You are here

4 سنين

Primary tabs

عبد الكريم خد 4 سنين حبس

3 سنين على تهمة ازدراء الأديان و سنة على تهمة اهانة السيد الرئيس

بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه، قالهم هو شرط؟

الناس اللي كانت بتشجع محاكمة و حبس عبد الكريم، يا ريت تركزوا شوية على حتة سنة حبس على تهمة اهانة الرئيس دي، يا ريت تاخدوا بالكم كويس من معناها. و تفكروا كويس دي لما تعدي بالساهل كده ممكن تستخدم ثاني ضد مين و ضد كام حد في مصر.

فكروا كويس في عاقبة حبس الكافر الزنديق الكخة بتهمة اهانة الرئيس.

Comments

علي كده هيقبوضوا علي البلد كلها و بعدين أنا مش فاهم إيه حكاية إزدراء الأديان ديه هو كريم يعني كان هيخلص علي الدين ولا إيه؟

ديه وصمة عار علي النظام القضاءي في مصر

hi guys , i reply to your question about the insulting issue , i am just trying to call your atention to distinguish between critisism and insulting , u can say whatever u like in a polite way without insulting , u can critisize islam or christianity or any thing , say your point of view but be scientific and neutral , i read one of karim s articles and at the end of one he literaly said ( to any who respects him self and rejects islam ) this is a low level of critisism and liberalism u know , u r insulting many people s decision to follow a certain ideology u r saying as long as u r muslims u r not respecting your self , so he was deciding and putting his own stanadards of human respect . i dont agree that he should be impresioned for that but u guys need to watch out your enthuziasm in order to be real liberal and critical.

مبروووووك دول استخدموا معاه الرأفه

المهم عقبالكم كلكم بقى

كريم أخد أغلظ عقوبة فيما يخص تهمة ازدراء الأديان يبقى ازاي استخدموا معاه الرأفة؟

كريم كان بيقول إن مبارك دكتاتور والقاضي اعتبرها إهانة لا تغتفر

طيب لنفرض إن مبارك ديمقراطي... مش غريبة شوية إن مصر ما يحكمهاش غير رئيس ديمقراطي واحد بس على مدى 25 سنة؟؟؟؟

مؤلم حقا ...

ربما كان أجدر بعبد الكريم أن يعبّر عمّا يريده بطريقة أكثر لياقة مع مزيد من التأدب بحق الله و شريعته و بحق الناس من أهل بلده ... لا سيما و أن عبد الكريم حسب اطلاعي على كتاباته فإنه متمكن من حيث اللغة على خلاف من يكتب بهذه المدونة ، بمعنى أنه يمتلك باعا أدبيا طيبا يمكنه من التعبير عما يراه خطأ بأكثر من طريقة و بأكثر من أسلوب .. فما ضرّه لو ألمح إلى ما يريد إلماحا مؤدبا بعيدا عن التجريح و الإسفاف؟

متى كانت شتيمة الناس أو الأديان أمرا مستساغا ، متى ؟

ليس فقط شتم الأديان ، بل شتم القوميات أو الأعراق أو الأجناس كانت لهم سلطة أو لم تكن لا ينبغي أن يُسمح بها ... ثم إن عالم التدوين اليوم هو جزء من تاريخنا الذي يدوّن ، فحقيق بنا أن نترك بصمات أكثر جمالا لمن سيأتي بعدنا عنا ...

يؤسفني الخبرحقا ، لكني مع محاسبة و مقاضاة من يسئ إلى الناس .. و أنا لا أعتبر أبدا أن هذه العقوبة هي عقوبة للرأي و حرية التعبير كما ترغب أن تصورها ... و إلا لاعتقل الكثيرون و تحولوا هم أيضا إلى القضاء مثله كما تعلم ...

و سيكون لطفا منك لو مررت له بعض الكتب الشائقة يستأنس بها ..

كان أجدي فعلا، بدليل قلة المتعاطفين و بدليل الحكم نفسه.

لكن ثاني هرجع و أقول مش كل الأخطاء المفروض تعاقب بالحبس.

شتيمة الناس و الأديان أمر غير مستساغ، عقابهم بالحبس أمر غير مقبول بالنسبة لي و اللي بحاول أقنعكم بيه أن له عواقب و أثار جانبية وخيمة على الجميع و ليس فقط الكفاااااار.

لكن ايه لا أعتبر أنها عقوبة للرأي دي؟

ألم يعاقب على رأي عبر عنه بشكل سلمي في مدونته بالحبس؟ رأيه كخة و مستفز و عين الكفر و اللي أنت عاوزه لكن في النهاية كل اللي عمله أنه كتب رأيه، اتحبس 4 سنين لكتابة مجموعة مقالات.

دي حقيقة لا يمكن انكارها، عاوز تقول أن فيه شريحة من الأراء أو الأساليب تستاهل الحبس اتفضل، لكن متدعيش أن لم يحبس بسبب تعبيره عن ٍرأيه.

كريم بالتأكيد اتحبس عشان رأيه، و حتى لو قلنا أن فيه شريحة من الآراء تستاهل الحبس، و ده رأي ليه بعض المعقولية، فالحالة لا تنطبق فعلاً على كريم. الرأي قد يكون ليه بعض المعقولية لو شخص استهدف فئة، عادةاً أقلية، بهجوم قد يقال أن فيه نوع من التحرييض على الإساءة الجسدية لفئة معينة. يعني في أمريكا فيه قوانين ممكن من خلالها حبس شخص يحرض لكراهيه السود بس عادةاً في تساهل شديد جداً في تطبيق القانون ده، و الدولة لا تدخل إلا بعد استنذاف كل طرق الضغط . المدني أن الشخص يعتذر أو على الأقل يكف عن التحريض للقتل أو الإسائة. كريم طبعاً لم يكن في كلامه أي نوع من التحريض على فعل مسيء للمسلمين، و عشان كده الكلام ما ينطبقش. غير أن المسلمين في مصر مش أقلية مستضعفة و مضطهضة عشان يطلبوا حماية قانونية من نوع خاص. أما الكلام الهتش بتاع تكدير الأمن العام و إلحاق الضرر بالمصلحة العامة مش عارف بيضحكوا بيه على مين؟ إزاي يا جدعان إلى هوه كتبه ده بيلحق الضرر بالمصلحة العامة؟ يعني إيه أصلا مصلحة عامة و إزاي ممكن إاحاق الضرر بها؟

في الاول بتشتمونا وتصفونا بالجهل والغباء وانتم المثقفين المتعالين ولما اتمسك منكم واحد والباقي حس انة في خطر جاي بتقول خد بالك من سنة سجن لاهانة الرئيس وانا بقولك خد بالك 3 سنين سجن لازدراء الاديان ودي عندي اهم من اهانة الرئيس وانا فرحان لانه اتسجن عارف لية ؟

لاني متاكد انة لما حيطلع حيبقى متربي وتاني مرة مش حيعمل كدة تاني , ممكن مع واحد تاني لا بس مع الواد دة اه , لانة معندهوش مبدا زي ما هو بيدعي , هو في ازهر بس مش عايز يمشي لانة مش لاقي كلية تانية , دة يدل ان كل الحركات دي لعب عيال.

لو فعلا المفروض نزعل لان واحد اخد سنة لاهانة رئيس الجمهورية في مدونتة يبقى اكيد انتم السبب لانة كان لايمكن انة ياخد سنة لاهانة الرئيس من غير ال3 سنين ازدراء

انا بعتبر ان الي زيكم عقبة في الديمقراطية مش داعي للديمقراطية

بتشتمونا اللي هما مين بالظبط؟ أنا وصفت ناس كثير بالغباء الاختياري قبل كده بس مش فاكر أني عممتها على نا ما من البشر فيا ريت توضح انت بترد على ايه

واخد بالي من 3 سنين (مهياش لازدراء الأديان على فكرة القاضي طلع أنه غير التهمة لازدراء طائفة المسلمين باين). مفاتتنيش، و مزعلاني و معترض عليها، بس مفترض أن كل اللي ممكن يعترض عليها عرف و معنديش حاجة جديدة أضيفهاله فبوضح للناس اللي مش معترضين عليها باقي جوانب الموضوع.

هنشوف يا سيدي لما يطلع هيعمل كده ثاني ولا لأ، المؤكد أنه فيه ألاف غيره بيعملوا كده و هيفضلوا يعملوا كده و مش شايف أن الحكم ده هيأثر فيهم، و اللي كتبه عبد الكريم لسه منشور بالعكس انتشر أكثر و ماس أكثر عرفت بيه بعد محاكمته و حبسه، يعني أنا شايفك مبسوط على الفاضي.

لو سيادتك مش واخد بالك أحنا في بلد شهادات اختيار أني ميكونش لي شهادة عليا خالص بمزاجي مش أمر سهل، و هو أبوه دخله تعليم أزهري من الأول يعني ملوش يدرس خارج التعليم الأزهري أصلا، و كمان لو ركزت في كلام عبد الكريم هتلاقيه ايمانه و عقيدته اتغيروا مؤخرا يعني كان بيمر بتغيير و وهو بيمر بيه اترفد، متقدرش تقول أنه ملوش مبدأ لأنه في الأزهر و هو ملحد اذا كان ألحد و هو في الأزهر و اذا مان بشكل عملي ملوش اختيارات غير معهد أزهري.

لكن كل ده مش مهم، سلوك عبد الكريم في النيابة و المحكمة بيثبت عكس اللي أنت بتقوله، الراجل انضغط عليه أنه يستتيب و هو يفلت و هو رفض ده و أصر على رأيه و عقيدته، و اعترف بنفسه بأن دي كتاباته و أرائه و راح للنيابة بنفسه محدش جره من قفاه و فضل على الموقف ده حتى بعد محامينه ما وضحوا له أن موقفه ضعيف و الأمل في الافراج عنه شبه منعدم.

اللي أنا شايفه أن ده راجل شجاع مقتنع برأيه و متمسك بيه رغم القمع، بغض النظر بقى عن رأيي في رأيه ده.

و ازاي أنتم السبب؟ مين أنتم دول؟

ماشي هو فعلا كان لا يمكن ياخد سنة اهانة رئيس جمهوركية من غير حتة الأديان، لكن نفس القاضي ده ممكن يحكم في قضية تخصك، مش مقلق بالنسبة لك أن القاضي ده مستعد أنه يحكم في تهمة واهية بأدلة واهية لمجرد أن مش عاجبه المتهم (ده تفسيري للي حصل بناء على المقالات اللي قدمت كأدلة على فعل اهانة رئيس الجمهورية).

اللي قالك أني داعية للديمقراطية ضحك عليك.

أنا قرفان جداً وأفكاري مش مترتبة

هو بصرف النظر عن الموقف من كريم حكاية إهانة رئيس الجمهورية دي مقرفة فعلاً

بس لسة بدري شوية على فكرة إن حد فينا يتسجن لإهانة رئيس الجمهورية لوحدها , كريم - مش عايز أشتمه - إداهم الفرصة يحطوا إهانة الإسلام وإهانة رئيس الجمهورية في سطر واحد ويلخبطوا الورق بشكل غبي

بس مش لازم نسلم بكدة يعني أنا شايف إننا ما نركزش أوي على حكاية إهانة رئبس الجمهورية ونقدمها على إنها سبب سجن كريم ؛ لأن ده مش حقيقي وإحنا عارفين كويس كريم اتسجن ليه , رئيس الجمهورية كلنا ماسحين بكرامته الأرض في مدوناتنا ومحدش مننا اتحاكم

الترويج لموضوع كريم بوصفه اضطهاد لمعارض مش مفيد وهيحول الحكم ده لسابقة فعلاً

السابقة دي أنا شايف إنها لسة ما حصلتش يعني كريم اتحاكم عشان شتم الإسلام وده اللي الإعلام قاله والناس عارفاه

لما نقول إن كريم اتحاكم بسبب إهانة رئيس الجمهورية والمعارضة من خلال مدونته فهذا يعني :

تحقيق السابقة دي فعلاً ؛ولو حد تاني اتسجن لأسباب سياسية هيبقى مجرد مدون آخر في سلسلة المدونين اللي اتسجنوا لأنهم ضد النظام

يعني اللي بيحدد بالنسبة للنظام هل يتخذ الخطوة التصعيدية (س) ولا لأ هو رد الفعل والخسائر الإعلامية والسياسية وموقف الإدارة الأمريكية المتوقع

لو روجنا لقضية كريم بشكل سياسي يبقى النظام خلاص معندوش حاجة يخسرها و هيدور على باقي المدونين يعني من فضلكم حافظوا على غشاء البكارة بتاع إهانة رئيس الجمهورية

هنحتاج اللي بيتعمل دلوقتي لما حد فينا يتسجن بجد عشان إهانة رئيس الجمهورية اللي عايز يدافع عن كريم يدافع عنه لأسباب إنسانية او متعلقة بحرية التعبير و حرية شتيمة الإسلام

بس سيبوا إهانة رئيس الجمهورية للناس اللي تستحق الشرف ده فعلا وممكن الشعب يتعاطف مع قضيتهم

أسف لم أقصد الترويج للموضوع على أنه حبس بسبب اهانة الرئيس أو على أنها اعتقال معارض

ده طبعا لا يمت للحقيقة بصلة

اللي حصل أن القاضي بعد ماأداله أغلظ عقوبة ممكنة على تهمة ازدراء الأديان محسش بالراحة النفسية و قالك تعالى نبهدله أكثر شوية فزود سنة على التهمة الثانية.

اللي أقصده أن من الخطير أن حاجة زي دي تعدي، و ركزت عليها أولا عشان قلت أكثر من مرة قبل كده أني مش شايف أن فيه فصل ما بين قضايا حرية التعبير و بعض و بحاول أستخدم استسهال القاضي الحبس بتهمة اهانة الرئيس لتوضيح ده للناس اللي اعتبرت أن محاكمة الكافر على اهانته للأديان أمر صحي. و كمان عشان دي اللي ممكن تمس أغلبنا في حين أن موضوع ازدراء الأديان على خطورته مش ممكن يأثر في عدد كبير فينا.

لكن طبعا مش هو ده سبب المحاكمة ولا سبب الادانة ولا التهمة الرئيسية و لا الغرض منه تصوير كريم كمعارض مهم أو أي حاجة من دي.

لكن كمان متقوليش سيبوا اهانة الرئيس، سيادة القاضي حكم عليه باهانة الرئيس مينفعش أتجاهل دي. و ربع مدته بسبب اهانة الرئيس مينفعش أتجاهل دي، و الأدهى أن شغل النيابة في حتة اهانة الرئيس دي كان أضعف ما يمكن و بالتالي موضوع الحكم باهانة الرئيس ده دليل قاطع على أن القاضي حبسه بسبب مشاعره الدينية و مش بسبب القانون و العدالة و بالتالي مينفعش أتجاهلها.

علاء كتب :

"اللي حصل أن القاضي بعد ماأداله أغلظ عقوبة ممكنة على تهمة ازدراء الأديان محسش بالراحة النفسية و قالك تعالى نبهدله أكثر شوية فزود سنة على التهمة الثانية. "

يا أستاذ / علاء

فى مدوّنه أخرى سألتنى هل اصطفاك الله لتعلم أن نيّة كريم كانت البحث عن الشهره !!

و أنا بدورى أسألك :) يا ترى هل اصطفاك الله فأعلمك أن القاضى لم يرتح نفسيا ...إلى آخر ما كتبته؟

أمال يا بني هو أنا قليل بس الحمد لله يعني ربنا كشف عني حجاب القضاة فقط، مقدرش أشوف قلب غيرهم :-)

يعني أنا حسيت أنك بتتكلم بيقين مطلق، لكن ممكن طبعا أكون فهمتك غلط و يكون قصد كلامك أنه مجرد تخمين للدوافع مبني على الأدلة المطروحة أمامك. اللي مخليني شاكك أن القاضي فكر بالشكل اللي أنا وصفته ده هو ضعف تهمة اهانة الرئيس فالكلام اللي عن الرئيس اللي ورد في التحقيقات صعب قوي يتولف على أنه اهانة.

معنديش يقين مطلق أن القاضي فكر كده، هندي يقين مطلق أن ادانة البقين بتوع كريم على أنهم اهانة لرئيس الجمهورية متجيش غير من قاضي منحط نسي ضميره أو قاضي غبي غير قادر على فهم القانون و أخترت الأولى بما اني بمحبش أفترض في الناس الغباء.

بس تفتكر لو كان كلامك عن بحث عبد الكريم عن الشهرة صحيح كان هيفضل يدافع عن رأيه بتماسك و شجاعة حتى بعد ما بقى باين أنه هيتحبس و يتحكم عليه؟ الراجل راح النيابة برجليه و رفض يتراجع عن أفكاره رغم الضغوط و التلميح بامكانية الافراج عنه لو استتاب و رفض ينكر كتاباته و أصر يجادل وكيل النيابة لما سخر منه و هكذا، بغض النظر عن موقفك من أرائه أنا شايف أن دي شجاعة متجيش غير عن اقتناع حقيقي.

تخمينى أن كريم باحث عن الشهره مدعاه أن كثير من الملحدين عايشين بيننا فى سلام و وئام ولا بيخرجوا علينا كل يوم بزفّه للإعلان عن إلحادهم ؛ و إذا كان كريم كتب فى أحد مدوّناته منتقدا شهر "النفاق" اللىّ هو شهر "رمضان" بصفته شهر يتفاخر فيه العباد بعباداتهم ماطبّقش على نفسه هذا الكلام ليه حين أحب أن يتحدّث عن قناعاته الدينيه !! يعنى إذا كان الدين أمر شديد الخصوصيه و علاقه بين العبد و ربّه -الأمر الذى أتفق معه جدّا بالمناسبه- لماذا لا يكون انعدام الدين أمر خصوصى هو الآخر و علاقه بين العبد و نفسه !! اللهم إلا إذا كان العبد حابب يشتهر ..

طبعا أنا سمحت لنفسى بكل الافتراضات السابقه بناء على أنّك فعلت المثل فيما يتعلّق بدوافع القاضى It's a free country ولاّ عندك شك؟ :)

مش فاهم العلاقة ما بين اعلانه الحاده و بحثه عن الشهرة

هل لما حد في بلد المسلمين فيه أقلية بيشهر اسلامه و يتكلم عنه هيبقى تفسيرك التلقائي للفعل ده على أنه بحث عن الشهرة؟ ليه ميبقاش تفسيرك لده أنه دعوة لفكره؟ أو أنه رغبة في التعبير عن هويته؟

ليه المسيحي و المسلم بيجاهر بعيقدته؟ ليه متعتبرش أن الملحد الذي يجاهر بعقيدته بيعمل ده لنفس الأسباب؟

هو مكتبش أنه شهر النفاق بسبب تفاخر المسلمين بعباداتهم، هو قال عليه شهر النفاق بسبب ما اعتبره تظاهر المسلمين بورع و ايمان غير موجود حقيقة في قلوبهم،

غريبه جدا :)

طيب و مش هو ده اللى حضرتك سمّيته "اصطفاء"من الله لعبد من عباده كى يعلمه بما فى نفوس غيره من العباد !! عرف منين "عبد الكريم" اللى بيصوم ده بيصوم نفاقا أم تعبّدا !! و مالقاش ليه حد يسأله "أصطفاك الله دونا عن عباده" وقتها زى ما حضرتك عملت مثلا !! آه صحيح تقريبا سؤال زى ده ماكانش ينفع يوجّه ل "عبد الكريم" لأنّه لا يؤمن أصلا بوجود إله !! وبالتالى هو من حقه يدعبس فى نوايا غيره من غير ما حد يسأله لكن أمّا حد يتكلّم عن نواياه هو يبقى نسأله جاب الكلام ده منين !!

العلاقه التى تتساءل عنها و تقول بعدم فهمها علاقه بسيطه جدا .. بتقول إن أمّا شخص يرى فى العبادات المظهريه نفاقا ينبغى عليه هو الآخر أن يحتفظ بقناعاته "الدينيه بردو" لنفسه وإلاّ من حقّنا نصفه أنّه مدّعى هو الآخر لا يطبّق على نفسه ما يضيق من الآخرين بسببه .. مش الدين علاقه خاصه بين العبد و ربّه !! قلّة الدين لماذا لا تحظى بنفس المعامله؟

ايه علاقة ده بأي حاجة، أنا بقولك كريم كتب شهر النفاق عشان كذا اقرأ المقال بتاعه اللي أسمه شهر النفاق و هلاقي ده كلامه، مقولتش أن ده عاجبني ولا أن كريم معاه حق في فهمه لما في نفوس العباد.

أنا مش فاهم منك حاجة، دلوقتي كريم غبي ابن كلب اعتبر نفسه فاهم اللي في نفوس الناس و دي حاجة أنا بحتقرها، كل ده لا يبرر حبسه، هو أنا لما استغربت يقينك بنوايا عبد الكريم قلت أنك المفروض تخرس أو المفروض تتحبس؟ بالعكس رديت عليك و رديت علي و كل واحد فينا وضح كلامه للثاني (اللي هو التصرف الصحيح الكلمة يرد عليها بالكلمة و الرأي بالرأي و الحجة بالحجة مش بالحبس).

مش فاهم برضه هو بيدعي أن العبادات المظهرية فقط نفاقا، مش العبادات الظاهرة

فاهم الفرق ولا لأ؟ هو معتبر أن عموم الناس بتنافس لاظهار تقوى و ورع مش موجود في نفوسهم، و بغض النظر عن عاجبك الكلام ده ولا لأ، متنكرش أن ده كلام بيقولوه ناس كثير بما فيهم شيوخ و رجال دين (بيقولوه من منطلق ثاني طبعا و هو تحذير العباد) بالتالي مهياش ملاحظة هو الوحيد اللي بيعملها. و مفيش أي علاقة ما بين ملاحظة سطحية التدين و المجاهرة باللاحاد، مظنش أن عبد الكريم اعترض على المجاهرة بالاسلام.

لكن لو أنت الغرض من العك ده كله اثبات ازدواجية عبد الكريم، فيه حاجة أسهل من كده بكثير، عبد الكريم لما عملنا حملة للتضامن مع أبو اسلام أحمد عبد الله اللي كان متهم مشابهة لعبد الكريم تماما لكن كان شيخ سلفي معادي للمسيحيين عبد الكريم شتمه و تشفى فيه و تمنى حبسه و دي ازدواجية خطيرة بالنسبة لحد بيدعي أنه بيدور على الحرية و المساواة و شخص المفروض أنه عاش محنة مشابهة.

هاه أثبتنا أن عبد الكريم بوشين و مزدوج المعايير و بتاع عيال و بيبيع سجائر فرط، ده بقى مفيد في ايه؟ حد قالك انه حلو و ينفع يناسبكم؟ بنقول حبسه ظلم، حبسه ظلم لا علاقة له بمقدار اعجابنا بشخصه.

معرفش موضوع الدين علاقة شخصية بين العبد و ربه ده جاي منين لو هو جزء من أفكار عبد الكريم روح ناقشه هو (مستحيل طبعا بما أنه اتحبس) لكنه مش جزء من أفكاري، أنا مش هملي على الناس الدين بالنسبة ليهم ايه، اللي عاوز يعتبر الدين علاقة شخصية يتفضل و اللي عاوز يعتبره علاقة عامة برضه يتفضل.

اتفضل يا عم علاء وادى واحد جاى يقولك ان كريم هو اللى ادهم الفرصة يحطوا تهمة اهانة الرئيس مع ازدراء الأديان و شايف ان الواد مش يستحق -قال ايه- شرف تهمة اهانة الرئيس

ودا مين واحد معارض وبتاع كفاية ومظاهرات وهتاف وحرية وشخاخ يعنى لو الواد اللى فوق دا بتاع المظاهرات وصل للحكم هو كمان هيعمل نفس الفعل مع عبد الكريم بتهمة الرئيس اللى ساعتها هيكون واحد من الخولات المعارضين بتوع الفضائيات اللى ليهم شرف اهانة الرئيس

المشكلة مش في النظام ... المشكلة فينا

ياللا أهو مبارك لبس الإسلام في رجليه ,و قالك أدخله السجن لإهانة الإسلام , و إهانة مبارك على جنب صغنطط كده عشان كله يخاف يفتح بقه , إيه هتتكلم عن إهانة الإسلام

؟ و بعد شوية هيطلع علينا كلابه اللي لابسين عمم يقولولك أطيعوا و لو ولي عليكم عبد حبشي , و اللي يشتم مبارك يبقى شتم الإسلام و يدخل السجن , و بعدين هو كان الإسلام اتخربش حتى لما عبد الكريم أو حتى رسام الدانمارك شتموه ؟ الإسلام ما هوش بني آدم عشان يتعور من رصاصة فما بالكم بكلمة عمرها ما تضر إنسان من لحم ودم ؟ بطلوا غباء يا مسلمين

لو كنت حسني بجد فاظن ان حبس عبد الكريم ده خدمني اوي بالتاكيد انا نفسي اقبض على كل المدونيين و امرمط بكرامتهم الارض بس اكيد لو عملت كدة هتقوم مظاهرات و الاخوان هيقووا اكتر و امريكا هتضغط عليا اكتر لكن دلوقتي بعد حبس عبد الكريم مفيش مظاهرات و الاخوان مبسوطين لما هقبض على واحد تاني و اديلة سنة سجن بتهمه اهانة الرئيس محدش هيقدر يفتح بقه "لان الحكم ده اتحكم قبل كدة بدون اعتراض من حد" صدقوني يا جماعة اصعب مدون يتقبض عليه هو دايما اول مدون بعد كدة الباقي سهل

و بعدين هو عبد الكريم ده ملهوش استئناف؟


قبل ما تشتم

انا مش حسني بجد انا حسنى كده و كده

له استئناف و المحامين ناوية تستأنف طبعا

Dear blogers like karim , 3alaa and all young people trying to make a change , i do respect u and your intentions but , in regard to the religion thing i have one point i need u to get it , u r all free as non religious , even to be against a certain religion but u r not free in desrespect others beleieves what ever they r as u dont like to be desrespected , so this your only negative point in my point of view , which is very crucial cause it precisly distinct between a real liberal and a fanatic anti religious person , to get the balance is quite hard and needs a high level of tolerance , i can understand your rejection to your society values but in order to be credible u have to be balanced . thank u .

i do agree with u , insulting the president is a crime where u can get in to jail for one year , the value is not in the number but it is in the idea of making the president as sagred as one third of religion hahah, ok thats a progress , cause we got use of that the president is more sagred than religion or even than god , so be optimistic within 50 years the president will loose this third of value .

again be responsible u dont have to insult somebody to show his defects just mention it in a very polite diplomatic way , here in spain where i do live the parlement member continously r in oposition status using polite diplomatic strong efective words in order to embarase or insult the other , it is an art that we need to learn.

The problem is that kareem is now in prison because he expressed his personal opinion on his own blog ,it doesnt matter in which way he expressed it (with or without respect) .

I'm not a liberal, I'll thank you never to describe me as one.

the irony is karim never used harsh language against the president.

وليه يا علاء نركز على تهمة شتمة حسني مبارك بس، يعني الثلاث سنين الأخرى حلال؟ بالعكس، كل من دعى الى سجن عبد الكريم لم يدع الى ذلك بسبب الدين، بل ليمنح نفسه سلطه على خلق الله الأخرين، وفين اللي دعو لحبسه وقالوا ايه على اللي بيحصل في الأقصى دلوقتي، ولا كلمه، ده يدل على انهم ابعد ما يكونوا عن الاسلام، بيتشطروا على واحد تاني لمجرد انه عبر عن رايه، وميقدروش ولا بيعوزوا يقولو كلمة على هدم قبلة الاسلام الاولى.. هو ده زمن ضعف الاسلام بعينه. القاضي اللي حكم الحكم ده المفروض يتحاكم، يعني ايه اهانة الرئيس، والرئيس ملهوش لسان يرد؟، ولا هي مجامله وخلاص، لو القاضي دخل على موقع اي جريده امريكيه او اي بلوج امريكي وعمل بحث صغير على كلمة "بوش"، لو طلعطله كلمة مدح واحده يجي ويتف في وشي.

لا الثلاث سنين الأخرى مش حلال، بس دي مش المرة الأولى اللي أتكلم في الموضوع و مش شايف أي أمل أني أغير رأي حد في الموضوع ده.

لو أنت مقتنع أن ديانتك محتاجة محاكم و سجون لحمايتها يبقى صعب قوي أقنعك بحرية التعبير لذاتها، فبالتالي بحاول أركز على مسألة الأثار الجانبية الوخيمة، لكن مشكلهاش برضه جايبة همها.

الحمد لله أطمئنينا على مستقبل الاسلام بعد ما أنقذته عدالة المحكمة من الهجمة الشرسة عليه و نحب نشكر سيادة القاضي اللي أثبت سماحة الاسلام و بكل رأفة التزم بالحد اتلأقصى للعقوبة.

bgd ..ana far7an geddan...3o2balko koloko....bs mawdoo3 ehanet el rayess dh howa elly mostafez el sara7a...bs tab3an wa7ed yehabel we ye3eesh fe door el wad elly 3ando ra2y ba2a we yo3od yeshtem fel islam wel muslmeen we faker nafso el shab elly 3ando mabda2 we beta3...aho..adeeh lebes fel 7eeat we zamnhom delw2ty a3deen zan2eeno we beynekooh...yalla..3o2balkom gamee3an inshalla..we a7'er kalamy ..etfoo 3alekom kolokom

أنا ركزت على حتة "سنة لإهانة الرئيس" و استنتجت منها أن الرئيس == ثلث الدين.

ممكن أرشح نفسي بقى!

طبعا لا احد يحب الظلم والاكيد ان منظومة الفساد اللى بتحكمنا ظالمين الى مالانهاية وان شاء الله اخرتهم قربت لكن الاكيد ان كريم ده ليس صاحب فكر وليس لديه قضيه يعبر عن رايه فيها زى علاء مثلا لكن المصيبة الاكبر ان احنا بنحاول ننتزع حريتنا من جهلاء وتافهين كاللصوص فى افلام الكرتون (صخر وشنخر وكرعون .............الخ )وللاسف لوجود ثغرات فى منظومة انتزاع الحرية فا مثل هذا الشخص نفذ من احدى هذه الثغرات وبالتالى لايجد اصحاب المبادىء مثل علاء (ولو جزئيا)الاالدفاع عن المبدا حتى وان كان مثل هذا الشخص وجد بالصدفة فى المجال الحيوى للمبدا ومن اقدر موقف المدافعين عنه لكن لااقدر موقفه لانه ببساطه كده اهبل وعامل زى حسن يوسف فى فيلم مصرى قديم لما كان عاوز يكون مشهور راح دبس نفسه فى جريمة قتل وفى الاخر طلع براءة لكن هيهات فالبون شاسع بين الافلام والواقععوما هو اللى جابوه لنفسه وبصراحة لا اجد اى ذرة تعاطف معه ثم لوان الحريه هتيجى على ايد ده وامثاله فشكرا لانها ستكون حريه ملعونة

كريم دا مش صاحب فكر أو مناضل

دا مجرد واحد تفكيره منحرف.

ماتعملوش منه بطل

علشان كدا ما كانش لازم ناخذ بالنا منه خالص. إذا كانت أفكاره غير متوائمة مع المؤسسة ال كان بيدرس أو بيشتغل فيها مثلا فيها، فممكن ترفده، و دا حصل فعلا، و إذا كان في حد مش عاجبه كلامه ال بينشره على إنترنت فبالتأكيد هو مش مجبر يقراه، لكن محاكمته باعتباره خطر على الدولة و الدين فهو دا ال كبّر حكايته. أي حد مش قادر يفهم الحقيقة دي فهو كمان عنده مشكلة.

الحكومة هي ال بتعمل منه بطل، و هي ال بتدي أمريكا الوحشة و إسرائيل الماسونية الفرصة أنهم يعملوا من الحبة قبة و يقولوا شوفوا مصر بتعمل إيه في المواطنين المسالمين الوديعين بتوعها؛ مش ال بيدافع عن حقه في تفريغ ال في دماغه أيا كان، طالما ما مدش إيده على حد، و لا سب مواطن سباب علني مباشر (حسني مش مواطن عادي، و سبابه مسموح به)

و علشان الناس ال ما بيفهموش غير مصلحتهم المباشرة (من عينة الناس ال ما اقتنعوش أن البهائيين من حقهم يطلعوا بطاقات إلا لما اتنبهم لأنه ممكن واحد بهائي يتجوز واحدة مسلمة، أو يترشح و يحكمهم أو حاجات من دي):

لو ال زي عبدالكريم ما اتيحتلهش الفرصة يعبر عن أفكاره في العلن، فهيعبر عنها في السر، و يتجمع حوله أشخاص سطحيين و تافهين و يصدقوه، الدعوة تنتشر و يبقى في عدد كبير في المجتمع مؤمنة بأفكاره (دا غير طبعا زي ما احنا عارفين أن ساعتها الشواذ هيستغلوا الفرصة في ترويج عبادة الجزر في مصر)، و شوف بقى أنت إيه ال ممكن يحصل تاني.

هو كان ممكن ببساطة يكتب ياسم مستعار و يسب لك الدين زي ما هو عاوز. و بعدين ما حدش يفتكر أن الحكومة هتقدر تمسك كل الناس ال بتسب الدين في العالم، لأن في كتير منهم خارج قضائها لكن الحقيقة ال هتفضل قائمة هي أن هيفضل في ناس بتسب الدين و هيفضل الدين يتسب.

عبدالكريم مش أول و لا آخر واحد يكتب ال كتبه و لا يفكر ال فكره و مش هيكون الأخير، بالرغم من أن الحكومة اضهدت كل ال قبله.

ما هي الحكومة حبست مدعين نبوة كثير جدا، و مع كدا في أي لحظة في عشرات موجودين و بيطلع غيرهم كل يوم! أنت ما بتركبش أوتوبيسات و للا إيه!

حاجة كمان علشان الحوار هنا يبقى واضح: كلمة "فكر" في حد ذاتها مش مديح، يعني لما تقول عن واحد أنه "عنده فكر" مش معناه حكم إيجابي على الفكر دا أنه كويس، لان ما فيش حد ما عندوش أفكار في دماغه.

حد قال عن دين أمه مناضل؟ أنتوا بتجيبوا الكلام اللي بتردوا عليه ده منين؟ يا عم مفيش مناضل في الدنيا دي كلها غيرك أنت روح بقى

حضرتك متعرفش تفرق ما بين أننا نتكلم عليه كضحية و نتكلم عليه كبطل؟

أي حد حتى الناس الجبانة و الدون و اللي ريحتهم وحشة ينفعوا يبقوا ضحايا، صعبة دي؟

و هو لا جبان ولا دون ولا ريحته وحشة (عشان أنا متأكد أن فهم موضوع الأمثلة الجزافية المبالغ فيها ده صعب عليك).

واحد تفكيره منحرف، حلو ده مبرر لحبسه أربع سنين؟ و هيفيد في ايه حبسه؟ هيعدل تفكيره؟

ممكن بقى تشرحلي عملنا منه بطل ازاي؟ و مين اللي عمل منه بطل؟

Mr alaa , most of the western countries has a law against denying the holocaust which may get you in jail for 3 years , even if u have said this in another country , and you talk about democracy and freedom of speech !!!!!!i strongly believe everyone has the right to talk about what he feel and what he believes but this freedom ends when i abuse other people feeling ,for example if you said to me you are dirty black it is your right to express your freedom of speech but i can sue you for that !!!!!!!!! got my point

I know alot of western countries have such laws, I'm not sure if it's correct that most do (send me a list of western countries annotated with who has laws like this and who doesn't please).

and I consider this a grave violation of freedom of speech, these western countries should change their laws ASAP, and I'm aware of activists in these countries to defend anyone who get's accused by these laws, protest anyone who gets convicted by them and try to change these laws.

NOW WHAT THE FUCK DOES THIS HAVE TO DO WITH ANYTHING?

what do these western countries have to do with Abdol Karim's case? and did you hear me claim that western countries are a great example of free democratic societies?

no I did not get your point, you did not make any original point, please refer to past discussions here on this blog where countless others said the exact same words and I replied to them, then think of something new to add to the discussion and share it with us, but don't just keep repeating.

I don't think anyone should go to jail for saying blacks are dirty, I don't think anyone should go to jail for saying jews are bloodthirsty, I don't think anyone should go to jail for saying christians stink and I don't think anyone should go to jail for saying muslims are terrorists either.

and if you think people should go to jail for saying these things, then try and explain to me what is the point? how is putting them in jail supposed to make any difference?

Alaa, Do you really believe that Abedlkareem walla kareem had that sentence because he insulted or attacked is!lam? If you really believe that , then you are so naive. Bro, it is all becuse of the president, The goverment is trapped because of the blogs, they want to fight bloggers by anymean, people listen to bloggers, press does too. So it is all to provoke people's feelings aganist bloggers and to scare the bloggers. How many kalb, personal opinon, attacks islam? How many govermental official attack islam? Do you really think our goverment cares about islam? Raw2 kida, if kareem shatem islam and sab wela3n thousands of times , nothing would have happend to him. So put everything where it belongs, our goverment were never islamic or care about islam, infact muslims are proescuted in Egypt like any other citizens if not worse than them , at least christians or any other mela have peope backing it when anything happens but muslims men ayam abedelnasser byt7'azo2o and no one cares or will care about them. And finally, kareem sentence proved that you guys the bloggers won the battle aganist the goverment.

يعني ليس صاحب فكر؟

أي انسان بيمارس التفكير و له رأي في حاجات و يقدر يعبر عنها، يمكن نشوف فكره ضعيف، رأيه تافه، فاسد، بايخ كخة الخ

لكن ايه مش صاحب فكر و ليس له رأي دي؟ هو أحنا هنعيد تعريف الحاجات بمزاجنا؟

فكر مش معناها فكر وجيه، و رأي مش معناها رأي سديد، معناها فكر و رأي و بس. من حقك تعتنق الفكر و الرأي اللي عيجبك مهما كان درجة الغباء و الشطط و من حقك تعبر عنهم.

أنا مبفصلش ما بين الدفاع عن مبدأ و الدفاع عن الشخص، أنا بدافع عن شاب عمره 22 سنة اتحبس لمجرد كتابته مقالتين ثلاثة و نشرهم على النت، و صعبان علي و متعاطف مع الشاب ده بنفس درجة اهتمامي بالمبدأ اللي هو حرية التعبير المطلقة.

عبد الكريم أهبل؟ مين فينا لما يوصل لسن كبير و يبص لوراء مش هيشوف نفسه لما كان عنده 22 سنة على أنه أهبل؟ يا راجل ده الشاب مننا بيبص سنتين ثلاثة لوراء و يتكسف.

و مين اللي أهبل أكثر و أخطر هو ولا الناس اللي واقفه تتكلم بكل جدية عن ضرورة قتله لأنه مرتد؟

بما ان الدنيا ليست موضع العداله فانا فرحان جدااااااااااااااااااااااااااااااااااااااااااااااااااا بالحكم الصادر ضد المناضل الثوري كريم عامر ولا تتخيل مدي انشكاحي وانبساطي وشماتتي التي لا استطيع ان اداريها كريم عامر فلتذهب للجحيم غير ماسوف عليك وعقبال باقي المناضلين الثوريين

I really feel bad for Abdel-Karim. Even if he wrong, I do not think he deserves to spend 4 years in jail. Why do not we just discuss these issues with writing as well? That is, people who are not happy with what he said can just write back to him. This way we can open some channels of discussions that allow for all of us to debate these issues.

احسن ده عيل خول و قال ايه حرية رأي رأيه ده يخليه لنفسه طالما ان رأيه بالمنظر ده هو حر فيما يعتقد بس يخليه لنفسه يكتم اراؤه المريضة بداخله

علاء أكيد فى حاجه إحنا ممكن نعملها عشان نشكل قوة ضغط قبل ميعاد الإستئناف التدوين دلوقتى بقى قوه لا يستهان بيها و مش معقول نقعد نتفرج على شاب عنده 22 سنه بيتسجن 4 سنين عشان بيفكر حتى لو بيفكر غلط ما هو عنده 22 سنه من حقه يفكر غلط برضه و لا إيه؟؟

علاء ماعندكش إقتراح لحاجه ممكن نعملها؟

لو سمحت يا علاء و أنت كمان يا وائل تبقوا تشخطوا في الصحفيين ال بيكلموك علشان يشوفوا شغلهم كويس.

حتى بي بي سي شكلها بقت تستعين بمراسلين نص كم، مقالة واحدة فيها كل الأخطاء دي:

  • وكان نبيل قد أعلن نفسه علمانيا لا يصوم رمضان وانتقد الأزهر. مال العلمانية و مال الصيام مش فاهم! يعني بي بي سي مكسوفين يقولوا أنه أعلن أنه ليس مسلما فبيستهبلوا و يُكنّوا عن الكفر بالعلمانية! إيه المصايب دي.
  • وكان عباس ومدون آخر قد استبقا منذ سنتين لنشر قصة النساء اللواتي تعرضن للتحرش الجنسي في قلب القاهرة من قبل شبان ذات يوم عيد فطر. سنتين برضو، طب دي المراسلة هنا في مصر، أنا مش عارف أكتب اسمها الحقيقة لأني باشك أنها تكون غلطانة في الإملاء و كتاباه "هبا"!
  • وكانت مجموعة (معلقون دون حدود) العالمية قد أضافت مصر لقائمتها لـ "أعداء الانترنت"، التي تشمل 31 دولة تمارس الرقابة على ما يقوله الناس على الانترنت مين معلقون دون حدود دول!

سؤال: وعبرت منظمة معلقون بلا حدود عن قلقها إزاء حكم قضائي خوّل الحكومة المصرية حق غلق أي موقع انترناتي ترى أنه يشكل خطرا على الأمن القومي. إيه الحكم دا؟

صحيح هم ما كانوش مستنيين أحكام علشان يحجبوا موقع الإخوان و حزب العمل و جبهة إنقاذ مصر و الموقع إياه دا بتاع البقرة الضاحكة بتاع زمان و قرآن رابسو و غيرهم، لكن أحب أعرف تفاضيل القضية لو حد عنده فكرة.

و بعدين الحكم بيخولهم يغلقوا وللا يحجبوا؟ ما هم مش هيقدروا يغلقوا غالبا بما أن ما فيش حد بيحط مواقع عند موفري خدمة مصريين.

قال حكم يخولهم قال..هم بيتلككوا من غير أحكام.

يا عم أصلا كل الكلام اللي اتنشر على لساني تعليقا على القضية ملوش أي علاقة بأي حاجة أنا قلتها للصحفيين. الصحافة (كلها مش بس المحلية) مصيبة سوداء.

الحكم لو أنا فاكر صح كان بيقر حق بل و ضرورة أن الدولة يكون متاح ليها اغلاق أو حجب المواقع و طالب مجلس الشعب بعمل قانون لتنظيم الموضوع ده، معنديش فكرة هل بدون صدور مثل هذا القانون الحكم ده له تأثير فعال ولا ﻷ.

يا عم دول مستخدمين جوجل ترانسلت

  • reporters == معلقين
  • received phone calls == استلمت مكالمات
  • Heba == هبا

و يا سلام على ترجمة اللي علاء قاله .. مش عارفة افهم منه أي حاجة:

" لقد جلبنا فكرة النشاط الانتقائي، أي ما يعني أن للناس حرية انتقاء الزاوية التي يريدون الاحتجاج عليها في أي قضية، وليس تكريس كل حياتهم للقضية".

معلش أصل البي بي سي مزنوقين اليومين دول و مش قادرين يدفعوا لمترجم

طبعا يرى البعض ان هذا الحكم سابقة خطيرة وهذا رايهم يعبرون به عن انفسهم

وهناك اخرون يرون ان هذا الشاب يستحق الحكم وهذا رايهم يعبرون به عن انفسهم

ومابين هؤلاء وهؤلاء ارى (حرية راى طبعا )ان هذا الشاب اشبه مايكون بخلية العفن الاولى التىتنشا فى ثمرة ما او حتى رغيف خبز ................الخ ثم لاتلبث ان تنتشر فى باقى الاجزاء فهل يمكن ان نقول ان خلية الغفن تعبر عن نفسها ولها الحرية الكاملة فى ذلك ام ان الواجب استاصالها حتى لاتصيب العدوى باقى الاجزاء وهنا يمكن تصور باقى الاجزاء شباب صغير خالى الوفاض من اى معرفة نتيجة تعليم جميعكم يعلم كيف هو ونتيجة مجتمع يرزح تحت مالا تجهلونه جميعا فهؤلاء قد يعجبهم سلوك خلية العفن (بدليل انكم قد ترون خريجى جامعات يقلدون اللمبى اعجابا به) ويبداون فى التعبير عن اللا راى وسيجدون مساندين لهم بدعوى الحرية التى هى لاحرية بالمرة وهكذا دواليك خلية عفن تصيب خلايا اخرى قابلة للعدوى حتى تفسد الثمرة ثم القفص كله والتاجر غافل عن كل هذا وهذا مايحدث فى واقعنا

ارى ان نرشد مسالة الدعوة للحرية ونركزها خلف اصحاب قضايا حقيقية مثل ايمن نور وطلعت السادات والقائمة جميعكم يعرفها .ماذا لوطلب احدهم مساندة المطالبين بالحرية والداعمين لحرية التعبير فى تكوين جمعيه اعضاءها مسلمين مصريين وعرب هذه الجمعية تدعوا الى دعم الصهاينة فى اغتصاب فلسطين وتدعوا الى ا لانضمام الى الصهيونية كفكر انسانى حتى وان كان عنصرى فهل ستساندون مثل هذه الدعوة بدعوى حرية الفكر والتعبير افيدونا ومارايكم فى ان العطار الجاسوس ان ثبتت عليه التهمة فعلا كان يعبر عن رايه ومعتقداته

ومارايكم ان جورج بوش بقرار الحرب على العراق وما يليه من قرارات يعبر عن رايه وما رايكم ان الحكام الطالمين يعبرون عن ارائهم فهل ستساندون كل هؤلاء بدعوى حرية الفكر والتعبير رجاء لا تجعلوا الامور سداح مداح واما عن خوفكم بان هذا مؤشر لان يصيبكم ما اصاب هذا الشاب فهذا وضع البيض كله فى سلة واحدة بدليلانكم حتى الان لازلتم تشتمون وتلعنون ولم يصيبكم شى وان شاء الله لا يحدث لكم شى لكن هو اعطى الفرصة لهم ليعملوا بالمثل الشعبى اضرب المربوط يخاف السايب هو جاء فى اللحظة الغلط والمكان الخطاء وليس له خبرتكم ولم ياتى باى شىء له وجاهته مثلكم وربنا يهديه

أنت أهبل ولا شكلك كده؟

ايه علاقة التعبير السلمي عن الرأي بأفعال مثل احتلال الدول و تعذيب الناس؟

الدعوة الى دعم الصهاينة حرية تعبير لأنها مجرد دعوة، دعم الصهاينة بالفعل موضوع ثاني

التجسس يعني افشاء معلومات و تجنيد كوادر مش يعني نشر رأي، لكن نشر رأي بيقول أن اسرئيل حلوة مش خارج نطاق حرية التعبير

نشر رأي بيقول يجب احتلال العرقا شيئ و احتلال العراق شيئ آخر

مش ممكن يعني أنك عرفت تتعلم تكتب و تعدي الشارع و معرفتش تتعلم تفرق ما بين فعل النشر و فعل الاحتلال

الممعطيات : ك واحد سب الدين & ك برضه سب الرئيس ك اخد 3 سنين علي سب الدين

المطلوب : اثبات ان سب الرئيس عمودي علي سب الدين وياوي ثلثه

البرهان: بما ان سب الدين عقوبته 3 سنوات وبما ان العقوبة الفعلية 4 اذن عقوبة سب الرئيس تساوي 1/3 عقوبة سب الدين

نتيجة 1 : سب انور السادات وحسني مبارك والريس بيرة يساوي ف المقدار الكفر

نتيجة 2 : 95% من الشعب المصري اقترب من الكفر بسبه للرئيس يوميا جون اعتذار او محاكمة

نتيجة 3 : نسبة المؤمنين الموحدين الذين لا يسبون الدين او حسني ف الشعب هي 5% فقط وهي بالضبط نسية الاطفال الرضع الذين لما يفطموا بعد

نتيجة 4 : الوحيد اللي يستحق السجن بسبب العيب ف الذات- غير بذات اللي هي جمع بذ- كريم عامر

نتيجة 5 : ارتفع مستوي الدخل في اسرائيل وسلمي علي الحنطور

انا لاهبل ولاشكلى كده لكن شكرا على قلة ادبك واضح انك سليط اللسان وردودك كلها صادمة لذلك لن تصل الى شىء وستكون كما يقول سيدك الشاعر كناطح صخرة يوما ليوهنها فما او.............................................هنها واوهى قرنه الوعل لن تصل الى حريه من اى نوع الا الحرية من كل شىء جميل فقط ثم انك لا تعرف اى شىء عن طرق النشراو التعبير عن الراى فهى ليست نشرا وكتابه فقط فواحد اهبل مثلك يعبر بالنشر عن النت او حتى ضائيات وكذلك الاهبل الذى ملئت الدنيا صراخا ونطحا لاجله اما واحد اهبل مثل بوش يعبر وينشر رايه عن طريق احتلال دول وهكذا (فرق امكانيات وقدرات يعنى )واحد زى العطار يعبر بالسلوك الذى سلكه خيابه يعنى المصيبة واتمنى ان اكون فهمت غلط وهى انك من الممكن ان تناصر حرية الراى الداعمة لاسرائيل يريت تصحح ان كنت ان مخطئا ولاداعى لاسلوب مسف فى الرد ولم افعل فى البدايه الا ان رديت عليك بالسلوب الذى تحبه وانا مرغم فانا والحمد لله تربيت على حسن الاخلاق واتمثل دوما بيت الشعر يخاطبنى السفيه بكل قبح فاكره .............ان اكون له مجيبا يزيد سفاهة وازيد حلما .............كعود زاده الاحراق طيبا اخيرا كل انسان ينشر ويعبر عن رايه حسب مايتاح له من امكانياتوقدرات ..........الخ كذلك الامم او الدول تعبر عن رايها بنفس الشكل وشكرا

طبعا الحكم بتاع اهانة الريس دة كلام فاضي لكن اذا مكانتش العقوبة بتاعة ازدراء الاديان دي عجباكم يبقى تقترحوا ايه العقوبة المناسبة لاي حد يسيء ليا انا كمسلم ؟ زي مثلا لما كاريم كتب مقال عن شهر رمضان كله بيقول كلام معناه ان المسلمين في مصر (كلهم)بيصوموا منظرة او عشان خايفين حد يتريا عليهم و يقول الفاطرين اهم يعني منافقين من الاخر..بصراحة رغم اني بكره النظام في مصر جدا و رغم اني مع حرية التعبير طبعا لكن مش قادر اتعاطف مع كريم دة خالص

سبق و طلبت و ها انا اعيد الطلب هل ممكن ان يجيبنى احد انا لست من المدونين و لا من اعضاء كفاية و لا غيرها من حركات المعارضة و مناهضة الفساد و لكنى بالقطع ارفض و اناهض كل مظاهر الفساد التى تمارسها الحكومة و على رأس هذا بالطبع حاليا التعديلات غير الدستورية المبتغى فرضها و تمريرها على رؤوس الاشهاد اسال ماذا يمكننى عمله هل استطيع الانضمام لكم فى نشاطاتكم الرافضة و المواجهة للفساد ام هناك شروط و لو كانت فما هى مستعدة لتنفيذها حرفيا على جانب اخر متى بالضبط اعنى ما التاريخ بالضبط الذى سيتم فيه الاستفتاء المزعوم على التعديلات غير الدستورية و ما الخطوات التى ستتبعونها من هذه اللحظة حتى وقتها ارجو مساعدتى و الرد على و عدم تجاهلى كما حدث معى فى المرة السابقة بالله عليكم انتظر الرد ارجو الا تخذلونى

الاستفتاء يوم الأثنين 26

أي حد ممكن ينضم لنا و عضوية كفاية تعني فقط أنك توافق على مطالب كفاية لا أكثر ولا أقل.

اديلو

سؤال رفيع يا جدعان هوه لازم نشتم الريس عشان نبقى من المعارضة ؟؟ ماشي هوه حمار ومينفعش رئيس جمهورية والسادات اختاره عشان مبيهشش ولا بينش وكان بيوضبها لنفسه بس ربك فوق بعتله اللي لسعه وادبسنا احنا في الحمار الحالي اللي مبيموتش وممشينه زي ما كان ممشين السادات نفس شله الحرامية بس برضه ده رمز مصر وبما ان مصر تدهور بامها الحال يبقى رمزها لازم يتدهور يبقى هوه ملوش زنب دي منظومة من منظومات احه ايه اللي بيحصل في مصر

http://www.copts-united.com/wr/abn.php جميع مقالات الكاتب عبد الكريم نبيل

جميع مقالات الكاتب عبد الكريم نبيل http://karam903.blogspot.com

http://www.rezgar.com/m.asp?i=432 كريم نبيل سليمان

حقيقة الإسلام كما شاهدتها عارية فى محرم بك - عبدالكريم نبيل سليمان http://www.rezgar.com/debat/show.art.asp?aid=48653.

http://www.freekareem.org كريم نبيل سليمان Kareem Nabil Suleiman

http://www.youtube.com/profile_favorites?user=freekareem Free Kareem

http://68.178.208.159/pal/aldalil/the_true_face_of_islam.htm#horeyat قناة دريم وقضية عبد الكريم نبيل

http://www.hamsaweb.com/c2/home.php?id=Kareem2 ساعدونا للإفراج عن كريم

http://www.coptichistory.org/new_page_1953.htm طالب صغير يهز عرش الأزهر وعلمائه عبد الكريم سليمان الطالب الصغير ذكرت مقالات ونشرات الأخبار العالمية أسمه 255 ألف مرة بعد القبض عليه

http://www.almesryoon.com/ShowDetails.asp?NewID=31313&Page=13 الأزهر يمتلئ بالملحديــــــــــن : عبد الصبور شاهين يدعو لملاحقة الملحدين بجامعة الأزهرو محاكمتهم أسوة بالمدون كريم عامر

http://www.alarabiya.net/Articles/2007/03/12/32510.htm زعيم أقباط المهجر ينفي تحريض مدون أزهري على إهانة الرسول

http://www.hamsaweb.com/essay/ar-index.htm الكفاح من أجل الحقوق المدنية في الشرق الأوسط

أنا واثق إنه ماتحبسش عشان إزدراء الأديان

ممكن إنطرد من الأزهر عشان كده ماشي

يعني إلي يشتم مبارك يتحبس طب يخرب بيت مبارك