You are here

اعتصام في حب مصر

Primary tabs


اعتصام في حب مصر


ميدان التحرير


مصريين


اعتصام في حب مصر

ما رأيكم في قضاء ليلة في الهواء الطلق "في حب مصر" ، بلغة عاشقي الوطن تسمى ليلة سمر، وبلغة السياسة تدعى اعتصام، تضامنا مع قضاة مصر الشرفاء في الحصول على استقلالهم. يبدأ التجمع في ميدان التحرير بوسط القاهرة في الساعة السادسة مساء الخميس 16 مارس وحتى انتهاء وقفة القضاة المقرر لها الجمعة 17 مارس.

شاركنا في التحضير للاعتصام

سجل في الموقع و زور صفحة التحضير، اضغط edit و شاركنا بالتعديل و الاضافة

هذه دعوة ليست حزبية ولا حركية، إنها دعوة أخوية في حب مصر بعيدا عن التحزب والتعصب، بعيدا عن الصراعات والقيل والقال، ليس مهما فيها العدد، لتكن رمزية تعبيرا عن وقفتنا وتضامننا مع القضاة، اعتصام نبيت فيه ليلة لأول مرة خارج أسوار الجامعة، وخارج النقابات، وخارج المنازل.. الكل فيه سواسية، لا رئيس ولا مرؤوس. نبيت برغبتنا في العراء لخدمة قضيتنا، بدلا من أن نبيت في السجون مقهورين ، وفي العراء كأطفال الشوارع، لنشعر مرة إننا مثلهم، شردنا نظام لا يعرف العدل ولا الرحمة. ليكن العراء باختيارنا قبل أن يكون الغرق و الحرق مصيرنا، وتذكروا أنه لم يبق لنا شيء نخاف عليه أو نخسره، حرقوا أبناءنا، وأغرقوهم، وحرموهم من فرص التعيين، وتجاروا بموتانا في حادث العبارة، سافر ممدوح اسماعيل صاحب العبارة الى فرنسا وبريطانيا، بدون أن بوقفه شرطى في المطار ويخبره أنه ممنوع من السفر، ماذا ننتظر.

لا وقت للانتظار، ولماذا نموت بلا ثمن، وبالاستنزاف البطيء، أليس الموت مرة واحدة خير من الموت بالتقسيط. هذا وقت الجد، ولحظة الاختبار لا المزايدة، لاشيء مطلوب سوى اللبس الثقيل لاتقاء البرد. إنها دعوة غير ملزمة، ولا ميزة فيها لمن حضر ولا نقيصة لمن غاب، لكنه الشعور بالانتماء بحب مصر وفي حب مصر.لا وقت للتشاور والتربيطات، كل عليه بنفسه، ومن يحضر سيجدني في انتظاره. وقد يكون هذا الاعتصام بروفة أو نواة لاعتصام قادم أعم وأشمل، وتذكروا أن بداية الغيث قطرة، وتذكروا نمو كرة الثلج، وهناك فارق بين تحقيق المراد بالحلم وبالعمل، الحلم تحقيق الشيء مرة واحدة في الخيال، والعمل تحقيقه خطوة خطوة، لتكن هذه هي الخطوة الأولى في حب مصر لإنقاذها

تذكروا إن الخطوة الأولى لإنقاذ مصر هي إنقاذ القضاة من براثن النظام الغاشم، وليس أقل من التضامن والوقوف معهم دفاعا عن أنفسنا قبل أن يكون تضامنا معهم.

يحيى القزاز

شاركنا في التحضير للاعتصام

سجل في الموقع و زور صفحة التحضير، اضغط edit و شاركنا بالتعديل و الاضافة

Comments

شوية ملاحظات:

  • يا ريت يكون الاعتصام في قلب الالصينية لأن فعلا حرام اننا نوقف ميدان التحرير ليلة خميس كاملة -وان كان ده مش مضمون لان ممكن عربيات الأمن المركزي تتكفل بشل حركة وسط القاهرة
  • فكرة زي دي محتاحة اعداد كويس لمنطقة الاعتصام ، ويمكن يكون تدريب كويس على لحظة الاعتصام الكبيرة بتاعة عمنا عبد الحليم قنديل ( هنبقى 100 ألف ومبارك هيتكعبل ويقع ثم نرقص في الشارع)، في برنامج عن أوكرانيا بان ازاي فيه صعوبة كبيرة في اعداد فريق العمل لمعدات التخييم
  • ليه مثلا ميتكتبش بيان بسيط بيحكي حكاية القضاة

ايه اللي عملوه القضاة وأهمية رقابتهم في الانتخابات ودورهم في حماية صوت المواطن وانه يبقى فيه مجلس شعب فيه ناس هوا مختارهم، واللي عملته الدولة معاهم، واحتجاجهم المتصاعد وخطوات الحكومة الاخيرة وصولا لليوم ده

الناس اللي اهتمامها محدود بالسياسة فعلا مقدرة ومحترمة القضاة.

البيان ده يتطبع ويتوزع كمنشورات على أكبر قدر ممكن قبل المظاهرة بأيام، ويوم المظاهرة على المارة عشان يفهموا احنا بنعمل كده ليه في اليوم ده

كفاية بقى تظاهر لنفسنا..

يا رب يكون فيه فايدة من اللي بقوله هنا، مش فارقة بصراحة كتير ، الحركة بقت قاتلة للاقتراحات وعشوائية بصورة تحزن. بس ايه المانع..

هو انا اعتقد ان الاعتصام حيكون قدام مدبولي زي مظاهرة ادباء كدا معتقدش ابدا ان الاعتصام حيكون في الشارع

http://MaLek-x.net

مدبولي في ميدان التحرير؟ هما نقلوه ولا ايه...

معلش عندي الغلط دا قريتها ميدان طلعت حرب نأسف للخطأ :P http://MaLek-x.net

هذه الدعوة أرسلها د.يحيي القزاز علي المجموعة البريدية لشباب من أجل التغيير

و وجدتها فكرة مناسبة جدا لحدث مثل وقفة احتجاجية للقضاة

عندما يتظاهر القاضي , ذلك الرصين المحافظ الوقور

فلابد أن يكون الشارع مشتعلا و صاخبا

و إلا فانها بلد أموات

و لا تكفي تلك الوقفة التقليدية علي سلم نقابة الصحفيين التي دعت اليها كفاية

الدعوة مفتوحة

و اتمني الا يكون الاعتصام رمزيا

ادعو كل المجموعات و الحركات و النشطاء لتبينه و حشد الافراد له و محاولة الاعداد له لكي يتحول الي كرنفال وطني للمطالبة بالحرية

::

يا علاء ... العالم ينتظر موقف " متخلفون من أجل التغيير "

http://mabadali.blogspot.com

أظن بعد الخبر بتاع التحقيق مع اثنين تانيين من القضاة النهاردة مينفعش متخلفين من أجل التغيير متنزلش الميدان.

و لو أن مش عاجبني موضوع طلعت حرب ده و كنت أفضل مكان يسهل فيه أننا نقعد و نبات زي مجمع التحرير

المهم دلوقتي حد يكتب حاجة تشرح صراع القضاة فعلا و توضح مين القضاة اللي بيتحقق معاهم

الدعوة بتقول في ميدان التحرير

طلعت حرب ده خطأ من مالك

يظهر كتر اللف حوالين تمثال طلعت حرب في المظاهرة اللي فاتت أثر عليه

http://mabadali.blogspot.com

طيب ممكن عشان البيان يتكتب ممكن مساعدة من قبيل اهم اخر احداث كان للقضاه فيها موقف مؤثر بالتواريخ انا ححاول اكتب حاجه بس ياريت البيان يكتب بعاميه مصريه مش بالفصحى على فكره يا علاء المكان ميدان التحرير مش طلعت حرب طلعت حرب دي غلطتي انا انا بعتت لناس اطلب منهم يعملولنا بانر او ايقونه للموضوع

http://MaLek-x.net

انا لقيت على مجموعة شباب البريديه مقاله ارسلها الدكتور يحي اعتقد انها ممكن تفيد للي حيكتب بيان نشر هذا المقال بجريدة الكرامة (القاهرية) بتاريخ 28/2/2006 القضاة أُخرجوا ولم يَخرجوا دكتور يحيى القزاز

بدمي.. وبني.. وأمي وأبي، يا قضاة مصر الشرفاء، رمز العدالة، ومصابيح النور في دياجير الدجى. يا أمل مصر، ورجاء المستضعفين، لا تهنوا ولا تضعفوا وأنتم الأعلون. طالبتم بالاستقلال أساسا للعدل، والعدل أساس الملك. ووضعتم مصر قبلتكم، فصرتم القلب منها. تلتف حولكم، من أمام ومن خلف، وعن يمين وعن شمال، تفديكم بأرواحها، بغير طلب ولا استئذان، ومنذ متى يستأذن صاحب الحق في الدفاع عن نفسه! تدافعون عن استقلال مهنتكم الجليلة، ونحن ندافع عن حقنا في حياة كريمة، ونناضل من أجل العدل في الثروة، والمشاركة في السلطة، والحرية في الحياة. واكتشفنا أنه بغير قضاء مستقل لن يستقيم العدل، ولن يتحقق ما يريده الشعب سلما، والبديل أنهار من الدم تجري، تروي أرض عطشى للعدل والحق والحرية .. تنبت أشجار بنادق، وتزهر رائحة بارود، وتثمر طلقات نارية. تهمة واهية تتلخص في تسريب ما يسمى بالقائمة السوداء للقضاة الذين "أجبروا" على تزوير الانتخابات البرلمانية لعام 2005، أحالت أربعة من فرسان القضاة إلى التحقيق أمام نيابة أمن الدولة العليا (لاحظ نيابة أمن الدولة العليا..العليا.. وليس قاضى التحقيق الطبيعي، وماذا يُفعل بالمواطن العادي). إنها مهزلة.. وعار على جبين نظام فقد فيه الحياء ماءه، وتحول الخجل إلى بجاحة قطاع طرق. تهمة أنكرها القضاة، وطالبوا بالتحقيق فيها. القضاة أول من يعلم علم اليقين أن المتهم بريء حتى تثبت أدانته، وأنه لا يجوز للقاضي أن يحكم بمبلغ علمه الشخصي، ونحن ممن لم يدرس القانون نعرف ذلك، فما بال فقهاء القانون! إنها ألاعيب نظام شاخ وفقد عقله، لم يعرف الفرق بين القانون و"الكانون" (موقد بدائي لطهي الطعام وقوده الحطب)، وبين سيادة الدولة وسيادة الرئيس. حقيقة الأمر أن القضاة طالبوا بحقهم المهني في استقلال القضاء، وهو مطلب قديم منذ أكثر من خمسة عشر عاما، ظل فيها حبيس أدراج النظام، انتظروه عاما بعد عام، حتى أكل عليه الدهر وشرب، وغاب عنه بصيص الأمل. دفعتهم الأقدار رغما عنهم في مواجهة سهام النظام، يدافعون عن أنفسهم. كانت البداية عندما أعلن النظام: الإشراف القضائي الكامل على الانتخابات البرلمانية في عام 2000، وغُلت سلطة القاضي في امتداد إشرافه على العملية الانتخابية إلى خارج حدود اللجنة، ومنح النظام وزارة الداخلية حق إعلان النتيجة، باختصار كان إشرافا معيبا منقوصا. أراد النظام أن يجمل وجهه المشوه، ويدعى ما ليس فيه من ديمقراطية، وعمد إلى تزوير الانتخابات البرلمانية بالقانون (نظام زكي!). تلك كانت بداية الحركة في العجلة الدافعة لإخراج القضاة من محرابهم. استشعروا حرجا، فجلال المنصب ينأى بهم عن الخروج، والوقار يشدهم للصمت، وخبث النظام يلقيهم في عرض الطرقات. بهدوء القضاة المعهود ذكروا النظام بقانون استقلال السلطة القضائية، المركون في مكاتبه منذ عقد ونصف. وعد النظام بإقرار القانون، وكالعادة لم يف بوعده، وما ذلك بجديد على نظام أدمن الكذب صباح مساء، واستعذب الغدر أناء الليل وأطراف النهار. فوجئ القضاة بعد نتائج الانتخابات الأخيرة لناديهم، بالالتفاف على القانون المقدم منهم، واستبداله بقانون آخر لم يقرؤوه، ولم تتح لهم حتى إلقاء نظرة على الغلاف، ولو من باب زر الرماد في العيون (قضاة لم تتح لهم رؤية غلاف قانون يخصهم، فما بال الفقراء والبسطاء الذين يساقون إلى المعتقلات زمرا)، رفضوا المشروع البديل، وطالبوا بحقهم في إقرار مشروعهم. وللمماطلة في إقرار قانون استقلال القضاة، لجأ النظام إلى استخدم سياسة المستعمرين الأجانب، واتخذ قرارا بوقف تمويل نادي القضاة من وزارة العدل والمجلس الأعلى للقضاء، متعللا بنقص في الميزانية، ثم أعلن نادي القضاة فتح باب التبرع. نظام يذل قضاته، ويمنع عنهم حقهم الطبيعي في ميزانية الدولة، الآتية من دافعي الضرائب، وليست من جيوب سارقي مصر وحاكميها. كنا نتمنى أن يكون النظام شجاعا ويعترف بعدم أحقية المصريين في ميزانية الدولة التي نهبها، وجفف منابع مواردها. ومن أين تأتى الشجاعة لنظام أدمن الخنوع حفاظا على عرشه.. نمر من ورق على الغرب .. جلاد لشعبه. الجريمة الحقيقية للقضاة الشرفاء، لدى النظام الغاشم الجاهل، أنهم تجرؤوا وأعلنوا مطالبهم على الملأ، والمطالب كما يرويها المستشار "الخضيري" تتلخص في إلغاء القوانين الاستثنائية، التي تحرم المواطن من المثول أمام قاضيه الطبيعي، بقواعد القوانين العادية التي تطبق على كل أنواع الجرائم، وإلغاء المدعى الاشتراكي، وقاضي القيم، وقاضى أمن الدولة، كما أن القضاة يقفون بجانب المواطنين في حقهم في تعديل الدستور . نعم الجريمة وبئس المُجَرم، ياله لشرف تحسدون عليه يا قضاة الوطن، وتُهم يشتهيها كل حر متيم بالعدل، كاره للظلم، رافض للاستبداد. من الخطأ الظن بأن القضاة خرجوا طواعية يبحثون عن دور سياسي، يعتمد في الأصل على الانضمام للأحزاب السياسية، القضاة طالبوا بحقوق، هي في الأساس مهنية، تتعلق باستقلال القضاء عن السلطتين التشريعية والتنفيذية حسب ما أقره الدستور، وذكرته المواد 65 ، 165، 166 من أن "استقلال القضاء وحصانته ضمانتان أساسيتان لحماية الحقوق والحريات.. وأن السلطة القضائية مستقلة، وتتولاها المحاكم على اختلاف أنواعها ودرجاتها وتصدر أحكامها وفقا للقانون.. وأن القضاة مستقلون لا سلطان عليهم في قضائهم لغير القانون ولا يجوز لأية سلطة التدخل في القضايا او في شئون العدالة". القضاة دُفعوا للخروج إلى الشارع دفاعا عن استقلال القضاء، بسبب سوء تصرف النظام. مطالب القضاة قديمة قدم النظام الفاشي الجاثم فوق صدورنا. لم يستغل القضاة سوء حالة النظام الحالي، ولم يحتموا بالحركات المعارضة، كانت مطالبهم في استقلال السلطة القضائية اسبق من أي حركات احتجاجية، وجاءت حركة "كفاية" كخير تعبير صريح عن مغص في بطن الوطن يهدد بانفجار الأحشاء، طالبت الحركة بالجراحة واستئصال مسببات المغص. مصر المهشمة والمهمشة لن تقبل القضاء على القضاة بالابتزاز والاستنزاف، ولن ترضى بعد اليوم بالقضاء على أبنائها الفقراء بالتقسيط المهين، فالموت مرة واحدة أكرم من الموت بالتقسيط. قضاتنا انتم القلب منا، ومن لم يحم قلبه يخسر حياته، والكل حريص على الحياة، والأعظم الحرص عليها بكرامة وشرف. موعدنا يا مظلومي مصر في الساعة الثالثة بعد ظهر السابع عشر من مارس للاعتصام بميدان التحرير، ليس تضامنا مع القضاة، إنما حفاظ على القلب ودفاع عن النفس. http://MaLek-x.net

دي ايقونه للموضوع http://img291.imageshack.us/img291/9498/e3tesam8nk.png اعتقد انها حتفيد وفي انتظار البانر الكود لادراج الصوره في المدونه


<p><a href="http://www.manalaa.net/judges_sit_in"  target="_blank">
<img src="http://img291.imageshack.us/img291/9498/e3tesam8nk.png" border="0">
</a></p>

ودا شكل تاني اصغر

ودا الكود بتاعه


<p><a href="http://www.manalaa.net/judges_sit_in"  target="_blank">
<img src="http://img507.imageshack.us/img507/8642/e3tesambutton4xz.png" border="0">
</a></p>

http://MaLek-x.net

بتفق مع عمرو عزت خالص فى كلامه ان ده واجب متخلفين من اجل التغيير وخصوصاً بعد شوية مشاكل بتحيط بينا كشببا وكفايه وتنظيمها لليوم بتاع 17 عند نادى القضاه ..

يعنى يالا بقى يا علاء خلينا ننزل المرة دى تحت نفس شعار " متخلفين " ويمكن يبقى ده كلمة السر ..

زى المرة اللى سبقت مظاهرات شهر 9 ومظاهرة عابدين اللى بعتبرها من انجح مظاهرات كفايه وقوى التغيير عموماً .. ومظاهرات السيدة و الزيتون و امبابه ..وبقترح اننا نحط اساليب لنجاح اليوم ده ..

وشكراً .

جميل جدا الكلام

بس محدش يستنى مني حاجة غير المشاركة، أنا بعد موضوع السودانيين خدت قرار أركز شوية في أمور النت بما أنها أكتر حاجة أقدر أساهم بيها بجد، شغل المتخلفين الفترة اللي فاتت أكل كتير من وقتي و لازم أركز شوية.

المهم بقى الأمور كلها خلاص متثبتة؟ نزق الاعلان على الصفحة الرئيسية؟

نزق الاعلان للصفحة الرئيسية ويا ريت يا علاء نتبنى الموضوع ده بعيداً عن الحركات والقوى السياسية والكلام اللى انا زهقت منه بس مفيش مانع من توجية الدعوة للمصريين .. اهم يشاركونا برضه اليوم بدال ماهم قاعدين كده ساكتين ..

للتذكير فقط :

حركة كفايه وشباب المفروض انهم اتفقوا على يوم 17 مارس تضامناً مع القضاه والصحفيين فى جمعيتهم العمومية بوقفة تأييد لمطالب كل منهم ..

طيب عشان نجمع بس مين متفق على الموضوع هنا عشان نبدأ نشتغل فيه ؟ حد يجيبلنا نمرة الدكتور يحي القزاز(انا بعتله ايميل على ايميله الشخصي وعلى شباب كفايه عشان يبص على الصفحه دي ) عشان نعرف مين متفق معاه في الموضوع غيرنا ؟

محدش قالي هل متفقين معايا ان البيان يبقى بالعامي ولا يتكتب بالفصحى ؟ هل حتكون في فعاليات اثناء الليل ؟ ولا حنقعد ناكل في ودان بعض ونضرب سجائر وخلافه والسلام ؟

http://MaLek-x.net

للي مش عارف ازاي يدرج الكود عنده في البلوج سبوت الاول يفتح الـTemplate حيلاقي كعبلة htmlيفكه منها شويه ويجي في الوسط حتة حيلاقي انها مكتوب التالي


<MainOrArchivePage>
  <h2 class="sidebar-title"> archives</h2>
 
فوق سطر <MainOrArchivePage>
 دا يحط الكود السابق 
ولو عايز شوية تنظيم ممكن يكتب التالي 

  <MainOrArchivePage>
  <h2 class="sidebar-title">أنشطة-ممكن تغير انشطه وتكتب اللي انتا عايزه- </h2>
    <ul>

<p><a href="http://www.manalaa.net/judges_sit_in" " target="_blank">
<img src="http://img291.imageshack.us/img291/9498/e3tesam8nk.png" border="0">
</a></p>

 </MainOrArchivePage></ul>

بس وكان الله بالسر عليم

http://MaLek-x.net

وانا كمان هاكون هناك وهابات فى الميدان حتى لو كنت لوحدى مازقيتش الاعلان بالبانر ليه ياعم علاء على الصفحه الرئيسية؟؟؟

هيشارك فى الاعتصام أحمد فؤاد نجم والمخرج مجدى احمد على وعلى بدرخان محمد هاشم " و أعلن د. عادل السيوى منسق أدباء وفنانون من اجل التغيير أستعدادهم للمشاركه فى التنظيم ...

وكمان بنحاول اننا نتفق هنعمل اليوم أزاى .. نحاول نركز بقى فى الشغل اللى انتم بتقولوا مستنيينه ..

الزملاء مرة أخرى .. ننتظركم على تليفون شباب واللى عاوز يشارك فى تنظيم اليوم .. 0126687168

يا جماعه اتصلت بدكتور يحيى القزاز النهارده وكمان دكتور عادل السيوى من ادباء وفنانيين وهما رحبوا بأن الشباب تقعد وتشتغل هى وهما هيكونوا موجودين زيهم زى اى حد .. وفى مكالمة تليفونية مع مالك قالى اننا ممكن نقعد يوم االأحد .. فاقترحنا ميعاد مبدئياً .. يوم الاحد 12 مارس الساعه السابعه أو الساعه التاسعه مساءً ... يا ريت الناس بقى ترد .. يا رب يعنى .

الايمان ليس فضيلة والشك ليس خطيئة

شرقاوى يا ريت يتحدد مكان ويتنظم اليوم كويس مستنى ردك تقول لى على الميعاد المقترح والمكان

أنا بقترح مبدئياً أننا ممكن ننفق مع مركز العداله ولو ينفع يبقى كويس .. أو نتقابل بقى فى مكان عام او فى مقر كفايه .. بصراحه المكان لسه متظبطش بس ممكن بعد شوية أقولكم ..

الايمان ليس فضيلة والشك ليس خطيئة

غدا اجتماع تنظيمي للاعتصام الساعه 6 مساءا في مركز الدراسات الاشتراكيه في ميدان الجيزه (شرقاوي ياريت تبلغ الدكتور يحي القزاز يكون حاضر) الدعوه مفتوحه لكل من يريد ان يشارك في تنظيم الحدث اعتقد ان التنظيم حيكون محتاج كل فرد فينا واعتقد انه مش حيكون حاجه بسيطه

http://MaLek-x.net

كده ممكن دكتور يحيى مش هيكون موجود وكمان دكتور عادل السيوى وناس كانت المفروض انها هتيجى من اخر مصر الجديدة .. يعنى احنا اقترحنا من الاساس ان الميعاد يبقى بعد 6 يعنى 7 او 9 وكمان فى وسط البلد عشان يبقى مكان أنسب . هشوف هنقدر نعمل ايه ونعمله ... هكلم دكتور يحيى وهشوف...

الايمان ليس فضيلة والشك ليس خطيئة

للاسف اضررنا ان نغير المكان واصبح مقر دار ميريت للنشر الواقع 6 ب شارع قصر النيل بجوار سينما قصر النيل الدور الاول الساعه السابعه مساء الاحد 12 مارس http://MaLek-x.net

الزملاء الاعزاء .. بالفعل تم تغيير الميعاد كما أوضح الزميل مالك وسيحضر الاجتماع دكتور يحيى القزاز ودكتور عادل السيوى ومجموعه من النشطاء الداعين للأعتصام .. ننتظر مشاركة الجميع .. تحياتى

معركة استقلال القضاء

http://www.almasry-alyoum.com/article.aspx?ArticleID=9475

تستحق معركة استقلال القضاء أن تتحرك كل قطاعات المجتمع المدني للوقوف خلف نادي القضاة حتي لو تطلب الأمر تنظيم مظاهرة مليونية أو العودة لإضراب عام أو حتي إلي عصيان مدني.

استقلال القضاء هو المعركة الوحيدة الباقية لإنقاذ النظام من نفسه عن طريق تغييره بالوسائل السلمية. فهل يكسب الشعب هذه المعركة؟

مقال حسن نافعة بالمصري اليوم

http://www.almasry-alyoum.com/article.aspx?ArticleID=9475

http://mabadali.blogspot.com

إحالة وكيل نادي القضاة إلي التحقيق

http://www.almasry-alyoum.com/article.aspx?ArticleID=9547

http://mabadali.blogspot.com

انا اول مرة اكلم او ارد على حد هنا بس انا معاكم ونويت افضل معاكم ويارب اقدر اعمل اى حاجة علشان بلدنا الرائعة دى تعرف تاخد نفسها

أسامة كاتب وسيناريست

شوية حاجات مهمه بس ياريت كل شخص يقدر يعملها وهي مش مكلفه بالمره ياريت كل شخص يجيب معاه قزازتين ميه لاننا منعرفش الظروف ايه وبردو كمية الشمع اللي كل شخص حيقدر عليها (شمع مش كشافات) بردو لو حد عنده شال او كوفيه مينسهاش ياريت كل اللي جاي يجيب معاه جاكت احتياطي لان محدش عارف مع تقلبات الجو السيئه جدا دي الجو حيبقى عامل ازاي في وقت الفجر في بيان ان شاء الله بيكتب عند الانتهاء منها حيتم نشره ورجاءا كل شخص يطبع منه العدد اللي تسمح بيه ظروفه موصيش الجميع على الاكل يعني لو خروف مشوي وكام طن لحم بقري معتبر يكون شئ جميل جدا صحيح ياريت الكل يكون واخد باله اننا حنقعد فتره كبيره في الشارع يعني ياريت الالتزام بالاكلات الخفيفه يوم الخميس من اوله لحد وقت الاعتصام ان شاء الله اي تطور جديد او اي افكار تانيه حتطرح

http://MaLek-x.net

شاركنا في التحضير للاعتصام

سجل في الموقع و زور صفحة التحضير، اضغط edit و شاركنا بالتعديل و الاضافة