You are here

عمي كمال خليل

Primary tabs

عمي كمال خليل مرشح نفسه عن دايرة امبابة و موقع الحملة على النت http://www.imbaba2005.net

يعني المرة دي الانتخابات فيها مرشحين محترمين بجد، و مش في دايرة امبابة بس، يعني ضروري كل اللي يقدر يشارك و يصوت يشارك و ينتخب أي حد من المعارضة.

يا شباب جيلي يا مواليد 1982-1986 أنتم أخطر ورقة سياسية في البلد دلوقتي، أغلبكم مسجل في جداول الناخبين تلقائيا و من حقكم تشاركوا (يا بختكم، مكنتش أتولد سنة متأخر).

بس زي ما كتير منكم اكتشف في انتخابات الرئاسة الهزلية من غير البطاقة بلطجية الحزب الواطي اللا ديمقراطي هيتوهوكم.

الحل أنكم تروحوا السجل المدني اللي تبعكم و تطلبوا استخراج بطاقة انتخابية، المفروض ده يكون اجراء روتيني بسيط لأنكم مسجلين بالفعل.

كلمة صوتك أمانة دي مش نكتة، فكر كام واحد مش مسجل بسبب فساد نظامنا و فقدان أغلبنا الأمل، صوتك مش ليك لوحدك، كل واحد مسجل كأنه بيمثل مئات محرومين من التصويت.

و لو من امبابة متنساش تنتخب عمي كمال خليل.

Comments

حلو الموقع بس مش فاهم سر التركيز على كلمة "مناضل" كلنا عارفين إنّه مناضل بس تكرار أنا مناضل دي كتير هيكون لها أثر سلبي شيويّة.

R

عندما يصبح لكلمة المناضل أثر سلبي على القارئ أو السامع وعندما يصبح النضال سُبّة في جبين من ضحّوا بالحرية وبالدماء..يبقى انت اكيد في مصر

هو أنا قلت إن النضال سبّة؟ النضال حاجة كويّسة وشجاعة. بس لو واحد رشح نفسه قد يقول: أنا شجاع.. أنا شجاع.. أنا بطل.. هيحسّس الناس بالملل وبأنّه بتاع كلام. وده طبعاً لا ينطبق بالمرّة على كمال خليل حسب معلوماتي على الأقل... R

شكرا د/رامي على توضيحك

اتمنى من الله انه يفوز على مرشح الحزب الوطنى

المشكلة مش فى المشاركة لكن المشكلة فى التزوير حتى لو المرشح العارض او المستقل فاز النتيجة بتغير فى ساعتها و الامثال كثيرة

خسارة..!!

كنت باحترم كمال خليل لكن لما عرفت انه عمك قلت لاحول ولاقوة الا بالله هو كمال خليل عندة ابن اخ خول ومتجوز مره شرموطة اسمها منال ..؟ كس ام كمال خليل عشان خاطرك ياعلاء .. انت اسوأ دعاية لكمال خليل .. انت خول ..؟

طبعا أنا مش مفروض أصلا أرد على تعليق زي ده، لكن ما علينا من باب توضيح الأمور بس.

كمال خليل عمي الغير بيولوجي، هو صديق لأسرتي و كان جارنا لفترة طويلة و هو طبعا عم كل من شارك في حركات و تظاهرات التغيير.

نفس الشعارات الخاويه التي سمعناها ايام عبد الناصر و الحزب اللاوطني الديكتاتوري و من كافه المعارضين و المناضلين في مصر و ما شفناش منهم حاجه

يا كباتن البلد دي ملهلش غير حل واحد. الفوضي و الاضطرابات و الثورات الحقيقيه التي تعبر عن غضي الشعب الفقير اللي مش عارف يتكلم. لازم هو اللي يقول كفايه مش ولاد الذوات المثقفين زي حضراتكم.

انا بتكلم عن ناس ما تعرفش يعني ايه صرف و صحي و كهرباء و عماله تاخد علي قفاها من الحكومه و فرحانه

مش فاهم الحتة بتاعت ما شفناش منهم حاجة، هو فيه معارض و لا مناضل في تاريخ البلد من بعد عبد الناصر وصل لسلطة عشان نشوف أو مانشوفش؟

الحقبة الوحيدة في تاريخنا اللي اخترنا فيها بدرجة ما من يحكمنا شفنا فيها بعض التغيير و الحراك و ده رغم النظام الملكي و الاحتلال الأجنبي.

هو حضرتك فاكر ان عبد الناصر مناضل؟ عارف عبد الناصر موقفه من كفايه كان هيبقي ايه؟ عبد الناصر هو احد اسباب البلاء اللي احنا فيه. مبارك يسير علي درب عبد الناصر.

لك اكن اتصور ان من ينادوا بالحريه هم من المؤمنين بمباديء سالب الحريات الاول في مصر.

عبد الناصر اللي ضيع سيناء . عبد الناصر اللي ابويا كان بيوشوش ابوه لحسن يتسمعوا و يتقبض عليهم و مباديء الاشتراكيه و القوميه العربيه و الوحدويه و القمعيه

أنا كان قصدي أن السيد المبجل عبد الناصر قضي على فرصة أن أي مناضل يوصل لأي حاجة، مش أن هو كان مناضل

أنا كان قصدي أن في حقبة ما قبل عبد الناصر كانت الناس بتقول نفس الكلام لأن هي دي المطالب فعلا و كان فيه شوية نتائج لكن من أول الضباط ما شرفوا العملية بقيت ضنك

و ده ملوش أي علاقة بأي قرارات صائبة و سياسات ايجابية قام بيها الظباط، أي حكم لازم يشوف شغله كويس لو كان ناوي يعمر، و غالبا لو الواحد دور بيطلع وراء الحاجات دي مؤسسات و أفراد ليهم استقلالية مش مجرد قرار جمهوري.

اسف ان كنت احتديت شويه بس انا ما باصدق الاقي حد متخلف يقول عبد الناصر الكرامه و الهجس ده

عالعموم بالنسبه للاحوال المترديه للبلد اري ان اي تغيير مادام لم يأتي من الشعب النايم الخايف فلن يأتي بنواب محترمين او حتي رئيس كويس لأن الناس نفسهم اصبحوا من كثره تقبلهم و تعايشهم مع الفساد اصبحوا فاسدين

التغيير عندما يأتي سيكون دموي من اللي طفح بيهم الهم و الغم التغيير سيكون بشع مثل الثوره الفرنسيه و ستعلق المشانق التغيير عندما يأتي يجب ان يكون ابشع من العراق لأن الشعب باظ

طب ماتروح تشوف لك شعب تانى ياكس امك

و متهيألي من بعض الكتب و المصادر اللي قرأتها و شاهدتهاو سمعتها ان النظام الديمقراطي كان يعاني من حاله ولاده متعثره ايام الملكيه بسبب الاحتلال الانجليزي و حرب 48

و لكن لو قارنا سلطات الملك حسب دستور 24 و سلطات مبارك و عدد الاجهوه الامنيه ايام الملك و ما بعد 52و المشاركه في الانتخابات و نسبه التزوير نقدر نعرف فين الديمقراطيه

علي فكره انا معاك في كل كلامك بس الفكره ان فيه ناس واخده موقفها السياسي اصلا عشان الناس ديه الناس اللي ما تعرفش يعني ايه صرف صحي وكهربا وسكان العشش والقبور

كلامك هو هو كلامهم بس انا مش عارف انت بتخالفهم ليه؟؟؟

يا جماعة المناضلين أكيد مهمين فى المرحلة دى علشان نخلص البلد من اللى هي فيه دلوقت، بس المرحلة اللى بعد كدة محتاجة حاجة أكبر من نضال أفراد، محتاجة يكون عندنا هدف و إستراتيجية واضحة إزاى نتحرك بالبلد لقدام بعيد عن الشعارات و الزعيق و الشتيمة -اللى طبعا حاجة سوقية جدا- يا رب نعرف نتعلم إزاى نختلف مع بعض، اللى عاوز يتعلم الحرية لازم الأول يتعلم إزاى يحترم رأى الأخر و يدافع عن حق كل واحد إنة يقول رأية، و إلا نكون بس بنجعجع بكلام إحنا مش قدة.

انا مش فاهم ازاي واحد يشتم كمال خليل حتي لو كان قصدوا اي حاجه تانيه كمال خليل ده ماشفتش حد لغاية دلوقتي اى كان توجهه ما بيحبوش

مش ها اقول بيكرهوا

المهم يا جماعه الموضوع مش موضوع فوز في الانتخابات الموضوع موضوع ان الناس لازم تسمع عن كمال خليل وكمال ابو عيطه وكل الناس بتوع التغيير لازم الناس تتصل بيهم وتعرفهم في حواري امبابه وفي كل حته

لازم نبقي حركه جماهيريه مش حركه نخبويه بتتصور بالكاميرات وبس

الناس هما اللي ها يغيروا مش المثقفين بس

الأخ اللى بيشتم ده قليل الأدب و مش متربى..حتى لو كان فيه بينه و بين علاء ده-أنا لا أعرف ده و لا ده- عداوة أو خلاف مش ممكن يقول كلام زى ده..اللى كتب الشتيمة فى موقع المفروض انه بيهتم بحاجات مهمة و محترمة يبقى انسان حقير و قذر

هو فين الاخ اللى بيشتم ده .. انت بترد على مين ..؟