You are here

Archive for December 2005

توضيح: يقام اليوم فعاليتان للتضامن مع اللاجئين السودانيين و الاعتراض على فض اعتصامهم بالعنف و القتل

تسبب نشر اعلانين على هذا الموقع في لبس

يوم السبت 31 ديسمبر سيشهد فعاليتان لا فعالية واحدة للاعتراض على قتل عشرات اللاجئين السودانيين و فض اعتصامهم بالعنف من قبل قوات الاحتلال الغاشم المصرية.

الفعالية الأولى مظاهرة تبدأ الساعة 12 ظهرا للتنديد بجرائم الأمن المصري و بدور مفوضية الأمم المتحدة لشئون اللاجئين في وصول الموقف لهذا الوضع.

و الفعالية الأخرى عبارة عن وقفة حداد بالشموع الساعة الخامسة مساء أساسا للاعتراض على القتلى و الجرحى و نذكركم أن سياسة التنكيل و القمع و التعذيب و القتل تمارسها قوات الأمن المصرية تجاه كل من يعترض على الوضع القائم و ليس فقط اللاجئين.

التظاهرتين في نفس المكان أمام المفوضية - شارع الفواكه - ميدان مصطفى محمود - المهندسين، و يعزم بعض الناشطين الاعتصام في الوقت ما بين الفعاليتين.

الغرض من استمرار التظاهر و الاعتراض طوال اليوم هو ابطال خطة الحكومة المصرية في مسح كل آثار الاعتصام و المذبحة حتى لا تزعج من سيحتفل برأس السنة.

نرجوا من الجميع حضور فعالية واحدة على الأقل لا تفرطوا في حق الضعفاء.

فض اعتصام اللاجئين السودانيين بالقوة

بعد تحذير الخجول المجهول المبكر و في اليوم اللي بنحتفل فيه بقبول أول لجوء سياسي لمدونة عندنا في مجمع المدونات المصرية بدأت فعلا قوات الأمن المصري في فض اعتصام اللاجئين السودانيين.

بيان مركز الجنوب لحقوق الانسان

للأسف ظروف مرض منال و مرض manalaa.net منعتني من النزول لحضور الحدث، استنوا من نورا تغطية شاملة، و هنشر هنا بيانات تجمع مستقلي مصر "يد" اللي ارسلتهالي مشكورة أميرة الطحاوي.

update

نورا كتبت فعلا و كلام مؤلم جدا، مش بس سلوك قوات الاحتلال المصرية لكن كمان سلوك المواطنين المصريين

اعترفت وزارة الداخلية بقتل 20 لاجئ من بينهم أطفال لكن من الواضح أن أعداد القتلى أكبر، بلغنا موت على الأقل 6 لاجئين في ليمان طره (اعتقلوا بجاح شديدة و لم توفر لهم رعاية صحية).


مصدر : مقتل 3 من اللاجئين

Fri, 30 Dec 2005 06:05:53 +0200

الساعة 5و 45 دقيقة

تم اخلاء اللاجئين تماما

عدد الذين تم إخلائهم من المكان حسب ما قاله مساعد وزير الداخلية بالهاتف على مقربة من مصدرنا بالمكان - هو 1682لاجيء

مقتل 3 من اللاجئين

المصابين و الجرحى عدهم غير معروف تم نقلهم لمستشفى الموظفين بإمبابة

مساعد العادلي في الهاتف : اصدار أوامر لسائقي الحافلات المجموعة الأولى تتوجه إلى الدويقة و المجموعة الثانية تتوجه إلى محطة الجيزة

سائقو الحافلات التي نقلت اللاجئين لا يعرفون وجهتها و في كل باص يتواجد مسئول من الأمن و يتلقى الأوامر عبر الهاتف

متعلقاتهم ملقاة بالحديقة بما فيها الملفات و الوثائق

افراد مصريون متجمعون على مسافة من الحديقة و مشاجرة بين بعض المواطنين المصريين و سبهم لرجال الأمن لما قاموا به

بعض صفوف العساكر يتجمعون لمغادرة المكان

يتحمل يد - تجمع للمستقلين المصريين - مسئولية كل المعلومات الواردة في هذه الرسالة


بدء نقل اللاجئين لجهة غير معلنة

Fri, 30 Dec 2005 05:39:06 +0200

الخامسة و النصف

عشر حافلات ( أتوبيس نقل القاهرة) تم ملؤها باللاجئين السودانيين و بدأت في التحرك خارج المنطقة من شوارع جانبية بالمهندسين

لم يعلن للآن عن جهة هذه الحافلات

بقاء بعض اللاجئين بالحديقة - العدد غير معلوم لكنه اقل ممن تم نقلهم للحافلات بالفعل

المرور مغلق في المنطقة

قيادات الأمن ترفض إعلام ناشط حقوقي بجهة الحافلات و هناك خشية من ترحيلهم بالفعل للسودان

مسئول أمني يقول أنه لن يتم ترحيل أحد


الامن بدأ في ضرب اللاجئين بالفعل

Fri, 30 Dec 2005 05:15:32 +0200

دناءة الداخلية المصرية تصل لمستوى حقير

قبل قليل قامت الشرطة بالفعل باستخدام العصى و الهراوات و ضرب اللاجئين و سقوط عدد كبير من الجرحى داخل الحديقة رغم انه كان هناك حوار من قبل اللاجنة المنظمة في الوقت نفسه لاقناع اللاجئين بالتفرق و ترك المكان

تم اجبار الكثيرين على دخول الباصات و هم في حالة اعياء شديد

احد قيادات الأمن يقول أن سيتم نقلهم لخارج القاهرة


اللاجئون الجنوبيون يبدأون في صلاة جماعية و اناشيد دينية و دعاء

Fri, 30 Dec 2005 05:05:30 +0200

حسب مصادر في مقر الاعتصام فإن تعداد القوات الموجودة بالمكان كبير للغاية و قد يقترب من 25 الف عسكري و هناك كثير من الرتب المتقدمة من وزارة الداخلية موجودة بنفسها بالمكان و تتابع فض الاعتصام اوقف الامن رش المياة الساعة الرابعة تقريبا بعد غمر ارضية الحديقة بالمياة تماما الضباط يجبرون اللاجئين بالقوة على الوقوف في صفوف متوالية و يحاولون دفعهم لركوب الباصات الموجودة و رفض الاعلان عن وجهة هذه الباصات .

حشود الأمن تلف الحديقة تماما و تمنع دخول أو خروج أحد و محاولة الاستيلاء على الهواتف النقالة للجنة المنظمة للاعتصام اللاجئون الجنوبيون يبدأون في صلاة جماعية و اناشيد دينية و دعاء

الامن يهدد من جديد باستخدام القوة لفض الاعتصام قبل السادسة صباحا و يرفض استدعاء اي موظف من موظفي مفوضية اللاجئين .

لم يبادر اي شخص من المفوضية حتى الان بفعل شيء لوقف هذا الانتهاكات لمواطنين "ملتمسي لجؤ" و كثيرهم تحت الحماية الدولية

لم تظهر السفارة السودانية او الخارجية المصرية اي موقف حتى الآن

يد - تجمع للمستقلين المصريين


الامن المصري بدأ في استخدام المياة و غمرالحديقة بمن فيها من لاجئين أطفال و نساء و عجائز و رجال

Fri, 30 Dec 2005 03:33:08 +0200

منذ الساعة الثالثة الامن المصري بدأ في استخدام المياة و غمرالحديقة بمن فيها من لاجئين أطفال و نساء و عجائز و رجال

لا تنسوا نحن في الشتاء

و لا تنسوا أن وزير خارجية مصر الباقي للآن في الوزارة الجديدة ابو الغيط وعد قبل ايام بحل حكيم للقضية !

ما احكمك انت و وزير الداخلية القاتل العادلي !


يد - تجمع مستقلين مصريين [email protected]

الامن المصري يطالب اللاجئين السودانيين بفض اعتصامهم بميدان مصطفى محمود

Fri, 30 Dec 2005 02:42:15 +0200

تواجدت قوة كبيرة من قوات الأمن المركزي بميدان مصطفى محمود بضاحية المهندسين منذ الثامنة مساء الخميس29ديسمبر2005و كذلك حافلات نقل ركاب تابعة لهيئة النقل العام المصرية، حيث يعتصم للشهر الرابع على التوالي نحو 3 الاف لاجي سوداني، استسفر اللاجئون عن السبب فقيل لهم أن القوات موجودة لمنع مظاهرة يزمع الإخوان المسلمون تسيييرها غدا بعد صلاة الجمعة من مسجد مصطفى محمود،و أنه لا داعي للقلق خاصة أنها ليست المرة الأولى التي يتواجد فيها الأمن بهذه الكثافة.

تزايد عدد قوات الأمن و في الثانية عشر منتصف الليل طالبت قيادات الأمن المصرية من اللاجئين إخلاء المكان فورا و الصعود للحافلات دون تحديد جهة التوجه، و قالوا لهم أن الأمر صادر من وزير الداخلية المصري و تم الاتصال بعدد من قيادات الاعتصام للحضور للمكان

حتى الآن اللاجئون متمسكون بالاعتصام و طلبوا وجود ممثل من مفوضية الأمم المتحدة السامية لشئون اللاجئينUNHCR و لم يستجب أحد لطلبهم .

الأمن المصري يعطي فرصة أخيرة للاجئين حتى الساعة الثالثة و حتى الآن لم يحدث استخدام للقوة لكن هناك حصار كبير للمكان و عشرات السيارات و قوات أمن من فئات مختلفة، و يُمنع المواطنون من الاقتراب بما فيهم زملاء في منظمات حقوقية، يوجد قليل من رجال الإعلام الأجنبي على مسافة من الاعتصام .

بمجرد اللمس

حلوة قوى يا سقراط

حاسة اللمس بالنسبة لي خاصة جدا في أنها بتسمح بخلق علاقات مع حاجات تانية غير الناس. اللعب مع الحيوانات أساسا باللمس، كمية من التواصل مع القطط بس بأطراف صوابعك. تحسس حوالين ودنهم، يرفعوا رأسهم و تهرش تحت دقنهم يحركوا راسهم و يلمسوا ايدك، يتمسحوا فيك، يشدوا انتباهك بلمس رجلك بجسمهم، أو بلمس وشك بمناخيرهم. الكلاب تحضنهم تحاول تلمس الجسم كله بايدك، تدعك حوالين الودن برضه، يلحسوك و يلمسوك بمناخيرهم.
Touching cats

مش بس الحيوانات حاسة اللمس بتفتح الباب لتواصل و علاقات مع الجمادات. لمس آلة موسيقية، و يا سلام لو كونترباص، لازم تحضنه و الا هيقع، و الكونترباص حميمي قوي مش بس بيسيبك تلمسه ده بيردهالك و هو في حضنك بيرسل ذبذبات قوية في جسمك لحد ما كل نوتة ترن فيك و تطلع من جواك. ما جربتش قبل كده ألمس هارب بس الفرجة على العازفين ملهمة، لمسة بسيطة جدا و رقيقة جدا، مداعبة بس بس بيجي منها كلام كتير.
Alaa plays the bass

لمس لوحة مفاتيح، معرفش أقعد على الكمبيوتر من غير ما ايدي تفضل لامسة لوحة المفاتيح، محبش الماوس أفضل الكيبورد، احساس فظيع بالقوة، لمسات سريعة متدفقة و ألاقي العالم كله تحت أمري، لما أجي أبرمج أشغل موسيقى اليكترونية، أفضل موسيقى معرفش مؤلفها عشان أحس أنها طالعة من مكنة و صوابعي تطير و باللمس بس تبني عالم كامل.
WiFi by the nile

لمس قطعة فنية، لمس سطح خشبي قديم بس عشان أحس بملمسه (مش عارف هعمل ايه لما أجيب مكتب جديد سطحه أملس). لازم ألمس درابزين السلم مهما كان متسخ. لمس زجاجة نبيذ، مبحبش ملمس الورق بس أعرف ناس كتير بتحتبه. تحط ايدك في جيبك و تلمس مفاتيحك و العملات و البطاقة و تقعد تلعب فيهم بايدك.

أعمال جاودي المعمارية لازم تتلمس، الراجل بنى جنينة كاملة تفهمها باللمس أكتر من بالبصر، فيها نتوئات على سيراميك أبيض لا يمكن أصلا تاخد بالك منها غير بمجهود الا اذا كنت بتلمس طبعا، التنين الأزرق اللي في مدخل الجنينة كل الزوار مبيقدروش يمسكوا نفسهم، لازم يلمسوه، لازم يتصوروا بيحضنوه.
Manal in Park Guell

و النباتات، الكائنات اللي مشاركنا الحياة و بننسى أنها حية، لا يمكن أمشي جنب شجر منخفض من غير ما ألمس الورق، و في القاهرة اللي يندر فيها النباتات لازم أقطع ورقة من أخر شجرة و أمشي أفرك فيها زمن. أقعد على نديلة و أمشي ايدي عليها، لو لمست الطين ما أحسش بحاجة لكن لما ألمس الحشيش أحس أني بلمس الأرض من جوه، الحشيش جدوره مش عميقة، بس الشعر برضه جدوره مش عميقة و مع ذلك لما حد يلمس شعري و يحسس عليه جسمي كله بيحس بيه. الشجر، يا نهار أسود على لمس الشجر، الشجر مش أنواع الشجر افراد، تشوفه بسرعة تقول شبه بعضه، لكن كل شجرة بتكبر بشكل مختلف، بتفرع، بتكلكع، بتخشن في أماكن و تنعم في أماكن، مأدبة للمس.
on a tree in cape town

كل ما ألمس شجرة أفتكر كتب ماريون زيمر برادلي، و ازاي بطلاتها بيلمسوا الطبيعة و الأرض و الآلهة عن طريق الشجر، ازاي بيناموا على الأرض أو يحضنوا شجرة أو يقفوا داخل شجرة مجوفة و يسكتوا و يحسوا بنبض الأرض، بدفق الحياة، برتم الكون و أزا لما يلمسوا حجرة جدورها عميقة بيقدروا يستمدوا قوة و يتحكموا في الحياة حواليهم، مورجين تغزل و تنسج تعاويذها السودة في القماش و بعدين تلمس الأبرة بصباعها، لمسة واحدة بس و تسترجع فيها كل المرات اللي لمست الأرض و الحجر و الشجر و يموت عدوها في نفس اللحظة.

متعة الفرجة على اللي بيلمسوا النار من غير ما يتألموا (أو من غير ما يسيبوا الألم يتحكم فيهم)، لمس مجداف خشن و بعدين تمسكه جامد و يحك في ايدك يصنفرها و هو بينقلك لمسة النيل ذات نفسه، عبقرية أنك تعرف امتى تسيب المجداف و أمتى تمسك فيه، أمتى تشد و أمتى تزق بأنك تفضل لامسه و حاسس بيه في كل لحظة، لما أركب فلوكة لازم أدلل ايدي و ألمس المياه، أيام التجديف كان نادر لما ألمس المياه، عن طريق المجداف لمست النيل كله مش محتاج أنزل ايدي في المياه. و ان كان التجديف بعد شوية بيقتل جلد الايد و يبوظ احساس اللمس تماما، على العموم بطلناه بعد مدة قصيرة.
The Nile in Menia

لمس الأكل اثناء طبخهه، و الأكل بالأيد. لا يمكن أستطعم طبيخ طباخ لابس جوانتي مهما كانت الاعتبارات الصحية، دي ملمستش الخضار و هو مبلول و اللحمة و هي نية. الطماطم لما أفرتكها قبل ما نقلبها سلطة، الواحد يدفن ايده في كومة بسلة خضراء نية، أو يدفن ايده في مكرونة مغسولة بعد سلقها، ملمس ناعم يزحلق، مياه ساقعة و حرارة و دفئ مستخبيين في المكرونة، تلمس اللحمة و أنت بتقطعها و الدهن يلزق فيك و لا تتهز و أنت بتفكر أن ده كان كائن عايش من كام يوم، بالعكس تحس بنشوة و تفكر يا تري الصياد بيحس بايه، و تفتكر القطط و فخرها الشديد لما تصتاد فأر و تقعد تلف بيه البيت كله و تتمنظر على حريمها، و القطط الصغيرة لما تديهم لحمة نية و تصحي فيهم غريزة الصياد و يقعدوا يتمخطروا كأنهم اصطادو الفرخة بنفسهم مثلا (اللحمة يعني فراخ طبعا عدا أيام العيد لحسن حد يحسدنا ولا حاجة).
Market in Barcelona

لما النور يقطع و تمشي في بيتك في الضلمة باللمس بمهارة عالية رغم أنك متدربتش قبل كده، كأن ايدك فاهمة كل حاجة عينك شافتها، كأن ايدك حافظة كل حاجة عينك شافتها.

الرغبة المرعبة في لمس اللوحات و التماثيل في المتاحف حتى و سلك جهاز الانذار واضح، حتى و أنت عارف أن لو كل حد عمل كده اللوحة لا يمكن تستحمل.

ولا الحواس لما تدخل على بعض، عمرك سمعتي مزيكا حلوة قوي و حسيتي كأن جسمك قشعر؟ أو كأنك دفيتي؟ أو كان حد دلك رأسك؟ مش برضه لما حاجة بتأثر فينا بنقول لمستني من جوه؟ لمستني في المكان اللي مش ممكن أتلمس فيه بجد؟

حكى لي جدي عن باحث بيطري مصري مش فاكر أسمه للأسف رصد أن العجول المولودة حديثا اللتي لم تلعقها أمهاتها بعد الولادة على طول، بيظهر عندهم أعراض اضطراب نفسي.

و بعدين تلمس محبوتك، أي لمس، تقعدوا تقروا أو تشتغلوا بس جسمكم لازق في بعض، تحضروا حفلة أو تتفرجوا على فيلم بس تمسكوا ايد بعض، تناموا تماما بس في حضن بعض. لحظات المفروض أنك فيها بتقفل على نفسك بتبقى لوحدك بس باللمس بس بتفضلوا مع بعض، بدل ما تقفل على نفسك بتذوبوا مع بعض في لحظة واحدة.
Manalaa casts shadow on the beach

Marion Zimmer Bradley

I have just finished a book called The colors of space, it's a light Science fiction book by one of my favorite writers: Marion Zimmer Bradley.

Marion Zimmer Bradley is a fantasy and science fiction writer, although The colors of space is the first science fiction book I read by her, I read many of her fantasy novels of "the Avalon" series, starting with the 1000 pages novel The mists of Avalon (which tells the story of King Arthur from a feminist perspective focusing more on the Priestesses and druids point of view and the celtic culture and religion), and falling in love with it, then following it with 3 of the 4 novels that happen in the same era but are before the story of king Arthur, and with the same perspective.

Reading The Avalon books made me want to read all what she wrote, she has a small series of books about Atlantis..in Avalon, the legend is the first priestesses and druids who came to England where the survivors of the drowning of Atlantis, so I really must read these books.

She also has a big series of science fiction novels called The Darkover

From Wikipedia:

During the early years of space exploration and colonization, Earth-based humans planted a colony on Darkover, a planet which circles a red giant. Through an unpreventable mishap, contact between the colonists and Earth was lost. The ethnic background of the colonists was Celtic and Spanish, and included both pro-technology scientists and techophobic back-to-nature zealots. (...)

Wow!! Science fiction book with a celtic theme, I would sure love these books :-)

It's this matriarchal world that really attracts me, and seeing all the events from the heroines' point of view, although this was not the case in The colors of space, in which the female character had a trivial role in the events.

الزراف الغشيم، و البوم الحكيم، و العصافير أم سيم

صلي على النبي يا ست نعامة

العصافير في الغابة بتاعتنا رغاية شوية و بتنم كتير، و دي حاجة بيفوتوها لبعض لأن كلهم رغايين، لكن باقي الحيوانات لما بتعرف أن العصافير بتنم عليها بتزعل.

قامت العصافير اتفقت أنها ما تنمش الا لما تبقى واقفة على شجر عالي بس، و كده الحيوانات ما تسمعش بيقولوا ايه. و محدش يزعل.

لكن المشكلة أن الأسد ملك الغابة (اللي كان أصله جربوع بس سبحان الله صار أسد) غلس و بيحشر نفسه في كل حاجة، و كان بيحب يسمع نم العصافير عشان يعرف كل أسرار أهل الغابة، طبعا لما العصافير قررت تزقزق من فوق الشجر بس الأسد قفش، و اتفق مع الزرافة أنها تستخبي و تتسحب ببطء و ترفع رأسها فوووق قريب من الشجرة و تسمع نم العصافير و تبلغه.

الزرافة غشيمة حبتين، و عشان تضمن ما تنساش اللي بيتقال بتقعد تردده، العصافير سمعتها و هرشت الموضوع.

العصافير قعدت تشتكي، لفوا على الغابة كلها و بلغوا الحيوانات، قالولهم انتم كنتوا بتزعلوا مننا لمجرد أننا بندردش و نجيب سيرتكم، انما الأسد ده قاعد ينخور و يدور و عايز يعرف أسرار الغابة كلها، الكلام وصل للزرافة و الزرافة استهبلت و عملت أن هي اللي مزاجها تسمع و قالت و الله أنا ربنا خلقني رقبتي طويلة و اللي مش عاجبه ما يزقزقش.

العصافير قعدت تفكر في حل، ما هو مش ممكن هيسكتوا، يقضوا يومهم في ايه يعني غير قعدات النميمة؟ قعدوا يفكروا في حل، يفكروا في حل، و في الأخر قرروا أنهم يلخبطوا زقزقتهم و محدش يفهم الكلام غير اللي حافظ نشيد سري، فرق النوت اللي بيغنوها عن النوت الأصلية للنشيد السري هي زقزقة النم، و بكده محدش يفهم حاجة غير العصفور اللي حافظ النشيد.

الزرافة غشيمة بس مش على الأخر، قعدت تسمع زقزقة ملخبطة شوية لحد ما فهمت ايه اللي بيحصل، و فكرت أن الحل هو أنها تتابع العصافير الصغيرة اللي لسه في الحضانة، و تستنى لحد ما تسمعهم و هما بيتعلموا النشيد السري، و بكده تعرف العصافير بتقول ايه، بس برضه كانت غشيمة و قعدت تردد الكلام، و العصافير برضه هرشت.

المهم العصافير جابت البوم أحكم حكماء الطيور و عرضوا عليهم المشكلة، البوم قاللهم أنتوا محتاجين طريقة للخبطة الكلام أحسن عشان يبقى مفيش داعي للاتفاق على نشيد سري، و افتكس البوم لعبة معتمدة على الهارموني المعقد جدا بين نشيدين، و ألطف حاجة أن النشيدين دول ممكن يكونوا معروفين للكل، لأن فك الشفرة مش بس محتاج النشيدين ده كمان محتاج السلم و الكورد الأساسي بتاع أي نشيد منهم و دي بقى بتبقى معلومات سرية، و الأذكى بقى أن أي عصفور عايز ينم مع عصفور تاني في السر مش محتاج يشاركه في سلمه الموسيقي و كورده السري محتاج بس يشاركه في النشيد و كل عصفور هيستخدم سلمه الموسيقى و كورده في أنه يفك زقزقة العصفور التاني.

و بكده يبقى مهما الزراف اتخابص مش ممكن يفهم اللي بيتقال لأن مفيش عصفور محتاج يقول لأي حد السر بتاعه، كل اللي محتاجه أنه يسمع النشيد العلني و ده مش كفاية لفهم السيم بتاع العصافير.

قوم ايه، العصافير مخها صغير و مبتعرفش تفتكر الهارموني المعقدة، كل عصفور كتب السلم و الكورد السري بتاعه على ورقة شجر و قاللك لو ضاعت أو انسرقت مني الورقة دي نبقى نغير النشيد و نغير معاه السلم و الكورد السري و نبلغ كل العصافير بالتغيير ده.

و أنا بصفتي تنين بجناحات بيطير أقنعت العصافير أني طائر زيهم و انضميت لمجموعتهم و بقى عندي نشيد علني و سلم و كورد سري، بس الكلاب بتوع الأسد ضربوني مرة لما كنت أعزل و بوجيهي بايظ و مش عارف أعمل شعلة عشان أنفث نار و أدافع عن نفسي، و سرقوا مني الورقة بتاعت السلم و الكورد السري، و طبعا كان مفروض أبطل أستخدم النشيد بتاعي و أشوفلي نشيد جديد بس أنا مبعرفش ألحن لوحدي و كنت محتاج أعمل رحلة لشجرة العصافير بس ملقيتش وقت.

و من يومين بقى أبو منجل قفش علي و قاللي أنت كده مبوظ السيم اللي بيننا فضي نفسك و اطلع على الشجرة قوام قبل ما تخربها على كل الطيور، فعلا فضيت نفسي و طرت للعصافير و لحنولي نشيد جديد له سلم و كورد جداد فقلت أخطر الغابة كلها عشان تبطل تستخدم النشيد القديم اللي احتمال ابن اللبوة يكون فاقسه.


و ده يا ست نعامة الموضوع كله، و بما أن النظام ماشس مظبوط خالص أنا شايف أن ممكن الطيور اللي مش بتطير زيك تستخدمه برضه، المشكلة الوحيدة أن الوصول للفروع العالية في الشجرة صعب شوية، بس معلش هو مجهود هيتعمل مرة واحدة بس.

أما العبرة الأخلاقية من القصة دي أن البوم أسيادكم في الغابة و الكل معتمد عليهم فعاملوهم باحترام لحسن تلوصوا. و أنا شايف كل طير يجدد عشه و أحسنله يبني بالتنقيط زي البوم البوم ما بيعمل.

revoked my PGP key

on the 25th of May 2005 regime thugs stole my laptop while attacking a Kefaya protest. The laptop had my secret PGP key on it so in theory the key has been compromised.

I finally got around to revoking that key, I'm now using an older key that was not stored on the laptop harddrive, please update your key rings.

the old keyid was 0F7BA8A4 do not use that key anymore

current key info

keyid
8F7CC018
owner
Alaa Abd El Fattah [email protected]
fingerprint
272B 8228 B58D 005E 4268 0C57 895D 4DC0 8F7C C018
size
1024
type
DSA

key


-----BEGIN PGP PUBLIC KEY BLOCK-----
Version: GnuPG v1.4.2 (GNU/Linux)
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=q+Wu
-----END PGP PUBLIC KEY BLOCK-----

key on MIT's public keyserver

Police stops us for walking with opened laptops in garden city

On our way from Shepherd hotel, to the egyptian initiative for personal rights to continue with the second day of the arab source meeting, we had to pass by the occupied zones, i.e the streets around the british and american embassies, in garden city. Most of us are geeks, therefore carrying our laptops, but we had an evil syrian spy who was walking with his laptop opened, obviously he was trying to guide a missile towards the british embassy. But luckly our brave egyptian state security forces were able to stop him.

I'm not kidding, the state security forces stopped Anas Taweela, in front of the british embassy because he was walking with his laptop open. Alaa and another syrian colleague are with him now, and a lawyer from Hisham Mubarak law center is on his way to them.

will keep u updated.

del.icio.us أو روابط في اللذيذ

ازاي ديليشوس

Web 2.0

من كام سنة كده في نفس وقت ظهور المدونات حصل نقلة في في تفكير المبرمجين تجاه الوب، نجح مجتمع البرمجيات الحرة/مفتوحة المصدر بالأساس و بعض شركات ما بعد الدوت كوم في تغيير ثقافة الوب و رجع الناس يتكلموا عن وب كأداة لتمكين البشر و وسيلة لاطلاق العنان لابداعهم. الطريقة الجديدة في التفكير و العمل دي نتج عنها شوية أفكار فلسفية أساسية و تكنولوجيات و best practices و خدمات اطلق عليهم مجتمعين Web 2.0. أو وب الاصدار الثاني.

التدوينة دي مش لشرح Web 2.0 لكن المهم نعرف شوية أفكار أو مبادئ أساسية تعتبر صميم وب 2.0 (خدي بالك أن ده أصلا موضوع خلافي تعريف web 2.0 اختلف عليه الناس و فيه ناس رافضة الكلمة أصلا)، قال ويكيبيديا:

a social phenomenon referring to an approach to creating and distributing Web content itself, characterised by open communication, decentralization of authority, freedom to share and re-use, and "the market as a conversation"

كلام جميل بالنسبة لي المهم في وب 2.0 هو التركيز على البشر مش المعلومات، الناس العادية مش الخبراء، المستخدم مش المبرمج ولا البرنامج ولا الشركة، لكن الفكرة الثورية خلف وب 2.0 هي أن في حالات كتير مجموع رأي عدد كبير من الغير خبراء قيمته أعلى من رأي عدد قليل من الخبراء، و لو مجموع الرأي ده يشمل الخبير و اللي مش خبير و اللي في النص يبقى خير و بركة.

فكرة بسيطة جدا و تبدوا لناس كتير في الأول مرفوضة، لكن دي الفكرة اللي مبني عليها حاجات كتير ناجحة زي جووجل، و ويكيبيديا، و الذكاء الصناعي الواعي بذاته 20Q و مجتمع البرمجيات الحرة/مفتوحة المصدر، و الصحافة الشعبية، و الديمقراطية. و منها ظهرت فكرة الfolksonomy أو التصنيف الشعبي.

Folksonomy

من زمان و أحنا قاعدين ننظم و نصنف البيانات و المعلومات و المحتوى بجميع أنواعه، و فيه علوم للتصنيف (من أول تصنيف الكائنات الحية لحد علوم المكتبات) و خبراء تصنيف، و مشاريع ضخمة كل المرجو منها هو تصنيف حاجات. الفكرة الأساسية وراء التصنيف كانت أنك تجيب خبير و يقعد يشتغل زمن طويل لحد ما يطلع بنظام للتصنيف و قواعد ليه (ودي بتتسمى taxonomy) و بعدها كل حاجة يبقى معروف مكانها فين بالظبط، لو النظام مبني بشكل كويس يبقى أي حد مش بس الخبير يقدر يحط أي حاجة في مطرحها الصحيح (أرفف مكتبة عامة مثلا). و بعدين تطورت الأمور و حاولنا نعمل نظم تصنيف فيها مساحة لمستجدات (مثلا يفترض نظام تصنيف الكائنات الحية أنه يمكن يتسع لأي فصائل جديدة من غير تغيير البنية الأساسية بتاعته)، و بعدين عملنا نظم تصنيف يمكن للشيئ الواحد أنه يكون له أكتر من مكان فيها (خصوصا بعد ما أكتشفنا أن موضوع ذكر العنصر في مكان واحد فقط مرتبطة باعتبارات فيزيائية غير قائمة في السياق الرقمي)، و هكذا.

أي متابع للموضوع ده هيلاقي أنه دايما بيفشل على مستويات رهيبة لكن بيؤدي خدمة مهمة و بيبسط الدنيا و بالتالي استمر (أبسط مثال هو قنديل البحر الشهير بالزجاجة الزرقاء، ده عبارة عن 4 فصائل مختلفة تعيش في تكامل و بالتالي تم تصنيف كل فصيلة لوحدها و بعدين خلق فصيلة خامسة للاشارة للميكانزم كله على بعضه)، لكن لما جينا ننقل ده للوب بدأت المشاكل تتفاقم، أولا بقينا عايزين أنظمة لتصنيف كل حاجة و أي حاجة، و بقينا عايزين نربط ما بين أنظمة تصنيف مختلفة، و بقينا عايزين كل من هب و دب يعرف يصنف (زي مثلا تصنيف التدوينات في مدونتك)، و العملية ضربت خالص.

وب 2.0 قدمت حل جزئي اسمه Folksonomy، ده مصطلح ظهر بقاله سنتين كده ولا حاجة و دي دمج لكلمة Taxonomy (نظام التصنيف) و Folk (شعبي فطري)، يبقى Folksonomy هو التصنيف الشعبي الفطري. و المقصود هو أنك متجيبش خبير ولا حاجة و متعملش نظام تصنيف مسبق، مش بس كده انت تبطل تفكر في التصنيف على أنه وضع العنصر في مكانه الصحيح، فكر في التصنيف كأنه مجموعة بيانات اضافية بتشبكها على العنصر (كأنك عملت عليه علامة أو وسمته بوسم يعني).

ازاي؟ بسيطة، أنت هتتيح لأي حد أنه يصنف أي حاجة و بأي طريقة تعجبها، و أي عدد من التصنيفات، عملية التصنيف هنا بيتقال عليها tagging (يضع وسم أو يوسم)، تخيل أن كل واحد فينا ماشي بملصقات بيضاء صغيرة و قلم ماركر، كل ما تشوف حاجة تعجبك تلزق عليها ستيكارات و تكتب أي تصنيف يخطر على بالك، يعني أنا ماشي لقيت عربية رحت ملزق عليها (غالي، مضر للبيئة، وسيلة انتقال، يستهلك بترول، معدني، أحمر، هوندا، وحشة)، يجي حد تاني يشوف نفس العربية و يلزق (سعر معقول، جامدة فشخ، تحكم عالي، أحمر، هوندا، فيتيس آلي، مش عارف كام cc)، و هكذا لو عدا على العربية دي ألف واحدة و كلهم وسموها بوسوماتهم الخاصة هنقدر نعرف معلومات كتيرة جدا عن العربية و عن البشر اللي عدوا كمان.

يعني مثلا من المؤكد أن العربية لونها أحمر و أنها هوندا و كل الحقائق دي هتبان على طول لأن التصنيف المبني على الحقائق هيتكرر كتير و غالبا مش هيبقى فيه اختلاف، لكن هنعرف أن سعر العربية و تأثيرها السلبي على البيئة من الأمور الخلافية أو تعتمد على وجهة نظر مثلا، طيب لو عربية صنفها 10 على أنها ضارة بالبيئة و عربية تانية صنفها 700 على أنها ضارة بالبيئة يبقى في معلومة جديدة لأن المسألة ما بقيتش محدودة على الناس اللي شايفين أن العربيات كلها ضارة بالبيئة أكيد العربية التانية دي ضررها كبير (SUV مثلا)، طيب لو أقدر كمان أعرف مين اللي صنف ازاي مش يمكن أنا هثق في حد بعينه أكتر؟

ممكن كمان الوصول لمعلومات أكتر عن طريق أننا نرصد العلاقات ما بين التصنيفات المختلفة، يعني مثلا نبص على ايه أكتر تصنيف اتكرر مع مضر للبيئة و نشوف هل العربيات اتكررت أكتر ولا المصانع، و نقدر نعرف مدى ارتباط مفاهيم زي حرية التعبير بالديمقراطية عن طريق أننا نشوف نسبة تكرارهم مع بعض الخ.

لكن قبل ده كله ده تصنيف برضه، أقدر أقول وريني كل وسائل الانتقال، أقدر أقول وريني كل وسائل الانتقال اللي لونها أحمر و هكذا.

مثال كويس قوي لاستخدام الfolksonomy هو خدمة flickr لنشر الصور، التصنيف في flickr شعبي و عندهم أدوات كتير بتحلل التصنيف عشان تسهل عليك تتفرج على الصور.

Social Bookmarking

الBookmarking أو وضع العلامات هو الوسيلة الأساسية اللي بنفتكر بيها الأماكن المهمة بالنسبة لنا على وب (بتوع مايكروسوفت اللي عندهم نقص شديد في التفكير النقدي بيستخدموا كلمة المفضلة بدل من العلامة على أساس أن عموم الناس عمرها ما قرأت كتاب و علمت في صفحاته و عمرها ما هتعوز تفتكر حاجة وحشة)، قبل جووجل كانت العلامات دي هي الطريقة الوحيدة اللي بيها ممكن نعمل خريطة لوب و نحولها لحاجة مفهومة و يسهل الحركة فيها.

أما Social Bookmarking فمقصود بيه بكل بساطة أنك تشارك الناس في الbookmarks بتاعتك و أنك تتفرج على الBookmark بتاعتهم. نسميه العلامات التشاركية ولا حاجة مجعلصة كده عشان نبان مثقفين؟.

طبعا مزايا الSocial Bookmarking مش بس في المشاركة مجرد أن الbookmarks بتاعتك على وب معناه أنك ممكن توصلها من أي مكان حتى لو مش جهازك.

لكن الطفرة الحقيقية في Social Bookmarking ظهرت لما دمج معاها فكرة التصنيف الشعبي، أنت مش بس هتنشر العلامات بتاعتك على وب، أنت كمان هتوسمها بأي tags تخطر في بالك. و قوة الموضوع كله في قدرتك على أنك تلعب بالوسوم اللي عملتها و اللي عملها غيرك.

يعني تقدر تسأل ايه الروابط اللي عندي اللي بتتكلم عن الطبيخ و ممكن تقول ايه الروابط اللي عندي اللي بتتكلم عن الهند، و ممكن تقول ايه الروابط اللي بتتكلم عن الاتنين في نفس الوقت، و بدل ما تدور في روابطك أنت بس تقدر تقول ايه روابط الطبيخ و الهند عند كل الناس.

و تقدر تتابع ايه المواضيع اللي الناس مهتمة بيها اليومين دول و ايه العلاقات ما بين المواضيع و الناس بتشوف الدنيا و تصنفها ازاي و تقدر طبعا تتابع معارفك و روابطهم.

del.icio.us

يااااه أخيرا وصلنا لموضوع التدوينة :-)

del.icio.us هي أشهر خدمة Social Bookmarking على وب و أول واحدة تعتمد على التصنيف الشعبي (بل هي المثال الكلاسيكي للتصنيف الشعبي)، و دي خدمة بسيطة جدا، أنت بتزور موقعهم و تعمل تسجيل و بعدها تقدر تضيف أي مواقع عندهم و تكتب وصف ملخص لكل رابط و طبعا توسمه عليه بأي وسوم تيجي في بالك.

و لتسهيل الأمور أكتر فيه extension لفايرفوكس بيخليك مش محتاج تزور الموقع بتاع del.icio.us عشان تضيف رابط، كل اللي هتعمله أنك تدوس على زرار الماوس اليمين و تختار del.icio.us->post current page و تملأ الصندوق الحواري اللي هيطلعلك. و مش بس كده كمان الصندوق الحواري هيقولك كل الtags اللي أنت استخدمتها قبل كده و كمان هيشوف لو الرابط ده موجود على del.icio.us عن طريق مستخدمين تانين غيرك و يقولك الوسوم اللي استخدموها لما صنفوا الرابط.

بعد كده بقى تقدر تشوف الروابط بتاعتك أو بتاعت أصدقائك، مثلا

و تقدر تشوف روابط أي تصنيف

و تقدر تشوف روابط في أكتر من تصنيف

و طبعا ممكن نقول وريني روابط السياسة في مصر بتاعت علاء فقط.

ركزي كويس في شكل العنوان (url) عشان دي الطريقة اللي الواحد بيتعامل بيها مع del.icio.us.

و ممكن كمان تتابع الروابط اللي ليها شعبية كبيرة (عدد كبير من الناس علم عليها) أو تتابع الوسوم اللي ليها شعبية كبيرة (عدد كبير من الناس استخدمها لوسم روابط).

و كل الحاجات دي الواحد ممكن يشوفها في صورة تلقيمة RSS كمان و يتابعها على موقعه عن طريق مجمع زي مصطفي ما بيعمل أو يتابعها عن طريق مجمع شغال على جهازه.

مش بس كده، زي أغلب خدمات وب 2.0 موقع del.icio.us موفر أدوات للمبرمجين يقدروا عن طريقها يبرمجوا حاجات جديدة مبنية على del.icio.us، مثلا تقدر تشوف خريطة لحالتي الذهنية الحالية، دي عبارة عن سحابة تصنيفات (tag cloud) معتمدة على بيانات del.icio.us بتاعتي، العلامات الأكثر استخداما حجمها أكبر و العلامات المرتبطة ببعض (بتظهر مع بعض كتير) قريبة من بعض.

و كمان حاجة مشابهة لكن باستخدام الصور، و دي في الحقيقة عبارة عن خلطبيطة أو mashup لأنها بتستخدم خدمتين Web 2.0، بتجيب التصنيفات من del.icio.us و الصور من Google Images.

أو محرك بحثي للفرجة على روابط del.icio.us.

ده مش كل حاجة، del.icio.us عنده مزايا تانية و فيه مئات من الأدوات و الخدمات اللي اتبنت عليه بس كده عندكم فكرة كويسة عنه.

المهم بقى أننا ممكن نستخدم del.icio.us مع بعض لما نعوز نعمل عمل جماعي معتمد على المدونات، يعني مثلا لما عملنا بيان المدونين بعد أحداث محرم بيك كنا عايزين نلم روابط لكل التدوينات اللي اتكلمت عن العلاقات ما بين المسلمين و المسيحيين في مصر، و بعد يوم الأربعاء الأسود جمعنا التدوينات اللي عن الاستفتاء و العنف اللي حصل و عملنا منها وثيقة حتى لا ننسى، و دلوقت بنتكلم عن تجميع كل تغطية المدونات للانتخابات البرلمانية، و كمان فيه ناس اتكلمت عن كتاب يبقى فيه أحسن تدوينات الخ.

كل الحاجات دي بتبدأ بتجميع روابط، و التنسيق فيها ممكن يكون صعب، لكن لو استخدمنا del.icio.us و اتفقنا على tag موحد نقدر نعمل نجمع الروابط بسهولة، يعني مثلا أحنا فعلا بدأنا بتجميع روابط الانتخابات البرلمانية تحت تصنيف EgyptianParliamentaryElections2005

يعني من الأخر الموضوع مقلب و أنا عايز أدبسكم عشان تشاركونا في تجميع التدوينات عشان نعمل وثيقة المدونين عن الانتخابات.

لكن ممكن استخدام del.icio.us بوسائل تانية لمتابعة المدونات، ممكن مثلا تعلم على أي تدوينة تعجبك عشان تساعد اللي مش قادر يتابع المدونات مثلا، أو تعلم على التدوينات اللي أنت سيبت فيها تعليق و بكده تقدر تتابع تلعيقاتك و الردود اللي جت عليها. و هكذا بقى شغلوا خيالكم.

انجليزي ده يا...؟

حرس حرس حرس ليه، احنا في سجن ولا ايه
(Guards, guards, guards, why? Is this a jail or an open sky?)

العسكري مظلوم في الجيش .... ياكل عدس و يلبس خيش
(A soldier gets a lousy deal/rotten clothes, one lousy meal)

يا سوزان قوللي للبيه: طبق الفول باتنين جنيه
(Hey Suzanne tell the lord: even beans we can't afford)

يا مباحث أمن الدولة، فين الأمن؟ و فين الدولة؟
(Hey State Security, investigate: Where's our security? Where's our state?)

ياللي بعتوا الغيط و المصنع .... مهما عملتوا مش راح نركع
(Fields and factories sold for a token/Do your worst; we won't be broken)

Amazing eh? Ahdaf Soueif translated some slogans used in kefaya and co protests, instead of trying to explain the slogans, the cultural context and the play on words she creatively transformed them into english slogans that convey the same message even though they might use different expressions. I love how she retained the rythm of it all, sounds very natural.

this is ripped out of a longish article she wrote for the guardian about the democracy movement, elections and that kind of thing.

اعتداء جديد على حرية التعبير على الانترنت في مصر - Assault on Internet freedom in Egypt

اعتداء جديد على حرية التعبير على الانترنت في مصر

أبو إسلام أحمد عبد الله صحافي مصري، وعضو في حزب العمل سابقا. عمل مديرا لتحرير صحيفة الشعب (موقع محظور في مصر) الناطقة بلسان الحزب، ثم أصدر صحيفة بلدي من قبرص، وأتبعها بصحيفة صوت بلدي أصدرها من مصر، إلا أن الصحيفتان أغلقتا. اتجه أبو إسلام بعدها إلى النشر على إنترنت من خلال موقع شبكة بلدي. أبو اسلام من كتاب صحيفة الميثاق العربي (كانت محظورة في مصر لفترة) الدائمين.

الموقع حاليا محتجب، والسبب اعتقال أبو إسلام في الواحدة والنصف صباح الإثنين 5 ديسمبر 2005، عندما نزل عناصر مباحث أمن الدولة من سيارات خاصة وحاصروا المنزل قبل أن يقتحموه. حكى إسلام الإبن لخمسة من المدونين المصريين (مالك، وعمرو عزت، وسقراط، ومنال وعلاء) زاروه مساء الثلاثاء 6 ديسمبرأنه لاحظ عند اقتحام الأمن حملهم لثلاث بنادق آلية. أيقظ الأمن باقي أهل البيت، وأمروهم بالاصطفاف تحت تهديد السلاح، ثم فتشوا المنزل وصادروا منه أقراصا صلبة ومدمجة، ومئات الكتب.

يدير أبو إسلام أيضا مركز التنوير الإسلامي (فيديو)، الذي يهدف إلى المقارنة بين الأديان، والتقريب بينها، والذي تخرجت فيه إلى الآن دفعتان حصل طلابها على فرصة للإقامة في أحد الأديرة لبضعة أيام، بينما تحتجب الثالثة احتجاجا على الاعتقال. اصطحب أبو إسلام إلى مقر المركز، حيث تعرف هناك على هشام توفيق، ضابط أمن الدولة في حي حدائق القبة في القاهرة. صادر الأمن مطويات من المركز. اتصل أبو إسلام بإبنه بعد مظاهرة انظمتها حركة كفاية للتضامن مع المعتقلين في مصر، وأخبره بتواجده في نيابة أمن الدولة في مصر الجديدة، وأنه استجوب بدون اتهام وفي غير وجود محام، وأنه لم يتعرض للإيذاء، إلا أنه تقرر حبسه خمسة عشر يوما. يعاني أبو إسلام من ارتفاع ضغط الدم، وكسر حديث في القدم يحتاج إلى علاج طبيعي.

للأمن تاريخ من التحرش بأبي إسلام أحمد عبد الله. باعتباره عضوا في نقابة الصحافيين، وكلت له لجنة الحريات بالنقابة محام للدفاع عنه، كما أعلن مركز هشام مبارك للقانون ، و الشبكة العربية لمعلومات حقوق الإنسان ، و المبادرة المصرية للحقوق الشخصية اهتمامهم بقضية أبي إسلام. تقدمت العائلة ببلاغ للنائب العام ينشره المدونون مع تحديث للأخبار قريبا.

Yet another assault on freedom of expression on the internet

Ahmad Abdollah "Abo Islam" is an Egyptian journalist, and former member at the Labour Party. He was the managing editor of the party's alShaab newspaper (website blocked in Egypt), and published Baladi newspaper with a Cypriot licence, then Sawt Baladi from inside Egypt. After the closure of the two papers, he resorted to the Internet website Balady Net. he is also a staff writer in al Methaq al Araby online newspaper (was blocked in Egypt for a while).

The website is currently blacked out, and the reason is detaining Abo Islam. State Security Intelligence walked out of private cars at 1:30 in the morning of Monday 5 December 2005, and surrounded the house before breaking in. Islam, the son, told five bloggers (Malek, Amr Izzat, Socrates, and Manal and Alaa) who visited him on Tuesday 6 December that he noticed three machine guns during the break-in. They woke the rest of the family, ordered them to line up under gun threat, then searched the house and confiscated computer hard discs, compact discs, and hundreds of books.

Abo Islam runs the Center for Islamic Enlightenment (video), which aims at comparing different religions, and bringing them closer together. Students of the two classes who graduated from the Center got the chance to experience the life inside monasteries for a few days, while the third class is on strike because of the detention. Abo Islam was taken to the Center, where he identified Hisham Tawfiq, State Security officer at the Cairo quarter of Hadayiq alQobba. Security confiscated brochures from the Center. After a demonstration organised by Kifaya movement in solidarity with detainees in Egypt, Abo Islam called his son, and told him that he is being kept at the State Security Prosecutor Office in Heliopolis, that he was questioned without charges, and with no lawyer present. Although he was not physically harmed, it was decided to detain him for fifteen more days. Abo Islam suffers high blood pressure, and a recent fracture in his foot requiring physiotherapy.

Security has a history of harassing Abo Islam. Considering his membership in the Journalists Syndicate, the Syndicate's Freedoms Committee assigned him a lawyer. More, the Hisham Mobarak Law Centre, The Arabic Network for Human Rights Information, and the Egyptian Initiative for Personal Rights have announced their interest in the case. The family has filed a report to the General Attorney, to be published soon by the bloggers along with news updates.

وسع وسع للتدوين

الانترنت مليانة تقارير و قصص شهود عيان عن أحداث ملحمة انتخابات مجلس الشعب و المدونين طبعا شاركوا في ده و عملوا تغطية كويسة جدا و تحليل للي شافوه، لكن عددنا لسه صغير و لسه مش قادرين نغطي كل اللجان و الدواير.

من وسط الكتابات الكتير عن الانتخابات أذهلني التقرير المفصل اللي كتبه المؤرخ عن مغامراته يوم الانتخابات في مركز منوف بالمنوفية.

أدعوكم تقرأوا التقرير و تشوفوا الصحافة الشعبية ممكن توصل لايه.

معرفش ازاي فاتتني مدونة المؤرخ لحد دلوقتي. شكرا صاحب الأشجار على الرابط.

و أسفين يا باش مهندس محمد الهامي على تأخير دخولك في المجمع و ياريت تنشر ملفات الفيديو و الصوت اللي عندك


يقترح صاحب الأشجار عمل وثيقة شاملة تجمع كل اللي اتنشر عن الانتخابات في المدونات بحيث تكون مشابهة لوثيقة حتى لا ننسي اللي اتجمع فيها كل ما نشر عن أحداث الأربعاء الأسود 25 مايو 2005. الفكرة مش بطالة رغم المجهود الكبير المطلوب حتى لا ننسي اتوزعت توزيع واسع جدا داخل و خارج النت و كانت عامل رئيسي في نمو جمهور المدونين و المدونات نفسها، ايه رأيكم؟