You are here

تنكروا؟؟؟

Primary tabs

رمضان

رمضان شهر التفاهة التلفزيونية

رمضان شهر الفوضى و الزحمة

رمضان شهر التحضير للسعار الجنسي

رمضان شهر النفسنة و فلتان الأعصاب

رمضان شهر قلة الشغل و الكسل

رمضان شهر الطفاسة و السفه

رمضان شهر المنظرة بالدين

رمضان شهر وقف الحال و العطلة

رمضان شهر البزنسة و النهب

رمضان شهر التريقة و التعالى على الناس

باقي أشهر السنة شهور اللامنطق

وفقا لمذهب قوم أدبي هذه التدوينة سبب كافي للمطالبة بحبسي

Comments

Ekteb ya ragel ekteb howa 7ad fahem 7aga

تفتكر فيه فايدة من نبحة قلبك دي يا عم علاء؟

بتدن وبندن معاك في مالطة

شفت الجحش اللي وقف في وسط المحكمة ورفع على كريم قضية حسبة عشان بيعيث فسادا في الأرض؟

طب رد عليهم انت يا عم عشان انا مرارتيني انفقعوا خلاص

يعني بديل النبحة؟ أنفقع و السلام؟ أجيب تلفزيون و أتفرج على مسلسلات عربي ولا دوري كرة قدم الاعاقة الاختيارية؟ أديني بهوي على قلبي شوية .

و بعدين ألطف حاجة في الموضوع ده أني بثبت لنفسي غباء اللي ضدي، عين أنا ماشي مغرور و أقول اللي مخالفني جذريا في الرأي حمار، لكن بعد ما بقرأ التعليقات كده بحس أني أثبتها علميا.

الجحش بتاع الحسبة ده لوحده حكاية، لسه من أسبوعين كنت بذاكر لأختي تاريخ ثانية اعدادي و عندها سطر مختصر كده عن الحسبة و طبعا البنية كل يومين تسمع أبوها بيقول حسبة على أنها مصيبة فحاولت أشرحلها ازاي بالنسبة لزمنها مكانتش مصيبة و بالعكس كانت خطوة مهمة في تنظيم المجتمعات و العدالة.

و حسيتها كده حاجة عاملة زي عبثية أن واحدة فلسطينية تقعد تشرح لابنها الفرق ما بين اليهود و الصهاينة.

إيه النيلة السودا دي... كلام عن الحسبة ف تانية اعدادي... دي ف حد ذاتها قمة العبث أو قاعه حسب إنت باصص للعبث من فوق ولا من تحت وطبعا لو باصص من تحت هتقدر تعرف إذا كان العبث دكر ولا عبثية أي نتاية... بس دي قضية أخرى لا وقت الآن لمناقشتها

سؤالي بس بعد ما أثبتت لنفسك غباء المدافعين وبغشم عن حبس كريم بل وتطبيق حد الحرابة عليه... ارتحت؟ برضه انفقعت كل الأعضاء القابلة للانفقاع لدى سيادتك كما لدينا جميعا وبرضه مش هيفهموا يا علاء ودي الكارثة.... أنا أساسا محبط جدا ومفرقع وحاسس بالقهرة إن كل اللي بنعمله وهنعمله عشان هؤلاء المغيبين مش جايب فايدة... نفسي نشوف أي تغيير في أي يوم اسود م اللي بيعدوا علينا دول بقى

لا أنت فهمت غلط هما مجرد بيقولولهم بداية استخدام مبدأ الحسبة في الدولة الاسلامية

و وقتها كانت الحسبة فكرة ثانية خالص، كانت أول ظهور لفكرة وجود حق شرعي و قانوني للمجتمع (زي كده ما في القوانين الحديثة الدولة ملزمة باستكمال التحقيقيات و المحاكمة في الجنايات حتى لو تنازل المجني عليه لأن للمجتمع حق).

فالحسبة هنا تنظيم لفكرة أن بعض الأعمال ضارة بالمجتمع مش بالفرد لوحده و أن حلول المشاكل (و العقاب و ما شابه) ليها تنظيم برضه و على قدر العمل مش على قدر سلطة و قوة المجني عليه أو الجاني و هكذا.

أخيرا أنا مش ببصلها بطريقة بعمل عشان المغيبيين و الكلام ده، أنا لو بعمل حاجة فده عشاني أنا و برضه أحسن من الفرجة على التلفزيون.

أظن أنه بعد المشكلة بتاعت أبو زيد قانون الحسبة اتلغى ، أو على الأقل الأفراد دلوقتي ماينفعش يرفعوا دعاوى حسبه على بعد ، مش فاكر قريتها فين ، بس انا أظن انها صحيحة عشان ماسمعناش عن دعاوى تانية مؤخرا الراجل اللي بدقن في محاكمة كريم حب يعمل منظر قدام القاضي ، لقى الناس عامله شبه مظاهرة في المحكمة قالك انا كمان اعمل فيها الحنجوري ، و بشكل عام الاسلاميين من أجدع الناس اللي ممكن يوسع حنجرته و يهتف الحسبة زمان مالهاش علاقة بالحسبة الموجوده في القانون المصري ، المحتسب زمان كان خليط من مباحث التموين و النيابه العامة ، المثال الواضح جدا هو المرور على الأسواق عشان يتاكد ان التجار ماحدش بيغش في الميزان أو بيغش في السلع نفسها ، ده مع الاقرار بان الكلام اللي فوق عن مفهوم الحسبة زمان صحيح تماما

يعني هو دلوقت الافندي الأرزقي اللي وقف في المحاكمة بتاعة كريم وطلع زي الزرطة يرفع دعوى حسبة حكايته إيه؟ مزقوق من النيابة ولا هو فعلا من حقه يرفع دعوى حسبة ولا إيه بالظبط؟ يعني تكييفها القانوني إزاي؟ وهل فعلا الدعوى بتاعة الحسبة تضمن إن كريم هيتحبس على الأقل 3 سنين حتى لو خد براءة في القضية الأصلية؟

المفروض أن القانون ميسمحلوش برفع دعوة حسبة، لازم سيادته يتوجه ببلاغ للنائب العام و النائب العام فقط اللي من حقه يحرك دعوى حسبة

القاضي قال هيرد في كل الطلبات بما فيها غالبا طلب رفع دعوة حسبى في أول فبراير و المحامين ذكروا القاضي بمواد القانون التي تحدد اختصاص النيابة برفع دعاوى الحسبة، هنشوف بقى ايه اللي هيجرى.

إثارة موضوع الحسبة في الجلسة إياها في اعتقادي هو ما أدى إلى قرار القاضي بإنه ما يبقاش فيه مرافعات وبالتالي إضعاف فرص الدفاع في تبرئة كريم.... موضوع كل واحد يجيب مذكراته قبل الجلسة الجاية بفترة دا ما يطمنش خالص لأنه بيؤكد إن الواد كدا هينطس حكم وغالبا حكم جامد والموضوع شبه منتهي في دماغ القاضي ومش هيحكم بالبراءة مهما كانت الأسانيد القانونية إدراكا منه - بعد خطبة الجحش بتاع الحسبة - إن الرأي العام هيتقلب ويولع لو كريم خرج وبالتالي الموضوع تقريبا هيرسي على الحد الأقصى اللي هو حوالي تسع سنين مثلا على أساس إنها تبقى تتخفض في المراحل التالية من التقاضي... دا برضه الطرح اللي جار القمر بيفترضه وشكله واقعي جدا ومعناه في رأيي إن القضية متباعة بجد

وابقى سلم لي وحياتك على قضاء مصر الشامخ المستقل

حسبة ايه بس يا حج ده راجل على قده خالص, يا دوب قال المسرحية بتاعته, حتى مكانش مدرب عليها كويس, قال ده بيهين الإسلام عز و جل, و زلات كتير تبين إنه مش حافظ كويس, و لما تيجي تناقشه(بعد المحكمة طبعاً) يا دوب عارف يتكلم بالعافية, بس الظابط اللي جاي معاه كان بيشجعه انتا تعرف انه واخد فيها 2001 جني, ده لو كسب الحسبه, أنا أصلاً مش فاهم الحسبة دي ايه, بس هو بصراحة كان راجل ظريف, و بيعرف يقلد شيوخ الجوامع بس بنسخة هزلية شويتين تلاتة مظنش أبداً القاضي اتأثر بيه, هو القاضي شكله جاهل سنه, بس مش عبيط, أعتقد إنه لا هيتأثر بكلام الحسبة ولا كلام المحاميين اللي بيخوفوه من الإنترنت أظن الحكم فعلاً مش هيبقى براءة, أنا بقول يمكن بتاع ست أشهر -أنا معرفش الحد الأدنى- لكن كتيره يعني سنة و أبو حسبة هيخسر دعوته و هتروح عليه التلاتين جنيه بتاعة الدعوى, بس مش متأكد

بيني وبينك كلامك خلاني أضحك وأنا ماليش نفس لأني وصفك التفصيلي - واللي فهمت منه إنك كنت حاضر الليلة - فكرني بسيناريوهات وحيد حامد ومتخيل المحامي بتاع كريم هو عادل إمام وبيبص للراجل العجيب دا من فوق لتحت بطريقته المميزة والسيناريو كله عبثي وكوميدي... بس المأساة يا عم خالد أن أغلب الناس بتتوقع إن الواد كريم ينطس حكم جامد يعني سبع سنين أو تسعة أو يمكن 11 فمافيش قدامنا غير الانتظار ويوم 22 فبراير لناظره قريب

ya 3ama wala 7abssak wala 7ag, tet7ebes leh ya3ni. ya 3am 3ala2 enta feh asbab aktar mn elmakah deh tekhalhom ye7besok. lol

anyway: ma2darsh anker tab3an en kalamak dah sa7, bas bardo mesh kolo

fawda ah, za7ma ah, tafaha akeed, tafasah ah, kasal dah wageb, 3atala we za7ma we narvaza we we we. bas ana mesh ma3ak ba2a fe ta3ali 3ala elnas deh, meen elli hayt3ala 3ala meen ya3ni we leh, yemken ana mesh fahem. we mesh m3ak kaman fe elmanzara beldeen, bebsata la2enak mate2darsh te7kom 3ala elnas meen beytmanzar we meen la2 la2enak madakhaltesh fe 2olbhom.

el7aga elmohema ba2a, en kol elli enta bet2olo dah bey7sal fe elma7rosa bas, ana 2adeet kaza ramadan barra masr, we menhom kaman kano fe belas mesh moslmeen aslan, 3omri ya akhi mashoft elli enta bet2ol 3aleh dah ella fe baldna el3azeza, leh ma3rafsh. heya shaklaha 7aga feena e7na, 3ashan e7na sha3b mabye3rafsh yet7kem

حبسي دي اشارة لتعليقات ذكية جدا بتيجي على التدوينات اللي عن المغفور له عبد الكريم.

انما طبعا مش متخيل أني هنحبس بسبب الكلام ده ولا هنحبس بسبب أي حاجة كتبتها العملية مش سيئة للدرجة يعني.

و بغض النظر عن الكلام اللي فوق ده صح ولا غلط (ولا حتى أنا فعلا مقتنع بيه ولا لأ) أظن واضح أنه ينفع يتقال و يبقى فيه قدر من الوجاهة فيه، و نختلف مع بعض ولا تقوللي أنت شايف النصف الفاضي من الكوباية بس ولا أنت بتتلكك، لكن أكيد رد فعلك مش هيكون أن الجمل دي في حد ذاتها تستدعي تطبيق حد الحرابة يعني.

ya pasha ana fahem en elkalam 3ala kareem. we ma3a eni mokhtalef ma3ah shaklan we mawdo3an bad bardo mayt7ebessh, we law et7abash yeb2a mesh mn ........ dool

we belmonasba, a7eb a7ayek ya alaa 3ala wedo7ak fe elmawdo3 dah, ya3ni enta mn elnas el2olayla elli etkalemo 3ala nas tanya 3'eer kareem we talbo be 7oryethom, enama feh nas ba2a maska mawdo3 kareem dah we ba2a howa hamma elawal we akher we sabo elnas elli ablo we elli ba3do, we howa dah elli ana shayfo ghalat fe mawdo3 karem ya3ni, ya3ni badal ma yefawa2 elnas lelli 7asal we elli bey7sal , ra7o neseo eldonia we rakazo fe mawdo3 wa7ed we 3ala fekra ana fe ray2ey en el7kooma mkabara elmawdo3 3ashan telhi elnas feh

bas besara7a elli ma3agabnesh mawdo3 gawab elcongress dah, howa e7na khalas wa23een fe 3ardhom yekhalehom fe nafsohom a7san, dah 3ammo bush embare7 kan hayshokh 3ala ro7o sa3et el letter of the state. bas law 7ad mn 3andena howa elli talab mosa3dethom besara7a yeb2a maystehlesh yeshrab bo2 maya mn elnile

rabena yehdi

معلش بقى فيه ناس دماغها راكبة كده و ان كنت شايف ان استجداء الأمريكان لو هيكون له أي نتيجة هتبقى سلبية على عبد الكريم.

المستفز بقى الصحافيين الأجانب، كل ما حد فيهم يغطي الموضوع يصر يربطوا بتغيير موقف أمريكا من الديمقراطية المصرية.

سيبك من كذبة أن أمريكا كانت فارقة معاها الديمقراطية في مصر و سيبك من أن مش الحكومة السبب أصلا في محاكمة عبد الكريم.

ايه دخل ميتين أم أمريكا في الموضوع؟ و هتعمل ايه بدين أمها في محكمة شغالة فعلا؟ تضرب القاضي بالنووي؟

طيب عندنا عيال هبلة و مش فاهمة و فاكرة أن جوابات الكونجرش هتفيد، عيال بكره تكبر و تفهم ولا أي حاجة، انما صحفيين كل واحد فيهم شغال في وكالة أنباء ولا جرنال كبير و معروف و بعضهم مصريين كمان و برضه شغالين على نفس النغمة؟ عشان تلبسوا الواد مصيبة أكبر و تفقعونا في السكة؟

لأ و كمية المعلومات الغلط اللي بتتنشر حتى من ناس حسنة النية.

howa leh seyadtak fahemni ghalat keda, ana mesh ma3a estegda2 amrica. ana batkalem bardo 3ala nafs elnas elta3bana elli shayfa en elmawdo3 dah fe safeena, (aw 3ala el2a2al fe saf 3abkreem) ana ma2oltesh en elmawdo3 dah leh ay nateega aslan. homma bey7shoro nafshom we khals , bas elli ana a3rafo en feh nas masryeen fe amrica hyea elli 2a3det tewaza3 manshorat we flyers 3an elmawdoo3 dah , mesh faker shoft el clip dah fe anhy blog

يا عم فاهم صدقني، أنا بس حبيت أفضفض شوية من فقعتي من بتوع أمريكا

كل الكلام اللي فات مانكرهوش لو حطينا بعده "عند البعض" , مش معنى إنك شوفت ناس كده, أو حتى إن كل اللي شوفتهم كانوا كده.. إن دي طبيعة علاقة الناس مع الشهر, بشكل شخصي أنا أعرف ناس رمضان ده بيغيرهم كتير.. في رأيي مينفعش نُطلِق الكلام بالشكل ده.. ده غير طبعا إن أصلا مشكلة تطبيق "بعض الناس" بشكل غلط لحاجة لا يعني بالضرورة إن الحاجة دي نفسها غلط

وبعدين انا عايز افهم, انت بتفكر تقدم طلب عشان يلغوا الشهر نفسه يعني؟ ولا دي تدوينة بتقول للحكومة وروني آخركم؟

على كل حال, ده رأي شخصي أنا مقتنع تماما إنك حر فيه, حتى ولو كان مستفز بالنسبة لأغلبية الناس اللي احنا بنتظاهر وبنتحبس علشانهم, محدش قال إن مش من حقك إنك تكون مستفز,

آديني باسبّق أهو !

أولا فيه حاجة اسمها الأساليب البلاغية، فمثلا المبالغة من باب توضيح تفشي الأمور و انتشارها اسلوب دارج و مفهوم.

فمثلا هتلاقي ناس سمت العيد اللي فات عيد التحرش، و العام اللي فات عام الحجاب و الأربع بتاع الاستفتاء الأربع الأسود.

هل العيد اللي فات لم يحدث فيه سوى التحرش؟ هل التحرش اللي حصل فيه شارك فيه أغلبية الشعب؟ لأ طبعا كان عيد زيه زي أي عيد سعيد على ناس كثير اتلموا فيه مع العيلة و انبسطوا و اتفسحوا و أكيد فيه ملايين كان بالنسبة لهم مناسبة دينية و روحانية و هكذا. و العام اللي فات كان فيه مليون حاجة غير خناقات الحجاب و يوم الاستفتاء أكيد كان فيه مليون حدث سعيد و مليون فاجعة لا علاقة لهم بالدستور و كفاية و هكذا.

من العبث أننا نتخانق مع بعض على أساليب التعبير.

و بعدين بما أنه لا يمكن قياس الكلام اللي فوق ده كله علميا و لو أمكن محدش هيعملها منقدرش نقدر البعض دول قد ايه و أكيد هنختلف في تقديرهم، يمكن أنا عايشة في منطقة وسخة نسبة البعض فيها أعلى من المتوسط، يمكن أنا سوداوي و مش واخد بالي من الناس الحلوة، يمكن النسبة المقبولة للبعض عندك غير النسبة المقبولة للبعض عندي.

برضه من العبث أننا نتخانق على الكلام ده.

طبعا اللي أنا كاتبه فوق ده دمه ثقيل و غلس و ملوش أي معنى، لكن في نفس الوقت نفس المعنى بيعبر عنه ناس كثير كل رمضان و أغلبهم من مرجعية اسلامية قلقة على حال الأمة و بعضهم من مرجعية ساخطة على الاسلام و كثير منهم من باب تضييع الوقت و من باب تكرير كليشيهات محفوظة. لكن آسف الكلام في حد ذاته غير مستفز ولا حاجة و رد فعل الناس ليه لو جاي من شيخ غير لو جاي من عب الكريم.

التدوينة دي لا هي مهمومة برمضان و لا بتاع الحاجة الوحيدة من دول اللي بتضايقني بجد في رمضان هي التكاسل و وقف الحال لكن متأكد أن لو كلنا قلبنا بكره ديانة ثانية هنلاقيلنا حجة للتكاسل و وقف الحال برضه. أما الحكومة فأصلا الحكومة مش فاقر معاها أحنا بنكتب ايه و الحكومة مش السبب في حبس عبد الكريم.

salam 3alykom awalan

lazem a7ey7 feek zak2akaak u always impress me be sorry "est3bataak"w el kalam el momken to2oloo in a million way

ana katabt mara w enta fel segn and this is the second time ana olt asbaa2 be monasbet kanoun el habs el me mashyenoo 3ala el modweneeen

bas enta kedah mesh hatkhoud ezderaa2 el adyaan hatkhoud ezderaa2 el television w deih 3okobtoo akwaa :)

ana ma3a enak tekteb el enta 3ayzoo w ma2drsh anker el bet2ouloo w en kan aslun entaa mesh asdaak el enta katboo enta bas katboo 3ashan 3ayez teteryaa2 3ala what happened for abd el kareem w law asdak bardoo enta 7or w dah sa7e7 w bey7sal

ana mesh hadafe3 aa bas ha2olak ya tara dah besabab ramadan wala el nas thats the question

el nas arafana leeh deih asbab kketeer w dah toul el sana mawgoud bas ma3a el seyam w el manzara el deneya beyktar

en shahr el sakafa el telvesyouneya deih startegy bet3et el 23laam i guess u know well el twageeh el fel television

ok

talet haga am a muslim i see all these stuff w bakaraha and momken akteb tadwena zay deih bezabt fa law 7ad dakhala alak kelmeten malhoumhsh lazma fokak meno w ekteb el enta 3ayzoo

i stand for ab el kareem w kol el zayoo dah zolm bayen w kanoun weskh

بيان من تنوخي تنوي عبدالعال ، المتحدث الرسمي باسم قوم أدبي

لقد دأب المدعو علاء سيف ، الشهير عندنا بعلاء المكلبظ ، على اهانة و شتم مذاهب قوم أدبي النيرة ، و تكرر مسعاه الخائب مرة بعد مره و حادثة بعد حادثة ، و نذكر منها على سبيل المثال و ليس الحصر ، مقالته في مدح النعام ، و مقالته في مدح الرز الأبيض و شوربة الفراخ باليمون و مقالته الشهيره بيت الشعنونه التى تنبأ فيها بانهيار قوم أدبي

هذا و نود أن نخبر أخواننا في تقليتسان أن المدعو علاء المكلبظ لن يفلت هذه المرة ، و أننا سوف نقوم بما يلزم حتى يلقى جزاءه ، و أننا سنقوم برفع دعوى عليه في محكمة شبين الكوم الجزئية ، و هي المحكمة المختصة بتسليط الضوء على الأجزاء الخرافية من العصر الديوراسي الخاص بتاريخ و أشعار و التراث المعماري و التجاري لقوم أدبي

الله ، الوطن ، شيتوس

علي قام من النوم

و راح الشغل ينام

يا عم قوم اشتغل

يقولك ااصله صيام

علي فطر...نزل الجامع

علي في الخيمه بيشيش مفيش مانع

علي بيرقص علي واحدة و نص....هو فى حد شايف ولا سامع

علي صلي و نام

و عم علاء كتب..معاه حق و ماحدش يقدر يدافع

ينعن ديك اللي يزعلك يا شيخ صباح الفل يا علاء انت لسه ما غيرتش النتيجة ولا ايه ايه يابني فكرك برمضان الساعة دي ما الراجل راح لحال سبيله من تلات اربع اشهر ولا يكونشي فيه مؤامرة من الامبريالية الصهيونية العالمية يرجعوه تاني؟ انت ها تعمل زي كل اللي تطلعله فسفوسة يقولك هو السادات ابن ديك الكلب الخاين هو السبب مع ان السادات مات وشبع موز رمضان راح لحاله معندكش حاجة عن ذي الحجة ؟؟؟

اللي فكرني برمضان البهايم اللي بتقولك عبد الكريم يستحق الحبس و القتل كمان عشان قال رمضان شهر النفاق.

يعني حتى موجعش دماغه يدور في كلام عبد الكريم و يكفر، بص على المدونة بسرعة و لقطله عنوان و قالك بس خلاص، و بما أن ميتين أم التعليق الغبي بيتكرر كثير جدا فانفقعت و كتبت البتاعة اللي فوق.

و أكيد أنت فاهم يعني بلاش غتاتة

علاء هاي شوف اولا انا بحي ذكاءك انك فكرت تتضامن مع كريم باعادة طرح موضوع وده وراء الشمس وكأنك بتقول اهو اديني واقف جنبك وكأنك بتقول للي حبسوه شكل للبيع

لكن تفتكر كلامك ده ف مجمله مفهوش تحمل ع رمضان انتي بتقول انه شهر التفاهة التلفزيونية لا وبقية السنة الصراحة التليفزيون ممتعنا بمواضيع ثقافية وحاجات مركزة طيب ما هو طوال السنة فيه تفاهة وبتقول هو زحمة وفوضي اه والصراحة احنا ف شعبان ومحرم بنكون عايشيين ف يوتبيا وبكون اقل حوالي 51468772174.5 بني وكمان موضوع الشغل أكن بقية الشهور هي اللي بنتفرغ فيها لكأس الانتاج

وكمان حكاية النهب ارجوك متقوليش اننا بنتسرق ف رمضان بس وان رامي لكح والعيوطي والحباك دول كلهم كانوا بيستنوا عمرة رمضان عشان يسرقونا انت طبعا عارف ان علاء مبارك فاتح 24 ساعة كده في سبع ايام ف الاسبوع ف 12 شهر يعني اللي بيتسرق ف رمضان 1/10 ومعظهما بتكون سرقات بعد الفطار بس

يعني لو انتي غيرت رمضان اللي انت كاتبها ف كل سطر وكتبت اسم اي شهر تاني مارس طوبة ذي القعدة هتلاقي النتيجة واحدة لكن زي ما قولت لك انا بحترم ذكاءك ف التعبير ع وقفتك جنبه لكن مش معقول اي واحد عايز يقف جنب كريم يجيب شهر ويفضل يشتم فيه مش كده ولا ايه ؟

Yaah, danta ma7'noo2 moot.

Daa bee monasbet eh?

What happened exactly now that reminded you of Ramadan??

In all cases, you are only looking at the negative things. That is not being practical ya bashmohandes :)

يا ريت يا بتاع تبقى تقرأ التعليقات قبل ما تشخلنا في التعليق أنت كمان، البقين الحمضانين دول قالهم أكثر من حد قبلك و رديت عليهم.

100 % right

el wa7ed bie3ed el ayam lama el sha-hr da ye'7las.. 7al wa2ef ue narfaza be ede3aa2 el seyam.. ue mafeesh entag..

أيوة .. و بعدين؟ و انت مالك برمضان؟ و مال كريم بتاعك؟

انت يا عم ملحد و يمكن كريم كمان .. طيب بتتدخلوا في اللي مالكمش فيه ليه؟ هوة حد ضربك على إيدك و قاللك لو ما صمتش هاسجنك؟

عبد الكريم كان مسلم و كتابته عن رمضان كان في سياق كلامه عن الانتقال من الايمان بالاسلام للالحاد، و بصفته كان مسلم و مكتوب في بطاقته مسلم و محسوب على المسلمين و عايش في بلد أغلبيته مسلمين و ثقافته اسلامية بل و تنظيمه المدني بيتعامل مع رمضان على أنه شهر خاص يبقى له في رمضان زيه زي غيره و يبقى طبيعي كمان أنه يكتب عنه.

و بعدين عرفت منين أن أنا ملحد؟

أنا راضي ذمتك .. انت مقتنع بالكلام ده؟ و اللا هوة مجرد رد و خلاص؟ يعني كونه موجود في بلد إسلامية و ذات ثقافة إسلامية - على حد تعبيرك - دا يديله الحق إنه يهين معتقدات المسلمين؟ بتقول إن له في رمضان زيه زي غيره؟؟؟ له إيه؟ إهانة المقدسات مش من حق غيره .. حتى لو كان اللي كتب الكلام ده شيخ الأزهر!!

أقولك أنا انتم ليه بتتطاولوا على الأديان .. لأن الحكاية مربحة .. مجموعة من العاطلين لا يعملون و لا ينتجون، و يتلقون رواتبهم من جهات يسعدها أن تقرأ مثل هذا الكلام ..

أما بخصوص إلحادك .. فدا واضح من مواضيعك، و كمان من شعار التنين البمبي.

يا ترى ازاي التنين البمبي بيدل على الألحاد؟؟

خسارة كبيرة لكن اهو النصيب

لا اظن انو اي حد مصنف نفسه ملحد عنده فرصة يساعد حد في البلد

اكتم في نفسك

يعني المشاكل خلاص كلو اتحل

كل واحد حر الي عاوز يصلي, يصلي ولي عاوز يكفر , يكفر

بس تفتكر الناس هتحترم مين اكتر

لو التنين البمبي الحد , ابعد عنو

أولا الكلام مكانش عن الحق في كذا، السؤال كان ماله برمضان، يعني اللي سأل كان بيفترض أن ما يحدث في مصر في شهر رمضان شأن لا يخص عبد الكريم.

ردي كان معناه أن

  • سلوك طائفتي شأن يخصني بالضرورة حتى لو كنت في طريقي للانفصال عنها
  • سلوك طائفة كبيرة تشاركني المعيشة في نفس المكان شأن يخصني بالضرورة بغض النظر عن انتمائي أو عدمه للطائفة، لما تكون طائفة الأغلبية يبقي شأني أكثر و أكثر كمان
  • و هكذا

فهمت دي ولا لسه؟ ما يحدث حولي من أهل بلدي شأن يخصني و من الهبل أنك تقوللي أنت مالك.

ده حاجة، ثانيا اقرأ اللي مكتوب فوق، هل أنا أهنت مقدشات المسلمين (هل شهر رمضان أصلا من مقدسات المسلمين و هل أنا أهنت شهر رمضان، هل ينفع الواحد يهين شهر؟).

فين التطاول فيما كتبت على الأديان؟ مش شهر رمضان موسم للتفاهة التلفزيونية و الاستهلاك بجشع؟ تنكر أن عدد كبير من الناس يتباهي في رمضان بقردته على الاستهلاك؟ ألا تمتلئ شاشات تلفزيوننا ببرامج فيها سخرية لاذعة من بساطة و قلة حيلة و قلة ثقافة و قلة تعليم أخوانك في الوطن و الدين؟ تنكر أن الشوارع تمتلئ فوضي أشد من المعتاد من القاهرة و أن فلتان الأعصاب ثم تبريره بالصيام دارج جدا جدا جدا؟ تنكر أن لفئة واسعة من الموظفين (بالحكومة و القطاع الخاص) رمضان و الصيام حجة للتكاسل و التباطئ و أن ده نتيجته وقف الحال؟

الكلام ده بسمعه كل سنة من شيوخ في خطب الجامع و من أصدقاء شديدي التدين. اذن الكلام ده في حد ذاته لا يمثل اهانة للمسلمين (أتصور أن التحجج برمضان كمبرر للسلوكيات دي هو اللي اهانة للمسلمين).

طبعا المكتوب فوق مبالغة، فليس هذا كل ما يحدث في رمضان ولا هو حكر على رمضان فقط، المبالغة هنا أسلوب بلاغي، ممكن يكون ركيك أو في غير محله، لكن مظنش أن سوؤ استخدام اسلوب بلاغي يشكل اهانة للمسلمين.

دلوقتي بقى عندي سؤال، هفترض جدلا أن صحيح أني بتطاول على الأديان (مش شايف أنه صحيح بالمرة و أحب أشوف بدل من اتهامات مرسلة روابط و مقتطفات محددة، لكن مش موضوعنا)،

لماذا قررت أن الدافع وراء ده هو أن الحكاية مربحة؟ ما هي معلوماتك عن مصادر دخلي و كيف حصلت عليها؟ عرفت بناء على ايه أني عاطل و غير منتج؟ و عرفت بناء على ايه أني بتلقى رواتب عما أكتب و مين الجهات دي و عرفتها ازاي؟

أنا مهتم جدا أفهم أسلوبك في تقصي الحقائق، لأن شكي أنك متعرفش الفرق ما بين معلومة رصدتها و معلومة اخترعتها من دماغك.

في حين أنك بتتهمني و بتتهم عبد الكريم بتهم واهية و مبهمة و بدون أي أدلة أنت بتمارس سب و قذف مباشر في حقي، وواضح أن ده صار من شيم المسلمين.

ما المقصود بشعار التنين البمبي اللوجو الموجود في الركن اللي فوق شمال من الصفحة؟ ولا المكتوب في تذييلة المدونة ولا حاجة ثانية؟ و ازاي و حياة أمك الشعار ده يوضح الالحاد؟

أما بخصوص المواضيع يا ريت مجموعة روابط و مقتطفات لمواضيعي التي تدل دليل قاطع على الحادي.

أولا .. بلاش كلمة (وحياة أمك) دي و حاول تبقى محترم .. حاول مرة في حياتك تحترم مشاعر الناس

بخصوص ردك .. انت رجعت تاني تقوللي نفس الكلمتين (ما يحدث حولي من أهل بلدي شأن يخصني و من الهبل أنك تقوللي أنت مالك.) ..

طيب أنا شغال في شركة أغلبها مسيحيين .. يعني من حقي أعلق ورقة على الحيطة و أقول فيها إن عيد الكريسماس عيد فجور و عربدة .. و إن البنات المسيحيات أغلبهم عريانين .. و طبعا هيبقى من حقي أقول برضه (ما تنكروش إنه فعلا كدة) .. و الكلام إياه اللي انت عمال تعيد فيه ده ..

لأ طبعا مش من حقي، بغض النظر عما إذا كان التعميم ده سليم ولا لأ ..

نرجع لكلامك:

هل شهر رمضان أصلا من مقدسات المسلمين؟

نعم

و هل أنا أهنت شهر رمضان؟

نعم

هل ينفع الواحد يهين شهر؟

نعم

بتقول (الكلام ده بسمعه كل سنة من شيوخ في خطب الجامع و من أصدقاء شديدي التدين.)

الكلام ده لما بيقوله الشيخ بيقوله بلهجة النصح (احذروا من كذا) أو (لا تفعلوا كذا) .. مش باسلوب التريقة و "التلئيح" .. الفرق في الأسلوب واضح جدا. ومرة تانية: بلاش يكون ردك لمجرد الرد و خلاص ..

(لماذا قررت أن الدافع وراء ده هو أن الحكاية مربحة؟)

يا عم علاء .. الجمعيات التنموية الأوربية و جمعيات حقوق الإنسان ذات التمويل الأوربي لم تأت لبلادنا لتبعثر أموال الاتحاد الأوربي على شعبنا الغلبان .. وإنما ليخرج من بيننا من هو على شاكلتك أنت و عبد الكريم .. و لنشر مبادئ الليبرالية العظيمة في الدول المتخلفة (من أمثال مصر). لاأنكر أن القائمين على تمويل مثل هذه المراكز يؤمنون فعلا بمبادئ الليبرالية و يسعون لنشرها بأي وسيلة، بما في ذلك أسلوب (الخبز مقابل الليبرالية).. لكن القضية أن مبادئهم ليست بأكملها صحيحة، خصوصا ما يتعلق بحرية ابتذال الأديان .. لكن معلش .. مكتوب علينا أن يخرج من بيننا دائما من ينقل مبادئ الغرب كالبغبغان و لا يكلف نفسه بتمحيصها و فرزها أولا ..

بخصوص موضوع التنين البمبي المثير للجدل .. متهيألي دا برده منقول من الـ Pink Unicorn الذي يستخدمه الملحدون للسخرية من ذات الله عز و جل: http://en.wikipedia.org/wiki/Invisible_Pink_Unicorn

(أما بخصوص المواضيع يا ريت مجموعة روابط و مقتطفات لمواضيعي التي تدل دليل قاطع على الحادي) ..

يا عم دليل قاطع إيه و بتاع إيه؟ إحنا قاعدين في محكمة؟ يا سيدي ماتخافش .. أنا مش باستجوبك .. و لو عاوزني أبطل كلام في الموضوع ده ما عنديش مانع

معرفش بصراحة أرد على مثال الشركة لأني مشتغلتش في مكان العاملين فيه مسموحلهم بتلزيق ورق يعبروا فيه عن رأيهم أصلا، لكن المؤكد أن في مثالك هيكون طبيعي تكتب على مدونتك اللي أنت عاوزه و ده اللي أحنا بنتكلم عليه، الكتابة على مدونة.

سلوك زملائك في العمل شأن من الطبيعي أنك تكتب عنه و المدونات مليانة كلام عن سلوك زملاء العمل.

أنت أقريت اذا أن نفس الكلام لكن بأسلوب مختلف بيقولوا ناس ثانية، هل يعقل اذا أن الفرق في الأسلوب وحده يكون كافي للمطالبة بحبس انسان؟ اذا كان نفس المعنى مسموح بالتعبير عنه؟

في موضوع التربح، سيادتك قلتلي أن فيه ناس مستعدة تدفع، ده مكانش سؤالي، يؤالي هو عرفت منين أني بقبض مش عرفت منين أن متاح أني أقبض لو طلبت. فيه جمعيات معرفش مالها مستعدة تدفع جميل، لكن ادعائك أني بكتب عشان أقبض معناه أنك تعرف أني فعلا بتقاضي أموال مقابل الكتابة، ممكن تقول المعلومة دي عرفتها ازاي ولا هو فتي و السلام بروح أمك

و يا فسل الأخلاق و الاحترام مش في الألفاظ فقط، هو لما تتهمني بأن صوتي مأجور دي مش شتيمة؟ عاوزني أحترم حيوان زيك بيتهمني من دون أي وجه حق ولا دليل على أساس ايه؟

البتاع اللي أنت بتتكلم عليه اللي أول مرة أسمع عنه ده اسمه وحيد القرن البمبي مش التنين البمبي.

بخصوص الروابط، أنا واخد بالي أنك مش بتستجوبني، أنا اللي بستجوبك حضرتك، أنا بحاول أفهم أنت بنيت على أساس ايه فكرة ثقتك المطلقة في الحادي.

(لكن المؤكد أن في مثالك هيكون طبيعي تكتب على مدونتك اللي أنت عاوزه)

لأ مش طبيعي .. لأنه هيجرح مشاعر أي مسيحي يقرأه

(هل يعقل اذا أن الفرق في الأسلوب وحده يكون كافي للمطالبة بحبس انسان؟ اذا كان نفس المعنى مسموح بالتعبير عنه؟)

تغير الأسلوب من النصح إلى الإهانة ينقله من بند الوعظ إلى بند إزدراء الأديان

(فيه جمعيات معرفش مالها مستعدة تدفع جميل، لكن ادعائك أني بكتب عشان أقبض معناه أنك تعرف أني فعلا بتقاضي أموال مقابل الكتابة، ممكن تقول المعلومة دي عرفتها ازاي)

و سعادتك لو ماكنتش من مروجي الأفكار إياها .. بدءا من الدياثة إلى إزدراء الأديان .. كنت هتشتغل في جمعية cospe? الإجابة طبعا لا .. لأنهم ما بيدوروش غير على أمثالك

(و يا فسل الأخلاق و الاحترام مش في الألفاظ فقط، هو لما تتهمني بأن صوتي مأجور دي مش شتيمة؟)

و لما انت تتريق على ديني دي مش إهانة؟ و لما تستخف بشهر الصوم عند المسلمين دي مش إهانة؟ و لما تتهمنا بإننا وثنيين دي مش إهانة؟ و لما تسخر من الله و آدم و زوجته في قصة وسخة زيك دي مش إهانة؟ و اللا الواحد مش حاسس غير بنفسه؟

عموما أسلوب السوقية إياه اللي انت بتحبه دا واضح جدا انك بتستخدمه عشان تداري ضعف أفكارك .. أسلوب قديم و بايت

ماشي يا سيدي هيجرح مشاعر المسيحيين، لكن محدش هيقدر يقولك أنت مالك طالما أنك بتعلق على سلوك ناس أنت مشاركهم العمل، الرد هيبقى عيب كده أو ده كلام مش صحيح أو بلاش تعميم أو غيره لكن مظنش حد هيقولك أنت مالك بايه اللي بيحصل في مكان عملك

ممكن نعتبر أن تدوينة عبد الكريم بتاعت شهر النفاق كانت من باب النصح برضه، نصيحة للناس تبطل تعمل اللي هو اعتبره نفاق و تعمل اللي هو اعتبره احترام للذات.

ماعلينا المهم أنت شايف أن الفرق في الأسلوب كافي للحبس. أنا مش قادر أفهم المنطق من وراء الموقف ده.

هل أفهم من كلامك أنك معتبر أن كل العاملين في كوسبى مطابقين لي في الأفكار و الأيديولوجيات؟ و هل أنت متصور أن كوسبى بتدفعلي على التدوين؟ و بعدين ايه علاقة كوسبي بالليبرالية؟

أنا مأنكرتش أني أهنتك (أنا بنكر أني أهنت المسلمين) لكن أنت شايفك غبي و شايف أن مهم أني أقولك أنك غبي، أنت اللي اديتني موعظة في الاحترام في نفس الوقت اللي مارست فيه ما يعرف قانونا و عرفا على أنه قذف و سب مباشر.

لم أستخف بشهر الصوم أنا وصفت سلوكيات شائعة جدا في مصر في كل رمضان و لم أتهم حد بأنه وثني و القصة أنت مفهمتهاش دي مشكلتك القصة لم يكن في أبطالها لا ربنا ولا أدم ولا حواء.

واضح تماما أنك عندك استعداد عالي للاحساس بالاهانة من أي حاجة، حتى لو كانت بتفاهة كلمة لا معنى لها زي التنين البمبي، المشكلة مش عندي ولا عند عبد الكريم المشكلة عند أمثالك اللي معندهمش أي ثقة في نفسهم لدرجة أنهم شايفين أن ضروري حبس الناس لمجرد استخدامهم أسلوب معجبش.

(الرد هيبقى عيب كده)

طيب يا عم علاء .. عيب كدة

(واضح تماما أنك عندك استعداد عالي للاحساس بالاهانة من أي حاجة)

يعني لما أكون مؤمن باحترام معتقدات الناس يبقى عندي "استعداد عالي للاحساس بالإهانة" .. يعني لما أطلب إن مجتمعي يبقى قائم على احترام الآخر يبقى عندي "استعداد عالي للإحساس باللإهانة" .. أنا عنديش أي مشكلة إنك تكون ملحد .. وممكن أعتبرك صديقي رغم ذلك .. و أنا ما جيتش قلتلك يا كافر يا زنديق يا فاسق ..لكن كل اللي باطلبه إننا كلنا نحترم معتقدات بعض .. سواء مسلم مسيحي أو ملحد .. متهيألي سهلة دي .. واللا إيه؟

(حتى لو كانت بتفاهة كلمة لا معنى لها زي التنين البمبي)

أنا ما جبتش سيرة التنين و وحيد القرن و غيره إلا لما انت سألتني أنا عرفت منين إنك ملحد .. و ما كانش ده موضوعي أساسا

(أمثالك اللي معندهمش أي ثقة في نفسهم)

بص .. لو عاوز تفتح موضوع تناقش فيه مسألة وجود الله بشكل علمي ما عنديش مانع .. و أوعدك أن يكون حوارا موضوعيا بعيدا عن الشخصنة .. لكن "التلئيح" و "التلسين" قضية أخرى

(شايفين أن ضروري حبس الناس لمجرد استخدامهم أسلوب معجبش)

أنا ما طلبتش إن حد يتحبس!!

kol wa7ed 7or fe ra2yo we ye2ol elli howa 3ayzo. bas ma3lesh ya 3am alaa, malaksh 7a2 te2ol "wade7 en dah sar mn shywam elmuslimen" dah ta3meem gheer mobarar we bey7mel ehana le "aghlabeyt elsha3b" 3ala ra2yak

يابو علاء بصراحة كدة ومن غير لف ودوران وم الآخر أنا أول ما قريت تدوينتك افتكرت الآية اللى بتقول (( شهر رمضان الذى أنزل فيه القرآن هدى للناس وبينات من الهدى والفرقان )) بصراحة دماغى من غير مقدمات حطت كلامك عن الشهر فى مقارنة مع وصف الله العظيم - سبحانه وتعالى - للشهر بصراحة يا بو علاء حسيت انى متضايق ومخنوق بل وحسيت انك أهنتنى أنا شخصياً

وبعدين إزاى تقول : هل الواحد ينفع يهين شهر؟

سؤال غريب لكن الأيام اللى ليها مدلول معين حضرتك وانا وانت والناس كلها بتديها قدرها من الحب والبغض

إذا كنت إنت نفسك عامل حركة ماعرفش كام فبراير ومعرفش إيه ابريل تفتكر لو حد اتريق على التاريخ ده مش يبقى قاصد يجرحك؟ وأيام تانية كتيير وتواريخ ليها مدلول وخد عندك: يوم الثورة يوم عيد ميلادك وعيد ميلاد منال والست الوالدة وحبايبك كلهم يوم عيد جوازك( تقدر تقاوح) كانت منال عملتك مدونتها النهاردة؟

ولا قوللى بقى إنك ما بتهتمش بالحاجات دى وكل اصحابك بيزعلوا منك علشان ما بتعبرهمش بمسج يوم عيد ميلادهم

ويا ريت تسجل النهاردة فى أيامك مش عارف اللى هاتحبها ولا اللى هاتلعنها بس سجله والسلام

قشطة يا مان

تحيا الأفكار "الهدامة" ! لأن البناء الخرب الذي نتظاهر بأننا نقطنه قد سقط و لكن أحداً لا يعلم سوانا .... لا بد من الكثير من الصرخات الضائعة في البرية عساها تواجه الهتافات الحنجورية.. اعتذر للا أحد في الواقع عن عدم حضوري للجلسة و لكنها الدراسة اللعينة

You may want to visit my brand new blog

اظن المشكلة مش في كلام علاء لكن في علاء نفسه الكلام لوحده لا يصلح كدليل على مصداقيته المهم كمان المصدر

ايوه رمضان بتزيد فيه عادات وحشة كتير بس مين الى حقه يقول ؟

واحد مسلم في منتدى اسلامي ولا واحد مسيحي في منتدى قبطي ولا مين ؟

in other words, pick your battles!

السلام على من اتبع الهدى (وبئس القول لمن كان منافقاً أو ساباً لدين الله)

اولاً : لا اجد ما اصف به هذه المدونة الحقيرة التى تذم فى أفضل الشهور فى العام سوى ان أقول (ربنا ينتقم من الجهلة الاغبياء الذين لايعرفون القراءة فضلاً عن الكتابة)

ثانياً : هذا المسمى (رجلاً) الذى كتب هذه (المدونة) أنا لااعلم اذا كان مسلماً أو كافراً (على العموم لو كان أصلاً عنده اى ريحة من اى دين مكانش كتبها احترامأ لنفسه)

ثالثاً : لقد علمت الآن كيف فاز هذا الموقع بهذه الجائزة الوهمية (صحفيون بلا حدود) واعتقد انها فعلاص بلا حدود فى التخلف والاسفاف وعدم احترام الآخرين بدعوى حرية التعبير (المقلدة أساساً بتخلف من الغرب الذى لا يحترمها عند المصلحة)

رابعاً : لقد ندمت اشد الندم عندما دخلت إلى هذا الموقع لأن هذا سوف يحسب فى سجل و عدد الزائرين له

خامساً : ليت من يقوم بكتابة اى (مدونة او شىء متخلف) يراقب اقواله وهل هى فى سخط الله ام لا (دا اذا كان بيؤمن بالله اصلاً)

سادساً : ليس معنى حرية التعبير أن يقوم العبد بالتجرؤ على مولاه وخالقه وسب اشياء عظمها الله (فعلاً ان الإنسان كان كفوراً بنعمة الله)

سابعاً : أرجو من يقرأ هذا الرد أن يحكم عقله ويقرأ ويطلع فى دين الله لعله يفهم ويكون له عقل(العقل هوه الحاجة اللى بتطلع من الطاسة اللى فى دماغه واللى ربنا رزقه بيها)

ثامناً : الحمد لله انى عرفت قذارة هذا الموقع وما به من مقالات تخدش الحياء وما به من تفاهة (وقذارة الكاتبين لهذه المقالات ) وان هدقها الوحيد هو الاعتراض على أى شئ (حتى لو جت ذبابة على مناخير واحد فى الشارع يعترض عليها (انها لم تلتزم بحقوق الانسان))

ارجو ان يتم حذفى من هذا الموقع القذر حتى لا يظهر اسمى بجوار اسماء من يعتدون على الدين ويكتبون المقالات الجنسية (بدعوى حرية الرأى)

والسلام على من اتبع الهدى

صم بكم عمي فهم لا يعقلون. يا أستاذ عبده ذمة - اذا كان ده اسمك أو كان عندك ذمة- هل قرأت ما كتب , وان قرأت هل فهمت , وان فهمت هل وعيت؟

في الغالب لن ترد لأننا الآن في شهور اللا منطق حيث " اضرب و اجري" هو الشعار الذهبي

مدونتي الرضيعة

انا مش عارف الناس اللى بتهاجم المدونة دي بتهاجمها علي اية ده بني ادم له ايدين و رجلين و راح ينقد سلوك فئه من الناس في شهر معين

روحتوا حاكمين عليه بالاحاد ... ولو كان ملحد_للاخ بتاع التنين_يعني مش هيبقى له حق النقد

الله يلعن الجهل

....معلش يا ابو علاء انا اقتبست المقوله بتاعة التنين علي الشيتات بتاعتي ..مسامح ولا اية

i think if u believe in freedom and democracy u would respect others feelings by adding just one sentence to your post,in my opinion this sentence may be

" what i am saying is what people do, not what Ramadan should be "

that if u were muslim and know what is Ramadan and what people should do in it.if u aren't u should know first either by reading any thing about Ramadan or by asking some Muslim whose information is trusted.

but i think what u said is considered an offense to Muslims sacred month and it is not accepted

what I said is essentially what happens every year, if it is wrong then people should be spending more effort on improving it than on bashing whoever says it.

Im agree with you about what is happeing in ramdan but i DISSAGREE with the using of the wording , in my opinion you should use IN at the begining of each line coz i see it offending to the holy month as the meaning is given to the month rather than the people act on ramdan

Again you still getting the blam on ramddan about what people doing ,it is the fault of the people and sure not all the people still there are a lot of people are doing well in ramdan as well after and before . i think you are offending the holy month and the fast majority of the true bleaivers who do good deeds in this month

رمضان مش كده الناس هيه اللي كده, الناس هيه اللي تافهة , هيه اللي كسوله , هيهى اللي تحولت لمعامل لاخراج الفضلات والعيال ,حتى مش قادرين يحترموا شهر واحد بس بس في السنة مش هاين عليهم يدوا فرصة انفسهم يتطهروا من اللي بيعمله بقيت السنه فبيركزوا يطلعوا قذاراتهم في رمضان خلاص مفيش اي حاجة بقى محتفظة باحترامها وقدسيتها في العالم ده احنا حتى منسحقش رمضان ده اللي مش عاجب جنابك لو ربنا بيعاملنا بعدله كان حرمنا منه لاننا منستحقش نور زي ده بظلمة و حقد قلوبنا وكرهنا لنفسنا وللي حوالينا وتدميرنا لاي حاجة وكل حاجة حلوة اوطاهره بمنتهى الاصرار والخلاص وكاننا في مهمة مكلفنا بيها الشيطان حالفين لندمر نفسنا وكل حاجة حوالينا ....حالفين لنستحق جهنم حدف

الحديث عن شهر رمضان

أنا أحب أن أوضح شئ هام لماذا حين نرى بعض السلبيات فى شئ نحكم على هذا الشئ كاملا انه غير مفيدأو انه غير سليم كاملاً ارجو النظر إلى شهر رمضان بموضوعية كيف

لم يقل الإسلام أن يكون شهر رمضان هو شهر الكسل والدليل على ذلك نسمع مطلقاً فى جميع كتب السيرة أن النبى صلى الله عليه وسلم والحابة رضوان الله عليهم كانوا كسالى فى هذا الشهر بل على العكس كان العمل يقوم مثل باقى الأشهر وهم صائمون ومن يعمل وهو صائم معناه انه أنشط من الأيام العادية وهو شهر الرحمة والمغفرة والدليل انه إذا قام أحد بنهرك فى الارع أو فى العمل أو فى أيى مكان قال الإسلام لا ترد عليه وقل إنى صائم وهذه رحمة من الإسلام ومقولة أنه شهر الإسفاف فإن رمضان ليس هو السبب ولكن هو أخلاقيات البشر ولا أقصد كل البشر ولكن أخلاقيات من يقومون بالإسفاف ودائماً يحثنا الإسلام على أن لا نفرط فى الطعام فالمعده بيت الداء ولا تجعل يدك مغلولة إلى عنقق ولا تبصتها كل البسط فتقعد ملوماً محصوراً صدق الله العظيم أرجو مراجعة النفس والكتب قبل النقد فى شئ لاأقصد الدين فقط ولكن فى كل جوانب الحياه حتى يكون النقد موضوعى إن الإسلام دين الأخلاق وقال رسول الله صلى الله عليه وسلم بعثت لأتمم مكارم الأخلاق وهذه المقولة تكفى لفهم المقصود مما أريد قوله وذلك إلى جانب الإعجازات الكثيرة فى القرأن والتى جعلت كثير من العلماء وغير العلماء يؤمنون به ومن يريد معرفة تلك الإعجازات يقرأ القرأن وهو يعرف لهم إهدى كل عاصى وإنصرنا على من ظلمنا وإستحل ما يحرم عليه منا والسلام عليكم ورحمة الله وبركاته

بماانى امتاز بفضول لانظير له ممكن يا علاء تفهمنى اذا كان هو ده رمضان اللى شهرته لايختلف عليها اتنين اذا كان كل هذه السلبيات انت شايفها فى رمضان اولا ايه هو الشكل المثالى لهذا الشهر ثانيا انت كيف تقضى رمضان وهل تذهب الى المساجد وتقرا القران باختصار يعنى ازاى بتتفادى كل السلبيات اللى انت قايلها هنا فى التدوينة رجا الرد

شوف يا سي علاء

أنا مش من عادتى استعمال الأسلوب ده فى الكلام لكن لكل فعل رد فعل وبعض أفعالك اللى بتشوف إن ما فيهاش مشكلة لحد هاثبت لك بالدليل القاطع بل وعلى لسانك انت شخصياً إنها ما تنفعشى أرجو الرد على أسئلتى

أولاً : إيه رأيك فى مبدأ الغاية تبرر الوسيلة ؟

ثانياً : إيه حكمك على الدبة اللى قتلت صاحبها؟ ولو شفتها وهى رايحة تقتل الدبانة اللى على راسه بالحجر الضخم ياترى موقفك هايكون إيه؟

ثالثاً : ايه تعليقك على الصحفى صاحب الأراء مدفوعة الأجر؟

رابعاً : معرفش موقفك إيه من اللصوص وقتالين القتلة لكن إيه موقفك من اللى بيسرق ويغتصب ويقتل كده وخلاص ؟ يعنى بدون أى أسباب أو أهداف من الجريمة ولو سألته يقوللك كنت عاوز أعمل كده وخلاص؟

وسؤالى الأخير وهو خاص شوية :ياترى إيه موقفك فى الحالة دى"واعذرنى الفن المصرى مأثر عليا شويا " لكن استحملنى لما تشوف منال ماسكة إزازة الدواء وعايزة تشرب منه وانت سامع المذيع فى الراديو بيقول : الدواء فيه سم قاتل - يقصد الدواء اللى فى إيد منال؟ يا ترى إيه موقفك ؟ وكمان إزاى هايكون موقفك بعد ما تقول لمنال الخبر وهى تصر على شرب الدواء ؟ حقيقى مش عارف رد فعلك إيه؟ لكن أحب أسمعه منك؟

طولت عليك ورغيت كتير بس صدقنى أنا عاوزك تحط نفسك فى المواقف دى وتقارن ردود أفعالك وتقول لى بعد كده هاتفكر ازاى ؟ على فكرة أنا متوقع ردود مستفزة - ولا يهمك- المهم إن الواحد يتعلم وطول ما الواحد بيتعلم يبقى بيكبر وطول ما بيسمع يبقى بيطور ويتقدم وفى الوقت ده بس يبقى فعلاً بيعمل حاجة مفيدة ليه وللناس اللى حواليه.

أشكرك على قراءة تعليقى وأشكرك أكثر لو اهتميت ورديت وانا وراك ومش هاسيبك ههههههههههههههههههههه