You are here

للتحايل على حجب المواقع و خاصة تويتر و فيسبوك #jan25

Primary tabs

لو عندك طرق غير دي اكتبها في تعليق و هبقى أحدث الموضوع الأصلي.

رجاء نشرها في كل مكان علشان لو موقع اتحجب بكرة يبقى فيه عشرة غيره، و الأهم من كده اطبعها و و صورها و وزعها أنشالله لو هتوزع عشر نسخ بس، و اطلب من أصحابك يعملوا كده برضه.

  1. بالنسبة لتحديث تويتر و فيسبوك يمكن استخدام موقع http://ping.fm اللي بتحديثه بيرسل تحديثات لكل حساباتك على تويتر و فيسبوك و لينكدإن و إلخ، و أيضا يمكن تحديثه عن طريق رسائل الموبايل يعني حتى لو حجبوا الموقع نفسه كلامك هيوصل.
    1. علشان تضيف رقم موبايلك على حسابك في Ping.fm، إدخل على صفحة Dashboard و اضغط على رابط SMS / Text Messaging، هتخدك على صفحة تانية موجهة للمقيمين في أمريكا و كندا و فيها رابط للمقيمين في باقي العالم. اضغط عليه: Not in the US or Canada? Click here!
    2. اختصار لكل الخطوات السابقة ممكن تدخل مباشرة على الصفحة من خلال الرابط ده: http://ping.fm/sms/intl
    3. اكتب رقم موبايلك مع الكود الدولي، مثال: +20101234567 و اضغط للحفظ
    4. هيظهرلك رقم سري لازم ترسله من موبايلك على رقم Ping.fm الدولي علشان يتأكدوا أن رقم الموبايل اللي دخلته في الخطوة السابقة هو موبايلك.
    5. رقم Ping.fm الدولي +447786208201 احفظه في قائمة الأسماء على جهازك لسرعة الاستخدام في المظاهرات، و ممكن كمان تجهز رسالة لـ Ping.fm في حالة القبض عليك كفى الله الشر.
  2. لفتح المواقع المحجوبة من على الكمبيوتر نزل البرنامج ده، هيبطئ التصفح شوية فاستحمل، كمان ممكن نشغيله عالطول من أي فلاش ديسك فممكن تاخده معاك النت كافيه http://www.torproject.org/projects/torbrowser.html.en
  3. برامج آخرى لكسر الحجب: www.hotspotshield.com و www.ultrareach.com
  4. بالنسبة للتصفح من على الموبايل استخدم البرنامج ده http://www.opera.com/download/get.pl?id=33343&thanks=true&sub=true
  5. فيديو يشرح كيفية فتح أي موقع محجوبhttp://www.youtube.com/watch?v=RAI1Ic9-VAw#

Comments

حاولت برضه أخلي الموضوع بسيط بقدر الإمكان وحطيت وصلات للملفات على طول

لتخطي حجب المواقع في مصر