You are here

د. سالم سلام يكتب: عدم تعيين معيد بجامعة المنيا - القصة الحقيقية

Primary tabs

فاكرين د. سالم سلام؟ عضو مجموعة 9 مارس اللي قدم استقالته من منصبه كرئيس قسم طب أطفال بجامعة المنيا اعتراضا على التمييز الديني في القسم؟

اقرأ للدكتور و متنساش تعدي على موقع مجموعة استقلال الجامعة (9 مارس)


رصد كتيب "لا للتدخلات الأمنية فى الجامعة": الطبعة الثانية مارس 2006 والصادر عن جماعة 9 مارس فى الجزء الخاص عن "الأمن وتعيين المعيدين" حالة السيد/ عبد الله ابراهيم زنونى ابراهيم خريج كلية الزراعة جامعة المنيا عام 2004 بتقدير ممتاز مع مرتبة الشرف والذى كان ترتيبه الأول على دفعته وتم ترشيحه للتعيين فى وظيفة معيد بقسم المحاصيل -حيث أنه الأول على الكلية والقسم- من قبل القسم والكلية، ولكن رئيس جامعة المنيا رفض استكمال إجراءات تعيينه وتم تعيين المرشحين الثلاثة الآخرين الذين جاءوا فى الترتيب الثانى وحتى الرابع فى الأقسام التى رشحوا للتعيين بها (أنظر صفحة 9 من الكتيب المشار إليه). وباقى القصة يعلمها الجميع أيضا حيث ترسل الجامعات تقارير عن المرشحين للتعيين فى وظائف المعيدين لإدارة الأمن بوزرة التعليم العالى بشارع المبتديان والتى ترسل بدورها هذه الأسماء لقسم خاص بقطاع مباحث أمن الدولة بوزارة الداخلية لاستطلاع رأى الأمن حتى يمكن النظر فى استكمال إجراءات تعيينهم. وجاء الرد بالنسبة لحالة عبد الله بالرفض، ولم تكن أسباب الرفض خاصة به بل لأن أسرته لها ميول إخوانية حيث أن والده هو الزميل الأستاذ الدكتور/ ابراهيم زنونى الأستاذ بكلية الزراعة جامعة المنيا وأحد قيادات الاخوان المسلمين بمحافظة المنيا (نجح بعدها والده فى الحصول على عضوية مجلس الشعب فى الانتخابات الأخيرة عن دائرة مغاغة محافظة المنيا وهو حاليا ضمن مجموعة اﻠ 88 أعضاء كتلة الاخوان المسلمين بالبرلمان) أى أن السبب الحقيقى لرفض تعيين عبد الله بالجامعة ليس أنه متشدد دينيا ولكن بسبب ميول الأب السياسية وهى مخالفة صريحة للقانون والدستور.

ولعدم إحراج وزير التعليم العالى الذى أكد كثيرا أن الأمن لا يتدخل فى الجامعات، فلقد صرح الدكتور/ عبد المنعم البسيونى رئيس جامعتنا الشهير بأن سبب عدم تعيين عبد الله يعود إلى مشاركته فى مظاهرات طلابية داخل حرم الجامعة أثناء دراسته. وحقيقة الأمر - كما نعلم جميعا أيضا - أن هناك قرارا قديما من الدكتور أحمد فتحى سرور رئيس مجلس الشعب الحالى – وقت أن كان وزيرا للتعليم العالى فى أواخر الثمانينات- يلزم الأمناء العامين للجامعات بعدم تسليم العمل لأى معيد أو عضو هيئة تدريس يعين بالجامعة إلا بعد حصوله على موافقة الأمن بالآلية السابق الإشارة إليها، ثم أن هناك قرارا للمجلس الأعلى للجامعات صادر فى 22/1/2000 باعتبار موافقة الجهات الأمنية مسوغا أساسيا للتعيين وبضرورة استطلاع رأى الأمن قبل تعيين المعيدين تحديدا ضمن سياسة "تجفيف المنابع".

لقد نظمت 9 مارس وقفة احتجاجية يوم الأربعاء 3 مايو 2006 على سلالم أكاديمية البحث العلمى بشارع القصر العينى حيث يقع مكتب وزير التعليم العالى "من أجل جامعات ديمقراطية يحترم فيها القانون" ولقد جاء بالبيان الصحفى الذى وزع يوم الوقفة أن تدخل الأمن فى تعيين المعيدين (ومن ضمنهم حالات فى جامعات مختلفة منها حالة عبد الله) كان أحد أسباب هذه الوقفة.

ومؤخرا تقدم الزميل الأستاذ الدكتور/ سعد الكتاتنى الأستاذ بكلية العلوم جامعة المنيا ورئيس كتلة الاخوان بمجلس الشعب بطلب إحاطة إلى لجنة التعليم بالمجلس بسبب عدم تعيين عبد الله وبسبب انحرافات أخرى لرئيس جامعة المنيا منها السكوت عن سرقات علمية مثبتة وعن تسريب امتحانات وعدم تسليم العمل لعاملين حصلوا على أحكام قانونية نهائية بأحقيتهم فى التعيين بالإضافة إلى حصول أحد هؤلاء مؤخرا على حكم بعزل رئيس الجامعة وحبسه لمدة شهر بسبب امتناعه عن تنفيذ حكم قانونى نهائى. وبعد ذلك تناولت الفضائيات والصحافة الموضوع بالنقاش وأدانت موقف رئيس الجامعة وأكاذيبه (برنامج القاهرة اليوم لعمرو أديب وجريدة المصرى اليوم يومى 28، 29 يونيه الحالى).

ولدينا الاثباتات المؤكدة بأن رفض الأمن فقط هو سبب عدم تعيين عبد الله على عكس ما يشيع رئيس الجامعة من أن عبد الله يفتقد أحد شروط التعيين وهو حسن السير والسلوك. لقد طلب والده من عميد كلية زراعة المنيا شهادة عن سلوكيات عبد الله طوال سنوات الدراسة لتقديمها إلى لجنة فض المنازعات بالجامعة التى تقدم إليها عبد الله بتظلم لبحث إمكانية تعيينه. وجاء بإفادة الكلية المعتمدة من عميدها أ.د. محيى شلباية – وهو بالمناسبة ليس من المعارضين وليس عضوا بجماعة 9 مارس – أن عبد الله لم تصدر ضده أى جزاءات تأديبية خلال فترة دراسته بالكلية وبأنه تم اختياره طالبا مثاليا على مستوى الكلية فى عامه الدراسى الأول عام 2000/2001(بالطبع صدرت هذه الإفادة بعد مراجعة ملف عبد الله المحفوظ بشئون الطلاب ورعاية الشباب بالكلية).

كما أن رئيس جامعتنا قد كذب مرة أخرى حينما ادعى أن الكلية أفادت بأنه ليس حسن السير والسلوك فلقد صرح عميد الكلية لمجلة صباح الخير مؤخرا أن الكلية ليس لها أية علاقة بعدم تعيين عبد الله حيث أنه رشح من قسمه ومن كليته ولديه ما يفيد بأنه حسن السير والسلوك طوال مدة الدراسة وأن من يجب أن تسأل عن أسباب عدم تعيينه هى إدارة الجامعة فقط.

هذه حقائق ربما نعلمها جميعا ولكن أردت فقط إعادة التذكير بها.

د.سالم سلام

أستاذ طب الأطفال بجامعة المنيا

عضو كفاية وعضو مجموعة العمل من أجل استقلال الجامعات (9 مارس)

Comments

والله لو أجتمعت الجنس والانس لتوصيف الحاله المصرية لعجزوا – ولكن اخيرا استطاع فرد ان يوصف حالتنا علي النوح الاتي:

مرة الريس عايز يزود شعبيته فقال لرئيس الوزراء يعلي الأسعار فالناس تتضايق يقوم هو ينزلها، فعلا رئيس الوزراء زود الأسعار، بس الناس ما اتكلمتش، عادي خالص0

الريس استغرب قوي، وقاله: طب خلي الضرايب على المرتبات خمسين في المية. زود رئيس الوزراء الضرايب خمسين فى المية، الناس هزت دماغها وسكتت.

الريس اتجنن وقال لرئيس الوزرا: بص، طلع أي قرار غشيم من عندك يخلي البلد تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت وضربت كف بكف ودفعوا،

فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية، الناس قالت اللهم طولك يا روح و أمرنا لله و دفعوا.

رئيس الوزرا كبرت فى دماغه، وأمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه، و نزل الريس بنفسه متنكر يتابع الموقف، الناس تدفع وهية طالعة الكوبري عشرة جنيه، و عشرة جنيه و هية نازلة و تاخد على قفاها وتمشي،

شوية و لقى واحد بيزعق و متضايق، وطى على ودنه قال له "مالك؟" قال له >"حاجة تقرف! أنا متعطل هنا بقالي خمس ساعات..ما ينفعش كدة ..لازم يزودوا الناس اللي بتدينا على قفانا!!!!!!!!"

بصراحة يل جماعة دة احسن توصيف لحالة المصريين

Soon we will need FBI approval to get the post.

انا كنت بدرس في نفس الكلية وفي نفس سنوات دراسة الطالب عبد الله ابراهيم زنونى ابراهيم والصراحة الطالب دة كان اشطر واحد في الكلية ويستحق فعلا انة يكون معيد بشهادة الجميع بس المشكلة مش فية المشكلة كانت في ابوة وافكارة المتشددة واللي كان بيحاول يقنع الطلبة بيها زي مثلا ان استعمال اريال "مسحوق الغسيل حرام عشان الشركة اللي بتنتجة صهيونية وكمان تشجيع الكورة حرام وافكار متشددة زي دي في اوقات الدراسة خصوصا في السكاشن

في ملحوظة مهمة قوي : عبدلةة لية اخ اكبر منة ومتعين معيد في الكلية عادي قبل ما ابوة يزود نشاطة ويعلن افكارة

الحاجة التانية اللي هتكلم عنها هي منظومة الفساد في كلية الزارعة جامعة المنيا وهي بصرحة كدة عاملة زي العزبة بتاعت الدكاترة واولادهم والظاهرة دي ابتدت في سنة اولي لقينا كل دكتور لية ابن او بنت في الكلية والمصيبة انهم كدة من الاخر الاوائل بتوع الكلية يعني اول عشر طلبة كدة مرة واحدة اولاد دكاترة اما عن مستواهم او احقيتهم اساسا انهم ينجحوا فدة امر مستغرب جدا خصوصا لو عرفنا طريقة نجاحهم كدة

الطالب او الطالبة بيكون معاهم الامتحان قبل ما يدخلو ودة كان سبب تسرب امتحانات كتير قوي كانت بتوصل لاغلب الطلبة اللي ليهم علاقات بيهم او زمايلهم المقربين وطبعا كانت بتوصلني الامتحانت في الليل قبل الامتحان بيوم او الطريقة التانية بقي ودي المصيبة الاكبر وهي ان الطالب لما ميعرفش يحل حاجة يسيب ورقة الاجابة فاضية ويروح البيت يستني بابي الدكتور يجيب ورقة امتحانة من زميلة الدكتور رئيس الكونترول ويملي الاجابات الصح وترجع تتصحح ويجيب الدكتور الصغنن الدرجة النهائية ويهيص طبعا

دي حكاوي قليلة انا كنت شاهد عليها وما خفي كان اعظم

علاء حمد للة باسلامة وربنا معاك واتمني اشوفك اما تيجي تاني المنيا

يا اخى حرام عليك اقسم بالله ان هذا لن يحدث على الاطلاق وانا ابن دكتور وبعدين لماذا لم تذكر ان ابناء الدكاترة لم يعينوا معيدين مثل ابن الدكتور محمود محيى وابن الدكتور متولى وابن الدكتورة سامية وغيرهم كثيرون حرام عليكم سوف تحاسبون على هذا الكلام

الب الاخ اللي بيقول انا دة لن يحصل وان انا هتحاسب علي الكلام دة

حكاية انك ابن دكتور خليها علي جنب دلوقتي

ثانيا تنكر ان فعلا الاوائل في الكلية اولاد دكاترة

وانا اثتثنيت منهم عبداللة دة عشان انة فعلا كان بيزاكر وشاطر

ثالثا انت كدة عارف الدكاترة والادهم في الكلية وعارف اساميهم كمان طب مفيش مشاكل وهو من امتي الكلية بتعين العشرة مرة واحدة يا سعادة الباشا في الغالب الكلية بتاخد اول اربعة او خمسة بالكتير يعني اولاد الدكاترة اللي انت ذكرتهم كانو من الترتيب الخامس الي العاشر ومعلومة صغيرة اقولهالك كدة في ودنك تعرف ان عبدلله كان في سنة اولي بيدرس في كلية سياحة وفنادق وسقط اول سنة وحول زراعة ؟؟؟؟؟؟؟؟؟؟

رابعا انت ذكرت ابناء 3 دكاترة بيدرسو في الكلية وبتقول غيرهم كثيرين طب بالعقل كدة اية معني ان كل دكتور يروح يجيب ابنة يدرس في الكلية وتعرف ان مجاميعهم كبيرة في الثانوية العامة يعني اكتر من 80 % وكلهم داخلين زراعة اللي بي 50 % بالعقل كدة لية

الحكاية اللي انا حكيتها دي انا متاكد منها 100 % ومرضتش اجيب سيرة حد او اذكر اسم الا عبدلله عشان المشكلة خاصة بيه هو اما اولاد الدكاترة التانين انا مش هذكر اساميهم وانت عارفهم اكيد

ودفاعك عن اولاد الدكاترة امر مش مستغرب لانك واحد منهم وحسيت اني بتكلم عنك شخصيا ودة حاجة خاصة بيك انت لوحدك انا معرفكش بس علي راي المثل اللي علي راسة بطحة يحسس عليها وشكرا

نظام استطلاع الرأي مش فعال بدليل وجود عدد كبير من المتطرفين و المتمردين في اعضاء هيئة التدريس

و مش فاهم انتم ازاي فاكرين ان التعيين في الجامعة حق مكتسب!!!!

المفروض كل جامعة لها الحق في القبول او الرفض بدون ابداء الاسباب المشكلة في انهم بيعنوا اولادهم و محاسيبهم زي ما بيحصل في كليات الطب

علاء ظهورك فى برنامج اليوم السابع على ام بى سى مع محمود سعد كان خطوة على طريق انك تكون شخصية عامة لا يستطيع وطاويط النظام ان يتخلصوا منها بدون اثارة الراى العام مبروك وانت تستاهل انك تكون شخصية جماهرية ـ قلت فى الحلقة ان الحكومة اغلقت عدد من مواقع التدوين ـ عدد 11 على ما اتذكر فهل موقع مدونة ابوالليل واحد منهم ـ كان ابوالليل دائم الهجوم عليك ولكنة تعاطف مع مالك قبل ان يختفى من عالم التدوين ـ ياترى عندك اجابة ؟

آسف اذا كان كلامي كان مش واضح على التلفزيون، لم تغلق أي مدونات مصرية حتى الآن و مستبعد جدا أن الحكومة تاخد خطوة زي دي، لسه المدونات قرائها قليلين و جمهورها و تأثيرها محدود (بغض النظر عن الاهتمام المبالغ فيه من الاعلام التقليدي).

المواقع المقفولة في مصر مواقع زي حزب العمل و جريدته "الشعب" و بعض مواقع الأخوان المسلمين و موقع الميثاق العربي و حاجات كده.

أبو الليل متعود يقطع و يرجع و فيه مدونين كتير بيبطلوا خالص أو ينقطعوا من غير ما يجيبوا سيرة مينفعش نقلق لمجرد أن مدون بطل يكتب.

و بعدين محمود سعد ايه اللي اتفرجت عليه وقت الماتش، حد يسيب كاس العالم برضه.

شكرا ياعلاء على الرد ـ متئلقش انا شفت الاتنين لانى حاليا فى امريكا والماتش كان هنا قبل اليوم السابع ـ مبروك الجايزة لجدك الدكتور سويف ـ وانت ياواد محظوظ جدك وقف ضد حكم العسكر بتوع اتنين وخمسين والوالدة ـ بنت الوز عوام ـ ووالدك يعنى ليك الحق بحكم الناس الافاضل دول انك تكون مثال جيد لشباب مصر استمر ولازم حتستمر لانك نشات مع الافاضل دول بس كون حذر ـ على فكرة انت تعرف مين ابو الليل ـ انا من المعجبين بطريقة عرضة للمواضيع لك تحيات

على فكرة أنا زميل أخو عبد الله زنزني مصعب فعلا أخو عبد الله الكبير متعين في الكلية ... والسبب مش إن نشاط أبوه ساعتها ما كانش ظاهر .. لأ طبعا ...ولكن السبب إن الظابط اللي كتب التقرير الأمني عمل عبيط...

الظابط كلم عبد الله وقالله معلش ، اللي حصل مع أخوك مش هايحصل معاك ، أنا بعد تعيين أخوك إتعمللي إعادة نظر...

وعلى فكرة إبن هذا العضو مصعب إعتقل بالرغم من وجود وأبوه في مجلس الشعب وتم الإفراج عنه.... ومش عبد الله أول عضو يرفض تعيينه بالدافع الأمني ... ولكنه أحدهم ... و99 من الناس اللي بيترفض تعينهم بيبقوا بسبب إنهم من الإخوان..

عندكم حق والله ومهما عملوا هي دي طبيعه المصريين هيخدوا على دماغم ويسكتوا برضه

بصراحة وبدون كذب اللي بيحصل في جامعة المنيا ده مهزله لان رئيسها فاكر انها العزبة الخاصه بيه