اي بلد تاني مش كانوا حيعملوا اللي بلدنا عملته وتسيبهم اكتر من شهرين يتفاوضوا وهم محتلين الشارع وانا للاسف ملاحظ ان كل اللي اتكلموا مش اتكلموا الا علي خسائر المعتصمين مع اني سمعت ان برضه فيه خسائر من جانب الشرطه واعتقد انهم من اهلنا برضه يعني ممكن يكون المصاب ده اخويه ولا اخوك او قريبي او قريبك يعني الخساير من الطرفين ناس بطالب بمصلحه مش لينا ايد فيها وناس غلابه بينفذوا المطلوب منهم وفي الاخر والله انا اصلا مش كنت بحب ارد علي اي كلام بيتقال الا لما شفت وحسيت باللي بيحصل ولقيت كأننا هتيفه واحد يشتم في البلد والكل وراه وخلاص واسف علي طول ردي وشكرا

يا سلام ليه كل اعتصامات الدنيا لما بتتفض بيتقتل فيها 50?

ما تركزوا يا أخوانا و تفهموا أنتم بتتكلموا عن ايه؟ فيه من 20 الى 50 لاجئ قتلوا على ايدين الأمن، فيه أطفال صغيرة و مسنين اتقتلوا.

ممكن تعيد صياغة الكلام ده و تقوللي أنا شايف أن النقط ألف و باء و جيم أساب كويسة لقتل 50 انسان عشان أفهم أنت بتقول ايه؟

و بعدين كفاية تخريف، مرور ايه اللي عطلوه، ما أنا بعدي من هناك كتير الناس قعدت حوالي أربع شهور داخل الجنينة منزلوش الشارع ولا مرة و معطلوش المرور أبدا.

أنا مليش دعوة خالص و مش هتكلم ولا هفكر أصلا في مشكلتهم كلاجئين و في صحة الاعتصام من عدمه، أنا مهتم بنقطة واحدة بس الناس اللي اتقتلت.

و بلاش و النبي الكلام على خسائر الشرطة، أولا لا يمكن أصدق أي أرقام لأني شاركت قبل كده في مظاهرات محصلش فيها أي خسائر للشرطة و الداخلية قالت ضربنا و عورنا ظباط و عساكر و الاعلام الحكومي القذر نشر الكلام ده و أكده.

ثانيا طبيعي الناس تدافع عن نفسها لما.

ثالثا أحيي من يجرح أو يقتل أي رجل الأمن في مصر و أطالب تنظيم الجهاد بالعودة للكفاح المسلح و اغتيال الظباط و خصوصا ظباط التعذيب و أقول لكل حد ابنه أو زوجه أو أخوه من الظباط أنه يطلب منه الاضراب أو الثورة أو الاستقالة فورا أو تتنكروا ليه و تبطلوا تتعاملوا معاه و تتفوا عليه كل ما تشوفوه و تطردوه من بيوتكم.

اولا دي موش اول مرة الامن يهدد بفض اعتصام اللاجئين بالقوة لدرجة انهم لما كانوا بيتفاوضوا يوم 20 -11 الامن كان مرابط حوالين المكان رغم انه كان لديهم فرصة لحد الساعة 12 اليوم ده عشان يسلموا المفوضية ردودهم

ثانيا المعسكرا كان بيه لايحة تنظيم داخلي لدرجة ان اي حد من المعسكر يتعرض ليها كانوا هم نفسهم بيتصرفوا معاه و كان المعسكر مضبط شديد جدا و كان في لجنة امن و اخرى نظام دداخلي و اخرى اعلام الخ

ارجو انكم تفهموا ان السودانيين اللي كانوا معتصمين كانوا حريصين جدا على النظام و بيدروا المعسكر احسن من ادارة مبارك لمصر

و كان هناك شير لشرء الاكل

و كان هناك تقسيم للمكان رغم انه كان صغير جدا و احنا كنا بنخلع احذيتنا لما ندخل المكان لان الارض كلها عليها ناس و الممرين الوحيدين مليانين شنط الاطفال و النساء كانوا في ناحية بيمسوه المطبخ و الشاي قريبة من شركة العجيل

و كان في الرجال و بعض العوائل الناحية التانية

احب اقول ليكم ان اكتر اللي ماتوا كانوا من النساءو الاطفال في ناحية العجيل ثم عندما بدا الضرب و قتل الرجال وصل الامن لمنتصف المعسكر عاد السجل مرة اخرى لصالح وفيات الاطفال و النساء

اللي حصل كان قتل منظم

ربنا ينتقم من كل واحد ساهم في هه العملية و اتمنى للقتلة كلهم مصير اسود ممكن تقروا ده

2- من دفتر الموت :

  • حسب شهادة من خرجوا من المعسكرات فإنه تم اسعاف فقط من قارب على الموت ، معظم اللاجئين جرحى ، معظم اصابات الرجال بالرأس ، تم القاء زجاجات مياه معدنية على اللاجئين من مبنى الذي به البنك الوطني ، بجوار المسجد ، اللاجئة منى لديها شلشل نصفي، لم يتم تقديم علاج لها، سحلت على الأرض اثناء المجزرة
  • المواطن الجنوبي دينق أول من رصد موته، في الاربعين بساق واحدة ، ارتكز على عكازه بيد و رفع اليد الأخرى مستسلما و كان قريبا من سور الحديقة ، مات لأنه تصور أنهم سيأخذونه لخارج الحديقة رأفة بحالته
  • لم يقدم للاجئين اي اسعافات حقيقة أو كشف و علاج حقيقي لهم بمعسكرات اعتقالهم.

3- مجرد وصف لحالة وفاة طفل رضيع – محمد 6 أشهر:

الاطفال و النساء يحميهن بظهورهن في منتصف المكان تقريبا، العساكر يناهلون على النساء ضربا ، تسقط سيدة و يواصل العساكر ضربها، بينما السيدة تحت الأقدام ، يقف لاجيء مكانها محاولا حماية بقية الاطفال بجسده يسقط اما الضرب المتواصل، يجرونه فيمد يده ليحمل ما استطاع - الطفل الرضيع و شقيقته - حتى لا يدهسا تحت الأقدام، الطفلة الأكبر تسقط وبقى متشبثا بالطفل الرضيع و الذي يتلقى أيضا ضربة قوية على الرأس، طوال وجودها بالحافلة المغلقة الزجاج حيث يتواجد 14 عسكريا و 4 ضباط و ضابط امن دولة بملابس مدنية، يدخنون السجائر، اللاجئون يأتى بهم لملء الحافة فيرقدوا مكومن على بعضهم البعض، الطفلة لا تحرك إطلاقا، يصل الباص للمعسكر، يلقى باللاجئين في فناء المعسكر و لا يسمح لهم بالدخول لأي عنبر اتقاء للبرد أو الغبار القادم من الجبل القريب، ثم بعد ساعتين كاملتين و في التاسعة تقريبا يأخذ الاسعافات الأولية الطفل ، بالطبع يعلنون عن أنه قد مات، والدته خارج المعسكرو لا تعرف شيئا عن مصير رضيعها و لا شقيقته الأخرى ذات الأربعة أعوام .

4!- التقارير الأولية لمعاينة جثث القتلى – 56 قتيل حتى الثانية عشر ظهرا

  • معظم الحالات الوفاة من اسفكسيا الاختناق
  •  انفجار في الطحال
  •  هبوط حاد في الدورة الدموية نتيجة لنزيف داخلي
  •  نزيف في المخ
  •  انفجار في الرئة – البنكرياس
  •  عدد كبير من القتلى هم من الاطفال

 يتفق التقرير مع ما سنورده في رسالة تفصيلية قادمة عن الطريقة البشعة التي قام بها الأمن بالتمثيل باللاجئين وفقا لشهادات 3 من اللاجئين ممن أطلق سراحهم .

http://kashfun.blogspot.com/2006/01/31-12-05.html

اقسم بالله العظيم ان في ضابط كان بيضرب واحدة معاقة و لحد الان هي مرمية بين الحياة و الموت دون علاج في معسكر طرة

ربنا يورينا يوم فيالظلمة دول

حزنت جدا علي الاستاذ مصطفي بكري في حديثه لبرنامج العاشرة مساءا علي قناة دريم فقد كنت احترمة كثيرا قبل البرنامج فالاستاذ بكري انضم لمجمعوعة المبرراتية بتوع الحكومة ودافع عن الامن وكأنة وزير الداخيلة فحسبنا الله ونعم الوكيل فيك يا نظام

لا متحزنش الاستاذ مصطفى بكري طول عمره مبرراتي داخلية، افتكر أنت بس البلاوي اللي عملها أيام الهجوم على منظمات حقوق الانسان اللي تسببت في تغيير قانون الجمعيات

والله البلد دى بلد بنت كلب صحيح اه والله مش البلد الناس اللى فيها والله احنا ماعندنا دم ولا احساس ولا اى حاجه خااااااااااااااااااااااااااااااااااااااااااااااااااااالصواكيد يبقى بالص ومالص واى حاجه اخرها لص بنضرب على قفانا ونسكت ولا مؤاخذه ....................ونسكت برده ماعلينا انا ايه اللى جبنى هنا مش فاكر فكرنى ياواد اه افتكرت انتوا زعلانين على االى حصل للاخوه الاشقاء السودانيين يعنى ممكن اعرف انتوا زعلانين ليه وليه زعلانين مجرد سؤال يعنى ولا مؤاخذه متنيلين على عينكم ليه وزعلانين اذا كان احنا بيحصلنا اكتر من كده بيحصلنا ايييييييييييييييييييييييييييييييييييييييه اه اكتر من كده بكتييييييييييييييييييييييييييييييييييييييييييييير وهم اخواتنا يعنى لازم يشاركونا الوحده العربيه سابقا كاره حاليا ولا هو اشقاء بق وخلاص فهمووووونى يعنى ومش مهم تعرفوا

وبعدين انا حقولكم حاجة للعلم بس عشان محدش يفضل يكتب اي كلام مش فاهمه دول مش لاجئي دول دخلوا مصر بطريقة غير شرعية يعني مهاجرين غير شرعين

شكراً على حسن تعاونكم لينا سمل السودانى

Guys, very interesting language. Fairly. وقت الاعتصام للاجئين السودانين و طلبوا منهم المسيرة معهم ضد النظام المصري و هذا شىء كان سيعرضنا للخطر و ايضا يوم الثلاثاء كان هناك طلب اخر منهم للمسيرة و بسببه مشونا من كنيسة السكاكينى فلماذا هذه التصرفات التى تضر اللاجئين بدل الوقوف بطريقه صح معهم ؟

ن


software

السلام عليكم

نرسل تقديرنا للجنة التضامن المصرية مع اللاجئين السودانيين لكن لو سالتونا ما نريد نرى ان الاولوية هو

اولا

نطلب المساعده في تقديم المعونات العاجله ا

ثانيا

مخاطبة الامن بالسماح للاجئين السودانيين قبل اي احد ان يقبلوا بزيارة المرضى فى المستشفيات - لقد طلبنا قراءة هذا الطلب من 3 اسطر لا اكثر يوم الخميس في المؤتمر الصحفي ، و كان هناك اعلام كثير بالمكان يمكنه نقل النداء وينفذوه لكن مسئول لجنة التضامن رفض و اخذ يقول اشعار و يعرض فيلم عن الحديقة بعد القتل و منظر الملابس الممزقة فما السبب ، الان الاجازات في بلدكم متوالية و ضاعت فرصة يوم الخميس في مراجعة وزارة الصحة لتنفيذ التماسنا فلماذا حدث هذا؟ هل المطلوب ان تطول المسالة اكثر ام ماذا ؟

نطلب ان يساعد المحامين من اللجنة اللاجئين الذي يجدون مشكلة في استئجار مساكن لعدم وجوزد مبلغ تامين الشقه كله معهم- في مصر يطلبون تامين ما لا يقل عن شهرين -

4- نطلب ان يساعدنا اللاجئين في السكن و الكلام مع اماكن بها قاعات للك او مساكن معقولة الثمن لانها اسهعل لكم الوصول لها منا في ظروفتا هذه

5- نحن نقوم برصد ما حدث و اللاجئون لا يفضلون التعامل مع البعض من غير السودجانيين لاسباب عديدة وبالذات ان بعض اعضاء اللجنة التضامن جاؤا وقت الاعتصام للاجئين السودانين و طلبوا منهم المسيرة معهم ضد النظام المصري و هذا شىء كان سيعرضنا للخطر و ايضا يوم الثلاثاء كان هناك طلب اخر منهم للمسيرة و بسببه مشونا من كنيسة السكاكينى فلماذا هذه التصرفات التى تضر اللاجئين بدل الوقوف بطريقه صح معهم ؟

نرجوكم مسالة رصد الحادثة و طلب التحقيق ليست هي اول شيء نحتاجه الان في ظروفنا هذه و ستحدث عاجلا او اجلا و اذا اردتم مساعدتنافى مصر فليكن بالاغاثه و الحمايه قبل اى شىئ

اللي اختشو ماتوا