You are here

وقفة إحتجاجية بالسواد إحتجاجا على أحداث التحرش الجنسي 9-11

Primary tabs

نقابة الصحفيين

لجنة الحريات بنقابة الصحفيين

تنظم لجنة الحريات بنقابة الصحفيين وقفة نسائية متشحة بالسواد احتجاجاً على احداث التحرش الجنسي في وسط المدينة، و ذلك في يوم الخميس الموافق 9 نوفمبر 2006 بمقر النقابة. من الساعة 12 ظهرا الي الساعة 2.

Comments

دعوة الى الجمعيات الأهلية والمؤسسات الدينية ووسائل الاعلام والصحف المحترمة والنقابات المهنية وكل من يستطيع المشاركة وكل من تألم لحال شباب مصر ومن عنده بنات يخشى عليهن أدعو المتخصصين لتصميم بوستر بعنوان( أترضاه لأمك..... أترضاه لأختك) وتكون كذلك بداية لحملة اعلاميةويكون أيضا شعارها ( أترضاه لأمك..... أترضاه لأختك ) يتبناها الغيورين على أعراض المسلمات ولتبدا هذه الحملة من الآن وقبل حلول عيد الأضحى ونهاية العام ويعلق البوستر بأحجامه المختلفة فى مدن مصر وكذلك أدعو الأسر الطلابية بالجامعات لتبنى ندوات توعية لشبابنا وبناتنا داخل الجامعات ولتحمل أيضا نفس الشعار(أترضاه لأمك..... أترضاه لأختك) يتم فيها التركيز على معنى الرجولة الحقيقية وبيان خطورة هذا الأمر والتركيز على الاجابة على هذا التساؤل لايقاظ النخوة الضائعة أدعو المدونات والصحف مثل الدستور المصرى اليوم الأسبوع والكرامة وغيرها من الصحافة الحرة لتبنى هذه الحملة مع العلم بأن فكرتها تنطلق من العلاج النبوى الكريم للشاب الذى جاءه يستأذنه فى الزنا بكل فورة الشباب فلم يعنفه النبى صلى الله عليه وسلم وانما عالج معه الأمر بهذه الطريقة فخرج من عنده الشاب وليس أبغض اليه من الزناأسأل الله أن تجد هذه الفكرة من يملك امكانات تنفيذها وامثالها

ومن عنده بنات يخشى عليهن أدعو المتخصصين لتصميم بوستر بعنوان( أترضاه لأمك..... أترضاه لأختك) وتكون كذلك بداية لحملة اعلاميةويكون أيضا شعارها ( أترضاه لأمك..... أترضاه لأختك ) يتبناها الغيورين على أعراض المسلمات ولتبدا هذه الحملة من الآن وقبل حل..........................

ليه كل اللي هامك المسلمين هما المسيحيين اللي عندهم بنات مش بيهمهم ان كانت بناتهم هتتبهدل في الشوارع احب اقولك و اقول لكل اللي يفكر زيك ..........ارجوك فكر في واحد مسيحي انت تعرف اخته بس تكون بتحبه هل ترضالها يتعمل فيها كده؟؟؟؟؟؟؟؟؟؟؟؟؟؟ طب هل لو هو شاف اختك بيتعمل معاها زي ما حصل ... هل تحب انه يسيبها تتبهدل ولا لو دافع عنها هاتشكره ولا ايه .... من فضلك فكر شويه انا مسيحي و لو واحدة من زمايلي البنات المسلمات حصل معاها كده كنت هازعل جدا لانهم فعلا زي اخواتي و اكتر حرام علك انت و كل اللي بيفكروا زيك في المسلمين بس، احنا تهمنا البلد دي برضه و لسه شوية مش لازم نكره بعض اوي كده لكم دينكم و لي ديني و حسبي الله و نعم الوكيل فيك و في اللي زيك!!!!!!!!!!!!!!!!!!!

ma3ak 7a2 fe kol elly 2olto

el masateel dool 3omr ma7ad fehom farra2 ben moslemah aw mese7eya ..i3tadah 3ala ay bent 2oddamo

we i7nah kaman law 7abena nedafe3 3and wa7da it3arradet

le keda mesh el mafrood in i7na nefarr2 ben moslemah we mesee7eya

كلامك مظبوط جدا

اتفق مع الغيور تماما فى رأيه... القضيه قضيه وعى غائب لشعب مسطول من الفقر و الجهل و الفساد وإفلاس الخطاب الدينى و السياسى قبل ما يكون مسطول من المخدرات... و ربنا يرحمنا جميعاً

ايه النسوية دي!! حد بقلنا ليه وقفة نسائية بس؟

خايف يتحرشوا بيهم في المظاهرة همة كمان عشان كدة لازم يكونوا مسلحين بالعدة !!

عِرض بلدنا من عِرض ولادنا | شاركونا

البانر من رحاب بسام .

code :

.

asad.blogsome.com

في حدود علمي ان المظاهرات ووقفات الاحتجاج بتكون لجهة معينة او ضد جهة ما لكن وقفات احتجاجية ضد ناس مسطولين وجهلة وعايشين زي البهائم لا بيقروا ولا بيفهموا اعمل ضدهم احتجاج ليه دا حتى يبقى تضييع وقت هو لو الحمير بتفهم كان بقى دا حالنا

يا ابلة راندة

لا مؤاخذة لو كنتى متصورة ان الوقفة مطلوبة ضد المبرشمين دول تبقى غلطانة الوقفة ضد الباشاوات اللى بيقبضوا وفاتحين بيوتهم وبيوكلوا ولادهم من الضرايب او بمعنى اصح من الاتاوات اللى احنا بندفعها

لو دى ضرايب يبقى مقابلها لازم يكون فية خدمة تقدم اسمها الامن

واذا كانت اتاوة فالبلطجية اللى بيحصلوها عليهم ان يحافظوا عليها ويحطوا فى عينهم حصوة ملح ويعملوا بيها

اما انهم يحصلوا ضلاائب او اتاوات ولا يحس احد بفائدة هذا الدفع فهذا معناة اننا شعب اهطل يدفع لحكومة لا تقدم خدمات او يدفع لبلطجية ليس لهم فاعلية او وجود فعلى

الوقفة الحقيقية يجب ان تكون ضد من يحكم هذا البلد المناداة بان يمتنع الناس عن دفع الضرائب او الاتاوات الى ان تقدم اهم خدمة فى المجتمع وهى الامن

يجب ان يقال بوضوح اذا كنتم تتعاملون ان البلد ملك لكم وحدكم فعليكم ان تتحملوا مصاريفها وحدكم

لم يعد مقبولا ان يتنطع اى مسؤل باى كلام دون ان يتحمل مسؤلية كلامة المرتبات التى يتقاضاها هؤلاء الانطاع من جيوبنا والاتاوات التى يفرضونها ايضا من جيوبنا والقروض التى يسحبونها من البنوك ولا يردونها هى ايضا من مدخراتنا واذا اغلقنا جيوبنا عنهم انهارت حكومة رجال الاعمال فلا يوجد منهم من هو على استعداد لدفع مليم واحد

الوقفة يحب ان تكون جادة ونحن قادرون عليها

ببساطه .. يولد المرء على الفطره ثم تبدأ مبادئه و أخلاقه بالتبلور مع الزمن فأما يتم تغذيته بالروحانيات و الرقي في الفكر والحق و مراقبه الله والعمل و الاصرار و و و الى أخره و أما يترك فريسه سهله الى اعلام فاسد يوصله بسهوله الى مهازل مثل التي نتحدث عنها اليوم ربنا يلطف بينا في ما هو آت و يهدي شبابنا رجالا و نساء الى طريقه فهو ولي ذلك والقادر عليه و السلام عليكم

عظيمه يا مصر...يا أرض اللوا

دلوقتى لو في حد عايز يروح يحتج يوم الخميس , لازم يكون هناك ابل الساعه 12؟ وللا عادى لو اتأخرت شويه عشان عندى محضرة؟؟

جديده فى الكار

و بعدين حوار ’ترضاه لأختك’ ده انا شيفاه فكسان جداً عشان مره واحد راكب عجله فى إسكندريه ’تحرش’ ببنت خلتى و إحنا مشيين فى الشارع و جرى, بعد شويه لف و رجع و أما شتمناه و أعدنا نقول له ’’ترضى لأختك يحصللها كده؟’’ راح داحك و آل ’’آه أرضى’’ و راح ماسك بنت خلتى تانى!!! متخييلين؟ البت جالها صدمه و اعدت تعيط يومين... ربنا عالمفترى

العجيبة و المهزلة ان صلاح منتصر يكتب فى اهرام اليوم عن احداث التحرش على نغمة " دى أوهام.. و الناس اللى بتنال من سمعة مصرـ"ـ

والله الأهرام و مصر كلها بتقع من الناس اللى كبرت على حسابها و بتبيع نفسها دلوقت من اجل اوهام الناس اللى مالهاش دعوى بالشارع لان علاقتهم بيه انتهت من زمان فهم لا يرونه الا من خلال التليفزيون ( الحكومى الجميل ) او بالكتير من نوافذ سياراتهم المصفحة و بجانب عموده الذى يزداد تفاهة يحذر هويدي من انه اذا كان فيه تغيير فى مسخرة قانون النتخابات مين اللى ح يعدلوها ؟ برضه اللى عملوا تعديل القانون هم نفسهم 79!!! و يكتب سلامة - سلمت يداه- عن احداث "التحرش النتخابى العام فى مصر اليوم فى انتخابات العمالو الطلبة

و ابو منتصر خايف لاحسن حد ينال من سمعة مصر والنبى ماحدش يرد.. لانه ما يشتاهلش اهتمام اكتر من كده هو و روز اليوسف واللى زيهم بس اهه... فضفضة

واحد من طلابى أكد لى النهارده ان احداث التحرش الجماعى اللى حصلت فى وسط البلد اتكررت تانى امبارح فى شارع الهرم

عبد الله - و أنا واثقة فيه - قاللى ان مشجعى النادى الأهلى اتجمعوا بعد الفوز على سيارة تاكسى كانت واحدة ست راكباها, و فضلوا يخبطوا و يرزعوا فى التاكسى لحد ما السواق دخل محطة بنزين و العمال هناك رشوا الجياع بالمياه و هربت الست بأعجوبة.

اكيد كلكوا بتفكروا فى نفس اللى انا بافكر فيه: لو كان المتحرشين القدامى اتعاقبوا, و المتحرشين الجدد اتلموا فى السجون, ماكانش المتحرشين الأجدد قدروا يتهجموا علينا بالطريقة دى, لكن ازاى... ده احنا فى بلد ديمقراطى! واضح ان الموضوع حايبتدى ينتشر اكتر بصورة مفزعة. انا و الله العظيم من ساعة ما قريت اللى حصل فى وسط البلد و انا حاسة ان المعاكسات بتزيد, مع إنى محجبة - عشان بس ما حدش يقول لى كانى و مانى.

يعنى مثلا نبقى ماشيين أنا و صاحبتى فى ميدان العباسية فى عز الضهر و الزحمة, الاقى واحد بيقوللنا كلام سافل و بأعلى صوته! و فى الاخر يطلع بهوات الداخلية اللى بناتهم و مراتاتهم بيركبوا مرسيدس بسواق, يقولوا لنا كله تمام يا فندم! و ان مفيش قصور أمنى! مفيش قصور أمنى ازاى و نزول الشارع ده بقى كابوس لكل البنات فى مصر. كل بنت بتبقى خارجة من بيتها وهى حاطة كل الاحتمالات: من النظرة المهينة للاغتصاب!