You are here

أفرجات مجموعة 26 و 27: شوية خرجوا و لسه كتير

Primary tabs

امبارح خرج باقي مجموعة 26 و مجموعة 27 من طره .. أخلي سبيل كتير منهم لكن لسه في ناس كتير منهم بايتين في تخشيبات الأقسام اللي تابعين ليها .. و نحب نفكر الناس أن علاء قضى ليلة بشعة في قسم العمرانية مع أكتر من 400 مسجل خطر كلهم ضاربين مخدرات و معاهم أسلحة بيضة و قضى اليلة كلها واقف على رجله بيدافع عن البلاطين اللي مسموحله يقف عليهم، و على الوقت اللي سابوا علاء فيه كان طالع معاه 7 متشرحين (الناس مبتتفتش قبل ما يخشوا التخشيبة).

اللي عندنا معلومات عنهم:

  1. جمال عبد الفتاح في قسم البساتين، اتضرب في القسم و معاه دلوقتي مجموعة من المحامين أقرايبه
  2. بهاء صابر في قسم الشرابية (تخمين)
  3. ساهر جاد في قسم روض الفرج (تخمين)
  4. سامح العروسي في قسم حدائق القبة، و يتابع حالته مشكورا المحامي طارق العوضي
  5. كريم رضا رحلوه على الأسماعيلية امبارح مع أنه ساكن في القاهرة، و رجعوه و هو دلوقتي في قسم الزقازيق مع أنه من سكان القاهرة

المفروض نحاول نزورهم و ندخلهم أكل و فلوس و نتابع حالتهم و نحاول الضغط أنهم يتفصلوا عن المجرمين

و دول اللي لسه معندناش أي معلومات عنهم:

  1. محمد عبد الرحمن
  2. علي أنس
  3. هاني لطفي السيد
  4. عماد شعيب
  5. فتحي عبد الروؤف (الغربية) (حزب ناصري)
  6. علي الفيل (البحيرة) (حزب غد)
  7. ابراهيم سيد عطية (المنوفية)
  8. سامي محمد حسن دياب (كفر الشيخ)

أما بقه اللي أفرجوا عنهم:

  1. كمال خليل (الجيزة)
  2. وائل خليل (الجيزة)
  3. ابراهيم الصحاري (الجيزة)
  4. محمد الدرديري (الجيزة)
  5. سيف عبد الاه (الجيزة)
  6. ابراهيم عبد العزيز (الجيزة)
  7. ياسر بدران (بورسعيد)
  8. حسين عبد اللطيف (أسيوط)
  9. علي أنس (دمياط)
  10. عماد شعيب (دمياط)
  11. محمد عبد الرحمن (الشرقية)
  12. هاني لطفي السيد (الشرقية)
  13. سامي محمد حسن دياب (كفر الشيخ)

Comments

يا منال طمنينا علاء عامل ايه و هيكتب تاني امتي؟

Mabrouk,

I hope this will encourage you for more activism for democracy. And don't worry, as they say in egypt, essigne lil geda'ane.

Good luck

معلش يا علاء الحصل دا مقصود ليك انت معلش يا بطل ويارب تكون فى افضل حال دلوقتي بعد ما رجعت بيتك ولـ منال ربنا معاك ومع باقي باقي المجموعة الخرجت واللسه هتخرج وربنا مع الشرقاوى والشاعر

how is Alaa now, dear Manal? Is he home? hope is ok and starts blogging soon. Best wishes for the others?

إبراهيم عطيه خرج الحمد لله إمبارح بليل "مساء الجمعه" وأنا كنت علي إتصال به، وعلي الفيل خرج برده وكلم الشباب النهارده ، فاضل عم فتحي الحفناوي بس ، وده معايه نمرته بس مافيش مباشر عندي في البيت :D