You are here

قضية 415 حصر أمن دولة عليا سنة 2006 أنتهت

Primary tabs

تم أخيرا الافراج عن كل المعتقلين على ذمة القضية 415 حصر أمن دولة عليا، و دي واحدة من ضمن العديد من القضايا اللي اعتقل على حسها المتضامنين مع القضاة.

415 شملت معتقلي كفاية دفعات 26 و 27 أبريل و دفعة 7 مايو اللي اتحبسوا كلهم (و أنا منهم) في سجن طرة تحقيق (المحكوم).

آخر من أفرج عنه هو كريم (كوفو) رضا ، رفيق زنزانة 7/ا اللي قضيت فيها أصعب يومين في السجن. كريم كان أصلب و أقوى واحد في المجموعة كلها بلا منازع، اتحمل التأديب خمس أيام، اضرابين عن الطعام و أتحمل أبشع رحلة افراج يمكن تخيلها.

كريم تم ترحيله بالغلط الي الاسماعيلية و قضى يوم الخميس كله في تراحيل خط سيرها:

  1. الشرقية
  2. دمياط
  3. بور سعيد
  4. الاسماعلية
  5. القاهرة

و طبعا كل ده في عربية تراحيل حقيرة سيئة التهوية و بيسوقها سائق أرعن غالبا بيسوق بسرعة جنونية (تابعوا في الجرائد كم حوادث انقلاب عربات التراحيل)، تصور يوم بالكامل بتلف كعب داير في عربية لا فرصة تنام و لا تدخل حمام ولا فرصة تطمئن أهلك.

في القاهرة اتعرض كريم على أمن الدولة في لاظوغلي و بعدين اترمى كريم في حجز قسم الخليفة (لسه معرفش دخل زنزانة وسخة ولا زنزانة كويسة بكره كريم يحكيلنا التفاصيل) و قضى الجمعة كله في الخليفة.

و يوم السبت اتنقل لمديرية الأمن للكشف عن أي بلاغات ضده (على أساس أنه مجرم خطير و كل يوم بلاغين) و بعدها أتنقل لقسم شرطة الضاهر (القسم التابع ليه محل اقامته) و اتركن في التخشيبة أغلب النهار لكن كريم كان أسد و اتخانق و رفض يدخل زنزانة جنائيين مزدحمة و هدد ظباط القسم، و بعدها اتنقل لنيابة أمن الدولة لعمل اجرائات صحة افراج (خد بالك نفس النيابة أمرت بالافراج عنه يوم الأربع من غير حتى ما يعرض على النيابة، يعني وكيل النيابة الواطي بيعترف أن عيل و كلمته تنزل الأرض و ممكن يرجع في كلامه).

كل ده و أحنا متصورين أن كريم في الزقازيق.

لكن لحسن الحظ اتعرض سامح العروسي على نيابة أمن الدولة في نفس الوقت و قابل كريم و بلغنا أنه هيترحل تاني على أسم الضاهر عشان يخلص الاجرائات هناك.

و قضى كريم الليلة في تخشيبة قسم الضاهر و رغم أن ظابط المباحث وعد بأنه هيخرجوا على الساعة 8 مساءأ لما يتأكد من محل اقامته فضل كوفو في الحجز لحد الساعة 1 صباح يوم السبت.

قضي كريم ثلاث ليالي في تراحيل و اجرائات افراج، لو كنت مكانه كانت أعصابي انهارت تماما، لكن زي ما قلت كريم أصلب واحد فينا، لما كلمته لحظة خروجه أول حاجة قالهالي "عايزين نتقابل و نتناقش"

عقبال صديقي الشرقاوي و باقي المعتقلين
و سلملي على النائب العام


زرت الشرقاوي النهاردة و اتمأنيط على أغلب الزملاء بالتلفون و الزيارة و أخيرا جه وقت النوم.


للي فاته أقرأ الشرقاوي يحكي عن كريم كوفو

Comments

Sharqawi posted on Kareem Kovo.. he seems to be really a special guy..

الف الف مبروووك , بس يا ترى الصبح بعد النوم حايبقى فية جديد http://ineedtoknown.blogspot.com/

أولا حمد الله ع السلامة يا علاء:)و منور البلوجات.

طبعا بأقول الكلام ده و أنا مش قادرة أحط نفسي مكانك و أتخيل واحد حبسوه بعيد عن أهله و الناس و الحاجات اللي بيحبها لما يلاقيها رجعت له تاني مرة واحدة ممكن يكون إحساسه إزاي.

لكن أكيد هي تجربة إنسانية مختلفة اتعلمت منها كتير عن نفسك وعن اللي حواليك، و دي ممكن تبقى أكبر خدمة يقدمها لك نظام زي اللي عايشين في ضله المهم مايقدروش يكسروك ..و الحمد لله ماحصلش

فيه ناس بيوصفوا جيلنا بأنه "أنضج سياسيا" و ده جايز حقيقي، إنما أتمنى نبقى "أنضج إنسانيا" لأن ده اللي ممكن يفرق و يخلي جيلنا يتفادى أخطاء و خلافات الجيل اللي قبله..ده بمناسبة كلامك عن شباب الإخوان و بمناسبة اللي هما عملوه معاك مبروك خروجك و كريم و عقبال الشرقاوي و الباقي

حمد الله عل السلامه يابطل - لكن للاسف بلا جدوى فشعبنا خانع ومستسلم وزى ماقال عنه جمال حمدان المشكله فى الجينات الوراثيه -الدنيا اتغيرت ورجعت زى الاول الشعب ملهى على عينه فى الاكل والكوره والامتحانات والفاسدين ماشيين فى طريقهم لبيع البلد وتوريثها لننوس عين امه وحتى القضاه اللى اتبهدلتوا عشانهم استكانوا وحضر جمعيتهم العموميه الاخيره بس 500 قاضى والباقى نسيواالقضيه وزى ماقال لى قاض منهم ان النظام بدأ يستهين بهم ويتحرش بهم ولذلك هم لن يصعدوا الامور اكثر من كده على ايه حال مافعلتوه سيذكره التاريخ بكل فخر كما سيذكر الفاسدو زبانيته بكل قرف ولكى الله يامصر

بعد حمدلله على السلامه بليز يا علاء عايزين نعرف اخبار الشرقاوى يوم بيوم http://www.ladyofanthrax.blogspot.com/

Mabrouk and welcome again to your blog

علاااااء حمدله علي السلامة يا ملك D: وحشتني قوي بجد ..نورت الدنيا كلها يا معلم ... علاء لو رحت لشرقاوي سلملي عليه كتييير قولوا عمر بيسلم عليك ..انا نفسي أشوفه بس كل ما أسئل حد يقولي انه مش ينفع .. دروبي قالي مرة انه رايحلة بس مش هينفع اروح معاه .. ومالك كمان قالي انه بعرف يدخل علعموم سلملي عليه كتير .. سلاااام .. آآه صحيح أوعي تتجنن زيه و ترجع تاني أنا شلت البانر بتاعك من البلوج خلاص

TAKE GOOD CARE MA BIG BRO :D AND send ma heos to MANAL n Uncle Ahmad n Tant Layla

بعد حمد الله علي سلامتك يا علاء، ليا سؤال

This might be trivial, but I've always been curious: how was it like for a guy with spectacles in prison? was it cumbersome? was it extra challenging in any way?

cheers.

it makes playing volleyball difficult :-)

well those who lost their spectacles while being arrested had it tough, it's no fun to walk around prison when you're half blind and it's difficult to get to an optician and get new glasses and stuff.

but if your glasses survived or if your family managed to send you your spare pair, then it's fine you just have to remember to store it in a high place when you're sleeping to avoid someone stepping on them (cells are crowded and you sleep on the floor, there is almost no storage space).

تصدق فعلا انك وحشتنى... مع انى مكنتش بخش هنا كتير ولا عمرى شوفتك... بس فى ناس كده بتبقى موجوده فى حياة الواحد وهو مش واخد باله انهم موجودين... حمدالله على السلامه.... ليك فى ذمتى حضن كبير اما اشوفك.. وده وعد مش تهريج :).... عقبال شرقاوى

يا سلام ده ايه الهنا اللي أنا فيه ده

يا فندم أنا أتحبس كل شهر لو الموضوع فيه أحضان.

أنت عارفة طبعا قد ايه أنا بحب مدونتك و بعتلك سلامات مع منال لما عرفت انكم اتقابلتم مرة.