You are here

تحقيقات: السبت 3 يونيو

Primary tabs

التحقيق مع مجموعة 24 أبريل النهارده، و كمان التحقيق مع الشرقاوي

التحقيق مع علاء و مجموعة 7 مايو بكرة

قلق و عياط من غير أسباب واضحة..مغص..حاسة أني مش قادرة أتنفس

مش عارفة لو علاء مخدش إفراج بكرة هيجرالي أيه..قلقانة عليهم كلهم

..

غالبا ملخبطة كل اللي حواليا بالحالات اللي أنا فيها..دوارات متكررة من هدوء و خروج و أنطلاق..بعديها أنهيار تام

زهقت من التقلبات دي .. زهقت من عدم قدرتي على التحكم في نفسي .. زهقت من عدم قدرتي على تخمين حالتي هتبقى عاملة أزاي كمان ساعة

..

و لسة التحقيقات مابتديش

Comments

تم الافراج عن نائل عبدالحميد وايهاب( آسف مش عارف كمالة إسمه) وتجديد حبس أحمد ماهر ومحمد مكى وياسر إسماعيل زكى خمسة عشر يوما على ذمة التحقيق والمحامين مع الشرقاوى رفضوا التحقيق وعرض الشرقاوى وكريم الشاعر يوم الاربعاء 7 يونيو

ربنا معاكى يا منال .. شدى حيلك شوية .. بكرة هتقعدى تضحكى على الأيام دى

الأخت العزيزة منال :

ارجوا ملاحظة أن الافراج او استمرار الحبس امر تقرره مباحث امن الدولة وليس النيابة وذلك بناء على تقديراتهم الخاصة للموقف وكيفيه التعامل مع المحبوسين والضغط عليهم .. هناك شخصيات تحبس لأول مرة ويكون هدف المباحث ممارسة ضغوط عليها حتى لاتضمن انها لن تعود لأى عمل يترتب عليه الحبس .. وهناك شخصيات يعلمون جيدا أن أى ضغوط لن تجدى معهم لذلك استمرار حبس لن يكون مفيد .

لذلك ارجوكى وارجوا الاخوة الذين يكتبون على موقعكم وعلى مواقع المدونين الاخرى أن يكونوا اكثر حذرا فى التعبير عن شعورهم هذه الايام لأن هذه المواقع يتم متابعتها خاصة وانهم أنشأوا مكتب خاص لها .. وكتابة المشاعر بتلاقئية وبساطة يفيدهم فى تحديد الحالات النفسية للمحبوسين ومن ثم التعامل على اساسها وممكن كتابة مثل هذه الكلمات التى كتبتيها يترتب عليها اشياء لا داعى لأن اذكرها هنا .. نفس الشىء بالنسبة لرسائل علاء التى لم تلقى قبول لدى وقد نبهت على الاستاذ سيف أن ينبه على علاء أن يراعى الدقة فى كتاباته هذه الايام فقط هذه الايام .. لا اريدهم أن يشعروا أن هذه الحبسة نتيجتها سيئة على حالة علاء النفسية وعلى اصدقائه وزملائه بل على العكس لابد أن تصلهم نتيجة أن هذه الحبسة قوت المحبوسين ولم تضعفهم .. اى رسالة تحمل معانى غير ذلك سيكون اثرها سىء .. ارجوكم مراعاة ذلك مستقبلا حتى تمر هذه الايام على خير .فى بيانات هذه الرسالة ستجدى عنوانى البريدى وارجوا عدم نشره اذا احتجتى أى شىء اتصلى بى فورا .. نلتقى غدا بأذن الله فى جلسة تجديد الحبس ..

ولكم خالص الشكر والتقدير ..

عضو هيئة الدفاع عن المعتقلين .

منال انا مش هقولك اجمدي لان انا عارف انك اجمد مننا كلنا لما شوفتك يوم الاعتصام وانتي مبتسمة وبسيطة ولذيذة عرفت ان انتي فعلا تستحقي تكوني مرات حد زي علاء ومش هقولك شدي حيلك لان انتي اشد مننا كلنا وانا متأكد من حاجة زي دي بس الي عايز اقولهولك يا منال ان علاء لو شافك ثابتة وقوية هيبقي هو اقوي واصمد فياريت تحطي دي في بالك

منال انا مش عارف اعمل اي حاجة اساعد بيها ولاول مرة اشوف ان مجرد نزولي مظاهرة مش كفاية فحقيقي يا منال لو عهايزة اي حاجة انا تحت امرك في اي وقت وياريت ياريت تطلبي اي حاجة اخدمك بيها عشان فعلا احس اني عملت حاجة للناس اللي بيعملوا عشانا حاجات كتييييييييييييييييييير

وخليكي فاركة يا منال

الحرية جاية اكييييييييييييد رغم عن حسني مبارك وعن عين اهله

سوري يا جماعة بس حابب اوريكم المدونة الجديدة بتاعتي ....ودي بهديها الي علاء والشرقاوي وكل المعتقلين وان شاء الله مستنيك يا علاء عشان تخرج وتطورلي المدونة دي

www.ismmasr.blogspot.com

يا جماعة اللي يعرف منكم ازاي اضيفها علي جوجل ياريت يقولي

أعتقد علاء مش هيكون مبسوط بحالتك دي , حاولي تساعديه بصمودك , كلهم هيطلعوا في الآخر , وكلهم هيرجعوا لأهلم - بإذن الله - رغم أنف أكبر كلب في البلد , حاولي تكملي المشوار لحد النهاية بثبات , و أكيد انتي عارفة إن مئات الأهالي التانيين في نفس موقفك.ـ

ya ret y5rog ya manal albi m3aki ya ret kolohom y5rgou bas enti brdo 7awli tkouni aqwa mn keda

منال .. خليكي أقوي من كده .. احنا حاسين بيكي .. ماتنسيش ان دول اخوتنا كمان ... منال ، متقلقيش و من فضلك خليكي متفائلة و خلي عندك ثقة و امل ..

منال .. لازم تعرفي ان احنا جمبك علي طول لو احتاجتي اي حاجة ...

مش عارفة اقول لك ايه , حاسة بيكي , ان شاء الله يخرجوا , اصلا مابقاش فيه مبرر للحبس http://dblueros.blogspot.com/

هو قدرنا يا صديقتي ... اشعر تماما بما ينتابك من الم وضيق وقلق ... نعيش مرحلة اكثر من صعبة .. لا احاول تهدئتك فأنت بالامس من كان يعطيني الامل .. اشعر بك واعرف انه لا جدوى من اي نصائح وانك بعد قليل ستبكين اكثر وكلما اقترب وقت العرض ستكونين اسوأ. لن اجاملك او احاول ملاطفة مشاعرك ولكن اعلمي انك حتى بقلقك تشكلين مصدر فخر للجميع ...اشكرك انك موجودة لتعبري عنا جميعا ولتكوني مثلا يحتذى به ... معلش مفيش الا الصبر والخضوع للامر الواقع ويا رب تجي النتيجة الاجمل

قلبي معك وحاسة فيكي اكتر مما بتتصوري

http://yasserdaniayafa.blogspot.com/

إذا كان التصرف أهوج ، كانت النتيجة كارثة

هذا ما يجب أن يعيه الجميع

فك الله أسرهم

مع تحيات : لا تراجع ولا استسلام

كمنينا يا منال ... مفيش اي اخبار ؟؟؟ اول ما تعرفي اي حاجة ، من فضلك قولي علي طول

rabna yesabrk ya manal w yrg3lk alaa bel salama..w kol el shabab yokhrogo b alf salama!

علاء راجع مش لمنال بس المرة دية ولخالد كمان وهيكون في إستقبالة كمان..قلوبنا كلنا معاكي