You are here

مكتوب و مستقبل مجمع المدونات المصرية

Primary tabs

زي ما أنتوا عارفين الموقع ده مش بس مدونة كمان عليه مجمع المدونات المصرية المجمع عبارة عن برنامج بيزور كل المدونات المصرية المعروفة كل كام ساعة بحثا عن تدوينات جديدة، لما بيلاقي تدوينات جديدة بيعيد نشرها في مكان مركزي.

المجمع

بالاضافة للمدونات بنجمع كام موقع اخباري كمان. المجمع متقسم باللغة أساسا لكن كمان بيسحب التصنيفات من المدونات و الناس تقدر تتصفحه بالتصنيف (و ان كان أغلب المدونات المصرية مبتستخدمش نظام تصنيف).

المجمع مكانش أول جهد لتجميع المدونات المصرية، البداية كانت مع حلقة المدونات المصرية اللي علمها حلمي و لحد النهاردة الحلقة هي المصدر الأساسي اللي بنكتشف عن طريقه مدونات مصرية جديدة (لكن كمان الناس بتقدر تضيف مدونتها للمجمع مباشرة).

الزوار

أقدر أجزم أن المجمع كان ليه دور أساسي في نمو التدوين المصري و في ظهور المدونين اعلاميا و في اتساع دور المدونين سياسيا خصوصا اللي بيمارسوا الصحافة الشعبية، المجمع بيزوره من 2000 الي 3000 زائر يوميا أغلبهم بيزوره ثلاث مرات في اليوم على الأقل، في تقديري الغير علمي بالمرة فيه حوالي 30000 شخص بيتعامل مع المجمع على أنه وسيلته الرئيسية ان لم تكن الوحيدة في تصفح المدونات المصرية. و وفقا لتقديري الغير علمي برضه المجمع هو المصدر الأساسي للزوار (referrer) بالنسبة لثلث المدونات المسجلة عليه على الأقل. في الأوقات اللي بيحصل فيها أحداث كبيرة (عنف يوم الاستفتاء، الانتخابات، مجزرة اللاجئين السودانيين، غرق العبارة، اعتقالات المتضامنين مع القضاة) عدد الزوار بيزيد بشكل سريع جدا.

المدونات

المجمع مسجل بيه 1377 مدونة و أرشيفه فيه 63886 ألف تدوينة، معدل نموه سريع جدا، قمثلا في أول نوفمبر 2005 كان مسجل بالمجمع 372 مدونة فقط يعني بنتضاعف بمعدل مرة كل نصف سنة (مشابه لمعدل نمو المدونات العالمي).

مجمعنا و الحلقة يعتبروا حالة شاذة في وسط فضاء التدوين العربي، كل المجمعات العربية الأخرى بلا استثناء عندها معايير ما غير المعيار الجغرافي للمدونات اللي بتربط ليها، لدرجة أن المدونة التونسية الأشهر فكرة لجأت سياسيا الي مجمع المدونات المصرية بسبب رفض كل حلقات التدوين التونسية الربط لها.

يعني أهم هدف عندنا هو أننا نكون شاملين لكل المدونات المصرية (تحت تعريف فضفاض جدا للمصرية). و أنا كنت داير فعلا أدعي أن المجمع و الحلقة بيعبروا عن كل فضاء التدوين المصري.

مكتوب

لحد كده و جميل المصيبة بقى أن طلع المجمع مش بدرجة الأهمية اللي أنا متصورها خالص، أكتشفت مؤخرا أن خدمة مدونات مكتوب بها 1546 مدونة مصرية مش مسجلة على المجمع ولا على حلقة المدونات المصرية و ولا عمرنا سمعنا عنها، ده معناه مئات من المدونات اللي مفيش ولا مدون من اللي نعرفهم بيربط ليهم و غالبا معناه فئة من القراء مفيش تقاطع كبير بينها و بين قراء المجمع.

المادة المظلمة

مش بس كده خدمة جيران عندها 27000 مدونة (و ان كان أغلبهم غير ناشط بما أن متوسط عدد التدوينات في المدونة 3) و قد ايه منهم مدونات مصرية دي حاجة في علم الغيب لأن جيران دي خدمة بايظة و مش عارف أعمل فيها بحث بالبلد.

و عندك كمان خدمات زي livejournal و xanga و myspace اللي أكيد عليها مصريين بالهبل و أكيد نسبة منهم عندها مدونات على المواقع دي و عمرهم ما اتصلوا بالمجمع ولا بالحلقة و و صعب جدا التوصل ليهم لأن تصميم البتوع دول ضايع (في علاقة طردية ما بين مدى شعبية التكنولوجيا و سوء تصميمها كما أثبتت مايكروسوفت).

و ده يخلينا نسأل هو ايه تعريف المدونة و هل الهدف بتاع المجمع ده هدف له معنى و يمكن تحقيقه؟ و هل يا ترى ده هدف يهم زوار المجمع؟

الفضاء

أقدر أتجاهل جيران و livejournal و xanga و myspace على أساس أن اللي مستحيل على الوصول اليه غالبا ملوش أي جمهور غير أصدقاء المدون و بالتالي نقدر نقول عليه مش جزء من فضاء التدوين المصري، لكن من الواضح تماما أن كل ادعائاتي عن تمثيل كل التدوين المصري خاطئة و هتفضل خاطئة لحد ما أضيف مدونات مكتوب على الأقل. و من الواضح برضه أن حجم التدوين المصري أكبر بكتير من تخيلنا.

و مش بس كده قبل كده كنت متصور أن الفضاء المصري هو أكبر فضاء تدوين عربي و أن الفرق في الحجم شاسع، لكن مكتوب عليها فوق ال9000 مدونة من دول عربية أخرى (و برضه أغلبهم خارج نطاق التشبيكات و التربيطات بين المدونات العربية).

المستقبل

طيب أنا مش بحكي الكلام ده كله كدرس في التواضع المسألة أنه غالبا الجهاز اللي شغال عليه manalaa.net (اللي هو السيرفر يعني) ميستحملش اضافة الكم ده من المدونات و ده معناه صرف فلوس أكثر (و أحنا أصلا مش قادرين على الوضع الحالي و بقالنا سنة معتمدين على تبرعات و العملية هتقلب شحاتة). أنا كاتب ده كله عشان أسمع أراء في نتصرف ازاي.

يا ترى فيه اهتمام فعلي بمجمع يجمع كل المدونات المصرية ولا الناس عايزة حاجة مختلفة؟ و نعرف كلمة المدونات المصرية دي بأوسع تعريف ممكن ولا لأ؟

خدوا بالكم أني تفاديت تماما الكلام عن جودة المحتوى، فيه ناس بتشتكي أن المجمع دلوقتي بقى أغلبه حاجات متستاهلش تتقري و كلام من ده، انحيازي العنصري ضد التكنولوجيا السيئة بيخليني مقتنع أن ال1546 مدونة على مكتوب أغلبهم زبالة لكن أنا مقتنع أن الزبالة جزء لا يتجزأ من التدوين و أن أحنا ظالمين الزبالة قوي و بعدين زبالة قوم عند قوم درر.

كمان يومين هكتب عن الصعوبات التقنية و المادية اللي بتواجه المجمع و نديها شحاتة ولا نشوف هنعمل ايه في المستقبل.

Comments

يعني انت فعلا موش عارف تمول الجردل؟

ايه يا عم انت بتهزر؟ يمكن انت موش عايز تعمل اعلانات؟ ده أكيد السبب الوحيد ، بس أكيد الفكرة جات في دماغك ، كل الناس بتعمل كده ، خصوصا انها طريقة شرعية و اخلاقية مافيهاش مشاكل يعني ، فيه طريقة تانية انكك تأسس شركة تمتلك المجمع ، و يقوم الشركاء بادارة المجمع ، بالاضافة طبعا لتمويله ، بس ده ممكن يقيد سيطرتك على المجمع ، و في يوم من الأيام لو المجمع اتعرض للبيع ممكن انت تعترض و هما يوافقوا أو العكس

كل ده أظن انك هاتعارضه ، المجمع موش الغرض منه الربح ، و أظن انك هاترفض تبيعه في يوم من الأيام ، يمكن لو جووجل هاتشتريه زي ما اشترت يو تيوب هاتقبل :)

انما فكرة الاعلانات فكرة عادية و مفيده و موش هاتخلي حد يتحكم فيك كمان

كمان أنا كنت باقترح انك تكبير الحيز بتاع (egyptian blogs (arabic))

طبيعي ان كل ما المدونات العربية تزيد يبقى عدد التدوينات اللي بتنضاف كل كم ساعة بيزيد ، و كده هايجي عليك وفت هتلاقي تدوينه جديدة مكتوبة من غير ما تنضاف عندك ، لأن الحيز اللي انت عامله موش مقضي ، طبعا الكلام ده بيسري على باقي "الأحيزه" موش ده بس

بالنسبة للمدونات التانية فأظن ان مجرد المرور عليها و اظافة وصلات للتدوينات الجديدة موش هاأثر على السيرفر زي ما انت فاكر ، ده غير انك تستضيف مدونة كاملة و تتحط تدوينتها ضمن الأرشيف بتاعك ، اللي أكيد هيأثر

بالنسبة لموضوع الزبالة موش عايز في يوم اصحى الصبح الاقي عندك 100 تدوينة جديدة ، بصراحة هاتبضن اقراهم ، و هاقفل الكمبيوتر و انزل على الشغل احسن ، كمان موش كل الناس بتصحى الصبح تقرا ، دول ممكن كل كام يوم يقعدوا و يتصفحوا شوية ، لو لقوا 500 تدوينة جديدة ممكن يتبضنوا اكتر و اكتر و ينفضوا من أصله

الزبالة ممكن تكون درر ، لو عايز تعمل كده حط اسم المدونة أو اسم المدون جنب اسم التدوينة ، عشان احنا نعرف الزبالة من الدرر و مانفتحش كيس الزبالة و نفتح الدرر ، ده على أساس ان المدون الزبالة كل كلامه زبالة و العكس صحيح

و مبروك على النجاح

ازيك يا ربيع، أولا الأرقام اللي فوق دي مش نجاح فزيع زي ما أنت متخيل، لكن أهي بداية.

طبعا موضوع شركة ده مستبعد و محدش هيشتري مجمع دي مش اختراع تقني عشان حد يشتريه.

الاعلانات و مشاكل التعامل مع الكم الضخم من المحتوى من الحاجات اللي هتكلم عليها التدوينة اللي جاية، فاسمحلي أحوش ردودي.

لكن عايز أعرف رأيك لو مش هنجمع كل المدونات نعمل ايه؟

تمام الحمد لله انت عامل ايه؟

موضوع ان ماحدش هايشتريه ده موش مظبوط أوي ، فاكر سايت مصري قديم اسمه مزيكا؟ اول مرة دخلت على الموقع ده كان بطئ جدا لدرجة اني طلعت منه من غير ما استفيد حاجه ، الكلام ده من8 او 9 سنين موش فاكر بالظبط ، طبعا مع الوقتالموقع حصله تطور كبير ، و في النهاية ايجبت نت ولا حاجه كده اشترته ، في الحقيقة هي اشترت العنوان بس ، و قالتله المحتوى العبيط اللي انت حاطه موش عايزينه ، احنا هانحط محتوى بمعرفتنا

الشركة كان ممكن تعمل موقع جديد من غير ما تشتري اي حاجه ، بس هي كانت عايزه تكسب زوار الموقع بس

قيمة المكان في زواره موش في التكنولوجيا

لو موش هاتجمع المدونات هاتعمل ايه؟ طيب خليني اقرا التدوينة اللي انت بتحضرلها و بعدين اقولك

ما هو اللي بحاول أشرحهولك أن عدد الزوار قليل 30000 زائر في الأسبوع ده رقم هزلي بالنسبة للمواقع المربحة.

ما علينا موضوع الفلوس ليوم ثاني.

أنا مبقولش مش هجمع المدونات بتسأل هل هدف تجميع كل التدوينات من كل المدونات ده هدف مفيد؟ مطلوب؟ عملي؟

و لو مش كل المدونات يبقى أي مدونات؟ الكويسين بمعايري مثلا؟ التصويت عليهم؟ فاهم قصدي؟

ماخدش بالي من رقم 30000 و بصراحة ماعرفش ده كبير ولا لأ ، نا أصلا ماعنديش خلفية عن موضوع عدد الزوار اذا كان كبير ولا لأ

بالتأكيد لو انت هاتزود المدونات المستضافة هنا هاتزود عدد الزوار ، بس ممكن الموقع يفقد الحميمية بتاعته ، يعني انا باحس ان الجردل ده بتاعي ، انا و ناس كتير غيري ،طبعا انا موش واخد الموضوع جد زيك ، بمعنى اني ممكن اقعد كام يوم مادخلش عليه لأني عندي زحمة شغل مثلا بس في النهاية الطابع الشخصي للموقع ممكن يتأثر لو استضافت مدونات كتير فيه ، و دي حاجه بتاعتك انا مقدرش افرض عليك رأيي

حته تضيف ايه و ماتضيفش ايه دي برضه بتاعتك انت ، و فكرة انك تضيف الحاجات اللي انت شايف انها مفيده - و موش معنى كده انه رأيها من رأيك - دي فكرة جميلة ، امال هانعمل استفتاء على كل تدوينة تنشرها ولا لأ؟ دي عاملة زي اللي بيسمح للناس تزورو في بيته حتى لو همه موش من ديانته مثلا ، بس هو مستريحلهم ، من ناحية تانية فيه ناس من ديانته موش هايرحب بيهم في بيته

من الاخر الموقع اسمه مدونة منال و علاء ، و هايستنى بتاع منال و علاء ، بما انك موش شايف ان موضوع البيع وارد ، و بما ان هو بتاع منال و علاء ، يبقى لازم منال و علاء يبقوا دكاترة -جمع دكتاتور - في المدونة بتاعتهم غير كده اللي موش عاجبه الجردل يعمله جردل

أولا مفيش خلاف على أن القرار النهائي ديكتاتوري النزعة، لكن كمان المجمع كبر بشكل عضوي مع نمو التدوين في مصر و من المنطقي برضه طرح هل جأت اللحظة اللي نفصل فيها المجمع عن موقع منال و علاء و يبقى كيان مستقل؟ .

و في حالة أنه كيان مستقل ممكن تكون ادارته ديمقراطية أو لجنة أو ديكتاتورية تمارس الشورى أو غيره، عايز أسمع اقتراحات من الناس اللي يهمها المجمع.

فيه جاجة ثانية قبل كده كان المحرك الأساسي للمجمع هو رغبتي أنا في وجود شيئ مشابه أستفيد منه، دلوقتي حجم المجهود و الفلوس المطلوبة بقيت أكبر من رغبتي لوحدي و بالتالي منطقي التعامل مع المجمع كخدمة ليها جمهورها مش مجرد حاجة شخصية متاحة للآخرين لو يهمهم

الحقيقة اختيار المدونات في حد ذاته لعبة صعبة جدا و مظنش عندي الوقت و الطاقة لأني أعمل فيها ناقد، لو اخترت أنا هتكلس على مجموعة محدودة مبتكبرش خالص (مثلا مقدرش أفتكر امتى مدونتك لفتت انتباهي و اعتبرتها مدونة لطيفة جديرة بالمتابعة و لو ضيعت على نفسي و جمهور المجمع فرصة متابعة مدونة زي مدونتك دي ميبقاش حاجة كويسة). و بالتالي لو هيبى فيه اختيار أنا مهتم بتصورات عن جهود جماعية أو معايير مؤتمتة للاختيار.

بشكل عام لما أي حاجه بتكبر - بيت أو شكرة أو حتى عصابة - بيكون ليها مجلس ادارة ، موش محتاج أشرحلك يعني ايه مجلس ادارة ، كمان الصلاحيات بتاعت المجلس انت ممكن تحطها أو تزدها أو تنقصها ، كمان ممكن مجلس الادارة يشترك موش بس في الادارة لأ كمان في التمويل و في أي مهمة انت بتعملها لوحدك انت ومنال دلوقتي ، الحاجه اللي انت بتقول عليها ديمقراطية أو دستورية أو خلافه ، الصيغة اللي أنا شايفها مناسبة مجلس ادارة محدود جدا ، دكتاتوري بينه و بين بعضه ، و مناقشاته لا يتم الاعلان عنها ، احنا هنا موش في دولة ، و فيه مثال مشهور جدا في ادارة الأعمال "المركب اللي فيها ريسين تغرق"

دايما ماكنش فيه فرق في دماغي بين المدونة بتاعت منال و علاء و بين المجمع ، عايز اقلك انا متأخر أوي فهمت ان فيه حاجه اسمها مجمع!! ، أظن أن الوضع كده كويس

المشكلة أن كل تجارب الادارة باللجان (و مجلس الادارة في النهاية لجنة) في التدوين العربي كارثية جوردات بلانت، حلقة المدونات التونسية، الشامل في مدونات اللغة العربية، مجمع توووت الحزنبلي النزعة.

حلمي رأيه أن السبب الوحيد في نجاح تجربة التدوين المصرية بالشكل ده هو أن الحلقة و المجمع بيديرها سلطة مطلقة و بقواعد غير معلنة.

تصدق ، انا لو مكانك هاعمل كده ، بس خفت اني لو قلتلك كده حد يقول عليا ديكتاتور انا باحب اشبه الموضوع برواية أو كتاب ، مافيش حد بيشارك المؤلف في الرواية ، الا اذا كان فيه اسم تاني على الغلاف ، زي عبد الرحمن منيف و جبرا ابراهيم جبرا ، غير كده ممكن الرقابه تضايقه شوية

انا كنت باقولك الحل ده عشان انت بتقول ان الادارة صعبة بعد الترهل اللي حصل ، ادارة المشروعات الكبيره سره في توزيع المهام ، و دي موش مسألة اختيارية ده غصبن عنك هاتعملها ، بس طبعا مع احتمالية انك تحط قيود على أعضاء المجلس ، بصراحة موش عارف هاتسيطر ازاي على الموضوع ده

يعني انت فاكر ان الحاج مدبولي بيقرا كل الكتب اللي هو بينشرها؟ أكيد لأ و فيه لجنة قراءة هي اللي بتحدد ، بس لجنة القراءة فاهمة دماغه و عارفه هو بيحب ايه ، طبعا مع وعض اعتبارات تانية أهمها امكانية بيع الكتاب

رأي حلمي مش دايما صح ، اختيارات منال و علاء كانت غالبا في محلها ، انت بتنشر لميت ، مع اني لو في ايدي الامر موش هانشرله ، كمان ما أظنش انك بتنش ل محمد علاء الدين ، و انا بارضه ممكن مانشرلوش حاجات شايف انها هايفه

بس أنا كده باهذي ، كده انا دخلت رأيي حكم في انشر للناس ولا لأ ، يعني باعمل الحاجة اللي باشتم فيها و بانتقدها ، شوف يا أخي وقعت في تناقض بسرعة ازاي؟

انا عايز اقلك انك انت و منال لغاية دلوقتي ناجحين ، و مافيش لوم بيتوجهلك الا عشان اللهجة الواطية بتاعتك احيانا -دا موش انتقاد ده وصف- فكلام حلمي موش دايما صحيح ، خصوصا لو أعضاء المجلس ليهم نفس الأفكار

عندنا عيب اوي جدا خالص ان الناس ماتمشيش زي ما انا عايز ، و ده سبب خلالفات كتير بين أعضاء مجالس الادارة في مصر ، و ده اللي مخلي حاجات كتير تدار بطريقة وان مان شو ، اللي انت عاملها

حل تاني ممتاز بس مرهق ماليا ، انيبقى فيه موظفين يقوموا بالأعمال الروتينية و التقنية، و دورك يقتصر على الاختيار ، كده هتلاقي وقت عشان تختار مدونات كتير جدا بس ساعتها لا مفر من الاعلانات أو التبرعات

ولا يا ربيع، أنت عسل و ضحكتني، اختيارات ايه بس اللي كويسة مفيش اختياارات أصلا، بقولك كل المدونات المصرية المعروفة موجودة على المجمع (عدا بتوع مكتوب عشان دول اكتشفتهم قريب).

و أيوه محمد علاء الدين موجود، ده مش موجود بس ده موجود غصب عنه كمان

ركز معايا شوية بقى، أنا مبختارش مدونات و معنديش آلية كويسة لاختيارهم و أني أجيب ناس ثانية هي اللي تعمل الشغل التقني و أنا أتفرغ للاختيار معناه أني أسلم الجانب المسلي من الشغل لحد ثانية و أقعد أعمل الجانب البايخ. أنا بتاع كمبيوتر يابني مش ناقد.

طبعا مع كبر حجم أي مشروع لازم يكبر عدد المسئولين، و الحقيقة أن الجناح التقني لثلاثين فبراير كله مشارك بدرجة ما ده غير أن مصادر التمويل يجوا 6 غيري أنا و منال، لكن زي ما تقول بأجل الموضوع بقدر الامكان و احتمال نكون فعلا وصلنا المرحلة الل مينفعش فيها التأجيل (و عشان كده بدأت بالشورى أهه، قريب المدونين هيمضوا على الماجناكارتا و هيبقى من حق المدونين الذكور اللي يملكوا نطاقات التصويت).

ابقى عدي على jordan planet و شوف موضوع الموظفين ده أخرته ايه، المدون الأردني بيقدم مدونته للتسجيل و يجيله رد بعد 4 أسابيع بأنه يحاول ثاني (يعني غلبوا بتوع فوت علينا بكره).

تصدق انا شوفت التدوينة بتاعت الاسهال بس نسيتها!! الواحد ذاكرته بقت زفت انا ماكنش عارف انك بتاع كمبيوتر ، انا مقاول تخيل موضوع التقنيات مقرف بالنسبة لي ازاي ، كويس انك واخد بالك من انك لازم في يوم من الأيام يبقى فيه موظفين أو مساعدين ، امتى الكلام ده؟ اظن ان انت اللي تحدده ، حكاية ان الموظفين ممكن يبقوا مقرفين دي برضه مشكلة ، عندي في الشغل حلها انك تدي للواحد كمية معينة من العمل ، و مطلوب منه يخلصها لقاء اجر معين ، في فترة زمنية مفتوحة ، طبعا هاتلاقيه بيجري يخلص ، بس المهم انك تحدد كمية العمل ، يمكن ده صعب شوية هنا ، بس لو فكرت هاتلاقي حل ، سميها شغل بالحته بالمقطوعية فري لانس ، اي حاجه المهم المعنى مفهوم كنت هاقترح عليك قبل كده انك تعمل حاجه زي pay pal بس بصراحة لما فكرت لقيت اني موش عارف أصلا ازاي البتاع ده شغال ، قلت هايبقى اقتراح زي قلته بس لما انت اتكلمت عنه فوق خالص هناك قلت اقترحه عليك يمكن أظن دلوقتي فيه اقتراحات كتير جدا ، و كلها عكس بعض ، تلاقيك بتلعن الساعة اللي طلبت فيها اقتراحات من حد ، كده أنا قلت كل اللي عندي ، لو فيه فكرة جديده هاقولك عليها

برضه ضايع يا ربيع، مكنتش عارف أنك بتاع كمبيوتر قال :-) أمال كنت فاكرني بتاع ايه؟

مشكلة paypal أنها خدمة مش متوفرة في مصر أصلا، لا تقدر تدفع من مصر ولا تقدر تستلم فلوسك في مصر، يا ترى حد عنده مكان مشابه لpaypal شغال من مصر؟

مسألة الmicropayment من الأمور المهمة جدا في خلق أطر اقتصادية مغايرة على الانترنت و نظام البنوك كله واقف ضدها و بلاوي بس ده موضوع ليوم ثاني.

انسى بقى كلام المؤسسات ده مفيش موظفين، ممكن نشغل ناس متطوعين أنما موظفين دي معناها زيادة العبء المادي و هي مش ناقصة.

هاى علاء

طب ايه رايك ما دمت انت رافض تحط اعلانات عندك ممكن المجمع ياخد نسبة من الاعلانات اللى بتتحط على المدونات المسجلة فيه وكمان ياريت تفكر فى البريبايد تبقى اشتراك سنوى او شهرى للمسجلين على الاجريجيتور واللى ميدفعش اذا كانت مدونتة مضمونها مش مميز والترافيك عليها قليل عن طريق المجمع تبقى يا اما ضعيفة او مش محتاجة المجمع فتتاخر فى التصنيف ومتظهرش تدويناته فى السايد بار شوف كده يمكن حاجة من دول تنفع

معنديش مانع في اعلانمات لو فصلنا المجمع عن المدونة.

علاء كمان msn spaces فيها كم مدونات معقول وفى إزدياد مستمر ..

أما بالنسبة للمجمع .. فهو فى اعتقادى شىء مؤثر جداً لأنه مركز مهم لمتابعة المدونات على الرغم من ان متابعة كم ضخم وهلامى من المدونات شئ مستحيل بس انك تقدر تعمل كنترول لمعظمه ده شئ رائع ..

http://egyptcamira.blogspot.com

تقصد ايه بأعمل كنترول؟ عني أنقي أي مدونات يتم تجميعها؟ طيب بناء على ايه بالظبط ايه المعايير اللي نفسك فيها أو الآلية اللي بتقترحها؟

اقصد بمعظمه الكم الممكن تجميعه انا من انصار تجميع الكل بدون اى افضليات لأن طرق الأختيار غير مناسبة وربما تكون غير ممكنة

الحل المتوقع هو تجميع الكل وتقسيم الى categories

وربما يمكننا مع الوقت ان نضع امكانية لأن يضع كل زائر flag مثلاً على المدونات الهامة التى يريد متابعتها كأولويه أولى لتظهر له فى مكان خاص بشكل مريح

أما عن التمويل فربنا معاك .. معنديش حلول .؟؟؟ !! ومش مقتنع ان حد من الشركات ممكن يساعد لأن التدوين شخصياً مستهدف أمنياً بعدما اكتسب النزعة السياسية المعارضه ..

http://egyptcamira.blogspot.com

ظي ما شرحت في تعليق آخر التصنيف عمل ضخم جدا لأن تصنيف المدونات لا معنى له بما أن كل مدونة ممكن يكون فيها تدوينات عن مواضيع متعددة و متغيرة و بالتالي المطلوب هو تصنيف التدوينات مش المدونات و لو صاحبة المدونة مصنفتش بنفسها يبقى لازم حد يعدي في كل التدوينات و يصنفها و ده طبعا جهد خرافي.

موضوع الflag ده فكرة كويسة شكرا على الاقتراح

what also sux that only few of these blogs have RSS feed, and this is the only way i get to know about updates.

actually most of them seem to have rss feeds, or maybe you're talking about some other blogs.

IMO if it doesn't have RSS it's not a blog.

yeah, i was refering to blogs not hosted here.

well msn, xanga, myspace, livejournal, maktoob and jeeran all have rss feeds by default, same applies for blogger, wordpress etc.

بالنسبة لمدونات الصور و الجرافيكس فيه مواقع devianart و flickr و غيرها و كلها بتوفر تلقيمات rss و تعليقات و تصنيفات و وسومات يعني تعبتر مدونات و دي برضه غير مضافة على المجمع.

و ده يخلينا نسأل هل مفيد أصلا تجميع تدوينات الصور؟ و هل أسلوب عرضها ده مناسب؟

كنت أحب أفصل تدوينات الشعر لوحدها لكن المدونين الشعراء من حين لآخر بيكتبوا حاجات ثانية غير الشعر (محمود عزت و خالد الصاوي مثلا) و لغياب التصنيف لا يمكن الفصل.

هل مثلا نعمل بعض القواعد التصنيفية و ندعوا المدونين المصريين يلتزموا بيها و اللي يلتزم يبقى فرص عرض تدويناته أعلى؟

بص يا علاء كلامك من اوله لاخره جميل بصراحة يمكن انا كانت فى رواسب من جوايا ناحيتك بس كلمتك دى

< مقتنع أن ال1546 مدونة على مكتوب أغلبهم زبالة لكن أنا مقتنع أن الزبالة جزء لا يتجزأ من التدوين و أن أحنا ظالمين الزبالة قوي و بعدين زبالة قوم عند قوم درر

تشيل و تمحى اى رواسب لان سببها انى كنت فاهم عكس كدة و انك بتسعى للشللية و دة كان خانقنى

يا رب تكون فهمت من غير شرح


المهم دلوقت اللى بيعمل مدونات على مكتوب من المصريين دول اغلبهم اصحاب الثقافة الخليجية فى استخدام الانترنت يعنى بيدخل شات كتابة و يدخل منتديات خليجية و تعاملاته مع اى موقع باللغة الانجليزية يكاد يكون منتعدم الناس دى مش هاتترمى طبعا و الناس دى احنا الىل لازم نضيفها لان لو من كل عشرين واحد بيكتب كويس هايبقى مفيد و حتى لو كلهم مس بيكتبوا كويس اللى بيكتب بيكتب لنفسه ارهاصاته و تجاربه هوه ماهو نص القدام مش بيعرفوا يكتبوا اصلا و شغالين و حلوين و الناس بتحبهم


طيب نيجى لنقطة ان الناس بتقول انك تصفى المجمع من المدونات الخرة علشان المجمع يبقى خفيف و قاصر على الناس الكويسة احب اقولهم احا كسم العنصرية و على انهو اساس زى ما قال علاء هانقسم الناس دى و نصنفها

دى بالضبط عاملة زى نظرية قتل الفقراء علشان نوفر

و استحالة دة يتعمل و علاء قال زبالة قوم عند قوم درر و انا واحد من اللى بيعشق الزبالة دى بقة بكل ما فيها لان الموضوع مش قاصر على مجموعة مثقفين و لا مستنيرين احنا عايزين الجزمجية حتى يدونوا


موضوع التمويل و التبرعات

بص يا علاء انت راجل بتاع تقنيات مفتوحة المصدر و عارف اكيد النظام و تعرف تطبقة كويس جدا لو اتعاملت مع المجمع بالاسلوب دة هاتنجح جدا

استحالة الاعلانات لان اولا هانبعد عن الاطار مع انى واثق ان فلوس اد سنس جوجل لو انت حطيته هاتغطى مصاريفك انت كمان من كترها بس واحد من مصادر اعجابى بهنا عدم وجود الاعلانات


يبقى دلوقت الحل كالتالى هاتفتح الباب للتبرع بس مش معلن يعنى زى الشركات اللى بتختار الاول دايرة تعمل فيها اعلان للتبرع و انت معاك ميل ليست انت باعتلى منها قبل كدة ايميل ممكن تبعته لنفس الناس الىل كانت فى الميل ليست دى لو تبرعاتهم ما غطيتش يبقى تعلن عن التبرعات بشكل علنى و دة مش عيب انت مش هاتفضل شايل الهم كله لوحدك العيب انى استخدمك و مش اقف جنبك بعد ما عملت شهرتى من المجمع عندك


مدون قال قبل كدة علاء صنع شهرته على لينكات الاخرين

عجبنى التشبيه ساعتها بس بعد ما قريت كلامك دة

فكرت طيب و الاخرين جابوا شهرتهم دى منين ؟؟؟


صباحك زى وشك يا مصر

تخــا تخـــا تخـــاريفى

http://t5at5a.blogspot.com

متنساش أن المشكلة مش بس مادية، فيه مشكلة ازاي تلاقي ما تعتبره درر في وسط ما تعتبره زبالة، الناس اللي بتشتكي مش فاشية مشكلتها أنها لو زارت المجمع مرتين في الأسبوع في الغالب الأعم مش هتلاقي أي حاجة تعجبها، لو هنكمل باستاتيجية تجميع كل المدونات يبقى لازم نقدم حلول تقنية.

كمان مينفعش نقول أي تكلفة مقبولة، لو التكلفة تعدت مثلا ثمن أن كل زائر يشتري كل يوم جريدة يبقى دخلنا في مرحلة الهبل حتى لو نقدر نحصل على الفلوس دي بشكل ما.

طبعا التكلفة مش فظيعة للدرجة أنا برمي مثال فج و مبالغ فيه عشان أشرح أنا أقصد ايه، المقصود أن لازم يتحط حدود كمان للتكلفة، خد بالك أن بعكس أغلب المواقع التكلفة هنا مش مرتبطة فقط بزيادة عدد الزوار و بس دي مرتبطة بزيادة حجم البيانات (عدد المدونات) اللي بنتعامل معاها.

>مدون قال قبل كدة علاء صنع شهرته على لينكات الاخرين

بما أن دي كلمة متكررة قلت أرد.

يعني ايه شهرته من لينكات الآخرين؟ هل المقصود شهرتي مبنية على لينكات بتربط بينا؟ يعني بتشير الى موقع منال و علاء؟ طيب دي ايه الغريب فيها ده هو ده تعريف الشهرة أصلا.

يعني في العالم الغير رقمي الفيلم المشهور بتلاقيله روابط في الشوارع و الصحف و التلفزيون في صورة اعلانات و بتلاقيله روابط عند أصدقائك اللي بيقولولك ده فيلم حلو أو وحش و روح شوفه أو سيبك منه الخ.

على الوب الموضوع أكبر من كده، كل البنية التحتية بتاعت الوب معتمدة بالأساس على الروابط، جووجل بيقرر ترتيب عرض نتائج البحث بناء على عدد الروابط اللي بتشير الى الموقع، نفس الشيئ بالنسبة لتكنوراتي، الروابط علامة على الشهرة (و طبعا بتكرسها أكثر بس ده زي ما الفيلم المشهور شهرته هتزيد لأن الناس هتتكلم عنه أكثر).

ولا المقصود العكس؟ أن شهرتي معتمدة على أني بحط روابط بتشير لأعمال آخرين؟

ده طبعا مش ممكن يكون تفسير كامل لأننا مش أول موقع يبقى فيه روابط كثير ولا أول مجمع للمدونات يعني لو أحنا مشهورين اكثر من ناس ثانية بتعمل نشاط مشابه يبقى أكيد فيه تفسير آخر للشهرة.

في يوم من الأيام هلاقي وقت أدون عن الpower distribution و حتمية ظهور نجوم في أي فضاء تدويني.

يعني في الحالة الأولى جملة لا تضيف شيئ ولا تعني شيئ و في الحالة الثانية كلام غير دقيق بالمرة.

You have two choices:

1- To add every single Egyptian blog into your aggregator, but in this case there will be too much crap, and also you have to categorize the blogs in such case, as it will be very hard for your readers to find zillions of new posts every day. And the best thing you can do is to categorize the blogs/posts for him let's say by tag, language, blog-age, etc. The other option is that, I noticed that you added a pointing system to your aggregator similar to digg and readit, so you can arrange posts by points so that users can see the valuable posts on top. However, all these options will not solve the server capacity problem.

2- Add a limited number of blogs, i.e. the good ones only, but in this case we need to know how we can tell if a blog is good or not. Which is a real problem. Actually, I hate itoot just because of the same reason, as they do not add blogs to their system except limited number of the submitted blogs, and I really have no idea about the criteria they use in accepting blogs, however I think they add their friends only.

yeah I though a rating or point system might be a good idea, also maybe a collaborative filtering system by which your ratings are matched against the database and the system tries to make smart suggestions might be cool, but it all sounds too advanced, the normal ratio for interactive websites is 10% active contributors, if I can get 100 readers to actively rate or tag posts every day we might have a valid system but otherwise I'm not sure it will work.

but note that all these mean even more processing which means even more expenses (it also means more work on my part but hey it sounds like interesting/exciting work).

as for limited blogs, I don't want to be the authority to decide, the fun of having an aggregator is to find out about new blogs, so I'll either want a more or less automated way or some collaborative or committee mechanism, now judging by existing committees in the arab blogosphere, the result of a committee will be disastorous (think jordan planet, arabblogcount and toot).

any further thoughts?

Alaa, there is hundreds of EGyptians in MSN Live spaces more than Live jounral or Xanga or vox or any other plateform ,I am sure of that coz I have been there since it is opening the problms many of those users don't know much about the Egyptian blog ring or here or tadween Also many of them are teenagers who write in simple stuff yet it is still blogging

yeah I know sorry for forgetting to mention them.

there are two kinds of websites on msn spaces though, blogs and community websites that are closer to forums, I'm not interested in the community ones, just the blogs. we do have a bunch of msn blogs on the aggregator, the M$ platform sucks soooo much that it fails alot of the time but the same applies to all the other services I mentioned except livejournal which is very solid.

بالنسبة لموضوع التمويل أنا عندي اقتراح : ايه رأيك في اشتراك شهري يدفعه من يريد اضافة مدونته للمجمع يعني حاجة رمزية بتاعة 20 سنت مثلا والدفع يبقى عن طريق اى بطاقة انترنت زى b.m card مثلا أو كاش يو أو غيرها وممكن تخليها شهر آه وشهر لأ أو ممكن تبقى نصف سنوية مثلا وفي الحالة دى ممكن ترفع الإشتراك شوية زى 3 دولار مثلا .. طبعا ممكن يرى البعض ان ده هيقلل من عدد المدونين الجدد ويقتصر المجمع على فئة بعينها ، لكن في نفس الوقت ممكن يحد من وباء الهطل اللى بدأ يتسرب للمجمع .. ده طبعا لو اعتبرنا إن كل اللى معاه يدفع 20 سنت مش أهطل !

أنا عندي فكرة برضه، ممكن تكون خيالية شوية وهى إن التصنيف يبقى على أساس الموضوع مش اللغة زي مثلا (سياسي /فكري/ديني/فني ..) بس ده ممكن يزود العبئ على السيرفر أكتر لكنه ممكن يفيد في الناحية التنظيمية للمدونات ومن ثم فهم توجهات المدونين وده ممكن يساعد بعد كدة في إحصاء المدونات ومعرفة ما هى أكثر المجالات تدوينا ..

بمناسبة مجالات التدوين .. أظن أن غالبية المدونين الجدد والقدامى أيضا يتعاملون مع التدوين على أنه "مجلس شعب إلكتروني" وربما يعود جزء كبير من هذا الإعتقاد إلى طبيعة موقع منال وعلاء المعنى بالأساس بحقوق الإنسان .. وربما يعتبر هذا أيضا سببا فى عدم اجتذاب المجمع لنوعيات أخرى من المدونات لا يغلب عليها الطابع السياسي أوالحقوقي

تحياتي

أظن المجمع بيقدم لزواره خدمة أكبر من اللي بيقدمها للمدونين و كمان دفع الفئات الصغيرة بكروت الأئتمان مش موضوع عملي البنية التحتية اللي تسمحلي أتلقى فلوس عن طريق كروت الأئتمان مكلفة جدا، لو كان عندنا خدمات micropayment مثل paypal في مصر كانت دي بقيت فكرة جيدة جدا و كنت نفذتها من زمان لكن على حد علمي مفيش خدمة من دي متاحة.

أخيرا مفيش أي ارتباط بامكانية الدفع و جودة المحتوى (و المحتوى في عين أمه غزال أصلا) و الأهم أن نسبة كبيرة من المدونين متعرفش حاجة عن المجمع، لو خليته حكر على من يسجل نفسه فقط مكناش كبرنا بالشكل ده أبدا.

التصنيف على أساس الموضوع هو أفضل حاجة ممكنة طبعا لكن للأسف تصنيف التدوينات لو مقامتش بيه صاحبة المدونة بنفسها هيبقى مجهود خرافي لأن ده معناه أن لازم حد يعدي على كل التدوينات واحدة واحدة و يقرأها و يصنفها.

البديل هة التصنيف بالمدونة و ليس بالتدوينة، لكن واحدة من خصائص مجتمع التدوين المصري أنه التخصص فيه مش دارج (و دي حاجة ايجابية جدا في رأيي) يعني المدونة مننا ممكن تلاقيها بتكتب يوم في السياسة و يوم في الرياضة و يوم بتحكي حاجة شخصية و هكذا و بالتالي تصنيف المدونات عبارة عن نكتة في أغلب الأوقات (حتى التصنيف باللغة احصائي، يعني تحت بند عربي فيه المدونات اللي غالبا بتكتب بالعربي).

حاليا لو المدون بيستخدم خدمة محترمة بتتيح له التصنيف و بيصنف تدويناته المجمع بيسحب بيانات التصنيف و يمكنك فعلا تصفح بعض المدونات حسب تصنيفها من صندوق سحابة التصنيفات اللي على اليمين. (طبعا الاعتماد على التكنولوجيا موضوع و الاهتمام بتعلمها موضوع ثاني خالص، أكبر فئة في التصنيفات هي uncategorized يعني حتى لو متاح التصنيف برضه مش طالبة معانا و المشكلة هي أن المدون مش بيحط في الاعتبار أن مدونته جزء من بيئة متكاملة أو ميهموش).

بالطريقة دي العشرين ألف مدونة هنوصل لها بعد سنة مثلا، ودا حجم ضخم فعلا. فايدة المجمع عندي مش أنه يعرفني بالجديد قد ما أنه بينشر الجزء المثير للاهتمام من المدونات المصرية.

أنا واحد من الناس مش باستعمل من المجمع غير ملف أو.بي.إم.إل ال عليه مسارات تلقيمات كل المدونات ال في المجمع، وباقراها على قارئ تلقيمات خاص، ال ممكن يبقى برنامج زي برنامج البريد الإلكتروني، أو موقع زي مواقع البريد بتاعة ياهو وجوجل مثلا. لو فينا ناس يقدروا يعملوا كدا، يبقى الحمل عن المجمع ممكن يخف كإجراء أول.

أرخص حاجة أنكم ترجعوا لحلمي لكن بشكل مطور أكتر. نخلي الناس تكون ملفات أو.بي.إم.إل بنفسها. يعني الحلقة الجديدة ممكن تسمح بإن الواحد يكون مجموعة "مدونات أتابعها" ويستورد ملف أو.بي.إم.إل لتلقيمات المدونات دي ويقراها بمعرفته. ساعتها يبقى من المفيد لجردلكم أنه يشجع الناس أنهم يستعملوا خدمات خارجية، ويشرح لهم حتى إزاي يعملوا مجمعاتهم بنفسهم.

الخيار ال بعده هو أن عدد أكبر من المدونين (وهم نسبة لا بأس بها من مستخدمي المجمع) يساهموا في تمويل مصاريفه، ويفضلوا قابلين إستمرار إدارة المجمع بالشكل الحالي، وال مش عاجبه يحط فلوسه في مجمع تاني (ودا كمان هيخفف الضغط عن الجردل)

ممكن كمان طبعا تركز شوية وتكنب برمجية مجمع مش بتستهلك موارد كتير كدا. ممكن كمان نركز كلنا ونجيب تبرعات أكبر من أفراد مهتمين. طبعا الحركات السياسية في مصر مش مقدرة أهمية وجود خواديم قوية ومستقرة لها وللمدونات المصرية، لكن جايز يكون في أفراد شايفين الأهمية. أصوات عالمية تقدر تساعد؟

المجمع الحلم بالنسبة لي هو أني أقدر أحدد المدونات ال هتابعها في حسابي، سواء بمسارات بعينها أو بتصنيفات للتدوينات مثلا (والآخرانية دي فيها دعم للمنصات المحترمة ال بتصنيف وبتصدر التصنيف في التلقيمة). أحب كمان تبقى في شبكة مستخدمين زي الحال في ديلشوس ممكن أستكشف من خلالها الدرر من أكوام الزبالة بناء على قراءات مستخدمين تانيين أثق في ذوقهم، وكل دا ممكن أتابعه من برا المجمع من قارئ تليقماتي الخاص علشان نريحكم. بعد كدا بقى عاوز المحمع يقول لي إيه المدونات ال مش في حسابي وال هتعجبني.

انت مصنف التدوينة دي إنجليزي ليه؟

-- حوليات صاحب الأشجار

موضوع الاعتماد على opml ده مش عملي بالمرة، من ضمن ال30 ألف زائر متكرر مظنش أكثر من 1000 هيستخدموا opml و الألف دول مش هما اللي هيفرقوا في الحمل على الخادم.

زي ما قلت حاليا أكثر حاجة مكلفة على الخادم هي العدد الكبير من المدونات و التدوينات، طبعا يمكن تصميم مجمع أخف بمراحل لكن ده هيقلل من ما يمكن تحقيقه، لو فكرت في ما نفعله بالمجمع حاليا و مريت على الاقتراحات المطروحة في التعليقات هنا هتلاقي أني مفيش حل غير نظام ادارة محتوى عام و فضفاض يعني من الأخر دروبال برضه.

يبقى أحنا عندنا أكثر من محور، محور التكلفة و محور امكانيات المجمع من ناحية الخصائص و المزايا و محور حجم البيانات.

أنت شايف أن فيه محور رابع هو الجمهور و شايف أننا نقدر نتحرك في المحور ده أنا مش مقتنع بكده (الحاجة الوحيدة اللي هتحرك المحور ده هو ظهور خدمات بديلة/مكملة/منافسة)

و السؤال هو نحرك مين فيهم، أفضل اجابة طبعا هي نحرك محور الفلوس فقط، يعني نسيب الامكانيات و حجم البيانات مفتوح عشان نوفر أفضل خدمة و نغطي أكبر عدد من المدونات ممكن.

لكن تغطية عدد كبير من المدونات بتطرح مشكلة ثانية و هي ازاي الزائر يختار يقرأ ايه و ازاي يتابع، الزائر هنفترض أن عنده زوق و التدوينات تنقسم الي فئتين فئة متماشية مع ذوقه و فئة منافية لذوقه، المجمع الكويس هيظهر فقط المتماشي مع ذوقه، لكن المجمع الكويس برضه هيرضي فضول الزائر بطرح نسبة من التدوينات اللي مش بالضرورة متماشية مع ذوقه عشان يمكن ذوقه ده يتطور. خد بالك أن ميزة أساسية في المجمع الكويس أنه بيتعامل على مستوى التدوينة مش المدونة.

في عالم مثالي المجمع بيعرف تلباثي و يقدر يحقق الكلام اللي أنا قلته ده بشكل ميخرش المياه و مين غير أي مجهود من الزائر، طبعا ده لا يمكن تحقيقه بالتالي المجمع يقدر يحاول يعمل حاجة تقريبية لو الزائر هيبذل مخجهور أو يراهن على أن فيه مجموعة من الاختيارات مناسبة لأغلبية القراء.

خد بالك أن أي وسيلة مقترحة لمحاولة تنفيذ واحد من الحلول التقريبية دي يا أما تنطوي على مجهود أكبر من ناحية ادارة المجمع يا أما مجهود أكبر للزوار و في أحوال ما استهلاك أكبر لموارد الخادم.

بالنسبة للتمويل خد بالك أن مسألة خادم قادر على تحمل المجمع مسألة لا علاقة لها بخادم قادر على استضافة مدونات و مواقع سياسية، ده جزء ثاني من شبكة منال و علاء مستقل و له ميزانية لوحده (كارثة يعني).

واحدة من الأفكار اللي شغالة في دماغي هي خلق معايير قياسية للسلوك التدويني (معايير تقنية) تسهل عمل المجمع و مهمة التصفح و يكافئ من يتبعها بأنه يظهر بشكل أفضل على الصفحة الرئيسية للمجمع، الفكرة فيها درجة من الفاشية لكن تقدر تقول أنها حاصلة فعلا في خدمات من نوع جووجل و تكنوراتي و بالتالي مفيش حرج.

التدوينة دي متصنفة انجليزي غلط شكرا على التنويه (أدي عيب الajax)

بصراحه انا كنت متوقع الكلام ده من زمان و كنت مستغرب من عدم عرضك ليه طول الفتره دى بالنسبه لموضوع اضافه المدونات كلها او بعضها المميز فى المجمع هنا انه حر يعنى لو واحد مش عايز حاجه غير انه يتف و يمشى بيتوقع انه يشوف التفه على المجمع و دى ميزه جباره مش عيب ممكن نعمل مجمع زى digg كل التدوينات تضاف بشكل متساوى و اللى يطلعها و يثبتها هو التصويت الجماعى اما بالنسبه لمشكله التصنيفات فده برأيى ملوش غير حل واحد هو التصنيف الاجبارى تتحط التصنيفات و على الناس الالتزام بها و إلا التدوينه تنزل فى المستوى و تتعرض متأخر او متتعرضش اساسا نيجى لأزمه التمويل مفيش غير حل من اتنين الاعلانات .. و ده مبدأ انت رافضه و ناس كتير مبتحبوش التانى هو التبرعات بس طبعا انت عارف انك اول ما تفتح باب التبرعات حيطلع ناس متعرفش منين بيشككوا فى اتجاه الاموال وواحد يقولك علاء بيضرب الفلوس فى جيبه الحل فى نظم جمع التبرعات اللى بتعرض كم الفوس المفروض جمعه و اللى اتجمع فعلا يعنى مثلا : مطلوب 100 و تم جمع : 60 و الفلوس المطلوبه تكون تقسيمتها معلنه و باين هى رايحه فين ... اما بالنسبه لجدوى عمليه التجميع نفسها .. فا دى مش محتاجه سؤال

اتمنى اكون اضفت اى حاجه خالص :D

أسلوب digg فكرنا فيه فعلا و هتلاقي فيه سهمين مع كل تدوينة دلوقتي لتحديد التدوينة عجبتك ولا لأ لكن لسه مش بعمل حاجة بنتائج التصويت، أتصور أننا هنحتاج نفكر في بتاعة javascript الناس تضيفها في مدوناتها عشان تشجع قرائها يصوتوا.

الاعلانات أنا رافضها من باب المبدأ على مدونتي لكن مش رافضها من باب المبدأ على أي موقع لو فصلت المجمع في موقع لوحده معنديش مانع في الاعلانات، مشكلة الاعلانات أنه لا يمكن التكهن بهتحقق كام.

مشكلة ثانية للاعلانات أن الناس هتقولك بتتربح على حسنا، مش فارق معايا كلام الناس قوي لكن لو المجمع مكروه من المدونين مش هيحقق نجاح و ده يمكن يفرض علي تغيير سياسة اضافة المدونات حتى لو أصحابها رافضين (على أساس أن هيبقى فيه فعلا استغلال لمحتوى كتبه غيري).

أضفت طبعا تكرار فكرة dig و عقاب من لا يصنف دي اضافة مهمة ده غير أنك كده تعتبر صوت في صالح الاستمرار في محاولة تجميع الكل.

واحدة من الحاجات اللي بفكر فيها هي التعامل بحزم مع اللي بيلعبوا في التاريخ، قبل كده كنت بصلح التاريخ في كل تدوينة بنفسي، بعدين بقيت بمسح التدوينات اللي فيها لعب في التاريخ و مؤخرا بقيت بشيل المدونات اللي نشرت تدوينات بتاريخ في المستقبلمن التصنيفات الأساسية للمجمع (و موضوع التاريخ ده كان سبب صراع دامي بيني و بين أمازونات ليلى).

موضوع قدرة التبرعات ده فكرة لطيفة لكنه للأسف فعال أكثر لو فيه خدمة دفع مبالغ متناهية الصغر كويسة زي paypal و ده مش متوفر في مصر، اللي هيحصل أن الناس هتسجل وعود على وب و بعدين لازم حد يلف عليهم واحد واحد يجمع الفلوس، مين بقى اللي هيقوم بالدور الغتيت ده؟

لتفادي المشكلة دي كنت نشرت بشكل محدود دعوة لجمع التبرعات على أساس أني مش هقبل غير مبالغ كبيرة (500 جنيه حاجة) و فعلا جمعت مبلغ كان مفروض يقضيني سنة كاملة و بعدين اعتقلونا و التكلفة نطت ثاني للضعف و لميت فلوس ثاني و دلوقتي لو أضفت مدونات مكتوب التكلفة هتزيد ثاني و هكذا يعني عملية مش نافعة.

علاء بص كده على دول انا كنت اقصد نفس النظام بكلامى http://www.pligg.com/ شبيه مفتوح المصدر لdigg معرفش اذا كان يمكن دمجه مع دروبال ولا لأ و دى http://www.chipin.com/overview دى و سيله جمع التبرعات و ليها موديول فى دروبال و انا اؤيد فكرة انفصال المجمع عن المدونه و ان كان بادارة ديكتاتوريه برضوا و بمبلغ التبرعات يتم انشاء المجمع مبدئيا و توضع اعلانات بسيطه اظن انها حتكون كفايه لاستمرار المجمع بدون الحاجه لاموال اضافيه

زي ما قلت دروبال فعلا في حاجة شبيهة لديج و موجودة عندنا حاليا (زور http://www.manalaa.net/egblogs و اضغط على الأسهم)

chipin فيه مشكلتين أولا استلام الفلوس على paypal فقط و paypal مش متاحة للمصريين، المشكلة الثانية أخلاقية وفقا للموقعهم chipin مقدمة على برائات اختراع خاصة بخوارزمات برمجية و دي عندي جريمة ضد الانسانية ولا يمكن أتعامل مع أوساخ زيهم.

جمع التبرعات فكرة كويسة لكن للأسف مفيش آلية الكترونية هتنفعنا اليومين دول لازم حد يقوم بمجهود جمع الفلوس من الناس. و أنا و منال مش مستعدين نقوم بالشغلانة دي.

علاء انا مش عاف لية عندك تانيب ضمير ان فى مدونات على مكتوب و مش مضافة للمجمع الواضح ان اى حد عايز يكون موجود على المجمع عندة الامكانية دية , يمكن يكونوا مش مهتامين من الاساس انهم يكونوا جزء من حاجة زى كدة حقهم او يمكن يكون هدفهم مجرد يتعرفوا على ناس ولا صحاب جداد مش انهم يكتبوا او حد يقراء لهم (myspace) يمكن تكون عملت المجمع علشانك لكن تحول الى شئ ابعد من ذلك و دة واضح و فى احتياج انوا يكبر اكتر من كدة مش علشان يكون فى مساحة تحتوى جميع المدونات المصرية لكن علشان يكون فى امكانيى لاى واحد يهموا انوا يعرض افكارة و يكون عندوا تواصل مع الناس الى حولية, وعايز اركز على يهموا دية .

فكرة فصل المجمع عن موقع منال و علاء شايفها كويسة لان فى رائى جة الوقت ان المجمع يكون فية امكانيات اكتر مثلا انك تبحث جواة على التدوينات الى اتكتبت فى يوم معين او عن موضوع معين يعنى فى افكار كتير ممكن تتعمل وواضح انك مش قادر تعمل كل حاجة لوحدك (ودة سسبب تانى لفصل الموقع عن المجمع) اذا الحل ان الفكرة دية تكبر اكتر ان يكون فى متطاوعين بما ان المجمع دة مش انت المستخدم الوحيد ليى لاكن فى ناس كتير جدا فلازم الناس تشارك.ومشاركة الناس متخوفش لكن محتاج مبادء الى عايز يساهم يكون فاهمها و اظن لاذم تتكتب بوضوح مثلا ان اى مدونة من حقها تكون موجودة على المجمع او ان مش من حق حد يحذف مدونة و اظن ان هذا هو الوضع الحالى.

يعنى داة موضوع محتاج تفكير شوية(المبادء) مهم كمان ان كل واحد من المساهمين يكون لة دور واضح علشان محدش يحس انوا ملوش لزمة مثلا .

موضع الاعلانات عندى تخوف منة مش عايز اسمع يوم ان فى معلن شال اعلانة علشان تدوينة معجبتهوش او لا توافق مبادئة يعنى التبرعات هتدى امكانية ان المجمع يحافظ على اهم حاجة بتميزة انوا مساحة حرة فعلا .

اول مرة دخلت عندك لقيت الاعلان ان ممكن تنشئ مدونة على الموقع دة لكن ملقتش حاجة بتقول ان احنا محتاجين ناس تشتغل معانة و ان الموقع دة محتاج تبرعات علشان يفضل موجود وعلشان الافكر الى بيعرضها تكبر اكتر.

انا احب جدا انى اشارك فى تطوير المجمع سواء كانت مشاركة بمجهود او مشاركة مادية

معاك حق طبعا أننا مأعلناش عن احتياجنا لتبرعات على الموقع قبل كده، و الكلام اللي أنت قلته عن طلب المساعدة التقنية من متطوعين مهم جدا، و فعلا من غير مساعدة ناس زي محمد سمير مكانش هيبقى فيه مجمع من أصله.

"كل المجمعات العربية الأخرى بلا استثناء عندها معايير ما غير المعيار الجغرافي للمدونات اللي بتربط ليها، "

syplanet.com

is the only online aggregator of all Syrian blogs, syrian-expats or expats in syria... and there no other criteria on which we base our includance of blogs. :)

I was just a bit infuriated by the generalization.

but anyways, I was discussing the "Maktoob" issue the other day with the other administrator at the planet... and theres about 1000 blogs there, which means an awful lot of boring mechanical adding for us. :(

u think there is anyway, the guys from maktoob can give us an OPML list of the blogs?

yazan, zozo2k3.blogspot.com

hey thanx for correcting me, and sorry for generalizing like that it was due to me not knowing about syplanet.com (which seems to have been around for a while now, so my bad).

glad to hear you're adopting a sane policies, hope you don't really demand full name disclosure though, that would make your aggregator not so free according to my world view.

I can help you generate a csv out of maktoob's bloglist which you can pass to node_import.

maybe we should get together over IRC and talk drupal and aggregation a bit.

No prob ;)

Actually, we dont demand anything except the blog's address and feed ;), and a Nickname to use over the Planet ad ofcourse to be in one of those categories mentioned.

syplanet.com is actually not an official site, it's an amateur effort between me and Ayman Hourieh http://aymanh.com/

Ayman is the one behind the programming and hosting issues, But, because it's the only such portal, it became the only resource for syrian bloggers.

I was gonna contact u for a whole different thing though, when I was in egypt for the summer. I wanted to meet up, talk more stuff about activism, cuz we can use ur experience when it comes to our king. maybe next time.

I have to say though, great coverage of the whole "west albalad" thing.

cheers

I need to discuss loads of things with ayman, this guy is gonna be the arab drupal superstar.

anyway next time you're in Egypt don't be shy. I don't have nuggets of wisdom to share but I'm sure we'll have fun :-)

oh and tell ayman to talk to me if he needs help importing all the maktoob blogs, I have an easy way to do it.

أنا شايف تسيبك من حكاية تمثيل التدوين المصري دي..أصل كونك تقول تمثيل التدوين فدي مستحيلة في الأول وفي الآخر..أنا مش فاكر الحقيقة مثلا اني قرأت عندك لمدونة تبع الحزب الوثني مثلا..مع ان المدونات دي جزء من التدوين المصري شئنا أم أبينا..

أنا شايف انك تبقى ما تراه جيد المحتوى من وجهة نظرك، وتفرقع لما هو ملوش لزمة من وجهة نظرك..وفي الآخر الموقع موقعك وانت حر فيه!!

بالمناسبة..أعتقد موضوع تبرعات المتطوعين ده، ممكن جدا يطبق بشكل أكثر فعالية في حال فصل المجمع في موقع مستقل، والسبب الأساسي في أني أقول كدة هي انه الموقع هنا في الأساس هو مدونة علاء ومنال..وده معناه انه مواقف ناس كتيرة جدا من الموقع مرتبط أساسا بمواقفهم من أصحاب المدونة أو المدونة..

لو متمسك بنفس السياسة يعني أظن، انه فصل المجمع فعلا هيكون حل جيد جدا إلى حد ما..إضافة لبعض ما ذكر هنا..

مش صح عندنا مدونات منحازة للحكومة منها مدونات الأخوة صحفيو الجمهورية، لو تعرف مدونات ثامية منحازة للحكوم أو الحزب الحاكم قوللي عليها عشان أضيفها.

هرجع ثاني و أقول أن ما أعتبره جيد ده مش حل مقبول لي أنا لأنه معناه حاة من الأثنين يا أما عدم ظهور مدونات جديدة خالص على المجمع، يا أما أني هحتاج كل ما تطلع مدونة جديدة أبذل مجهود كبير في مراجعتها لحد ما أحكم جيدة ولا لأ (ده غير أن في عالم التدوين الانطباعات الأولى لا تدووووم).

ممكن يكون منطقي أكثر أني أحذف المدونات اللي مش عاجباني، يعني المدونات اللي أثبتت أن ملهاش لازمة من منظوري.

و أدي كمان صوت لصالح فصل المجمع.

الصبح أول ما التدوينة نزلت كانت المسائل لذيذة دلوقتي الاقتراحات كثيرة وحاسس إني مش مركز

المجمع ده ميزته بالنسبة لي إنه بيعرض في الغالب المدونات اللي أنا مهتم بيها فعلاً , اللي هي المدونات السياسية المعارضة والمهتمة بالشأن الحقوقي , حتى المدونين اللي مبيكتبوش في السياسة تبعنا برضه وبيتفاعلوا في الأحداث الكبيرة , يعني تقريباً معظم المجتمع التدويني اللي في المجمع هنا والناس اللي بنربط لهم عندهم اهتمامات مشتركة وموقف معارض للنظام في الغالب .

موضوع مدونات مكتوب وإم إس إن والحاجات دي فأنا متحيز وغير موضوعي وشايف إنها زبالة فعلاً , يعني أنا تصفحت عشوائياً المدونات المصرية الأكثر قراءة في مكتوب , معظمها مجرد نقولات عن الصحف والمواقع الأخرى , وحاجات تانية باهتة وملهاش معنى , أعتقد معظم الناس دي عاملة مدونة من باب استكمال الوجاهة الاجتماعية على ويب ( يبقى راجل صاحب لينك يعني ) أو حتى بيستخدموا بريد مكتوب وفكروا يجربوا باقي خدمات الموقع فعملوا مدونة على مكتوب . أو كجزء من ثقافة المنتديات بشكل ما ( عشان يحط لينك المدونة في توقيع المنتدى , أو يبقى مرتاح نفسيا وعنده بديل لو المنتدى اللي هو فيه طرده ). و طبعاً فيه مدونات كويسة فيها محتوى حقيقي بس عددها قليل .

نيجي بقى للمجمع بتاع منالعلاء وسنينه

في البدايات كان مريح وكويس وعدد المدونات معقول فكنت بتابع من السايد بار لوحده , واتعودت على كدة لحد دلوقتي وقليل جداً لما بدخل على صفحة المجمع نفسه , بس بعد ما العملية هاصت وكل الناس اكتشفوا إنهم مدونين فجأة وقرروا يصحوا المدون اللي جواهم ( دي عنصرية مقيتة مني ) , بقيت مش ملاحق واستخدمت الخدمات الخاصة .

يعني بشكل شخصي أنا ممكن أسلك نفسي وأقرا الـ feeds اللي بحبها في جوجل ريدر مثلاً ,بس من ناحية مستقبل التدوين المصري ودور المجمع فيه فدي حاجة تهم كل الشعب التدويني الأصيل ولازم أدلي برأيي فيها ( موسيقى تصويرية : المدوَّنة هيّ أمي )

بالنسبة للضغط على السيرفر ممكن نتجنب ده بأن يكون المجمع مبني على عرض الآر إس إس بتاع الناس من سيرفراتهم هما , من غير أرشفة ولا تخصيص node لكل تدوينة هنا .

أنا مليش أوي في التقنيات دي بس أعتقد ممكن تتعمل برمجة تعرض تلقيمات الناس ويكون الموقع مجرد تجميع للتلقيمات دي ويعرضها من غير ما يخزنها .

بالنسبة للتمويل أنا شايف الإعلانات ممكن تحل المشكلة و عندي فكرة إنها بتجيب فلوس كتير , إذا علاء مش عايز يحط إعلانات عنده فممكن بشكل أولي يفصل المجمع بوضعه الحالي ونحط الإعلانات دي فيه , ونشوف إذا كانت هتغطي المصاريف ولا لأ وعلى ضوء النتيجة نبقى ندرس الوضع تاني ونشوف مسألة التبرعات وكدة .

مسألة إضافة مدوني مكتوب أنا بصراحة قرفان منهم , وإذا ما كانش فيه آلية في المجمع عشان كل واحد يكوّن مجموعته الخاصة اللي بيحب يتابعها فأنا بصوّت بالصوت العالي ضد إضافة مدوني مكتوب كلهم على بعض كدة , إنما طبعا مفيش مانع إن اللي مهتم منهم وعايز يعرض تدويناته في المجمع ييجي ويطلب ده زي ما احنا عملنا , الفكرة إن عندي تصور إن الناس دي غير مهتمين بالتدوين أصلاً و مش حاجة أساسية بالنسبة لهم إن عدد قرائهم يزيد , وبالتالي من الأفضل إن الراغبين بس هما اللي يسجلوا نفسهم ودول في الغالب هنلاقي عندهم محتوى يستاهل . يعني ممكن نوصل للناس دي بشكل ما في مكتوب اللي هما فيه ونقولهم فيه مجمع واللي مهتم يتفضل , أعتقد ده هيقلل من حجم السبهللة اللي هتحصل لو أضفناهم كلهم مرة واحدة .

فيه حاجة تانية بأقترح تطبيقها لتسهيل عملية التصفح في حالة زيادة العدد هي الفكرة مش مكتملة أوي في دماغي بس لو ممكن يبقى فيه إمكانية لمستخدم أو مجموعة مستخدمين يعملوا حزمة فيدز تكون معروضة لباقي الزوار , والناس تتابع بناء على ثقتها في اختيارات المستخدمين دول , وكل ما يزيد عدد الزوار لحزمة معينة يرتفع ترتيبها وتاخد أفضلية في العرض . وبكدة الناس اللي عندها اهتمامات مشتركة ممكن تلاقي بعض بسهولة .

أنا رغيت كتير , نكمل المرة الجاية .

asad.blogsome.com

في وجاهة طبعا في اضافة اللي يطلب بس.

ممكن كخطوة انتقالية نعمل حاجة زي تسجيل، يعني فيه قائمة مدونات موجودة نطالب أصحاب المدونات أو مريديها أنهم يسجلوا رغبتهم في عرض المدونة في المجمع، بعد مرور شهر ولا حاجة المدونات اللي محدش طلبها تتمسح و منضيفش حد بعد كده اللي لما ينطلب مننا.

و بكده يبقى جمهور المجمع و المدونين المشاركين في تشبيكة العلاقات الحالية هما اللي قرروا مين يعرض و مين لأ، طبعا فكرة زي دي مجرد بتأجل أن العدد يزيد عن حده برضه مع الزمن العدد هيكبر و بالتالي لازم نطبق أفكار من نوع السماح لكل مستخدم باختيار حزمة مدونات يتابعها.

اتعملت مؤخرا أبحاث و دراسات عن سلوك زوار المواقع التفاعلية الناجحة اللي من نوع ويكيبيديا و ظهر أن لا تتوقع مشاركة أكثر من 10% من الزوار و تفاعلهم و أن 1% فقط اللي هيتفاعلوا في أغلب زياراتهم، و ده معناه أن حتى لو سمحت لكل حد ينقي حزمة مدونات يتابعها 90% من الزوار هيكبروا دماغهم أو مش هيكتشفوا المكانية دي أصلا و 90% من اللي هيستفيدوا من الامكانية دي هينقوا مجموعة مدونات بدري بدري و ميغيروش فيها أبدا، بالتالي عشان نعمل مجمع مفيد بجد و فعلا بيساعد على نشر أصوات الناس لازم نستفيد من ال1% الأكثر نشاطا و بدرجة أقل باقي ال10% في خلق اختيارات جيدة لباقي الجمهور.

خد بالك أن النسب دي للمواقع الناجحة، ممكن جدا نلاقي المشاركةة أقل من النسب دي أو يمكن حتى أكثر.

بالنسبة لاقتراحك بمجمع أبسط، معاك حق طبعا أن لو مخزنتش كل تدوينة على قاعدة البيانات هتبقى الأمور أبسط بكثير، بس ده هيحرمنا من شوية امكانيات موجودة حاليا و هيحرمنا من امكانيات أخرى ممكن اضافتها.

مثلا ده هيخلي أرشفة تاريخ التدوين المصري عملية مستحيلة (و دي في رأيي حاجة مهمة، للأسف اضطريت مرتين حتى الآن أفضي قاعدة البيانات تماما و ده معناه أن معنديش وسيلة سهلة للوصول لتدوينات يوم 25 مايو 2005 رغم أهمية اليوم ده التاريخية و دور المدونات الكبير، مش عايز أفقد بقيت التاريخ ده).

امكانية البحث في التدوينات، يمكن دي حاجة ناس قليلة بتستفيد منها لكن أنا شخصيا بستفيد منها جدا و بالتالي عايز أحافظ عليها.

امكانية التصفح بالتصنيف (و خد بالك أن دي اللي على أساسها بنعمل حملات على المدونة زي حملات التضامن مع سجناء حرية التعبير على الانترنت و حملة كلنا ليلى) حاليا مفيش واجهة سهلة لكن أنا قادر أعمل عمليات and و or على تصنيفات المدونات و دي حاجة في رأيي مفيدة جدا.

ده بالنسبة للامكانيات الحالية، كل التصورات المستقبلية اللي بتشتغل على مستوى التدوينة مش المدونة (زي مثلا الفلترة التشاركية المعتمدة على التحليل الاحصائي لتقييم الزوار للتدونيات) محتاجة أن يتم التعامل مع كل تدونية على أنها node و محتاجة الحفاظ على تاريخ طويل للتدوينات عشان يبقى لها معنى.

قاعدة البيانات الحالية مادة خصبة لأبحاث علمية لو حد اهتم، مثلا ممكن ندرس سلوك المدونين المصريين من ناحية التربيط بعمل مسح للمادة و البحث عن كل الروابط و التعبير عنها في صورة graph ثم دراسة تطور شكل الرسم مع الزمن مثلا. لو ظهرت عندنا مواقع بتقدم خدمات ليها شعبية صارخ زي amazon نقدر عن طريق مسح المحتوى الوصول لبيانات مهمة عن الكتب ذات الشعبية العالية مثلا (تصور بقى أني قدرت أضيف معلومات عن محل سكن و المرحلة العمرية لنسبة كبيرة من المدونين).

fih haga malhash 3elaka be dah bass leha 3elaka bel aggreator , sa3at zay delwa2ty halan el side bar elli fih el blogs el 3araby maber3dsh hagat up to date, raghm enak law dakahlt 3ala el safha nafsaha beta3et el propably arabis tela2i el posts dih men awel el links ana olt a2oul alw mehs wakhdin balko thanks

this is a result of a special caching mechanism I use for the blocks. the difference never lasts more than 1 hour.

مش عارف ياعلاء.. بس في مدونات كتير نسبيا من مكتوب سجلت في ايجي بلوجز, يعني من 146 عضو, في حوالي اربعين مثلا من مكتوب.

محتاجك تشرحلي دي هو مش اجيبلوجز دي خدكمة استضافة؟ ازاي فيه مدونات مكتوب مسجلة فيها؟

استضافة؟ لأ.. إيجي بلوجز عبارة عن دليل مدونات,ومجمع تدوينات, بالإضافة لأخبار المدونات سواء كانت نقاشات حول قضايا معينة, أو حملات معينة بيقوم بيها المدونين, وبيقدم خدمة الإستضافة للمدونات جنب ده كله بس بشكل ودي غير اوتوماتيكي لغاية دلوقت .

انا باقترح فعلا اننا نعمل موقع يكون اجريجيتور بس.. بيتهيألي هايكون افضل كتير من ناحية قدرة الناس على المتابعة, ومن ناحية سهولة الإنضمام له.

معلش مكنتش عارف، طيب ما تكتب تعريف قصير كده بالموقع و بيقدم ايه و أهدافه (مؤكد أنت مجهز حاجة مشابهة فعلا) و تشبرقها روابط عشان يتعمل تنويه على حلقة المدونات المصرية و هنا لو يهمك.

مساء الخير، جميل هذا العرض ةالتقييم، وياريتك تزيد، الكلام دا مهم لفئة كبيرة من الناس اللي عرفوا الكومبيوتر على كبر بمعنى أنهم بالفعل في امس الحاجة لمساعدة الجيل الجييد، لقد كنا ومحن في أعماركم ننسخ منشوراتنا بالكربون وفي أفضل الأحوال بطرق بدائية وسخيفة، منذ فترة أحاول انشاء مدونة بالمعلومات البسيطة التي كونتها عن طريق المحاولة والخطأ، عموما يمكن تشوف اللي هببته وتقيمة وترسل لي بنصائحك، هناك سؤال عن المشاركة بشكل عام وتبادل المعلومات والتواصل فرغم بعدي عن مصر إلا انها همي اليومي، واخيرا فرحان بيكم قوي، لمصر ، وسعيد بجهدكم الذي أهداني نوافذ مبتكدبش بتطل على الوطن شريف الصيفي ألمانيا، هانوفر

عزيزي علاء ، نشكرك جزيلا لذكرك جيران في هذا المقال و لابدائك رأيك بنا ، فرأي المدونين دائما يهمنا . بالنسبة لخاصية البحث بناء على البلد أو عرض المدونات التابعة لنفس البلد فنحن نقوم على تطويرها حاليا مع خصائص أخرى سنزود أعضاءنا بها كي نجعل خدمة التدوين في جيران متكاملة من جميع الجهات .

أراؤكم دائما تهمنا ، لذلك نرجو أن لا يتردد أي منكم بتزويدنا بأي آراء أو اقتراحات تجدونها مناسبة ، فكل ما نبذله من مجهود هو لكم فنتمنى ان تراسلونا بكل ما يمر في فكركم حول جيران أو خدمة التدوين بشكل عام .

بريد الدعم الفني في جيران هو [email protected]

شكرا لكم مرة أخرى ، و نهنئكم على هذه المدونة المميزة و على ما وصل له مجتمع التدوين المصري الذي سمع صوته الملايين عبر الصحف و شاشات الفضائيات.

نتمنى لكم دوام التوفيق و الاستمرارية على هذا النهج المميز ، و سنبقى دوما في انتظار آرائكم و اقتراحاتكم التي ستثرينا بالتأكيد .

مع تحيات عائلة جيران

فكرة المجمع رائعة

لكنني ارى ان تحتاج لجهد خارق وتمويل عالي

تحياتي عزيزي

ليست مدونات مكتوب وجيران مدونات سيئة كما تقولين. بالعكس. فإن نسبة المدونات الجيدة فيها أعلى من المدونات المتاحة هنا نقطة أخرى. الجهد التنظيمي هنا في مجمع المدونات المصرية ضعيف جدا. والواجهة سيئة، وغير مشجعة إطلاقاً. وقد ترددت كثيرا قبل إدراج رابط مدونتي هنا. والدافع الوحيد هو عدم وجود البديل عموما يعني. مزيد من التطوير والاهتمام بالمحتوى والواجهة كفيل بتحقيق ما تريدينه

انا من رايى ان اكييييييييد طبعا عمل مجمع محترم للمدونات المصرية امر فى غاية الاهمية وبعتبر ان من الواجب والالتزام الاخلاقى اننا نجمع كل المدونات دى ولو كنت تقدر تجمع المدونات ومعملتش نتيجة صعوبات او مشاكل وانت كسلت يبقى اعتقد انك تبقى مقصر او على الاقل ضميرك مش مستريح

المهم بالنسبة لموضوع التبرعات ده انا ليا نظرية... ان مفيش حاجة دلوقتى بتطلع شيطانى او بصيغة تانية مينفعش اعمل مجمع زى ده قايم على التبرعات ان وجدت اصلا.. حاول تبقى جزء من مؤسسة كبيرة ثقافية او صحفية ولو انت شايف ان الموضوع ده ممكن ينتج عنه تدخل فى عرض المدونات او التحكم فى ضمها او فرض اى نوع من القرارات ومنتش لاقى سبونسرز فاعتقد ان موقع بيدخل عليه يوميا من 2000 ل 3000 مش هيغلب يحط اعلانات ويتحول لمؤسسة مستقلة ماليا.. واقصد مؤسسة بمعنى مؤسسة يعنى بعدين يبقى ليك مقر دائم وتنظم اجتماعات يحاضر فيها المدونون عن ارائهم فى مختلف الموضوعات وممكن يكون ليها فرع انتاج تلفزيونى مش بعيد ممكن يكون ليها جريدة ورقية جايز بس اهم حااجة ان يكون معاك فلوس كفاية تعمل اللى انت عايزة وافتكر ان ده واجب وطنى