فيه أكثر من نقطة.

أولا الناس قالت عنصرية مش عشان شافت سكان المهندسين أو غيرهم نفسهم الاعتصام ينفض، لكن عشان اللي شايف أن رغبته في فض الاعتصام سبب كافي لتقبل قتل اللاجئين و عشان الخطاب اللي صورهم بصورة غير انسانية.

دي نقطة العنصرية.

نقطة اهتمام النشطاء بيهم و ان كان مش مفهوم ايه علاقتها بأي حاجة، ده يتوقف على أنت بتسأل على ايه، هل كان فيه أفراد و جماعات مهتمة بمحنة اللاجئين قبل المذبحة؟ أيوه كان فيه و كان فيه تقاطع ما بين الناس دي و ما بين حركات التغيير المطالبة بالديمقراطية على مستوى الأفراد و مراكز خقوق الانسان، و الناس دي قامت بجهود متنوعة منها الخيري (جمع تبرعات) و منها توثيق و منها عمل اعلامي و حقوقي و هكذا.

لكن لو السؤال هو هل اهتمت حركات كفاية و أخواتها بالموضوع؟ لأ مخصلش لأنه الموضوع لم يتقاطع مع أهداف و اهتمامات الحركات دي غير بعد التدخل الأمني (لاخظ أن المشكلة أصلا الخكومة المصرية مش طرف فيها).

مش عارف أنت ليه مستغرب أن حركة واحد من أهدافها انهاء حالة القمع البوليسي و التعذيب تتحرك لما تلاقي حالة تعذيب أو قتل من ضمن الشرطة.

أخيرا و دي أساسا رأيي أنا و مش بتكلم نيابة عن حد فيها، الاعتصام و التظاهر الغرض منه هو قريفة خلق الله لتشكيل ضغط عليهم عشان يمكن يتحركوا، لو كان اللاجئين اختاروا مكان بعيد مش هيضايقوا حد فيه مكانش حد هيعبرهم و لا ياخد باله منهم.

اذن اجابتي عن سؤالك هي لأ مش حق أساسي أن حد يصحى الصبح يلاقي شوارع و جناين نضيفة و مكان ركن لما يكون فيه ألاف مش لاقيين حقوق أساسية عن كده بكثير قوي.

مضايقينك روح اضغط على المفوضية تتصرف.

ده عامل كده زي اللي يستغرب أن اضراب عمال المواصلات هيعطل الناس عن شغلها. أمال هو معمول ليه؟

فعلا مظبوط سيادتك .. زى برده مامن من حق أى كلب بقى راجل اعمال - للسحر والشعوذه طبعا- يقتل وينهب الناس كأننا فى لعبة GTA والحمدلله فى بلدنا الصنف ده متوفر جدا و له احتياطى استراتيجى كبير كمان .ومن حق كمان حكومتنا المصونه اللى كلها ماشاء الله رجال أعمال وقرايب ونسايب و ولاد ناس كويسه تروح تقتل وتشرد كل اللى فى العشوائيات اللى ياعينى خانقه وكابسه على الناس الكويسه ... يلا يارااااجل بلا قلبة دماغ .

استفزاز مالو مثيل

!!!!

مجرد استفسار صغير والله....حضرتك بتقول :- من حق أي واحد ساكن في شقة بنص مليون جنيه إنه يلاقي شارع نضيف و إنه يصحى الصبح يشوف جنينة خضرا منظرها حلو و إنه يلاقي مكان يركن فيه عربيته

وهل الحقوق دى سعادتك مقصورة على طبقة أصحاب النص مليون جنيه؟ يعنى بتاع امبابة مش من حقه شارع نضيف؟ بتاع العمرانية مثلا مش من حقه الخضرة؟ بتاع بولاق مش ضرورى يركن ال 28 النص عمر بتاعته ويشيلها على كتفه؟

على فكرة سيادتك أنا من سكان المهندسين برضه...بس مش بنص مليون جنيه

m4m http://malayalzam.blogspot.com

أنا رأيي ان الوقفة تبقي صامتة ، لأن في الحقيقة مش حاسه ان فيه أي هتاف ممكن يتقال في الموقف دا ونعوض دا عن طريق ان كل واحد يعمل ان شا الله ورقة A4 فيبقي الكلام المكتوب كفاية

هذا رأيي والله أعلم ،ممكن نتناقش أكتر لغاية ما نتفق

مملكتي ليست من هذا العالم