You are here

س: لماذا لم تشارك في مظاهرة الأمس

Primary tabs

ج: عشان أنا جبان ابن وسخة و خايف على نفسي لدرجة أني بعمل على روحي كل ما أسمع كلمة مظاهرة

و بعدين أنا بايع القضية و متواطئ مع الأمن كمان

و يا ريت محدش يطلب مني أنشر تنويه أو اعلان عن مظاهرة ثاني أبدا ﻷن بصفتي عميل جبان متخاذل لا يصح أني أشارك في التحريض على التجمهر.

لو حد منكم شافني في مظاهرة ثاني يبقى أنا يا أما جاي بالغلط يا أما جاي أقضي مصلحة يا أما أمن الدولة باعتيني أراقب عليكم.

و على فكرة ده مش تغيير مواقف، أنا طول عمري جبان ولا لي في الموضوع أصلا و كنت واخد المسألة سبوبة و خلاص ربنا فتحها علينا الحمد لله و مفيش داعي للبهدلة بقى.

و يلعن كسمين أم اللي يزعلكم

Comments

بجد مش فاهمك المره دى ياعلاء

دا سخريه وتقريع كالعاده ولا ....

ولو مكانش ممكن توضح ايه اللى حصل ؟ عشان نبقى على نور معاك برده

!!!!!

يا عم أنت راجل بريئ مليكش في الحوارات الحمضانة دي، طنش خاااالص

تعيش البراءة ويسقط الكلام الحمضان

:D

روق يا زعيم !! انت عملت اللي عليك بجد وفكك من الناس الهاطلة

للأسف يا علاء الناس ما بتسمعش ولو سمعت ما بتفهمش ولا فهمت بتتغابى وتعند وتعمل عبيطة

أنا فاكر يوم ندوة التعذيب في المساعدة القانونية إنك قلت إنك تتمنى إن جيلنا ما يقعش في نفس السقطة بتاعة جيل السبعينات ونتعلم من خطأهم وبلاش مزايدات على بعض وبلاش اتهامات العمالة وبلاش لو حد ركن على جنب - لأي سبب - إنه يبقى باع القضية وإنه جبان أو إنه عميل... ساعتها يا عم الحاج إنت قلتها وكأنك بتتنبأ لأن بعدها بأيام جات أحداث الاعتصام المنيل بتاع التحرير اللي العيال اتسحلوا فيه واتخطف مجموعة كبيرة مننا وتاني يوم بدأت المزايدات حتى تم المزايدة على كل من لم يحضر بل وتمادت المزايدات ليتم المزايدة حتى على من لم يحظ بشرف الضرب والاختطاف... وها هي موجة جديدة من المزايدات تهل في مولد الحرية لمنعم ... طبعا كلنا موقفنا من منعم معروف وواضح ومش محتاج مزايدة من حد... المشكلة فعلا إن إفشال المظاهرة بتاعة منعم وبشهادة المدونين الإخوان كان سببه الحقيقي مساعي من تحت لتحت على مستوى الجماعة والتنظيم هي التي بادرت بسحق المظاهرة وإجهاضها في مهدها... يعني الموضوع بسيط جدا... الجماعة كان ليها حساباتها ومصالحها وغلبتها على مصلحة منعم زي ما غلبتها على مصلحة الشاطر والآلاف من رجالها في المعتقلات ... وزي ما انت قلت قلت كدة هو منعم كان بيناضل ويدفع التمن من أجل المشاركة ولا المغالبة؟ يعني بالعربي من أجل موقف حقيقي لكتلة سياسية ربما كانت هي الأقوى في الشارع السياسي أم لمجرد (الأداء المشرف) واللعب بالبيضة والحجر

إلا بالمناسبة بما إنك واخد المضوع سبوبة وخلاص ربنا فتحها عليك والحمد لله... مش عايزين متطوعين عندكوا؟؟؟

أنا محضرتش و مشفتش بس شايفها واسعة قوي مسألة أن الجماعة عملت معرفش ايه ده

الأخوان كيان كبير و محتاجين وقت عشان أصلا ياخدوا قرار، الاعتصام اترتب قبل ميعاده بنصف يوم يا جدعان، ممكن تقوللي ايه المظاهرة اللي أعلن عنها أقل من يوم و نجحت؟

ده حضور فوق العشرين يعتبر نجاح باهر بالنسبة للي اتعمل.

و بعدين من حق الجماعة تختار تتحرك ازاي، أنا بلوم عليهم لما يصرحوا أنهم مش هيتحركوا خالص (سوف نحتسبها عند الله) كأنهم بيرسلوا رسالة عشان الحكومة تطمئن، لكن مينفعش ألوم عليهم عدم المشاركة في الشيئ الفلاني.

متفق معاك... بس بجد هي الجماعة عايزة إيه ولا مستنية إيه عشان تتحرك؟؟ قيادات واتلموا شباب واتسجنوا فلوس واتصادرت ولسة برضه مواقفهم هزيلة جدا من الحريات عموما ومن حرية أفرادهما على وجه التحديد

كل ده وأنا معرفش :-)

كلام بجد إنت ليه بتزعل نفسك من كلام الوحشين مبتعرفش تطنش مع أن كان فى ناس (اللى هو أنا معاهم ) بنجيب فى سيرتك بكل خير والله وبنقول أنك من أكثر الناس فى مصر اللى عندها موهبة إجتماعية

نصيحة بقى : إتعلم التطنيش

ما هو لو كنت طنشت لما واحد صاحبنا عمل زيهم كنت خسرت صداقة افتراضية بعتز بيها :-)

و بعدين كفاية علي بتعلم أطنش سعادة الفاضي عبد الفتاح مراد سيبني أفش غلي شوية.

:-D

طب ما دة كلام بيتقال كتير للكل و اكيد اتقال ليك قبل كدة ... ايه اللى جد ؟

و بعدين جرجس فكرنى بتقريبا احلى كلمة قلتها فى حياتك لما كسفت الراجل بموضوع جيلهم و جيلنا

و كدة كدة انت عامل دور الكترونى .. احسن ما تنزل شارع على الاقل وفرت وقت

صباحك زى وشك يا مصر

http://gemyhood.com

نفسي اعرف انت بترد ليه على اي حد بيقول كده يابني ماتردش

آه منك يا عميل يا خلبوص

بقى طول اليوم عمال تكلمني عشان تعرف هنخلص إمتى وهتلحق تيجي ولا لأ بعد ما تخلص الاجتماع بتاعك, وفي الآخر تطلع أمن دولة ؟! تلاقيك كنت مجتمع مع وليد الدسوقي , الواحد مفروض ميآمنش للكفرة تاني.

فعلا الدار مبقتش أمان يا رجالة .

كنت مجتمع مع طارق صابر مش مع وليد الدسوقي :-)

طارج مين طارج دِه؟

هم مش لغوا قانون الطوارج؟؟؟

إيه ده ياعلاء ياعم إنته لما إتصلت بيك وقلت لك علي موضوع المظاهره إنته قلت لي مش هقدر أجي عشان عندي شغل ، وقلت لي إنه لو بليل هقدر أجي تقوم ترجع في كلامك وتقول إنك كنت قاعد مع طارق صابر علي العموم ، انا كلامي ماكنشي عليك في البوست عندي أنا بتكلم مجموعه 30 فبراير ماشاركتشي ليه " وماتقوليش مافيش حاجه إسمها 30 فبراير " عشان انا بتخنق ساعتها

بص ياعلاء يسقط الإخوان .. تسقط تلاتين فراير .. تسقط كفايه ..يسقط علاء سيف .. يسقط عبد المنعم محمود .. يسقط محمد عادل ... يسقط يسقط حسني مبارك

ايه يا عم علاء واضح والله انك فقدت روح الدعابة ايه التهمه القديمة قوي والحمضانه قوي ده ؟ ده يا راجل من مخلفات الحرب البارده خليك في التهم الجديده الفريش يعني ذي انك اخونجي بس مداري ذي انك عميل للهيومان ريتس وتش في مصر او للعفو الدولية مش تقولي امن دولة وكلام اهبل ويارب ميكنش الكلام ده سببه الي في بالي

اهلا يا علاء هذه اول مشاركه لي في مدونتكم وياريت تقبلني صديق انا معجب بك انت ومنال وافكاركم الجريئة انا عندي مدونه صغيره علي جيران وعايز انقلها عندكم انا مش عارف ارجوا المساعده asfourman2010.jeeran.com [email protected] برجاء الرد عليا في الميل وارشادي لما علا فعه في المستقبل بالنسبه للمدونه الخاصه بي شكراواسف علي الازعاج

يا علاء انت مبضون ليه انا مش فاهم- اللي الناس الهطلة اللي أول حاجة تعملها تقلب على روحها ما تستهلش الرد -يعني الهطل الرسمي انك تعلن من دماغ أهلك عن مظاهرة وبعدين تزعل لما الناس ما تجيش -وده أداء ميت طول عمره - بيدور على خناقة - ياراجل ده واحد بيتنخانق مع الدروبال -يلعن ابو الجنان

-وبعدين ياروح امك انا بعتلك ستين مره علشان تزود دين أم البلوج بتاعى على المجمع اتحايل عليك يعني ولا عشان رحتلي ايطاليا والجزيرة

ارجع للأرض وعيش عيشة أهلك بدل ماشدك

ابو احمد

http://abu-ahmed.blogspot.com/

لو سمحت بلاش بذائات

أنا محتاس تماما في موضوع المجمع و مش عارف أعمل ايه، عدد المدونات هيبقى أكبر من عدد الزوار

خلينا نكبر المدونات وبعدين نركز في زيادة الزوار

وما تزعلش يا عم باهزر معاك سلام يا زميلي

أداء ميت طول عمره ماشي ومشيت عليك حيطه كمان :P علي العموم انا عارف إن علاء كان مرتبط بمواعيد شغل ، وماكنشي هيقدر ينزل مسأله الدروبال ، دي مسأله مبدأ ، وبعدين انا عايز أفهم ، لو الدروبال عاجبك قوي كده ما تشغله بدل ما إنت واخد من عند بلوج بوست

على فكرة بقى أنا كنت في النادي بلعب في المراجيح

كذب وتزوير أنا مسجل لك وإنته بتقول لي إنك عندك شغل وكمان فيه تسجيلات فيديو من جوه الشغل تدل علي إنك كنت ساعتها في الشغل بطل الخصله دي ياعلاء بقي ملحوظه انا بهزر ، ومافيش تسجيلات ولا حاجه :@

والنبي عشان انا مش متابعة

هو حصل حاجة جديدة؟ مالك منفعل ليه؟

انا مش عارفة غير ان اخر واحد اتكلم كده كل الناس ردت عليه وخلاص

حد قال حاجة جديدة؟

مظاهرة ايه بتاعة امبارح؟

ههههههههههه لامؤاخذة اصلي مهيسة بقى انت عارف

اه بتاعة الكي بورد؟

طيب ايه؟ يعني فيه ايه؟

ها؟

محصلش حاجة بالذات، أنا منفعل من فكرة أننا بنعمل في بعض كده، مش مهم بقى مين عملها في مين، بس الواحد كان عبيط و فاكر أن جيلنا هيعمل أخطاء جديدة مش يكرر نفس دين أم أخطاء اللي فاتوا

طب نعمل ايه طيب انا بره مصر بس كل المنتديات اللي مشترك فيها عملت فيها موضوع وبرضه بعت لكل الناس اللي عندي علي الميل وربنا يعين الناس رحمتك يا رب يا تخدوه يا تخدنا

واحد بيحب تراب مصر

يا حبيبى إنت جى الفرح وبرضه غصبن عنك الفرح هايتعمل فى ميدان طلعت حرب وهاتيجى ورجلك فوق الكريمه وهاتلبس بدله وهاتحط جيل من أبو تلاتين جنيه وهاتشد الجماعة معاك وهاتزغرطو إيه بقى فيه إيه وإيه الجديد

ما كلنا فى لحظات معينة بنظن إننا ولاد ديرتى وأجبن من الكلب اللولو وممكن نبقى عملاء جبناء متخاذلين ونقعد ع التكعيبة مع وليد وطارق ونخرلهم كل حاجة لو بس قرصوا علينا شوية وشدونا عند سلومه الاقرع

دى لحظة ضعف متناكة وتتكرر مع الزهق والاحباط وضغوط المحيطين بك

وأحسن علاج للإحباط هو الفرفشة

وبعدين لأنك مدمن احتجاج وحلفت ما تنزل مظاهرات فكان الحل الوسط إننا ندعيك لفرح موازى لجمال بيه الفرح هو اللى موازى لفرح جمال بيه مش لجمال بيه بشخصه إيه اللخبطة دى

بص لو ماجيتش قبل المعاد بنص ساعة هاتلاقى قوات الغفر النظامية شداك وحطاك فى توكتوك وواخداك على ميدان طلعت حرب وهاتنقط هاتنقط