You are here

الطيور على أشكالها تلتقي: دعوة لحلقة نقاشية تستلهم روح تويتر و روح الميدان

Primary tabs

الطيور على أشكالها تلتقي

دعوة لحضور حلقة نقاشية تستلهم روح تويتر و روح الميدان

مجتمع تويتر المصري في ازدهار من بعد الثورة، و بقالنا كام شهر في نقاشات ثرية جدا، و مؤخرا بدأ تويتر يبهت على الجرائد و التلفزيونات، و كل مظاهرة أو حفلة أو ندوة كأنها تويت اب مصغر و تتغطى مباشر و أحيانا حصريا على تويتر.

زخم يفكرنا بانطلاق المدونات في مصر مع تصاعد حركة كفاية و أخواتها، بس فيه احساس طول الوقت أن مش كفاية، عايزين نتقابل، عايزين نتناقش، عايزين نتعلم، عايزين نفهم، عايزين نتحرك الخ. و قلق وجودي أحنا مشتتين، احنا مفصولين عن الشارع، احنا بنتخانق و مبنتكلمش بهدوء، الخ

طيب ما تيجوا بينا نتقابل و نعمل حلقة نقاشية شبه اللي كانت بتحصل في الميدان وقت الاعتصامات نختار موضوع ملح اليومين دول بس نتكلم فيه بهدوء، نعمل تويت اب ندوة. نبدأ بمتحدثين يا أما من أهل تويتر يا أما من اللي أهل تويتر يحبوهم و حد يدير الحوار معاهم شوية و بعدين أسئلة و تعقيبات من الحضور شوية و بعدها ينفتح الحوار و الكل يشارك. و تفاديا للخنق المعتاد بتاع الندوات محدش هيتكلم أكثر من 140 ثانية و هنحافظ على الجو المرح بتاع تويتر بس من غير الخناقات، نمشيها شبه الميدان في حتة أننا نستحمل بعض دي :-)

ندعوكم لأول لقاء للطيور على أشكالها، يوم الأحد 12 يونيو الساعة 6:30 مساء بمركز دعم التنمية 30 شارع هارون بالدقي

موضوعنا المرة دي هيبقى عن شباب الاسلاميين، المسافة ما بين باقي القوى السياسية و الاسلاميين عمالة تكبر و الخلافات بتزيد و كلنا متابعين عركة صبحي صالح و عركة جمعة الغضب الثانية. في وسط الهيصة دي في أصوات من شباب الأخوان المسلمين او من اسلاميين مستقلين أو من التيارات الأخرى ماشية خارج النص، بعضهم مع أقرب للقوى المدنية و بعضهم مستقل خالص شاقق طريق لوحده.

طيب الاسلاميين اللي لا تعبر عنهم المواقف الرسمية للأخوان المسلمين دول مين؟ و عايزين ايه؟ بيحلموا بمصر عاملة ازاي؟ شايفين الثورة و اللي بيحصل ازاي؟ يعني ايه اسلاميين أصلا؟ علاقتهم بالجماعة ايه؟

قائمة مبدأية بالمتحدثين الأساسيين:

  • عبد المنعم محمود @moneimpress
  • أحمد سمير @ahmedsamir1981
  • ابراهيم الهضيبي @ihoudaiby

الدعوة مفتوحة مش لازم تكون على تويتر عشان تحضر، و هات اصحابك معاك، و نشجع بالذات من يصنف نفسه على أنه اسلامي أو مهتم بالفكر الاسلامي عشان يشارك برؤيته هو كمان.

Comments

الفكرة عبقرية و هتنجح ان شاء الله .... و لازم نوحد نفسنا فعلا و نقرب وجهات النظر بدون خناق

فكرة بجد حلوووووة موووووت و ان شاء الله اذا كنت موجودة في القاهرة لاااازم احضر ان شاء الله و بجد الفكرة عجبتني موووت

فكرة رائعة و لو ظروفى سمحت ساكون من الحاضرين مع امنياتى بالنجاح فى حب مصر الابراهيمى

هايل ياشباب إذا كنت في القاهرة وظروف العمل سمحت هاكون موجود إنشاء الله

رائع، وعن نفسي ياريت كنت في مصر عشان احضر، بس انا اعرف شباب السلفيين الروشين بتوع اين ودني وسلفيو كوستا اللي طلعوا في الشروق وهوصل ليهم الدعوه دي

يعني ندوة للتويتس اخترتوا موضوعها والمشاركين فيها من غير حتى ما تاخدوا رأينا ده ايه ام الديموقراطية الخنيقة دي طبعا مش جاي ومش موافق ومش مستريح لشغل الغنم ده نلم اي عدد من المعيز ونملي عليهم اللي احنا عايزين وبعدين جاي قبل الموعد بأسبوع وتعلن عنه ومش عاجبنا ان المجلس أعلن عن الندوة بتاعته قبلها بيومين فوق ده وده ايه كمية الإصرار على ان كل حاجة تكون في القاهرة وفي ام الحر ده طب ارحمونا وارحموا الناس وتعالوا اسكندرية نشم هوا البحر النضيف لكن قاهرة وحر وزحمة لأ ده كتير كتير كتير وبعدين ايه اهمية شباب الإسلامين في المرحلة اللي مصر بتمر بيها ياخي يولع الإسلاميين على شبابهم على العلمانيين على شبابهم على اليسارين على شبابهم على أي حد غير المصريين على شبابهم عايزين نتكلم في مواضيع مفيد ة تجمع ولا تفرق تبني ولا تهدم تعلو ولا تخفض تحبب ولا تبغض والله الموفق والمستعان

الله يعينك ... ماهو عملين الندوة دي عشان ميبقاش في كلمة إسلاميين واعلمانين والكلام ده .. لما نتحاور الخلافات هتزول ونتجمع كلنا تحت كلمة وحده وهي مصر في رأيي الموضوع ده مهم جدا.. مهم جدا إن إحنا نتواصل وبشكل مستمر..

كمان القاهرة أقرب للصعيد مثلا عن الاسكندريه .. عشان كده هي العاصمة ...... وعشان كده الندوة لازم تكون في القاهرة

مشكور طبعا علاء على مبادرته لكن مع احترامي وتقديري لي بعض الملاحظات

- أولا: المدونين الاسلاميين ... المفروض تسميهم: المدونين الاخوان، إذا لم أكن مخطئا على حد علمي بهم

ثانيا: أرى أن الأوفق أن تكون في ميدان التحرير أو بجواره او بداخله... وياحبذا لو يوم جمعة بعد الصلاة الميدان يشكو من هجر المصريين له، وكأن الثورة خلاص..تمام التمام. التواجد واللقاء هناك له معان كثيرة، وفي الجمعة له معان أهم لابد من التأكيد عليها من خلال التواجد هناك

ثالثا ما هو الهدف؟ يعني لو الهدف هو ان نتعارف وجها لوجه، وتكون قعدة تعارف شخصية، ومن خلال التعارف ممكن يكون فيه مناقشات تزيد التعارف أكثر، فهذا هدف جميل جدا ﻷن "كثيرا" من "الصور الذهنية" لدى بعضنا البعض تكون كليشيهات جاهزة من الاعلام المريض، وتجعلنا نتوقع مسلمات من بعضنا البعض هي أصلا لا وجود لها الا في مقالات أو دراما المرضى الذين سيطروا على ادمغتنا لذلك التواصل المباشر أساسي

لو الهدف التحاور من اجل الوصول الى اتفاق على امور فكرية او حركية، "فقد" - والله اعلم برضه ﻷني لم اتشرف بمعرفة الموجودين من قبل - يكون هناك مشكلة، حيث سنصطدم بالالتزام الحزبي/طاعة الجماعة ومواقفها، بالنسبة ﻷعضاء الاخوان، إلا لو اختاروا ان يعبروا عن "رأيهم" - وليس ترتيبهم الحركي - تحت عنوان: هذا رأيي الشخصي

بالتالي ستكون بداية جيدة ومقبولة وهامة جدا، قد تؤسس لاحقا لتوافق حركي في بعض الامور

شكرا يا علاء. فيصل أقنعني النهارده ان مبادرتك ممكن يكون لها أهمية بالنسبة لي، رغم ان انتقاء المتحدثين، وأصلا فكرة "متحدثين/ضيوف" والتي تتناقض مع طبيعة التوترة التي يكون فيه الكل متحدثا، ...الخ كل هذا قلل من اهتمامي بالمبادرة، رغم تقديري لها ولك

https://twitter.com/faragpost

ياريت تفكر في موعد ومكان اللقاء كما اقترحت، وأتمنى أن يكون فعلا في التحرير

وآخر حاجة بقى..بما انك خارج مصر كما أظن..هانرتب ازاي؟ حد يبعت تليفونه او حاجة واظن ايميلات الناس عندك، فممكن تبعت كله لكله علشان نعرف نرتب او تحط ايميلك هنا ونبعتلك عليه..اي حاجة

ردا على الإخوة الذين يعلقون على القاهرة كمكان..والله يا جماعة ليس هناك أي مشكلة التيارات موجودة في كل المحافظات، ومبادرة علاء يمكن استنساخها في كل المحافظات ايه المانع؟ شدوا حيلكم ونسقوا مع بعض النشطاء وحددوا يوم واعلنوه بين المجموعات المهتمة

VERY HAPPY FOR THIS INITIATIVE BUT I WOULD LIKE TO PUT "23 JULY- AS THE SOLUTION" ON THE TABLE OF THIS IMPORTANT MEETING. JANUARY 25 FOR MINISTRY OF INTERIOR AND JULY 23 FOR THE MINISTRY OF DEFENSE, TO HARVEST THE FRUITS OF OUR CLEAN AND PEACFUL REVOLUTION.

What a brilliant suggestion, we shall spread it everywhere. i'll copy it if you don't mind.

طيب بالنسبة للإسكندرانية مالهمش نصيب فى لقاء زى ده؟

جميلة الفكرة والموضوع وهحضر ان شاء الله ، زكمان عاجبانى حكاية ال140 ثانية وياريت كل مداخلات العالم تطبقه !

عندى اعتراض بسيط من حيث الشكل ، كنت أفضل ان يطرح موضوع النقاش ومكان اللقاء للاقتراحات ويشارك مجتمع تويتر فى الصياغة لكن بلا بأس كبداية ، وياريت يطبق من المرات القادمة

ممكن أقترح متحدث اضافى من شباب الاسلاميين وهو عمرو مجدى "ganobi "

ومن جيل أصغر فيه الراجل ده كمان

http://j.mp/mHhCrU

ولو عندى فكرة تانية هرجع أقولها ، والمهم الحشد كل اللى ناوى يحضر يعمل تويت بالايفنت 3 مرات يوميا :))

فكرة ال 140 ثانية دي صعبة أوي يا شباب...احنا جايين نتناقش ولا جايين نتوت؟؟

kindly record it, and upload it on youtube for those who couldn't make it

كان نفسى أبقى فاضى، و الله كنت جيت لكم القاهرة مخصوص.. لكن أنتوا عاملين الأيفنت فى أوقات أمتحانات :) ربنا معاكوا و معانا

كان نفسى أبقى فاضى، و الله كنت جيت لكم القاهرة مخصوص.. لكن أنتوا عاملين الأيفنت فى أوقات أمتحانات :) ربنا معاكوا و معانا

عايز اشارك في المناظره واكون مع الاسلاميين اعمل ايه ؟ ده التويتر بتاعي

https://twitter.com/#!/abdallah__

في بنت جامدة جدا اسمها اروى الطويل برشحها بقوة انا مسيحي بس البنت دي عقليتها فووووووووووووووووق ومشهورة جدا علي فكرة نفسي تدعوها دا موقعها arwaya.net والتويتر بتاعها @arwaya

مملكتي ليست من هذا العالم

انت هتكون هنا اشاسا؟؟

الفكرة جميلو جدا يا استاذ علاء و يا ريت تكون بشكل قعدات دورية لان الكلام هيطول و النقاشات هتتشعب

فكرة حلوة ,, وكل واحد بقا وهو داخل يعلق على نفسو لوحة مكتوب عليها اسم اكونته ف التويتر عشان الناس تعرفه بيه ههههه :D

الهاش تاج الرسمي - من علاء نفسه D: هو #tweetnadwa

العنوان تفصيلا: مركز دعم التنمية للاستشارات والتدريب 30 شارع هارون الدقي، الجيزة الدور 6 شقة 4

خريطة جوجل http://bit.ly/dscegypt

coz knowledge is everything...left ;-)

أعطيت لنفسي حق توسيع دائرة الدعوة قليلا ﻹثراء اللقاء، فصارت

  • سمير: @ahmedsamir1981 - مؤكد
  • الهضيبي:@ihoudaiby
  • عبد المنعم:@moneimpress
  • أروى - @arwaya
  • محمد عصمت: @faragpost - مؤكد
  • حاتم منصور @HTM_MnsOOr
  • د.مصطفى النجار- @alnagar80
  • أايمان بدوي- @ImanBadawi
  • أمينة زكي @alienzero
  • عادل صليب- @Adel_Salib
  • محمد عادل :@mrmeit

الجمعة في التحرير كان اقتراح مني، لكن أنا ماعنديش أي مشكلة في التوقيت ولا المكان لكن الأصل هو المكان المذكور في الدقي يوم الاحد ان شاء الله

انا أنضميت للتويتر بجد بعد الثورة , كان عندى أكونت من زمان بس مكنتش فهمه قوى , بس لما فهمت بدأت أشارك مع الناس فى الحوار , فوجدت كل التيارات مشاركة و دة شىء جميل , الأختلاف جميل بس لازم يكون فى أطار الأحترام و عدم اللجوء للعنف , و هو دة أحسن حاجة على التويتر , و أوحش حاجة الألفاظ البذيئة إللى نفسى تختفى , و يا رب مصر دائمآ أحسن و أفضل

شباب سلام عليكم لازم الأجتماع يتنقل فيديو كونفرنس علشان شباب المحافظات اللى مش هايقدروا يحضروا يتابعوا اللقاء ويشاركوا كمان من خلال هاش تاج نحدده وقتها

اقتراح كويس جدا جدا وياريت لو في امكانية فعلا عشان يتعمل هيبقى مفيد جدا بس محتاج تنظيم كويس

ان شاء الله هاجي و ممكن اصور و امنتج بس هخلص مونتاج بعد الامتحنات ان انا هعندي امتحنات الاسبوع اللي جاي كله :)

quys i loved your tweet nadwa, it proves that the media isnt showing what's really going on.

why do i feel all the time that elder ppl, nokhba, old political groups, whatever their name is, the ppl that appears in tv and conferences always think like 50yrs ago, our generation have different reality than their.. we shouldn't follow their direction or views, coz it’s based on their old problems and issues 50yrs ago.. like Secular VS. Islamist; this isn’t Egypt anymore.. even MB elders think the same as 50 yrs ago, they think if we aren't with them then we r against islam, this isn’t true.. of course there maybe some ppl like that but not the mainstream..

we have a big base of agreement in our generation, no one now can say that he’s against islam or religion; it’s became a culture thing now.. facts; most if the girls are veiled, most of us pray, tahrir had huge prayers with or without MB, this wasn’t the case 50yrs ago.. and this doesn't mean at all that the mainstream is with islamic politics or against.. islam in our social or religious life is different that islam in politics..

we united in tahrir, something elders wouldn't have done years ago, & we even liked very much the fact that tahrir was full of different ppl.. we should keep it like that, it’s the media that categorized and showed that we r fighting, because they got us the old parties and the old minds with their old issues & sadly we believed it.. it's like after the 18 days we went back home to see ppl fighting on TV and we suddenly decided to take sides..

these ppl whatever their name is "nokhba" "qowa seyaseya" "old parties" if we had waited for them to agree on something or an agenda to go to the streets on Jan 25 we would have never did anything.. everyone of us "el sha3b" decided to go to the street because he felt his part of responsibility in this country's future.. if we decided to wait for them to agree on something they wouldn't do anything.. and then you did the same in this tweetnadwa, if this nadwa was the that kind of conferences that have names like sobhi saleh, mamdouh hamza, ... etc, it wouldnt have been that productive..

so, can we do that again?!... remember Jan 25.. we didn't wait for them, we did it without them and they had to join... why not we "youth" make our (tawafoq watani) our own and then political parties, political groups, coalitions, stubborn elders will have to join in the end if it was successful.. let's make them have no option but to respect "el sha3b"..

this tweet nadwa proved this.. i didn't attend but i watched it live.. you guys were able to talk and discuss without fighting and with respect to each other.. our differences make us complete one another; you proved that fact.. we need the religious groups, liberals, and leftists for the country.. we need liberals' freedom and we need leftists' social justice and we need religious groups morals because it's a reality in the society, and maybe religious groups will be the ppl that will always remind us of our belonging to islamic and arab world.. everyone should know all of this and accept it as a fact... and if we agreed now on basics for this country then it wont make a difference which come first the constitution or parliament.. this debate going on is so unhealthy.. fact: "el sha3b" is sick of political groups fighting..

can we please do that ya ppl ba2a.. if there is a real (tawafoq sha3by) in the street then it should show.. can we start a real (tawafoq watani) from us, not from yahia el gamal not from mamdouh hamza or anyone.. our beat is different than that..

excuse me i'm not a politics expert, i just wrote what i have according to my weak understanding..