You are here

خبر عادي و استقالة غير عادية

Primary tabs

أقرأ على كفاية، نص استقالة د. سالم أحمد سلام اعتراضا على اهدار حق طالبة ماجستير لأنها مسيحية

أرجو قبول استقالتى من رئاسة قسم طب الأطفال احتجاجا على الممارسات المعادية لحقوق المواطنة وعلى الظلم الذى مورس أثناء امتحان الجزء الثانى من ماجستير طب الأطفال دور نوفمبر 2005 ضد الباحثة/ ميرا ماهر رءوف الطبيب المقيم الأقدم بالقسم من قبل بعض أعضاء هيئة التدريس بسبب ديانتها، والذى كان يهدف إلى إعاقة تعيينها المستحق فى وظيفة مدرس مساعد بالقسم، وأيضا احتجاجا على تقاعس إدارة الكلية والجامعة فى معالجة هذا الأمر الخطير رغم الظلم الواضح لذى يمكن إثباته الذى مورس ضد الباحثة والذى حاولت تنبيه المسئولين له ولكن قوبلت بإجابة وحيدة متكررة تحمل الرغبة فى الابتعاد عن هذا الموضوع الشائك.. أو بالهجوم الظالم على من خلال اتهامى بخلق موضوع فاشل.. رغم أن الذى يخلق أى موضوع هو من يبدأه فعليا وليس من يحاول التماس المساعدة فى حله بهدوء.

الكلام ده في مكان زي المنيا نسبة المسيحيين فيه تعتبر عالية، ما بالك بما يحدث في القاهرة و دمنهور. لكن طبعا كلنا عارفين أنها أصلا مش عايزة تبقى مسيحية، دي هي نفسها تحول ورقها للدين الحق بس أمن الدولة مش سايبها، و لولا الدنمارك مكانش حاجة من دي حصلت و طبعا لو كان من حقنا ننكر المحرقة كان برضه الموضوع لم يتفاقم.

و ليه يا سنين العمر

ترضي لينا بالمر

ده لولا فينا صبر

لهان علينا المر

Comments

جرى ايه يا علاء هو علشان شوية بهايم عنصريين ظلموا واحده يبقى خلاص المسلمين ولاد الجزمه في كل المحافظات وحشين و كخه !

يا جدعان اقروا الاسلام صح " لا إكراه في الدين قد تبين الرشد من الغي"

تحية للدكتور سالم أحمد سلام على موقفه النبيل اللي هو روح الإسلام و أصله مش الإسلام الكخه

و سلم لي على الهولوكوست و البقره الضاحكه

أنا طبعا مبقولش كده يا بودي و مقصدش كده أبدا.

أنا بس حبيت أنكش أشباه المسلمين اللي بتعلق عندنا اللي فاكرين أن وكستنا سببها مؤامرة دنماركية صهيونية مشتركة مش البلاوي اللي فينا، و لو أنا كتبت أو هرجت على كلمة واحدة لم تذكر أكتر من مرة في تعليق عندنا من ناس بتقول أنها بتدافع عن دينها ابقى حاسبني و أزعل مني.

المصيبة الكبيرة طبعا مش التفرقة الدينية، خليني براجماتيين معندناش دم و يولع المسيحي في ستين داهية، فكروا كده ده معناه ايه؟ معناه أن معيار الشهادة العلمية في مجال مهم زي الطب مبقاش بالكفائة، معناه الجامعة بقيت طابونة و معناه تاني مرة تاخد بنتك لدكتور أطفال خليك فاكر أن اللي دكتره ممكن يكون كان مهتم بدينه أكتر من كفائته (سموها التربية قبل التعليم برضه)، معناه اللي يجتهد و يتعلم ميلزمناش، معناه اللي يتصرف عليه من مال الضرايب عشان يتعلم عشان ينفعنا كلنا ممكن المال ده كله يهدر لسبب لا علاقة له بمهنته.

مصيبة العنصرية و التعصب مش بس أخلاقية، مصيبتهم كمان أنهم بيدمروا مؤسسات المجتمع.

أنما نتكلم عن الكلام ده؟ ولا نخلينا في الدنمارك أحسن؟

و بعدين اللي بيظلموا شوية، لكن اللي بيرفضوا الظلم شوية أقل، قوللي يا بودي بذمتك و دينك موقف الراجل ده نادر ولا لأ؟ أنا حصل قدامي موقف مشابه و محدش أتكلم، الأستاذ المحترم اللي فكر يتدخل سعى أن الكونترول يرفع الدرجات و يخلص الموضوع من سكات، و الطلبة كلهم عدا أصدقاء المظلوم و لا حتى همهم الموضوع و اتناقشوا فيه، و عااااااااااااديييييييييي

تقوليش شوية جزم، أغلب المصريين المسلمين اللي كانوا حاضرين الحدث و فاهمين اللي بيحصل سكتوا و الساكت عن الحق جزمة برضه يا سي بودي، و شوف في كام أستاذ في كلية طب المنيا سكت.

طبعا السكات مبيبقاش على العنصرية و بس، في كام أستاذ بيسكت على تعديل النتائج في الكنترول، في كام أستاذ بيسكت على أعضاء هيئة التدريس اللي بيدوا دروس و يبيعوا كتب و ولازم بالاكراه، في كام أستاذ سكت على تحرش أستاذ جنسيا بطالبة في آداب القاهرة، اللي خلا ده خبر أن فيه أستاذ مسكتش الخبر نفسه عااااااتي و اللي اتحرم من الشهادة عشان دينه على الأقل ليه الجنة، يا أما ناس أتحرمت عشان تقرير الأمن أو عشان الأستاذ الفلاني قافش عليهم كده، أصل الشهادة دي يا ابني خلق و كل خلقة و بختها.

يا عم بودي روح، أنت فاكر عموم الناس زيك و أنا صعبان علي برائتك.

المشكلة ان ده نوع من أنواع العجز والكسل الانسانى لايجوز نسبته الى دين..يعنى لو فيه متخلفين بيحاربوا انسان متفوق عشان دينه فده مش معناه ان الاسلام هو اللى بيعمل كده..معناه ان فيه ناس عاجزة بتعمل ده...يعنى دايما يقول لك ده المسيحيين عايزين يسيطروا على الطب والمال عشان يتحكموا فى البلد فدايما تلاقى أغلبهم دكاترة أو تجار دهب...وده هبل..طيب هو حد حاشكم تبقوا زيهم؟ طيب هما بيجتهدوا وشاطرين حتى لو كانوا مدفوعين بعقدة الاضطهاد بس فى الاخر ده حقهم وحق كل انسان مجتهد ياخد نتيجة اجتهاده مهما كان دينه لأن دى دنيا والرسول عليه الصلاة والسلام قال :-أنتم أعلم بأمور دنياكم...وقال أيضا :- لو كانت الدنيا تساوى عند الله جناح بعوضة ماسقى الكافر منها شربة ماء. وفيه مجموعة مستشفيات شهيرة اسمها تبارك(منها فرع فى العمرانية على ما أعتقد)..استحالة تلاقى فيها دكتور مسيحى..وبرضه استحالة طفل يخف فيها من أول مرة لأنهم أغبياء وبيقيموا العلم غلط...وكذلك فيه رؤساء أقسام مسيحيين بيضطهدوا طلبة مسلمين. من الاخر...العلم لا دين له وتحياتى لهذا العالم الشجاع

This is wide known issue in egypt

This is not just few ignorant discriminative people

But this is a culture that has grown so much deeper in Egypt that it is accepted to do so

If i start to tell you about all the cases I witnessed personally and the ones i heared from others, you won't beleive it

But the most domininat example is Dr. Magdy Yackoub

john ghaly

OK, these things happened and still happen, but NOT all stories are true, even the most widespread ones. I can tell you that your "most dominant example" of Magdi Yacoub is irrelevant. He didn’t get a university job in Egypt, but you cannot tell if it because he is not a son of a staff member or because he didn’t work hard enough or because he is Christian? Anyway the man and members of his family don’t say that the reason was because of his being Christian, and that’s why he has no complex from coming regularly to Egypt and operating in Kasr el Ainy or other hospitals. But unfortunately many Christians use his example out of its context like you are doing. When Magdi Yacoub hears someone saying this, he gets angry and says that it is nonsense.

قصدك ايه يا علاء ان مفيش مؤامره!!

لا انا مسمحلكش المؤامره واقع حقيقي بنعيشه كل يوم بدليل ان اسرائيل وقعت اتفاقية الغاز مع مصر مخصوص علشان تبقى متوصله بخطوط الغاز في مصر و كل اللي عليهم يعملوه علشان يفرتكونا انهم يرموا ساروخ من بتوع العيد في طرف الماسوره اللي عندهم

فعلا موقف الراجل ده نادر و للأسف فعلا البنت دي مش الأولى ولا الأخيره اللي يحصل معاها شيئ زي ده و اي واحد مر بمراحل التعليم العالي في مصر شاف كتير أوي و دي أكبر كارثه السكات على المهازل دي.

ولا يهمك يا علاء أي حد يجي لك رافع راية الاسلام و راضي عن اللي حصل ده ابعته لي و انا هحط الرايه دي في ......... ولا بلاش الطيب احسن

المشكلة كمان أنك لما تتريق على المؤامرة الناس تفتكرك بتنكر وجود اسرائيل و أمريكا و البلاوي المتلتلة

المسألة بس أنها مش مؤامرة، ده على المكشوف تماما و شامي و مغربي، بس متستهبلوش و تتغروش و تفتكروا ده خوفا من حاجة خاصة فينا كعرب أو مسلمين، دي مصالح لو كان اللي في المنطقة شعب تاني له أصل تاني و ديانة تانية كانوا عملوا نفس الشيئ و الدليل أنهم بيعملوا نفس الشيئ في بلاد تانية و شعوب تانية لو تعلمون.

فيه اسرائيل و فيه أمريكا بس فينا أحنا البلاوي متلتلة و اللي مرجعنا وراء أحنا مش اسرائيل ولا أمريكا.

و زي ما قالت العزيزة جوان بايز، الأول القاهرة و بعدين تل أبيب

first we take cairo

then we take Tel Aviv

هو في مؤامرة بيقى اسمها "أصل هم اللي استدرجونا علشان نديهم غاز" يا أستاذ بودي!

وللا قصدك أن حكومتنا كمان متآمرة و هبلة؟ وضح و علل.

لو سمحت ما لكش دعوة بالست جوان، يا علاء.

تولع و للا أولع؟ :)

"أغلب المسلمين ساكتين على الموضوع ده"

هوا ده من تقاليد كلية الطب... يعني انت مبتناقش ان مفيش نواب مسيحيين في قسم كذا.. مبتناقش امتحانات الشفوي...مبتناقش أوضاعك الزفت كطالب وطبيب بعد كده.. مبتناقش تصرفات الأساتذة... انت بتخضع للظروف والنظام وبتحاول تسلك نفسك... انت مش ابن دكتور، تحاول تشوف واسطة نص نص -أستاذ يوصي عليك ومتكونش ابنه- في امتحان شفوي عشان تسلك نفسك... البتاعة كلها خربانة وانت وشطارتك....

عارف يا علاء، أنا خريج كلية طب، تقريبا مسمعتش غير عن 2 أو 3 أساتذة مثلا مبيعترفوش بالتوصيات في الامتحان الشفوي في كلية طب بتاعتي كلها بكل أقسامها.. دول الحنبليين... الدكاترة الكويسين بيكتفوا انهم يتساهلوا مع المتوصي عليهم، بس يدوا درجات عادلة لبقية الناس...

عارف صدقني، أولا لما قلت أغلب المسلمين كنت بتكلم عن واقعة حضرتها أنا في معهد هندسة الطيران المدني بهيئة التدريب على الطيران المدني بامبابة مش موضوع كلية طب المنيا اللي محضرتهوش

لكن عارف و كتبت بعدها في نفس التعليق اللي أنت بترد عليه

طبعا السكات مبيبقاش على العنصرية و بس، في كام أستاذ بيسكت على تعديل النتائج في الكنترول، في كام أستاذ بيسكت على أعضاء هيئة التدريس اللي بيدوا دروس و يبيعوا كتب و ولازم بالاكراه، في كام أستاذ سكت على تحرش أستاذ جنسيا بطالبة في آداب القاهرة، اللي خلا ده خبر أن فيه أستاذ مسكتش الخبر نفسه عااااااتي و اللي اتحرم من الشهادة عشان دينه على الأقل ليه الجنة، يا أما ناس أتحرمت عشان تقرير الأمن أو عشان الأستاذ الفلاني قافش عليهم كده، أصل الشهادة دي يا ابني خلق و كل خلقة و بختها.

المشكلة مش في مسيحي و مسلم بس و المشكلة مش في كلية الطب و بس و المشكلة مش في جامعة المنيا و بس و المشكلة مش في الجامعة و بس الغريبة بس أن المرة دي في حد استقال، رجل عجيب حقيقة جاي ينغص على الماس عيشيتها و يستقيل مع أن اللي بيحصل ده هو النظام، حاجة كده تفكرك بالدبلوماسي يحي نجم اللي برضه استقال مع أن اللي بيشتكي منه ده عااااااتيييييي

انا ماعرفش الوضع ايه في المنيا بس فكرة التحيز ضد طبيب مقيم لمجرد ديانته بعيدة لسبب بسيط (الكلام طبعا عن جامعة القاهرة لاني ماعرفش حاجة عن المنيا كما قلت) ان الجميع من البداية عارف ايه الخطوط الحمراء بتاعته يعني المسيحي يعلم انه لا يجب ان يفكر في جراحة قلب و صدر و لا مسالك ولا امراض نساء , طبعا لو طلب نيابة اي حاجة منهم ممكن ياخدها لكن مش هايتعين بعد كدا مدرس مساعد و الوسائل كثير

نفس الفكرة مثلا بالنسبة لي باعتبار اني بنت عمري ما فكرت في انف و اذن او جراحة قلب و صدر او مسالك او جراحة مخ و اعصاب او عظام , عشان البنات مش مسموحلهم "يهوبوا" ناحية هذه الاقسام

طبعا كل كلامي ليس عن ابناء اساتذة الكلية

و بالتالي ماحدش بيعاني من اضطهاد بعد تعيينه طبيب مقيم عشان مافيش مجنون بيدخل اقسام ممنوعة عليه عارف و متيقن ان ماحدش هايسيبه يكمل فيها

اغلب ظني ان حالات الاضطهاد للاطباء المقيمين بتبقى لسبب ابعد من كدا يعني الدفعة التالية فيها حد مهم ابن حد مهم و لازم تفضى له اكثر من درجة تحسبا للظروف , فيتم ابعاد حد من دفعة اكبر لاخلاء اماكن (طبعا من يتم ابعاده ليس ابنا لشخصية هامة بصرف النظر عن دينه او نوعه)و في كل الاحوال بنت و مسيحية الاقسام المحظورة كانت كتير جدا فطبعا اختارت الاطفال باعتبارها ليست محظورة للاثنين (المسيحيين و البنات)

بصفة عامة يا علاء الموضوع دا رهيب و مقرف , و اهم ما فيه ان دوافع التعيين و عدم التعيين عندنا كتيييييييييييير جدا ليس الجانب العلمي احدها ,آخر حاجة لها حساب (اذا كان لها حساب اصلا) هي الناحية العلمية

طيب ما حد يرسملنا خريطة للموضوع ده، عشان نفهم بس

كلام بلو روز مضبوط، عن ان الاساتذة ميقدروش يمنعوا حد من النيابة ما دام خدها بترتيبه(أفتكر الحاجة الوحيدة هي موافقة الأمن) بس ممكن ببساطة يحرموه من التعيين كمعيد بعد ما يخلص نيابته، أو يمنعوا عنه العلم، أو يطلعوا عينه في الشغل، أو يلبسوه تحقيقات. من الآخر بيفهموه انه/انها مش هيمشي هنا...

شوية ملاحظات عامة

"الفلاحين" مش مرحب بيهم من البعض. في أساتذة بيحتقروا كل اللي مش من ولاد المدينة أو من مستوى اجتماعي مش قد كده وبيعتبروهم أجلاف... محصلش انهم اتمنعوا من التعيين قبل كده على ما أظن، بس البعض ينقصوهم درجات ... ده تقريبا له علاقة باحساس الأساتذة انها تكية أبوهم وانه ممكن يدخل أو يطلع أو يمنع أي حد

جراحة عامة: مفيش بنات.

نساء: المسيحيين استحالة. البنات بيدخلوا ودلوقتي حالتهم أحسن من الأول بكتير. من كام سنة اللي بيحضروا تخصص من برة الجامعة في النساء من البنات ممكن يلاقوا صعوبة أكتر عشان نظرية ان الست هتحب تروح لدكتورة نسا، يعني الدكتور كده بينجح حد ينافسه ويخطف منه السوق.

وأنا بكتب الكلام ده بحس ان المشكلة الأساسية مش في نوع التحيز. بحس ان السلطة المطلقة اللي عند الأساتذة بتخليهم يطلعوا كل الخراء اللي داخلهم من تحيزات أو نظريات عن الحاجة الأحسن.

بص عندي في الكلية في 3 رؤساء اقسام مسيحيين و فيه قسم كامل غالبية الدكاترة الي فيه مسيحيين يعني مش قاعدة و اؤكد على كده

المشكلة الحقيقية مش قصة مسيحي بيحصل تمييز ضده المشكلة ان الأمتحانات في الكليات و كلية الطب خصوصا بتخضع لتقييم الدكتور و هو بشر يعني ممكن ينجحك او يسقطك على مزاجه وده شئ عمري ما شفته في حتة تانية علشان كده الأمريكان اخترعوا حل ظريف للمشكلة دي يكفل تكافؤ الفرص الا وهو ال ام سي كيو بديل عن الأمتحانات النظري اللي كلها دش و تقدير الأجابات بيعتمد على المصحح و ضميره و الأمتحانات العملي بقت ماشية بنظام الدكتور المشرف ما بيدخلش الا في نطاق ضيق و ده في رأي هيحل كل المشاكل سواء ناتجة عن تمييز ديني او غيره

نفس القصة بالنسبة لأختيار المناصب و البعثات لو اتحطت معايير تقييم ثابتة لا تدخل بشري فيها هتحل كل المشاكل دي

أنا بقى ليا تجربة شخصية مضادة...زى ماقلت قبل كده أنا مهندس..وحظى الهباب خلانى فى سنة من السنين اشتغلت فى شركة مقاولات اسمها سامكريت لصاحبها سامى سعد...وهى قلعة فى المنصورية وسامى سعد ده حوت كبير صاحب توكيلات مرسيدس وسكودا وشويبس وشركات مقاولات وكمبيوتر...الخ..ومسيحى. المصيبة هناك كمية الاضطهاد الرهيبة للمسلمين ومهما كانت كفاءتك استحالة توصل لأى منصب قيادى...وبلاوى سودا لو أحكيها مش حانخلص...وده عكس ساويرس مثلا اللى بيتبعوا الأسلوب الليبرالى فى العمل..المعيار هو الكفاءة فقط....ده مايمنعش ان فيه شركات كتير بتتباهى انهم مابيشغلوش مسيحيين...دول ودول حاجة تقرف...المعيار فى أى مجال لابد أن يكون للكفاءة فقط...فكما أنه فى الدين المعيار هو التقوى فلابد أن يكون فى العمل والدراسة وكافة حقوق العباد المعيار هو الأحقية والكفاءة...أكرر أن هذا الجهل والتعصب لايجب أن ينسب للدين بل ينسب فقط لصاحبه.

اه بالمناسبة موضوع المسيحيين عايزين يسيطروا على الطب و الدهب ده كلام فاضي عمر ما اقلية بتسيطر على دولة لازم تحطوا الكلام ده في دماغكم يعني كان الأمريكان عملو كده مع السود مثلا او الأمريكيين من اصل روسي او اسيوي لكن في المقابل بيدوا الأقليات الحرية لأن لو طلع منهم عالم او مخترع ده اضافة للبلد

بالنسبة لبلو روز انا كنت فاكر القاهرة مافيهاش الكلام ده احنا عندنا الأقسام ال كلينيكال مابتخدش بنات اصلا ماعد استثناءات يعني الباطنة 2 و الرمد واحدة و هكذا و الحجة بتاعتهم ان الستات بياخدوا اجازات كتير (وضع و كده) علشان كده حل الموضوع زي ماقلت معايير ثابتة للتقييم بدون تدخل بشري

ملحوظة لعلاء: انا ضيفت البلوج الجديد للمجمع بقالي اسبوع ولسه ماتحطش هو في مشكلة ولا ايه؟

أحب أعيد توضيح ان موضوع السيطرة على الطب والدهب ده مش كلامى لكن ده كلام ناس كتير ولو تفتكروا فى فترة من الفترات الجماعات الارهابية كانوا بيهاجموا محلات الدهب علشان الفكرة الوسخة دى باعتبار ان أموالهم غنيمة...بالنسبة للدكاترة والله أنا والدتى لغاية دلوقتى بتحلف بحياة دكتور ودكتورة مسيحيين كانوا بيعالجوها زمان وعلى ما أتذكر كانو أمراض نساء وباطنى.

خريطة لايه بالظبط يا علاء؟؟؟؟؟ اصل اللخبطة كتير و رسم خريطة لما يحدث في كليات الطب ماساة المفروض بمجرد نهاية الامتياز يتم تعيين اطباء مقيمين (نواب)ودي قانونا تبعا لمجموع البكالوريوس+درجة المادة اللي هاياخد فيها نيابة (مثلا لو عايز نيابة نساء يبقى المجموع التراكمي +درجة النساء) بمعنى ان لو واحد قدم على نيابة ,هايتعين فقط لو مافيش واحد بمجموع اعلى قدم على نفس النيابة النيابة 3 سنوات ,و النائب مش متثبت بمعنى ان بعد انتهاء النيابة ممكن يتم تعيينه مدرس مساعد و ممكن لأ (تعيين المدرسين المساعدين بيكون تبعا للمجموع التراكمي في البكالوريوس يعني مستحيل يعين مدرس مساعد باطنة مثلا الا اذا كان كل نواب الباطنة لنفس الدفعة اللي مجموعهم في البكالوريوس كان اكبر تم تعيينهم مدرسين مساعدين) , طبعا في خلال نيابته بيكون خلص الماجستير كل اللي فات دا الكلام الرسمي , نيجي بقى للواقع المفروض الجميع عارف تماما قبل اختيار نيابته ماهو مقدم عليه يعني زي ما قلت كل واحد عارف ايه المحظور عليه اختياره لانه لو اختاره هناك اكثر من وسيلة لمنعه من التعيين بعد نهاية النيابة الاهم ان الكل عارف كام نائب هايتعين بعد نهاية النيابة , يعني مثلا الجميع عارف ان المطلوب 4 نواب جلدية و ان بعد 3 سنين هايتعين 2 فقط مدرسين مساعدين , و بالتالي الثالث و الرابع عارفين من بداية النيابة انهم مش هايتعينوا في نهايتها طيب فرضنا في دفعة واحد من اللي مش هايتعينوا ابن شخصية هامة؟؟؟ مثلا في سنة من السنين كان فيه 10 نواب باطنة هاياخدوا منهم8 مدرسين مساعدين , لكن العاشر ابن رئيس قسم باطنة ولازم يتعين يعملوا ايه؟؟؟؟؟ اللي حصل ساعتها انهم بالنسبة للدفعة الاكبر منهم عينوا 2 بدل 8 و بالتالي تم اخلاء 6 درجات زيادة , و لما تيجي دفعة ابن الاستاذ يتعين ال 10 كلهم و بردو في اختيار النواب , في سنة كان فيه ابن وزير تعليم عالي عايز نيابة امراض متوطنة و تم تحذير 2 قبله (مسيحيين) ان القسم مش عايز مسيحيين ,لكن الواقع ان القسم ما يقدرش يقول لابن الوزير ان فيه ناس مجموعها اعلى بالنسبة للبنات تم وقف التعيينات تماما في احد الاقسام فترة طويلة عشان واحدة اتجرات و اخدت نيابة مش مسموحة لها و طبعا القسم مش ممكن يتنازل و يعين بنت!!!!

http://dblueros.blogspot.com/

يانهار أسود ومنيل...دى عاملة زى المشى على الحبل...ليه الذل ده كله؟ حسبى الله ونعم الوكيل فى اللى عملوا كده فيكى يا بلد

نسيت اقول اللي يغيظ بقى تسمع كلام عن "عدم التوازن في بعض الاقسام" و يشتكوا ان قسم الجلدية مثلا بقى مافيهوش رجالة (دي حقيقة كله بنات)و قسم طب المجتمع بقى جمعية ربات البيوت , و ان اقسام الانف و الاذن و الاشعة بقت كنائس طيب ماهو الناس دي ممنوعة من اقسام بعينها و طبعا هاتتكدس في الاقسام المتاحة , طبعا الرد دا مش عاجب و البهوات معترضين على "عدم التوازن"!!!!! تقول لهم ايه دول؟؟؟؟

http://dblueros.blogspot.com/

هو أنا الوحيد اللي فهمت التدوينة على أنها إشادة برجل محترم (آخر) استقال بسبب مبدأ!

أنا مش شايف فيها أي إدانة للإسلام و لا لمهنة الطب و لا للأطفال و لا إنكار لوجود تعارض في المصالح بيننا و بين إسرائيل؟

أنا كمان عاوز أعرف إزاي جات التقسيمة بتاعت البشرية على تخصصات الطب؛ غير موضوع خوف الذكور من منافسة الإناث في تخصص النساء.

النقاش هنا يا الف على المبدأ , عن نفسي اشك في فكرة التحيز ضدها لسبب ديني (مش عشان مافيش تحيز لسبب ديني لكن عشان كلنا عارفين فين التحيز و بنبعد عنه) و عشان كدا وضحت صورة اللي بيحصل يعني كان نفسي هذا الرجل يعلن السبب الحقيقي لاضطهادها

اما الاجابة عن سؤال ازاي جات التقسيمة فمالهاش اي معايير يعني ماحدش لاقي اي سبب منطقي لمنع الاناث من التخصص في الانف و الاذن مثلا

http://dblueros.blogspot.com/

الطب فى مصر تغير من رسالة الى سبوبة

لم يعد الطبيب من يخفف الام البشر , بل هو كما يصفة بعض الناس " ابو حصالة "

يعنى ببساطة هو من يتاجر بالام الناس

لقد انهارت ما يقال عنة اخلاق المهنة

والامثلة على ذلك كثير :

اولها نقيب الاطباء الذى يحارب زيادة عدد كليات الطب لان ذلك سيزيد عدد الاطباء وبالتالى سيقلل اجرهم

اما حكاية ان الاطباء تعلموا على حساب الغلابة ومن فائض جهدهم على مدى 50 سنة فطبعا ملعون ابو الغلابة على ابو جهدهم

والمثل الثانى مشروع التأمين الصحى والذى تحول من رعاية الغلابة الى وسيلة و سببوبة لمحاربة بطالة الاطباء

فهو يضم كل طبيب صايع مالوش عيادة يأمر وينهى ويكتب الادوية على مزاج اهلة وهو يدرك انة لا راد لحكمة

اما المثل الثالث والاخير حتى لا اطيل فهو المستشفيات الاستثمارية فهى فنادق يخدم القادر على الدفع وياريت بالعملة الصعبة يعنى برضة سبوبة

اما من بقى من جيل الاطباء الذى يلتزم بتقاليد مهنة الطب فهم قليل ينظر اليهم للاسف على انهم شواذ

المسألة ليست باى صورة تفرقة دينية او تفرقة بين رجل و امرأة انها للاسف فقط سبوبة يحكمها اليات السوق

او بمعنى اصح اليات السوء

تبدأ فى كليات الطب وتنتهى فى القير

وستظل هكذا الى ان ينال هذا الشعب ما يستحقة من حكومة تدرك ان مصر ليست عزبة لاحد او سوق للدعارة السياسية

هو انا عارفة ان دا مش الموضوع , لكن مشاكل التامين الصحي العديدة ليس من ضمنها (فهو يضم كل طبيب صايع مالوش عيادة يأمر وينهى ويكتب الادوية على مزاج اهلة وهو يدرك انة لا راد لحكمة ) اولا عن خبرة من لا يمتلك عيادة خاصة من الاطباء و هم قليل هم الاكثر التزاما بالعمل الحكومي لان الآخر العمل الحكومي بالنسبة له تضييع وقت ممكن يجيب فلوس بالعمل الخاص ثانيا عجبتني كلمة يكتب الادوية على مزاجه , اصل الحقيقة حاجة مستغرباها جدا ان المريض المصري بيعتبر نفسه طبيب نفسه , و مهمة الدكتور (طبيب التأمين) بالنسبة له هي انه يكتب له الادوية و التحاليل و الاشعة اللي المريض يحددها , و طبعا لو الطبيب افتكر نفسه بيفهم عن مريضه مثلا و قرر هو ما يحتاجه المريض يتشتم للصبح لانه يكتب على مزاجه نعم هناك مشاكل رهيبة في التامين الصحي , و كذلك في ثقافة سوء استخدام الخدمات عند الناس http://dblueros.blogspot.com/

معلش يعني ايه دكتور صايع؟ الدكتور اللي معندوش عيادة خاصة يبقى صايع؟ عموما من مشاكل المستشفيات الحكومة ان الدكاترة بيزودوا مرتباتهم العدمانة عن طريق اساءة استغلال سلطتهم بانهم يدخلوا المرضىاللي بيجولهم في الشغل الخاص (عيادة) للمستشفى العام. فيه مرضى بيروحوا لدكتور في التأمين مثلا بهدف واحد انه يدخلهم يتحجزوا في المستشفى

طبعا السادة الحاكمين بأمرهم من أساتذة الجامعة الى درجة مدرس بيقدروا يدخلوا حالات على مزاجهم للمستشفيات الجامعية

التوقيع: دكتور صايع معندوش عيادة

التعليم الطبي في مصر بيتدهور لسبب بسيط كل سنة في طن من الدكاترة بيدخلوا سوق العمل يعني ايه الدفعة تبقى الف و خمسميت واحد هيتعلموا ازاي دول في كلية قائمة اساسا على التدريب العملي و بعدين هل احنا محتاجين كل العدد ده من الدكاترة

كان ليه تجربة زيارة لكلية طب الأسنان في جدة في السعودية الدفعة هناك حوالي 30 واحد و بياخدوا دفعة كل 5 سنين علشان ببساطة هما مش محتاجين اكتر من كده لسد اجاتهم من اطباء الأسنان ده غير انهم بيلاقوا وقت انهم يتعلموا تعليم جيد وبعدين انت عارف الدكتور في امريكا بياخد كام

Its not a matter of beyakhod kam. Its like beyedfa3 kam. A student in the medicine school in USA pays $30'000 to $40'000 a year withouth other expenses and after passing a series of tough tests and they are very selective of those with high grades only.

Here in Egypt it is a big catastrophe. You only have to pass sanaweyya 3amma. You pay nothing...no you pay to the patients in 4th year in order for them to help to diagnose them. You pay for private lessons. You pay university nothing. We have no education in Egypt. It is this simple. Some specializations need special funding like medicine, engineering and pharmaceuticals. If the government really care for equality, it would have setup a scholarship and financial aid system. The academic system is corrupt here and has to be changed.

السلام عليكم..

يظهر المسيحيين واخدين حقهم في البلد دي أكتر من أي حد.. يعني الدكتورة دي تحمد ربنا إن حد اتحرك عشانها..

أنا أعرف عدة أشخاص اتمنعو من التعيين بسبب إنهم إخوان مسلمين.. ومحدش عبرهم بأي حاجة..

يا راجل يا مفتري ما جماعة تسعة مارس عملت أكتر من تحرك عشان ناس تعيينهم اتعطل بسبب تقرير الأمن و منهم حالة في قسم حشرات كلية علوم جامعة القاهرة تم تعيينها

السؤال هو ليه اعضاء تسعة مارس اللي هم قلة هم بس اللي بيتحرك و يتكلم

و بعدين فين تحرك باقي أساتذة الاخوان المسلمين و هم مش قلة

و سلملي

أفتكر في طالب من الاخوان الأول على دفعته اتحرم من التعيين بسبب الأمن اتبنت قضيته جماعة 9 مارس ونجحت في انها تضغط لحد تعيينه

مش عارف ليه بتعتبر ان المطالبة برفع الظلم بقت حاجة زيادة وتطالب اللي اتكلم بانه يسكت زي ما بقية الناس ساكتة. " ما كلنا طافحين المر، اشمعنى جت عليها يعني" أو انه أخد من حق ليك انت ، بدل ما تعتبر رفع الظلم عن فرد مفيد لانه يعني رفع الظلم عنك انت كمان.

منع الاخوان بيكون عادة من الامن اما هذا النوع من الاضطهاد بيكون من داخل الجامعة و طبعا مش منطقي ان حد يقدم استقالة مسببة (اي استقالة مسببة تستوجب التحقيق في اسبابها) عشان رفض الامن لسبب بسيط , ان الجامعة اصلا تنكر ان هناك ما يسمى استعلام امني , و سبب كمان ان الجامعة ليس لها سلطة على الامن لكن العكس هو الصحيح و بالتالي فالاستقالة هنا ليست الطريقة المثلى للاحتجاج لانها لن تكون ذات فائدة

http://dblueros.blogspot.com/

رفض الأمن مش سبب بسيط نهائى يا سيدى الفاضل وانما هو ديكتاتورية معهودة

انا قلت انه سبب بسيط؟؟؟؟؟؟؟؟ انا قلت انه (على عكس الموضوع هنا) اعلى من سلطة الجامعة , و بالتالي اذا فكر واحد يقدم استقالة مسببة للجامعة للسبب دا (الاستقالة المسببة تقدم للتحقيق في اسبابها بحكم القانون) فلن يستفيد شيئا , لان الجامعة ليس لها التحقيق فيما يخص الامن , و لانها اصلا تنكر وجود الاستعلام الامني http://dblueros.blogspot.com/

أرجو قبول استقالتى من رئاسة قسم طب الأطفال احتجاجا على الممارسات المعادية لحقوق المواطنة

انا ماخدتش بالي من الجملة دي رئيس قسم؟؟؟؟؟؟؟؟؟؟؟؟؟؟ رئيس القسم هو الحاكم بامره في القسم ,و هو صاحب الكلمة الاولى و الاخيرة في تعيين المدرسين المساعدين في قسمه ,و هو من يضطهد او لا يضطهد فلان او غيره و هو من يحذر المسيحي او البنت من دخول قسمه و هو , و هو , و هو انا كنت فاكرة الاستقالة احتجاجا على تصرفات رئيس القسم , لكن رئيس القسم استقال احتجاجا على تصرفات اعضاء هيئة التدريس اللي تحت رئاسته؟؟؟؟؟؟؟؟؟؟؟ الموضوع دا بالنسبة لي مش مفهوم نهائي http://dblueros.blogspot.com/

That is what usually happens in practice Bluerose. However, legally the head of the department has no more authority than any other member of the department in relation to academic affairs, except in case of equal votes in the department where he has the casting vote. In rare cases, like apparently this case, if the head of the department is unusually fair or different, the rest of the professors can outvote him and he does not have much space to change how things are done. I hope what I have said clarifies this for you. Amr

تفاصيل الموضوع

أنا آسف أني منشرتش تفاصيل أكتر.

الموضوع يا سادة مختلف عن فهمكم شوية، السيد رئيس القسم وجد قدامه طالبة ماجستير مرت بامتحان تحريري ورقة منه حازت على امتياز و الورقة التانية صفر!!!

خد الكلام ده لمجلس القسم و معاه مراجع و عرضه على المجلس، المجلس أقر بتعديل الدرجة الي جيد و نجحت البنية و عدت المسألة.

رئيس القسم قرر أن لازم يتم التحقيق في الموضوع و عقاب المتسبب و الا بقى الموضوع ده حاجة عادية، و مجلس القسم أحاله للعميد و العميد أحاله لرئيس الجامعة، و رئيس الجامعة رفض التحقيق.

لما رئيس الجامعة رفض التحقيق قدم رئيس القسم استقالة مسببة مثبت فيها نسخ من ورق الامتحان و بيطالب بالتحقيق في أسباب استقالته و قرر فصحه في الاعلام للضغط على الجامعة في أن تحاسب المسئول، و أظن الكلام ده كله كان مكتوب في الرابط اللي عند كفاية.

طيب أمال ايه المشكلة؟لما هى نجحت وخدت حقها..يبقى ايه الدليل ان رفض التحقيق بسبب دينها؟أنا حقيقى كده اتلخبطت

محدش بيقول رفض التحقيق بسبب دينها، الاتهام أن النتيجة الظالمة كانت بسبب دينها، رفض التحقيق عادة متفشية في الجامعة و الاستقالة اعتراض على رفض التحقيق، ضغط لفرض التحقيق يعني.

أنا متهيألى كده ان الموضوع اختلف..لو الدكتور الممتحن مضطهدها ماكانش اداها امتياز (هل الورقتين لدكتور واحد؟)....وبعدين هل هو اداها صفر فى الورقة التانية بسبب دينها؟ طب ليه اداها امتياز فى الأولى ويلفت النظر بهذا التناقض الصارخ؟ متهيألى لو كان قاصد اضهاد دينى كان اداها مقبول مثلا فى الأولى ووقعها فى التانية (من غير صفر).. هو الموضوع أكيد فيه ظلم بس ليه الدكتور المستقيل اعتبره ظلم بسبب الدين؟ مش ممكن يكون بسبب توازنات الدفعات زى ماشرحت بلوروز؟

كل ورقة مسئول عنها دكتور مختلف طبعا، عشان كدة اسمها ورقتين، و عشان كده في دليل على الاضطهاد

أما ليه التفسير أن الاضطهاد ديني، ده رأي رئيس القسم و هو بيطالب بتحقيق عشان كده عشان يتشاف ليه و ازاي

هو المفروض كل ورقة مسئول عنها اكثر من استاذ , و لا يعرفون من هو صاحبها اصلا التلاعب اللي باتكلم عنه بيكون في درجات الشفوي و العملي (50% من الدرجة)لكن التحريري التلاعب فيه نادر جدا لانه شديد الخطورة (فاكرين قضية د/فطين)اما سبب وجود تفاوت رهيب في الدرجات فهذا هو الغير مفهوم , و غالبا هو سبب المطالبة بالتحقيق ,لكن فكرة سؤال استاذ عن سبب تقييمه لطالب عادة مستهجنة في الجامعة , كتير جدا كنا بنتناقش عن التفاوت الغير المنطقي في الدرجات و يكون الرد انه عيب سؤال اي استاذ عن تقييمه المهم انا كدا فهمت الموضوع (اي استقالة مسببة يلزم التحقيق في اسبابها بحكم القانون , و بالتالي كانت دي الطريقة الوحيدة للتحقيق في الموضوع) انا كدا بردو لسة مش مقتنعة ان السبب ديني لكن دي بشرى خير , يمكن تكون سابقة للتحقيق في اي واقعة تفاوت في الدرجات , او على الاقل رادع لاساتذتنا العظام http://dblueros.blogspot.com/

أنا أعرف موضوع د.ميرا بطريقة غير مباشرة. معرفش بصراحة رئيس القسم استقال فى أى مرحلة بس حقولك اللى أعرفه. د.ميرا رابع الدفعة وأول التخصص (أطفال) وفيه وظيفة مدرس مساعد نازلة اليومين دول. المفروض تبقى أحق واحدة بها إلا إذا مجابتش جيد. المهم فيه مجموعة فى القسم (للأسف أغلبية) رافضين تعيين أى حد مسيحى وبالتالى طلعت النتيجة عاملة كده ورق صفر وورق امتياز (طبعا امتحانات الماجستير بيبقوا اللى داخلين بالكتير 10 والدكاترة بيبقوا عارفين الخطوط بالذات خطوط نواب القسم). المهم أن بعد التحقيق النتيجة طلعت جيد وبالتالى تبقى برضه هى أولى بالوظيفة. بعدها دكتورة من مجموعة الأصفار افتكرت أن د.ميرا كانت كلمتها بطريقة مش كويسة من فترة وحولتها للتحقيق واستشهدت بواقعة معينة. المهم فيه دكاترة تانيين فى القسم كانوا حاضرين الواقعة وقالوا أن الكلام ده محصلش لكن محدش استدعاهم يسألهم ولا حتى عرفوا أن فيه تحقيق. بعدها طلعت نتيجة التحقيق بتوقيع جزا وعميد الكلية اعتمد نتيجة التحقيق قبل ما يعرضه على القسم مع أن المفروض يعرض النتيجة على القسم الأول. بعد كده نفس مجموعة الصفر قالوا انهم رافضين تعيينها عشان عليها جزا مش عشان ديانتها فرد عليهم المجموعة التانية بأن بصرف النظر عن الواقعة دى مشكوك فيها فالقسم عين ناس عليهم جزا قبل كده. المهم أن الوضع الحالى أن الإعلان نزل بوظيفة مدرس مساعد واحد واللى حيتاخد فيه اللى وراها.

انا كدا فهمت الموضوع ,القصة كدا فعلا اكبر من رئيس القسم لان حرمان ميرا من حقها تم تقنينه (الجزاء يمنعها من التقديم على الوظيفة) خصوصا انه تم توقيعه خلال 6 شهور من الاعلانعن الوظيفة دا ظلم رهيب

http://dblueros.blogspot.com/

شكرا على التفاصيل أنت فهمتينا حاجات كتير و أنا هحاول أتابع الموضوع أكتر من كده.

The incident of discrimination against this female doctor because of her religion is not uncommon but rather one of several cases that happen on both sides (for both Muslims and Christians). This predominantely take places because of a fanatic professor (Muslim or Christian) who sets in these exams with pretty much unrestricted authority to determine the fate of his student. I graduated from the College of Pharmacy, Cairo University, more than 12 years and I remember the rumors about two professors in the Pharmacology Department (one Muslim and the other Christian) taking turns in screwing up the students from the other religion in the oral exams. They simply had control over 40% of the subject grade and by doing this they denied several students from both sides their right to become appointed as part of the academic staff in this department.

I personally believe that it is very important to advocate and even enforce equal rights between all Egyptians regardless of their religion, economic or social status, or any other factor. This will lead to equal rights for all parties including those who belong to Muslim Borotherhood, Christians, and main stream Muslims. After all, it is very hard to practice injustice when you have been treated fairly by the society but revenge in response to such injustice come very easily and destroys the social fabric of our country with no benefit to any one. Thanks.

بطلو كلام متخلف بقي انتو مش وراكم غير الكلام الهايف داه ايه يعني يقدم استقالته هوة مش اول او اخر واحد و بعدين الكلام الاهبل اللي بتكتبوه دا يا كس امك هوة اللي بيجيب الفتنة

ايه هو بالظبط الكلام المتخلف؟ رفض الظلم كلام متخلف؟طلب العدالة كلام هايف؟أنا مش قادر افهم؟ ويعنى ايه سعادتك "هو مش أول أو اخر واحد" ؟ احنا طبعا فاهمين انه مش أول واحد محترم ونتمنى انه مايكونش اخرهم..بس انت تقصد ايه؟ ومتشكرين على "كس أمك" اللى بقت لبانة فى بق كل واحد ..بس بجد كلامنا هو اللى بيجيب الفتنة؟ ياميمو انت مش عايش فى البلد؟ انت بتصدق الشيخ والقسيس اللى بيأجروهم كل ماتظهر حاجة عشان يبوسوا بعض ويتصوروا ويقول لك كله تمام وكله وحدة وطنية؟ حقيقى أنا مستغرب

تحية إلى هذا الرجل الشجاع صاحب الموقف فى مجتمع عفـــن

أرجو من ناشر المقال وضع إي ميل للأستاذ الدكتور سالم أحمد سلام ، لإرسال رسائل تعضيدية له , ولكى أشكره على موقفه الإيجابى.

بعتنا نستأذن منه أننا نكشف عنوانه.

هو بس عشان نحط الموضوع فى حجمة الحقيقى هو أستقال من رئاسة القسم وليس من الكلية، ورئاسة القسم غالبا بتبقى بالأقدميه ولمدة سنتين و البدل بتعها حوالى 200 جنية شهريا. ولا أقصد ان اقلل من الموقف المشرف الى أخذه الدكتور لكن زى مقولت عشان الأمور تبقى فى حجمها الحقيقى.

"كل اللي عليهم يعملوه علشان يفرتكونا انهم يرموا ساروخ من بتوع العيد في طرف الماسوره اللي عندهم" ديه جامدة طحن انصحك ان تؤلف قصص ميكى جيب هتكسب دهب.

زي ما قالت بلو روز الاستقالة المسببة تستدعي التحقيق في أسبابها، يعني الاستقالة كانت عشان يزنق ادارة الجامعة في أنها تحقق في الوقائع مش بغرض التضحية.

على فكرة العاشرة مساء سجلت مع ميرا ودكاترة القسم ورئيس الجامعة وحتتزاع بكره

شفت تغطية للموضوع في العاشرة مساء دلوقتي و تاكدت تماما من صحة ما جاء في استقالة د/سلام اول القصيدة رئيس الجامعة قال ان هناك من هو احق بالتعيين لانها جابت جيد في امتحان الماجستير , التعيين عندنا بالمجموع التراكمي للبكالوريوس و ليس هناك اي اعتبار لتقدير الماجستير (باستثناء اشتراط جيد كحد ادنى , و دا مش بس للتعيين دا كمان لتسجيل الدكتوراة حتى لو من برة الجامعة)يعني دي تاليف من رئيس الجامعة تاني حاجة الفلم السخيف اللي حكته مشرفة الرسالة عن تطاول النايب عليها لو حكيت ما يتعرض له جميع نواب مصر دون استثناء من اعضاء هيئة التدريس و بيستحملوا خوفا من اضطهادهم خصوصا ان مستقبلهم مرهون بالبشوات , مش ممكن حد هايصدق ان فيه نايب ايا كان يغلط في استاذ

http://dblueros.blogspot.com/

قراقوش يمنع تعاطي الجبنة الدنماركية في مصر ويحبس مواطناً تعاطى الجبنة الدنماركية سراً

اسم الكاتب: جاك عطالله

07/03/2006 فى عودة مظفرة من قراقوش العاشر الى عصرجده الاعظم قراقوش الاول حاكم مصر الذى منع المصريين من اكل الملوخية ومنع السيدات من الخروج من منازلهن وصرح لهن بالخروج فقط اذا خرجن حافيات فى شوارع ترابية مليئة بالزجاج المكسور و بالقمامة و البراز والذباب قام قراقوش العاشر حفيد قراقوش الاول اخيرا بغزوة عنترية ضد الدنيمارك واصدر قرارا قراقوشيا جديدا بمنع اكل الجبنة الدنيماركية عقابا يبابا للدنيمركيين جميعا لسماحهم لاحد عناتيلهم بنشر رسوم كاريكاتيرية لم يكتب على احدها اسم الرسول ولا اشار له بالاسم من قريب ولا من بعيد

ولكن قراقوش بمنطق اللى على رأسه بطحة حسس على الكاريكاتير و جند سفيرته الفاشلة والتى طردت بعدها منى عمر لأثارة مسلمى الدنيمارك الخونة الذين حسسوا ايضا على بطحة رأس قراقوش وتوجههوا بعد قبض المعلوم من السفيرة بتذاكر مدفوعة الاجر واقامة كاملة للقاهرة حيث اجتمعوا مع كل من على رأسة بطحة بالقاهرة من شيخ الازهر والمفتى ورئيس جامعة الازهر و رؤساء قنوات التليفزيون و رؤساء تحرير الصحف وخرجت زفه مبطوحى الرءوس من جامعة الازهر فى مظاهرات صاخبة تندد بالدنيمارك والجبنة الدنيماركية وعلى اثر سخونة البطحات الرأسية صدر القرار القراقوشى السامى بمنع تعاطى الجبن الدنيماركى وضمها لجدول المخدرات ومعاملتها معاملة الافيون والهروين والبانجو والماكستون فورت وابلاغ الامر فورا لوزارة العسس و للموانى والمطارات وامن المنازل والشوارع

وضمانا لرضا مبطوحى الراس من اخوان وغلمان قام جهاز امن الاسلام بقيادة العساس الاكبر بحملة ارهابية لضبط كل من تسول له نفسه الامارة بالسوء تعاطى الجبنة الدنماركية

و فى اول يوم تم ضبط المواطن المصرى مدمن الجبن مخلص ثروت يتعاطى الجبن الدنيماركى داخل منزله تحت السرير ومعه عدة التعاطى كاملة من عيش بلدى و مخلل وبصل اخضر وقد تمت الاجراءات اللازمة والمعتادة فى مثل هذه الحالات الحرجة بالترحيب بالمواطن من نفخ المواطن من فتحة الاست لمقاس 36 وضبط كهربه جسمه على 9 بمقياس ريختر اوم وتهوية اعضائه الداخلية بفردها بالشمس لتعقيم المواطن واستخرجت الجبنة من امعائة وارسلت لمعمل الامن العام الذى اثبت انها والعياذ بالله جبنة كافرة من دولة الدنيمارك اللعينة --

ومازال المواطن محتجزا منذ 15 يوما لدى مصلحة الامن العام بمصر وينتظر ارسال اوراقه للمفتى ليصدق على اعدامه--

هذه ليست قصة خيالية وانما للأسف حقيقية تماما حدثت وقائعها القراقوشية فى مصر المحروسة منذ 15 يوما حيث ابلغ عن المواطن مدمن الجبنة الدنيماركى القبطى جاره المسلم انتصارا للدين والرسول وطاعة وتقرب لقراقوش ومصدر القصة لمن يريد هو الرابط التا لى http://www.copts-united.com/montada/montda.php?subaction=showfull&id=1141684221&ucat=62&archive= ولنبكى مع الشاعر الذى مدح قراقوش قائلا كم بمصر من المضحكات--ولكنه ضحك كالبكاء والى اللقاء بقرار قراقوشى قادم شايفينك ياقراقوش

للأسف هوا معتقل نتيجة الأسلوب الخايب بتاع أمن الدولة في اجهاض الفتنة

الطائفية: لو حصل احتكاك بين مسلم ومسيحي وخصوصا لو كان فيه جانب ديني يبقى قضية تخص أمن الدولة( اللي حصل هنا تقريبا مناقشة بين الراجل الغلبان آكل الجبنة وبعض جيرانه المسلمين وعامل الاثارة الديني هو ان الجبنة الدنماركي مرتبطة بالرسول اللي أهانه الغرب "الصليبي") فهنا يتدخل الامن ليجهض الفتنة الطائفية عن طريق التحفظ على أصحاب المشكلة

حاجة تقرف ، بس لازم تفهم الحالة اللي عليها المجتمع. مفيش شهر بيعدي من غير حادث فتنة طائفية في مكان ما من مصر.

مرة مسيحيين بيبنوا كنيسة في المرج المسلمين قالوا انهم سرقوا حتة أرض من الجامع وهات يا خناق. مرة مسيحيين بيبنوا كنيسة في قرية في العديسات في قنا حبة عيال يمنعوهم. مرة شاب مسيحي عاكس بنت مسلمة - مش فاكر المحافظة- قام قامت حرب مقدسة بين الطرفين. وطبعا في أي حالة اختفاء لبنت من أي طرف، يخرج أهلها مطالبين باعادتها، مرة في العباسية المسملين بيتهموا مسيحية باختطاف بنت مسلمة، مرة في بنت اسمها هايدي -مش فاكر في أنهو محافظة- مسيحية نزل أهلها يختجوا عشان اختفت واتهموا المسملين باسلمتها

كل الأاحداث اللي ذكرتها دي -وفي غيرها مبيوصلش للميديا- حدثت في أقل من سنة ، يعني من النص التاني من 2005 لحد مارس 2006 تقريبا. كل ده من غير ذكر الاحتجاجات الكبيرة : محرم بك ، وفاء قسطنطين، بحب السيما....الخ

الناس فيوزها بقى قصير. بقوا قنابل موقوتة فعلا. واخد بالك الوضع عامل ازاي؟

ده مثلا يفكرك بابو اسلام أحمد عبد الله وعبد الكريم نبيل سليمان. اتنين اعتقلوا عشان كتابتهم على الانترنت ، يبان انهم مختلفين: واحد بيكتب يقول كلاب الكنائس تجاوزوا كل حد، والتاني بيقول الاسلام ده دين ابن ستين في سبعين/ بس هما اعتقلوا للسبب نفسه في رأيي.. الاحتكاك بين المسلمين والمسيحيين

عبد الكريم كتب موضوعه بعد أحداث محرم بك فورا حيث يسكن، لما كانت المنطقة مشتعلة، وكتاباته مفضلتش على الانترنت وصلت لأيادي السلفيين في المنطقة ---> اعتقل حسب ما سمعت وقرأت لاحتمال انه تحول عن الاسلام إلى المسيحية وده فيه احتمالية كبيرة انه يشعل المنطقة تاني، واحتمال آخر هو اعتقادهم انه متفق مع أخوه السلفي على اثارة الجماهير مرة أخرى ضد المسيحيين ببيانات مزيفة ضد الاسلام

أبو اسلام طبعا نشاطه ضد "التنصير" وللمساعدة في تحويل المسيحيين إلى الإسلام والاشتباك مع المؤامرة "العملاقة" اللي هوا شايفها من محاولة تنصير مسلمي مصر كلهم على أيدي الكنيسة

واضح في الحالتين حضور عنصر الفتنة الطائفية وواضح ليه أمن الدولة بيعتبر ان الاعتقال هو الحل....

تطورات خطيره فى قضية التمييز ضد الدكتورة ميرا

المنيا-خاص لجريدة الطريق القاهرية

فى تطور مثير لقضية الدكتورة الباحثة/ ميرا ماهر رءوف الطبيب المقيم الأقدم بقسم طب الأطفال بكلية طب جامعة المنيا،صرحت –لجريدة الطريق- بأنه تم رفض التظلم الذى قدمته للجنة فض المنازعات بالكلية يوم الاثنين 26 يونيو 2006.

وقالت الدكتورة ميرا أنها ذهبت لمقابلة رئيس جامعة المنيا يوم الأحد 18 مايو بصورة ودية ورفض رئيس الجامعة مقابلتها،وقامت بالاتصال بمنظمة حقوق الإنسان التى يرأسها الدكتور بطرس غالى وكذلك الاتصال بمكتب وزير التعليم العالى وتم تحديد موعد للقاء رئيس الجامعة ،وقد انتظرتة لمدة اربع ساعات !!،وفى اثناء لقائها برئيس الجامعه أكد لها ان ليس لها حق فى التعيين،وقال لها لماذا تصرين على التعيين وسط مجموعة لا ترغب فى العمل معكِ !!

وكان مجلس القسم فى 30 مايو 2006، رفض تعيين الدكتورة ميرا، وتعيين زميلتها بحجة تعرض الباحثة المسيحية لعقوبة تاديبة سابقة رغم ان زمليتها المسلمة قد تعرضت لعقوبة تادبيبة سابقة مثلها !!

وفى أثناء زيارة السيد الدكتور هاني هلال وزير التعليم العالي والبحث العلمي لجامعة المنيا خلال الشهر الماضى،طلب مقابلة د.ميرا وفى اثناء المقابلة وعدها الوزير بان كل صاحب حق سياخذه بدون تمييز، وطلب منها الوزير عدم التحدث للصحافة ووسائل الإعلام،وبالفعل نفذت الدكتورة ميرا تعليمات الوزير، ولم تعتقد ان هذا الأمر مماطلة لضياع حقها.

هذا وقد أبدت الدكتورة ميرا حزنها الشديد لمماطلة المسؤلين فى سلب حقها فى التعيين وقالت "اين اذهب وماذا افعل لأنال حقى"

من جانبه صرح الدكتور سلام فى اتصال تليفونى مع –جريدة الطريق- تعليقا على هذه الأحداث، قال ان الباحثة الدكتورة ميرا عليها ان تلجأ للقضاء العادى وعدم اليأس حتى يتم إنصافها .

وقد أبدى الدكتور سلام اندهاشه لعدم ظهور تقرير المحقق د.الفار الذى قدمه للجامعة وطالب الجامعة بالإفراج عن التقرير الذى يظهر نتائج التحقيق التى توصل اليها السيد المحقق.

وقد طالب الدكتور سلام منظمات حقوق الانسان ورجال الصحافة والأعلام بشن حملة جديدة لإنصاف الباحثة المسيحية ،وأكد ان هناك عدة نقاط لم يتم مراعتها منها قيام د سوسن بتقديم شكوى مباشرة لرئيس جامعة المنيا بدون ان تمر على رئيس القسم،وقد وقع السيد رئيس الجامعة جزاءً على الباحثة بدون السماع لها،كذلك قيام د.سوسن بإعطاء الباحثة أصفار فى الامتحانات الشفهية على غير غالبية اللجنة ،وتعنتها دونا عن زملائها ،كذلك تم تاخير الباحثة لمدة 8 شهور ويرى د.سلام ان هناك شبة ترصد بالباحثة.

الجدير بالذكر ان الدكتور سلام هو منسق الحركة المصرية من أجل التغيير "كفاية" بالمنيا، وحركة 9 مارس لاستقلال الجامعات في جامعة المنيا.

من جانب اخر أبدى احد الأقباط المقيمين فى الخارج استعدادة لاستضافة الدكتورة ميرا وعائلتها للهجرة خارج مصر والتكفل بكافة مصاريفها !!

المصدر : جريدة الطريق-عدد يوليو 2006

يادي النيلة، يعني من كتر المسيحيين اللي مستعدين يتخانقوا عشان حقوقهم نقوم قوام كده نقولها تهاجر، ايه البلاوي دي، متسيب الست تواجه مصيرها زيها زي ملايين المصريين ولا تيجي تساعد في حل جذور المشكلة بدل استسهال الهجرة اللي خرب البلد ده.

Alaa,

I was teaching at Cairo University, and I saw with my eyes similar behaviours on two occasions (one resorted to the court and got his rights), but I was to small to intervene (instructor). When I became an assistant professor, I did all I could to prevent any type of descrimitation. My point is that there is no law condoning this behaviour, but rather a collective culture that is so entranched in some of us -moslems- that require a real look at our education system that produces bigots. On the other hand, everyone one of us -both moslems and christians- is requested to make fighting bigotry one of his main goals, we need to revert to a color-blind society that doesn't judge people by their religion but rather by their contribution to society.