You are here

فعاليات المؤامرة الدولية - 3

Primary tabs

جلسة أمريكا اللاتينية مملة شوية، رغم أن المتحدثين ناس شغالة في حركات مهمة و ليها شغل حقيقي و أكيد عندهم خبرات مهمة، و مع ذلك أغلب كلامهم ممكن ألاقيه على النت أو مليان شعارات و خلاص.

طبعا ممكن يكون انطباعي ده متأثر بالترجمة الفورية، الأداء لما كان الكلام بالطلياني كان أحسن بكثير. على العموم أغلب الحضور مبسوط.

عموما أهم نقطة انطرحت هي علاقة الحركة بالمؤسسة الديمقراطية النيابية و تقييم أداء حكومات اليسار الجديد المختلفة.

دي من المناقشات الأزلية طبعا اللي الواحد بيفوت فيها في أي تجمع يساريين، حكومة لولا حكومة تقدمية ولا حكومة ليبرالية جديدة متخفية، حكومة شافيز سلطوية ولا ديمقراطية الخ.

من منظوري المشكلة أصلا في كيفية التقييم، و الدايلما الأزلية بتاعت اصلاح ولا ثورة.

هاه لو حد مهتم برأيي الشخصي، أنا شايف أن تقييم ثوري ولا لأ مش مفروض يكون على النتائج ولا حتى على الأهداف، المفروض يكون على أساليب العمل، و عموما بحصر تقييمي للمقارنة بالوضع قبل التجربة مش بالأهداف، هل الوضع بعد حكومة لولا أفضل ولا أسوأ ولا مش فارقة كثير؟ طبعا سهل على أقول كده، متفهم تماما أن اللي اشتغلوا سنين عشان الناس دي توصل للحكم ميكتفوش بالاجابة دي.

بيقولوا أن الليبرالي هو محافظ دخل السجن، و بيقولك أن المعتدل هو راديكالي وصل للحكم.

واحدة من المواضيع المتكررة برضه هي الاحتياج لآليات اعلامية ضخمة، افتكرت نصيحة ريتشارد ستالمان لشافيز أنه يقلد الجزيرة.

بدأت أشكل في دماغي هقول ايه بكره.

حجم اليسار في أمريكا اللاتينية مرعب.

Comments

ازاي التقييم بناء على أساليب العمل؟ مهو معنى كدة ان تغيير اسلوب العمل بقة هوة الهدف والنتيجة

تقييم ثوري ولا لأ هو اللي المفروض يكون بناء على أساليب العمل، مش تقييم ناجح ولا لأ و سلبي ولا ايجابي و حلو ولا وحش.

مفهوم قصدي؟