You are here

وقفة احتجاجيه امام نقابة الصحفيين للافراج عن النشطاء السياسين

Primary tabs

نقابة الصحفيين شارع عبد الخالق ثروت - القاهرة

مجموعة من النشطاء السياسيين بالتعاون مع حركات التغيير في المجتمع

مجموعة من النشطاء السياسيين بالتعاون مع حركات التغيير في المجتمع تدعوا الى وقفة احتجاجيه امام نقابة الصحفيين السبت 15-7-2006 الساعه 6 مساءا امام نقابة الصحفيين شارع عبد الخالق ثروت للمطالبه بالافراج عن معتقلي كفاية كريم الشاعر ومحمد الشرقاوي واعضاء حركة الاخوان المسلميين الباقيين في سجون النظام

Comments

أنا مش عندي أزمة في موضوع المظاهرة بتاعة الخميس بس المشكلة إن مش فيه وقت علشان ننظملها .. فخلينا نبدأ بالوقفة و نحاول ننظم حاجة بعديها بيومين شوف أيه رأيك و قول لي .. أنا هعمل بانر للوقفة و هبعتهولك علي الايميل

موضوع الخميس اتلغى خلاص بناء على نصائح من لجنة الحريات

خلاص اوك .. وده بانر لليوم لو مش عاجبك قوللي أغيره

غيره

انا اولا عايز اعتذر ..لكن فعلا انا لغاية وقت متأخر جدا امبارح ..كنت قريت دعاوي ورقيه ليوم السبت ...لكن فعلا ...ويظهر ان الاخبار وصلت متأخره ...مظاهرة الخميس اترفضت لاسباب معينه وبشكر علاء انه ممررش تعليقي اللي كنت كاتب فيه كلام ممكن يلغبط ناس

لكن يمكن حكاية الغاء المظاهره دي كويسه علشان يوم السبت يطلع كويس زي مااحنا عاوزين

كلنا مع كريم والشرقاوي

الأعزاء

هايل ان احنا نقدر نعمل مظاهرة يوم الخميس، وبما ان انا مش متوقعة حشد، لازم نعمل حاجة جديدة تشد كاميرات الاعلام، لأن الموضوع خرج من دايرة الضوء، مثلا يبقي التظاهر للمعتقلين السابقين بملابس السجن ،يبقي فيه يفط هزلية ، مثلا: "يصعد يصعد حسني مبارك" وسهم لفوق وفوق السهم سحابة ، أو يافطة عليها "كلنا الآء" وتحتيها نمرة تليفون يمكن بسلامته يكلمنا ، أو "يعيش الفساد واحنا مش مهم" ولو ممكن نعمل بيان زي بتاع مختلين من أجل التغيير ، ممكن نحط بلاستر علي بقنا. . .المهم يعني عايزين نفكر ازاي المظاهرة دي تبقي مختلفة عشان التغطية الاعلامية.

ما قلنا مفيش يوم الخميس. يوم السبت السبت

ان شاء الله المظاهره تكون كويسه و ان شاء الله هحاول احضرها دى المدونه بتاعتى elwalada.blogspot.com ارجو الزياره و المشاركه شكرا فدوى

أنا مش فاهم ليه قدام نقابة الصحفيين, الموضوع أشاسا مش عن الصحافة بصفة خاصة ولا حد من المقصودين صحفي, أنا على أي حال مش رايح لأن الموضوع عن عدد من الأفراد مش عشان قانون مثلا مش مستاهلة سفر, بس غير كده لو ممكن نتظاهر على قانون الطوارئ -سبب كل مشاكلنا(المباشر)- ممكن ناس كتير تحضر فممكن يكون في لاظوغلي مثلا

قانون الطوارئ شبب كل مشاكلنا ده تبسيط مخل، الوضع الحقيقي أسوأ من كده بكتير، القانون العادي منيل بنيلة برضه.

مثلا قانون الطوارئ لم يستخدم بالمرة ضد الناس اللي تضامنت مع القضاة، القبض علينا و احتجازنا و تكديرنا و تعذيبنا و ترهيبنا و بهدلتنا و التهم اللي وجهت ضدنا كلها ملهاش أي علاقة بقانون الطوارئ.

لكن ده مينمعش أن ده موضوع كويس و يستحق مظاهرات و شغل كتير، و ميمنعش أن لاظوغلي مكان مناسب لمظاهرة زي دي.

طبعا هو تبسيط مخل لأني أشاسا مش بناقش فكرة مظاهرة, أنا بس بقول ان مظاهرة عن حد مش هيحضرها عدد كفاية, أو على حجم الحد ده, مش على قيمته كإنسان, أقصد بحجمه يعني لو كان بيرمز بالنسبة للناس بقضية معينة, لكن أأكدلك اني لو كنت في القاهرة يوم السبت لازم أحضرها, لكن الاحتمال ده تقريبا صفر. المهم أقصد لو ممكن نناقش موضوع حي زي القانون -مش واحد يفرجوا عنه بعدين يمسكوه تاني أو يمسكو غيره لأنه هيكون اتعرف- و قدامنا عدد من القوانين منهم مثلا اهانة الرئيس ليه ميبقاش سب و قذف عادي, أو قذف محصنات حتى, و لازم يكون لينا مطالب محددة زي ما قلت في قذف الرئيس مثلا, لكن رأيي على قانون الطوارئ عشان ملوش بديل, يعني معنديش اقتراحات بديلة, ملوش سبب أشاسا. بعدين بالنسبة للمكان يعتمد على الحوار نفسه, يعني موضوع شرقاوي و كريم و الاخوان اللي معاهم ملهمش دعوة بالصحافة لكل مقال مقام

الوقت لايسمح للعب الان الوقت الجد والجد فقط ارجوا منك ياءخ علاء ان تناْ ي الفاظك شويه كما انني يحزنني وانا في اى مظاهره ارى بعد الاخوه المتظاهرين يمزحون مع الشرطه ليه مش عارف دا جاي يضربني اهزر ميعاه ليه