You are here

تغيير ميعاد الوقفة

Primary tabs

يا جماعة ميعاد الوقفة اتغير و بقى يوم 29، أو بمعنى أصح تم ضم و قفة 29 و وقفة 30 في وقفة واحدة يوم 29 منعا لتشتيت الجهود.

Comments

أتمنى مصر كلها تكون هناك دفاعاً عن حرية التعبير والأعتقاد لوكنت في القاهرة في التاريخ الموضح سأكون أول المتواجدين. اليوم كريم، وغداً كل واحد فينا لسبب مختلف.

كريم ايه؟ ايه علاقة كريم بالموضوع؟

فعلاً لازم كلنا نروح وقفة اللاجئين السودانيين للتضامن مع حق البهائيين حتى الإفراج عن كريم

أنا برضه كنت بقول

انا في بيروت ومنتظر حد يحكي ايه اللي حصل امبارح. الوقفة تمت؟ ايه الأخبار؟

اولا بجد مهم جدا من وجهه نظرى اننا كلنا نكون موجودين فى ذكرى حادث انا شايف انو انكشفت فيه واتعرت كل الميراث العنصرى اللى جوانا

تانى حاجه انا بجد معرفش ان كان فيه وقفه تانيه وفاكر لما اتكلمت فيها انا واسماء وصلنا اننا نعلنها على النت يوم 30 ديسمبر لكن امبارح كنت بفكر انها تكون يوم 29 علشان العيد وكده

من غير مطول لحد مطلب منى تغيير الدعوه ليوم 29 فووافقت وقلت خير اللى كنت بفكر فيه بقى حقيقه

بس واضح ان كان فيه وفقه تانيه وحوار كبير والكل افترض فيا الذكاء بس انا بجد كنت فى التراوه ميهمش اهم حاجه اننا بجد كلنا نكون موجودين بالشمع لمحاوله اعاده جزء من انسانيتنا المفقوده

وقفة ايه؟؟؟ وقفة عرفات ..؟؟ نفسي اعرف اذا وقفتو ولا ماوقفتوش ..يعني ح يحصل ايه؟؟ وايه الي حصل قبل كده..؟ عموما ماتنسوش تودوا معاكو بطاطين عشان تتغطو من البرد....ده انتو وراكو وقفاااااااااااااااات كتيره أوي..

ملاحظة صغنطوطه: لمؤاخذه عالكلمة يعني ..بس ايه معنى "فسل"؟؟ بردون يعني ..اصلي افتكرتها خطأ مطبعي ولا الكيبورد عندك حروفه داخله في بعض..اصلها ماوردتش في الصحاح ولا قاموس اكسفورد..فياريت تنورني يا أفندينا ..متشكرات أوي

هل تعلم بالتجنيد الاجبارى للشباب السودانى حتى يقاتلوا بعضهم بين مطرقة الشمال و سندان الجنوب فى حرب اهليه دمويه ؟

هل تعلم بوجود اتفاقيات لجوء بين مصر و السودان و هل تعلم بوجود اتفاقيات بين الامم المتحدة و السودان لللسماح لابناء السودان فى الهجرة و الاقامة الى اوروبا ؟

هل تعلم لماذا تم طردهم بهذا الشكل المهين من حى الكباريهات و الاثرياء العرب و الفنانين و الراقصات المسمى بالمهندسين فى هذا الوقت من العام بالتحديد قبل احتفالات رأس العام ؟

و اخيرا ً .. هل تعلم برودة الطقس فى الشتاء و اوجاع المرض و الجوع و الام الهروات و ايادى الشرطة السادية كيف تكون ؟

خليها فى سرك !

The 29th is wqfet eid el-adha I really don't think it is a good day to have any kind of political activity.I think you should consider the 28th or the first of January. By the way the post is 3'eir mafhoum. It does not explain what you are talking about.

أنا برضه متشائم من الوقفة دي.

في لحظة جيكاوي (نسبة الي geek) كلاسيكية منال افترضت أن وجود رابط كافي لشرح السياق.

In priciple Manal is right, the link should be enough. However you have to keep in mind that there are idiots who do not notice links, and there are idiotic machines that take about 15 minutes to open each link.

Anyway I still insist that waqfet eid eladha is not a good day to have a demo of any kind.

لاحظت ان هناك الكثيرين ممن يفهمون موضوع السودانيين بطريقة خاطئة و مشوهه و يعتبرون ما حدث رد فعل طبيعى على ( عملتهم ) و هنا يجب توضيح بعض الامور :

1 - ان هؤلاء القوم لم يأتوا لاحتلال بلادنا و لم يريدوا حتى ان يتوطنوا فى مصر .. هم استخدموا حقهم ( الانسانى ) فى الاعتصام كما يلجأ اى انسان له حق .. هم لا يريدوا ان يجلسوا فى معسكرات او فى مدينة نصر .. هم يريدون ان تنفذ المفوضية مطالبهم و لذلك فقد اعتصموا امامها

2 - تدعى الحكومة بأنها تركتهم 3 اشهر و هذا حقيقى و مشكورة عليه .. و لكنها فاجأتهم بالاف العسكر بين يوم و ليلة .. فكان على الحكومة ان تهددهم بالتدخل الامنى خلال فترة معينة حتى تستطيع الامم المتحدة و المجمتع المدنى و غيرهم من الضغط على السودانيين لكى يرحلوا دون اراقة دماء .. فخمس ساعات لا تكفى ابدا للتفاوض

تركوهم 3 اشهر و قتلوهم فى ساعات .. و ياللعجب !

3 - علينا ان نضع انفسنا مكانهم .. و لننظر ماذا يحدث للمصريين فى دول الخليج .. حينما تأكل حقوقهم و يضهدوا فانهم يعتصمون و يحتجون .. فهل سنقبل ان يحل بأبنائنا مثل ما حدث للسودانيين ؟! .. و عموما كما تدين تدان .. و كما فعلنا بهم سيفعلوا بنا

4 - الحل ليس بالقتل .. فشرف الخصومة الحقيقى هو ما يجب ان ننادى به الحكومة لانها افتقدت لهذا الشرف بعد مصرع اكثر من 25 سودانى

و السؤال الان .. لماذا سعت الحكومة لترحيلهم فى هذا الوقت بالتحديد .. لماذا حتى لم تتركهم يحتفلوا برأس العام او ينتظروا حتى العيد و هم اكثر الناس استحقاقا للعطف ؟ .. اللى يعرف يقولى !

الوقفة أصلا يوم 29 فلكيا حسب دار الإفتاء. كل سنة وانتو طيبين.

بخصوص موضوع وقفة الاحتجاج في ذكرة مذبحة اللاجئين.. تجدون هنا 3 روابط لـ 3 بوسترات للطباعة واستخدامها في يوم الوقفة.. كذلك يمكن استخدام الصور المصغرة للدعاية للحدث في مدوناتكم.

روابط المصغرات هي: http://www.masreyat2.org/blackfiles/Sudan_1s.jpg

http://www.masreyat2.org/blackfiles/Sudan_2s.jpg

http://www.masreyat2.org/blackfiles/Sudan_3s.jpg

وروابط البوسترات للطباعة هي: http://www.masreyat2.org/blackfiles/Sudan_1.jpg http://www.masreyat2.org/blackfiles/Sudan_2.jpg

http://www.masreyat2.org/blackfiles/Sudan_3.jpg

بس خلاص.

يا جماعة اللي فوق دا فنان جميل اسمه محمود عبده الراجل ده بجد يستحق التحية والإشادة

البوسترات دي عملها في وقت قياسي (حوالي أربع خمس ساعات من ساعة ما طُلِبَت منه لحد ما سلمها) وبالفعل طلعت - في اعتقادي - رائعة ومعبرة جدا

من فضلكم

كل واحد حاسس بجد بأهمية الوقفة دي

وبالمطالبة بفتح التحقيق من جديد في مقتل السودانيين على أيدي شرطتنا الباسلة

خد البوسترات دي وانشرها في مدونتك النهاردة عشان نعرف أكبر قدر من الناس بالوقفة

يا ريت كمان نبعتها إيميلات لكل معارفنا

شكرا من تاني يا محمود يا عبده

وشكرا لكل مهتم بالقضية

على فكرة يا جماعة الميدان اتقفل تقفيلة سودة من كل الجهات استعداداً لصلاة العيد، لو وقفتوا في نص الجنينة مطرح ما السودانيين كانوا نايمين ماحدش حايشوفكوا لأنها متقفلة من الناحيتين و مليانة ضباط. في الغالب بكرة حايكون فيه عربيتين أمن مركزي كمان عشان وقفة العيد.

مش باحبطكوا و لا حاجة، بس الوقوف في الميدان مطرح ماكانوا السودانيين نايمين أصبح عديم الفائدة عشان ماحدش حايشوفكوا و أًصبح غير آمن عشان الضباط.

الحل البديل و الأمثل في رأيي هو الوقوف حول النافورة في ميدان مصطفى محمود..طبعاً ده بعيد عن المفوضية نفسها و لكن المفوضية غالباً أجازة بكرة أصلاً و مش حايكون فيها حد. كمان حاتضمن أن أكبر قدر من الناس يشوفوا الوقفة و يعلموا بأمرها و كمان تضمن مكان تصعب السيطرة عليه أمنياً جداً لأنه مفتوح من جميع الجهات و يستحيل يعرفوا يحاوطوكم.

و انتوا اأحرار في قراركم طبعاً.