You are here

موقع جديد لمناهضة و توثيق التعذيب في مصر

Primary tabs

موقع جديد لمناهضة و توثيق التعذيب في مصر

اليومين اللي فاتوا أنا و عمرو غربية نقلنا مدونة تعذيب اللي نظام دروبال، الموقع الجديد http://www.tortureinegypt.net و أحنا شغالين مع المحرر عشان نوصل لموقع متخصص شامل.

من هنا ورايح تابعوا قضية اللاجئين السودانيين من القسم الخاص بها على موقع التعذيب.

Comments

انتوا ناس فاضيه بجد و للأسف مش وراكوا غير انكم تسيئوا لسمعة مصر أم الدنيا! هعيد الكلام تانى : لو سمحتوا كلكوا اسمعونى .. لو انتوا شايفين ان فى خلل فى مصر .. لازم تبصوا على الخلل ده جاى منين ! بغض النظر عن إن كانت هناك مساوئ .. فا فى برضه حسنات كتيره أوى .. احنا عايشين فى عصر كويس .. عصر متاح فيه حجات كتير أوى .. يا اساتذه لولا الدوله مكنتش انت دلوقتى عارف تعمل كده وأولها الانترنت المجانى .. والدى اس ال .. اللى بأسعار رخيصه أوى .. والحكومه اللى مش عاجباك .. جايه من الشعب .. كلهم مصريين زينا .. يعنى لو فى خلل هيبدأ الخلل مننا احنا .. من الشعب عشان تصلح عيوب الناس إبدأ بنفسك الأول ! إبتدينا نبص لبره .. عيشة الغرب .. و عايزين نبقى زيهم .. كله عايز بنت يخرج معاها .. عربيه زيرو .. كله عايز يعيش حياته من غير مايبذل مجهود كله عايز الحل من غير أفعال ! روح يا غالى إشتغلك شغلانه كويسه .. إشقى واتعب انشالله بره مصر ..! ولما يجيلك فلوس كويسه ارجع اعمل مشروع قومى شغل فيه الشباب هتكسب برضه وتحل مشاكل بلدك ! لو كل واحد زيك فكر باللى بقولك عليه هتبتدى تعمل حاجه كويسه بدل مانت بتبوظ سمعة مصر أم الدنيا ! بدل ماتسافرلى أوغندا و مش عارف فين جوشلك قرشين اعملك منهم مشروع يشغل كام مصرى بدل ماتقولوا مفيش شغل و مفيش فلوس ! إبدأ بنفسك يابنى وربنا كبير :) الدنيا ياما هتعلمك ! وشكرا عصام شاكر 21 سنه محرر فى مجلة EgyConcept.com

La elah ella Allah .. Sayedna Mohammad Rassol Allah..

I do agree with you to a certain extend, our country need human development before any thing, but let’s not forget about the corruption in the country “Egypt is rated 70 on Corruption Perception index of Transparency International”, youth need to change the way they are thinking, develop your self, keep your hands clean.

enta ahbal walla betesthbel walla sharb 7aga walla shklak keda

اتعلموا بقى من الناس اللي حافظة الدرس وباختصار هو بيقولكم سافروا بره مصر عشان تعملوا قرشين وتنسوا بقى مشاكل مصر والحاجات اللي بتشوفوها كل يوم في حياتكم وعشان ترتاحوا وتريحوا الحكومة منكم

معلش ياشباب اكيد بتشوفوا من النوعية دي كتير قوي ، ولو كل واحد عمل زي الاخ مابيقول مش حيفضل حد في مصر الكل حيسافر عشان يعمل فلوس ويرجع يعمل بيها مشروع وبعدين العصابة تنصب عليه وترجعه عالحديدة من جديد بس بعد مايكون استسلم وعرف انه مفيش مفر