You are here

النيابة تضلل محاميي عبد الكريم نبيل سليمان

Primary tabs

باين كده أن الاستنطاع و الاستهبال و البلطجة مبقيتش حكر على كلاب الداخلية و شكلها بهتت على وكلاء نيابة و قضاة كمان، عشان يبقى مفيش حد أوسخ من حد يعني.

المدون عبد الكريم نبيل سليمان اللي محتجز من 6 نوفمبر قال ايه على زمة تحقيق في تهم وهمية من نوع اهانة رئيس الجمهورية (يا أخي بق أمه) و التحريض على قلب نظام الحكم و الذي منه كل عرض نيابة يشوف العجب، من أول وكلاء نيابة بيأمروه بالتوبة و بيسألوه بيصلي ولا لأ لحد وكيل نيابة بيجيب اصحابه يتفرجوا على الكافر.

النهاردة كان العرض الرابع طلعوا باختراع جديد، تضليل و تتويه المحامين بحيث يمنعوهم من مقابلة عبد الكريم و من حضور التحقيق معاه، عبد الكريم نقل من نيابة جزئية لنيابة كلية من دون اخطار المحامين ولا حتى اخطار القاضي اللي في المحكمة الجزئية اللي فضل مستني، و طبعا المحامين قعدوا يجروا في البلد كلها لحد مكتشفوا هو فين لكن وصلوا متأخر و كان عبد الكريم اتعرض فعلا رغم رفضه للمثول أمام النيابة بدون حضور محاميه و اتجددله الحبس الاحتياطي 15 يوم كمان.

يا ريت ميجيش فسل متخلف منكم يقوللي عبد الكريم كافر و زنديق و يستاهل عشان يا بهايم اللي بيحصل غير قانوني بالمرة و فيه انتهاك لحقوقه الدستورية و المفروض أي حد حتى لو شايف أن عبد الكريم أخطأ يقلق من استخدام الحبس الاحتياطي كعقوبة و تفتيش النيابة في ضمير و عقيدة المتهم و الضغط عليه بسلاح الحبس الاحتياطي عشان يتوب و قلة الأدب و حرمانه من المحامين ده غير حبسه أسبوعين في تخشيبة قسم و ما أدراك ما تخشيبة القسم.

لو قلبك مش مطاوعك تطالب بالحرية لعبد الكريم تقدر على الأقل تطالب بالعدالة لعبد الكريم، يا يفرجوا عنه يا يحاكموه من غير استهبال و استنطاع.

بانتظار تقرير المحامين في الشبكة العربية لمعلومات حقوق الانسان.

Comments

ما يفرمه ترماي حته بني ادم زبالة وبيتشتم في دينه ويبقا الناس غلطانة بيتهيألي ان دستور مصر بينص علي انها دولة اسلامية وسب شهر رمضان علننا يعد من اعمال الكفر وبيتهيألي لازم يستتاب ثلاث فان لم يتب يقتل من الاخر يعني فرمه ترماي هو وامثاله هي مش ناقصة

يا عم بطل غباء و ركز، لو فيه قانون في مصر يجرم اللي هو عمله مبيتقدمش للمحاكمة ليه؟

فاهم؟ ولا لسه؟

الحبس الاحتياطي ده عشان لو واحد مرتكب جناية و فيه احتمال يعدل في الأدلة أو يهرب لكن الأصل البني أدم يفضل بره السجن لحد ما يتحكم عليه.

و القاضي و وكيل نيابة مش شغلتهم يسألوه في معتقداته.

كمان ايه علاقة أنه (على حد قولك) شتم رمضان بتهم اهانة رئيس الجمهورية و قلب نظام الحكم.

و بعدين أي متهم من حقه محامي بما فيه اللي يغتصب أمك، ليه يحرم من حضور محاميه؟

حاول بقى تفهم، أنت شايفه كافر و ثكلته أمه و معرفش ايه، ماشي و عندك تصور غامض تماما عن القانون المصري مفيش مانع، لكن الخطر أنه السلوك الغير قانوني و غير دستوري ده مش هيطبق على الكفار فقط يا كابتن هيطبق على أي حد مش عاجبهم، أقل واجب تطالب بأنه التعامل يكون قانوني و أنه لو ارتكب جريمة يحول للمحاكمة فورا و تكون محاكمة عادلة و دستورية و يوفرله فيها فرصة الدفاع و يطلق سراحه لحد ما يتحكم عليه.

Dear Alaa,

ana shayef ennak betonfo7' f erba ma2too3a. enta m3ak 7a22 bass meen elly yefham. el-masreyyeen bema feehom el-mota3allemeen mo3zamhom ba2o fee qemmat el-gahl wel ta3assob. ana mota2akked enn el-afandy elly bey2ool enn Abdel kareem shatam deeno 3omro ma ara wala 7awel ye2rael-bog bta3 abdel kareem. lel asaf ana sebt el-balad 3ashan ashta3'al barra warga3 bass koll yom ala2y sabab ye7'alleeny mafakkarsh arga3. da 7atta wa7ed sa7by f mas mohandes shayef enn el-sawwa2een elly bey3azzeboohom fe aqsam el-shorta yestahlo 3ashan yetrabbo la2ennohom gezam welad kalb. shayef eih el-3aqleyya beta3et wa7ed m3ah bakalorios handasa, ommal wa7ed zabet shorta f eedo solta ye2ol eih?. mosta7eel wa7ed tabee3y mo3tadel 3ando mo7' yesta7mel ye3eesh fel gaww dah men 3'er mayegralo 7aga. ana 3aref enn fee nas keteer hat-hagemny wet2ool 7'ayen. a7ebb a2ollohom: "7'alas embesto beeha. I don't care anymore b/c it's beyond fixing.". But anyways, I admire your courage Alaa and the others: Malek Mustafa and Wael Abbass and all the ones who have the courage to face the wrong situations and say NO WE ARE HUMANS AND WE HAVE RIGHTS.

رغم اني لا احب الفول السوداني ... الا انني بقول احااااا على اللي بيحصل

الحرية للجميع شعار حلو ياعم علاء لكن اشمعني عبد الكريم اللي محروق عليهبالطريقة دي؟؟ ما لا مؤاخذة عصام العريان بتاع الاخوان (بصرف النظر عن اختلافنا معهم) مرمي في السجن وبيتجدد له و قبل منه استاذ فاضل في جامعة اسكندرية الدكتولر البرنس اترمي خمس شهور في السجن احتياطي برده و اهو الاثنين دول برقبة عبد الكريم و ما سمعناكش بتهلل علي الحرية التي يراق دمها في بر مصر... هل ما سمعتش عن دول ...ولا دول مش مهمين بالنسبة لك لو المبدأ هو الحرية للجميع يا ريت نشوف علي مدونتك انت و باقي احرار مصر (أفرجوا عن العريان) و لا يكونش اسمه فيه أباحة و بتتكسف منه

يا ريت تذاكر أو تسأل قبل ما ترمي اتهامات فارغة، سبق و شاركت في مظاهرات، بل و نظمت مظاهرة و عملت بوسترات للمطالبة بالافراج عن الدكتور عصام العريان و زملائه،

طبعا جهدي ده ولا حاجة جنب اللي عملوه أخرين و ولا حاجة جنب اللي مطلوب يتعمل لكن أنت سألت.

عصام العريان مش الشخص الوحيد سبق و شاركت مشاركات متواضعة في تنظيم حملات لمعتقلين اسلاميين و شاركت المدونين في جمع و نشر معلومات عن حالات أخرى، يا ريت بدل ما تقعد تنبر لو شايف تقصير في حاجة بادر أنت يا سيدي و اشتغل عليها.

افتكر ياأستاذ علاء ان قوانين العالم أجمع بما فيهم امريكا نفسها بتفرق بين حرية التعبير وحرية الرأى وبين الإهانة وتحقير الآخرين واذدراءهم ..الى قاله كريم من انه لايؤمن بالله ولا بشهر رمضان الخ داخل فى حرية الرأى ..ماشى ..لكن انه يصرح أو يلمح ان الذى يؤمن بالله ويصوم رمضان يمارس نفاق اجتماعى وانه متخلف وان كل واحد بيحترم نفسه يجب ان يترك ذلك النفاق يبقى خرجنا من حرية التعبير وحرية الرلأى الى قلة الأدب وإهانة الآخرين وتسفييه معتقداتهم مع ان دساتيير العالم أجمع وأولها الدستور الأمريكى بتنص على أن حرية الاعتقاد-اللى بتطالب بيها لكريم وهو مش محترمها- مش بس مكفوله للجميع لكنها ايضا مصونه من احتقار الاخرين واذدرائهم..واللى عمله كريم انه تجاوز خط الحرية الى تحقير الدين الاسلامى - وبالمناسبة ايضا المسيحى لان المسيحيين يؤمنون بوجود اله وبيصوموا ايضا-ولم يكتفى بلاعلان عن رأيه فقط..دى النقطة الاولى ياأستاذ علاء وبالمناسبة هى من متخصص قانون بدل مانقعد نفتى بغير علم ..النقطة التانية أنا متفق معاك ان لازم كريم يأخذ كل حقوقه الدستورية من وجود دفاع دون أى عراقيل ومن وجوب توجيه تهمة له ومحاكمته أو الافراج عنه وعدم معاقبته دون محاكمة والضغط عليه بالحبس الاحتياطى ..وعلى فكرة اللى بيقول كده هى الشريعة اللى عاوزنا نبلها ونشرب ميتها لان المولى عز وجل يقول فى كتابه الكريم اللى مش عاجب الأستاذ كريم وده حقه" وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُوااعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ }المائدة8 ..النقطة الثالثة ياأستاذ علاء ان الشريعة منهاج حياة يعنى فيه قانون مفيش قانون ده ايمان واختيار مينفعش تقول لما يبقى نطبق الشريعة وان فيه قانون نرجعله لان بنفس المنطق سلاكين السوءبيتكلموا ويقولوا عندنا قانون وهما اللى حطوا القانون بالغلبية الحزبية فى مجلس الشعب وبيحكموا بيه اللى هما عاوزينه لكن الشريعة مش قانون مجرد وانما هى مجموعة القيم الانسانية الى بتحكم سلوك الفرد والمجتمع فى المعاملات والافعال المباحة أو المجرمة من واقع الصواب والخطأ اللى مصدره خالق البشر مش اختلاف المجتمعات , يعنى جواز الشواذ وممارستهم الشذوذ قد يكون صوابا من وجهة نظر مجتمع وجريمة من وجهة نظر مجتمع آخر لان الصواب والخطأ هنا أصبح متروك لاختيارات البشر فى حين ان مشروعية أو عدم مشروعية الأفعال مصدرها الله فى كل الديانات مينفعش يا أشستاذ علاء نقول على كلمة الشريعة تبلها وتشرب ميتها لان المولى عز وجل بيقول قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ }الانعام 162 ....النقطة الخيرة يا أستاذ علاء ياريت متبصش لرأيك دايما على انه الحقيقة الوحيدة الموجودة لان ده ضد الديمقراطية اللى بتؤمن بيها واللى أنا مش مؤمن انها موجوده فى العالم كله ولا فى امريكا لا زمان ولا دلوقتى ولا هتكون موجوده ..أنا شايف انك دايما تكلم اللى مخالفك فى الرأى بكلمات تسفييه زى ياعبيط وغير ذلك من الكلمات التى تحمل ايحاء بان اللى قدامك غبى وانت أبو المفهومية زى مالك رأى وتوجه وايمان غيرك برضه له ذلك وانت فرد وسط ملايين مش معقول انك لوحدك ومعاك كام واحد والا حتى الاف الى بتفهموا وغيركم حميير لكن دايما هناك نقاط اتفاق ومساحة مشتركة نتفق عليها كالحقوق والحريات ومساحة نختلف فيها كقاة أدب الستاذ كريم مثلا

معرفش ليه أنت مصر تكلمني عن أمريكا و حاجات كده ملهاش علاقة بالموضوع.

لكن ما علينا، اتفقنا على حق عبد الكريم في دفاع و على أن مش مفروض يعاقب بالحبس الاحتياطي و أن يا يوجله ليه تهم ليها معنى و تبدأ محاكمته و تكون محاكمة عادلة يا يفرج عنه.

لحد كده و كويس، لما يبقى يتحقق الكلام ده يبقى نتكلم في حدود حرية التعبير.

الملحد حده القتل في الاسلام و مصر بلد اسلامي اغلب سكانها مسلمين الحريه في كل شئ الا الاسس الدينيه القران و السنه المؤكده و الدين لا يتجزاْو لا يمكن تغييره او لتقبله كله و تسلم لترفضه و تلحد او تشوف دين تاني يرضي بالحلول الوسطيه المسيحيين اخوه افاضل لكن بعيد عن القضايا اللي تمس الاسلام صح ولا ايه؟

amrica .....amrica we 3amelly ragel deen we fahim tab ya seedy Toz fi amrica we elly tetshaddedo laha amrica ya khawaga la deen wala akhla2 wala zema kol elli te3rafo: in god we trust bo2een maktobeen 3ly el dolar 3ashan elnas el sasga elly zay 7adretac ama el "god" elly te3rafo howa el dolar men fadlak eza kont 3ayez tetkalem fi el akhla2 aw el mabade2 , ensa amrica elawel lean faqed el she2 la yo3teeh

مبدئيا انا مش هرد باسلوبك لان ادبي يمنعني عن اني انزل للمستوي ده اسلوبك واضح جدا من زوقك وفهمك العالي للقانون اولا انت اتهمتني بالغباء وعدم الفهم وانا بشكر سيادتك يا مؤدب يا محترم علي زوقك بس بيتهيألي مدومن الخمور وممارس العادات السرية في الحدائق والاماكن العامة وزوج الكاسية العارية هو العن واضل سبيلا وصور سيادتك وصورها تحكم ده بالنسبة ليك

اما بالنسبة للاساتذ عبد الكريم فالرد موجود عندي علي المدونة وكفاية ردي الي فات اما بالنسبة للنواحي القانونية يا سيادتة الفاهم يا محترم يا ابن الناس المحترمين فانت قلت ان الحبس الاحتياطي لما يكون في خوف انه يهرب او مرتكب جناية واحب اعرفك ان الالحاد والارتداد عن الدين جناية يعاقب عليها القانون المصري وتعاقب عليها الشريعة الاسلامية بالاعدام يعني ده العدل ولو مش مقتنع ان عبد الكريم باشا ملحد اتفضل ادخل مدونته او ادخل علي منتدي الحاد وشوف مقالاته وهتعرف اننا بنتكلم عن كلب بلدي جربان وان الي بيدافع عنه ومتحمس ليه ده مجرد خنزير بري اسف لسيادتك بس دي الحقيقة الي محدش ينكرها بطل تمثيل وفوق

حلو شكلنا كده هنقضيها في شرح الفرق ما بين أو و و

يا بتاع بقولك الحبس الاحتياطي لمرتكب جناية و فيه خوف من أنه يهرب مش أو؟

و يعني الحاجتين لازم يحصلوا، أو يعني كفاية واحدة فيهم بس.

كويس لحد كده؟ دلوقتي عبد الكريم راح للنيابة برجليه، مجرجروهوش و مقبضوش عليه و هو مستخبي في الذرة يعني مفيش سبب لافتراض أنه هيهرب و وكلاء النيابة في استئناف قرار الحبس الاحتياطي محاولوش حتى يذكروا أسباب لشكهم أنه ممكن يهرب، أما فرصة أنه يغير أدلة فدي برضه حاجة عبثية بما أنه أقر أنه كتب الكتابات اللي هو المفروض بيتحقق معاه بسببها، يعني مفيش داعي لحبسه احتياطيا و المفروض لا يعاقب حتى تثبت ادانته في محكمة.

كونك مقتنع 100% أنه أجرم ده ميسواش بصلة لازم تحكم عليه محكمة، هرشت؟

حلو نيجي بقى للالحاد جناية، جبتها منين دي ياض؟ ولا هو فتي و السلام؟ ممكن حضرتك تقوللي دي معلومة من محامي ولا معلومات عامة؟ و يا ترى أي مادة في أي قانون اللي بتنص على أن الالحاد جناية؟

أما الشريعة الاسلامية فتبلها و تشرب ميتها عشان أحنا عندنا قانون مش شغالين بالشريعة، لما تبقى تغير النظام و تخلينا ماشيين بالشريعة نبقى نتكلم فيها.

و الحقيقة اللي محدش بينكرها دي أنا شخصيا أعرف عشرة بينكروها يا ترى دول كلهم من ضمن فئة محدش؟ ولا دول الشواذ اللذي يثبت القاعدة؟

و بعدين لما أنت شايف أن ملحد دي جناية و شايف أن فيه أدلة على أن كريم ملحد يا ترى النيابة موجهتش التهمة دي ليه؟ و يا ترى ايه رأي سيادتك في توجيه تهمة اهانة رئيس الجمهورية و التحريض على قلب نظام الحكم (على فكرة دي تهم موجهة لعصام العريان برضه، باين كده عصام العريان ملحد و أحنا مش واخدين بالنا).

أما الشريعة الاسلامية فتبلها و تشرب ميتها عشان أحنا عندنا قانون مش شغالين بالشريعة، لما تبقى تغير النظام و تخلينا ماشيين بالشريعة نبقى نتكلم فيها.

دي كلمة تقولها يا محترم يا ابن المدارس يا متربي صحيح اكتب ما شئت ولا تخجل فالكل مهان اكتب ما شئت ولا تخشي بطش السجان فالكل جبان

هنبلها ونشرب مايتها وانت مش ناوي تشرب ولا انت ناوي كفاية عليك الي بتشربه علي فكرة مية الشريعة الاسلامية بيقولوا عليها كاس العز خليك انت مع بتاع منتدي الحاد ومش داخل هنا تاني اريح بدل التعامل مع امثالك

إنت يا عم يا علاء لما طلعت في دريم واتكلمت عن أوب إسلام عبدا الله ضمن مسجوني الرأي بسبب التدوين... ولما وائل حاطط صورته وبيطالب بحريته... الناس دي مبيوصل لهاش المعنى ليه؟

يعني ما بندافعش عن الكافر الملحد وبس وبندافع كمان عن حرية جربوع متطرف بيطالب بقتل المسيحيين والحض على كراهيتهم ومع ذلك بنقول دا رأي وتعبير ويترد عليه بالرأي وما نسجنش واحد بتهمة تعبيره عن رأيه

أو زي ما انت ضربت المثل بتاع الراجل الفاضل عصام العريان ما احنا بنهاتي ونطالب بحق الراجل في الحرية وهو إسلامي وعارفين إنه لو جماعته مسكوا البلد ولو عصام نفسه بقى الرئيس في يوم هتبقى ضلمة على دماغنا كلنا ومع ذلك بنقول الحرية قيمة وحق ومبدأ وعصام لازم يخرج والراجل السافل اللي عايز يقتل المسيحيين برضه لازم يخرج وبعدين نبقى نرد عليه

أيضا كريم وهو ليس ببطل ولا نيلة وعلا فرض إنه عيل لاسع ولسانه طويل وبيهلفط في الكلام عن الأديان برضه حقه إنه ما يتحاكمش على أفكاره ولا إنه يتحبس احتياطي إلى أن تتم استتابته

وكيل نيابة إيه دا يا اخواتي اللي يسأل المواطن دين أمه إيه؟ نيابة إيه اللي بتناقش المتهم في ما يعتقده... دا احنا بعون الله رجعنا لمحاكم تفتيش العصور الوسطى... دا كدة واحنا حكومة علمانية أمال لما بتوع طظ والجزمة يمسكوا هيعملوا فينا إيه

إيه النيلة دي وإيه الهطل دا

يا عم علاء

الأخ المحترم اللي مش عايز ينزل لمستواك الوحش الكخة في الكلام وهو بيلسن على سمعتك وهو المفروض راجل مسلم يعني ما يتنابذش بالألقاب ولا يأكل لحم أخيه ميتا ولا عايشا ولا المفروض أنه يرمي المحصنات بكلام وسخ من اللي قاله على زوجتك الكريمة

أراهن إنه هينزل رد جديد يشتم فيه شوية وبعدين يختمه بالقول أنا لا أريد أن أنزل لمستواك يا خمورجي يا بتاع مش عارف إيه

نهاره أبيض

مش هرد عليك هنا يا علاء لانه مش مكاني هرد عليك علي البلوج بتاعي لاني دايما اتعودت احترم مكان غيري حتي لو كان هو مش محترم نفسه وشكرا لزوقك يا ابن الناس يا مؤدب

يا كل لعنات السماء فلتصبي جحيمك علي قضاة ووكلاء نيابات مصر يا ايتها الطير الابابيل فلترمي حجارتكي علي رؤؤس من يعادون المناضل كريم عامر يا ايها الشهيد المناضل( كريم عامر اثبت فكلامك السرمدي سيصبح ترنيمة من ترنيمات الحرية سنمجدك سنعظمك سنرفعك الي مصاف القديسين فانت الحرية ولا حرية لنا بدونك اما بعد....وبمناسبة نداء الكتكوت البمبي بسرعة محاكمة الثوري كريم عامر لان التسويف معه يعتبر انتهاك لحقوق المناضلين امثاله فانني اطالب القضاة متمثلا في هيئة القضاة ووزارة العدل والمجلس الاعلي للقضاء بسرعة البت في قضية الشهيد الحي كريم عامر وهذا من ابسط حقوقه الدستورية المشروعة داعيا الله عز وجل ومبتهلا اليه وساجدا وراكعا ورافعا يدي للسماء وكاشفا راسي ان يكون حكم سيادتكم يحمل العداله التي نبتغيهاومتمنيا من الله ان يكون هذا الحكم الاعدام علي الخازوق او رميا بالصنادل في ميدان التحرير او التبول عليه حتي الموت او الصلب علي ماسورة صرف صحي متاكله وان كنت افضل شخصيا ان يعدم رميا بالبعابيص

برضه مفيش فايدة، فكر يا بهيم لو نفس التجاوزات القانوينة و الدستورية اتمارست ضد حد أنت مقتنع بكلامه أو شايفه مظلوم.

أكيد مش صعبة الفكرة دي، أكيد سهل تفهم فين المشكلة في حرمان أي حد حتى قاتل أبيك من حضور محامي معاه في التحقيقات مثلا.

لا قلت أنا بقى أن عبد الكريم مناضل ولا ثوري ولا بتنجان، قلد أنه متهم المفروض يعامل أنه بريئ حتى تثبت ادانته في محاكمة عادلة، قلت أنه مواطن مش مفروض يعاقب بالحبس الاحتياطي قلت أنه متهم له حق في محامي، قلت أنه متهم له حق فيه احتجاز شرعي، قلت أنه بني أدم لا يحق لقاضي أو محقق سؤواله عن دينه و هل يمارس شعائر دينه ولا لأ.

أنا رأيي فوق دول أنه من حقه يقول أي حاجة، أنت رأيك غالبا أن لأ هو قال حاجات خارج نطاق المسموح بيه، أنا متفهم الخلاف ده و ان كنت معتبرك غلطان، لكن لو كان هو فعلا قال حاجة خارج نطاق المسموح بيه قانونا يبقى المفروض يحاكم مش يتبهدل بحجة التحقيق و السلام.

عموما بسيطة البلد فيها عشرات ألوف المعتقلين، بيتعاملوا نفس المعاملة، أكيد واحد فيهم على الأقل على مزاجك و ممكن تتعاطف معاه، فكر بقى في أننا كل ما بنفوت الممارسات دي لحد، أي حد بتترشخ أكثر و أكثر، وان كان حارقك قوي عبد الكريم و معتبره أن مدونته لوحدها خطر على ديانة موجودة بقالها خمستاشر قرن و بيدين بيها فوق البليون بني أدم يا سيدي دور على معتقل ثاني.

سيدي الفاضل متفهم موقفك تماما ولكن لماذا الدفاع عن هذا الشخص الم يكن هناك من هو اولي ويستحق الدفاع عنه والمطالبه بمحاكمه عادله له والوقوف بجانبه لماذا هذا الكلب بالذات هو من ندافع عنه بحجة حرية التعبير و الراي ؟؟؟؟؟؟؟؟؟؟؟؟؟؟؟؟؟؟؟؟؟؟؟ انه اسوء مثال علي حرية الراي دة لو كان في الاساس اللي هوة بيقوله راي مجموعه مقالات كريم لا تحمل اراء انها مجموعه من الشتائم والسباب لكل ما هو اسلامي لا يوجد راي واحد ولا حتي حجة يعني بمنطق كريم انا هقولك يا علاء يا بن المتناكة يا معرص ومتسالنيش ليه لان دة راي شخصي ويجب عليك احترامه وساعتها لا هيبقي دي قذف ولا سب لان انت خلطت حرية الانتقاد والتعبير بالسب والشتم وتحقير الاخر انا مناكد تماما ان انت تعي وتعلم ما اريد ان اوصله لك واعرف انك بالذكاء الكافي لفهم مقصد كلامي واحترم ذلك لكن من يعنيني فعلا هم المخدوعين بالكلمات البراقة والشعارات الرنانه وهؤلاء هم من تلعب بعقولهم شوف يا علاء موضوع كريم من الاول للاخر فيلم هندي كبير اوي ومحدش مستفيد من الفيلم دة الا كريم نفسه للاسف هيطلع من المعتقل السياحي بتاعه اقوي واعلي كلمة من الاول علي اساس انه مناضل فكر وهيلاقي كتير اوي بيحاولوا يخدموة ويظبطوة بصراحة الكلب دة لعبها صح وانت فاقس الليلة بغض النظر عن كونة ملحد كافر مسلم مسيحي انا ميهمنيش انه حتي يكون بوذي لكن طريقه الكلب دة رخيصة اوي مش قادر استوعبها عارف لو فعلا انا متيقن انه مصدق اللي هوة بيقوله ومؤمن بكلامه كان هيبقي الوضع مختلف معايا كتير ويمكن كنت نظرت للموضوع نظرة تانية لكن كونه يبيع مبادئه وعقيدته وشرفة عشان فيزا اتحاد اوروبي وتظبيطة كويسة برة يبقي كسمه

لماذا الدفاع عن هذا الشخص؟

شوف يا سيدي أول كل حد من حقه و المفروض يدافع عنه و ياخد فرصته في محاكمة عادلة، كل شخص، و ده معناه ان لما يحصل تجاوزات (دي مسألة ملهاش علاقة بالقضية قضية حرية رأي ولا قضية سرقة ولا غيره دي مسألة ليها دعوة بحقوق المتهم محفوظة ولا لأ) يبقة المفروض يتفضح الأمر و يتشكل ضغط عشان الموضوع ميتفشاش أكثر مما هو متفشي.

ده مبدأيا واللي أنا متصور أن الكل ممكن يوافق عليه، أما اشمعنى قرأت هنا عن موضوع عبد الكريم، ده لأني بتوصلني أخباره، لو كل مدون فينا تصله أخبار عن تجاوزات قانونية نشرها نبقى غطينا كمية كويسة و وقتها يمكن يصلنا أكثر من كده، , عبد الكريم مش الشخص الوحيد اللي شاركت في نشر أخباره مؤخرا شاركت في نشر شهادة عن المعتقل عبد المنعم جمال الدين مثلا متنشرش حاجة على المدونة لاني سافرت بعد ما جمعت المادة لكني شاركت المدونين اللي نشروا و تقدر تسألهم.

طبعا فيه غيري قايمين بجهد أكبر، أنا قليل ما بنشر حاجات زي دي و نشاطي أقل من ناس زي مالك و وائل عباس و حسام الحملاوي ده غير نشطاء حقوق الانسان و المحاميين و كده.

لحد كه و كويس، زي ما قلت ده الحد الأدني اللي أنا شايف أن أي حد المفروض يتفق عليه لأن التجاوزات دي خطر علينا كلنا و أكيد منتاش محتاج حواديت عن اعتقالات عشوائية من أول التحري لقمع اللي بيطولوا ذقنهم لحد اللي مش عاجب الباشا و كده.

غير الحد الأدني أنا شخصيا مقتنع أن اللي القضية قضية حرية تعبير و مقتنع أن المفروض يبقى من حقنا نعبر عن أي رأي بما فيها ازدراء الأديان و اهانة المقدسات و بما أني مهتم بالتدوين خصوصا فهحاول يكون لي دور ولو صغير في الدفاع عن أي حد يتحبس بسبب ما نشر على مدونته.

بطلب من اللي مؤمن بحرية تعبير مطلقة أنه يشاركني لكن الحقيقة مش ناوي أبذل مجهود كبير في اقناع من لا يؤمن باطلاقها لأننا نظمنا حملتين قبل و قتلنا فيهم موضوع ما يندرج تحت حرية التعبير و ما لا يندرج نقاشا و بحثا و النقاش مغيرش رأي أي حد و أشك أن هنضيف له جديد، ارجع للنقاشات السابقة و خلاص.

مطلبي بسيط تضامن مع عبد الكريم كمتهم منتهكة حقوقه الأساسية في محاكمة عادلة و سريعة، و لو شايف فيه ناس مش واخدة حقها في التغطية أو الحراك أو التضامن بادر يا سيدي بالكتابة عنهم و التضامن معهم و أدعونا للمشاركة بدل ما تعدل علينا.

أما الكلام الحقير بتاع حبسة سياحي فواضح أنك قلبك شديد قوي و أنك جربت حبسات أوسخ من حبس تخشيبة قسم مزدحم، عموما بناء على خبرتي المتواضعة بالسجن أقدر أقولك أن مفيش حبس سياحي الحبس حبس حتى لو في خمس نجوم و الحبس في تخشيبة قسم حاجة مرعبة و مؤلمة جدا.

أما فاقس الليلة و مش فاقس الليلة فبرضه قدراتك الخارقة على مشاركة ربنا في علم ما في الصدور لا أشاركك فيها أنا آخر مرة كنت اله فيها كان عندي 3 سنين و معجبتنيش الشغلانة فاستقلت.

الحرية لكريم

هؤلاء ياكريم هم سبب تخلفنا

هؤلاء هم من جعلنا امة من القرون الوسطى

شاهد الرابط لتعرف من هؤلاء

http://www.youtube.com/watch?v=QFkblouoRjE&NR

التوقيع مصرى للابد

انا بتفق معاك يا علاء فى نقطه اننا بنطالب بحق عبد الكريم فى المحاكمه العادله لانه مهما اختلفت الاراء حوله او اجمعت عليه فهو فى الاخر شاب كل مشكلته انه فكر ....يمكن تفكيره يكون غلط ويمكن يكون ليه اهداف من تفكيره دا لكن فى النهايه هو من حقه انه يحاكم بطريقه شرعيه يعنى فى وجود محاميين الدفاع عنه الملحد /دا لو سميناه ملحد/ ليه الحق انه يحاكم بشكل قانونى

هو فيه بند في القانون بيعاقب على الإلحاد ويحاكم الضماير؟

يا أستاذة إيمان بعد إذن سيادتك محاكمة عادلة على إيه؟

إقري شوية التهم الموجهة لكريم وانتي تفهمي إنه أصلا لا يصح المطالبة بمحاكمة عادلة... لا يصح سوى المطالبة بالحرية

إهانة رئيس الجمهورية تكدير السلم العام الحض على قلب نظام الحكم التحريض على كراهية طائفة المسلمين

الأزمة بجد أن هذه التهم مطاطة جدا ويمكن أن تلصقيها بأي حد في أي وقت والحد ده ممكن في لحظة يكون إنتي أو أنا

من إمتى النيابة العامة بقت مشيخة أزهرية يقولوا فيها للملحد نوب؟

إيه الهطل دا

كريم بيتحاكم على أفكاره وأيا كانت هذه الأفكار يا أستاذة لا يمكننا أن نقر مبدأ محاكمة الأفكار

وسيادتك يا حاج جرجس محموء اوي كدة ليه اري في عينيك تعاطفا من نوع ما مع افكار كريم ثم اننا كمسلمين نري في سب كريم لرسولنا وصحابته وديننا اهانة لنا جميعا وهذا اعتقادنا وحريتنا ان نعتقد ما نشاء الست مدافعا عن الحرية يا جرجس ؟؟؟؟؟؟؟؟؟؟؟

فلماذا تصادر حق الاخت ايمان في الاعتقاد

الجزيئة الاخري

انك بتخلق حساسية من نوع ما بحديثك في هذا الموضوع ولما يقوم مسيحي منكم يقول انكم شوية بهايم وان الدين المسيحي باطل وان السيد المسيح كذا وكذا وان صقوك الغفران نصب علي الدقون وان الكهنوت الكنائسي قتل الابداع الفكري

معتقدش انك هتفرح بكلامه كمرادف لحرية التعبير فاهم يا حاج

أدهم،

أنت قلت "فلماذا تصادر حق الاخت ايمان في الاعتقاد"

دي مش مصادرة، دا نقاش. طالما ما حدش منعك من أنك تكتب و تتكلم و ترد يبقى ما فيش مصادرة. المصادرة تبتدي لما يروح واحد يشتكيك في النيابة أو أمن الدولة، أو يبلطج عليك بأي طريق أو يحرض على قتلك. ما تعملش زي ال بييجي يتهم واحد بأنه ليس ديموقراطي لأن الأول قال أن كلام التاني مش عاجبه!

ثانيا، موضوع الحساسيات دا المفروض نِكبر عنه، الموضوع مش موضوع عصابات. دا قضية علنية.

ليه أنت بتفترض أن جرجس مسيحي، و أنه مسؤول عن أي مسيحي يعمل أي حاجة!

زي برضو ال كتب تعليق معناه "عبدالكريم دا كذا و كذا لأنه بيشتم في دينه"!! حد قال لك أن دا دينه!

شكرا أخ ألِف لتوضيحك وردك على الأخ أدهم بالقطع من المهم أن نطالب بمحاكمة عادلة لكريم كما من المهم أن يحصل كل مواطن في مصر سواء كان بريئا أم مذنبا بأي تهمة على حقه في المحاكمة العادلة أمام قاضيه الطبيعي

ما كنت ألفت النظر إليه في كلام الأخت إيمان هو أنه قبل أن نطالب بمحاكمة عادلة يجب أن نطالب بالحرية بالأساس كقيمة مقدسة لا يجوز لإنسان أن يتعدى عليها

إنني أدافع عن كريم وأطالب بالحرية له كما كنت أطالب بالحرية للدكتور عصام العريان ومن معه من الإخوان الذين أختلف معهم تماما وأرفض منهجيتهم الفكرية تماما بل وأطالب حتى بإقصائهم من تحالفاتنا الوطنية (وليس من الساحة السياسية على الإطلاق)... الحرية ينبغي أن تكون مكفولة لي ولخصمي على حد السواء ولا حدود لهذه القاعدة وهذا الحق البشري الأصيل

إذا كان الله يقدس حرية الإنسان ولا ولم ولن يتعدى على حرية الإنسان قوم أنا يا بني آدم من طين أقرر أتعدى على قانون وضعه الخالق نفسه؟ إيه البجاحة والسماجة دي

علاء بيدعو إنه لو قلبك مش مطاوعك تناديله بالحرية (وده لو الواقع فده لعيب في دماغك فقط) فعلى الأقل طالب له بمحاكمة عادلة (لكن لا ده ولا ده يبقى انت ساعتها مريض)... والواقع أن أغلبية شعبنا مرضى

أما سؤال المسيحي يتكلم في إيه والمسلم يتكلم في إيه دي راحت عليها خالص الفكرة دي دي فكرة هبلة أوي نحن في عصر العولمة تداول المعلومات وأخيرا لابد من الاعتراف بمنطلق واحد نتحرك منه هو المواطنة

بالمناسبة لما طلع فيلم شيفرة دافنشي بأكاذيبه ومغالطاته الناس المسيحيين لم يتظاهروا ولم يحرقوا سفارات ولا قاطعوا بضايع بل ردوا في كتب وبأفكار الفكر تقاومه بالفكر فقط ولا غير

المؤسة الكنسية كان ليها رأي تاني ودا تخلف فعملت فيها أزهر وكله بيزايد على كله وطالبت بمنع عرض الفيلم ومجلس الشعب يستجيب ما دام مصادرة ومنع وقهر يبقى فلة

كل دا هبل هبل هبل

لو فيه حاجة سلبية في الكنيسة يبقى لازم تتواجه وتتفضح العيوب عشان العلاج ولو اللي عمل دا صحفي مسلم شريف لا غرض لديه يبقى ممتاز ساعد يا عم في التغيير كل مؤسساتنا بتأثر في المجتمع بما في ذلك المؤسسات الدينية

يبقى لازم كلنا نتكلم ونتناقش في كل شيء والرد على الفكر يكون فقط بالفكر

شكرا يا ألف

عشان الموضوع ميخرجش عن السياق العام ليه لازم اقول حاجه اولا كل واحد حر فى رأيه وانا شخصيا حره متقبله اى تناقض او اعتراض من اى حد بس دا مش حيغير رأيى الشخصى ثانيا/ عبد الكريم فعلا محتاج انه يحاكم ومش مشكلتى يتحاكم فين يعنى وزاره الدخليه تحاكمه او الازهر هو اللى يحاكمه دى مش مشكلتى المهم عندى انه تحاكم بشكل دستورى ليه فيه كل الصلاحيات للدفاع عن رأيه والتمسك بيه وبعدين عبد الكريم يعنى مجبش الديك من ديله وحيات ربنا دا عيل لعبت فى دماغه انه يصيع على العالم العبيطه قام كتب وشتم على شهر رمضان وعملى فيها مفكر ومع ذلك لازم نحترم صياعته ولازم الدوله تحاسبه عليها ومحدش يقولى دوله ايه وخره ايه يا ريت والله يتعرض على المحكمه لانى متأكده ان المحكمه حتترأف بحاله وحتخرجه عشان الناس مش ناقصه لعب عيال

بص ياعم علاء انا قرييت مدونات كريم مخصوص علشان اكتبلك مبدئيا انت اسلوبك مينفعش اسلوب واحد مثقف دة اولا ثانيا انا معاك انى اى حد مهما كانت اراءه من حقه انة يتحاكم محاكمة عادلة وطبقا للدستور والقانون وعلى فكرة انا فى كلية الحقوق لكن انا رأى الشخصى انى واحد زى كريم بأراه اللى بتستفز مجتمع اغلبة من المسلمين اللى بيحبوا دينهم دون ثقافه او وعى لكن اسلام وتدين فطرى يعنى لو قاعد فى بار وواحد سب الدين هتلاقى واحد رد علية واعترض مع انهم قاعدين فى بار لكن واحد زى عبد الكريم مع عدم احترامى لارائه انا شايف انه بيسعى لاستفزاز المجتمع والناس علشان يتشهر لكن هو لو كان يثور على نظام مبارك ويأثر فية علشان شايف انى هو نظام حكم فاشى لكان سعى الى جمع الناس حولة واخيرا انا اطالب ايضا انه يحظى بمحاكمة عادلة

و حياتك بلاش تقوللي واحد مثقف عشان بعتبرها شتيمة

علا على الاقل احترم الناس اللي بتدافع عنهم واتكلم باسلوب وبشوية تواضع للناس الغلابة اللي ما يعرفوش يعني ايه ديمقراطية و حقوق دستورية ... انا مش فاهم انت عاوز مساندة وتأييد مننا ليك ولصاحبك كريم في نضالكم لنيل الحقوق الانسانية وبتشتم في سنسبيل اهلنا وفي دينا وفي كل حاجة و كل اللي يخالفك يبقى جاهل وعبد للنظام .... هو يا دكتاتورية مبارك يا الكلام الوسخ بتاعكم

وعلشان نعرف ناخد وندي في الكلام ابسط القواعد اننا نحترم بعضنا توقيع انسان جاهل محترم

كريم ده من وجهة نظري حتة كلب و لا يسوي كلمة تتكتب و لا تتقال عنه و كل اللي بنطلبه ليه بس العداله ... يأخد حقة في الدفاع تالت و متلت ... وفوق منه حته كمان .... و لو مخالف للقوانين يكش يعدموه و نخلص من الأشكال الضاله دي .... انما بصراحة انا بتمناله و من كل قلبي .... انه يتحكم عليه في محاكمة عادلة و قانونيه بالأعدام ... لأنه ميستاهلش غير كده