You are here

فرح جمال باشا مبارك

Primary tabs

Location: 
ميدان طلعت حرب أمام مكتبة مدبولي
Organizers: 
العروسين والمعازيم

فرح شعبي لجمال باشا مبارك يا بلد

بيان رسمي من عليش أبو جالوص الغفير الخصوصي لفخامة آبا الحاج أبو جمال ومسئول التنظيم فى الفرح بتاع البيه الصغير، :

يا أهل العزبة بعد ما كنتم جرب والشق في رجل النفر منكم يساع كلبه والده، الحاج عطف واتكرم وخلاص هايدعيكم على فرح البيه جمال، ومع إن الفرح عائلى وانتم يعنى ماتستاجروش تمتو للحاج بصله، فاستحموا يابلد واجهزو، ونعرفكم أن فرح جمال بيه وارثكم - بعد عمر طويل لفخامة جلالة الحاج - على المصونة الجديدة خضرا بنت أبو حسين المسماه من النهاردة رودى بنوتة بابي هسين هيحضره ناس كبرات، ونضاف من العزب التانية ومن أهل المصونة الكبيرة الأكابر، و استحراصاً على صورة عزبتنا بين العزب الشرقية والكفور اللى ف الناحية ديه، قررت اللجنة السيادية الإعلالية العليا المتكلفة بإدارة الليلة الكبيرة رفع تقرير يحذر القوادة السياسية من بلاوي محتملة وفضايح متوقعة من أشكال زيكم وخصوصا لحظة تقديم الزفر للمعازيم ؛ وبناء عليه يا عزبة حدث من فترة يعنى وبناء على أنكم ما تفهموش فى التيكوتيك قرر فخامة الحاج نصب الفرح الحقانى فى ناحية برم الشيخ المجاورة للناحية الشرقية حدا دكانة حسين أبو سالم .

لكين الوضع اتغير وبقالكم دور وحضور يا عرر، والحكاية أصلها عشان يعنى يبقى فى معلومكم انتم وغيركم أن سيدة العزبة الأولى المصونة أم جمال الحنينة ريسة " قعدة للنسوان العمومية" وصاحبة مبادرة "العلام للناس كلاتها " التاريخية و"حركة أم جمال الدولية للنسوان بتوع السلام" التى تضم خيرة نسوة العزب الدولية، المهم المصونة مجالهاش قلب تحرم شعب العزبة من فرحتهم في ليلة مفترجه زى الليلة الكبيرة بتاع جمال بيه وطلبت من فخامة الحاج نصب فرح تاني شعبى لأهل العزبة اللي ما انعزموش في برم الشيخ، وقد رق قلب فخامته كعادته مع محدودى الدخل والمحتاجين ووافق على طلبها كما أصدر توجيهاته بتوزيع القرطاس الرسمي للعزبة على جميع الأهالي المشاركين في الفرح .

تيجو بقى متليفين كده ولابسين المزهزه والمكوى، من الساعة ستة قبل المغرب يوم الجمعة أربعة مايو وسط العزبة عند وسعاية طلعت أبو حرب قدام فرش الحاج مدبولي بتاع الجرايد وبكدة مالكوش حجة وحسك عينك إنت وهو تهوبوا ناحية فرح برم الشيخ أو الناحية الشرقية كلتها, حيث تتواجد قوات الغفر النظامية المدججة بالبنادق سعة عشر طلقات لتأمين الفرح والمعازيم الأكابر

ملحوظة ورجاء حار من الست رودى للنسوان اللى هايحضروا، بلاش الجاز واستخدموا شامبول وبلصن على شعوركم

نقي واحد من البانرات وحطه في مدونتك وربنا يتمم بخير :)

ولو حد برجوازي متأمرك بيكتب فرانكوآراب يبقى يحط البانر ده :)

Comments

اعتقد ان البنت هى سوف شتيله الراجل في الاربعين والبنيه في العشرين

والله حرام

ليس المال او السلطه اوالجاه تعوض الحب الحب نعمه فحرام تضيع على خديجة بنت العشرين ربيعا طز في السلطه نعم للحب

انت مش محتاجه ابوكي مشاء الله تناميى مرتاحه لكن بعد كده مفيش نوم فيه خوف قلق !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟

يا شباب احنا او بمعني أصح انتوا عايزين تغيروا حاجه في البلد دي يبقا لازم تغيروا الأسلوب اللي مليان شتايم وكلمات اباحيه عشان هايتاخد عليكوا الكلام ده وتعتبر من سلبياتكم انتوا كده بتخوفوا الناس منكم و بيفتكروكو شباب بايظ بيضرب بيره و سيجارتين حشيش ويجي يكتب ع البلوج بتاعه معلش بس فكروا نتكلم براحه شويه يمكن فعلا ربنا كاتب حاجه للبلد دي علي ايدين شبابها و يا ريت ماحدش يفهم اني بادافع عن حد ولا كده انما فعلا كل ما اتكلم مع حد يقولي اه مش العيال اللي بتشتم ده و اكيد انتوا مش عايزين كده وماتنسوش اننا شعب شبه متدين يتكلم اه بااباحيه في السر بس انما في العلن قدامم الناس عامل فيها __

هوا كل ما اقرء شوية كلام الاقى شتايم ليه مش تراعو ان فيه ناس كتير بتقرا الكلام دا

والله عيب عليكم بجد بجد وبعدين مالو جمال مبارك اهو بيتجوز واحنا مالنا الف مبروك ليه وبتمناله السعاده

لانه ف الاول وف الاخر بشر وكان يوم من الايام هيتجوز بس انتم خدتو جوازه بشكل سلبى

لو عايز توصلو رساله زى ما البعض وضح وصلوها بشكل لبق يعنى شكل كويس مش كدا سبحان الله علينا

مش هتقدرو تغيرو حاجه لو انتم عايزين تغيرو البلد وعندكم العزم دا هتغيروها انتم الشباب اللى المفروض تقوم عليه الحضاره المستقبل انتم مش الحكومه

اوافق كل الردود التى تطالب برفع مستوي الحوار وعدم استخدام الفاظ جارحة وخارجة عن الاداب العامة

احه هو كل ما ادخل حته الاقي دين ام الاعلان العبيط الاهبل دل متعلق

انا مش عارف ايه المسخرة وقلة الادب دى، وايه معنى المظاهرة دى، وهل علاقة جمال مبارك الزوجية تحولت الآن للمسألة التى تخرج من أجلها المظاهرات، وايه معنى الشعار الاهبل دا

بصراحة الموضوع كله زفت

خصوصاً .. أن اى حد من اللى ورا المظاهرة دى لو اتقال كلمة او اتعمل صورة واحدة له من الصور اللى فوق اعصابها هتولع


للتذكرة ... قد يتذكر البعض حينما نشر وائل عباس صورة عبد الحليم قنديل الشهيرة وكيف كان رد الفعل عليها يا ريت بلاش وسخة

ههههههههههههههههه

وحياة الغالية ؟!

ده مين اللي بيتكلم عن المسخرة وقلة الأدب ؟؟؟

يا لهوي يا أبو ريم أخلاقك باظت ليه كدة يا راجل ؟ بس متقولش راجل بس - دي جملة اعتراضية من واحد قاعد جنبي

إنت أهطل يلة ؟ حد جاب سيرة مظاهرة ؟ ولا اتدخل في علاقة جمال مبارك الزوجية ؟ بنقول فرح نباركله يا عم الزفت ونقوله إننا رافضين التوريث برضه حتى بعد ما كمل نص دينه

ما تبقوش تكتبوا تعليقات وإنتوا لسة راجعين من اليوناني جتكو البلاوي مليتوا البلد

اليوناني حرم على المصريين، أنت متعرفش؟

بص أولا لازم تعترف أن سلوك جرائد و مواقع المعارضة في تناول زواج جمال مبارك مشين فعلا. رغم أن الحكومة مش عاملة منه هيصة.

يعني ايه الهدف من أن يوميا يكون فيه خمس مقالات عن جواز بسلامته؟

في نفس الوقت رأيي أن الفكرة بتاعتكم لطيفة و بعيدة عن عك اعلام المعارضة، بدل التقتطيع في جتة الناس على الفاضي و على المليان بتتلككوا بالمناسبة عشان توصلوا رسالة بسيطة و مش شايف في الخطاب قلة أدب أو تعدي (عدا كلمة خديجة اه مصر لأ بما أن شكلها كده كأنك بتقول نيك خديجة بس متنيكش مصر).

كان يبقى أحسن لو العنوان حاجة بمعنى مبروك و يا ريت يبقى تقعد في بيتك و تهتم بأسرتك و تسيبنا في حالنا.

يعني المرة دي بيسو مش بيتلكك لأن فيه فعلا خلفية مقرفة شغالة (و ده رأي ناس كثير بحترم رأيهم جدا) لكن في نفس الوقت أنت معاك حق و الدعوة مش شبه العك.


موضوع الأخلاق، متخلنيش أغلط فيك و بطل استهبال الاسلاميين ده. روح اقرألك كتاب فلسفة كده يا بتاع بن لادن.

أبو ريم شايل شنطة جنسيات يا باشا

ده كفاية يلاعبلهم حواجبه بالأستوني على باب اليوناني

أيوة فيه خلفية مقرفة شغالة بس ملناش دعوة بيها , احنا بنبارك للواد بجد يا جدعان وبنعمل حاجة ليها معنى بدل شغل عواجيز الفرح اللي المعارضة الميري شغالة بيه

أعتقد بيسو لو قرا الدعوة وحاول يفهم ويضيع فرصة التلكيك المرة دي كان فهم إحنا بنقول إيه

خديجة آه مصر لأ دي بقى حاجة ترجع للخلفية الثقافية لكل واحد بس ممكن أوي وفي الغالب أصلاً هتتفهم بشكل بسيط من غير الإيحاء المريض اللي ممكن يوصل لبعض الناس

واضح انك شايف نفسك على الأخر وعامل نفسك صايع وعايز تعمل دوشة على الفاضي وخلاص أنا هحاول اهدى خالص واتكلم بهدوء وية علشان مش اتجر لتفاهه معاك و اغلط في حاجة وأذي سيادتك باى شكل او ابوخ على علاقات الاسرية اللى انا اعرف تفاصيل عندها ممكن مش يعجبك انها تتنشر هنا انا طبعا زى ما انت شاطر وعارف شايل شنطة فيها كل الجنسيات وعندى طراطيف اخبار من كل حاجة و عن كل حدا


---

في راى الخاص، اذا كان من فايدة لاى حاجة بتعملها انت والشباب اللطيف من مظاهرات وزعيق وكتابة على النت .. فهى الفائدة الاعلامية فقط يعنى لو كام مدونة حطوا صورة معينة في وقت محدد المصري اليوم والدستور هتقول حملة على النت لو الناس اللى عملوا المدونة وكتبوا نزلوا مظاهرة .. الجزيرة هتقول في الشريط مظاهرة في القاهرة احتجاجا على كذ كذا

لو واحد فيكم اتضرب او حصل له حاجة الخبر هيتحول لتقرير مصور

وهكذا هى دى الفايدة الوحيدة لكل اللى انتم بتعملوه ودى طبعا فايدة كبيرة جدا جدا، انا شخصيا مش بحاول اقلل من قيمتها، لكن كمان الغباء بعيد عنك بيبضنى مظاهرة زى دى ونشر صورة زى المنشورة لخديجة هيدي لكل بتوع المظاهرات صورة اعلامية سلبية فهمت يا عم الاسد


الحاجة الثانية انا مش مهموم بجمال بصراحة، بس مش ممكن مثلا في يوم من الايام كنت اعرف خديجة؟ خصوصا وزى ما انت عارف ان لى علاقات بكل الجنسيات مش ممكن مثلا اكون متضايق من الصورة اللى منشورة لخديجة بالشكل دا والتلميح السخيف دا عليها


بخصوص صاحبك اللى مش عارف هو ليه قاعد جنبك وانت بتكتب ياريت بما انك بتكتب على الكمبيوتر بايد واحدة غالبا تحط صباع ايديك الثانى في طيزه شكرا

أنت ملكش في تنظيم المظاهرات متفتيش.

المظاهرة عبارة عن حوار مع أطراف متعددة، الاعلام واحد منهم لكن مش كلهم، صحيح أن مظاهرات العواجيز صارت مرتبطة فقط بالاعلام (بدليل مثلا استخدام أوراق A4 لكتابة الشعارات و اختيار أماكن عبثية زي سلم النقابة).

لكن منذ ظهور حركتي شباب من أجل التغيير و متخلفين من أجل التغيير (المنبثق عنه ثلاثين فبراير اللي هي مش موجودة أصلا) بقى فيه محاولات دائمة للاهتمام أولا بالحوار الداخلي بين المتظاهرين (على أساس أننا كل مرة بنشد واحد ولا اثنين جداد على الأقل و أحيانا بختنا بيكون أحسن و بنشد عدد أكبر)، مع جمهور المكان الطبيعي على قد ما نقدر نوصلهم طبعا بما أن ده شيئ بيتحكم فيه الأمن أساسا. و أخيرا جمهور يا اما المكان يا أما قناواتنا الاعلامية اللي اختار يقرب و يشارك أو يناقش. (من هنا مثلا اخترعنا فكرة استخدام الصناديق كبديل عن البوستر، عشان جمهورك متقسم في الفضاء، سكان المكان فوق و ليهم سقف الصندوق، الناس اللي في المكان عشان تقضي مصلحة ليهم واجهة الصندوق، الاعلاميين غالبا واقفين على ناحية واحدة من المظاهرة و ليهم جنب من الصندوق و الجنبين الثانيين للمتظاهرين زمايلك).

من السهل تجاهل كل ده و التركيز على تأثير المظاهرة على الاعلام فقط بما ان قدرتنا على التواصل مع جمهور محدودة للغاية، لكن اللي متابع تفاصيل ظاهرة ما أسميه بالتجنيد الذاتي (اللي هو ناس زي أسد و عمرو عزت و دماغ ماك و نهى تعذيب كده يدوروا و يلاقوا لنفسهم دور من غير ما حد ما يزقهم) و طبيعة و تواتر المبادرات يرصد على طول مدى فعالية التعامل مع المظاهرة على أنها حوار متعدد الأطراف و خصوصا لما تقارن أداء الحركة أيام ما بين اسفتاء 2005 و اعتصام القضاة و اداء الحركة ما بعد اعتصام القضاة حيث رجعنا للعادة الوسخة بتاعت التعامل مع المظاهرة كحدث اعلامي بحت.

الفرح الموازي الفكرة منه مش حدث اعلامي بحت، بالعكس لا يمكن استخدام الاعلام لتوصيل رسالة ليها معنى حاليا مادام المعارضة الميري مصرة تقطع في جتة جمال و حرمه المصون. أظن الفكرة هي محاولة دائمة و دؤوبة للتجريب و التغيير في أساليب الاعتراض و التظاهر عشان نحافظ على مساحة الحوار متعدد الأطراف دي.

"اداء الحركة ما بعد اعتصام القضاة حيث رجعنا للعادة الوسخة بتاعت التعامل مع المظاهرة كحدث اعلامي بحت"

وشهد شاهد من أهلها، بقية كلامك بقي على عينى وعلى رأسي بس دا هو التأثير الأكبر،موضوع بقي التجنيد فدا لمؤخذة شغل نصب، لان مفيش حاجة اساسا علشان تجند الناس فيها الا اذا كانوا ناويين بعد المظاهرة يعملوا حركة اسمها خديجة اه مصر لا هدفها الوصول ومشاركة جمال مبارك في فراشة

معلش أنا عشان كده اتكلمت عن التجنيد الذاتي.

خليني أشرحلك قصدي. النهاردة لما بدور على ناس تشيل مهام و تساعد في حملة أو أي حاجة مشابهة بلاقي الاختيارات محدودة و متغيرتش بقالها سنة كاملة.

أقارن ده بفترة ما بين مايو2005 لمايو 2006 كان كل أسبوعين بلاقي حد جديد أشتغل معاه.

ممكن يكون فيه تفسيرات عديدة لده، في رأيي التفسير هو أن تعاقب المظاهرات و تواترها السريع من غير ما الناس تزهق بسبب المجهود الحقيقي اللي اتبذل في خلق حالة مختلفة (مع الاعتراف بصغر حجمها و محدودية تأثيرها) أداني فرصة أقابل ناس مختلفة و أدى لناس مختلفة فرص متعددة للمشاركة.

مقصدش هنا التجنيد بالمعنى التقليدي. زملاء حبستي كانوا مليانين أمثلة لناس مقدرش أفسر أحنا أصلا وصلنالهم ازاي، خارج نطاق الدائرة التقليدية تماما و محدش زن عليهم و لا وراهم السكة. نفس الخبرة في عملية مراقبة الانتخابات،.

مقدرش أقول الاعتصام ده بالذات أو المظاهرة دي أو أي عنصر آخر كان هو السبب في اجتذاب فلان، العملية هي أنك بتفتح حوار و تحاول تسيبه مفتوح و تجرب كل مرة طريقة جديدة و مكان جديد و ناس جديدة و و تستنى

هل الفرح الموازي نموذج مثالي لده؟ لأ طبعا لكنه جزء من ده.

ربما أكون حساس زيادة

بس البانر ذكوري ومعاد للمرأة ويفتقر للذوق واسوا تعبير عن حركة المبادرات الحرة اللي نشأت في السنين الماضية من السيدة زينب وحتى عيد الشرطة-

في كل مرة فيه فكرة- المرة دي مافيش

انا علقت على الدعوة على موقع اسد ولكن قلت امسي علي الحوار الداير هنا

وائل

There is nothing wrong in the slogan. Gamal chose to act as a president and represent Egyptians. Remember his tours his statements, and his visits to the white house, etc. In the West, people do much worse than that with public figures. In addition, the private life of young Mubarak has become a public concern and Khadijah chose to play this game with him. This is the tax for being the first lady in Egypt. She cannot be the first lady for free.

ايه القرف ده؟ "خديجة اه مصر لأه"؟

eh ya gd3an da? 7araket "Khadiga Aah"??? Tab 7es keda ba2a ana ba3len intelaq 7araket: "modmeneen men agl el taghyeer"... ah! eshme3na ya3ni! wehansameeha "Kefaya Khana2teny" Wemayenfa3sh 7ad yandam gher ino ykoon dareeb - 7eqd we tabaqeya ba2a!

begad? Fara7 el hadaf menno e3terad? mashy.... ageeb 7agty walla hala2y fil fara7?

(baharrag - mesh lazem 7ad ye2fsh... lighten up)

tab hatgeebo ra2asa??

I like the concept, but I agree with Wael, the banner is kinda offensive, not just to women as he said, but to the persons involved... especially that Khadiga's parents makanoosh mwaf2een ba2alhom kaza sana, maho Jimmy met2addem men zaman, bas homma rafadoo kaza marra, fag2a we read the engagement announcements in the papers - teftekro Jimmy hadded aw 7aga? gayez, mesh mohem, plus - I also agree with 3alaa, I think the slogan does in fact sound like saying "Screw Khadiga, Yes - Screw Egypt, No!" - which is offensive bsara7a... mesh tab kano yastaghello el forsa di weyesrefo lelsha3b floos walla yedoo lel nas agaza, walla yastageebo lemataleb el 3ommal, walla ye3melo ay 7aga 3edla lelnas fil monasba el sa3eeda di?

yalla 3o2balkom gamee3an

البلد فيها تجاوزات كتير الاولى علينا اننا نشوف التجاوزات دى و نحاول نصلحها و نقول راينا فيها و مانسيبش البلد للحكومه من غير معارضه تشوف الاخطاء لازم كلنا كل المواطنين والشعب يعنى يعرف كل اللى بيحصل فى البلد و يقول رايه من اول الرئيس لحد اصغر موظف . بس من غير تجريح فى الناس بغض النظر مناصبهم و لا مسئوليتهم اتكلم عن التجاوزات و المخالفات لكن الحاجات الشخصية لأ. احذروا حصائد ألسنتكم

من الشعب و الله

واضح كلكم انكم ولاد باشوات و انتوا ناس مثقفين يعني بتحاولو تكتبوا كلام شعبي و عبارات كلها استهزاء ب 95 في المائة من الشعب المنكود بصراحة انتم زي الحكومة و رجالتها كلكم مش حاسين بالغلب هم عرونا و جوعونا و خلونا ميتين نأكل من زبالتهم و انتم بتضحكوا علينا و عاملين نفسكوا مناضلين و كل واحد فيكم او واحدة ماسك موبايل تمنه الف جنية يعني مرتب 5اشهر نفسي مرة تفهموا ليه لما بنشفوكم في مظاهرة بنسيبكم لانكم في وادي و احنا في وادي انتم ابائكم اساتذة جامعة و صحفيين و احنا اباهتنا غلابة فكروا

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغـك مخـدر ممشـّي امورك كدة باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلبـّك هتطلع هتنزل هاجيبلك جمال

This's Hilarious , who is the writer

الله الله يا بلد ...... يا بلدنا الجميلة الحبالة الولادة الي جابت بيرم و نجيب سرور و نجم دي الوقت بتجيب الشاعر الجميل ده اكتب اشعار يا استاذ عشان يقولوها العمال في المحلة و حلوان و يطلعو عين الفرعون ده الي مطلع عين 75 مليون ملهومش ذنب غير ان الرصاص الي خبط في السادات ما خبطشي فيه

والله خلينا كدا نتحسر على نفسنا لحد مانطق ونموت والله الواحد مش عارف هيا النهايه هتبقى فين ولا نروح نشوف بلد تانيه