You are here

ألف تحية للعمال

Primary tabs

مبروك لينا كلنا، عمال المنصورة أسبانيا انتصروا في معركتهم و انتزعوا جزء صغير من حقوقهم

التفاصيل عند عرباوي

تحية لنساء مصر اللي قادوا الاعتصام بشجاعة و وعي يحسدهم عليها الرجال، اللي حصل و بيحصل السنة دي من العمال حاجة كبيرة قوي حتى لو كنا مش واخدين بالنا.

و تحية كبيرة لكل اللي ساندهم و وقف جنبهم خصوصا حسام الحملاوي و مالك مصطفى

Comments

كان فيه اعتقاد سائد زمان إن الإنسان المصري صبور وممكن يتحمل أي حاجة. لكن العمال أثبتوا إن الصبر له حدود. طبعا هما يستحقوا الاحترام عشان عرفوا يسترجعوا جزء بسيط جدا من حقوقهم ويستحقوا احترام أكبر على قوة تحملهم لقسوة الفقر والتهميش واحتقار المجتمع لهم. جتكم نيلة يا مدعي الكفاح الوطني والجهاد في سبيل الله. أصغر عاملة في المنصورة اسبانيا أكبر في نظري من مهدي عاكف وكل زعماء المعارضة وحركة كفاية والصحفيين والمدونين.

حد عنده فكرة إسلام نبيه مسجون فين؟ أكيد الزنزانة اللي قاعد فيها (لو كان مسجون بجد) أنظف من بيتهم. مش بعيد يكون عنده تكييف وتلفزيون ودش وستالايت وإنترنت وبلاي ستيشن