You are here

أنا صحفي اذن أنا ملفق - يلعن كس أم جرنال البديل على كس أم الصحفي عبد الرحمن سعد

Primary tabs

يا ريت السادة الصحفيين يشوفلهم شغلانة شريفة بقى، مش ممكن أن الواحد كل ما يفتح جرنال يلاقي تلفيق و تزوير و استهبال و ده في المواضيع اللي تخصه أو يفهم فيها، يا ترى المواضيع اللي مبفهمش فيها معدلات التلفيق أكبر؟

و بعدين بكس أمكم هي موضة الكتابة عن المدونين دي مش هتخلص؟ يا تافه يا ابن التافهة أنت و اللي مشغلينكم مش لاقيين حاجة تكتبوا عنها فبتكتبوا عن ناس بتكتب؟ يعني لما اخترعوا القلم الجاف سيادتكم فعدتوا أربع سنين تكتبوا عن ظاهرة استخدام القلم الجاف؟!!

مفيش فائدة، بلدنا مش هتعرف صحافة عدلة أبدا، الخرقة المعفنة بتاعت محمد السيد سعيد اللي بيقولوا عليها جرنال البديل طبعا مش استثناء، بالعكس دي يمكن مسخرة أكثر من غيرها، جرنال ملوش أي لازمة و كل الناس دائرة تنكت عليه و المصيبة الصحفيين مش مكسوفين من نفسهم.

المهم فيه صحفي وسخ أسمه عبد الرحمن سعد عامل موضوع على الصفحة الأولى من عدد السبت 4 أغسطس 2007 من جرنال البديل، المقال يا سادة بعنوان "المدونون .. زنازين الأمن تجمعهم و ميثاق الشرف يفرقهم"، و عشان تشوفوا تفاهة البهائم اللي مسمية نفسها صحفيين الديسك و التحرير حاطين الموضوع على الصفحة الأولى.

في الموضوع (اللي هو كله استعباط و استهبال) بيقول على لساني أني رافض فكرة وجود مواثيق شرف اختيارية للمدونين و بعدين كاتب جملتين ملهمش معنى و لا ينفع يتم اعرابهم أصلا (يعني بكس أمك اتعلم عربي الأول).

قصر الكلام، أنا عمري ما قلت كلمة ضد وجود مواثيق شرف و بالعكس معتبر أن الناس تنظم نفسها بشكل تلقائي و عضوي ده حاجة ايجابية جدا، و مش مقبول بالمرة التلفيق ده.

الموضوع يمكن ميهمش حد فيكم، تلفيق بسيط في موضوع ملهوش لازمة، لكن الفكرة أن اشعرفنا أنهم مبيلفقوش باقي الجرنال؟ دي دعوة جادة تماما لمقاطعة جريدة البديل، أصلا أغلب اللي بيشتروا الجرنال بيشتروه عشان أصحابهم شغالين فيه أو شفقة و أو فضى، فيا ريت تبطلوا تشتروا الجرنال خالص،

Comments

مش محتاج تعمل دعوه اصلا الجرنال فاشل و مشبيبيع اصلا انا متابع مبيعانه عند اكتر من موزع في وسط البلد و الجميع يؤكد انه مبيبعش و الخراء الصحفي يغزوا كل الصحف انا بطلت اقرأ جرايد اصلا مش لاقى حاجه تتقري http://masr-heya-ommi.blogspot.com/

كم واحد بتفقده بلغتك دي؟ اذا كنت تريد مخاطبت الناس فده ليه اصول عشان احنا لسه مابقيناش امريكا بنقول فاك يو في الافلام و لا هو ده الفكر اللي عايزينه يسري؟

بخسرهم ازاي يعني؟ أنا كنت هعمل بيهم ايه لو كسبتهم؟ و بعدين أنا بشتم من يوم ما فتحنا المدونة، يعني زماني خسرت الجميع

عفوا انا كنت فاكرك عندك هدف من المدونة انك تأثر في حد يمكن يحصل حاجة مثلا انما لو كان مايفرقش مكسب الناس معاك يبقى طبعا اعمل اللي انت عايزه .... خسارة

خطأ شائع معرفش الناس جايباه منين.

المدونة ملهاش أي هدف، حتى محصلش في أي لحظة أننا أخدنا قرار بعمل مدونة و اجتماع لتحديد الأهداف، المدونة عملناها عشان ينفع نعملها لا أكثر ولا أقل.

طبعا من حين لآخر بنكون بنعمل حاجة في حياتنا على أمل أن نأثر على آخرين و نقنعهم يشاركونا و طبعا ده بينعكس وقتها على المدونة، لكن بره الأحيان دي المدونة يا أما ملهاش هدف يا أما هدفها متغير حسب اللحظة.

طبعا وجود عدد من الناس بيقرأ اللي بكتبه دي حاجة مشرفاني جدا و بتسعدني جدا جدا حتى لو كان الهدف من وراء الكتابة غامض أو منعدم، لكن ده مش معناه أن وجود الناس اللي مشرفاني دول هيفرض علي أهداف أنا مخترتهاش.

فرصة طيبة يا علاء و شكرا على الافاده. اماكن شغلك لطيفة جدا و ادتني انطباع عنك. لكن مش عارف ليه انت مصر تغيره؟ عموما فرصة طيبة

من أول عدد ليها وانا قلت عليها جرنان معفن وزباله وتحقيقاته فشنك ويسار ايه دا اللي عايزين يحيوا الضرب ف الميت حرام تيار اليسار مات من زمان ولا اقولك هو في تيارات ف مصر أساسا الشعب واكل بالوظه ومالوش دعوه بالبتنجان دا الشعب المصري مات من سبع تلاف سنه

اخى الكريم محمد /....!!؟ مع احترامى لحضرتك بس الناس مماتتش يمكن ااحنا نايمين تحت الرماد جمر سخن وبيغلى ودى مش شعارات لكن شعبنا مش واكل بلوظه مصر غاليه وفيها خير على قد كل اللى بنشوفه وبالرغم من كل الفساد اللى سائد نحن لم نمت بل غلبنا الجوع والعطش غلبنا ضعف قوتنا وغلبنا جبننا من حرماننا من لقمه العيش تريد الحريه اذن انتظر ما سيلحق بك وباسرتك وانت اب او انتى ام ومسؤليتك فى الحياه تجاه ابنائك تمنعك من تحقيق احلامك الكبرى نحن لم نموت لكننا نبكى وننزف دما على ما يحدث لكن هل من مجيب انا مش متحيزه لشعبنا لكن نحن لدينا الكثير من السلبيات ويمكن لو كملت معاكم فى المدونه انزل مواضيع فى هذا النحو لكن لا تتهمنا باننا متنا احنا احياء اموات مستنيين الفرج بس محسبناهاش كويس ومعرفناش الصح فين تحياتى ليك اعتبرنى اختك سومه

اخى الكريم انك تكتب من اجل الكتابه دا فى حد ذاته هدف سامى ........انك تكتب من اجل التعبير عن حريتك فدا شىء عظيم ....انك تتكلم وتعبر عن مالم تستطيع تغييره بيدك فتغيره بلسانك فدا تحقيق لسنه رسول الله الحبيب وتحقيقا لحريتك وتعبيرا عن انسانيتك وادميتك......اما عن المدونات واهدافها فسمعت من احد المدونين القدام الذين انشاوا المدونات انه قد وجد تزييف فى الحقائق التاريخيه تبعا لما يكتبه المؤرخين لارضاء الحاشيه والبلاط ....ولاننا فى القرن الواحد والعشرين ولانه لابد من تدوين التاريخ على يد مؤرخين صادقين فمن اصدق بالتعبير عن ماساه الشعوب ومعاناتهم غيرهم انفسهم ...فانتبه كما اخبرتك من قبل فانت تدون التاريخ فانقله بكل امانه واخلاق لابنائك واحفادك حتى تكون قدوه لهم فى حريه التعبير عن الراى وفى الاخلاق الكريمه تحياتى لحضرتك\ سومه

اخى الكريم علاء.... لابد وان تعلم انك باسلوبك لا تخسر الناس بل تخسر ربك وتخسر انسانيتك وتخسر لسانك وفائدته التى وهبك الله اياها واان تكسب الناس لجوارك فهذا امر جلل عندما اعتقل المدون المشهور عبد المنعم لم يحميه فى ظلمات هذا السجن الموحش الا محبه الناس له ....ولم ينفعه سوى مكسب الناس ودعائهم له....وزى ما بيقولوا بالمصرى من حبه ربه حبب فيه خلقه واذا كان رضى الناس لا يهمك ...فلا شك فى ان هذا هو مبدا من يحكمك فلا تنتقضه ان اهانك ولا تغضب ان ظلمك فلقد ظلمت نفسك قبل ان يظلمك الناس

متهيئلى لو أتعمل ميثاق شرف هيبئى أول حاجة فيه أن مينفعش سب وقذف.

احتمال كبير فعلا، لكن ده ميمنعش أني شايف أنها حاجة ايجابية أن الناس تنظم نفسها و تحط معايير اختيارية و تحاول تواجه انتشار المحتوى اللي هي شايفاه غير مقبول بأساليب غير قمعية.

كل الكلام اللي داير على تنظيم المدونين و مواثيق شرف بيتكلم على مواثيق الالتزام بيها اختياري راجع للفرد في مقابل أنه يعتبر جزء من جماعة ما، و دي فكرة أنا شايفها ايجابية جدا، و كل يومين صحفي عرس يكلمني يسألني في الموضوغ ده منتظر مني أني أشتم في الناس بتوع ميثاق الشرف بصفتي مدون قبيح، و لأن الصحفيين بالضرورة جهلة و أغبياء فعندهم عجز مطلق في فهم موقف مركب من نوع أن وجود النوع ده من التنظيم شيئ ايجابي حتى لو كنت مش هشارك فيه.

مش كل الناس كده، بالتأكيد في كُتاب مازلوا يحترمون ما يكتبون ويحترمون القارئ ولديهم مصداقية عالية في نقل الاخبار والأقوال والاحداث ، اصل قضية نقل كلام عن أي حد وهو مقالهوش دي قضية قديمة تعودنا عليها في الجرائد وبالتاكيد القارئ يقدر يقييم مدى المصداقية في الجرنال وبالتالي قضية جرنال زي ده محسومة بالنسبة للناس والدليل على ذلك إن مفيش حد بيشترى الجرنال زي ما انت بتقول يعني مفيش زبون يبقى ملهوش لازمة الزعل والسباب المهم انك كذبت الكلام وخلاص واحنا عارفين انه جرنال مالهوش اهمية.

جرنال البديل ده جرنال زباله وفعلا اصلا محدش بيقراه ............... بص بقي ضيف عليهم جرنال جديد اسمه " اخبار الجمهورية " وده حمار الحكومه الجديد ..احب اقولك ان انا اشتغلت الجرنال ده شهر وسبته بعد العدد الثاني ...لان مدير التحرير الله يسامحه كتبلي موضوعين بالعكس" لا ده موضوع طويل" المهم ان لما يكون مدير التحرير ديسك في الاهرام..شوف انت بقي الجرنال يبقي عامل ازاي - مدير التحرير سارق موضوع من مجله قديمه عن الفنانه صباح وكاتبه باسم ابنه اللي ميكملش 15 سنه - انا كنت كاتب موضوع بشتم فيه الحكومه ..وبقدرة قادر اتقلب وبقي تحيا الحكومه وسارق كام موضوع من كام مجله وكام جرنال قديم وعامل شغل حراميه ايه..عجب.. وحللو يا حللو البهايم حللو

يا تافه يا ابن التافهة أنت و اللي مشغلينكم مش لاقيين حاجة تكتبوا عنها فبتكتبوا عن ناس بتكتب؟

كلام جميل و كلام معقول ماقدرش أقول حاجة عنه !

كويس اني لقيت حد بيستخدم دربال من مده كبيره ياهباب وردبريس ياخري بلوجسبوت ايا كان بتقرروا جرنان النبا ؟؟؟؟ انا البتاع ده جبته مره وانا راكب حمار الحكومه (القطار ) مش كنت لاقي حاجه اعملها اوسخ . لا مش اوسخ . اقزر . لا ولا ديت برده !!! اكتر جرنان ابن وسخه انا شفته في حياتي ياعم الصحفيين مصرييين مصريين نصهم اصحاب ملاين والنص التاني مش لاقين اللضي

وفي الغالبيه العظمي الصحفيين في النصف التاني ! وانا واحد معاه مهنة صحافه في ايدي الفق اخبار واعيش واكل يبقي اعمل ايه! ديت مش وجهة نظري ديت وجهة نظرهم هم ! المهم مش هو دوت الجرنان الوحيد الي بتتكلم عليه الي في تلفيق !

ايا كان اخرتها القران حيترفع من المصاحف والعلماء والعلم حيتشالوا والارض حتبقي سواد باذن الله قريب جدا عشان نخلص ياجحيم وبس المصير ياجنه بس في الحالتين انت تحت رعاية الي حيديك بجزائك في دنيتك وبعديها ينزل المسيح الدجال يطلح ميتين ام الباقي ويدخل الباقي مع فرعون في اسفل النار وتقوم القيامه نفسي والله نفســـــــــــــي تحياتي ليكم وبجد انا فرحان ان حد بيتسخدم دربال

جرى ايه يا عم حسستني إن دروبال ده عيل يتيم مش لاقي حد يرعاه

وانتا لقيت أمه مرة واحدة ...لا مؤاخذة يا علاء

وما تنساش ان بعض الصحفيين هم الذين فضحوا موضوع التعذيب في اقسام الشرطة مثل وائل عبد الفتاح في موضوع تعذيب سواق المايكروباص.بعض الصحفيين بيشتغلوا عند الحكومة وبيعملوا شرفاء والبعض بيشتغل لحسابه وبيقيض من عند اللي بيدفع اكثر والبعض الآخر بيحاول يكون صحفي بجد في جو ملوث ووسخ. زي بعض المدونن وانا اطلق عليهم المدودين وبعض من جميع فئات المجتمع اوسخ من الوساخة ..في نفس الوقت تةجد جماعات بتحاول تعمل حاجة نضيفة رءوف مسعد

مين قال ان وائل عبد الفتاح هو اللي كشف موضوع التعذيب التعذيب اتكشف الاول في المدونات يا عم الأمور

بغض النظر عن التجاوزات التي تتحدث عنها والتي لاحظت بعض منها بنفسي واستفزتني كثيرا, يبقى جرنال البديل محاولة مهمة للملمة شتات اليسار. بالإضافة لإن عيب تشتم شخص زي محمد السيد سعيد بالشكل ده!! يعني لما تشتم محمد السيد سعيد كدا يبقى سبت ايه لمصطفى بكري وعبد الله كمال وسمير سرحان..الخ؟!! ممكن تبعت للبديل تصحح كلامك وتطالبهم بالنشر, المزعج جدا في البوست ده هي دعوتك للناس بعدم قراءة البديل لأن صحفي تجرأ ونقل كلامك -لإنه غالبا مافهمهوش- ودي مش مشكلته لوحده. يعني الراجل ماغلطش في البخاري ياعلاء, ولو اتفقنا على اهمية وجود جريدة ورقية قابلة للقراءة فأكيد مشروع البديل مهم جدا بالمنطق ده ويكاد يكون مشروع حياة او موت بالنسبة لليسار المصري

عارفة هترد تقول ايه: " كس ام اليسار هو كمان" :)

أنا ما شتمتش محمد السيد سعيد ولا أقدر (لأسباب عائلية)، شتمت الخرقة المعفنة اليومية بتاعته فقط

أن جرنال يكون هدفه لم شتات تيار سياسي فاشل فشل مزمن ده في حد ذاته مصيبة، أن طريقة تنفيذ الهدف التافه ده تكون تعيين كل الصيع بتوع اليسار مع الحفاظ على كل خلافاتهم الوسخة دي مصيبة أكبر.

قرار عمل جرنال و كيفية تنفيذ القرار و عملية التعيين و الادارة و سياسة الجرنال التحريرية عشوائية تماما وأنت عارفة ده كويس.

مصطفى بكري نصاب و متآمر مش بيتغابى، فيه فرق كبير ما بين أن أختار أني أكون شرير و أني أختار أني أكون حمار، في رأيي الحمار أخطر من الشرير.

و المسألة عامة و تعم على أغلبية الصحفيين المصريين، مفيش مرة قرأت خبر أو مقال في موضوع بفهم فيه و لو شوية الا و كان مليان أخطاء و التسامح مع التلفيق الفج و المباشر مرعب. تصحيح ده لما يكونوا نشروا تفصيلة غلط بسبب سوء فهم أو بسبب مصدر مضلل في موضوع يصعب التحقق منه، مش لما يبقى موضوع مطبوخ تماما و مقولني فيه كلام.

أيوه المفروض الناس متقرأش البديل عشان السادة المحريين و المستثمرين و المديرين يحسوا على دمهم و يبطلوا يعينوا شراميط، دي مشكلة منهجية مش مشكلة صحفي لوحده، و اللي غلط في كلام أي مصدر لدرجة تلفيق عكس رأيه تماما لا يمكن الوثوق في أي كلام بيكتبه و بالتالي مكافئ للي غلط في البخاري و أسوأ (لأن البخاري متاح للجميع للتأكد لكن محدش فينا عنده القدرة يمشي وراء كل صحفي و كل خبر و كل مصدر).

أما موضوع حياة أو موت، فلا مؤاخذة ده المشروع نمرة خمستلاف اللي حياة أو موت لليسار المصري، متيجي بقى نعترف أن مفيش يسار مصري ولا حاجة و أن اللي موجود ده مجموعة ناس بتتعولق و نبطل استعباط، مفيش جرنال هينقذ أو يخلق تيار سياسي خصوصا لو كان بنفس البني أدمين اللي فشلت الخمستلاف مرة اللي فاتوا.

و مش شايف أي أهمية في وجود جريدة ورقية ناطقة باسم تيار سياسي متفتت و مشذرم و فاشل زي اليسار المصري. و لا حتى ضرورة لوجود جريدة بأيديولوجية يسارية (فيه ضرورة لوجود جريدة خبرية معنية أساسا بالتحقيقات بأقل انحياز ممكن بس دي أحلام يتوبية مستحيلة الصحافة عندنا يعني شخاخ في الدماغ).

يعنى علشان صحفى لفق خبر يبقى نشتم الجرنان واللى عاملينه والصحفيين كلهم؟ على فكرة أنا شايفة ان جرنان البديل كويس (على الأقل نسبيا) . مش معنى ان حصلك مشكلة شخصية مع جرنان يبقى تنزل شتيمة كدا...وبعدين حال الصحفيين من حال بقية أهل البلد.. اشمعنى هم يعنى اللى مش حيستسهلوا ويلفقوا؟!!

أولا اللي رصدته هو أن لما الجرنال كتب عن حاجة أنا قادر على أني أحكم هي ملفقة ولا لأ طلعت ملفقة

يبقى مقدرش غير أني أفترض ان لا يمكن الوثوق في أي كلام ثاني منقول على لسان ناس ثانية.

و لحد ما أسمع أن الصحفي ده اترفد و اتقدم للتحقيق في النقابة أو قدام النيابة أو أي جهة أخرى مشابهة هفترض أن الجرنال مش فارقة معاه و مبسوط من التلفيق خصوصا أن ده موضوع اتنشر على الصفحة الأولى و كلامي فيه عكس رأيي.

أخيرا مش ممكن التبرير العجيب بتاع ما الصحفي ده من بقية أهل البلد، طيب ما ظابط الشرطة اللي بيعذب برضه من بقية أهل البلد، أنا بقول نبطل نشتكي من أي حاجة بقى ما دام العملية كده.

اللي معتبر أن عادي أن موضوع على الصفحة الأولى يكون ملفق هنيئا له البديل صرح اعلامي يساري تقدمي مناضل.

رد من عبدالرحمن سعد السلام عليكم..

ها أنا ذا أرد عليك في مدونتك.. ولن أشتمك بأمك كما فعلت لأنها - أولاً - لا ذنب لها فيما فعلتَ ، ولأن قيمي الأخلاقية والمهنية تحتم علي ألا أستخدم هذا الأسلوب معك أو مع غيرك. العبارة التي أخذتها على لسانك في التقرير الخبري تقول : " وأما الزعيم الروحي للمدونين المصريين علاء سيف- صاحب مدونة " منال وعلاء - فيرفض الفكرة لأن التدوين تعبير ذاتي عن النفس ، ولون من الصحافة الشعبية ، وأداة مفيدة في التنفيس عن حاجة " شحناني " ، لذلك أعتقد أن تنمية المجتمع التدويني في مصر هي الأهم ".. والمقصود بقولي عنك :" يرفض الفكرة " ، رفضك فكرة إنشاء ميثاق شرف للمدونين التي أخذت رأيك بشأنها في مكالمة هاتفية قبل قرابة أربعة شهور ، في سياق أخذي لرأيك في موضوع حول " المجموعات البريدية " قلت لي فيه إن هناك درجة من التقاطع بين المجموعات البريدية والمدونات ، وإن الهدف واحد لهما ، وهو رفع الوعي العام في المجتمع .. مشيرًا إلى أنك تهتم - في الوقت الحالي - بتنمية المجتمع الإلكتروني في مصر ، والتشبيك والتنظيم بين أفراده ، عبر جهد توثيقي ".

هذا كان رأيك في المجموعات البريدية ، وما نقلته على لسانك بخصوص " مواثيق الشرف " كان رأيك أيضًا ، وقد حرصت - كعادتي- على الدقة في التزام كلامك حرفيًا حتى كلمة " شحناني" ، التي وضعتها لك بين علامتي تنصيص.. أم أنك لا تذكرها ، ولم تقلها ، أيضًا ؟

هذا كلامك ، وذاك موقفك ، فأنا لم ألفق ما لم تقل ، ولو أنني أفعل ذلك ، فلماذا لم أفعله مع وائل عباس الذي لم يعلن أنني لفقت على لسانه ما لم يقل ، مع أنني سجلت أيضًا أنه رافض للفكرة ، في التقرير الخبري نفسه ؟

لقد كتبت عنك في موضوع عن المدونين في جريدة الأهرام يوم الأربعاء السادس من ديسمبر عام 2006 ، ويومها هاتفت الأستاذة منال ( زوجتك ) ، وعرفت أنك مسافر ، وأخذت رأيها في موضوع شغل نصف صفحة وقتها ، وأشار إليه وائل عباس مشكورًا في مدونته ، ولم تتهمني زوجتك الكريمة بأنني لفقت على لسانها شيئًا ما .

والسؤال: لماذا لم ترسل تكذيبًا إلى " البديل "، بدلا من هذا الأسلوب الدنيء الذي لجأت إليه ، أم أن خِسة نفسك أبت عليك إلا أن ترتدي ثوب " العنترية الكاذبة "؟

أما عندما تقول : " بيقول على لساني أني رافض فكرة وجود مواثيق شرف اختيارية للمدونين .. أنا عمري ما قلت كلمة ضد مواثيق الشرف ".. فأنت تلجأ إلى النفاق. والأمر بسيط : إنني أتحداك أن تقبل الانضمام إلى أي ميثاق شرف لأنك لا تعترف بالمواثيق ولا تعرف معنى للشرف .. لكنك تلجأ إلى التحايل بالقول إنك تؤيد المواثيق " الاختيارية " ، وأنا أتحداك أن تنضم إلى أي ميثاق حتى ولو كان اختياريًا ، لأنك - باختصار - لا تستطيع أن تتخلى عن شهوة البذاءة التي تمتطيك ، والتي لا تستطيع أن تحيا بدونها ، ولا يستطيع أن يقبل بها الزملاء من المدونين.

أمر آخر هو أنك تطالبني بأن أتعلم " عربي الأول " ، وأحب أن أذكرك بأن تاريخ تفكيرك في إنشاء المدونة هو 20 مارس 2004 ، بينما تستطيع أن تتابع أعمالي في الأهرام وإصداراتها منذ أواخر الثمانينيات.. أي أنني أكتب منذ كنتَ أنت في الصف الأول الابتدائي تتعلم حروف الهجاء .. وإنني أتحداك أن تستخرج لي خطأ واحدًا في هذه الرسالة ، علمًا بأنني أستطيع أن أستخرج لك مائة خطأ في مقالتك التي تلنني وأمي فيها .

أخيرًا : لقد استخدمتَ أحقر الأساليب والبذاءات في الإساءة لي .. وقد كان من حقي استخدام هذا الأسلوب معك .. لكنني فضل الترفعت ، كما أنني فكرت في مقاضاتك وحبسك بتهمة القذف في حقي لكنني تراجعت عن ذلك إبقاء على آصرة المودة مع زملاء أعزاء من المدونين ، وبعضهم هو الذي نصحني بالتغاضي ، ولإيماني الشديد بحرية المدونين في التعبير .. ولكي لا تكتسب - أنتَ- هالة من الشهرة لا تستحقها .

والأمر هكذا فإنني أحتسب إساءتك لي عند الله ، ولا أعرف كيف يمكنك أن تكفر عن خطيئتك في حقي ، لكنني واثق من أن مثلك لا يمتلك فضيلة الاعتذار.

برضه مصر على التلفيق

كلمة شحناتي دي أنا لا أستخدمها أبدا أصلا و لا يمكن أكون قلتها في وصف المدونات. و رأيي في مواثيق الشرف ثابت و لم يتغير و هو أنه تجمع الناس حوالين مواثيق شرف اختيارية أمر ايجابي و مصيره يحصل و أني بتوقع ظهور مواثيق شرف عديدة يبنى حولها جماعات متنوعة من المدونين.

و الدليل على ده هو أي ساعدت تجربة مدونات نظيفة رغم عدم التزامي أنا بميثاقهم و معايرهم.

و برضه متأكد أني مقلتش أن هدف المدونات و المجموعات البريدية هو رفع الرأي العام، دي كلمة مجعلصة قوي على المدونات و كلام هبل، هدف المدونة يحدده صاحب المدونة و في أحوال كثير بيبقى ملهاش هدف محدد من أصله، كلامك تلفيق في تلفيق و يتعارض مع كلامي اللي قلته مئات المرات و اسأل أي حد يعرفني.

و لم أرسل تصحيح للجرنال لأن الجرنال مكانش هينشر الشتيمة اللي في حقك و هي في رأيي أقل ما تستحق.

موضوع التحدي بتاعك ده قمة الهبل، أولا سيادتك مش شغلتك تفسر النوايا اللي عندي، أنت بتدعي أني قلت كلام معين، أنا محصلش أني قلته علنا و لا في حوار معاك و لا مع أي صحفي آخر، مسألة ايه اللي في قلبي و ايه نيتي دي ملهاش علاقة بالموضوع.

معنديش مانع أوافق على ميثاق شرف ينص على عدم التعبير عن أفكار عنصرية و التعامل مع البشر كلهم على انهم متساوون، و ينص على أن كلامي مش للبيع و المفروض يعبر عن ذاتي فعلا و ينص على عدم الكذب و عدم التعامل مع الأمور بسطحية و تبسيط (في حدود علمي طبعا). كل ده لا يتعارض مع ذكري لكس أمك، كوني فعلا متمسك بحقي في شتيمتك لما تستحق الشتيمة ده أمر لا يتعارض بالضرورة مع امكانية وجود ميثاق شرف يعبر عن منظومتي الأخلاقية و لا يتعارض مع رؤيتي لوجود مواثيق شرف اختيارية تعبر عن القيم الأخلاقية المختلفة لكل مجموعة على انها ايجابية (و ثاني الدليل هو تعاوني مع ناس متبنية ميثاق شرف يتعارض مع منظومتي).

أخيرا يا كسمين أمك متتكلمش عن شهرة لا أستحقها، أنت اللي بدين امك جايب سيرتي في مقال في الصفحة الأولى و واصفني فيه بالأب الروحي للمدونين المصريين بلا سبب منطقي، لو حصل أو هيحصل أني حصلت على شهرة لا أستحقها فده بسبب غباء و تساهل الصحفيين أمثالك اللي بدل ما يشوفولهم حاجة مفيدة يعملوها قاعدين بيألفوا مواضيع في الهواء.

و لم أرسل تصحيح للجرنال لأن الجرنال مكانش هينشر الشتيمة اللي في حقك ؟؟؟ يعنى انت وسيلتك الوحيدة للتفاهم مع الناس هى الشتيمة بالأم؟؟؟ با اما اشتمك يا اما مش لاعب؟ وزعلان انه ملفق؟

لا طبعا عندي وسائل متعددة للتعامل مع الناس حسب الناس و الموقف و المزاج و مدى اكتمال القمر. و عندي كمان وسائل متعددة للتعامل مع الصحفيين اللي بيلفقوا أو بيطسلقوا و أهمها التجاهل. المسألة أني من حين لآخر بأختار أتعامل مع الموضوع بالشتيمة، غالبا ده بيكون لأني مش شايف أي مجال للتفاهم أصلا.

اه زعلان أنه ملفق ايه اللي غريب في الموضوع؟ أنت بتبقى مبسوط من الصحفيين اللي بيلفقوا؟

ايه يابنى قلة الادب دى ، انت صحفى ولا تباع على اتوبيس رحلات

أنا صحفي؟ بقولك الصحافة دي مش شغلانة شريفة أصلا تقوم تقوللي أنت صحفي؟

يا أستاذ علاء يا سيف الاسلام ( بل سيف البشرية جمعاء ) عودت عينى على رؤية الشتايم فى تدويناتك بسبب أو بدون سبب , لكننى استمتعت ( أيما استمتاع - بعرف عربى و لا ايه يا برنس ) بآخر تدويناتك الكس امية عن جورنال البديل , حيث تبدو الشتايم وسيلة جذب السابحين فى الفضاء السيبرى بالضبط كلافلام التركى بسينما على بابا ببولاق ابو العلا ( تعرفها يا كابتن ) , و لتسمح لى أن أقدم بعض الملاحظات حول تدوينتك الأخيرة عن جورنال البديل ... و لتسمح لى أن نتغاضى عن صحة اتهامك للصحفى بالتلفيق من عدمه و ذلك بالطبع لان الصحفى رد على الاتهام لكنك لم تقتنع و تركت أصابعك تجول على الكى البورد بالشتايم ضد الجورنال بالظبط زيى ما بتشتم الداخلية ( حماها الله ) و بنفس الحدة ... اولا : من الواضح ان موقفك و دعوتك لمقاطعة جورنال البديل ليس هجوما على التلفيق فقط إنما سعيا لخلق معارك وهمية .. هل من المنطقى أن يقاطع الناس جريدة يومية عشان خاطر سعادتك شايف انه حصل معاك خطأ صحفى - كان ممكن تبعت تكذيب بالظبط زيى ما بعت اخوك عبدالله كمال تكذيب لخبر تم نشره ف نفس الجورنال , لكنك سميته الجورنال بالخرقة و قلت يللا بينا يا يا كل شاب و كل فتاة نقاطع جورنال البديل , ممكن اسألك لماذا لم تطالب بمقاطعة الاهرام و توابعها من اخبار و جمهورية اللى اكيد مليانة بتلافيق و اكاذيب و غيرها من الجرايد , يبقى كان لازم تقدم اسباب اكتر وجاههة لمقاطعة البديل .. زيى انه مثلا بيخدم العدو الصهيونى ,او الحليف السوفيتى , و لا ايه ؟ ثانيا : و فى احدى تجلياتك عرجت على الناس اللى مشغله الصحفيين ( اللى هما طبعا المساهمين فى الجورنال ) - و كأنك بتشتم أى حد قرر انه يناضل بعيدا عن فضاءك الالكترونى - يا أستاذ يا مناضل يا الكترونى ياللى بتخرج المظاهرات بلمسة من أصابعك الطيبة على الكى البورد الطيب - متناسيا تاريخهم الوطنى ( المساهمين ) و انهم عاملين الجورنال ده بدون هدف الربح فى محاولة لخلق هامش ما لليسار ( شئت أم ابيت فيه شى اسمه اليسار ) , لذلك لا أجد أى مبرر لهجومك عليهم ( المساهمين ) , و بعدين هما مالهم ان صحفى انت اتهمته بتلفيق خبر على لسانك , و حتى إذا كانت البديل تجربة فاشلة من وجهة نظرك فهى تجربة وطنية صادقة و لا تستحق هذه البذاءة . ثالثا : و عن " د. محمد السيد سعيد " رديت على أحدى التعليقات انك لا تستطيع شتيمة محمد سيد سعيد بسبب ( اعتبارات عائلية ) و ده فى رأيى اكبر لشتيمة لشخص مثله و اكتر دليل على شخصنة الامور فانت لا تستطيع التفريق بين محمد سعيد و بين اى صديق لاسرتك ( الوالد احمد سيف الاسلام و الام ليلى سويف - لهم منى كل الاحترام و التقدير ) رأيته فى بيتكم و انت صغير .. عايز بس افكرك ان محمد سعيد مفكر وطنى و قيمة سياسية و صاحب موقف ( بداءا من القبض عليه على رأس 30 طالب فى اعتصام الكعكة الحجرية ضد حالة اللا حرب و اللا سلم , مرورا بتعرضه للتعذيب اواخر الثمانينات لتضامنه مع عمال الحديد و الصلب بحلوان , و ليس انتهاءا بموقفه من مبارك فى معرض الكتاب حين طالبه باصلاحات حقيقية ) و لم يشفع له كل ذلك عندك الا انه صديق للعائلة . ... تدوينتك ليست مجرد اعتراض منك على ما سميته بالتلفيق بل تعبر عن شخصنة للامور , كان من الممكن ان تطالب الجورنال باعتذار و ينتهى الامر

هو جزء من كلامك صحيح بس مش بالظبط زي ما أنت قلت.

الشتيمة و دعوة المقاطعة في التدوينة دي فعلا معمولين بغرض التهييج، لكن مش اختلاق لمعركة وهمية، بمعنى أنه الموضوع أصلا لن يتحول لمعركة و مش هياخد حجم أكبر من التدوينة دي. استخدام أسلوب هجومي مستفز و اطلاق دعوة وهمية للمقاطعة محدش هيلتزم بيها أصلا عملتهم لسببين، أولا تنفيث عن غضب حقيقي من أغلية الصحفيين في مصر، لأن فعلا خبرتي أن عندهم عجز تام عن كتابة أي موضوع بدقة و سرد كلام على لسان أي مصدر بأمانة، و دي مشكلة منهجية و مش فردية و مسئول عنها كل القائمين بالصحافة عندنا مش الصحفي الفلاني لوحده.

و الثاني هو لفت انتباه السيد الصحفي و مجموعة البديل، دي مش أول مرة جرائد تنشر كلام غلط على لساني أو معلومات غلط على موضوع يخصني و طلب نشر تكذيب بالتجربة لا قيمة له بالمرة لا التكذيب بيكون بالقوة اللي تمحي تأثير نشر الخبر الكاذب و لا بيتم محاسبة المسئول عن الخطأ و مراجعة المنهجية لتفادي تكرار الخطا، يمكن لما أعمل فرقعة تافهة (و هي في طبيعة الأحوال مش هتكون فرقعة لولا أني عارف الكلام بيدور بسرعة ازاي في وسط عواطلية وسط البلد و عارف كويس أنه هتلاقي عدد لا بأس به من العاملين في البديل بيتكلموا عن التدوينة).

أما تفسير ليه شتمت اللي مشغلين الصحفي فده تفسير غريب جدا، لأن البديل له موقع و اطلاقه بدأ أصلا على النت يعني المسألة بعيدا تماما عن غضبي من أن الناس بتناضل خارج الفضاء الاكتروني، أنا أصلا مش شايف الجرنال تجربة نضالية عشان نتكلم في الموضوع بالشكل ده.

نضال و اسهامات محمد السيد سعيد على عيني و رأسي و أنا ما شتمتش الراجل و ذكري للمسألة العوائلية كان ما معناه أني مقدرش أشتمه أصلا، هل كنت أقدر أشتمه لو كان مناضل مهم و وطني كبير لكن مش صديق للعائلة؟ معرفش ده موضوع معنديش ليه اجابة، لما يبقى عندي سبب يستدعي شتيمة مناضل مهم لا يربطني بيه حرج عائلي نبقى نكتشف. لكن مع احترامي لنضال محمد سيد سعيد البديل في رأيي تجربة فاشلة و خرقة معفنة فعلا و مسألة التلفيق طبعا مش حكر على البديل لكن بختهم جاء أني لقطت التلفيقة في لحظة فاضي فيها أكتب تدوينة أشتمهم، كانت ممكن تيجي في الحيوان بتاع المصري اليوم اللي داير يلفق أخبار عن المدونين، أو في البهائم اللي كتبت عن أسعار الدي اس ال أو نظام التنسيق الالكتروني أو أعداد القبول في الجامعات بدون أدنى فهم أو غيره كثير.

السلبيه هي شعار مجتمعنا المصري يا اخ علاء لو عايز تغير حاول تغير بأي وسيله غير الكلام او الكتابه لان دي وسائل سلبيه ملهاش اي لازمه انت كده كأنك اعد علي القهوه بما انك مش عاجبك اي حاجه من النظام لا انت و لا كل اللي موجودين هنا طب ليه متغيروش فعليا مش كلاميا؟؟ اه هو المواجهه صعبه انا مجربها بس اللي عنده قضيه بيدافع عنها بروحه مش بالكي بورد و صفحه علي النت

ايه يا عم علاقة السلبية و مجتمعنا بالموضوع؟ أنا اتكلم عن مجتمعنا أصلا؟

واحد صحفي ملفق كلام على لساني و جرنال فاضي حاطط مقال تافه على الصفحة الأولى، ايه دخل ده بكلامك العجيب عن المواجهة الصعبة و الكلام و الكتابة؟

محصلش أبدا أني ادعيت أني بأسعى للتغيير عن طريق الكتابة، لازم الأول أكون بعرف أكتب.

أنت ملخبط ما بين قناعة أني يمكن أقدر أعمل تغيير بسيط بجهدي أساسا في مجال تكنولوجيا المعلومات و بين كتابتي على المدونة.

بما اننا بنتكلم عن جرنال البليد قصدي البديل فاسمح لي ان اتحدث عن عدة محاور المحور الاول يسعدني بل انه لمن دواعي سروري ان اصرح بالصلاة ع النبي هذه التدوينة واخدة شعبية ساحقة ماحقة المحور الثاني كل الحبشتكنات صحابي بيحيوك تحية جامدة جدا وهذا البليد هو عبارة عن مقبرة الغزاة كل اللي طالعين من الجبانة راحوا اندفنوا فيه اه يا علاء بيألفوا ويلحنوا ويهجصوا وده دأبهم ومش صحيح ان الموقف ده ما يهمناش ده يهمنا ويهمنا لانه زي ما انت قلت دي حاجة انت عارف انها متفبركة، الله اعلم بقى باللي انت مش عارفه واللي احنا مش عارفينه === عندنا ساعي في الشغل - بنقول له محمود صلي - اقول له روح هات لي سجاير مونديال يقول لي : طيب يافندم لو ما لقتش مونديال ايه البديل ابعته يجيب لي شاي يجي مبتسم ويقول لي ما لقتش شاي جبت لك البديل قهوة لما طلعت البليد قلنا اكيد محمود صلي هو رئيس مجلس الادارة بس الحقيقة بعد اللي شفناه محمود ما يطلعش منه الخرا ده

يا شيخة ولا شعبية ساحقة و لا بتاع، هما بس بتوع المعارضة و اليسار تافهين.

تدوينة قرأها 4 ألاف نفر، بتتكلم عن جرنال يومي أرقام توزيعه صحيح سرية لكن مؤكد أكثر من 4 ألاف (بما أنه أصلا معين ستلاف نفر).

ألا صحيح هو أنت مبتشتغليش في البديل ليه؟

بس سيبك أنت لازم نعترف أن الجرنال أحسن من جريدة الاشتراكي.

بقى انا اقول لك ده مقبرة تقول لي ما بتشتغليش فيه ليه؟ ماشي يا عم علاء ان شالله انت اللي تشتغل فيه هه بس

شوف يا علاء انت و المدونه بتاعتك عملتوا فرق كبير في حرية التعبير يمكن انت شايف انه مش مهم او باين كده جه معاك بالصدفه انا لا يساريه ولا حصل لي الشرف بقراءة البديل و مش هاهتم يعني اني اجيبه لكن كلمة حق واقفه في زوري انت بجد قليل الأدب و على فكره دي شتيمه مش بدلعك ولا حاجه هي ليه لغة الحوار تكون كده و على فكره مش انت لوحدك دي باين مصر كلها بقت قليلة الأدب و احسن لها تفضل في القرف اللي هي فيه عشان قلة الادب تفضل هي الشغلانه السائده اصل لو اتعدلت الناس دي كلها تروح فيييين000 حاجه تقرف بجد00

أولا يا دينا شاكرين على الكلام الجميل، أنا لما بقول أن المدونة ملهاش هدف و مكانش مخطط ليها و لا تزال ملهاش رسالة و هدف ده واقع بغض النظر عن هل اكتسبت ىأهمية أو شعبية أو تأثير ولا لأ.

ثانيا متفتكريش كلامي تواضع ولا حاجة، أظن واضح أن التواضع عندي مش عالي، ده برضه اعتراف بواقع.

المدونات لعبت و بتلعب دور مهم في اثراء حرية التعبير في مصر زي ما بتلعبه في باقي العالم، و التجربة المصرية على صغرها (عمرا و حجما) مهمة جدا و خاصة جدا و من حقنا كلنا نفخر بيها. و منكرش أن كان لي الحظ أني أكون في قلب الأمور و هي بتحصل.

لكن أولا لو كنا عملنا اسهام مهم فمهواش الكتابة في مدونتنا، اسهامنا كان في بناء مجمع المدونات المصرية مثلا، أو في جهود أخرى لتشبيك المدونين و توسيع رقعتهم و الربط ما بين المدونين المهتمين بالشأن العام و النشطاء، و توضيح امكانية استخدام التقنية للتنظيم و الحشد مش بس للتعبير الخ.

الجهود دي أنا فخور بيها قوي قوي قوي و ممكن أقعد أحكي عنها و أضخم في الموضوع و أفرش و حتى لما بعقلن الموضوع و أقول أنت معملتش حاجة ولحدك و أكيد مكانتش واقفة عليك و لو مش أنت كان هيبقى فيه غيرك بحس أن برضه لو كان غيري كان الشكل و النتيجة هيبقى مختلفين جدا.

لكن كل ده ملوش علاقة بأنا بكتب ايه، و مفيش حاجة اتنشرت على المدونة دي كان ليها أي تأثير أو أهمية على مستوى واسع الا اذا كانت حاجة ضمن جهد جماعي و انكتب عنها في أكثر من مدونة، يعني أهميتها كانت دائما في مشاركتي وسط ناس مش في كتابتي لوحدي.

و حتى كل اللي فات ده خلاص بيروح، عدد المدونات المصرية فاق قدرة المجمع على تغطيتهم و حجم جمهور المجمع و المدونة بطل يتزايد، و بقى فيه عشرات الفرص و السكك للتشبيك و عشرات المبادرات و أغلبها ان لم يكن كلها بيحصل بعيد عني.

جملة عبيطة زي الأب الروحي للمدونات المصرية كانت نكتة دمها خفيف و لما الصحفيين صدقوها بقى دمها أخق، لكن بعد ثلاث سنين النكتة باقت بايخة و ملهاش لازمة.

لو كان عندي حاجة أهم أو أحسن من الشتيمة اللي فوق دول أقولها كنت قلتها، و من حين لآخر هيبقى عندي و هقول، لكن صدقيني مفيش أي حاجة تستدعي لا أنك تستني لما ده يحصل و لا أنك تزعلي لما ما يحصلش.

أما مسألة أني قليل الأدب فمختلفناش، أنا قليل الأدب بس لو قفشتيني بقل أدبي على حد ما يستحقش ابقى شاوريلي.

واضح ان صاحب المدونه دي انسان مش متربي

و من بيئه واطيه

الأدب فضلوه عن العلم . . يا أستاذ علاء

الل يفضل الأدب على حساب العلم يبقى حمار و مبيفهمش، وريني مجتمعواحد اشتفاد من تفضيل الأدب على حساب العلم.

و بذمتك مش مكسوف و أنت بتردد كلام مدرسي زي ده؟

ايوة الشتيمة بتلف تلف تلف وترجع لصاحبها وتاني مرة ما تبقاش تقول كس ام فلان دي تاني ابقى قول كس ام الشيطان عشان عيب

هو مفيش تفضيل حاجة على التانيه، لان مفيش بالضرورة أختيار مبنهم أساساً، والبوست ده بيبين أهمية الأتنين مع بعض لأانك ببساطه عبرت عن قضية عادله جدا بأسلوب رديئ جدا خلى نسبه كبيره من القراء ينصرفوا عن القضيه الأساسية بتاعتك.

ماشي كلامك فيه قدر كبير من الوجاهة و ان كان أحيانا الأسلوب الصادم بيفرض على الناس أنهم ينتبهوا، أوعدك المرة الجاية اللي أكتب فيها عن تلفيق صحفي هستخدم أسلوب مهذب و نبقى نقارن وقتها ردود الأفعال و نشوف (و ان كان في الحالتين الموضوع مش هيتحل بسبب كتابتي).

المقلق أكثر بالنسبة لي الناس اللي بتبرر التلفيق و تدور على حجج للصحفي أو الجريدة. و الصحفي ذاته اللي عاجز تماما عن أنه يشوف المشكلة في سلوكه المهني.

طيب يا علاء احنا لو عملنا مقارنه بسيطه بين ردك ورد عبد رحمن سعد ذاته هنلاقي إن رده هادي ووكلمه ورد غطاها ومحترم في حين انك متعصب جدًا وبتحاول تهين وتشتم وخلاص ده رقم واحد , رقم اتنين عزيزي علاء علي فكرة الكلام بيبين إذا كان إللي وراه ده معاه حق ولا مجرد واحد بيحاول يبرا نفسه وعلي فكرة انا معرفش عبد الرحمن ومشترتش البديل غير ميتين تلاته ’ عبد الرحمن سعد باين اوي في كلامه إنه مكدبش وملفقش ,بل الامر يقترب شويتين من كونك انت إللي لفقت عليه , تالت حاجه في موضوع قبل كده اتكتب عن المدونين في ذات الجريده ومدح فيهم فشخ وإن كان وقتها اتكلم غالبًا عن المدونين الادباء زي محمد علاء وباسم شرف بس اتكلم كويس عن التدوين والمدونين بشكل عام , طبعا انت لو كت قريت الموضوع ده الاول مع شوية مواضيع تانيه عحبتك كت هتمجد في البديل بإعتباره صوت حر بطيخي جديد لكن عشان واحد قال عنك كلمه معجبتكش بأه كسم البديل وهو خرقه معفنه , وبصراحه اسلبوب ( خرقة معفنه ) إلخ إلخ يدل علي شخص موتور ومتعصب اوي وعاوز يهين بس بلا تعقل ولا بطيخ , وعلي فكرة البديل جرنان لا بأس به وبيشتغل فيه ناس محترمهة جدًا لأ واللذيذ الدعوه الشعبيه لمقاطعه البديل , يبني اهدا شوية كده

أحمد

الكلام بيبين من أسلوبه اذا كان اللي وراه معاه حق و لا لأ؟ و لا من حاجة ثانية؟

يعني لو قلتلك الأرض كروية يا كس أمك، و حد ثاني قالك يا سعادة الباشا الأرض مسطحة مين اللي معاه حق؟

مظنش حد يعرف كلامي أحسن مني، أنا بقولك فلان ملفق حاجة على لساني، ثانيا الكلام اللي اتنشر متعارض مع رأيي اللي عبرت عنه أكثر من مرة، لو أنت مهتم تعرف حصل تلفيق ولا لأ تقدر تدور،

و لو أنت فعلا عايز تتقصى الحقيقة من اللي بيبان من الكلام كنت خدت بالك أن عبد الرحمن سعد حاول في رده أنه يقول أن حتى لو مكنتش قلت بعظمة لساني الكلام فده برده رأيي بدليل أني لا يمكن أنضم لأي اتحاد مدونين، يعني أنا شايف أنه اعترف اعتراف ضمني بأنه كتب ما تصوره أنه رايي مش ما سمعه أنه رأيي، لكن بما أن معيارك الوحيد للمصداقية واضح أنه مرتبط بمعدل استخدام الكلمات القبيحة فمظنش التفاصيل اللي من النوع ده تفرق معاك.

الموضوع اللي كتبه عبد الرحمن سعد اللي مش عاجبني ده موضوع بيمدح في المدونين و بيمدح و يعظم في شخصي، و الراجل سبق ليه أنه كتب مواضيع أخرى برضه بتمدح فينا، لو قرأت التدوينة و التعليقات ثاني كويس هتاخد بالك أن مفيش أي اعتراض على أن المقال بيشتم في المدونين أو في شخصي، أو فشل في مدحي، المشكلة ان الكلام عكس تماما رأيي و لا يمكن يكون صدر عني، لا صياغة و لا معنى.

انت مستعد تقتنع أن فيه صحفي يعرف أنا قلت ايه أكثر مني، دي مسألة أنا مقدرش أعمل فيها حاجة، هنيئا لك الصحافة المصرية.

عموما قرايتى للصحافة المصرية فى السنين الأخيرة نزلت فى مخيلتى من مهنة الصحافة الى مرتبة أوطى حتى من مهنة المحاماة. دا طبعا انطباع سطحى منى لا يهوّن من شأن الناس المحترمين بجد فى المجالين

احة

مانت يا كس امك بترفض اي رأي الا رأيك و شايف نفسك كبير المدونيني لغاية ما مدونتك بق عاملة زي البيت المهجور من كتر ما المدونين رافضين اسلوبك

مش رافض ميثاق الشرف ؟ احةةةةةةةةةةةة

ده المدونين اعترضوا انك حاطت مقتبسات من مدوناتهم على مجمع العمرانية قلتلهم مش من حقهم تعترضوا و اللى مش عاجبوا يخبط دماغوا في الحيط

فاكر ولا افكرك يا كس امك

يعني ايه برفض أي رأي الا رأيي؟ حرمت حد من التعبير عن رأي مخالف لي قبل كده؟ ولا بالعكس بذلت جهد و مال عشان أساعد ناس كثير تعبر عن رأيها بغض النظر عن توافقه مع رأيي؟

و بعدين ايه دخل ده بالموضوع؟ صحفي ذاكر كلام على لساني، لو الكلام ده أنا مقلتوش للصحفي يبقى الموضوع ملفق، كوني راجل شرير لا يتقبل الرأي الآخر يغير من ده ايه؟ التلفيق لا يزال قائم.

أما في موضوع ميثاق الشرف، اقرأ كويس كلامي، أنا يمكن أكون رافض أن أنا شخصيا ألتزم بميثاق الشرف الفلاني أو العلاني لكني مش رافض لفكرة وجود مواثيق شرف و بالعكس معتبرها ايجابية و ضرورية.

أنت بتحاول تثبت ايه؟ سيادتك متصور أنك ممكن تثبت أنا قلت ايه في حوار صحفي أنت محضرتوش؟ و لا متصور أنك ممكن تثبت أني حتى لو مكنتش قلت الكلام من حق الصحفي يلفقه طالما أنه متسق مع رؤيتك لشخصي؟

و مدونة ايه اللي مهجورة؟ ما تشوف عدد الزيارات و عدد التعليقات، المدونة أبعد ما تكون عن مهجورة (مش معنى كده أن المدونة فرخة بكشك و مهمة، أنا برد فقط على حتة مهجورة).

موضوع شايف أني كبير المدونين دي، أرد عليها ازاي اذا كان مش واضح أصلا يعني ايه كبير المدونين؟ أنا شايف نفسي حد عنده مدونة ليها عدد قراء عالي مقارنة بباقي المدونات و شخص لعب دور مهم في تنمية و توسيع تجربة التدوين المصرية الثلاث سنين اللي فاتوا.

في حاجة في دول غلط؟ ده سيادتك وصف للواقع ليس أكثر، أما الكلام المرسل العجيب بتاع كبير المدونين و شيخهم و أبوهم الروحي و أنور وجديهم ده كلام الصحفيين الملفقين مش كلامي أنا.

أخيرا أنت ملخبط ما بين سياسة ادارة المجمع قبل الانتقال للعمرانية و بعدها، قبل العمرانية كان فعلا اللي بيطلب يتشال من على المجمع بسيبه يخبط دماغه في الحيط في أغلب الأوقات، بعد الانتقال حاولت أشرك عدد أوسع من الناس في التفكير في كيفية ادارة المجمع و اتعمل مناقشة على الموضوع دهتقدر تشوفها هنا.

برضه علاقة ده بالموضوع ايه مش مفهوم، يعني لو كان الصحفي مثلا كتب مقال بيحاول يثبت فيه مساؤئ شيخ المدونين علاء عبد الفتاح و بيقول كلام مشابه لكلامك كان وقتها يبقى له معنى، لكن الصحفي مدعاش أنه اكتشف حقيقتي اللي أنا مخبيها، الصحفي ادعى أن فيه خلاف محتدم بين المدونين على موضوع مواثيق الشرف و أني واخد موقف ضد فكرة مواثيق الشرف في المطلق و و جايب كلام على لساني.

>يعني لو قلتلك الأرض كروية يا كس أمك، و حد ثاني قالك يا سعادة الباشا الأرض مسطحة مين اللي معاه حق؟

رغم ان الموضوع مش مستحمل مسخره بس تصدق بالله انت بيبقى ليك تعليقات تهلك من الضحك ومن ضمنهم الحته اللى فوق دى . :-)

لأ هو مجرد توضيح بسيط , مين قالك إني قصدي بكلمه إن الكلام بيبان من لهجته إذا كان صاحبه معاه حق او بيحاول يبرأ نفسه وخلاص , إن معياري في كده هو إستخدامه الكلمات القبيحة او عدم استخدامه , بالعكس سعات إللي بيستخدم الشتايم في كلامه ده بيبيت إنه واثق من نفسه ويعرف ما يقوله جيدًا ومش محتاج يزوق في حين إن إللي بيزوق ده عاوز يداري ضعف منطقه , الشتايم او المفردات ملهاش علاقه خالص , انا بقول علي الإحساس إلي بيبع من ورا الكلام بشكل عام , بيبين حالة صاحبة وهو بيكتبه , انا بقول كلام عبرحمن سعد بيدي إيحاء إنه هادي وواثق من نفسه وده ملوش علاقه بإنه محترم في كلامه او بيشتم , كلامك بيدي إحساس بصراحة إنه بتجز علي اسنانك وانت بتكتب فاهم قصدي ؟ بالنسبة للمقاله انا مقريتهاش للاسف , لذا مش هقدر ابدي رأي ولا اصدق ولا اكدب ,فقط حسيت إنك كبرت الموضوع شوية يا عزيزي

سلام احمد

أسف اذا على فهمي الخاطئ لكلامك

راع كلام عبرحمن زي ما قلت و أنت تلاقي فيه اعتراف ضمني، هو اتكلم بشكل هادئ و واثق لأنه فعلا مقتنع أنه معملش غلط لأن النوع ده من التلفيق منهجي و متأصل في الصحافة المصرية.

مسألة مكبر الموضوع، تفتكر لما يتقال على لساني كلامي عكس تماما كلامي و يتنشر ده في الصفحة الأولى من جريدة يومية يبقى ده موضوع كبير و لا صغير؟ أولا من منظوري كحد اتقال على لسانه كلام هو مقالهوش ده موضوع كبير جدا، خصوصا لما الموضوع يخر من الالتباش في الفهم و يوصل لدرجة عكس المعنى. ثانيا أن يحصل تلفيق بالشكل ده في الصفحة الأولى من الجرنال مهما ده موضوع كبير في حد ذاته. و لما يقولك السيد الصحفي بنفسه أنا عملت الحوار ده من أربع شهور رغم أن الجرنال مكانش موجود من أربع شهور و مبادرة ميثاق الشرف محل النقاش مكانتش اطلقت من أربع شهور يبقى الموضوع كبير قوي قوي قوي.

Je te respectais Alaa mais tu es quelqu'un très mal élvé. Pourquoi tu te sers de cette sale language. Tu devrais utiliser moins cette maniere sale de répondre aux gens. finallement, salutations et mes meilleurs voeux pour toi et pour Manal.

كنت باكتب تعليق لكن بقي تدوينة

http://mabadali.blogspot.com/2007/08/blog-post_25.html


http://mabadali.blogspot.com

http://vb.mixxat.com/showthread-t_6974.html

علاء ومنال فى ميكسات

عندك مثلا اولاد الوسخة الجربانين بتوع العربية نت اللي نازلين سب وشتيمة واخبار وسخة عن مصر وطالقين كلابهم يقولوا اوسخ كلام عن مصر بسبب وبدون انا كمصري لما اشتم جورنال مصري او انعل سلسفين أ م الحرامية اللي فيها فده لاني غيور عليها وعايزها تبقي فى العلالي لكن اولاد الشرموطة الوهابيين مش مكفيهم الارهاب اللي ابتلونا بيه ونازلين شتيمة فينا وفي البلد بدون سبب غير الحقد والغيرة اولي نعمل لكوس امهم ايه عشان نرضيهم؟ حرب وحاربنا عشانهم! علم وعلمناهم ياكلوا ويشربوا ويغنوا ويرقصوا ويحبوا وينيكوا انا عملت مدونة مخصوص علشان افضح اولاد الوسخة بتوع العربية واللي يحب يشاركني برأيه يا مليون مرحب