You are here

عم سمير و البقال المسلم

Primary tabs

على سيرة الجنان والبقال

زمان كانوا البقالين في الحتة عندنا قليلين و كان أقربهم لينا عم سمير، و ده طبعا كان البقال اللي بنتعامل معاه، أهلي بيحكولي أني أول أما اتولدت عم سمير سألهم سميته المولود ايه و استغرب جدا لما قالوا علاء و قالهم الموضة الأيام دي أسامي أمريكاني زي مايكل و بيتر.

أتاري الراجل افترض ما دمنا زباين دائمين يبقى أكيد مسيحيين.

المهم زاد عدد السكان و زاد زباينه المسلمين لحد منتصف التسعينات ابتدت الناس تتنك و بقوا على استعداد يمشوا مسافة و لا يشتروش من البقال المسيحي و الراجل رزقه قل.

شوية كده و حد اشترى المحل اللي جنبه و حوله بقال له اسم اسلامي، و طبعا اشتغل جامد جدا و مفيش أي مشاكل و الرزق على ودنه، أهلي قرروا مقاطعة البقال المسلم اللي جاي يشعل الفتنة و ياكل رزق عم سمير.

مرة بنشتري لبن من عم سمير و اللبن كان خلصان من عنده، فقالنا اسألوا الراجل اللي جنبي، أمي قالتله لا مبنحبش نشتري منه، ضحك الراجل و قاللها متقلقيش دول تبغنا.

الراجل السهن اشتري المحل و عين مسلمين فيه عشان حاله يمشي.

طبعا لا يمكن أتصور الجيران اللي عارفين كل حاجة عن حياتي الخاصة من غير ما أشاركهم فيها يكونوا مش عارفين موضوع عم سمير و البقال المسلم، أكيد بعد شوية فهموا الملعوب بس طنشوا طالما أن شكلهم عادي مسلمين بيشتروا من محل مسلم.

بما أن الموضوع كله مسرحية أصت عائلتي و أنا من بعدهم على الالتزام بدورنا و لا يمكن أتعامل مع محل المسلمين لو عاوز حاجة ناقصة عند محل عم سمير يطلبها هو من الناس اللي جنبه.

طبعا التطور الطبيعي للقاهرة خلا الموضوع كله ملوش معنى، عم سمير و عميله المزدوج على شارع فيصل، نص شغلهم دلوقتي مع ناس معدية في الشارع و مش ساكنة لا تعرف مسلم و لا مسيحي، فتح حوالينا ما لا يقل عن عشرين بقال و بيتنافسوا في ازاي يدلعونا و الواحد بقى بيطلب بالتليفون و خلاص، و معنديش أي فكرة الناس دي بتكسب ازاي في ظل المنافسة الشديدة دي.

Comments

دانا كنت هبتدي اتعاطف معاه بقي، و نظام هو يعني عشان مسيحي و الحركات دي،

بس طلع راجل مش سهل...عمل بلان متخرش المية :) ماركتنج برضه :)))

أنا بالعكس متعاطف معاه أكتر بعد البلان دي، الراجل بدل ما يبقى ضعيف و محتاس و ماشي جنب الحيط (stereotype copt) لقى حل لا يخلوا من الابداع و المغامرة

من مدة كنت بأشتغل فى أحد المطاعم مشهورة , و كان معروف إن أصحابها مسيحيين , وكنا داخلين توريد وجبات ساخنة لإحدى شركات القطاع العام , روحت قابلت رئيس قطاع التعاقدات وكان معايا زميلى المسيحى ودار بيناهذا الحوار

احنا : مساء الخير يا فندم , مطعم كذا وكنا واخدين ميعاد بخصوصــ ...أ
سيادته - مقاطعا : أيوا .. أيوا أهلا بيكم إتفضلوا
أحنا : فى الحقيقة يافندم مطعمنا....- وهاتك يا ماركتنج
سيادته - أيضا مقاطعا : أيوا أيوا كل دا مفهوم بس المهم الأكل بتاعكوا يكون كويس , أصل لامؤاخذه ياجماعة الأكل لو ريحته مش ولا بد أو مزنخ الواحد بيقرف منه -قالها وهو يضغط على الحروف وابتديت أفهم الفوله
سيادته - مكملا : لامؤاخذه فى السؤال .. هو فى حد فيكو مسيحى ؟؟؟
أنا - بإبتسامه صفراء : أيوا
سيادته - مندهشا : ممكن أعرف أسامى حضراتكم؟؟
واحد فينا قال: عماد, والتانى قال: رامى
انا - محاولا تغيير الدفة : وسيادتك ؟؟؟
سيادته - أكثر إندهاشا : أخوكم إلياس !!!!؟

لأ انا الأول كان صعبان عليا و كده...بعدين احترمت دماغه قوي.

Ok, it is very silly to boycott some palces based on their religion ...

it is some kind of racism anyway ... but dun you think that the christians do the same thing with muslim shops and companies.

The problem is that we like to categorize people based on their religion, location of birth (upper egyptians stereotype), and even on the football team they support.

ممكن..

لكنه غالبا ابتدأ كرد فعل على حركات المسلمين النص كم.

لو سألت أهلك أو جدودك غالبا هيقولو لك أن السلوكيات دي ما كانتش موجودة زمان بالشكل السخيف دا.

people u r joking togather but really it is a disaster in the egyptian society really god bless this country

الكلام ده مش ظريف

أنا عندي سؤال واحد

لما مصري عادي (يفترض فيه إنه غلبان) بيفكر كده بالذكاء ده

ليه الشعب ساكت لحد دلوقت - ليه الخنوع والخضوع - ليه الكل مكبر دماغه ومش فارقه معاه...

ليه شنودة خاف من مبارك الآني - ليه شيخ الأزهر حلل الخمرة - ليه زقزوق حيبيع الجوامع ويعمل الصلاة بشلن والجماعة بجنيه على الراس

لوغاريتمات شعبنا المصري !!!

بالمناسبة - ناس كتيرة بتحاول تعرف في أول الكلام أنا مسلم ولا مسيحي، فتقعد تسألني عن اسمي لحد آخره - اللي بيمشي على الونجين - وأعتقد إن الموضوع مش دين ولا دياوله - الموضوع أي سبب خايب عشان أحبك أو أكرهك ، زي أنت أهلاوي ولا إيه وراجل قول لأ - والسبب - راجع الجملة السابقة...

ايه الكلام السخيف الي انت بتقوله ده؟لا يدن ولا دياوله؟؟؟؟؟؟؟؟؟؟؟؟

أمال انت عايش ليه؟

انت مخلوق لسببين الاول انك تعبد الله سبحانه وتعالي . والسبب التاني انك تهعمر الارض.

والسببين مرتبطين ببعض.

وتهميش الدين معناه تهميش لكونك انسان

دي محاولة للحس ............ المسيحيين

استمر

When you look at the Occident (the West) you find that racism is mainly spread among the low educated people and this is understood.

When you look into the Orient (Egypt in particular), you find that the majority of the Egyptians are low educated (this has nothing to do with their PhD, Master or Bachlor certificates!!! ebcause they are still low educated, hope you know what i mean?). So to get rid of the wide spread racism in Egypt you need to give them real education, at home, at school, at playgrounds, through media etc.

3mm Samir is a very smart business-person doing the right thing:

submitting to customer wishes and making them happy

مش فاهم

ممكن فعلا يكون في ناس كده

هاهاها

المصريين أهما ايه الازدواجية والتواطؤ ده؟ ايه العقد دي!!! يعني هما عارفين مين صاحب المحل في الحقيقة لكن بيمثلوا على نفسهم، وكده بقى بقوا راضيين؟؟ عموماً مفيش شيء مدهش خلاص

بس انت عيلتك دي عيلة تمام يا علاء :D

انا شايف أنه طبيعي جدا وبعيد عن مقاطعة البقال المسلم والكلام الكبير ده :)

انه طبيعى اى انسان سوي هيقف جمب راجل رزقة اوشك على النفاد

وعلى فكرة مسلم ومسيحي دى بقت مأصله عند الفريقين

والشواهد كتير والقصص على كده اكتر

أذكر ان واحد صاحبي في الجامعة رفض يشتري شريط وجيه عزيز لانه عرف انه مسيحي قال احسن أشتري شريط واحد مسلم !!

يمكن للتحايل الفردي ان يتجاوز حالة

و لكن ظاهرة تزايد السلوكيات الطائفية بين المصريين تتزايد

و ربما يلاحظ غيري معي ان هذه المظاهر لا تقترن بالضرورة بتدين أو أيديولوجيا دينية

يمكن أن يكون ذلك نتيجة أزمة في الانتماء و التعبير عنه بجانب عدم وجود فرص حقيقية للتعبير عن الذات الفردية بشكل جيد

فيمارس الناس تطرفا في الانتماء و التعبير عن هويات غير مختارة مثل الدين و العائلة ( في الأحياء الشعبية و الريف خاصة )

أو هويات و انتماءات غير جادة توفر مشاعر التعاطف و التكاتف و الانتصار بغير كلفة حقيقية مثل التعصب لفرق الكرة

هو السايت ماله بقى لونه شفتشي كده ليه !!!؟

ده theme جديد لسه تحت الانشاء اسمه كاساتا من تصميم منال

أنا برضه قلت الألوان دي ماتطلعش غير من واحدة بنت

أصلا منال لو محدش حاشها بتعمل كل حاجة أزرق، فكرة أستخدام البمبي كانت فكرتي، و أظن فكرة أستخدام ألوان كتير (أنتظروا أكتر) برضه كانت فكرتي.

أنا طبعا كنت عاوز تأثير psychedelic و ألوان نيون بس منال اختارت باستيلات.

على العموم يمكن بعد مرور 4 شهور كمان منال تحن و تكمل الtheme و نلاقي الألوان اتغيرت شوية

أهلا بيكم في عرين مستودع التنين البمبي و ألف مسا على أهل العمرانية (غربية و شرقية أحنا بتوع الوحدة الوطنية)

متهيقلي الي عمله عم سمير ده مش شطاره تاجر.

لا ده خبس ودهاء واحتيال علي الزباين.

يا تري يا علاء لو الحكايه اتعكست مع عائله مسيحيه وعم سمير ده تاجر مسلم "يا تري حيكون رد فعلهم زي رد فعل عائلتك؟؟"؟؟؟

يا ابني اقرا تاني، الموضوع شطارة بدليل أنه نفع

و واضح من كلامي أن تصرف عيلتي مش الطبيعي، لو انعكس الموضوع تصرف عيلتي كان هيفضل هو هو، و تصرف أغلب العائلات كان هيتعكس

طيب. أنا هحكي بالنص حوار سمعته من ناس كنت قاعد معاهم

1: الواحد لما بيتعود على محل مبيعرفش يغيره
2: أيوه ، حتى أنا اتعودت أشتري من دكانة كذا ، و حتى بعد ما عرفت ان اصحابها مسيحيين لسة بروحها
1:أيوه و أنا كمان و الله
2:مع انه مشغل عنده مسلمين و كلهم ما شاء الله عندهم زبيبة صلاة
1:أحسن ، لأن الواحد بيقرف يشتري منهم الحاجات المفرطة ( يعني غير المعلبة)

و بس

ايه الهبل ده ....................ناس فاضيه

طيب نعكس الوضع

النصاري بالتجربة العملية لما يكون في تاجر مسلم وتاجر نصراني بيشترو من النصراني وعمرهم ما بيشترو من المسلم الا لما يكون مافيش غيره

شوف الغباء بأه المسلمين بيشترو كل حاجتهم من التجار النصاري والسبب

اصل عنده ضمير

حد شاف ناس علي نيتها اكتر من كده :)

ياناس أرحمونا بقى هههههههههههههههههههههههههههههههههه

احنا محتاجين الردواد الحلوة فومنتدينا لقمة العيش التى تمثل الشعب المصرى والمعاناة التى يعشها من كل شى http://l2mat-el3aesh.blogspot.com/

مش هقول الموضوع عبيط .. بس النصرانى عامة بيكره المسلم جدااااااااا ... فهو كدا كان بيحتال على المسلمين عشان ياخد فلوسهم ... طبيعى انى محبش اشترى حاجه من مسيحى واشتريها من مسلم والعكس بالعكس .. انما سمير دا لما يدحك عليا عشان اشترى يبقى مجرد نصاب

What is the point of this discussion??

a secret zionist consipracy tab3an, what else could it be.

علىفكرة انا بس بحب اقول حاجة ان لو فيكم راجل يروح يشتغل فى امون للادوية اللى عاملة نسبة متزيدش على 10 % للمسلمين

يعنى عنصرية علنى وبتقولا المسلمين همة اللى وحشين والنبى اتلهو

يا معلم الـ 10% اللي بتتكلم عنهم منهم 8% على الأقل بيشتغلوا في الوظائف الكتيانة يعني فراشين سعاة مشاويرجية ، والكلام ده مش في آمون بس تقدر تشوف أوراسكوم هولدنج وأوراسكوم للمقاولات والصناعة النسبة هناك أقل من كده كمان وربنا يشفي البقر Tabco