You are here

بمناسبة العياط على العياط

Primary tabs

بهذه المناسبة الجليلة نحب نفكر الأخوة المواطنين أن عبد الكريم نبيل سليمان هو المصري الوحيد اللي اتحكم عليه على خلفية أحداث العنف الطائفي بتاعت السنتين اللي فاتوا

أيوه من تكلم و عبر عن رأيه (و في قول ازدرى) محبوس أما من حرق و طعن و خرب و نهب و ضرب و قتل فالمسامح كريم و كلنا أخوة في الوطن

و بالمرة برضه نفكر بعض أن قضائنا مستقل و نزيه و عادل و عبد الفتاح مراد

و تكرار الكلام بقى بايخ راجعوا كويس

و من أرشيف جردل منال و علاء نقدم لكم أقوي معارك التعليقات، حيث الوحدة الوطنية متعة

و لو لم أكن مصريا ....

Comments

بجد يا علاء موضوع العياط ده وموضوع ما يسمي بالفتنة الطائفية محتاج وقفة كبيرة من المدونين الموضوع مش موضوع خطاب ديني الموضوع جوانبه متعدده متفكر في فكيره نثير بيها الموضوع ونناقشه

طيب ايه الحل يا عم علاء هو انتا شايف اننا اللي بنحكم البلد ما كل حاجه معروفه ومعروف ان النظام متعمد عمل الاحتكاكات دي عشان يلهي الناس حتي لو حرقهم بنار الفتنه http://www.for-sense.com

مشكلة الاحتقان الطائفي الحادث حاليا (والمختفي دائما تحت سطح القبلات المتبادلة بين الشيخ والقسيس وموائد إفطار الوحدة الوطنية) هي إحدى القنابل الموقوتة بالفعل في واقع الحال في مصر... أعتقد أن خروج المسيحيين مؤخرا (بدءا من حادثة الراهب المشلوح بتاع جريدة النبأ من ييجي ست سنين) في المظاهرات فقط لأسباب طائفية ينبئ بأن الانفجار الطائفي الفوضوي المفزع سيكون أحد العلامات المميزة لمرحلة ما بعد مبارك الأب... وبالتالي الموضوع الطائفي من أهم المواضيع بالفعل للمناقشة والتعامل معه ليس من منظور طائفي أيضا في التعامل بل من منظور وطني بالأساس فأحداث محرم بك وغيرها ستبقى ناقوس خطر مهم للي ممكن يحصل لاحقا في مصر

http://egyptwatchman.blogspot.com/

عزيزي علاء

ببساطة

سنظل كما نحن ما دمنا في كل مرة نخفي اثار المرض

ولا نبحث عن المرض نفسه لنعلاجه

سنظل كما نحن ما دمنا في كل مرة نتهم من يبحث عن الحل بالعمالة

في حين اننا نسكب الزيت على النار بصمتنا المريب

تحياتي

كل سنة و انت بالصحة و السلامة

و تنال من " مرادك " ما تشتهي


http://mabadali.blogspot.com

لا يا ما أشتهي يدخلنا في تأبيدة

الحل في مشاركة المجتمع المدني في الوقت اللي بنناقش فيه الحادث الاخوه الاقباط في العياط بيقاطعوا المسلمين و انا شايف و محدش يقدر يلومهم على كده المهم ان يكون في مشاركه لمساندتهم اولاً و إرجاع حِس الوحده ( لو كان موجود اصلاً) بس يحسوا انهم إنسان مصري بعيد عن الدين و ما يفعله في العباد خصوصاً لما يكونوا مصابين بالتخلف المصري المتأصل ( المسمى بالتعصب للدين )

يجب ان يتشكل تحرك و لو من مجتمع المدونين

االسلام عليكم معاكم جدا أنى النار تحت الرماد وان المجتمع المصرى يمر بمرحله خطيرة جدا ومن مظاهر ذلك مظاهر إبراز الهوية الدينية من جلباب قصير ومصاحف وصلبان على الصدور, كل هذا يساعد جدا على الفرز الطائفى لكن نظرا لضعف الحكومة فى كل المجالات لذا لابد من تحرك مؤسسات المجتمع المدنى والتحرك الفردى لمواجهة هذه المشكلة والمشكلات الأخرى أنا حاولت جاهدا أوضح وجهة نظرى تجاه حال البلد الآن فى خمس مقالات على مدونتى تحت عنوان رؤيتى ...أتمنى مشاركتم لى بالتفكير لكى نصل لحل نخرج به من هذه الأزمة http://3abkarino.blogspot.com