You are here

ايه حكاية غزل المحلة؟

Primary tabs

هو ليه عمال غزل المحلة مبيعملوش اضرابات غير و أنا مسافر؟

مش يمكن يا ولاد النور اللي في أخر النفق يكون خافت و مناخدش بالنا منه غير بعد ما نعدي من النفق؟

Comments

مفيش شك ان مصر داخلة على منحنى سياسى مهم جدا والبلد فيها قلق والوضوع يدعو للتفاؤل ان فى ردود افعال مهمة جدا هتحصل قريب

ربنا كبير

انا اكتر حاجة مبسوط لها ان الناس ابتدت تفوق مرة تانية

مش يمكن يا ولاد النور اللي في أخر النفق يكون خافت و مناخدش بالنا منه غير بعد ما نعدي من النفق؟

و لا احنا شايفينه بس مش عايزين نشوفه؟

حد يجدعان يقولنا واخرتها ايه

خلاص انا معنتش عارف زمان سبت بلاد بره وقلت بلدي اولى بيسه دلوقتي مش عارف حمدالله عى السلامه علاء

إلى السيد علاء عبد الفتاح القاطن بإيطاليا، لا يوجد نور في نهاية النفق.

مصر كلها وليس عمال مصنع قلبت الدنيا في ١٩٧٧ احتجاجا. النتيجة؟

عمال غزل المحلة يناشدون السيد الرئيس الحنون الأب ويضعون ثقتهم فيه.

صحيح هو لو حسني مات ووريثه مات دلوقت حالا فورا، هيحصل إيه؟

يعنى مبارك يموت وجمال يموت أحه دا هيبقي مأزق اسود من المأزق الوجودى أنا مش عارف ايه اللى ممكن يحصل لى ساعاتها

في هذه الحالة الوجودية ممكن انتخاب بيسو ريسا لحاجة اي حاجة او نائب رئيس الحاجات( مش الحجات ..جمع حجة) خاصة احنا في الشهر اياه ، اللي فيه ليلة القدر ، واحتمال تكون الخطوط واصلة واللي قاعد فوق يوصله الدعاء ويصدق ..ويعمل بيسو رئيسا لحاجات او نائبا لرئيس الحاجات . يعني هو مبارك احسن من اي مواطن في ايه؟ ضربة الطيران وثبت انه كان قاعد في القاهرة باعتباره قائد الطيران . شفت قائد طيران بيسوق طيارة ويروح يضرب الأعادي ؟ بأمارة ايه؟ طيب اذا مات مين يحل محله فورا ويواصل ضرب الأعادي من غرفة العمليات اللي تحت الأرض ؟ ممكن تقل لي جمال مبارك احسن من شعبان عبد الرحيم في ايه او ليه او الاثنين معا؟ هما زي بعض بيحبوا عمرو كوسة ووبيكرهوا اسرائيل . عارف ليه ؟ لو اسرائيل عملت جدعة مرة واحدة في حياتها ( ودي احتمالات قائمة طبقا لقوانين الجدعنة) وتقوم عاملة صلح فوري وراجعة لحدود سبعة وستين او حتى ثمانية واربعين وتقوم مكسرة الجدار اياه . عارف يحصل ايه ؟ كل الانظمة العربية تقع لأن الشعب العربي حايروح مهاجر لآسرائيل ومش حايبقى فيه برابرة حد ينتظرهم على رأي كفافيس . المهم الناس تصدق بوجود برابرة جايين للغزو .ده اهم من وجود البرابرو بجد . زي حكاية الجنجاويد .. اتكشفت وطلع ان الحكومة موالسة معاهم

استاذ رءوف بيعجبني كلامك ومعاك بس عندي استفسار كدا رفيع في كلام خير اللهم اجعله خير عده علي كدا بس عملت نفسي مشفتوش قصدك ايه بلشهر ايه يعني مثلا انت بتحقر الشهر ده مش عارف بس اكيد مش قصدك متهيألي ويعني ايه الي قاعد فوق يوصله يعني هو انت بتحترم حاجه يعني عندك قاعده اسمها اني اعرف حجمي واتكلم علي قد الحجم ده ولا انت زى الي قال انا ربكم الاعلي بس خد باللك ده كان اهبل انت مش بيان عليك انك اهبل انت علي راي الي قال واخد حبيتين تهييس بس انت يا صديقي بتهيس علي نفسك عشان انت في الاخر واكيد انت معايه حتي لو كنت من بتوع انا ديني حريه راي اكيد مخلوق في نطاق معين ليك حدود معينه وعقللك مش هيستوعب كل حاجه لو انت كنت فاكر العكس ابقي تعالي طرطر علي قبرى

الى MOH كيد ما فيش عقل بشري بيستوعب كل حاجة والا ما كنتش الاكتشافات العلمية لسه بتتوالى . الاكتشافات الجديدة بتصحح المعلومات القديمة وهذا نتيجة تطور في مجموعة حاجات اهمها العقل البشري نفسه الذي لا يكف عن التساؤل وثانيا تطور الادوات البحثية العلمية. الراجل اللي اصر ان الأرض كروية والثاني اللي اصر ان الأرض مش مركز الكون وانها بتدور حول الشمس مش العكس ..والناس اللي سافرت الفضاء ورجعت باجابات واسئلة ؟؟كل هذا يؤكد ان العقل البشري - في معظم احواله - لا يكف عن التساؤل. انا عارف قصدك ايه وخاصة في موضوع الدين .اتذكر اني سالت مرة والدي ( القسيس ) وكان عمري حوالي سبعة تمانية سنين عن مصير الناس الذين لم تصلهم بشارة الأنجيل ( طبقا للاصطلاح المسيحي ) .. سألت حايروحوا فين النار او الجنة ؟ اجاب : ربنا حايحاسبهم طبقا لأفعالهم .. يعني ايه ؟ يعني مثلا المصريين القدماء اللي آمنوا بتعدد الألهة سيحاسبوا ( طبقا لكلام الوالد ) حسب تطبيقهم لقوانين وقواعد ايزيس واوزيريس وغيرهم من الألهة . لن ادخل هنا في جدل غير مفيد حول الأديان ..لكن دعني اقول لك شيئا اساسيا : ان غير المؤمن حسابه عسير مع نفسه لأنه يؤسس قوانينه الخاصة . فهو لا يسرق ليس خوفا من عقاب في الآخرة ..لكنه لا يسرق لآن السرقة انتهاك لخصوصية وملكية الآخر . ان المؤمن الذي يذهب الى الحج فتغفر له ذنوبه القديمة وذنوبه المستقبلية او المسيحي الذي يعترف فيغفر له الكاهن -نيابة عن الرب - خطاياه فيخرج من الكنيسة بريئا نقيا مثل الملائكة .. وضعه اسهل من الملحد الذي لا يحج او يعترف للكاهن .. فهمتني . وعلى فكرة انا ما عنديش مانع ان اي حد يطرطر على قبري لسببين: اولا اني في وصيتي طلبت احراق جسدي وبالتالي مش حا يكون عندي قبر والسبب التاني مش حاقولمك عليه!

انا بس عاوز اشكرك لانك حاولت تقرأ انا كتبت ايه انا عارف انو كلام اهبل بس انت بردو كلفت نفسك وقريته عموما يا سيدي شكرا

تعال نشوف الحكاية من زاوية تانية احنا وبورما الفرق الهام بين عمال غزل المحلة ومعاهم الشعب المصري كله وبين الشعب البورماوي : ان الشعب البورماوي طلع بقيادة الرهبان البوذيين عشان حاجة اساسية وهي التخلص من حكم العسكر وتحقيق الدموقراطية . الفرق الثاني ان الرهبان ناس مصدقة دينها بجد وماشيين حافيين وبيشحتوا اكلهم طقة بطقة من الناس في الشوارع .ما فيش موائد رحمان وكذب وموائد رمضان في البطرخانة ونفاق. شفت عمرك رجال دين زي اللي عندنا بيدعوا للحاكم بعد الصلاة ان ربنا ينصره على اعاديه؟! بتوع المحلة مع كل الاحترام ليهم طلعوا عشان الحوافز تطبيقا للشعار الخالد للشعب المصري ( عض قلبي ولا تعض رغيفي) موضوع الديموقراطية والتوريث والكلام اللي ما يجيبش رغيف .. لسه قدامه كثير . وعلى فكرة اخدت بالك من القضاة اللي الناس موتت نفسها علشانهم بما فيهم حضرتك بيعملوا ايه في الصحفيين؟ وعلى فكرة عاوز اطمنك بأنه اول ما عمال المحلة ياخدو القرشين بتوعهم حايفكوا الإضراب ويرجعوا تاني يشتغلوا زي الفل . ما تقلقش ما فيش حاجة حاتحصل في غيابك ولا حتى في حضورك . عارف الناس بتتمنى ايه في مصر ( يعني معظم الناس) .. انه العسكر يجوا من جديد . شفت الفرق بيننا وبين بورما؟

الى المواطن علاء ارجعالى مصر مصر عاوزاك عمالا لمحلة عاوزينك هناك ضحية الفيوم يطالبونك العودة من اجل فضح النظام انت روح الثورة الحقيقي اعد يا علاء مصر عاوزاك شفت لما انت مشيت كل حاجة باظت ازاي

النور ال جاي في وشك من آخر النفق دا كشاف ميكروباص الناس الهربانين من الناحية الثانية.

ايوة العمال مستقصدينك :)) انا لو منك ارفع عليهم قضية :)

النور اللي في اخر النفق بص العمال طول عمرهم احسن ناس يعني مثلا احنا في قناة المعلومات جالنا اسامة الشيخ توطئة لخصخصة القطاع واحنا قاعدين زود ساعات العمل ساعتين بحالهم واحنا قاعدين قلل الفلوس بتاعتنا كتير قوي واحنا قاعدين ومش عارفين ح يعمل ايه في اجازاتنا واحنا قاعدين

لييييييييه لاننا موظفين وبصراحة قلت للشباب اننا بننتمي لاحقر فصيل في وزارة العمل احنا موظفين والموظفين معروفين بجبنهم وحقارتهم

لكن العمال حاجة تانية الا ليه كده يا عيلاء؟ عندك تفسير؟ وارحمني بقى من اختبار ال iq اللي انت حاطه على التعليقات ده

وكمان بمناسبة الرهبان البوذيين اللي ما بيعرفوش ربنا وحايرحوا النار ومسجونين وبيتعذبوا من العسكر اهدي هذا الخبر اللي عدل مزاجي على الصبحية صدر حكم بالسجن المؤبد في حق القسيس الأرجنتيني كريستيان فون ورنيش، مساعد كاهن سابق لدى الشرطة، وهي عقوبة على جرائم ارتكبت أثناء النظام الديكتاتوري العسكري في الأرجنتين، ما بين 1976 و1983. وجهت لفون ورنيش تهمة ارتكاب سبعة جرائم قتل، 42 تهمة سلب الحرية و34 حالة تعذيب. هذا الخبر منشور في الصحف الغربية . وبالتالي يا جماعة احنا بتوع العضمة الزرقا بنهديكم هذا الخبر بمناسبة عيد الفطر المبارك اعاده الله على الغلابة بمزيد من التعذيب وفتاوي رجال الدين مسلمين ومسيحيين عشان تعرفوا انه ما فيش حد احسن من حد وتبطلوا تضهدوا الكفاتسة وتعتبروا نفسكم احسن مننا عشان عندكم شيخ زي الفل زيه وزي الباباوات والكرادلة والقمامصة وبتوع كيرياليسون . واهو الرابط للي عاوز يتمزج http://arabic.rnw.nl/currentaffairs/cur06070701