You are here

دعوة للتظاهر: ليكونوا آخر ضحايا الطائفية و التعصب في مصر

Primary tabs


دوران شبرا – محطة مترو روض الفرج


الحملة الشعبية من أجل التغيير - الحرية الآن


الحملة الشعبية من أجل التغيير (الحرية الآن)

ليكن المواطنان نصحي جرجس و مصطفى مشغل آخر ضحايا الطائفية والتعصب في مصر

دعوة للتظاهر

الخميس 20 ابريل الساعة الخامسة مساء

دوران شبرا – محطة مترو روض الفرج

هل الأمن متواطئ ؟
لا أقل من القبض على القتلة ومعاقبتهم ..

لا للطائفية .. لا للتمييز الديني .. لا لاضطهاد المسيحيين
نعم للمساواة .. نعم لحرية الاعتقاد

Comments

تسمية الأشياء بمسمياتها أمر جيد - التساؤل عن تواطؤ الأمن في ظل سوابق كثيرة آخرها ما حدث في الوفد مثلا ثم لا لاضطهاد المسيحيين أعجبتني صراحة و مباشرة الدعوة سأحضر

اقتراحات:

لافتات (فرخ ورق ابيض الصق عليه كاريكاتير معبر من ايها جرنان او موقع عن الوحدة و كبّـره- او ارسم عليه شعار مناسب للوحدة الوطنية باقلام فلوماستر و ضع خطين اسود و احمر في اقصى يسار الصور- رمز علم مصر) - هتافات موحدة - موديلات ورقية - مقالات محايدة عن حقيقة ما حدث( كل من سيحضر بوسعه المشاركة بشيء مثلا - صور على الاقل 50 نسخة(بـ3جنيه موش اكتر) من مقال او عمود محايد عن الفتنة الطائفية التي ستعصف ببلادنا لو لم نتداركها - احنا ماعندناش رصيد كبير في الازمات نتكيء عليه بقدر الوحدة الوطنية سكوتنا على تواصل عمليات الفتنة هو مشاركة فيها

مقال د/ محمد السيد سعيد أكثر من رائع

يمكن تبسيطه مع الإبقاء على الجزء الذي يتحدث فيها عن ضرورة التحرك السريع و احترام القانون (وفي كل الأحوال يجب النظر سياسيا الي التحريض علي العنف الطائفي كخيانة للوطن‏.‏ ويجب تبني حملة اعلامية فورية تساوي بين جريمة العنف الطائفي وخيانة الوطن‏,‏)

ممكن أصور منه 200 نسخة و راح ابعته لكم بعد تبسيط بعض عباراته و ايضا ليصل لصفحة واحدة http://harakamasria.org/node/5758

it doesn't this must be a problem with the dns server you use (maybe your isp signed a deal with the devil, happens quite often).

انا برده اللينك بتاع الحملة بيودينى ميكروسوفت , مش عارفة ايه السبب . انا مش فى مصر يمكن ده يكون السبب . و ده مش على البلوج هنا بس انا جربت من كذا لينك للحملة كذا حتة.

الفكرة ممتازة بجد، لكن أحب أقول لك إنّ يوم الخميس الساعة خمسة ده تقريباً أزحم (أو ثاني أزحم) يوم تمتلىء فيه الكنائس. فهو بداية الاحتفال بليلة الجمعة الكبيرة، أي ما بعد العشاء الأخير وأحداث محاكمة المسيح بحسب الأناجيل المعترف بها لدى المسيحيين.

يقوم بعض المسيحيين ليلة الخميس أيضاً بتقليد (غالباً غربي) بطواف سبعة كنائس لتتبع سبعة خطوات محاكمة يسوع/عيسى الناصري. ما أعرفش ده هيكون عائق أم مشجع أم ...؟ R

لم اشترك من قبل فى مظاهراتكم رغم انه يهمنى المشاركة فيها لكن هذه المرة بالتأكيد سأشترك كقبطى يرفض كل ما يدور حوله ويريد العيش فى سلام

أنا كنت عايز اقول نفس كلام رامي، الخميس ده بيبقى زحمة جداً في الكنايس و بالتالي هايبقى صعب على المسيحيين إللي بيحبوا يحضروا الكنيسة في اليوم دة المشاركة

رامي: عمري ما سمعت عن موضوع السبع كنايس ده؟!!

الميعاد صعب بس مش مستحيل.. الأسبوع كله زحمة وبعده شم النسيم... ممكن شم النسيم يبقى فرصة؟

"رامي: عمري ما سمعت عن موضوع السبع كنايس ده؟!!" دي بدعة كاثوليكيّة!!

R

اسلوب الكشافه ده عمره ماحيحل المشكلة اسف اذا كنت أبدو سلبى لكن حقيقى الحكومه عمرها ما حتتحرك بناء على مثل تللك التجمعات.

هو للأسف نصحي مش آخر الضحايا.. آخر الضحايا هو مصطفى السيد مشعل , مسلم 47 عاماً, ضرب على رأسه بعصا في المظاهرة التي صحبت جنازة نصحي!..

المصدر: http://news.filbalad.com//News.asp?NewsID=12394

ممكن صورة للضحيتين ؟

لعمل بوسترات ؟.

على فكرة يجب ان نحاول ان تكون مساحة الهتاف معقولة و مختارة بعناية و ايضا ان يكون هناك حوار عام مع الناس/ خطاب باللهجة الدارجة موجه/ للناس و ليس فقط هتافات و نرددها

ممكن نشغل سي دي عليه اغاني وطنية + اغنية المسيح لعبد الحليم الاغاني مناسبة لخطاب الناس العادية و تجميعها- خصوصا لو العدد موش كبير في بداية التظاهرة في ناس من المتظاهرين ممكن ما يعجبهاش حكاية الاغاني الوطنية لكنها غالبا ها تعجب الناس اللي ف الشوارع

ممكن في النقاش مع العامة توضيح خطرالفتنة عندك نماذج قريبة من عقل المواطن العادي كالعراق و لبنان مثلا ممكن نوضح معنى ان الام تبقى مرعوبة طول الوقت على ابنها اللي راجع م المدرسة لان البلد موش امان فكرة الامان مهمة فتنة طائفية يعني تدمير لحالة استقرار نسبي نعيشها

يا جماعة الدعوة للمظاهرة أونلاين مش كفاية لازم يكون فى مواد نقدر نستخدمها فى الدعوة للمظاهرة على الارض و فى الجامعات انا بالنسبة لمكان المظاهرة انتوا مش شايفين انها لازم تبقى فى الاسكندرية مكان الحداث كلها و اكتر حته الأقباط اتجرحوا فيها

========= sorry for posting this here but i couldn't find your email or i didn't look good enough i noticed that the aggregator stoped aggregating my blog so plz could you check it if you have time

المزيد من التفاصيل يا جماعة والكل مشارك بإذن الله ..

ايه سبب اختيار الموقع ده بالذات؟؟ ايه اللي نقدر نعمله في الايام اللي جاية لمزيد من الفعالية والنظام ؟؟ مش عايزين شعارات الوحدة الوطنية اللي فقعتنا .. عايزين كلام منطقي نقدر نطالب بيه ؟؟

عايزين شوية تفاصيل زيادة

غالبا اختيار الموقع بسبب أن شبرا حي فيه نسبة عالية من المسيحيين و عدد كبير من الكنائس المهمة و اعتبر تاريخيا حي يمثل كل طوائف و طبقات مصر، و فيه نظرة معرفش رومانسية ولا نابعة عن الحقيقة أن الفئات المختلفة الكتير دي كانت عايشة في ود و سلام حقيقي لحد قريب.

لا يا علاء مش رومانسية ولا حاجة ..

فعلا شبرا من اقدم واعرق احياءالقاهرة وفيه نسبة ضخمة جدا من المسيحيين ولا اذكر ابدا (وانا من سكانه) انه شهد واقعة عنف طائفي واحدة والحمد لله ..

الحي يتميز بوجود مناطق شعبية جدا .. المسلمين فيها سايحين على المسيحيين ولو دخلت حي زي الشرابية وهو احد ملحقات الحي العتيق ستجد ان المسيحيين يعيشون مع المسلمين في نفس العمارة بل وفي نفس الشقة بل وبحمام مشترك ... وده طبعا ليس اظهارا لمقدار عمق الوحدة الوطنية قد ما هو معاناة من الفقر والقهر الذي اصبح دينا رسميا للجميع .. (وهذا من انجازات النظام بالطبع) ..

كما ان هناك مناطق سمعت ان الشرطة لا يمكنها اصلا الاقتراب منها ولا اختراقها على الاطلاق ولم يفكر احد في ذلك .. !!

وهو فعلا حي يمثل جميع الطبقات في مصر ففيه تجد سكان الرصيف والعشش والغرف المزدوجة وايضا سكان ابراج النيل والسيارات الفارهة ...

يا استاذ محمد حبيب استاذ نصحي هوا اخر ضحية شيوخ الكراهية والحقد والتخلف والجهل انما ضحية الأمن فده ساير على الكل ويظهر أن احنا أخدنا عليه شكرا وقلبي معاكم

انا روحت موقع الحملة انتوا بتكلموا مين بالظبط يا جدعان عايزين كلام نكلم بيه الشعب الجاهل نكلم بيه الناس فى الجامعات نكلم بيه اى حد و يكون فاهم بسطوها شويه ربنا يخليكحوا و لازم يكون فيه مقالات جاهزة للطباعة عشان الاعلان عنها

ياأخواننا حد بس يقولى على نتيجه واحدة لهذا النضال النتتى او حتى اى فايدة عادت على أى حد من مثل تللك المظاهرات الأرتجاليه فوووووووووقوا بقى الحكايه أكبر من ذللك بكثير لا أخفى اعجابى بمحاولات التفكير بأيجابيه لكن تبقى مقولة سعد زغلول الخالدة "مفيش فايده" هى الحقيقه الوحيده المؤكده.

تحياتى للجميع

ملوش أي فايدة و مفيش فايدة من أي حاجة، لكن بنحاول نلهي نفسنا، في حاجة؟؟

أولا شكرا على الرد لكن ده مش معنى كلامى لكن انا أقصد أن حكومة العسكر دى لا بيهمها مظاهره ولا غيره ياجماعه الحكايه أكبر من كده, ده غير أن انتو زى أللى فى مركب فبها ألف واحد وبيجدف لوحده. وكل ده لا حيغير أللى فى النفوس ولا حيقلب نظام حكم وطالما ال... بعيد عن ... يبقى خلاص كله تمام وقضيها كده واهى عيشة والسلام. أهه رأى اسمعه او أرفضه لكن أرجوا أن تحترمه تحياتى للجميع

موش كل مظاهرة هدفها هو النظام مباشرة هدف مظاهرة هذه ممكن يكون تنويري للمواطنين العاديين ممكن يكون مساندة دعاة الوحدة الوطنية على اساس المواطنة الكاملة للجميع

نروح ننام فى البيت و اللى يموت يموت و نسيبها تولع السلبية اخرها خراب على اللى نام و اللى منامش

أتصور أن الدعوة للتظاهر سوف تكون أكثر فاعلية لو تم إضافة أسم الضحية الثانى فى أحداث اسكندرية مصطفى مشغل. والحقيقة أننى أضفنه فعلا وبعثت . الدعوةإلى أصدقائى

أرجو الإستجابة لهذا التغير من المنظمين للحملة

لدى اقتراح بإضافة اسم الضحية الثانى فى أحداث الإسكندرية مصطفى مشغل بجانب الضحية نصحى جرجس , حتى تكون الدعوة فعالة فى دعوتها لنبذ العنف الطائفى من الجانبين .

أرجو الاستجابة لهذا التعديل وشكرا سنية الفقى [email protected] ولتكن الدعوة بعد التعديل

دعوة للتظاهر: ليكن آخر ضحايا الطائفية و التعصب في مصر . دوران شبرا – محطة مترو روض الفرج Organizer: الحملة الشعبية من أجل التغيير - الحرية الآن Description: الحملة الشعبية من أجل التغيير (الحرية الآن) ليكن المواطنان المصريان نصحي جرجس ومصطفى مشغل آخر ضحايا الطائفية والتعصب في مصر دعوة للتظاهر الخميس 20 ابريل الساعة الخامسة مساء دوران شبرا – محطة مترو روض الفرج هل الأمن متواطئ ؟ لا أقل من القبض على القتلة ومعاقبتهم .. لا للطائفية .. لا للتمييز الديني .. لا لاضطهاد المسيحيين نعم للمساواة .. نعم لحرية الاعتقاد Website: http://www.hamla.net/press/05/1029.html

ارى ان نطالب بإقالة وزير الداخلية ومدير امن اسكندرية والمحافظ .. او يستقليوا هم لو كان عندهم دم .. وهذا امر أشك فيه ..

في اي دولة محترمة متحضرة كان مدير امن اسكندرية راح ضرب نفسه بالنار .. بلاد مصابة ببلادة الحس صحيح ...

علاء المزيد من المقترحات .. ناس كتير مش عارفة تعمل ايه وتشارك إزاي ؟؟ وازاي تقدر تساعد ؟؟

أنا عايزه آجي بس أنا مش من القاهره و أول مرّه أحضر مظاهره فممكن أي حد من الناس يديني نمرته علشان انا أول مره أروح شبرا فمش عارفه هعرف أوصل أو لأ.. كمان علشان أنا معرفش حد ومش عايزه أبقى لوحدي

ياللا تعالى قوام ياللا

انا مش شبرا ياعسل واول ماتوصلى بالسلامة اسألى على الريس حنتيرة اما بقى بالنسبة لموضوع المظاهرات ففيه نوعين نوع بيعملوا المظاهرات ونوع تانى بيضربهم انتى عاوزة انهى نوع ياعسل ابيض على قشطه .. عالعموم ماتقلقيش النوعين متوفرين واول ماتوصلى بالسلامة نبقى نظبطك ونشوف طلباتك ..

اذا وصلتي لرمسيس بافتراض انك جاية في قطار - تاخدي مترو الانفاق اتجاه شبرا الخيمة و تنزلي محطة روض الفرج .. بحري : اذا وصلتي للترجمان تركبي ميروباص او تاكسي لحد رمسيس - من القللي تتمشي لحد رمسيس - و برضه تاخدي مترو شبرا الخيمة .. خط القنال و سينا: اذا وصلتي للمرج تاخدي المترو اتجاه حلوان لمحطة رمسيس( محطة مبارك) و من هناك تبدلي لمترو شبرا الخيمة

ممكن حد من اللي عنده خرايط المناطق بمصر يحط حريطة للمكان بالضبط

نمرتي اهي -0122952765 اسمي اسامة...لو عايزة تيجي كلميني

تخيلو يا جماعة لما يكون في ناس مش مكفيها اللي احنا في كمصريين من ظلم و قهر لأ دول كمان عايزيين يظلموا ناس منهم لمجرد أنهم اتبعوا دين اباءهم زي ما هما ما تعبوا دين اباءهم

ممكن أفهم أن مواطن مصري يقتل من الأمن دي بئت عادي في أم الدنيا لكن للي هاجننن عشان افهمه ليه مواطن مصري يقتل مواطن مصري زيه بالظبط ونفس الظلم واقع عليه

هل الذين يحكموا مصر بئوا حسني مبارك و معه أمثال جماعة طظ في مصر يا جماعة أنا كمسلمة مش قدرة أفهم ممكن حد يفهمني؟؟؟؟؟

أرجوكم ردوا

المظاهرة دي أنسب مكان ليها قدام مبني الأذاعة والتلفزيون.. والأسئلة والكلام والشعارات تتوجه للحكومة مش للناس

يا جماعة ... احنا محتاجين المظاهرة دي تبقى في اسكندرية

صدقوني الجو في اسكندرية بقى ناقص شرارة و يولع ؟؟؟ محتاجين نهدي كل النفوس

حركة كفاية عملت فعلا مظاهرة بالاسكندرية و اظن في مبادرتين كمان في الاسكندرية