You are here

حكم

Primary tabs

قالت منال:

الدنيا زي الدوش

أول ما تظبطه ... الجيران يفتحوا الموتور

حكايا الوراجي
سفر المنزل {19:20}
4604 ق.ر.


قال علاء:

الدنيا زي ماتش كورة

لو مصر بتلعب ... يبقى أكيد الحكم هو الغلطان

حكايا الوراجي
سفر الدوران {4:15}
4601 ق.ر.

Comments

طيب اللي عايز يطلع على السفر كامل يروح فين يعني ؟ وسفر الدوران تابع لاي اصحاح ؟ صحيح في اكتر من 22 واحد قراها قبلي وشكلهم كلهم فاهمين يعني ايه ق.ر وشكلي انا الوحيد اللي مش فاهم شتيمه دي يا ابله ؟

http://malcolmix.blogspot.com/

حكايا الوراجي مطبوعة و ده الأسم اللي بيطلق على الأعمال الفكرية الأثرية اللي من عصور ما قبل الرشد و كانت بتعتمد على تكنولوجيا متأخرة جدا، و تصورنا عن أهل عصور ما قبل الرشد مشوه شوية، مش معنى أننا سميناها ما قبل الرشد أن الناس دي كانت ضايعة، دول رغم تأخر العلم عندهم قدروا يعملوا حاجات رهيبة، و فكرة المطبوعة بسيطة و عبقرية، كانت بتعتمد على تحويل البيانات الى صور موجية متصلة، و يترجمها الانسان بعد كده تاني لبيانات (و أن كان عندنا شكوك أن الانسان في الوقت ده كان في حلقة تطور متأخرة و كان بيتعامل مع المثيرات بشكل متصل و كان بيقدر يفسر بعض المثيرات من غير الاعتماد على عتاد، يعني الأساليب الموجية المتصلة كانت الوسيلة الوحيدة أو الأساسية للتعامل مع العالم، في خلاف بين العلماء على الموضوع ده عموما، المؤكد أن الوسيلة الأساسية للتخزين البينات كانت وسيلة رقمية بدائية).

المطبوعة عبارة عن مجموعة من الشرائح الرفيعة جدا، و المؤكد أن الطاقة كانت مكلفة جدا في عصور ما قبل الرشد و كل التكنولوجيا كانت مهدرة جدا للطاقة، لكن واضح أن المطبوعات كانت مهمة جدا لأهل عصور ما قبل الرشد و بالتالي توصلوا لفكرة عبقرية، بدل من تصميم شرائح تبث فوتونات صمموا شرائح تعكس فوتونات ساقطة من مصادر طبيعية كالشموس (يعتقد معظم العلماء أن الغلاف الجوي لكوكب الأم كان تركيبه مختلف جدا و أن طاقة الشمس كانت مصدر مهم للطاقة)، عبقرية الفكرة هنا واضحة، عجز الأقدمين عن استغلال الطاقة و تحويلها بشكل كامل لصود نافعة خلاهم يفكروا في أساليب للاستفادة منها بشكل مباشر زي الاعتماد على أسطح عاكسة لنقل البيانات.

عملية فهم مطبوعة تبدأ بتسليط سيل من الفوتونات على واحدة من الشرائح و ملاحظة الاجزاء اللتي تمتص فوتونات أكثر مما تعكس، يجزم بعض العلماء بأهمية رصد الطول الموجي للأشعة المنعكسة و بوجود معلومات مهمة (أة في قول آخر سرية) فيها، أغلب العلماء بيرفضوا الطرح ده بسبب الطبيعة العشوائية لتوزيع الطول الموجي، يقترح بعض العلماء أن تغيير الطول الموجي كان نوع من أنواع الفن، يسهل تصور الفكرة لو تقبلنا عالم يتعامل فيه الانسان مع العالم بجسمه كما ولدته أمه بأساليب موجية متصلة.

عموما تمكن العلماء من فك شفرة بعض المطبوعات و من أهمهم حكايا الوراجي و المطبوعة لم تصل الينا كاملة.

حكايا الوراجي دليل قاطع على أن أهل ما قبل الرشد عرفوا المشروب المقدس و بجلوه، فالنص واضح من طبعه أنه نص ديني فلسفي عميق، فالاهتمام بالحياة الدنيا و أرض الواقع و نقد المجتمع (مصر تعني مجتمع) من دعائم أي فلسفة روحانية سامية تعتبر الانسان مركزها.

101010
1999 ب.ر

و بعدين في التوهان دا

فين

read more

انا كدا رجعت اتلخبط تانى

يعني أنت ظبط الدش و أتعودت على read more و بعدين فتحنا الموتور عليك

عادي هي الدنيا كده

عموما لو التدوينة قصير بيبقى فيش more عشان سيادتك تreadه

الدنيا مجرد " غربة و مروحين" الرائعة ليلى مراد في اغنية قديمة

الدنيا زي حركة كفاية

ناس مع بعض و بدأوا ينسوا ليه عملوا كده

-

-

" سفر" المونديال

-

-

http://mabadali.blogspot.com

علاء :@:@:@:@:@:@ لا فهمت كل كلمه وكل جمله وكل حرف وكل سكنه روح يا شيخ ربنا يسلط عليك الف خواجه بيسو والفين ريد موور وخمسة الاف من اشباه الدمنهوري ها نحط حكمه يعني ؟ اعتقد ان الحكمه الاولى هي الحكمه اللي قالها عصام الحضري النهارده مبروك للرئيس مبارك وعلاء بيه مبارك وجمال بيه مبارك وقفتهم ورانا في كل الماتشات اللي فاتت عصام الحضري سفر السنغال http://malcolmix.blogspot.com/

قال النديم الدنيا زى السيجارة يوم تولعها ويوم تولعك

ديه حصة فلسفة وتاريخ وطبيعة ولا ايه؟ أصل أنا كنت علمي ومن صغري باكره التاريخ وبانساه دايماً، وبعدين جت الفلسفة وهربت منها على الرياضيات، ومع إني باحب الطبيعة بس مافهمتش مش مجمعة حاجة. عايزة درس خصوصي لو سمحتم.

يا نعامة أنت من أهل الألفية الرابعة قبل الرشد، عايزه تفهمي نص تعليمي من الألفية التانية بعد الرشد؟ ده يعقل برضه، 6 ألاف سنة الحضارة بتطور و هتختزليهم، ده النعام طلع مغرور بشكل.

الدنيا ريشة في هوا...طايرة بغير جناحين

Mannal Alaa, give us more, you are soooooo, good. Thanks