You are here

الشعب مش سلبي للدرجة

Primary tabs

يا نهار مسخرة

كل التزوير ده و المشاركة 10%

بس أنا شايف أن المشاركة الضعيفة جدا جدا جدا جدا دي مش معناها أن الناس مش هاممها

أولا أغلب الناس مش مسجلة و لأسباب الحكومة مسئولة عنها بدرجة عالية

و كمان نسبة لا يعلمها أحد من الجداول يا أما مزيفة يا أما المعلومات ناقصة و لا يمكن مطابقتها على الناخب (يا أخونا ده في مرشحين معرفوش ينتخبوا في دايرتهم عشان الكشوف)

لكن سيبك من ده كله، بتوع الوطني كانوا مازلين يرشوا فلوس و شفنا بعنينا، و أغلب المسجلين ما راحوش الانتخابات، مخدوش فلوس و لا انتخبوا حد غير بتوع الوطني.

و الأخوان اللي حركوا أعداد فعلا برضه أخرهم 6000 ناخب

لكن الأهم الناس المسجلة و ما راحتش، مش عشان سلبية، لا دي مقاطعة، مقاطعة للكل حكومة و أحزاب و معارضة مستقلة و مستقلين مش معارضة و كفاية و اخوان و كله.

دايرة قصر النيل كانت تتكسب ب3000 صوت، محدش من أيتها معارضة يحتكم على 3000 صوت في المنطقة اللي مقرات الأحزاب فيها و بيوت و أشغال و قهاوي السياسيين و المثقفين و الفنانين و ال*ين فيها؟

محدش عرف ولا حتى حاول يحرك أصوات 1982-1986 دول ما شاركوش خالص و رغم أن الموضوع طلع بعته و طلع نسبة ضئيلة منهم اللي مسجلة بس النسبة دي برضه كانت تكسب لو كان حد أقنعهم ينزلوا ولا حتى عبرهم.

في انتخابات الرئاسة و في الانتخابات دي اكتشفنا حقيقة حجم الحزب الحاكم و أدينا بنكتشف حقيقة حجم الأخوان، لكن المصيبة أن كلنا عارفين أن حقيقة حجمنا صفر و مش عارفين نعمل ايه.

أنا مش مع الناس اللي عماله تقول اسكتوا بقى، اللي تم السنتين اللي فاتوا دول مهم، و بغض النظر عن الناس بتبعبع ازاي في الجرايد مفيش حد مش معترف بعمق خيبتنا و المأساة اللي أحنا فيها، لازم دلوقتي نفكر هنشتغل ازاي عشان نخرج من المصيبة دي، هنكسب ثقة الناس ازاي؟

و محدش يقوللي نخبوية و بطيخية، بنقول 3000 يكسبك، يعني لو كانت ميتين أم النخبة نزلت كنا كسبنالنا كام كرسي (و هو ده مصدر قوة الأخوان)، الموضوع مش كبير للدرجة و أي حركة حقيقية هتفتح الطريق لحركة أكتر.

انسوا الأحزاب مفيش منها رجاء، و فكروا معانا ازاي حركات التغيير ممكن توصل لأنها تكسب انتخابات؟ و ازاي ممكن نوقف التزوير؟ و ازاي ممكن نقنع الناس تسجل نفسها؟ و ازاي ممكن ننضف الكشوف الانتخابية ؟

Comments

ياواد ياتقيل
يامشيبهم
بس ياابني بلاش تتعبهم
علشان عمرك ماحتغلبهم

اخوان ولا ليبراليين ولا تجمع ولا وطني وغيره وغيره كل ده منظر من غير نظام ولا فكر وبعدين الاحزاب شكلها كده علشان الشعب نفسه كده يعني الراجل يعمل ايه في شعب مش عايز يشتغل وكل فعله كلام واما بيعمل حاجه مابيسلمشي من كلام العاطلين السياسيين

وبعدين ايه نغير علشان عايزين نغير ديه

والرشوة كلهم دفعوها ياسيدي الفاضل ...ديه لعبه سياسيه علشان يبقي عندنا حرية بس المشكله ازاي وصل الوضع عموما للحد الغريب ده !...

وازاي يسمحوا بنزول الاخوان او يحطوا شعارات لدين ويرجعوا يقولوا مافيش تمييز

رفيق

كلامك مظبوط ميه في الميه يا علاء .. الموضوع تنظيمي اكتر منه اي حاجه تانيه .. اللهم لا شماته .. لكن انا قلت زمان .. ان حركة المعارضه مش مظاهرات و بس.. المعارضه لازم يكون ليها هدف .. مش لاننا اتحرمنا كتير من حق الزعيق .. يبقى نملا الدنيا صريخ و ننسى احنا بنصرخ ليه ..

كان نفسي الحركه الجديده .. الناس المهتمين بالسياسه بس غير المنتمين لاحزاب و دول كتار .. او حتى المنتمين لاحزاب و لكن التغيير اهم عندهم من الايديولوجيات ( بدل الوساخه اللي حصلت في الجبهة و مع الاخوان ) .. كان نفسي ان دول يجمعوا على مرشحين محددين انشالله في دواير معينه .. او ع الاقل كانوا يدعموا المرشحين المحترمين في الاحزاب .. و ساعتها التظاهر كان يبقى ليه هدف

المعارضه استفادت ايه من حركة الشباب و النخبه الاخيره ؟؟ و لا كرسي من العشرين حزب ؟؟؟!!!! احا فعلا

كفايه و احزاب المظاهرات كانت بتستخدم الحركه ليه ؟؟؟ عشان يبانوا ثوريين ؟؟؟ و لا عشان يظهروا قدام الكاميرات باليفط بتاعتهم ؟؟ و بعد ما المظاهره تخلص يرجعوا يشتموا في بعض.. و يحسبوا ازاي حايخدوا كراسي اكتر من التانيين ..

مبارك رمى العضمه للمعارضه و هم قتلوا بعض عليها .. و في النهايه الوطني و الاخوان اكلوا الكعكه كلها ..

..

الحكومه حققت غرضها الذكي . بالسماح لينا كشباب للتنفيس.. عايزيين يصرخوا و يصوتوا شويه يصرخوا .. هم حايعملوا ايه دلوقتي؟؟

..

اللي غايظني ان الحركه كلها بقت حركة رد فعل .. يعني بنستنى نتيجة الانتخابات الرئاسيه عشان نعمل مظاهره . بنستنى الريس يرشح نفسه و نعمل مظاهره .. بقت حركة التغيير الشبابيه ع الاخص في موقع الدفاع على طول .. او بالاصح في الموقع السلبي من المعادله ..

كان نفسي نصنع الاحداث مش نتجاوب معاها ..

و بدل ما نصرخ و نشتم و نندد و نشجب و ننادي بسقوط فلان او علان .. نخلينا عمليين .. و نعمل حاجات تساعد في تحقيق اهدافنا ع الارض

ده لو كان في اهداف اساسا غير الزعيق و الشخط و النطر

بس فالحين نشتكي من التزوير و الوساخه و البلطجه .. طب ماكل ده متوقع و موجود .. و ما حدش تخيل ان الحكومه حاتطبطب علينا و تدينا كراسي بس عشان عملنا مظاهرتين ..

بدل مانشتكي من الوساخه نبص الاول عملنا ايه عشان نوقفها

.. احنا محتاجين كشف حساب باللي حصل من اول الحركه لحد دلوقتي.. و محتاجين كمان نحدد اهدافنا .. احنا عايزيين ايه بالظبط..؟؟

.. و ماحدش بقى يقوللي التحريك لمجرد التحريك .. خلاص ده كان كلام ممكن من كام شهر ..دلوقتي حتى الاخوان استغلوا التحريك و نطوا على تيارات انا زعلان انها لسه بتتحرك بس في القاع ..

معلش بس انا مبقوق

المشكله أن مفيش حد قادر يقدم طرح بحيث يلقط مع الناس لا حكومه ولا معارضه، ليه ميبقاش فيه برلمان شعبى موازى برلمان حقيقى منتخب . فيه نواب بتعبر عن الشعب بجد

بحيث تكون مهامه:

  1. مراقبه الحكومه وطرح النتائج على الرأى العام
  2. عقد محاكمات شعبية للفاسدين والمتهمين فى قضايا التعذيب
  3. تجميع شكاوى الناس ومطالبه النظام بتقديم الحلول
  4. طرح دستور بديل ومطالبة النظام بطرحه للاستفتاء
  5. ده ممكن يكون تجربه ديمقراطيه تقدم للشعب وتخليه يتحرك فى يوم من الأيام

علاء انا معاك فاقدة الأمل في الأحزاب التقليدية وعلشان كده لازم نبتدي حملة أنه كل شخص ناشط أو مشارك أو فارق معاه حركات التغيير يسجل نفسه ويقنع الي حواليه ويساعدهم يسجلوا نفسهم

و اللة يا بنى كلامك اصاب عين الحقيقة و يمكن انا كتبتلك كلام شبية فى تعليق سابق لكن الى انا عاوز اقولهولك علشان بيقى حقانيين و منضحكش على نفسنا ان فى ظاهرة حقيقية ان الحزب الوطنى اللة يولع فية بجاز ابتدى يشتغل بتنظيم حقيقى و بيتحرك بخطوات مدروسة و ان كان من ضمنها التزوير كمان الاخوان و الى اصبحوا القوة السياسية نمرة اتنين بعد الحزب الوطنى و الى مش عارف حيوصلونا لاية المهم الن المطلوب علشان يتحرك المعتدلين اى كانت تياراتهم و انتمائتهم لكسب ثقة الناس و الوصول لهم لازم يكون التحرك دا عام و مدروس ومنظم بعيدا عن الشعارات و الهتافات و المظاهرات المفروض يكون فى عمل جاد و حقيقى منظم سلمى يقترب من الناس و يفعل دورهم و يا ريت ننسى كلام الدعاية بتاع الجبهة الوطنية و الكلام الى اثبت انوا كلام مقرات و و سائل اعلام لم و لن يصل الى الناس و سلملى على النخبة

صباح يوم الأنتخابات ذهب خالى ليستخرج بطاقته الأنتخابيه من القسم التابع له فرفضوا و قالو له ما ينفعش...واحده تانيه....واحد صديق ليه ذهب قبل انتخابات مبارك بحوالى اسبوع علشان يستخرج بطاقه انتخابيه لأول مره قالو له أسفين...لازم تطلع بدل فاقد...مع العلم انه عمره ما استخرج البطاقه الأنتخابيه ابدا...حقيقى...مصر تتحدث عن نفسها...الله يرحمك يا عم نجيب سرور

maho hawa dah el gameel fe el balad .. ya2olak el bat2a el ant7`abiha matatl3sh 3`ir min 1/11 la7ad 31/1 wa b3den lagnt ta3n wa taro7 tastlmha 3la shar 2 aw 3 wa el fatara dih kolha 3or ma hakon fih ant7`abat ;-).. fa ya gam3a ili 3awiz yatl3 el bat2a el ant7`abiha yaro7 fe shahr 11 wa hea keda keda hatnf3 mish hat7`sr.

استنّى لما نشوف نتايج الدقهليّة والوادي الجديد :) ـ R

7awelt keter youm el entekhabat eni antekhb, 2alo lazm el beta2a lazm, lafet e2sam masr el gedida w madinet nasr, mafeesh faida, dawakhoni sa3tien, mo3amla zeft w ehmal bashe3 w kol mowazf beyrmi 3ala el tani 7atta 7awelt atalla3 el beta2a l okhti el metqeyda telqa2i (84), kol wa7ed bey2ol 7aga, elli ye2ol 82, w elli ye2ol 84, w elli ye2ol ma yenf3sh enaharda .. talla3o ro7i .. bas akhdtha fe el akher w eih? edohnai 3adi gedan; la khado raqam beta2etha el shakhseya wala ay 7aga!

ma3na keda en momkn ay 7ad yakhod betta2at ay 3adad men el nas w ye3mel beeha elli howa 3aizoh

Keter awi men el shabab rawa7o beyothom w ma 3rfoosh yentakhbo. el qarar delo2ty eni lazm a3mel el beta2a el entekhabeya fawran, hayfta7o el mawdo3 men el shahr eli gay.

I think you should join existing movement.

you may join MB at this time you will have revolution.

Tayyeb, 7asal wero7t wentakhabt 3am 7azem feldo22i, we tel3et elnatiga feltelefezyon wegornal belleil ennoh kasban, wessob7 2alo la2 di Amal 3osman kesbet. @a3mel 2h 2aktar men keda wennaby :(

Well, all of you are absolutely right. All of those who care should get togther and do something. But what should we do? Where is the starting point?

The presidential elections were devastating, but I thought to myself "it's OK, at least a sense of "hope for change" was created. People are mobilized. We'll manage to get a free parlimanet that would truely monitor the government and eventually, the roots of corruption would be taken out." Now, the last elections is a horrible set back. My God, are we doomed to stay in this for four more years?

I have always thought I'd pack up my gear and leave. Go somewhere else and live nicely. But that's NOT what I really want. Egypt is a very good place to live in. It's my home that had been abused for SO long. The egyptians are inherently good people (if we ignore the change of character that had taken place over the past 50 years for reasons we all know). I can't just leave "my home" to the abusers to do what they want with it! If I hate anything about Egypt, it's how it is being run (or stopped for that matter!).

I admit that what changed my heart was a conversation I had with a Benghali friend who lives in London. He told me "I lived here all my life. There is no where else I can call home, but England isn't my home either. There are so many things that I don't like but there isn't much I can do. Now, you are very lucky to be living here. Egypt is your country and you can do whatever you want with it." Well now, this IS true. There is no where else I can call home. I believe I'm more Egyptian than most of those in office because I'm sincere, I have no stake (other than wanting the best for my country) and I don't abuse being Egyptian. I believe the current regieme is much worse than occupation.

Now something needs to be done. If only someone could show me the way!!!!!!!

يا راجل روح كركر شيشة وكبر دماغ ابو اهلك

شيئ جميل ان الانسان يكون حر في انه يقول رأيه000بس لازم نكون موضوعيين000يعني الواحد يقول اللي ليه و اللي عليه000حتى لو كان في تزوير زي ما كتير مننا فاكرين،هل كان في حد احسن000؟الاجابة:لأ000انا مابقولش ان حد معين ملاك و لا بقول ان عمنا ده هو احسن واحد في الدنيا000بس بردو مش اوحش واحد فيها000 ياريت يا جماعة نتحرر من الوباء النفسي الخطير اللي اسمه البارانويا000مش لازم يبقى كل الناس أعدائنا000ولازم نعرف حاجة مهمة اوي:ان الانسان لازم يقبل البشر زي ما همة مش لازم يبقوا ملايكة000مش ممكن الملايكة يمشوا على الارض00ولا يمكن اننا نخلي الارض جنة000مش ممكن نبقى كلنا المسيح ماشي على الارض000ادينا شفناه ما قدرش يتحمل وحاشتها0000000000بس